ខុមហ្រ្វែល - COMFREL

សកម្ម​ជន និង​ជា​អ្នក​ការពារ​បរិស្ថាន ​លោក​ ម៉ា ​ចិត្រា ទទូច​​ឱ្យក្រសួង​បរិស្ថាន​មានចំណាត់​ការ​លើ​បទល្មើស​ព្រៃឈើក្នុង​ដែន​ជម្រក​សត្វ​ព្រៃ​ព្រៃ​ឡង់។ ជាការ​ទទូច​ជាថ្មីម្តងទៀត ​ក្រោ​យ​លោក ​រក​ឃើញ​ជន​សង្ស័យ​មួយ​ក្រុមដែលគ្រោង​ដឹក​ឈើប្រភេទក្តារឈើទាលរាប់សិប​បន្ទះ​ ចេញពី​ដែន​ជម្រក​ធម្មជាតិ​កាល​ពី​យប់ថ្ងៃអាទិត្យទី២៦​ ខែកក្កដា​ ឆ្នាំ​២០២៦។ ក្រសួងបរិស្ថាន​បាន​ចេញមុ​ខ​សន្យាចាត់ការ​តាមនីតិវិធី​​ច្បាប់លើ​ជន​សង្ស័យ​។ https://www.facebook.com/photo/?fbid=1539820498187073&set=a.492095336292933

រដ្ឋាភិបាលក្រុងវ៉ាស៊ីនតោនបានដាក់ពន្ធបន្ថែម ១០ ភាគរយលើទំនិញនាំចេញរបស់កម្ពុជាទៅកាន់សហរដ្ឋអាម៉េរិក ក្រោមកិច្ចស៊ើបអង្កេតតាមមាត្រា ៣០១ អំពីពលកម្មដោយបង្ខំ ប៉ុន្តែមន្ត្រីកម្ពុជាបានអះអាងថា អត្រានេះគឺទាបជាងអត្រា ១២.៥ ភាគរយដែលត្រូវបានដាក់លើប្រទេសប្រកួតប្រជែង។ https://www.facebook.com/photo/?fbid=1539690651533391&set=a.492095336292933

អាជ្ញាធរកម្ពុជាបានកសាង និងបញ្ជូនសំណុំរឿងពាក់ព័ន្ធនឹងបទល្មើសឆបោកតាមប្រព័ន្ធបច្ចេកវិទ្យាចំនួន ២៦៨ ករណីពាក់ព័ន្ធជនសង្ស័យសរុប ២,៧៧៣ នាក់ ទៅកាន់តុលាការ ក្នុងរយៈពេលមួយឆ្នាំនៃយុទ្ធនាការបង្ក្រាបទូទាំងប្រទេស ខណៈនាយករដ្ឋមន្ត្រី ហ៊ុន ម៉ាណែត បានចាត់ទុកលទ្ធផលនេះថា ជាជោគជ័យមួយជំហានធំ ប៉ុន្តែបានបញ្ជាឱ្យអាជ្ញាធរបន្តការបង្ក្រាបដោយមិនដកដៃជាដាច់ខាត។​ https://www.facebook.com/photo/?fbid=1539588098210313&set=a.492095336292933

លោក កឹម សុខា ប្រធានអតីតគណបក្សសង្រ្គោះជាតិ ទទួលបានសិទ្ធិធ្វើដំណើរចេញក្រៅប្រទេសឡើងវិញ ក្រោយមានព្រះរាជក្រឹត្យលើកលែងទោសលើកទីពីរកាលពីថ្ងៃទី២៤ ខែកក្កដា ឆ្នាំ២០២៦ ដែលឡាយព្រះហស្ថលេខាដោយព្រះមហាក្សត្រ។ សហមេធាវីការពារក្តីលោក កឹម សុខា បានឲ្យដឹងថា លោក កឹម សុខា នឹងអាចធ្វើដំណើរទៅក្រៅប្រទេស ដើម្បីពិនិត្យសុខភាព បន្ទាប់មកលោកក៏នឹងអាចធ្វើដំណើរទៅសហរដ្ឋអាមេរិក ដើម្បីសួរសុខទុក្ខកូនស្រី ដែលស្នាក់នៅទីនោះ។ https://www.facebook.com/photo/?fbid=1539520131550443&set=a.492095336292933

