Najmiddin Turon

Бугун кўзёшини оҳида қайната оладиган, феълан 29 феврал, шеъран 31 ноябрь тасаввурини берадиган шоира - Феруза Хайруллаеванинг тувилди куни! Ўзим анча вақтдан бери Зоминда эдим. Бу ёқда деярли ҳар куни булут, куношар ёмғир. Буни қарангки, Тошкентда ҳам бугун ёмғир экан. Бунинг бир ҳосияти бордир. Феруза ёмғирни яхши кўрадиган шоира. Балки кўзёшини кўрсатмаслиги учун шундайдир. Кўпинча у жамот аро қир гулидек матонатли кўрсатади ўзини. Лекин у япроғига шабнам тутган қизғалдоқ каби. Ё япроқ, ё шабнам тўкилиб кетадиганек. Ким билсин, балки менга шундай туйилар... Болалик чоғимда раҳматли бобом ҳовлимиз ортида турган қирларни кўрсатиб дер эди: "Мана шу қирлар бир кун тоғ бўлар! Агар одамлар устига чиққанча тепкилашмаса!" Қўлтиқ таёғида қийналмай юриб (мен шундай ўйлардим ҳарҳолда), қирнинг этагига элтарди мени. "Қара", дерди, жимирлаб турган жимитдай булоққа ниқтаб бармоғин. -Мана шу булоқ, ҳаммага етар, агар одамлар, Бўғиб қўймасалар ёшли кўзини... Бу гапларга анча вақт бўлган. Булоқ қуриб битди, Бобом ҳам... Қирлар нима бўлди дерсиз, Қирла-ар! Қирларни соғинаман! Бироқ, боргим келмайди қишлоққа сира. Борсам йиғлатар Ўз бўйидан ошмаган қирлар! https://t.me/NajmiddinTURON

Эртакдан парча   “Энди ҳур бўларсиз!” — Ҳайқирди подшоҳ. “Не қаро кунларни кўрганингиз чин. Энди қашшоқ бўлманг, бўлинглар бойроқ, Энди тўқ яшанглар, яшанглар эркин”.   Гапи чин. Жараён қўққисдан қалқди, Эркинлик тамини туйганлар ҳам бор. Элчилик эканда, қуллик қонига Сингиблар кетганлар бўлдилар бисёр.   Уларнинг алқови мойдайин ёқди, Подшоҳ оч фақирдай тамшанди халққа — Энди кишанни ўп, Баттар шукр қил, Ўзинг сотиб олган қулдорни алқа!   XXI аср @NajmiddinTURON

Sizlar ham meni qabul qilishga qiynalasizlarmi😃

😊 Yozning eng issiq ijodiy kechasiga marhamat! 🔥 Oʻzbekiston Yoshlar ishlari agentligi “Mutolaa” loyihasi hamda O‘zbekiston Milliy kutubxonasi hamkorligida “Kechikkan yo‘lovchi” nomli teatrlashtirilgan nazm kechasini taqdim etadi. ⚡️ 10-iyun sanasida tashkil etilayotgan ijodiy kechamiz uning qahramoni shoir Dadaxon Muhammadiyev, hamda maxsus mehmonimiz shoir va aktyor Erkin Bozorov ishtirokida boʻlib oʻtadi! Tashrif buyurgan kitobxonlarga kitoblar sovgʻa qilamiz. 10-iyun, 18:00 da Alisher Navoiy nomidagi Oʻzbekiston milliy kutubxonasida barcha kitobxonlarni kutib qolamiz! Mutolaa ilovasini yuklab oling

https://youtu.be/iFJBL1w2aZ8?si=WFCXrP1SWuvy55Fo Эл, дедим бисёр айтдим, Ҳақ, дедим хушёр айтдим, Бу ватанда ҳар киши Шод, дедим—бекор айтдим. Айтмадим, хонлар ғофил— Кўнгилда минг хавотир, Икки иним мусофир Юрганин бир айтмадим.

