Endi mavjud! Telegram Tadqiqoti 2025 — yilning asosiy insaytlari 
Sumqayıt 24
Kanalga Telegram’da o‘tish
Sayt: https://sumqayit24.az/ Instagram: www.instagram.com/sumqayit24.az/ Facebook: www.facebook.com/sumqayit24 TikTok: https://www.tiktok.com/@sumqayit24.az Youtube: www.youtube.com/@Sumqayıt24 Bizimlə əlaqə: https://t.me/sumqayit_24
Ko'proq ko'rsatish📈 Telegram kanali Sumqayıt 24 analitikasi
Sumqayıt 24 (@sumqayit24_az) Ozarbayjon til segmentidagi kanali faol ishtirokchi. Hozirda hamjamiyat 14 466 obunachidan iborat bo'lib, Yangiliklar & Media toifasida 14 672-o'rinni va Ozarbayjon mintaqasida 314-o'rinni egallagan.
📊 Auditoriya ko‘rsatkichlari va dinamika
невідомо sanasidan buyon loyiha tez o‘sib, 14 466 obunachiga ega bo‘ldi.
14 Iyun, 2026 dagi oxirgi ma’lumotlarga ko‘ra kanal barqaror faollikka ega. Oxirgi 30 kunda obunachilar soni -148 ga, so‘nggi 24 soatda esa -14 ga o‘zgardi va umumiy qamrov yuqori darajada qolmoqda.
- Tasdiqlash holati: Tasdiqlanmagan
- Jalb etish (ER): Auditoriya o‘rtacha 6.46% darajada jalb etiladi. Nashrdan keyingi dastlabki 24 soatda kontent odatda umumiy obunachilar sonining 5.19% ini tashkil etuvchi reaksiyalarni to‘playdi.
- Post qamrovi: Har bir post o‘rtacha 935 marta ko‘riladi; birinchi sutkada odatda 751 ta ko‘rish yig‘iladi.
- Reaksiyalar va o‘zaro ta’sir: Auditoriya faol: har bir postga o‘rtacha 8 ta reaksiya keladi.
📝 Tavsif va kontent siyosati
Muallif resursni shaxsiy fikrni ifoda etish maydoni sifatida ta’riflaydi:
“Sayt: https://sumqayit24.az/
Instagram: www.instagram.com/sumqayit24.az/
Facebook: www.facebook.com/sumqayit24
TikTok: https://www.tiktok.com/@sumqayit24.az
Youtube: www.youtube.com/@Sumqayıt24
Bizimlə əlaqə: https://t.me/sumqayit_24”
Yuqori yangilanish chastotasi (oxirgi ma’lumot 15 Iyun, 2026 da olingan) sababli kanal doimo dolzarb va katta qamrovli bo‘lib qoladi. Analitika auditoriya kontent bilan faol hamkorlik qilishini, uni Yangiliklar & Media toifasidagi muhim ta’sir nuqtasiga aylantirishini ko‘rsatadi.
14 466
Obunachilar
-1424 soatlar
-177 kunlar
-14830 kunlar
Postlar arxiv
14 465
Sumqayıtda piyada səkilərindən birində yaranmış vəziyyət narahatlıq yaradıb
Sumqayit24.az-a müraciət edən vətəndaşın sözlərinə görə, 45-ci məhəllədə meyvə və tərəvəz satışı üçün quraşdırılan piştaxtalar piyada səkisini və yolun bir hissəsini zəbt edib.
Şikayətçi bildirir ki, bu hal həm piyadaların hərəkətinə mane olur, həm də şəhərin ümumi görünüşünə mənfi təsir göstərir.
“Piyadalar rahat hərəkət edə bilmirlər. Sumqayıtda səkilər və yollar satışa çıxarılıb”, - deyə şikayətçi narazılığını ifadə edib.
Məsələ ilə bağlı aidiyyəti quruma sorğu ünvanlanıb.