កម្ពុជាបានចេញមុខតវ៉ាចំពោះសកម្មភាពឈ្លានពានបូរណភាពទឹកដីពីសំណាក់ភាគី​ថៃជាថ្មីទៀត ស្របពេលខួប១ឆ្នាំ ថ្ងៃទី២៤ ខែកក្កដា ២០២៥ នៃការផ្ទុះអាវុធដាក់គ្នាលើកទី១ រវាងភាគីទាំងពីរ ។ ភាគីថៃនៅតែបន្តឈ្លានពានបូរណភាពទឹកដីកម្ពុជាជាបន្តបន្ទាប់ បើទោះពីជាមានកិច្ចព្រមព្រៀងបទឈប់បាញ់ដែលបានចុះហត្ថលេខានៅប្រទេសម៉ាឡេស៊ីកាលពីចុងខែធ្នូឆ្នាំមុនហើយក៏ដោយ។​ https://www.facebook.com/photo/?fbid=1537092011793255&set=a.492095336292933

សហភាពអឺរ៉ុប (EU) តាមរយៈរបាយការណ៍ចុះថ្ងៃទី១៦ ខែកក្កដា ឆ្នាំ២០២៦ បានវាយតម្លៃថា បញ្ហាសិទ្ធិមនុស្សនៅកម្ពុជានៅតែបន្តរួមតូច បើទោះបីជារដ្ឋមួយនេះបានប្រកាន់ខ្ជាប់នូវសន្ធិសញ្ញាសិទ្ធិមនុស្សរបស់អង្គការសហប្រជាជាតិ និងក្របខ័ណ្ឌគោលនយោបាយសំខាន់ៗមួយចំនួនក៏ដោយ។ EU ព្រមានថា ប្រសិនបើកម្ពុជានៅតែបន្តយាយីដល់សិទ្ធិនយោបាយ និងសិទ្ធបញ្ចេញមតិ ការអនុគ្រោះពន្ធក្រោមប្រព័ន្ធ «គ្រប់យ៉ាងលើកលែងតែសព្វាវុធ» ឬ EBA នឹងនៅតែបន្តព្យួរ។ https://www.facebook.com/photo/?fbid=1536974198471703&set=a.492095336292933

ភរិយាអ្នកសារព័ត៌មានពីររូបដែលត្រូវតុលាការផ្តន្ទាទោសដាក់ពន្ធនាគារម្នាក់ ១៤ឆ្នាំ ពីបទពាក់ព័ន្ធសន្តិសុខជាតិ បង្ហាញក្ដីសង្ឃឹមថា រដ្ឋាភិបាលនឹងអន្តរាគមន៍ស្នើព្រះមហាក្សត្រលើកលែងទោសដល់ស្វាមីរបស់ពួកគេ បន្ទាប់ពីសមាគមសារព័ត៌មាន និងអង្គការសង្គមស៊ីវិលជាតិ និងអន្តរជាតិ ចេញលិខិតចំហស្នើសុំជាផ្លូវការ។ ទោះជាយ៉ាងណា មន្ត្រីនាំពាក្យរាជរដ្ឋាភិបាល បញ្ជាក់ថា លោកមិនទាន់បានឃើញលិខិតចំហនេះនៅឡើយ។ https://www.facebook.com/photo/?fbid=1536903311812125&set=a.492095336292933

