ScienceEdu.-PTEC

វិទ្យាស្ថានគរុកោសល្យរាជធានីភ្នំពេញ មហាវិទ្យាល័យអប់រំវិទ្យាសាស្ត្រ ដេប៉ាតឺម៉ង់វិទ្យាសាស្ត្រ កម្មវិធីអប់រំគ្រូបង្រៀនកម្រិតបឋមសិក្សា ថ្នាក់បរិញ្ញាបត្រអប់រំ ដោយគរុនិស្សិតបឋមថ្នាក់ DIII ដឹកនាំដោយអ្នកគ្រូឧទេ្ទស៖ អ្នកគ្រូ មុំ សុភាព និងលោកគ្រូ សៀង ប៊ុនធឿន មុខវិជ្ជា៖ វិទ្យាសាស្ត្របឋម សប្ដាហ៍ទី៖ 07 - ប្រធានបទ៖ ទ្រឹស្ដីស្គីម៉ា (The Schema Theory) I. វត្ថុបំណង - វិជ្ជាសម្បទា ៖ កំណត់ពីនិយមន័យ និងសារៈសំខាន់នៃទ្រឹស្ដីស្គីម៉ា (The Schema Theory)។ -បំណិនសម្បទា៖ អនុវត្តបានអំពីដំណើរការក្នុងមេរៀនវិទ្យាសាស្រ្ត។ -ចរិយាសម្បទា៖ យកចិត្តទុកដាក់ក្នុងខ្លឹមសារនៃទ្រឹស្តីស្គីម៉ា (The Schema Theory) ។ II. លទ្ធផលសិក្សា បន្ទាប់ពីបញ្ចប់មេរៀន គរុនិស្សិតអាច÷ -ពន្យល់បានពីនិយមន័យទ្រឹស្ដីស្គីម៉ា (The Schema Theory) -កំណត់បានអំពីគោលការណ៍គ្រឹះ និងសារៈសំខាន់នៃទ្រឹស្ដីស្គីម៉ា (The Shcema Theory) វ.គ.ភ ដេប៉ាតឺម៉ង់វិទ្យាសាស្ត្រ ថ្ងៃសុក្រ ទី២៥ ខែ កញ្ញា ឆ្នាំ២០២៦

ទស្សនកិច្ចផ្លូវការរបស់គណៈប្រតិភូអង្គការ UNESCO នៅវិទ្យាស្ថានគរុកោសល្យរាជធានីភ្នំពេញ --- នាព្រឹកថ្ងៃទី២៥ ខែកញ្ញា ឆ្នាំ២០២៦ វិទ្យាស្ថានគរុកោសល្យរាជធានីភ្នំពេញ (PTEC) បានទទួលស្វាគមន៍យ៉ាងកក់ក្តៅចំពោះ ឯកឧត្តម Flavio Bonetti ប្រធានប្រចាំប្រទេសនៃអង្គការយូណេស្កូ (UNESCO) ព្រមទាំងប្រតិភូអមដំណើរ ក្នុងដំណើរទស្សនកិច្ច និងពិភាក្សាការងារ ក្រោមអធិបតីភាព លោក ង៉ោ ប៉េងឡុង អគ្គនាយករង នៃអគ្គនាយកដ្ឋានបណ្ដុះបណ្ដាលនិងវិក្រឹតការ និងជាប្រធានសមាសភាគ C1 & C4 នៃក្រសួងអប់រំ យុវជន និងកីឡា ដោយមានការអញ្ជើញចូលរួមផងដែរពីសំណាក់នាយកដ្ឋានពាក់ព័ន្ធ គណៈគ្រប់គ្រង និងគ្រូឧទ្ទេស នៃវិទ្យាស្ថាន។ ជំនួបនេះធ្វើឡើងក្នុងគោលបំណងពិនិត្យមើលវឌ្ឍនភាពនៃការអនុវត្តសកម្មភាពអាទិភាព ក្រោម គម្រោង STEPCam II (សមាសភាគ ១ និង ៤) ដែលផ្តោតលើការកែទម្រង់គ្រូបង្រៀន។ ក្នុងឱកាសនោះ ភាគីទាំងពីរបានពិភាក្សាលើលទ្ធផលការងារសម្រេចបាន ក៏ដូចជាទិសដៅបន្តដើម្បីពង្រឹងគុណភាពអប់រំនៅកម្ពុជា។ លោក ង៉ោ ប៉េងឡុង បានសម្តែងនូវកិច្ចស្វាគមន៍យ៉ាងកក់ក្តៅ និងបានថ្លែងអំណរគុណយ៉ាងជ្រាលជ្រៅជូនចំពោះអង្គការ UNESCO ដែលបានបន្តគាំទ្រយ៉ាងសកម្មដល់ក្រសួងអប់រំ យុវជន និងកីឡា ក្នុងការលើកកម្ពស់សមត្ថភាពគ្រូបង្រៀន និងការអភិវឌ្ឍហេដ្ឋារចនាសម្ព័ន្ធបច្ចេកវិទ្យាអប់រំ។ ជាការឆ្លើយតប ឯកឧត្តម Flavio Bonetti បានវាយតម្លៃខ្ពស់ចំពោះកិច្ចខិតខំប្រឹងប្រែង និងវឌ្ឍនភាពគួរឱ្យកត់សម្គាល់របស់ក្រសួងអប់រំ យុវជន និងកីឡា ក៏ដូចជា វិទ្យាស្ថានគរុកោសល្យរាជធានីភ្នំពេញ ក្នុងការអនុវត្តគម្រោងប្រកបដោយប្រសិទ្ធភាព។ បន្ទាប់ពីជំនួបពិភាក្សាគ្នាប្រកបដោយបរិយាកាសស្និទ្ធស្នាល គណៈប្រតិភូបានអញ្ជើញចុះសង្កេតមើលសកម្មភាពជាក់ស្តែង រួមមាន៖ - ការចុះសង្កេតថ្នាក់រៀន MEd៖ ពិនិត្យមើលដំណើរការអនុវត្តកម្មវិធីបណ្តុះបណ្តាលកម្រិតបរិញ្ញាបត្រជាន់ខ្ពស់អប់រំ (MEd) នៅអគារវិទ្យាសាស្ត្រ និងបានសំណេះសំណាលយ៉ាងជិតស្និទ្ធជាមួយគ្រូឧទ្ទេស និងគរុនិស្សិត។ - ការពិនិត្យទីតាំងរៀបចំ EdTech Hub៖ ចុះពិនិត្យទីតាំង ដែលគ្រោងនឹងកែលម្អទៅជា EdTech Innovation Hub ដើមី្បគាំទ្រដល់ការស្រាវជ្រាវ និងការច្នៃប្រឌិតបច្ចេកវិទ្យាអប់រំឌីជីថល។ ដំណើរទស្សនកិច្ចនេះបានបញ្ចប់ទៅដោយបរិយាកាសរីករាយ និងស្តែងឱ្យឃើញពីកិច្ចសហប្រតិបត្តិការយ៉ាងជិតស្និទ្ធ និងការប្តេជ្ញាចិត្តយ៉ាងមុតមាំរវាងក្រសួងអប់រំ យុវជន និងកីឡា អង្គការ UNESCO និងវិទ្យាស្ថានគរុកោសល្យរាជធានីភ្នំពេញ ដែលជាដៃគូអនុវត្ត ក្នុងការលើកកម្ពស់គុណភាពអប់រំគ្រូបង្រៀននៅកម្ពុជា ។ www.ptec.edu.kh 📱 https://www.facebook.com/ptec.edu ✉️ info@ptec.edu.kh 📱 https://t.me/PhnomPenhTeacherEducationCollege

វិទ្យាស្ថានគរុកោសល្យរាជធានីភ្នំពេញ មហាវិទ្យាល័យអប់រំវិទ្យាសាស្ត្រ ដេប៉ាតឺម៉ង់វិទ្យាសាស្ត្រ កម្មវិធីអប់រំគ្រូបង្រៀនកម្រិតមធ្យមសិក្សា ថ្នាក់បរិញ្ញាបត្រអប់រំជីវវិទ្យា សម្រាប់គរុនិស្សិតជីវវិទ្យា ឆ្នាំទី3 ជំនាន់ទី4 ឆមាសទី1 សប្តាហ៍ទី៦ »ដឹកនាំដោយ គ្រូឧទ្ទេស: ជន សុគន្ធារី » មុខវិជ្ជា៖ ជីវវិទ្យា(កោសិកាវិទ្យា) ទ្រឹស្ដី »ប្រធានបទ: ៖ នានាភាពនៃកោសិការស់៖ ទំនាក់ទំនងរវាងទម្រង់រូបរាងនិងនាទីនៃប្រភេទកោសិកាផ្សេងៗ (កោសិកាសត្វនិងកោសិការុក្ខជាតិ) ឯកទេសជីវវិទ្យា ក្រុមទី៥ (រ៉ា ឌីណា, សៅ គីមសួគ៌) +វត្ថុបំណង 👉 វិជ្ជាសម្បទា៖ ប្រាប់ពីទម្រង់ និងរូបរាងនៃកោសិកាសត្វ និងកោសិការុក្ខជាតិ (កោសិកាស្លឹកចកកន្ទុយឆ្កែ) បានត្រឹមត្រូវ។ 👉 បំណិនសម្បទា៖ សង្កេត ប្រៀបធៀប និងបកស្រាយពីទំនាក់ទំនងរវាងរូបរាង រចនាសម្ព័ន្ធ ទំហំ និងនាទីនៃកោសិកាសត្វនិងកោសិការុក្ខជាតិ ព្រមទាំងចេះគណនាទំហំពិត​នៃកោសិកាក្រោម​មីក្រូទស្សន៍។ 👉 ចរិយាសម្បទា៖ មានស្មារតីប្រុងប្រយ័ត្ន ទទួលខុសត្រូវ និងរក្សាអនាម័យក្នុងដំណើរការពិសោធន៍។ ដេប៉ាតឺម៉ង់វិទ្យាសាស្ត្រ វ.