Deborah School

መስከረም 2019 ዓ.ም. እንኳን ለ2019 የትምህርት ዘመን በሰላም አደረሳችሁ! ውድ ወላጆች፤ ለአዲሱ የ2019 የትምህርት ዘመን እንኳን በሰላም አደረሳችሁ! በአዲሱ የትምህርት ዓመት እንደ አምናው ብቻ ሳይሆን፤ ካለፈው ዓመት በተሻለ ሁኔታ እንሰራለን ብለን እናምናለን። ለዚህም የእናንተ የወላጆች ተሳትፎ፤ ትብብርና እገዛ ያስፈልገናል። ምንም ዓይነት ችግር ቢገጥማችሁ ወይም የመፍትሔ ሀሳብ ለመስጠት ብትፈልጉ፤ ትምህርት ቤት በአካል በመገኘት ለ ርዕሰ መምህራን፤  ዩኒት መሪዎች ወይም ከትምህርት ቤቱ አስተዳደር ሰራተኞች ጋራ ግንኙነት አድርጉ። በዚህ ዓመት ጥሩ የሥራ ውጤት ለማስመዝገብ በጋራ እንስራ። ውድ የትምህርት ቤታችን የተማሪ ወላጆች ለ2019 የትምህርት ዘመን ትምህርት ከጀማሪ እስከ 12ኛ ክፍል ማክሰኞ መስከረም 05/2019 ዓ.ም የሚጀመር ይሆናል። ከመስከረም 05 - መስከረም 08/2019 ዓ.ም ትምህርት የሚሰጠው ለግማሽ ቀን በመሆኑ ልጅዎቻችሁን ከቀኑ 6:25 እንድትወስዱ እናሳስባለን። ትምህርት ከጠዋቱ 2:30 ላይ ስለሚጀምር ተማሪዎች ቀደም ብለው ከ2:10 በፊት ትምህርት ቤት መገኘት ይኖርባቸዋል። ከጀማሪ እስከ ስድስተኛ ክፍል ያሉ ተማሪዎች ደብተሮች፤ መፅሐፎች፤ ምሳ ዕቃ፤ የውሃ ኮዳ እና በየራሳቸው ላይ ሙሉ ስም እና ክፍል ተፅፎ በፕላስቲክ መለበስ ይኖርበታል። ከዚህ በታች ለቀረቡት ማስታወቂያዎችና ማሳሰቢያዎች ትኩረት ስጡ። 1. የተማሪዎች ቁርስ፤ ምሳና የአመጋገብ ሥርዓት የተማሪዎቻችን ጤና፤ ትኩረትና የመማር ችሎታ ከአመጋገባቸው ጋር በቀጥታ የተያያዘ በመሆኑ፤ ወላጆች ለልጆቻቸው ተገቢና የተመጣጠነ ምግብ እንዲዘጋጅ እንጠይቃለን። ተማሪዎች በየቀኑ ጠዋት ቁርስ በአግባቡ በልተው ወደ ትምህርት ቤት እንዲመጡ ያድርጉ። በተለይም ረጅም የትምህርት ጊዜ ላላቸው፤ ልጆቻችሁን ተገቢና የተመጣጠነ ምግብ ይዘው እንዲመጡ ያድርጉ። የምግብ መያዣዎችና የውሃ መያዣዎች ንፁህ እንዲሆኑ በየቀኑ ይከታተሉ። ከመመገባቸው በፊትና ከመመገባቸው በኋላ እጃቸውን በንፁህ ውሃና ሳሙና እንዲታጠቡ ያሳውቋቸው። ከመጠን በላይ ጣፋጭ ምግቦች፤ ጣፋጭ መጠጦችና ሌሎች ጤናማ ያልሆኑ ምግቦችን በተቻለ መጠን እንዳያበዙ ወይም እንዲቀንሱ ያድርጉ። ልጆች ምግባቸውን በአግባቡ እንዲመገቡ፤ ምግብ እንዳያባክኑና የምግብ መያዣዎቻቸውን ንፁህ እንዲያደርጉ አስተምሯቸው። የልጆቻችን ጤና እና የትምህርት ስኬት በአግባቡ ከሚያገኙት አመጋገብ ጋር የተያያዘ ስለሆነ፤ ይህንን ጉዳይ በተለይ ትኩረት ሰጥታችሁ እንድትከታተሉ እንጠይቃለን። 2. የደብተርና የመጽሐፍ እንክብካቤ ተማሪዎች ደብተሮቻቸውን እና መፅሐፎቻቸውን በፕላስቲክ ሸፍነው ፤ እርሳስ፤ ላጲስ፤ መቅረጫ፤ እስክሪብቶ እና የመሳሰሉ የፅሁፍ መሣሪያዎች እንዲሁም ኮሙኒኬሽን ቡክ ይዘው መምጣት ይኖርባቸዋል። በተጨማሪም በየቀኑ ለመጽሐፎቻቸውና ለደብተሮቻቸው ደህንነትና እንክብካቤ ክትትል አድርጉ። 3. የተማሪ መታወቂያ ማንኛውም ተማሪ ወደ ትምህርት ቤት የሚገባው የተማሪ መታወቂያ በማሳየት በመሆኑ ልጅዎ መታወቂያ ይዞ (ዛ) ወደ ትምህርት ቤት መምጣቱን(ቷን) እንዲያረጋግጡ እናሳስባለን። ጀማሪ ተማሪዎች መታወቂያቸውን አንገታቸው ላይ ማንጠልጠል አለባቸው። ወላጆችም ለመውሰድ ሲመጡ የህፃኑን (ኗን) መታወቂያ መያዝ ይኖርባቸዋል። የልጅዎን መታወቂያ ሳይዙ ልጅዎን ለመውሰድ አይምጡ። መታወቂያ ካልያዙ ልጅዎን ከግቢ አናስወጣም። በመሆኑም ከትምህርት ቤቱ ደንብ፤ ሕግና ሥርዓት ጋር በተያያዘ ከወላጆች ሙሉ ትብብር እንፈልጋለን። ተማሪዎችን ያለመታወቂያ በምንም ዓይነት ሁኔታ አንለቅም/አናስወጣም። ማሳሰቢያ: - ከ 9ኛ - 12ኛ ክፍል ያሉ ተማሪዎች ሰኞ መስከረም 4፡2019 ዓ.