تربية الأولاد لشيخة رقية

003.*SIFFOFIN MASU JIN TSORAN ALLAH*        *BASA  CIN HARAMUN* *_masu jin tsoron Allah_* _sune wadanda basa cin haramun domin – cin haramun da tara haramun yana jawo fushin Allah Madaukakin Sarki akan bawa, saboda  Allah mai tsarki ne, ba ya karbar aiki kuwa sai mai tsarki, don haka duk wanda ya tara haramun, ya zama shi ne cin sa da shan sa, to ya sani babu shi ba Allah, yayi nisa da Allah Madaukakin Sarki._ *_musu jin tsoran Allah_* _Basa cin haramun domin dukiyar haram tana hana karbar addu’a ta sa Allah Ya rufe wa mutum kofofin sama._ Manzon Allah ﷺ ya ambaci wani mutum wanda yake cin haramun yana addu'a yana cewa *Ya Ubangiji! Ya Ubangiji!! (Alhali) abincinsa haramun ne, abin shansa haramun ne, kuma tufafinsa haramun ne, kuma an ciyar da shi da haramu, to ta yaya za a amsa masa.”?* *_masu jin tsoran Allah_* _Basa cin haramun domin  manzon Allah ﷺ yace: *Ina rantsuwa da Wanda raina ke hannunsa, haqiqa da wani zai sanya loma daya ta haram a cikinsa, Allah ba zai karba masa addu’o’insa ba na tsawon kwana arba’in. Kuma duk mutumin da namansa ya ginu da haram ko riba, to wuta ce ta fi cancanta da shi.”*_ *_masu jin tsoran Allah_* _Basa cin haramun domin manzon Allah ﷺ  yace: *“Wanda ya san ya zalunci wani ya yi kokarin mayar masa kafin a karba masa daga kyawawan ayyukansa, idan kuma ba ya da kyawawan ayyuka sai a kwaso miyagun ayyukan wancan a jibga masa a jefa shi a wuta.*” Buhari ya ruwaito._ *_Yaku bayin Allah_* _Jabir bin Abdullahi (RA)_ yana cewa “Lallai Manzon Allah ﷺ yace: *“Duk tsokar da ta ginu da haram ba za ta shiga Aljanna ba.”* *_Yaku bayin Allah_* Dukiyar haram hanya ce abar kyama mai cike da hadari da ke jefa ma’abucinta a cikin wuta! _Ku ji tsoron Allah, Ya  ku bayin Allah! Ku mayar da amanoni ga masu su, ku tuba zuwa ga Allah kowa yayi duba zuwa ga abinda ya gabatar a rayuwarsa kafin ya kowa zuwa ga Allah._ Ina roqon Allah dacewa da shiriya zuwa kowane alheri, ga kaina da ku, lallai shi Allah  mai iko ne a bisa kowane abu. Allah ya albarkace ni tare da ku da abin da muka ji na Alqur’ani ya gafarta mana zunubbanmu, lalle shi mai yawan gafara ne mai jin qai *الله تعالى أعلم*