Беларуская афіша 🗓️

​Школа па правах чалавека і адукацыйны моладзевы візіт у Нарвегію! Новы набор на Базавую школу па правах чалавека і адвакацыі правоў моладзі ад Беларускай Праваабарончай школы і Беларускага нацыянальнага моладзевага савета «РАДА» 🕰 1-8 жніўня 🏛 Літва Базавая школа па правах чалавека – гэта 8-дзённая праграма навучання правам чалавека ад Беларускай Праваабарончай Школы ў афлайне! Пад час Школы вы даведаецеся пра шмат тэм, звязаных з правамі чалавека (напр.: уводзіны ў канцэпцыю правоў чалавека, роўнасць і недыскрымінацыя, нацыянальныя і міжнародныя механізмы абароны правоў чалавека, права на жыццё і праблема смяротнага пакарання, свабода слова і  мова варожасці і гэтак далей) ⭐️ Скразной тэмай, якая будзе закранаць усе блокі праграмы Школы, будзе тэма адвакацыі правоў моладзі. Пад час Школы, вы таксама даведаецеся пра youth rights, міжнародныя інструменты абароны правоў моладзі і тое, як адвакатаваць інтарэсы беларускай моладзі. Для каго? Да ўдзелу ў праграме запрашаюцца маладыя беларусы і беларускі (18 - 35 год) незалежна ад іх месца актуальнага пражывання, якія зацікаўленыя ў набыцці ведаў у галіне правоў чалавека. А найбольш матываваныя ўдзельнікі_цы Школы пасля заканчэння праграмы могуць прэтэндаваць на ўдзел у адукацыйным моладзевым візіце ў Нарвегію. Арганізатары_кі забяспечваюць трансфер, пражыванне і харчаванне на працягу праграмы, аднак візавая падтрымка не аказваецца. Працоўныя мовы: беларуская, руская. Дэдлайн падачы заявак: 15.07.2024 (уключна). 🌿Рэгістрацыя

🎶 OPEN CALL на Perfaratar Music Lab! YouTube праект PERFARATAR выходзіць за межы сваёй студыі і запрашае беларускіх і замежных музыкаў паўдзельнічаць у музычнай лабараторыі. Perfaratar Music Lab – гэта лабараторыя для прафесійных музыкаў, якія хочуць пагрузіцца ў працэс сумеснага стварэння музычнага матэрыялу пад час за 9-дзённай праграмы. Усе новыя кампазіцыі будуць выкананы на жывым канцэрце і запісаны для Perfaratar YouTube Channel. Да ўдзелу будуць адабраныя 5 беларускіх і 5 замежных музыкаў. Дэдлайны: 📍 Дэдлайн падачы заявак – да 21 ліпеня 23:59 📍 Праграма Music Lab – з 24 жніўня па 1 верасня 👉 Больш інфармацыі і рэгістрацыя па спасылцы Ствараем музыку разам!

🎬👀 Запрашаем на кінапрагляд: «LA HAINE» Міжнародны дзень у падтрымку ахвяраў катаванняў адзначаецца 26 чэрвеня — дзень, калі ў 1987 годзе Канвенцыя супраць катаванняў і іншых жорсткіх, бесчалавечных або прыніжаючых годнасць відаў абыходжання і пакарання ўступіла ў сілу. І ў нас ёсць для вас прапанова, як правесці гэты дзень. Запрашаем разам з намі паглядзець фільм «LA HAINE», падыскутаваць аб гвалце, якія віды ёсць і як падтрымліваць людзей. 🍿LA HAINE — Парыж, сярэдзіна 1990-х гадоў. Пасля беспарадкаў, справакаваных паліцэйскай самаўпраўнасцю ў дачыненні да арабскага падлетка Абдэля, у бедных кварталах, удалечыні ад турыстычных маршрутаў, трое сяброў знаходзяць рэвальвер. Фільм даследуе тэмы расізму, гвалту і роспачы, і ён з'яўляецца магутным абвінавачаннем у адрас грамадства, якое спараджае такія ўмовы. 🗓 Калі: 18 ліпеня, 18:30 📍 Дзе: Вільня, Vytenio g. 9. ✨ Да сустрэчы! Спасылка на рэгістрацыю

11 ліпеня ў творчай прасторы Кропка адбудзецца вечар памяці па беларускаму мастаку і рэстаўратару, палітвязню, які год назад загінуў у беларускай турме, спадару Алесю Пушкіну. На вечары адбудзецца адкрыццё выставы ягоных сапраўдных малюнкаў, якая будзе доўжыцца да канца ліпеня. Лісты з турмы і сапраўдныя малюнкі - апошнія творы мастака, над якімі ён працаваў за кратамі. Шчыра запрашаем згадаць і ўшанаваць выбітнага мастака і пабачыць на свае вочы ўнікальныя матэрыялы. Вечар памяці: 11 ліпеня 18:00 Выстава: 11 - 31 ліпеня 11:00 - 20:00 Крама + творчая прастора Kropka Savičiaus g. 6, Vilnius Уваход вольны

🔥 Шукаем трэнер_ак на адукацыйны курс! 🚀 Маеш веды і досвед ў арганізацыі і правядзенні нефармальных адукацыйных праграм? Выкарыстоўваеш цэласны і інклюзіўны падыход у навучанні? Далучайся да «Imagine Y SPACE for Learning, Engagement and Business» у якасці трэнер_кі! 👉 Калі ў цябе ёсць: 🔹Пацверджаны досвед правядзення нефармальных праграм для адукатар_ак 🔹Разуменне беларускага кантэксту і асаблівасцей правядзення адукацыйных праграм ва ўмовах эміграцыі 🔹Вольнае валоданне беларускай і/альбо рускай мовай 📚 Што трэба будзе рабіць? 🔹Падрыхтаваць і правесці абраныя табой блокі праграмы 🔹Падрыхтаваць неабходныя навучальныя матэрыялы 🔹Своечасова даваць зваротную сувязь удзельні_цам на выкананыя хатнія заданні 🔹Прысутнічаць на ўступнай сустрэчы–знаёмстве з групай вучняў (анлайн) 🔹Узяць удзел у анлайн–сессіі тренер_ак. 🗓 Вочныя сесіі пройдуць у Вільнюсе (жнівень–верасень 2024) Дэдлайн падачы заявак: 15 чэрвеня 2024. Больш інфармацыі тут: спасылка 📩 Засталіся пытанні? Пішы! [email protected]

15 чэрвеня правядзіце суботу на «etnoARTvė festivalis» – летнім фестывалі этнакультуры ў CVI Parkas! А 17:00 мы запрашаем вас на душэўны фестываль розных этнакультур «etnoARTvė festivalis», дзе сустрэнуцца беларускія танцы, украінскія песні, літоўскія і габрэйскія мелодыі. У праграме таксама дзіцячыя майстар-класы і стварэнне арт-аб'екта (з 17:00 да 18:00), традыцыйныя літоўскія і беларускія танцы ад клуба Oyra, спевы разам з Сяржуком Доўгушавым, выступленне мужчынскага традыцыйнага хору Kasary, дынамічная музыка ад Rakija Klezmer Band і многае іншае. 17.00 - 18.00 DJ-сет Soft Corps стварэнне арт-аб'екта з Doctor Oy дзіцячыя майстар-класы 18.00 - традыцыйныя літоўскія і беларускія танцы ад клуба Oyra 19.00 - спевы разам з Сяржуком Доўгушавым 20.00 - выступленне мужчынскага традыцыйнага хору Kasary 21.00 - дынамічная музыка ад Rakija Klezmer Band 📍Дата: 15 чэрвеня, 17:00 – 23:00 📍Месца: Petro Cvirkos Aikštė 📍Уваход вольны