ក្រសួង​យុត្តិធម៌ បានរកឃើញ ចៅក្រម​ ២៦រូប និង​ព្រះរាជអាជ្ញា​ ៧រូប បានប្រព្រឹត្តខុសវិជ្ជាជីវៈ ក្នុងដំណើរការចាត់ការលើសំណុំរឿងចំនួន ១៤ករណី អំឡុងឆមាសទី១ ឆ្នាំ២០២៦។ ក្រសួងយុត្តិធម៌ ​បាន​​បញ្ជូន ចៅក្រម​ ​និង​ព្រះរាជអាជ្ញាទាំង៣៣រូប ទៅក្រុម​ប្រឹក្សា​វិន័យនៃ​ឧត្តម​ក្រុមប្រឹក្សា​ដើម្បី​ពិនិត្យ​ ស្រាវជ្រាវ និង​ចាត់ការ​បន្តតាមនីតិវិធីច្បាប់​។ https://www.facebook.com/photo/?fbid=1536316691870787&set=a.492095336292933

បន្ទាប់ពីការរឹបអូសទ្រព្យសម្បត្តិចំនួន ១៥ប៊ីលានដុល្លារពីក្រុមហ៊ុន ព្រីនស៍ គ្រុប ទីភ្នាក់ងារ FBI កំពុងពង្រីកប្រតិបត្តិការរបស់ខ្លួននៅក្នុងប្រទេសកម្ពុជា ដើម្បីបិទចោលជាស្ថាពរនូវបណ្តាញឆបោកនានាដែលមានទំនាក់ទំនងជាមួយក្រុមហ៊ុននេះ។​ https://www.facebook.com/photo/?fbid=1536225431879913&set=a.492095336292933

ប្រធានព្រឹទ្ធសភាកម្ពុជា លោក ហ៊ុន សែន បានលើកឡើងថា រដ្ឋាភិបាលកម្ពុជាបានបើកសេរីភាពពេញលេញក្នុងការបញ្ចេញមតិរបស់ប្រជាពលរដ្ឋ។ តែការបញ្ចេញមតិនោះត្រូវតែស្ថិតនៅក្រោមក្របខ័ណ្ឌច្បាប់ ពិសេសរដ្ឋធម្មនុញ្ញ។ នេះបើតាមលោក ជា ធីរិទ្ធ អ្នកនាំពាក្យព្រឹទ្ធសភាកម្ពុជា។​ https://www.facebook.com/photo/?fbid=1536119298557193&set=a.492095336292933

កម្ពុជាបានអំពាវនាវដល់អង្គការយូណេស្កូ (UNESCO) និងសហគមន៍អន្តរជាតិ ឱ្យបន្តតាមដានយ៉ាងដិតដល់លើស្ថានភាពប្រាសាទព្រះវិហារ ដោយព្រមានថា វិធានការអន្តរាគមន៍បន្ទាន់ក្នុងការអភិរក្ស មិនអាចសម្រេចគោលបំណងបានពេញលេញនោះទេ ដរាបណាការគំរាមកំហែងដល់សម្បត្តិបេតិកភណ្ឌពិភពលោកនៅតែបន្តកើតមានតាមបណ្តោយព្រំដែនកម្ពុជា-ថៃ។​ https://www.facebook.com/photo/?fbid=1536057791896677&set=a.492095336292933

លោក សឿន ចាន់ដែន លោក ឆាន់ បញ្ញា លោក ផង់ ប្រុស និងកញ្ញា អយ ឌីណា ត្រូវបានតុលាការផ្តន្ទាទោសក្នុងថ្ងៃតែមួយ គឺថ្ងៃទី២១ ខែកក្កដា ឆ្នាំ២០២៦ ឲ្យជាប់ពន្ធនាគារក្នុងម្នាក់ៗ ១៨ខែ ពីបទ «ញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម»។ ការបន្តផ្តន្ទាទោសអ្នកទាំង ៤ខាងលើ ធ្វើឡើងបន្ទាប់ពីពួកគេបានបញ្ចេញមតិ និងចែករំលែកព័ត៌មានតាមបណ្តាញសង្គមទាក់ទងនឹងជម្លោះព្រំដែនកម្ពុជា-ថៃ រួមនឹងការរិះគន់លើបញ្ហាសង្គមមួយចំនួនទៀត។ https://www.facebook.com/photo/?fbid=1535496508619472&set=a.492095336292933