ም መታወቂያ ከጠዋት 4፡00 - 9፡00 ባለው ጊዜ መጥታችሁ መውሰድ ይኖርባቹሃል። በመዋዕለ ህፃናት እና የ 1ደረጃ ተማሪዎች መታወቂያ ማክሰኞ መስከረም 5 ፡ይሰጣል ። 4. የትራፊክ ሕግና ደንብ እባክዎ ሁሉንም የትራፊክ ሕጎች ይከተሉ፤ ደንቦችንም ያክብሩ። ነገሮችን በትዕግሥት ያሳልፉ። መኪናዎችን መንገድ በሚዘጋ መልኩ አያቁሙ። 5. የትምህርት መሣሪያዎች እባክዎ ልጅዎን በየቀኑ ሙሉ የትምህርት መሣሪያዎችን ይዞ/ይዛ እንዲመጣ/እንዲትመጣ ያድርጉ። 6. ወላጆች ትምህርት ቤት ሲመጡ የሚከተሉት ሥርዓት ወላጆች በልጆቻችሁ ጉዳይ ወደ ትምህርት ቤት ስትመጡ፤ በቀጥታ ወደ ር/መምህር የኒት ሊደር ቢሮ በመሄድ ጉዳያችሁን ማስረዳት አለባችሁ። በቀጥታ ወደ መማሪያ ክፍል መሄድ የመማርና የማስተማር ሂደቱን በከፍተኛ ደረጃ ስለሚረብሽ ወደ መማሪያ መሄድ ፈፅሞ የተከለከለ ነው። 7. የትምህርት ቤት ዩኒፎርምና የግል አለባበስ እባክዎ በየቀኑ ጠዋት ልጅዎን የትምህርት ቤቱን ዩኒፎርም በተሟላ መልኩ አልብሰው ይላኩት/ይላኳት። ልጅዎ የተሟላ ዩኒፎርሙን ሳይለብስ/ሳትለብስ ከመጣ/ች፤ ክፍል ገብቶ/ገብታ እንዲማር/እንዲትማር አይፈቀድም። በየቀኑ:- ሽፍን ጫማ መልበስ አለበት/ባታ። ንፁህ ካልሲ መልበስ አለበት/ባታ። የትምህርት ቤቱን ዩኒፎርም በተሟላና በተገቢው መልኩ መልበስ አለበት/ባታ። እባክዎ ያስታውሱ፦ በተማሪዎች የደንብ ልብስ ላይ ጃኬት ወይም ሹራብ ደርቦ መልበስ አይፈቀድም። ኮፍያ ማድረግ አይፈቀድም። ሸሚዝ ሁልጊዜ ከሹራብ ውስጥ መግባት አለበት። ተንጠልጣይና ረጅም የጆሮ ጌጥ ማድረግ አይፈቀድም። 8. የወንድ ተማሪዎች የፀጉር አቆራረጥ ሁሉም ወንድ ተማሪዎች ፀጉራቸውን ሁለት ቁጥር ቁርጥ ወይም ኖርማል ማስተካከል አለባቸው። ወላጆች ልጆቻቸው የትምህርት ቤቱን የአለባበስና የፀጉር አቆራረጥ ደንብ እንዲከተሉ እባክዎ ይረዱን። 9. ከጠብና ከባህሪያዊ ግጭት መራቅ ልጆቻችን ከማንኛውም ጠብ፤ አላስፈላጊ ግጭት፤ ጥቃትና ጭቅጭቅ እንዲርቁ ወላጆች በቤት ውስጥ በቂ ምክርና አስተምህሮ እንዲሰጧቸው እንጠይቃለን። ተማሪዎች ችግር ወይም አለመግባባት ሲፈጠር በሰላምና በግጭት ለመፍታት ከመሞከር ይልቅ በመነጋገር፤ በመቻቻልና በሰላማዊ መንገድ እንዲፈቱ ይምከሯቸው። ማንኛውም ችግር ሲያጋጥማቸው በራሳቸው ለመፍታት ወይም ወደ ጠብ ለመግባት ከመሞከር ይልቅ ወዲያውኑ ለመምህራን፤ ለክፍል መሪዎች ወይም ለትምህርት ቤቱ ኃላፊዎች እንዲያሳውቁ ያሳስቧቸው። ትምህርት ቤታችን የጠብና የግጭት ቦታ ሳይሆን፤ የእውቀት፤ የፍቅር፤ የሕብረትና የሰላም ቤት ነው። "ጠብ መፍትሔ አይደለም፤ መነጋገርና መቻቻል የሰላም መንገድ ነው!" 10. የወላጆች ተሳትፎ ወላጆች በትምህርት ቤቱ ንቁ ተሳታፊ እንዲሆኑ እንጠይቃለን። ያላችሁን ሀሳብ፤ አስተያየትና ገንቢ የመፍትሔ ሀሳብ በየጊዜው እንዲያቀርቡ እንጠይቃለን። የእናንተ ትብብርና ተሳትፎ የተማሪዎቻችን የትምህርት ውጤትና የትምህርት አካባቢ ለማሻሻል ከፍተኛ አስተዋጽኦ አለው። በዚህ አዲስ ዓመት በጋራ በመሥራት ለልጆቻችን ስኬት፤ ደህንነት፤ ሥነ-ምግባርና አጠቃላይ እድገት እንስራ። መልካም የትምህርት ዘመን!

