HAMID

الدماغ أعقد حاجة فالجسد البشري اعشيري، الناس شابت في دراسته، طبعا احيانا الانسان يميل للحل الجاهز لتفسير ظواهر معقدة جدا، لانه التفسير المريح لك. لكن العلم، مطالب بتفكيك كل جزئية، مع تعب وجهد للوصول للتفسير الاقرب، بلا تفسيرات جاهزة مسبقا.

عقلية قصف الجبهات، ولقد قصفته، موجودة عند التراس المشاهير، ممكن راك كاتب هري في الرد على طبيب عنده ابحاث، وواحد قاري نورولوجي، ومع ذلك تلقا واحد يعلق على هبدك، لقد افحمته، ناس تتغذى على مقاطع القصف.

نظن اتباع دعدوش راهم يديزابونيو لازم نوافقوهم في كل شيء، او الجماعة لي متوقعين ننشر الثقافيزم فقط ، ولازم الكاريزما الهيهاتية الثقافية وعدم نشر الفوت ، اعد قراءة البلاكة الحمرا اساط "ما تريد معرفته أنا لا أنشره"

كانت مباراة بعنوان، بونو و 10 خشيبات. اداء كارثي، كنت نتوقع يتقصى المغرب، لكن على الاقل يقدم اداء شبيه باداء مصر، عن طريق المرتدات، لكن اداء شغل فرنسا كانت تلعب وحدها. ماعجبونيش ليوم، هاردلك للمغاربة.

الهدف الثاني للحاج ديمبيلي، صراحة فرنسا مرعبة عندها ثلاثي مرعب هجوميا كامل بالون دور ، وهجوميا المغرب مادارت تا وزة، الدفاع تاعك بقا غي يستقبل الضغط. بونو الوحيد الموجود لباقي غياب تام

تسجيل الدكتاتور مبابي، صراحة المغرب هجوميا خارج الاطار، كنت ندري رحيمي راو يلعب هدا وين دخل، هدا وين تولهت راو يلعب بخطة بيتكوفيتش بلا مهاجم صريح. وهبي هلك جد باباها

أسوأ شوط للمغرب فالمونديال، تسديدة واحدة فقط مقابل اكثر من عشرة من فرنسا، نظن بلاصة الصابيري بانت، هو لي كان يدوموندي لابال من عند الخنوس واوناحي في ظهر المدافعين. نتمناو وهبي يدير شي حاجة، عفوا نسيت رانا نشجعوا فرنسا .

وشيه فرنسا راهي ماكلة اللعب، دير شي حاجة اسي وهبي.

بونو اسطووورة

الكونطر خطة تشجيع فرنسا الخوت

مشاهدة المغرب افضل من الدخول في جدليات الاسلاميين، قلت مانعلقش على الموضوع، ونشد فمي، لكن الله غالب، لقيت مقطعه يدور في مجموعات التلحود، ومخانيث الالحاد، ويحرشوا.