គ.ភ ថ្ងៃទី ២១ ខែ កញ្ញា ឆ្នាំ២០២៦

វិទ្យាស្ថានគរុកោសល្យរាជធានីភ្នំពេញ មហាវិទ្យាល័យអប់រំវិទ្យាសាស្ត្រ ដេប៉ាតឺម៉ង់វិទ្យាសាស្ត្រ កម្មវិធីអប់រំគ្រូបង្រៀនកម្រិតមធ្យមសិក្សា ថ្នាក់បរិញ្ញាបត្រអប់រំជីវវិទ្យា សម្រាប់គរុនិស្សិតជីវវិទ្យា ឆ្នាំទី3 ជំនាន់ទី4 ឆមាសទី1 សប្តាហ៍ទី៣ »ដឹកនាំដោយ គ្រូឧទ្ទេស: ជន សុគន្ធារី » មុខវិជ្ជា៖ ជីវវិទ្យា(កោសិកាវិទ្យា) ទ្រឹស្ដី »ប្រធានបទ: ពិនិត្យវ៉ាគុយអូលរបស់ប្រទាលល័ក្ខ ឯកទេសជីវវិទ្យា ក្រុមទី២ (អុីប ស្រីណុច. ឆុន ម៉ានីនាថ) +វត្ថុបំណង 👉វិជ្ជាសម្បទា៖ ពណ៌នាពីទម្រង់ នាទីស្ដុកជាតិពណ៌អង់តូស៊ីយ៉ានីនរបស់វ៉ាគុយអូល និងពន្យល់ពីបាតុភូត ប្លាស្ម៉ូលីស (ការរួមតូច) និងដេប្លាស្ម៉ូលីស (ការរីកប៉ោងឡើងវិញ) នៃវ៉ាគុយអូលបានត្រឹមត្រូវ។ 👉បំណិនសម្បទា៖ អនុវត្តការពិសោធ (ការបកអេពីឌែមស្លឹកប្រទាលល័ក្ខ ការបន្តក់ផ្លាស់ប្តូរ សូលុយស្យុងលើបន្ទះឡាម) និងការប្រើប្រាស់មីក្រូទស្សន៍ដើម្បីសង្កេតប្រៀបធៀបបម្រែបម្រួល វ៉ាគុយអូល ទាំង ៣ ដំណាក់កាលបានស្ទាត់ជំនាញ។ 👉ចរិយាសម្បទា៖ បណ្តុះស្មារតីស្រឡាញ់ការស្រាវជ្រាវបែបរិះរក មានទម្លាប់ធ្វើពិសោធន៍ប្រកបដោយ ការប្រុងប្រយ័ត្ន និងអនុវត្តតាមគោលការណ៍សុវត្ថិភាពក្នុងបន្ទប់ពិសោធន៍។ ដេប៉ាតឺម៉ង់វិទ្យាសាស្ត្រ វ.គ.ភ ថ្ងៃទី ១៦ ខែ កញ្ញា ឆ្នាំ២០២៦

វិទ្យាស្ថានគរុកោសល្យរាជធានីភ្នំពេញ មហាវិទ្យាល័យអប់រំវិទ្យាសាស្ត្រ ដេប៉ាតឺម៉ង់វិទ្យាសាស្ត្រ កម្មវិធីអប់រំគ្រូបង្រៀនកម្រិតមធ្យមសិក្សា ថ្នាក់បរិញ្ញាបត្រអប់រំជីវវិទ្យា សម្រាប់គរុនិស្សិតជីវវិទ្យា ឆ្នាំទី3 ជំនាន់ទី4 ឆមាសទី1 សប្តាហ៍ទី04 »ដឹកនាំដោយ គ្រូឧទ្ទេស: ជន សុគន្ធារី »មុខវិជ្ជា៖ ជីវវិទ្យា(កោសិកាវិទ្យា) ទ្រឹស្ដី »ប្រធានបទ: ប្រភេទសូលុយស្យុងជុំវិញកោសិកា បទបង្ហាញ ដោយគរុនិស្សិត ឯកទេសជីវវិទ្យា ក្រុមទី៣(ផល ផានិត សុីម ចំរុង) +វត្ថុបំណង 👉វិជ្ជាសម្បទា: កំណត់និងប្រៀបធៀបលក្ខណៈនៃសូលុយស្យុងអ៊ីប៉ូតូនិច អ៊ីសូ តូនិច នឹងអ៊ីពែតូនិច ព្រមទាំងពន្យល់ពីទិសដៅចលនាំទឹក និងបាតុភូតអូស្មូស បានត្រឹមត្រូវតាមរយៈការពិសោធន៍ និងការពិភាក្សា។ 👉បំណិនសម្បទា៖ អនុវត្តការពិសោធន៍ វាស់វែងប្រវែង គណនា បម្រែបម្រួលប្រវែង គូសក្រាប និងវិភាគលទ្ធផលដើម្បីបង្ហាញពី ឥទ្ធិពលនៃមជ្ឈដ្ឋាននីមួយៗលើកោសិការក្ខជាតិ។ 👉ចរិយាសម្បទា៖ ចូលចិត្ត និងមានទម្លាប់ធ្វើពិសោធន៍បែបវិទ្យាសាស្ត្រ រិះរក តាមសម្មតិកម្ម មានស្មារតីសហការក្រុម នឹងចេះអនុវត្តចំណេះដឹងក្នុង ជីវភាពប្រចាំថ្ងៃ (កសិកម្ម និងវេជ្ជសាស្ត្រ)។ ដេប៉ាតឺម៉ង់វិទ្យាសាស្ត្រ វ.គ.ភ ថ្ងៃទី ១៤ ខែ កញ្ញា ឆ្នាំ២០២៦

ទស្សនកិច្ចផ្លូវការរបស់គណៈប្រតិភូព្រឹទ្ធសភានៃប្រទេសជប៉ុន នៅវិទ្យាស្ថានគរុកោសល្យរាជធានីភ្នំពេញ — នារសៀលថ្ងៃទី១៦ ខែកញ្ញា ឆ្នាំ២០២៦ វិទ្យាស្ថានគរុកោសល្យរាជធានី ភ្នំពេញបានទទួលស្វាគមន៍គណៈប្រតិភូព្រឹទ្ធសភានៃប្រទេសជប៉ុន ក្នុងដំណើរទស្សនកិច្ចពាក់ព័ន្ធនឹងជំនួយអភិវឌ្ឍន៍ផ្លូវការ (ODA) ក្រោមអធិបតីភាពដ៏ខ្ពង់ខ្ពស់ ឯកឧត្តមបណ្ឌិតសភាចារ្យ ណាត ប៊ុនរឿន រដ្ឋលេខាធិការ ក្រសួងអប់រំ យុវជន និងកីឡា និងមានការអញ្ជើញចូលរួមពីសំណាក់ឯកឧត្តម លោកជំទាវ ថ្នាក់ដឹកនាំក្រសួង និងគណៈគ្រប់គ្រង គ្រូឧទ្ទេស និងគរុនិស្សិតនៃវិទ្យាស្ថានគរុ​កោសល្យរាជធានីភ្នំពេញ តំណាងស្ថានទូតជប៉ុនប្រចាំកម្ពុជា និងតំណាងអង្គការ JICA​ផងដែរ។ ឯកឧត្តមបណ្ឌិតសភាចារ្យ រដ្ឋលេខាធិការ បានសម្ដែងនូវកិច្ចស្វាគមន៍យ៉ាងកក់ក្ដៅចំពោះគណៈប្រតិភូព្រឹទ្ធសភានៃប្រទេសជប៉ុន និងបានបង្ហាញពីវឌ្ឍនភាពអប់រំនៅកម្ពុជា ពិសេសគុណភាពនៃការបណ្ដុះបណ្ដាលគ្រូបង្រៀនដែលមានភាពប្រសើរឡើងគួរឱ្យកត់​សំគាល់ក្នុងទស្សវត្តន៍ចុងក្រោយ អំឡុងពេលក្រសួងអប់រំ យុវជន និងកីឡាបានដាក់ចេញនូវកំណែទម្រង់ស៊ីជម្រៅចាប់ពីឆ្នាំ២០១៤មក។ ជាមួយគ្នានេះដែរ ឯកឧត្តមបណ្ឌិតសភាចារ្យ ក៏បានថ្លែងអំណរគុណយ៉ាងជ្រាសជ្រៅជូនចំពោះរាជរដ្ឋាភិបាល និងប្រជាជនជប៉ុន ដែលបាន​ផ្ដល់ជំនួយឥតសំណងដល់កម្ពុជាក្នុងការបង្កើតបាននូវវិទ្យាស្ថានគរុកោសល្យរាជធានីភ្នំពេញ និងបាត់ដំបង ​និងបានជួយកសាងកម្មវិធីបណ្ដុះ​បណ្ដាល​គ្រូបង្រៀន​ថ្នាក់បរិញ្ញាបត្រ (១២+៤)ប្រកបដោយគុណភាពខ្ពស់ ហើយបច្ចុប្បន្នរាជរដ្ឋាភិបាលជប៉ុនក៏កំពុងបន្តជួយបង្កើត​វិទ្យាស្ថានគរុកោសល្យកំពង់ចាមមួយបន្ថែមទៀតផងដែរ។ សមិទ្ធផលទាំងនេះគឺពិតជាមានតម្លៃមិនអាចកាត់ថ្លៃបានសម្រាប់ប្រទេស​កម្ពុជា ដែលជួយក្នុងការផលិតបាននូវធនធានគ្រូបង្រៀនប្រកបដោយសមត្ថភាពខ្ពស់ សំដៅទៅកសាងបាននូវមូលធានមនុស្សប្រកបដោយ​ប្រសិទ្ធភាព ឆ្លើយតបយុទ្ធសាស្រ្តបញ្ចកោណរបស់រាជរដ្ឋាភិបាលកម្ពុជា។ ឯកឧត្តម HIGASHINO Hideki ប្រធានគណៈប្រតិភូព្រឹទ្ធសភារនៃប្រទេសជប៉ុន បានសម្ដែងនូវការកោតសរសើរដល់ក្រសួង​អប់រំ​យុវជន និងកីឡា រួមជាមួយវិទ្យាស្ថានគរុកោសល្យរាជធានីភ្នំពេញ ដែលបានប្រើប្រាស់ជំនួយរបស់ប្រទេសជប៉ុនប្រកបដោយប្រសិទ្ធភាព បង្កើនបាន​នូវវឌ្ឍនភាពគុណភាពអប់រំល្អប្រសើរ ពិសេសលើកំណែទម្រង់បណ្ដុះបណ្ដាលគ្រូបង្រៀន។ ឯកឧត្តមសង្ឃឹមថា ផ្ដើមពី​ការគាំទ្រ​នេះ ប្រទេសកម្ពុជានឹងទទួលបានការរីកចម្រើនយ៉ាងឆាប់រហ័ស​ទាំងផ្នែកធនធានមនុស្ស និងផ្នែកសេដ្ឋកិច្ចនាពេលអនាគតដ៏ខ្លីខាងមុខ។ បន្ទាប់ពីជំនួបពិភាក្សាគ្នាប្រកបដោយភាតរភាពរួចមក គណៈប្រតិភូបានអញ្ជើញទស្សនកិច្ចពិនិត្យមើលសកម្មភាពសិក្សារបស់គរុនិស្សិត​ដោយផ្ទាល់នៅក្នុងបន្ទប់ពិសោធន៏ថ្នាក់គីមីវិទ្យា និងថ្នាក់ជីវវិទ្យា និងនៅបណ្ណាល័យ។ ដំណើរទស្សនកិច្ចនេះបានបញ្ចប់ទៅដោយបរិយាកាសស្និទ្ធស្នាល និងឆ្លុះបញ្ចាំងពីកិច្ចសហប្រតិបត្តិការយ៉ាងជិតស្និទ្ធរវាងកម្ពុជា និងជប៉ុន ក្នុងការលើកកម្ពស់វិស័យអប់រំ និងការបណ្តុះបណ្តាលគ្រូបង្រៀននៅកម្ពុជា។ www.ptec.edu.kh 📱 https://www.facebook.com/ptec.edu ✉️ info@ptec.edu.kh 📱 https://t.me/PhnomPenhTeacherEducationCollege

សិក្ខាសាលាស្តីពី «ការសរសេរនិងការបោះពុម្ពអត្ថបទស្រាវជ្រាវ» -- នាព្រឹកថ្ងៃទី១៧ ខែកញ្ញា ឆ្នាំ២០២៦ វិទ្យាស្ថានគរុកោសល្យរាជធានីភ្នំពេញ បានរៀបចំសិក្ខាសាលាស្តីពី «ការសរសេរនិងការបោះពុម្ពអត្ថបទស្រាវជ្រាវ» សម្រាប់និស្សិតថ្នាក់បរិញ្ញាបត្រជាន់ខ្ពស់អប់រំ ដោយមានលោកបណ្ឌិត ឈិញ នីដា បានអញ្ជើញជាវាគ្មិនកិត្តិយស ក្នុងការចែករំលែកចំណេះដឹង និងបទពិសោធទាក់ទងការសរសេរនិងបោះពុម្ពអត្ថបទស្រាវជ្រាវ។   សិក្ខាសាលានេះមានគោលបំណងផ្តល់ជូនបន្ថែមដល់និស្សិតនូវចំណេះដឹង និងបំណិន ដោយផ្តោតលើចំណុចសំខាន់ៗរួមមាន៖ (១) បច្ចេកទេសគន្លឹះក្នុងការសរសេរអត្ថបទស្រាវជ្រាវបែបវិទ្យាសាស្ត្រប្រកបដោយគុណភាព (២) នីតិវិធី និងដំណាក់កាលសំខាន់ៗក្នុងការដាក់ស្នើអត្ថបទដើម្បីបោះពុម្ពផ្សាយ និង (៣) ការលើកកម្ពស់គុណភាពស្រាវជ្រាវ និងការរៀបចំអត្ថបទស្រាវជ្រាវដើម្បីឆ្លើយតបទៅនឹងការបោះពុម្ពផ្សាយកម្រិតជាតិ និងអន្តរជាតិ។ វ.គ.ភ. | ១៧ កញ្ញា ២០២៦ www.ptec.edu.kh 📱 https://www.facebook.com/ptec.edu ✉️ info@ptec.edu.kh 📱 https://t.me/PhnomPenhTeacherEducationCollege