#MoE የ2018 ዓ.ም. የሁለተኛ ደረጃ ማጠናቀቂያ ሀገር አቀፍ ፈተናን ወስደው በመደበኛ የትምህርት መርሃ ግብር የከፍተኛ ትምህርት መግቢያ ውጤት ያስመዘገቡ ተማሪዎች የተቋምና የትምህርት መስክ ምርጫቸውን ከነሐሴ 28 እስከ ጳጉሜ 5 ቀን 2018 ዓ.ም. ድረስ እንዲያስገቡ የትምህርት ሚኒስቴር አሳውቋል። ተማሪዎች ምርጫቸውን ትምህርት ቤት መሄድ ሳያስፈልጋቸው ባሉበት ሆነው በኦንላይን ማስገባት ይችላሉ። የምርጫ ማስገቢያ ድረ-ገጹ፦ student.ethernet.edu.et ነው። - በሕክምና ምክንያት ልዩ ሁኔታ ያላቸው፣ - የአካል ጉዳተኛ የሆኑ፣ - ተመሳሳይ ጾታ ያላቸው መንትያዎች - ከ6 ወር በታች ሕፃን የሚያጠቡ እናቶች ተገቢውን ሕጋዊ ማስረጃ ማያያዝ እንደሚጠበቅባቸውም ሚኒስቴሩ ገልጿል። #MoE ነሐሴ 28 ቀን 2018 ዓ/ም