Hijron shomiga kirdim, tonglarim xush qol endi, Shabixun nayzalarga umrim giriftor endi, Ko‘zim,  mendan ranjima, ko‘rmasam bahor endi, Sabuhiy tug‘yonlardan judo bo‘lgan yo‘ldamiz. Ko‘rganimiz nur emas, bizdan kahkashon baland, Ul somon sochig‘idan tiklangan narvon baland, Hali jism langarim, hali bu osmon baland, Yetim qovurg‘a yanglig‘ tanho bo‘lgan yo‘ldamiz. Bunda faqat boyqushlar ko‘zida mung tashiydi, Bunda faqat alaflar hasratimni taniydi, Bunda faqat ashk  yog‘ar- anduhimdan chayindi, O‘ssa faryod o‘stirib, ado bo‘lgan yo‘ldamiz. Bir umr va bitta Ishq, faqat visol oz bo‘ldi, Ko‘rar kunim boyqushning ko‘zlariga mos bo‘ldi, Netay endi,  qismatim shu yo‘llarga xos bo‘ldi, Atodan meroslig‘ ul xato bo‘lgan yo‘ldamiz. https://t.me/NajmiddinTURON

Бугун курсдошим, узангижўлдош жўрам Алибек Анварийнинг тувилди куни! Алибек тириклиги аён шоирлардан. Эл учун, юрт учун битта жонини аямайдиган жўмард йигитлардан. ТАСКИН МАНЗИЛЛАРИ Соғинчим руҳ каби юзса, эрами, милодми – нима фарқи бор? Бу йўлнинг тугаши – ғусса, ободми, барбодми – нима фарқи бор? Кўнгил на ер, на кўкдадир, ғаротми, қанотми – нима фарқи бор? Исмим эскидан сохтадир, мутеми, озодми – нима фарқи бор? Тақдирнинг насаби гуноҳ, лаънатми, салотми – нима фарқи бор? Барибир манзилим Аллоҳ, мамотми, ҳаётми – нима фарқи бор? Келса юрагим сезади... инкорми, имдодми – нима фарқи бор? Ёзар... ўчиради... ёзади... Термизми, Ҳиротми – нима фарқи бор? Алибек Анварий

Ёмғирлар ошиқиб сой томон кетди, Йўқсиллар ишониб бой томон кетди, Мен унинг меҳридан мосуво десам Лек умид ҳайитлаб Ёр томон кетди... Барчага ҳайит байрами муборак бўлсин! https://t.me/NajmiddinTURON

Bugun oʻzbekning matonatli va yoʻlbars shoirasi Halima Xudoyberdiyeva tugʻilgan kuni! YO’LDADIRMAN Yigirma yil o‘tdi intizorlikda. Andrey Voznesenskiy Siz kutasiz. Menam boraman. Uchib borodurman xuddi o‘q. Faqat... oldin xat yuboraman, O’sha xatni yozganimcha yo‘q. Ko‘ngil ichga to‘kib borini, Bir yil, o‘n yil o‘tdi, bu ko‘pmi? Ayriliqning alafzorini, Birgalashib o‘ramiz, xo‘pmi? Yigirma yil, o‘ttiz yil o‘tdi, Ko‘zingizga malol inmasmi? O’ttiz yillab govlagan o‘tni, O’rar chog‘i chalg‘i sinmasmi?! Qirq yil o‘tdi. Men tez boraman, Ranjimangiz, guvoh yeru ko‘k! Faqat... oldin xat yuboraman, Xatni... hali yozolganim yo‘q. Uchib borodurman xuddi o‘q, Bu holatni qanday sharhlayman. Borgan sari o‘rmonzor quyuq, Men kuyinib chalg‘i charxlayman. Siz kutasiz. Menam boraman. Halima Xudoyberdiyeva

Жим кетинг. Тегинманг. Қараманг, қўйинг, Кўзига мунг экиб қўйгандир уйқу. Қулочи кенг-ку деб беҳад севинманг, Йиғи довушига ўйнаяпти у. Йиғлаётган ўзи, Ўйнаган ўзи, Йиғлатган ҳам асли ўзининг насли. Ғамбода ҳолига таскин қидириб, Йиғи-ла куйлайди ҳурликнинг васфин. Ачинманг ҳам энди, Бори шу экан, Йиғи билан ювиб бўлди осмонни. Ўзи-ку кўникди мазлум ҳолига, Кўниктирмак истар энди жаҳонни. Ажаб, Ғамларига меҳр бойлаган, Ажиб ҳузурдайин туйилар қайғу. Ўзи-ку ишониб, ўзгани авраб, Йиғи довушига ўйнаяпти у. Лек умид боқийдир, Ёруғ кунлар бор! Аммо келганида кутилган фурсат, Ҳайронман, эркини қандай танийди, Йиғи довушига ўрганган миллат. https://t.me/NajmiddinTURON