@sumqayit24_az
14 465
🌧Sumqayıta sabah yağış yağa bilər
Sumqayıtda sabaha gözlənilən hava proqnozu açıqlanıb.
Hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin gündüz bəzi yerlərdə qısamüddətli yağış yağacağı ehtimalı var. Şimal-qərb küləyi gündüz cənub-şərq küləyi ilə əvəz olunacaq.
Havanın temperaturu gecə 17-20° isti, gündüz 27-31° isti olacaq.
Atmosfer təzyiqi 762 mm civə sütunu təşkil edəcək. Nisbi rütubət gecı 70-75 %, gündüz 45-50 % olacaq.
@sumqayit24_az
14 465
Həftəsonu cinayət törətməkdə şübhəli bilinən 69 nəfər saxlanıldı
İyunun 13-də və 14-də ölkə ərazisində qeydə alınan 78, əvvəlki dövrlərdən bağlı qalan 6 cinayətin açılması polis əməkdaşları tərəfindən təmin olunub.
Daxili İşlər Nazirliyinin Mətbuat Xidmətindən verilən məlumata görə, axtarışda olduğuna görə ümumilikdə 83, o cümlədən borclu şəxs qismində axtarışda olan 54 nəfər saxlanılaraq aidiyyəti üzrə təhvil verilib.
Narkotiklərlə əlaqəli 26, qanunsuz saxlanılan silah-sursatın götürülməsi və aşkarlanması ilə bağlı 12 fakt müəyyən edilib.
Cinayət törətməkdə şübhəli bilinən 69 nəfər saxlanılıb.
@sumqayit24_az
14 465
Sumqayıtda mikrorayonlardan birində yarımçıq qalan təmir işləri narazılıq yaradıb
Sumqayit24.az-a daxil olan məlumata görə, 18-ci mikrorayonda, sakinlərin “18-ci mikrorayon dairəsi” adlandırdığı ərazidə bir neçə gün əvvəl təmir işləri aparılıb. Lakin işlər başa çatdıqdan sonra ərazi təmizlənmədən və əvvəlki vəziyyətinə qaytarılmadan tərk edilib.
Sakinlərin sözlərinə görə, piyada səkisi qazılıb, əraziyə torpaq və tikinti tullantıları səpələnib. Qazılan quyunun üzəri bağlansa da, ətrafın abadlaşdırılması həyata keçirilməyib.
Bu vəziyyət isə həm şəhərin ümumi görünüşünə mənfi təsir göstərir, həm də piyadaların hərəkətində çətinlik yaradır.
Sakinlər aidiyyəti qurumlardan ərazidə işlərin yekunlaşdırılmasını tələb edirlər.
Qeyd edək ki, son vaxtlar şəhərin müxtəlif ərazilərində aparılan təmir və qazıntı işlərindən sonra ərazilərin vaxtında bərpa olunmaması ilə bağlı redaksiyamıza tez-tez şikayətlər daxil olur.
@sumqayit24_az
14 465
Bu gün Azərbaycanın şəhid telejurnalisti, Milli Qəhrəmanı Çingiz Mustafayevin anım günüdür
🔗ƏTRAFLI
@sumqayit24_az
14 465
Sumqayıtda Qurd dərəsi adlanan ərazidə yanğın baş verib
Sumqayit24.az xəbər verir ki, bu barədə Fövqəladə Hallar Nazirliyi (FHN) məlumat yayıb.
Dərhal əraziyə FHN-in Dövlət Yanğından Mühafizə Xidmətinin Sumqayıt Şəhər Yanğından Mühafizə İdarəsinin qüvvələri cəlb olunub.
Yanğınsöndürənlərin çevik müdaxiləsi sayəsində ümumi sahəsi 70kv.m. olan fərdi yaşayış evinin həyətyanı sahəsində yerləşən köməkçi tikilidə baş vermiş yanğın genişlənməsinə, o cümlədən bitişik yerləşən evə və obyektə keçməsinə imkan verilmədən qısa müddətdə söndürülüb.
Yanğın nəticəsində köməkçi tikili yanıb, fərdi yaşayış evi və obyekt yanğından mühafizə edilib. Xəsarət alan olmayıb.
@sumqayit24_az
14 465
Sumqayıtda bu gün hava belə olacaq
Sumqayıtda bu günə olan hava proqnozu açıqlanıb.
Sumqayıt şəhərinin də yerləşdiyi Abşeron yarımadasında bu gün hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi, lakin günün birinci yarısında bəzi yerlərdə fasilələrlə yağış yağacağı gözlənilir.
Yarımadanın ayrı-ayrı yerlərində şimşək çaxacağı, səhər yağışın bir qədər intensivləşəcəyi ehtimalı var. Mülayim şimal-qərb küləyi əsəcək. Havanın temperaturu gündüz 26-29° isti olacaq.
Atmosfer təzyiqi 755 mm civə sütunundan 760 mm civə sütununa yüksələcək.Nisbi rütubət 65-75 % təşkil edəcək.
@sumqayit24_az
14 465
Sumqayıt şəhərinin Hafiz Baxış küçəsinin sakinləri ərazidəki elektrik dirəklərinin yararsız vəziyyətdə olmasından narazıdırlar
"Bir ildir müraciət edirik, istər şifahi, istərsə də ərizə formasında. Amma şikayətimizə baxılmır. Burada elektrik şəbəkəsində yüklənmələr olurdu. Keçən il həmin ərazidə transformator quraşdırıldı, elektrik dirəkləri yeniləndi, xətlər çəkildi və birləşdirildi. Daha sonra xəttdə problem yarandı. Döngə tərəfdə isə rabitə dirəyinin traversi elektrik xəttinə birləşdirilib. Dirək də əyilmiş vəziyyətdədir. Əgər bu dirək aşsa, həm rabitə dirəklərini aşıracaq, həm də elektrik xətlərini zədələyəcək", - sakinlərdən biri deyib.
Məsələ ilə bağlı "Azərişıq" ASC-dən bildirilib ki, qurum regionlarda olduğu kimi, "Sumqayıt Elektrik Şəbəkəsi"nin ərazisində də əsaslı təmir və yenidənqurma işləri həyata keçirir. Sözügedən küçədə 0,4 kilovoltluq elektrik dayaqları yenilənib, özünü daşıyan izolyasiyalı naqillər çəkilib.
Ətraflı Baku TV-nin süjetində:
14 465
Bu gün Azərbaycanda Milli Qurtuluş Günü qeyd olunur.
Sumqayit24.az xəbər verir ki, 1993-cü ilin iyun ayında ölkədə yaranan gərgin ictimai-siyasi vəziyyət Azərbaycanı vətəndaş müharibəsi təhlükəsi ilə üz-üzə qoyub. Gəncədə yerləşən 709 saylı hərbi hissə mərkəzi hakimiyyətə tabe olmadığını bəyan edib, hökumətin qiyamın qarşısını almaq üçün atdığı addımlar isə vəziyyəti daha da mürəkkəbləşdirib. Nəticədə silahlı qarşıdurmanın miqyası genişlənib, qiyamçı qüvvələr Bakıya doğru hərəkət edərək hakimiyyət dəyişikliyi tələbi ilə çıxış ediblər.
Ölkədə vəziyyətin kritik həddə çatdığı bir vaxtda hakimiyyət Naxçıvan Ali Məclisinin sədri Heydər Əliyevə müraciət etdi. Xalqın və dövlət rəhbərliyinin çağırışını qəbul edən Heydər Əliyev 1993-cü il iyunun 9-da Bakıya gəldi. O, ölkədə sabitliyin bərpası və vətəndaş qarşıdurmasının qarşısının alınması üçün məsuliyyəti üzərinə götürdü. Heydər Əliyevin Gəncəyə səfəri və apardığı danışıqlar gərginliyin azalmasına və hadisələrin nəzarətdən çıxmasının qarşısının alınmasına imkan verdi.