ለውድ ወላጆች / አሳዳጊዎች የ12ኛ ክፍል መልቀቂያ ፈተና ከተፈተኑት ተማሪዎችችን ዉስጥ ሙሉ በሙሉ በሚያስብል ደረጃ ፈተናውን በማለፋቸው  ሁሉንም ባለድርሻ አካላት እንኳን ደስ ያላችሁ ለማለት እንወዳለን ።  ት/ቤቱ To Dear Parents / Guardians, ​We would like to congratulate all stakeholders, as almost all of our Grade 12 national exam students successfully passed their exams. ​The School

For grade 11 and 12 summer class phase 2

For grade 12 summer English practice questions

For grade 11 and 12 summer class

ውድ ወላጆች/አሳዳጊዎች የ2019 ዓ.ም. የነባር ተማሪዎች ምዝገባ በይፋ የተጠናቀቀ ቢሆንም፣ በቀደመው ማስታወቂያችን እንደገለጽነው ለተማሪዎቻችን የመጨረሻና የማይደገም የምዝገባ ዕድል ለመስጠት ወስነናል። በመሆኑም፣ ዛሬ ቅዳሜ ሐምሌ 25 እና ሰኞ ሐምሌ 26 ፣ 2018 ዓ ም  ትምህርት ቤት በአካል በመገኘት የልጅዎን ምዝገባ እንዲያጠናቅቁ በአክብሮት እንጠይቃለን። 📣ጥብቅ ማሳሰቢያ 📢 በተሰጠው ቀንና ሰዓት በአካል ቀርበው የልጃቸውን ምዝገባ የማያጠናቅቁ ወላጆች/አሳዳጊዎች የልጃቸውን የመማሪያ ቦታ በፈቃዳቸው እንደተዉ ይቆጠራሉ። በመሆኑም የሚኖሩንን ክፍት ቦታዎች አዲስ ተመዝጋቢ ተማሪዎች የምንቀበል ይሆናል። ት/ቤቱ ​Dear Parents/Guardians, ​Although the registration for returning students for the 2027 (2019 E.C.) academic year has officially ended, as stated in our previous notice, we have decided to give our students a final, non-repeatable registration opportunity. ​Therefore, we respectfully request that you come to the school in person today, Saturday, August 1 (Hamle 25), and Monday, August 3 (Hamle 26), to complete your child's registration. ​📣 STRICT NOTICE 📢 ​Parents/Guardians who do not appear in person to complete their child's registration on the designated dates and times will be considered to have voluntarily forfeited their child's seat. Consequently, we will accept new applicant students for any remaining open spots. ​The School

Dear Parents / Guardians, As you are aware, registration for the 2019 E.C. (Ethiopian Calendar) academic year is currently underway for both returning and new students from Kindergarten (KG) to Grade 12. First and foremost, we would like to express our gratitude to the many parents who have already come to the school and registered their children. To those parents who have not yet registered your children: Because a large number of new students are choosing our school and our available spaces are limited, we strongly urge you to register your children as soon as possible according to the set schedule. This will help avoid any inconveniences that may arise from missing the deadline. Important Notice for Grade 6 and Grade 8 Students Please be informed that summer remedial/reinforcement classes are mandatory for all Grade 6 and Grade 8 students for the upcoming 2019 E.C. academic year. Start Date: Wednesday, Hamle 15, 2018 E.C. Time: All students must report to school starting from 8:00 AM (2:00 local time). ⚠️ Urgent Reminder For parents or guardians who have not yet registered your children for the 2019 E.C. academic year, please note that the school will be open tomorrow, Friday, Hamle 10, 2018 E.C., as well as Saturday, Hamle 11, 2018 E.C., until **4:30 PM (10:30 local time). We strongly urge you to come and complete the registration. Best regards, The School Administration