វិទ្យាស្ថានគរុកោសល្យរាជធានីភ្នំពេញ មហាវិទ្យាល័យអប់រំវិទ្យាសាស្ត្រ ដេប៉ាតឺម៉ង់វិទ្យាសាស្ត្រ កម្មវិធីអប់រំគ្រូបង្រៀនកម្រិតបឋមសិក្សា ថ្នាក់បរិញ្ញាបត្រអប់រំ ដោយគរុនិស្សិតបឋមថ្នាក់ AIII ដឹកនាំដោយអ្នកគ្រូឧទេ្ទស៖ អ្នកគ្រូ សៀង សុខារី និង អ្នកគ្រូ នូវ សុផល មុខវិជ្ជា៖ វិទ្យាសាស្ត្របឋម សប្ដាហ៍ទី៖ ៦ - ប្រធានបទ៖ ទ្រឹស្ដីមិនឯករាជ្យ(The Context dependency) I. វត្ថុបំណង - វិជ្ជាសម្បទា ៖ កំណត់ពីនិយមន័យ ឧទាហរណ៍ និងសារៈសំខាន់នៃទ្រឹស្ដីមិនឯករាជ្យ(The Context dependency)។ -បំណិនសម្បទា៖ អនុវត្តបានអំពីដំណើរការក្នុងមេរៀនវិទ្យាសាស្រ្ត។ -ចរិយាសម្បទា៖ យកចិត្តទុកដាក់ក្នុងខ្លឹមសារនៃទ្រឹស្ដីមិនឯករាជ្យ(The Context dependency) ។ II.  លទ្ធផលសិក្សា បន្ទាប់ពីបញ្ចប់មេរៀន គរុនិស្សិតអាច: -យល់បានពីនិយមន័យទ្រឹស្ដីមិនឯករាជ្យ(The Context dependency) -កំណត់បានអំពីគោលការណ៍គ្រឹះ និងសារៈសំខាន់នៃទ្រឹស្ដីមិនឯករាជ្យ(The Context dependency) វ.គ.ភ ដេប៉ាតឺម៉ង់វិទ្យាសាស្ត្រ ថ្ងៃព្រហស្បតិ៍ ទី១៧ខែ កញ្ញា ឆ្នាំ២០២៦

វិទ្យាស្ថានគរុកោសល្យរាជធានីភ្នំពេញ មហាវិទ្យាល័យអប់រំវិទ្យាសាស្ត្រ ដេប៉ាតឺម៉ង់វិទ្យាសាស្ត្រ ---------------------------- កម្មវិធីអប់រំគ្រូបង្រៀនកម្រិតមធ្យមសិក្សា ថ្នាក់បរិញ្ញាបត្រអប់រំជីវវិទ្យា សម្រាប់គរុនិស្សិតជីវវិទ្យា ឆ្នាំទី3 ជំនាន់ទី4 ឆមាសទី1 សប្តាហ៍ទី06 »ដឹកនាំដោយ គ្រូឧទ្ទេស: ណក់ ពេជ្រល័ក្ខណា »មុខវិជ្ជា៖ ជីវវិទ្យា(រុក្ខវិទ្យា1) ទ្រឹស្ដី »ប្រធានបទ: ការបន្សុីពណ៌សុីឡែមនិងផ្លូអែម បទបង្ហាញ ដោយគរុនិស្សិត ឯកទេសជីវវិទ្យា ក្រុមទី៤(ម៉េង ច័ន្ទតារា សៅ គីមសួគ៌ រ៉ា ឌីណា ស្តើង ស្រីលា) +វត្ថុបំណង 👉វិជ្ជាសម្បទា 1. រៀបរាប់បានពីទម្រង់ និងនាទីរបស់ស៊ីឡែម និងផ្លូអែមបានត្រឹមត្រូវតាមរយៈការបន្សុីពណ៌ដោយសារធាតុគីមី 👉បំណិនសម្បទា៖ 2. បកស្រាយបានពីទម្រង់ និងនាទីរបស់ស៊ីឡែម និងផ្លូអែមបានច្បាស់លាស់តាមរយៈការសង្កេតវីដេអូ 👉ចរិយាយសម្បទា៖ 3. មានបម្រុងប្រយ័ត្នក្នុងការប្រើប្រាស់សម្ភារៈពិសោធន៍ ------------------------------ ដេប៉ាតឺម៉ង់វិទ្យាសាស្ត្រ វ.គ.ភ ថ្ងៃទី ១៤ ខែ កញ្ញា ឆ្នាំ២០២៦