1993-cü il iyunun 15-də Heydər Əliyev Azərbaycan Respublikası Ali Sovetinin sədri seçildi. Həmin tarix Azərbaycanın müasir tarixində yeni mərhələnin başlanğıcı kimi qiymətləndirilir və sonradan Milli Qurtuluş Günü kimi tarixə düşüb.
1998-ci ildən etibarən 15 İyun dövlət bayramı kimi qeyd olunur və qeyri-iş günü hesab edilir.
@sumqayit24_az
14 465
🇦🇿🇦🇿Prezident İlham Əliyev 15 İyun – Milli Qurtuluş Günü münasibətilə paylaşım edib
14 465
+1
Azərbaycanın Birinci vitse-prezidenti Mehriban Əliyeva sosial şəbəkə hesablarında Milli Qurtuluş Günü ilə bağlı paylaşım edib.
@sumqayit24_az
14 465
Sumqayıtın 52-ci məhəlləsində artıq 3 gündür kanalizasiya suları həyətlərə və evlərə dolur, sakinlər isə aidiyyəti qurumlardan təcili müdaxilə gözləyirlər.
Mənbə: Sumqayit. tv
14 465
Sumqayıtın 19-cu məhəlləsində sakinlər tülkülərin yaşayış ərazisinə daxil olması ilə bağlı narahatlıqlarını bildirirlər.
Onlar problemin həlli üçün aidiyyəti qurumların məsələyə müdaxilə etməsini istəyirlər.
Ətraflı videoda.
Mənbə: Sumqayit.tv
14 465
Toyuq mübahisəsi faciə ilə bitdi: Sumqayıtdakı qətl işi Ali Məhkəmədə
Sumqayıtda qətl törətməkdə təqsirləndirilən Mikayıl Şərifovun barəsində çıxarılmış hökmdən kassasiya şikayəti verilib. Şikayətə Ali Məhkəmənin hakimi İlkin Rəcəbovun sədrliyi ilə baxılacaq.
İttihama görə, 5 yanvar 2025-ci ildə Sumqayıt şəhəri Xəzər bağları ərazisində Mikayıl Şərifov əvvəllər tanıdığı 1958-ci il təvəllüdlü Mehparə Ələkbərova ilə toyuqların zəhərlənməsi iddiası ilə bağlı aralarında mübahisə yaranıb. Daha sonra o, kərki tipli məişət aləti ilə qadının baş və üz nahiyəsinə çoxsaylı zərbələr endirib. Ağır xəsarətlər alan Mehparə Ələkbərova 8 yanvar tarixində xəstəxanada vəfat edib.
Məhkəmədə ifadə verən Mikayıl Şərifov ittihamla qismən razılaşaraq hadisənin əvvəlcədən planlaşdırılmadığını bildirib. Onun sözlərinə görə, zərərçəkmiş şəxs əvvəlcə ona taxta alətlə zərbə endirib, o isə özünü müdafiə etmək məqsədilə qarşılıq verib. Təqsirləndirilən şəxs hadisədən sonra polisə özü məlumat verdiyini, məqsədinin öldürmək olmadığını deyib.
Bundan əlavə, o həmçinin qadağan olunmuş vasitələrdən istifadə etdiyini, lakin müalicə aldığını bildirib, hadisə günü isə spirtli içki qəbul etdiyini etiraf edib.
Sumqayıt Ağır Cinayətlər Məhkəməsinin hökmü ilə Mikayıl Şərifov 18 il müddətinə azadlıqdan məhrum edilib.
Mənbə: Pravda.аz
@sumqayit24_az
14 465
🏀Sumqayıt şəhərində 3×3 basketbol üzrə "Women"s Series" beynəlxalq turniri keçiriləcək.
Yarış iyunun 20–21-də bulvarda baş tutacaq. Azərbaycanı turnirdə qadınlardan ibarət milli komanda və "Neftçi SOCAR" təmsil edəcək.