ជប៉ុនបានជំរុញឱ្យកម្ពុជា និងថៃ បន្តកិច្ចសន្ទនាឡើងវិញ ដើម្បីដោះស្រាយជម្លោះព្រំដែនដោយសន្តិវិធី ខណៈប្តេជ្ញាបន្តផ្តល់ជំនួយមនុស្សធម៌ដល់ប្រជាពលរដ្ឋដែលរងផលប៉ះពាល់ និងភៀសខ្លួនដោយសារជម្លោះ ដោយចាត់ទុកការចរចាជាមធ្យោបាយប្រកបដោយចីរភាពតែមួយគត់ ដែលអាចអនុញ្ញាតឱ្យពលរដ្ឋរាប់ម៉ឺន​នាក់វិលត្រឡប់ទៅលំនៅឋានវិញ។​ https://www.facebook.com/photo/?fbid=1535393658629757&set=a.492095336292933

រដ្ឋមន្ត្រីការបរទេស​​កម្ពុជា ស្នើ​ដល់សហការី​អាស៊ាន ជួយ​គាំទ្រ​ការ​អំពាវនាវ​ឱ្យ​ជន​ភៀស​សឹក​​​ជាង ២ម៉ឺន​នាក់ ដែល​កំពុង​ស្នាក់​នៅ​ជម្រក​បណ្តោះអាសន្ន បាន​ត្រឡប់​ទៅផ្ទះ​សម្បែង​វិញ ដោយសុវត្ថិភាព និង​គ្មានកា​ររារាំង​។ https://www.facebook.com/photo/?fbid=1535286108640512&set=a.492095336292933

តាម​ការបញ្ជាក់​របស់​មន្រ្តី​ជាន់​ខ្ពស់​នៃ​ក្រសួងការងារ និង​មន្រ្តី​គម្រោងផ្នែកការពារសិទ្ធិពលករចំណាកស្រុកប្រចាំប្រទេសថៃ នៃអង្គការសង់ត្រាល់ បាន​បញ្ជាក់ថា គិតត្រឹម​ថ្ងៃ​អង្គារ ទី​២១ ខែ​កក្កដានេះ ពលករ​ខ្មែរ​ ២ នាក់ក្នុង​ចំណោម​៤នាក់ដែលបាត់ខ្លួន​ក្នុងហេតុការណ៍លិចទូកនេសាទនៅដែន​សមុទ្រប្រទេសថៃ ក្នុង​ខេត្តត្រាត នៅតែមិន​ទាន់​រកឃើញ​នៅ​ឡើយ។ យ៉ាងណា​​ករណី​នេះ អាជ្ញាធរកម្ពុជា និង​ថៃ នៅ​តែ​បន្តសហការស្វែង​រក​ពលករខ្មែរ​ទាំង២នាក់។ https://www.facebook.com/photo/?fbid=1535220975313692&set=a.492095336292933

សហជីពទ្រទ្រង់សិទ្ធិការងារបុគ្គលិកកម្មករខ្មែរ នៃក្រុមហ៊ុនណាហ្គាវើលដ៍ (LRSU) ចេញលិខិតបញ្ជាក់ជំហរ ដោយអះអាងថា សហជីពប្រកាន់ភ្ជាប់គោលការណ៍ឯករាជ្យ មិនចូលរួមសកម្មភាពនយោបាយ ឬបម្រើនិន្នាការនយោបាយណាមួយឡើយ។ សហជីព បញ្ជាក់ថា គោលដៅសំខាន់របស់ខ្លួន គឺផ្ដោតលើការការពារ និងលើកកម្ពស់សិទ្ធិការងាររបស់កម្មករនិយោជិត។ https://www.facebook.com/photo/?fbid=1534649418704181&set=a.492095336292933

អ្នកនាំពាក្យក្រសួងការបរទេសចិន លោក Lin Jian បានចេញមុខការពារជំហររបស់កម្ពុជាដែលបានគាំទ្រគោលនយោបាយ «ចិនតែមួយ»។ ការការពារដោយចំហរបស់ចិននេះ គឺបន្ទាប់ពីក្រសួងការបរទេសតៃវ៉ាន់សម្រេចលុបចោលការសម្រួលទិដ្ឋាការចេញ-ចូលដល់កម្ពុជា។ អ្នកនាំពាក្យក្រសួងការបរទេសចិនបានចាត់ទុកការសម្រេចរបស់ទីក្រុងតៃប៉ិជាគំរូដ៏អាក្រក់ក្នុងចេតនាប៉ុនប៉ងបំបែកខ្លួនចេញពីចិន។ https://www.facebook.com/photo/?fbid=1534547348714388&set=a.492095336292933