វិទ្យាស្ថានគរុកោសល្យរាជធានីភ្នំពេញ មហាវិទ្យាល័យអប់រំវិទ្យាសាស្ត្រ ដេប៉ាតឺម៉ង់វិទ្យាសាស្ត្រ កម្មវិធីអប់រំគ្រូបង្រៀនកម្រិតមធ្យមសិក្សា ថ្នាក់បរិញ្ញាបត្រអប់រំ គីមីវិទ្យា សម្រាប់គរុនិស្សិតគីមីវិទ្យា ឆ្នាំទី3 ជំនាន់ទី4 ឆមាសទី1 សប្តាហ៍ទី0៥ »ដឹកនាំដោយ គ្រូឧទ្ទេស៖ តាន់ សុម៉ាលីដា »មុខវិជ្ជា៖ Micro Teaching ប្រធាទ : ការយល់បញ្ញត្តិខុស ក្នុងមេរៀនបំលែងភាពរូប ធាតុចូល: ការដោះស្រាយបញ្ញត្តិខុស (Naive Concept) តាមរយៈពិសោធបំលែងភាពរូបរឹងទៅរាវរបស់ទៀន (តើម៉ាស និងមាឌប្រែប្រួលឬទេ?) +វត្ថុបំណង 👉វិជ្ជាសម្បទា៖ សិស្សពន្យល់ពីមូលហេតុដែលម៉ាសរក្សាថេរ ឯមាឌមានការប្រែប្រួលនៅពេលទៀនរលាយ ដើម្បីដោះស្រាយបញ្ញត្តិខុស (Naive Concept) បានត្រឹមត្រូវ។ 👉បំណិនសម្បទា៖ សិស្សអាចប្រើប្រាស់បញ្ញត្តិខុស (Naive Concept) ក្នុងមេរៀនគីមីវិទ្យា ដោយយកលទ្ធផលពិសោធ (ម៉ាសនិងមាឌ) មកបកស្រាយលុបបំបាត់ការយល់ខុសបានយ៉ាងច្បាស់លាស់។ 👉ចរិយាសម្បទា៖ សិស្សមានទំនុកចិត្តក្នុងការប្រើប្រាស់ភស្តុតាងពិសោធដើម្បីកែតម្រូវការយល់ខុស និងឱ្យតម្លៃលើការបង្រៀនបែបវិទ្យាសាស្ត្រ។ ដេប៉ាតឺម៉ង់វិទ្យាសាស្ត្រ វ.គ.ភ ថ្ងៃទី ១០ ខែ កញ្ញា ឆ្នាំ២០២៦

វិទ្យាស្ថានគរុកោសល្យរាជធានីភ្នំពេញ មហាវិទ្យាល័យអប់រំវិទ្យាសាស្ត្រ ដេប៉ាតឺម៉ង់វិទ្យាសាស្ត្រ ---------------------------- កម្មវិធីអប់រំគ្រូបង្រៀនកម្រិតមធ្យមសិក្សា ថ្នាក់បរិញ្ញាបត្រអប់រំ គីមីវិទ្យា សម្រាប់គរុនិស្សិតគីមីវិទ្យា ឆ្នាំទី3 ជំនាន់ទី4 ឆមាសទី1 សប្តាហ៍ទី0៥ »ដឹកនាំដោយ គ្រូឧទ្ទេស៖ លី សុខណៃ »មុខវិជ្ជា៖ គីមីវិភាគ មេរៀនទី២ :ប្រតិកម្មអាសុីត បាស (ត) ១ សរសេរកន្សោមថេរលំនឹង ២ គណនាកំហាប់លំនឹង ៣ បកស្រាយកត្តាជះឥទ្ឋិពលដល់លំនឹងគីមី បទបង្ហាញ ដោយគរុនិស្សិត ឯកទេសគីមីវិទ្យា ក្រុមទី3 (ទ្រី លីនដា និងចៀន ស្រីនាត) +វត្ថុបំណង 👉វិជ្ជាសម្បទា៖ គរុនិស្សិតកំណត់បានពីរបៀបក្នុងការសរសេរកន្សោមថេរលំនឹង ការគណនាកំហាប់ លំនឹង និងដឹងអំពីកត្តាជះឥទ្ធិពលទៅលើលំនឹងគីមីបានត្រឹមត្រូវតាមរយៈការ ពន្យល់របស់គ្រូ 