Бухоро. Ёзувчилар уюшмаси

* Адабий муҳит “Келажак бунёдкори” медали соҳибаси, Республика ёш ижодкорларининг анъанавий Зомин семинари иштирокчиси (2024) Дилафруз Облоқулова вилоят телеканалининг “Ассалом Бухоро” тонгги дастури меҳмони бўлди. Уланиш учун: https://t.me/ijod_bustoni

* Адабий муҳит “Келажак бунёдкори” медали соҳибаси, Республика ёш ижодкорларининг анъанавий Зомин семинари иштирокчиси (2024) Дилафруз Облоқулова вилоят телеканалининг “Ассалом Бухоро” тонгги дастури меҳмони бўлди. Уланиш учун: https://t.me/ijod_bustoni

ҚИРҚ ЙИЛКИ... Қирқ йилки биргамиз, битта танада, Бир лаҳза ҳам айро тушмадик зинҳор. Узоқ тингладингиз, айтинг, бу юрак Сизга нималарни сўзлади, доктор? Келишолмай қолдик сўнгги пайтларда, Ўқтин-ўқтин мендан қилади араз. Не қилсангиз қилинг, сиздан илтимос: Яна шундай қирқ йил чидаб берса, бас. Зиёда ШОДИЕВА Уланиш учун: https://t.me/ijod_bustoni

* Шеърий лаҳза * * * Бу аёл нимадан қўрқади бунча, Ҳуркак бир оҳуга ўхшарми гоҳи. Мажол топиб, унга кўз қадагунча, Заминга тўкилиб тушар нигоҳи. Зориқар, зўриқар, чингиллар ёдим, Ҳозир чиқиб кетар танасидан руҳ. Мен уни кўрганман минг йиллар олдин, Мана, минг йил кейин – яна шу андуҳ. Лол бўлиб бу жамол, бу руҳ, бу қаддан, Ортидан шамолдек чополмаганман. Оҳ, мен бу аёлга минг йил муқаддам Атиги битта сўз тополмаганман. Нимадан бунчалар афсусда аёл, Нигоҳи нигоҳни муздай қотирар... Чалқинар кишанбанд маҳбусдай хаёл, Ёндирар кечиккан куздай хотира... Усмон ҚЎЧҚОР Уланиш учун: https://t.me/ijod_bustoni

* Кун ҳикмати Ўзимга айтаман: инсон дунёда фақат ўзида олиб юрган нарсасини сезади. Антуан де Сент-Экзюпери Уланиш учун: https://t.me/ijod_bustoni

* Изҳор БУХОРО, БУХОРО, БУХОРО... Йўллар бораётир сенга, Бухоро, Диллар бораётир сенга, Бухоро. Азиз ерларингни тавоф қилай деб, Қўллар бораётир сенга, Бухоро. * * * Кўнгил поклик, зиёрат тилар, Ҳаётига ҳаловат тилар. Бухорога шу тилакни деб Келиб-кетар қанча Шодилар. * * * Сўнмагин, менга ишқ – оташинг керак, Холингни юракка қадашим керак. Сенга Самарқандни бермиш Худойим, Мен-чи, Бухорони аташим керак. Шоди ОТАМУРОД Уланиш учун: https://t.me/ijod_bustoni

ЁЛҒИЗ АЁЛ Худо берган эри бор, Бор бир этак боласи. Аммо тонглар шашқатор Оқар кўздан жоласи – Юзида қолдириб из, Чунки, бу аёл ёлғиз. Дарди дилга боғли-да: Унда бир қарич тил йўқ. Не ғамки, бу ҳовлида Шеърни суйган кўнгил йўқ. Қалбида сўзлар йиғлар, Қалбини сўзлар тиғлар. Рўзғорни дейдилар ғор, Умрини ютиб борар. Аёл сўз излаб бедор, Бир шеърни кутиб борар. Сочларига тушар оқ, Қоғоз... ҳалиям оппоқ. Бир боқса – умр ўтибди, Ажинлари – бир хатдай. Вақт олислаб кетибди Армонли муҳаббатдай. Пичирлайди: “Художон! Ёлғизман, ёлғиз ҳамон...” Эгилишар бошида Ўғиллари – шерлари. Қизлар йиғлар қошида, Ёзилмаган шеърлари. Ётар маъюс, хастаҳол Ёлғиз яшаган аёл. “Қуриб кетсин бу кўнглим, Ёлғизнинг ёри – Худо...” Писиб келади ўлим Сершовқин дунё аро. Қўл силтаб, кетди охир, Кўпайди битта қабр. Ҳаёт топди тажассум Бир аёлнинг сабрида. Энди қилар табассум Қизғалдоқлар қабрида. Хўрсинади она Ер – Ёзилмаган улкан шеър... Абдунаби ҲАМРО Уланиш учун: https://t.me/ijod_bustoni

