XIVANOMA

#mustaqillik #Prezident_nutqi "Mustaqillikning buyuk ahamiyati, avvalo, inson qadri va erkin hayotida namoyon bo‘ladi. Shu bois, biz islohotlarni boshlagan birinchi kunlardanoq xalqning qalbiga quloq soldik, aholining dardiga darmon bo‘lishni maqsad qildik. "Inson qadri uchun!" degan g‘oyani davlat siyosatining markaziga olib chiqdik." Prezident Shavkat Mirziyoyevning O‘zbekiston Respublikasi davlat mustaqilligining o‘ttiz besh yilligiga bag‘ishlangan tantanali marosimdagi nutqidan Qo‘shiq ijrochilari: Davlatshoh Xamroqulov, Adolat Ismoilova. She’r muallifi: Akromjon Azizov. @otabek_khasanov

Xiva tumanida yoshlar ma’naviyati va barqaror muhitga e’tibor Xiva tumanidagi 42-sonli umumta’lim maktabida yoshlar o‘rtasida barqaror ma’naviy muhitni shakllantirish, ularni turli yot va zararli g‘oyalardan asrash, mafkuraviy immunitetini mustahkamlashga qaratilgan ma’naviy-ma’rifiy davra suhbati tashkil etildi. Davra suhbati davomida yoshlarning ongiga milliy qadriyatlar, Vatanga muhabbat, ajdodlar merosiga hurmat, tinchlik va osoyishtalikni qadrlash kabi ezgu tushunchalarni singdirish, internet va ijtimoiy tarmoqlarda uchraydigan turli zararli axborotlarning salbiy ta’siridan himoyalanish masalalariga alohida e’tibor qaratildi. Shuningdek, yoshlarni yot g‘oyalar ta’siriga tushib qolishining oldini olish, ularning bo‘sh vaqtini mazmunli tashkil etish, mustaqil fikrlash qobiliyatini rivojlantirish hamda hayotiy maqsadlarini aniq belgilashga ko‘maklashish yuzasidan fikr-mulohazalar bildirildi.

“Birlashib, buyuk tarix yaratamiz” O‘zbekiston Respublikasi davlat mustaqilligining 35 yilligi munosabati bilan “Birlashib, buyuk tarix yaratamiz” shiori ostida targ‘ibot seminari tashkil etildi. Tadbir Respublika Ma’naviyat va ma’rifat markazi Xiva tumani bo‘linmasi hamda Nuroniylar jamg‘armasi bilan hamkorlikda o‘tkazildi. Targ’ibot tadbiri davomida Prezidentimiz tomonidan Mustaqilligimizning 35 yilligi doirasida belgilab berilgan 7 ta ustuvor yo‘nalish, ularning mazmun-mohiyati va jamiyat hayotidagi ahamiyati haqida batafsil ma’lumotlar berildi. Shuningdek, davlatimiz rahbarining xalqimizga yo‘llagan bayram tabrigi mazmuni, unda ilgari surilgan ezgu g‘oyalar va mamlakatimiz taraqqiyotining yangi bosqichida amalga oshirilayotgan bunyodkorlik ishlari haqida fikr almashildi. Tadbir davomida mustaqillik yillarida erishilgan ulkan yutuqlar, yurtimizda amalga oshirilayotgan keng ko‘lamli islohotlar, xalqimizning bunyodkorlik salohiyati hamda tinchlik va totuvlikning qadr-qimmati alohida takidlandi.

#kuntarixi