កម្ពុជាបានច្រានចោលការអះអាងរបស់ឧបនាយករដ្ឋមន្ត្រី និងរដ្ឋមន្ត្រីការបរទេសថៃ លោក ស៊ីហាសាក់ ភួងកែវកែវ (Sihasak Phuangketkeow) ដែលថា ការសម្រេចរបស់កម្ពុជាក្នុងការប្រើយន្តការផ្សះផ្សាជាកាតព្វកិច្ចក្រោមអនុសញ្ញាអង្គការសហប្រជាជាតិស្តីពីច្បាប់សមុទ្រ (UNCLOS) បាន «បិទទ្វារ» ការចរចាព្រំដែនគោក ដោយបញ្ជាក់ថា បញ្ហាព្រំដែនសមុទ្រ និងព្រំដែនគោកស្ថិតក្រោមក្របខណ្ឌច្បាប់ និងយន្តការដាច់ដោយឡែកពីគ្នា ហើយអាចដំណើរការស្របគ្នាបាន។​ https://www.facebook.com/photo/?fbid=1534377002064756&set=a.492095336292933

អង្គការសង្គម​ស៊ីវិលមួយ​ចំនួន​ គ្រោង​លើកយក​បញ្ហា​មួយ​ចំនួនទាក់ទងជា​មួយ​​នឹងការព្រួយបារម្ភអំពី​ស្ថានភាព​សិទ្ធិមនុស្ស និងលម្ហសេរីភាព​នៅ​កម្ពុជា​ យកទៅជជែកពិភាក្សាជា​មួយ​អ្នករាយការណ៍​ពិសេសរបស់​អង្គការសហប្រជាជាតិ​។ គម្រោងនេះ នឹងធ្វើឡើងក្នុងឱកាសអ្នករាយយការណ៍ពិសេសរបស់អង្គការអន្តរជាតិនេះ ​មកបំពេញ​ទស្សនកិច្ច​នៅកម្ពុជា ចាប់ពី​ថ្ងៃ​ទី​២០-៣១ខែកក្កដា ឆ្នាំ​២០២៦​​ ដើម្បី​ធានាបាន​នូវ​ស្ថានភាព​សិទ្ធិមនុស្ស​នៅ​កម្ពុជាកាន់តែ​ប្រសើរ។ https://www.facebook.com/photo/?fbid=1534334542069002&set=a.492095336292933

មន្ទីរប្រឆាំងគ្រឿងញៀន បានព្រមានចាត់វិធានការផ្លូវច្បាប់ប្រឆាំងនឹងលោក រិន ច័ន្ទរិទ្ធិ ម្ចាស់គណនីហ្វេសប៊ុកឈ្មោះ Ren Chanrith ជុំវិញការបង្ហោះព័ត៌មាន ដោយចោទប្រកាន់គ្មានមូលដ្ឋាន លើមន្ត្រីនគរបាលនៃមន្ទីរគ្រឿងញៀន។ ការព្រមានឲ្យកែតម្រូវ និងលុបព័ត៌មានគ្មានមូលដ្ឋានចេញពីហ្វេសប៊ុក ធ្វើឡើងបន្ទាប់ពីគណនីហ្វេសប៊ុក Ren Chanrith បានសរសេរកាលពីថ្ងៃទី១៥កក្កដាថា បច្ចុប្បន្នមានករណីកៀបស៊ីលើពលរដ្ឋ ដោយទាមទារឲ្យពលរដ្ឋបង់លុយជាថ្នូរនឹងការដោះលែង។ https://www.facebook.com/photo/?fbid=1533719612130495&set=a.492095336292933