* Сабоқ УМАР ХАЙЁМ ҲИКМАТИ Яшаш учун доноларга хос, Ечиш учун жумбоқни мушкул – Бордир икки қоида, холос, Амал этган бахт топгай буткул: Бири парҳез, танни оч қўймоқ Ва ботинга назар солмоқдир. Иккинчиси кўнгилни чаймоқ, Яъни, тез-тез ёлғиз қолмоқдир. Форс тилидан Суҳроб Ҳамроев таржимаси Уланиш учун: https://t.me/ijod_bustoni

ТОНГ САРЛАВҲАСИ Уфқларга қўйиб гулдаста, Тоғ ортидан кўтарди-да бош, Пастга боқди чўққидан аста Олтин қалам тутган бир наққош. Ҳар нуқтага сайқал бериб у, Водий узра чизди зар лавҳа. Сўнг, Қуёш деб имзо чекди-ю, Тонготар деб қўйди сарлавҳа. Эркин ВОҲИДОВ Ассалому алайкум! Уланиш учун: https://t.me/ijod_bustoni

* * * Сайдинг қўябер, сайёд, сайёра экан мендек, Ол домини бўйнидин, бечора экан мендек, Ўз ёрини топмасдан овора экан мендек, Иқболи нигун, бахти ҳам қора экан мендек, Ҳижрон ўқидин жисми кўп ёра экан мендек, Куйган жигари бағри садпора экан мендек. Кес риштаниким, қилсун чаппаклар отиб жаста, Ҳажрида алам тортиб, бўлди жигари хаста. Тоғларға чиқиб бўлсун ёри била пайваста, Кел, қўйма бало доми бирла они побаста, Ҳижрон ўқидин жисми кўп ёра экан мендек, Куйган жигари бағри садпора экан мендек. Беш кун сени даврингда бечора хиром этсун, Оҳулар ила ўйнаб, айшини мудом этсун, Ёмғур суви тўлганда, тоғ лолани жом этсун, Ҳаққингға дуо айлаб, умрини тамом этсун, Ҳижрон ўқидин жисми кўп ёра экан мендек, Куйган жигари бағри садпора экан мендек. Саргашта бу водийда бир бошиға раҳм эткил, Йўқ тоқати бандингга, бардошига раҳм эткил, Йиғлаб сенга термулур, кўз ёшига раҳм эткил, Раҳм этмасанг ўзига, йўлдошига раҳм эткил, Ҳижрон ўқидин жисми кўп ёра экан мендек, Куйган жигари бағри садпора экан мендек. Тоғда очилиб лола, ер сабза баҳор ўлса, Охир, бу нечук бедод, олам анга тор ўлса? Чиқмай деса жойидин, узлатда фигор ўлса, Гар чиқса баногоҳи домеға дучор ўлса, Ҳижрон ўқидин жисми кўп ёра экан мендек, Куйган жигари бағри садпора экан мендек. Бечорани зулм айлаб, қўл-бўйнини боғлабсан, Ҳар сори чекиб-судраб, ўлдиргали чоғлабсан, Кўксини жафо бирла лола каби доғлабсан, Сот менга, агар қасдинг олғувчи сўроғлабсан, Ҳижрон ўқидин жисми кўп ёра экан мендек, Куйган жигари бағри садпора экан мендек. Йўқ ҳуши, пари теккан девонаға ўхшайдур, Кўз ёши яна тўлган паймонаға ўхшайдур, Ғам сели билан кўнгли вайронаға ўхшайдур, Фурқатда бу Саъдулло ҳайронаға ўхшайдур, Ҳижрон ўқидин жисми кўп ёра экан мендек, Куйган жигари бағри садпора экан мендек. ФУРҚАТ Уланиш учун: https://t.me/ijod_bustoni