أوَّابَة.

إحنا عايشين في زمن الفتن فيه قريبة، والوصول للمعصية بقى أسهل من أي وقت! نظرة ممكن تجرّ لنظرة.. محتوى عابر ممكن يفتح باب من أبواب الشهوة.. صحبة ممكن تزيّن لك الغلط لحد ما تقع فيه وتعتاده.. وتساهل صغير ممكن يتحول مع الوقت لعادة صعب التخلص منها.. عشان كدا لازم تعمل لنفسك حِصن يحميك منها قبل ما تتعرض لها. طيب إزاي؟ أولًا: حافظ على علاقتك بربنا؛ لأن القلب البعيد عن الذِّكر والطاعة بيكون أكثر عُرضة للغفلة. ثانيًا: متفتحش على نفسك أبواب إنت عارف ضعفك قدامها، ومش لازم تجرّب كل حاجة عشان تثبت إنك قوي. ثالثًا: راقب اللي بتدخله لعقلك وقلبك، واعرف إن مش كل محتوى يستحق المشاهدة، ومش كل كلام يستحق الاستماع. رابعًا: اقفل أبواب المعصية من بدايتها، ومتعتمدش على إنك هتعرف توقف نفسك في آخر الطريق. خامسًا: الزم الصحبة والبيئة اللي تعينك على الثبات، وخلّي عندك بدائل نافعة تملأ وقتك. اللهم احفظ قلوبنا من الفتن، ما ظهر منها وما بطن، وأعنّا على غض أبصارنا وحفظ جوارحنا والثبات على طاعتك. د/ محمد الغليظ