👉បំណិនសម្បទា៖ គរុនិស្សិតមានសម្ថភាពសរសេរកន្សោមថេរលំនឹង ការគណនាកំហាប់លំនឹង និងដឹងអំពីកត្តាជះឥទ្ធិពលទៅលើលំនឹងគីមីបានត្រឹមត្រូវតាមរយៈការអនុវត្ត ផ្ទាល់ 👉ចរិយាសម្បទា៖ បណ្តុះស្មារតីគរុនិស្សិតឱ្យមានបម្រុងប្រយ័ត្ន សហការ ដោះស្រាយលំហាត់បាន ត្រឹមត្រូវ។ ------------------------------ ដេប៉ាតឺម៉ង់វិទ្យាសាស្ត្រ វ.គ.ភ ថ្ងៃទី ១0ខែ កញ្ញា ឆ្នាំ២០២៦

វិទ្យាស្ថានគរុកោសល្យរាជធានីភ្នំពេញ មហាវិទ្យាល័យអប់រំវិទ្យាសាស្ត្រ ដេប៉ាតឺម៉ង់វិទ្យាសាស្ត្រ ---------------------------- កម្មវិធីអប់រំគ្រូបង្រៀនកម្រិតមធ្យមសិក្សា ថ្នាក់បរិញ្ញាបត្រអប់រំជីវវិទ្យា សម្រាប់គរុនិស្សិតជីវវិទ្យា ឆ្នាំទី3 ជំនាន់ទី4 ឆមាសទី1 សប្តាហ៍ទី0៣ »ដឹកនាំជំនួសគ្រូឧទេ្ទស គង់ ឡាវិទូ ដោយ គ្រូឧទ្ទេស ណក់ ពេជ្រល័ក្ខណា »មុខវិជ្ជា៖ ជីវវិទ្យា(សត្តវិទ្យា1) ទ្រឹស្ដី »មេរៀនទី2: សាខាដង្កូវ និង សប្បីសត្វ បទបង្ហាញ ដោយគរុនិស្សិត ឯកទេសជីវវិទ្យា ក្រុមទី៥(ផល ផានិត នាង សុវណ្ណ ធី សុខណាង ស៊ាង រ៉ាវុធ) ប្រធានបទពិសោធន៍ : ទម្រង់រូបផ្គុំរបស់សិប្បីសត្វ(ងាវ)​ +វត្ថុបំណង 💥វិជ្ជាសម្បទា: 1.-ពណ៌នាពីទម្រង់រូបផ្គុំក្រៅនិងក្នុងរបស់សប្បីសត្វរស់ក្នុងទឹក 💥បំណិនសម្បទា: 2. បកស្រាយមុខងារសរីរាង្គរបស់សិប្បីសត្វ 💥ចរិយាសម្បទា: 3. បណ្តុះស្មារតីថែរក្សា និងការពារជីវៈចម្រុះក្នុងធម្មជាតិដោយយល់ដឹងពីតួនាទីរបស់សត្វទាំងនេះក្នុងប្រព័ន្ធអេកូឡូស៊ី ------------------------------ ដេប៉ាតឺម៉ង់វិទ្យាសាស្ត្រ វ.គ.ភ ថ្ងៃទី១០ខែ កញ្ញា ឆ្នាំ២០២៦

ទស្សនាវដ្តីស្រាវជ្រាវកម្ពុជាសម្រាប់ការអប់រំ និងស្ទែម (CJES) 👉 ទាញយក សៀវភៅ តាមតំណភ្ជាប់នេះ https://sala.moeys.gov.kh/kh/library/00007737 ប្រមូលផ្តុំ អត្ថបទស្រាវជ្រាវចំនួន ៧ ដែលគ្របដណ្តប់លើប្រធានបទសំខាន់ៗក្នុងវិស័យ អប់រំ បច្ចេកវិទ្យាឌីជីថល និងកសិកម្ម រួមមាន គណនេយ្យភាពសាលារៀន ការអប់រំសម្រាប់ទេពកោសល្យឌីជីថល ការរៀនដំបូងរបស់កុមារ ភាពជាអ្នកដឹកនាំអប់រំឌីជីថល និងការស្រាវជ្រាវពាក់ព័ន្ធនឹងវិស័យកសិកម្ម។ បណ្ដាញសង្គម៖ មន្ទីរអប់រំ យុវជន និងកីឡាខេត្តតាកែវ🟣 សូមចុច ៖👇 🌐https://t.me/TakeoPoE 🌐https://t.me/nuthbora 🌐https://t.me/takeoexam 🌐មន្ទីរអប់រំ យុវជន និងកីឡាខេត្តតាកែវ - ផេកផ្លូវការ