ውድ ወላጆች/ አሳዳጊዎች ከመዋዕለ ህፃናት አንስቶ እስከ 12ኛ ክፍል ድረስ ለ2019ዓ.ም የትምህርት ዘመን የነባር ተማሪዎች እንዲሁም የአዲስ ተማሪ ምዝገባ እየተካሄደ እንዳለ ይታወቃል። በቅድሚያ በርካታ ወላጆች ትምህርት ቤት ተገኝታችሁ ልጆቻችሁን ስላዝመዘገባችሁ እናመሰገናለን። በመቀጠል እስካሁን ልጆቻችሁን ላላስመዘገባቸሁ ወላጆች : - አዳዲስ ተማሪዎች በብዛት ት/ቤቱን መርጠው እየመጡ በመሆኑ እንዲሁም ያሉን ቦታዎች ውስን በመሆኑ ፣ እናንተ ደግሞ በተባለው የጊዜ ሰሌዳ ባለማስምዝገባችሁ ሊፈጠር የሚችለውን ችግር ለመቀነስ  በተቀመጠው የጊዜ ሰሌዳ ቀድማችሁ እንድታስመዘገቡ እናሳስባለን። በተጨማሪ በ2019ዓ.ም. የ6ኛ እና የ8ኛ ክፍል ተማሪዎች  በክረምቱ የማጠናከርያ ትምህርት መማር ግዴታ መሆኑን ተገንዝባችሁ፣  ትምህርቱ የሚጀምረው እሮብ ሐምሌ 15: 2018 ዓም ስለሆነ ከተጠቀሰው እለት አንስቶ ሁሉም ተማሪዎች ከጠዋቱ 2 ሰዐት ጀምሮ ትምህርት ቤት እንድትገኙ ትምህርት ቤቱ ያሳስባል። ማሳሰብያ:- ለ2019ዓም የትምህርት ዘመን ልጆቻችሁን ላላስመዘገባችሁ ወላጆች ወይም አሳዳጊዎች ነገ አርብ ሐምሌ 10:2018 ዓም እንዲሁም ቅዳሜ ሐምሌ 11 ትምህርት ቤቱ እስከ 10:30 ድረስ እንደሚሰራ ተገንዝባችሁ ምዝገባውን እንድትጨርሱ እናሳስባለን። ትምህርት ቤቱ

ጥብቅ ማሳሰቢያ ለ11ኛ እና 12ኛ ክፍል ይሄ የክረምት ተማሪዎች የምስክር ወረቀት የሚሰጠው በየእለቱ በሚያዘው አቴንዳንስ መሰረት እንዲሁም የምስክር ወረቀቱ ከቶፕ-30 ውጪ ሆነው የክረምት ማጠናከሪያ ትምህርቱን ለሚከታተሉ ተማሪዎችም መሆኑን ተገንዝባችሁ ትምህርታችሁን የለምንም ቀሪ መከታተል እንደሚኖርባችሁ  በድጋሜ ለማሳሰብ እንወዳለን። ከትምህርት ቢሮ በደረሰን ማሳሰቢያ ይሄንን ሰርተፍኬት ያልያዘ ተማሪ በ 2019 ዓ.ም የማናስተናግድ እንደሆነ ለመግለፅ እንወዳለን።

ለ11ኛ እና 12ኛ ክፍል የክላስተር የማጠናከሪያ ትምህርት ተከታታይ ተማሪዎች በሙሉ ዛሬ የሶስተኛ ቀን የክረምት የማጠናከሪያ ትምህርት በተገኙ ተማሪዎች በጥሩ ሁኔታ የተካሄደ ሲሆን የትምህርት ቢሮ አቅጣጫ ብሎም የትምህርት ቤቱን ስርዓት አክብረው በበሻሌ ትም/ት ቤት ተገኝተው የተከታተሉ ተማሪዎቻችንን እያመሰገንን የተላለፈውን መልዕክት ችላ በማለት ያለተገኙ ተማሪዎች ላይ ከት/ጽ/ቤት በሚተላለፍልን ህግ መሰረት እርምጃ የምንወስድ መሆናችንን እያሳወቅን ነገ 2:ዐዐ ሰዓት ላይ በበሻሌ ትምህርት ቤት ተገኝታችሁ የማጠናከሪያ ትምህርቱን እንድትከታተሉ በጥብቅ እናሳስባለን።             ት/ቤቱ