Баҳром Ирзаев билан танишганимизга олти йилдан ошди чоғи. Шу йиллар мобайнида акадан кўп нарсаларни ўргандим ва бу ўқиса ўзлаштириладиган нарсалар эмас эди. Ўтган давр мобайнида илмий ишга чоғланган, номзодлик, докторлик даражасини олган кўплаб олимларни кўрдим. Уларнинг аксари “номзодлик, докторлик қилсам, дарс ўтсам ойлигимга шунча устама қўшилади”, деган қарашлар билан андармон. Илмга шахсий манфаатсиз қарагани, аттангки оз. Баҳром акада бирон марта бундай ёндашувни эшитмадим, сезмадим. Нима қилса шу элнинг, миллатнинг ўмганини кўтариш пайида юрганини кўрдим, жадидлардан мерос гап: юртни “тенглар ичра тенг кўриш” орзусида ёнганига гувоҳ бўлдим. Бир қарасанг архив титкилайди, бир қарасанг архивлардан топганини элга улашиш пайида бўлади. Юз йил муқаддам босқинчилар ва сотқинлар қўлида ўлган йигирма яшар қизнинг қисматини кўкайи куйиб гапиради, Баҳром Ирзаев деган ватандоши борлигини ўйлаб ҳам кўрмаган олис юртдаги мусофир қавмининг қийинчиликларидан изтироб чекади, ҳали туғилмаган келгуси авлод учун ёруғ ва умидли хаёллар суради... Одам сафарда синалади, деган кўҳна гап бор. Ирзаев билан бу жиҳатларни ҳам кўрдик. “Боболар изидан...” Олтою Озар томонларга узоқ муддатли ва олис йўлли сарҳадларни босиб ўтдик. Бунда ёинки мен, бутун узанггижўлдошлар Баҳром аканинг яхши хислатларни қайтадан кашф этди, борига амин бўлди. Бугун шу одамнинг тувилди куни. Бундай ойдинларимиз, шукрки оз эмас, илоҳим, янада кўп бўлсин! Баҳром Ирзаевга Арғумоқ кетган сўқмоқ, Заминга чўкиб борар. Уюрдан айри қулун, Жавдираб ўтиб борар. Киприклари қилқалам, Сиёҳин тўкиб борар, Тушовин узган исён, Етовчи юрак бунда. Аср ошган арчанинг Шохларида кўк томчи, Сояси турғун эмас, Бу беш кунлик алдамчи— Тўнглаган ёши дарак, Эй, қулуним, чопсанг-чи, На қўноқ мадор бўлар, На замон тиргак бунда. Кўк бўрин ёлин ўпган Шамолларга қулоқ сол. Эртакка кўчган чиннинг Шу йўлларда изи бор. Мутега кўп суянма, Атагани ҳўл рўмол. Ҳақ на даркор бундайга, На жони ҳалак бунда. Байловга кўникканнинг, Жони-да ширин келар. Бир жойга тўплаётган, Моли-да ширин келар. Бошини қумга суққан, Ҳоли-да ширин келар. Эли ялқов келар ва На подшо сергак бунда. Ҳайқириб кет тоғларни, Зир титратсин кишновинг. Ҳайқиравер қашқирлар, Бузгунича қуршовин, Ҳайқиравер айғирлар, Узгунича тушовин— Ўзинг ҳақ деб кетмасанг, Келмагай дарак бунда. Итларга талаш тушган Карвонни топмагунча, Алпларинг ютиб ётган Зиндонни топмагунча, Эгасиз бадар кетган, Туронни топмагунча, Ўзингни йўлларга сол, Қолмоқ не керак бунда?... @NajmiddinTURON