دعدوش من البارح وانا نسمع في مقطعه تاع الجن وعلاقتهم بالعلم الحديث، صدقوني اخوتي دريتها مع لول IA ، مكانش جماعة تراقبلك المقاطع قبل ما تطلقها معمرة هبد ؟ صدقني دخل الميمز عند الملاحدة وشوية المعتوهين من بابه الواسع، مينذاك الواحد لما يكتسب شهرة في مجال يحسنه، يحاول يدخل لمجالات اخرى بدون بضاعة، بدأ يتدخل في الحديث في علم النفس، فهاج عليه الأطباء، وأنا اوافقهم لحد بعيد، يارجل ريح في مجالك واش داك. تخيل واحد مريض باضطراب الهوية التفارقي، ونتا جامي قريت عليه، تزيد تعززلوا فكرة الجن لي يسكنه، وهو يحتاج أصلا نفي ذلك. مسالة الجني ودخوله الانسي دخلوها المتقدمين كتب العقيدة، كيما دهلوا نسألة النسح على الخفين مخالفة للشيعة وهي مسألة فرعية، ومثل ما دخلوا مسالة الخروج، وهي خلافية فقهية، اختلف فيها الصحابة والتابعون، ولكن لما صارت شعارا للخوارج وهم مذهب عقدي متكامل دخلوها في باب العقيدة، فتم تضهيمها كان كل قائل بها خارجي بالمعنى العقدي. نفس الشيء مسالة التلبس، اكثر من عرف بانكارها المعتزلة، وقد نقل الرازي كلاما متينا للجبائي المعتزلي في انكارها، لكن ليس المعتزلة فقط من انكرها، يوجد الامام القفال الشافعي، وامام الحنابلة في زمانه القاضي أبو يعلى، والامام البيضاوي الشافعي ووافق في ذلك الزمخشري. وقال بذلك كثير من المعاصرين، وفي فتاوى احمد حماني تلميذ بن باديس، انكار ذلك. فالمسألة ليست من اصول الدين، فضلا عن كونها متعلقة بالعلمويين، والمادية الصلبة، فهل المعتزلة علمويون ؟ بل هل من قال بها ممن يباينهم كابي يعلى والقفال والبيضاوي كانوا علمويين؟ معلش تتبنى رأي معين لك ذلك، لكن تتهجم على الأطباء وتسفه كل واحد يقول بخلاف قولك، بعض التعليقات عنده قريب تنفي الايمان عمن ينكر ذلك. وانكار النزعة العلموية، هناك كتب متينة نقدتها، مش بالشكل المقدم كانها مؤامرة من الشيطان، تجعل طرحك اضحوكة. فغفر الله له

يضرب المعاصرون نثلا في فوائد الزواج للرجل أن ديمبيلي من يوم تزوج المغربية، راحولوا الاصابات، وأخذ البالون دور. ليوم ماراحش يتحرك بما أن المغربية تشجع بلادها، فيها خير الخوت، ليوم تعاود ترجعلوا لعنة الاصابات.

شجعنا جميع المنتخبات ضد ميسي، ربح الحلوف. الحل مع ولد فايزة مبابي واوليزي، هو كونطر خطة، بتشجيعه، فيها خير الخوت لمغاربة.

تم جمع المبلغ المطلوب في مدة وجيزة ولله الحمد، نتوقف عن استقبال التبرعات لهذه الحالة. ان شاء الله نلتقي في مبادرات قادمة. الله يعطيكم العافية، بيضتم وجوهنا، تقبل الله صدقاتكم.

شفت فيديو السائح الماليزي لي حبسوا واحد كهل في قسنطينة قاله واش تصور فينا وفي الناس طفي طفي. تفكرت وقت سنوات ماضية كنت فسكيكدة، مركز تاع الدرك بعيد بمسافة الف كيلمومتر، ويجيني الدركي المغوار، شافني نصور فمنظر شباب من فوق الكورنيش، قالي طفي علاه تصور فالكازيرنة. يا الشكوبي حوب الله لي عندو الدرونز برك، راو عارف جد يمات احداثيات كازيرنات الاحتلال ومدايرلها مسح جوي، وين يا عصر الاقمار وتطورها، بلا جدك عارف السليب تاعك واش لونها، وفي اي يوم شريتها من سوق بومعطي، نتا مازلت خايف من سائح يصور مشهد سياحي، وتشوف درون سياحية تقول الماسونية او جاسوس يخترق فينا. بركاونا

مفروض تخلصوني حق التنوع لي دايره في هاد القناة، مستوى ثقافي وكتب فاخرة، اضافة مدايرلكم ستاند اب كوميدي فاخر، لكن هيهات لا تعرفون القيمة.

الفرنسي، الراء حرص يخرجها من مخرجها المعتاد، ديال راني خشين فالتلاوة وداك الشي.

شوالا هدا يا خرا