ለ12ኛ ክፍል 5ኛ ዙር  የማሕበራዊ ሳይንስ ተፈታኝ ተማሪዎች እና ወላጆች 1ኛ: ዩኒፎርም :- ሁላችሁም የት/ቤቱን ዩኒፎርም ለብሳችሁ  ነገ፡ ሐምሌ 9:2018 ዓ.ም በት/ቤት እንድትገኙ። ጀንስ ቱታ ወይም ሌላ አይነት ሹራብ የመሳሰሉት ተቀባይነት የላቸውም። በድጋሜ ለማሳሰብ የትምህርት ቤቱን የተሟላ ዩኒፎርም (ሹራብ ውሃ ሰማያዊ ሸሚዝ እና ጥቁር ጨርቅ ሱሪ) አድርጋችሁ ጠዋት 1:30 ላይ እንድትገኙ። 2ኛ ፦ ምሳ፡- ማንም ተማሪ ከግቢ መውጣት ስለማይችል የየራሳችሁን ምሳ ይዟችሁ እንድትገኙ። 3ኛ፦ ምንም አይነት የእጅ ሰዓት ማድረግ አይቻልም። ወረቀት ወይም ሶፍት የመሳሰለትን ይዞ መምጣት አይቻልም። ማስቲካም አይቻልም። የማሰቢያ ወረቀት ከዛው ከት/ቤት ይሰጣል። 4ኛ፦ Admission card እና የፋይዳ መታወቂያ መያዝ ይኖርባችኋል 5ኛ፦ መነፅር የምትጠቀሙ ተማሪዎች የሐኪም የማዘዣ ወረቀት ካልያዛችሁ መነፅሩን ይዟችሁ መግባት አትችሉም። 6ኛ፦ በህክምና ምክንያት መድሐኒት የምትወስዱ ተማሪዎች ካላችሁ፡ የሐኪሙን ማዘዣ ወረቀት መያዝ አለባችሁ። 7ኛ፦ ሞባይል :- ሞባይል ይዞ መምጣት የማይቻል ሲሆን ሞባይል ይዞ የሚመጣ ተማሪ ካለ ሞባይሉ በፌዴራል ፖሊስ ይወረስበታል። መልካም ፈተና

ውድ ወላጆች (አሳዳጊዎች) ለ3 ቀናት ሲሰጥ የነበረው የማሕበራዊ ሳይንስ የመጀመሪያው ዙር የ12ኛ ክፍል የበይነ መረብ ፈተና እጅግ አሁንም በተሳካ መልኩ የተጠናቀቀ መሆኑን ለመግለፅ እንወዳለን። ት/ቤቱ ።

የመጨረሻ ማሳሰቢያ ለ2019 ዓ.ም ወደ11ኛ እና ወደ12ኛ ክፍል ለሚገቡ  ተማሪዎች እና ወላጆች : በዛሬው እለት የክረምት ትምህርት ማላቂያ እንደተጀመረ ይታወቃል። በእለቱ በተወሰደው አቴንዳንስ የመጣውን ተማሪ የተለየ ሲሆን፡በዚህም የተገኘችሁ ተማሪዎችና ወላጆች እያመሰገንን ከነገ ጀምሮ በክረምት ማላቂያው ላይ ተገኝተው አቴንዳንስ ለማያስይዙ ተማሪዎች ምዝገባ የማናስተናግድ ፣ ቀድማችሁ ብትመዘገቡም በማላቂያው ላይ በመገኘት እና አቴንዳንስ በማስያዝ የሚሰጠውን ሰርተፍኬት ካልያዛችሁ በ2019 ዓ.ም የትምህርት ዘመን የማናስተናግድ እንዲሁም መሸኛ የማንፅፍ መሆኑን አውቃችሁ ለሚያጋጥማችሁ ችግር ትቤቱ ኃላፊነት የማይወስድ መሆኑን እናሳውቃለን ። በመሆኑም ዛሬ የተገኛችሁ ነገም እንድትገኙ እያሳሰብን ነገ እና ከነገ ጀምሮ በማትገኙ ተማሪዎች ዙሪያ ት/ቤቱ ከወዲሁ ኃላፊነት የማይወስድ መሆኑን በድጋሜ እናሳስባለን ። ት/ቤቱ