ЭРТАК Фалон мамлакатнинг фалон шаҳрида, Фалончи кимсалар этганда базм, Қизлари қалтираб қаттол қаҳридан, Эрлари эшилиб этаркан тазим. Фуқаро бирдайин отсиз фалончи, Номдор шиорларга тамшаниб шодон— Ортиб борар эмиш фалон ишончи, Қотиб борар эмиш кўксида иймон... Фалон замонларга фалон режалар тузганда, шукуҳдан тўлғаниб омма, Атоқли ўйларнинг отин нечалар Қордайин курармиш тинимсиз онгдан. Фалон йиллар ўтиб, армон ўтида, Топ дебон, авлодлар урганида дўқ— Фалон бир эртакнинг фалон бетида Шоирлар тирилган варақ эмиш йўқ... https://t.me/NajmiddinTURON

АЙТ Менга ҳаво эмас, бир илинч бергин, Кўксим илма-тешик бўлаётган пайт. Жисмимга қадалган пайконни тергин, Ишонтир, буни мен отмадим, деб айт. Гоҳ мазлум қонини ичганим ростдир, Гоҳ ҳиммат белбоғин ечганим ростдир. Гоҳо бўйнимгача кечганим ростдир, Аммо бу ботқоққа ботмадим, деб айт. Биз сизни кўрганмиз гапхонасида, Бу – тузоқ! Улфатлик баҳонасида. Нафсимни жиловлаб остонасида Ҳеч йўқ бир марта туз тотмадим, деб айт. Магар шундай бўлса, қандай юрурсиз? Умрдан маъни не эрксиз, сурурсиз. Хотиринг жам бўлсин, орсиз, ғурурсиз, Пою патак бўлиб ётмадим, деб айт. Гумон айирса гар иймонимиздан, Отингга қамчини биз урамиз – ҳайт! Фақат сен онангнинг номини қўйиб, Мен асло Ватанни сотмадим, деб айт. © Исломжон ҚЎЧҚОРОВ

*  *  * Аслан ёмғир эдим. Йўлин синдириб, нурни ташна этдим ёмғир бўлмоққа. Сандувоч кўзидан висол ўмариб, ёғмоққа шай бўлдик,  фақат ёғмоққа. Зарафшон жисмимиз каҳкашон ичра, сочилган сомондан бир ошён ясар, ёғармиз, Исрофил суридан кейин, ёғмоққа арзирли дунё топилса. https://t.me/NajmiddinTURON

Бийлар ғолиб, ҳар доимгидай, Халқ сукутга, сукут халққа мос. Мутелиги агар кам бўлса, Тилигача кишанингни ос. Мана бўйним, сиртмоғингни сол, Косам тўлиб бўлди сабрга. Сўнгги ўтинч — фотиҳа ўқий, Сўз эркининг қабри қаерда?!.. Тириклигин кўрмадик биз-ку, Авлодлар ҳам сўрайди бир пайт. Ўшанда: ’'Биз ўлдирдик’’, — дема, ’’Ўзи қариб ўлгандир’’, — деб айт... https://t.me/Najmiddin_Ermatov