ЕГУ ладзіць набор на летнюю школу «Разуменне стандартаў у галіне правоў чалавека для Беларусі: інтэнсіўны курс для спецыялістаў-практыкаў», якая будзе праходзіць з 8 па 10 ліпеня 2024 года стацыянарна ў кампусе ЕГУ ў Вільні. Арганізатары аказваюць візавую падтрымку, пакрываюць праезд і пражыванне ў Вільні на час школы. Школа бясплатная, натуральна. Працоўная мова Школы - ангельская. Што будзе? - лекцыі ад вядомых экспертаў ў галіне права, будуць спікеры нават з ААН; - магчымасць рэалізаваць свой уласны праект; - новы досвед і практычныя веды; Як прыняць удзел? Запоўніце анкету да 15 чэрвеня. Абяцаем, што адкажам вам да 16 чэрвеня! Калі Вам патрэбна візавая падтрымка, калі ласка, запоўніце анкету раней - да 9 чэрвеня. Калі ёсць пытанні, то можна пісаць @teoria_spiskowa

Шпацыр па Вільні памяці Івана Луцкевіча Cябры, а давайце заўтра, у нядзелю 9 чэрвеня з нагоды дня народзінаў нашага знакамітага пачынальніка беларускага нацыянальнага руху і бацькі беларускай Незалежнасьці, публіцыста, археолага Івана Луцкевіча паўтарым мінулагодні шпацыр яго памяці. Зьбіраемся а 16-й гадзіне каля брамы Базыльянскіх муроў на шпацыр "Іване, ты жывеш!" Нарачоная Івана Юльяна Мэнке пакінула пакінула ўспаміны пра свайго каханага, зь якіх мы даведваемся ня толькі пра гэтае шчымлівае трагічнае каханьне, але і пра тагачаснае беларускае жыцьцё ў Вільні. Прапануем вам разам прайсьціся па віленскіх адрасах, зьвязаных з Іванам Луцкевічам ды ягоным братам Антонам, паглыбіцца ў іх тагачаснае жыцьцё і працу, пачытаць разам успаміны Юльяны Мэнке ды узгадаць нашага выбітнага дзеяча. Данаты вітаюцца! 📆 Дата: 9 чэрвеня ⏰ Час: 16.00 📍Месца cустрэчы:  Брама Базыльянскіх муроў (Aušros Vartų g. 9)

✔️Два паказы музычнага спектакля "Купала. Пачатак" адбудуцца неўзабаве ў Вільні. Спектакль, створаны па матывах п'есы Уладзіміра Караткевіча "Калыска чатырох чараўніц", распавядае пра жыццёвы выбар нашага славутага земляка Янкі Купалы на пачатку яго творчага шляху ва ўмовах акупацыі краіны Расейскай імперыяй. Унікальнае спалучэнне тэатра лялек "Батлейка+" і музычнай афарбоўкі ад "Хора вольных беларусаў" не пакіне абыякавым ніводнага госця імпрэзы. Мова: беларуская. 🐣Узроставых абмежаванняў няма, дзецям таксама будзе зразумела і цікава. ⌚️Працягласць: каля 60 хвілін. Уваход вольны, ахвяраванні на падтрымку праекта вітаюцца (скрыня) Рэгістрацыя не патрэбная, месца хопіць усім. 🗓 Пятніца 31 траўня 18.30 Субота 1 чэрвеня 12.00 📍Raugyklos g. 25, Vilnius Дом нацыянальных аб'яднанняў (другі паверх) 🤍 Паказы ладзяцца ў межах праграмы ArtPower Belarus Беларускай Рады культуры і Дацкага інстытута культуры пры фінансавай падтрымцы Еўразвязу.

Спектакль «Ціхары» ў Вільне! Сатырычная драма беларускага пісьменніка Сашы Філіпенкі у пастаноўцы ўкраінскай рэжысёркі Сашы Дзянісавай. Дзе: Meno erdvės VILEIŠIO18, P. Vileišio g.18N Калі: 18/19 чэрвеня 19:00 Квіткі: https://fienta.com/ru/s/tihari-belarus-2030-sud-v-post-apokalipsis   Спектакль раскажа нам пра недалёкую будучыню, ў якой апакаліпсіс – не прычына спыніць суды над пратэстоўцамі ў Беларусі. 2030 год. Вайна ва Украіне скончылася перамогай Кіева, і Пуцін націснуў ядзерную кнопку. Свет зруйнаваны, але ў адным бункеры, як ні ў чым не бывала, праходзіць суд за ўдзел у пратэстах у Беларусі 2020 года.