To our graduates: may the fear of God be the foundation of your wisdom, and may faith, character, and courage guide you into a bright future. #DeborahSchool Shaping the Next Generation with Wisdom and Character! https://www.instagram.com/reel/DaqejJspKDZ/?igsh=MWQ4MW8wbWN6aXIybg==

የስብሰባ ጥሪ በ2019 ዓ.ም ወደ11ኛ እና ወደ12ኛ ክፍል ለሚገቡ  ተማሪዎች ወላጆች : በክረምት ትምህርት ማላቂያ ስትራቴጂ ዙሪያ ውይይት ለማድረግ ነገ ቅዳሜ ሐምሌ 4 : 2018 ዓ.ም ጠዋት 2፡30 በት/ቤት ቅጥር ግቢ እንድትገኙ እናሳስባለን ። ት/ቤቱ

ጥብቅ ማሳሰቢያ በ2019 ዓ.ም ወደ11ኛ እና ወደ12ኛ ክፍል ለምትገቡ ተማሪዎች : ዛሬ ከትምህርት ፅ/ቤት በደረሰን መመሪያ መሰረት 1ኛ፦ የትምህርት ማላቂያ cluster ት/ቤት በቦታ ርቀት ምክንያት ከኢትዮ ቻይና 1ኛ ደረጃ ት/ቤት ወደ  በሻሌ 1ኛ ደረጃ ክላስተር (ከ one Planet አጠገብ)  የተለወጠ መሆኑን እናሳውቃለን። 2ኛ. ትምህርት የሚጀመረው ሰኞ ከሐምሌ 6: 2018 ዓ.ም ስለሆነ ሁሉም ተማሪ በተባለው ቀን አንስቶ  በበሻሌ 1ኛ ደረጃ  በመሔድ በግማሽ ቀን (ከጠዋት 2 ሰዓት - 6:30 ) የሚሰጠውን የክረምት የትምህርት መማር እንድትጀምሩ። በእለቱ አቴንዳንስ ስለሚያዝ ሁሉም ተማሪ በቦታው እንዲገኝ። 3ኛ፦ ከትምህርት ፅ/ቤት በተሰጠን መመሪያ መሰረት የሚሰጠውን የክረምት ማላቂያ ትምህርት ለሚያጠናቅቅ  ተማሪ certeficate የተዘጋጀ ሲሆን ፤ ይህን ያልያዘ ተማሪ በ 2019 ዓ.ም የማይስተናገድ መሆኑን በመመሪያው ላይ ተገልጿል። 4ኛ፦ ከትምህርት ፅ/ቤት በመጣው መመሪያ ላይ ከት/ቤት ለሚለቁ ተማሪዎች ሆነ ከሌላም ት/ቤት  የሚመጡ  ከሚመጡበት ት/ቤት የክረምት ትምህርት እየተከታተሉ መሆኑን  የሚገልፅ መሸኛ ደብዳቤ  መያዝ ይኖርባቸዋል የሚል መሆኑን እንገልግለን።  ስለሆነም ወደ 11ኛ ወይም ወደ 12ኛ ክፍል የምትገቡ እና ትምህርቱን ከሐምሌ 6 ጀምሮ ላልተከታተላችሁ እና መሸኛ ለምትፈልጉ ተማሪዎች የሚያስፈልገውን የመሸኛ ደብዳቤ የማንፅፍ መሆኑን እንገልፃለን። 5ኛ፦ በዕለቱ ሁሉም ተማሪ ዩኒፎርም አደርጎ በበሻሌ 1ኛ ደረጃ ት/ቤት ጠዋት 2፡00 ሰዓት ላይ እንድትገኙ። በመጨረሻም :  ለሁሉም በ2019 ዓ.ም. ወደ 11ኛ እና 12ኛ ክፍል ለሚገቡ ተማሪዎች ወላጆች ፤ በዚህ የክረምት ትምህርት ማላቂያ ስትራቴጂ ዙሪያ ውይይት ለማድረግ ነገ ቅዳሜ ሐምሌ 4 : 2018 ዓ.ም ጠዋት በት/ቤት ቅጥር ግቢ እንድትገኙ እናሳስባለን ። ት/ቤቱ