​​САМАРҚАНД ҚАСИДАСИ Жавлон Жовлиевга Дўстим, менинг хос луғатимда Самарқанднинг ўзга номи бор: Неча йилки яшар дилимда, Неча кузу, оҳ, неча баҳор. Гумбазларга термулиб узоқ, Пичирладим бир сўзни ҳар он: Самарқанднинг исми айрилмоқ, Самарқанднинг бир исми армон. Айларканман боғларни сайр Ё боболар қабрин зиёрат, Туярканман йиғига майл, Қилмишимдан бўлиб хижолат. Осмонларга термулдим – қуёш Қамаштирар эди кўзимни. Самарқанднинг бир исми кўзёш, Бардош унинг яна бир исми. Майсаларда умримнинг ўсал Муҳаббатин қисмати яшар. Бу майсалар қиёматгача Мендан ранжир, мени қарғашар. Улар шоҳид — гоҳо иродам Ишқ фаслида синди қарсиллаб. Самарқанднинг битта исми ғам, Бири эса қарғиш урган қалб. Чинорлари минг йилдан сўнг ҳам Суҳбат қурар: кўрдик қанча кас, Юзига ой нури сурилган Ўша қиздек лобар ўтганмас. Бу дунёда мендек нотавон Яна кимдир борми, билмадим. Самарқанднинг исми пушаймон, Самарқанднинг исми дилбарим! Ёддан чиқди гина, аламлар, Ёддан чиқди очлик, ночорлик. Гоҳо ўша озор, ситамлар Панжасида бир ҳикмат бордек. Мана, мени шоир қилган синч, Мана, мени пиширган тандир. Самарқанднинг бир исми соғинч, Самарқанднинг исми онадир. Кўкка учсам, шу эл тўқиган Орзулардан боғларман қанот. Мени Тошкант сари элитган Мана шу эл эгарлаган от. Ҳар қадамда ҳазрати Хизр Руҳи қилар мени иҳота. Самарқанднинг бир исми ҳузур, Самарқанднинг бир исми ота. Бу тупроқда бобом қабри бор, Бу тупроқда момом ётар жим. Бу тупроқни неча бор ковлаб, Кўмганимни, шартми, санашим? Ахир унинг бир исми бешик, Ахир унинг бир исми қабр. Самарқанднинг исми жудолик, Самарқанднинг бир исми сабр. Мен шамолнинг ортидан қолмай Кетаётган савдойи банда. Бир елкамда жаҳонгир руҳи, Бобур турар битта елкамда. Улар менга бағишлар илҳом, Илдизимдан олаяпман куч. Самарқанднинг исми эҳтиром. Самарқанднинг битта исми бурч. Олисларда ўхшашин топмай, Тўлғанаман маҳшаргача то. Самарқандда қолиб кетгандай Марҳаматин чеки йўқ Худо! Қолди унда болалик, ғўрлик, Учди бунда оҳорим, рангим. Самарқанднинг исми мағрурлик, Самарқанднинг бир исми Тангрим! Бек АЛИ 2026 йил. 26 апрель. Telegram | Facebook | Instagram| YouTube

#jurnal Bizni maqtayapti!😀 Adabiyotshunos, PhD Otabek Safarov yuz.uz saytida chiqqan maqolasida bugungi o‘zbek jurnalchiligining yutuq va muammolari haqida mulohaza yuritgan. Muallif, jumladan, bizning nashr haqida shunday yozadi:

...yoʻnalishini butkul kengaytirib, tom maʼnoda tilga tushgan “Til va adabiyot taʼlimi” singari koʻrkam-koʻrkam jurnallar paydo boʻlgani kishini quvontiradi. Holbuki, tarmoq nashri boʻlgan ushbu jurnal oʻzining anʼanaviy yoʻlida ketaverganida ham birov bir narsa demas, deyishga haqli ham emasdi! Biroq tahririyat “kambagʻallashib qolgan maydon”ni toʻldirishga oʻzini burchli deb bildi...

Nima deysiz? Olimning fikriga qo‘shilamizmi? Yo o‘zingiz oshiribroq maqtab berasizmi?😂 🗄Farrux Jabborbek

Oʻzbekoyim (Hilola Nazirova) atalmish sergʻayrat, tinib-tinchimas, oydin, yuragi Turonday ulkan opamiz bor. Bir vaqtlar “Oʻzbekiston tarixi” telekanalida “Tarixiy savol” koʻrsatuvini yoʻldoshlikda olib borardik. Oʻzi tarixchi, bir muddat Abdulla Qodiriy ijod maktabida direktorlik qildi. Hozir Yangi Oʻzbekiston Universitetida prorektor. Har ikki ishida ham bir dunyo loyihalar qildi, bosh qoʻshdi, tinmadi, hamon shu yoʻlda. Yana bir ish boshlabdi, bunisi “Oʻtkan kunlar”ning yuz yilligiga armugʻon! Oʻylaymanki, elning ayollari shunday shiddatkor boʻlsa, millat ertasi nurli boʻladi, istaymanki, bunday ayollarimiz koʻp boʻlsin! Aytmoqchi, qurultoy eshiklari hammaga ochiq. Boring, koʻring, bir dunyo shukuhga toʻlib kelasiz! @NajmiddinTURON