Mükafatlar uğrunda həmçinin Almaniya, Çin, Avstraliya, Avstriya, Ukrayna, Yaponiya, Çili, "Yanjing" (Çin), Slovakiya, Tailand, Misir, Sloveniya, Litva və Paraqvay komandaları mübarizə aparacaq.
@sumqayit24_az
14 465
Sumqayıtda müxtəlif istiqamətlərdə müntəzəm avtobus marşrutları müsabiqəyə çıxarılır
Bu barədə Azərbaycan Yerüstü Nəqliyyat Agentliyi (AYNA) məlumat yayıb.
Sərnişindaşıma xidmətinin keyfiyyətinin artırılması ilə bağlı tədbirlər çərçivəsində Sumqayıt-Qəbələ, Sumqayıt–Xankəndi–Laçın, İmişli–Sumqayıt şəhərlərarası avtobus marşrutları müsabiqəyə çıxarılır.
Sənədlər 8 iyul 2026-cı il saat 17:00-dək Azərbaycan Yerüstü Nəqliyyat Agentliyində (ünvan: Bakı şəhəri, Hacı Məmmədov küçəsi 5; əlaqələndirici şəxs: Anar Məmmədov (mob: 077-455-99-06, e-poçt: anar.mammadov@ayna.gov.az) qəbul ediləcək.
Qeyd edək ki, müsabiqəyə əsas avtobuslarla yanaşı, ehtiyat nəqliyyat vasitələri də təqdim olunmalıdır.
İddiaçıların təkliflərinə komissiya tərəfindən Sumqayıt–Qəbələ, Sumqayıt–Xankəndi–Laçın, iyulun 17-də, İmişli–Sumqayıt istiqamətlərində iyulun 24-də baxılacaq.
@sumqayit24_az
14 465
🏖Çimərlik mövsümünü dəniz sahilində keçirənlərin diqqətinə - Nə qədər üzmək olar?
Yayda dənizdə fasiləsiz üzmək üçün təhlükəsiz müddət 10-15 dəqiqə hesab olunur. Rusiyalı tibb mütəxəssisi Yevgeni Kudryaşov "TASS"a bildirib ki, bu vaxtdan sonra sahilə çıxıb isinmək, daha sonra yenidən suya girmək məsləhətdir.
Onun sözlərinə görə, uzun müddət suda qalmaq orqanizmin həddindən artıq soyumasına, damar spazmına və ürəyə düşən yükün artmasına səbəb ola bilər. Həmçinin günəş altında uzun müddət qalmaq başın qızmasına və beyin damarlarının genişlənməsinə gətirib çıxarır.
Ekspert günəş vannası üçün ən uyğun vaxtın səhər 07:00-10:00 və axşam 16:30-dan sonra olduğunu bildirib. Saat 11:00-16:00 arasında isə günəşin təsiri ən güclü olduğundan bu saatlarda günəşlənmək tövsiyə edilmir.
@sumqayit24_az
14 465
✍🏻Sumqayıtda bu gün Dövlət İmtahan Mərkəzi tərəfindən ali təhsil müəssisələrinin magistraturalarına qəbul imtahanı keçirilir
Sumqayit24.az xəbər verir ki, imtahan Sumqayıt şəhəri ilə yanaşı Bakı və Abşeronda,
ümumilikdə 63 binada təşkil olunur.
İmtahan bütün binalarda eyni vaxtda – saat 10:00-da başlanır.
İmtahanın başlanmasına 15 dəqiqə qalmış saat 09:45-də buraxılış rejimi başa çatır.
İmtahan nəticələri 2 mərhələdə elan olunacaq. İmtahandan sonrakı 2-3 gün ərzində qapalı və cavabları kodlaşdırılan açıq tipli tapşırıqların nəticələri elan olunacaq. Yekun imtahan balı isə esse tapşırıqları yoxlanıldıqdan sonra təqdim olunacaq.
İmtahanda iştirak edənlərə uğurlar arzulayırıq!
@sumqayit24_az
