Najmiddin Turon

Кузак боғларида дилгир дарахтлар Эроний қизлардай ечганда рўмол, Кафтим чизиғига монанд турналар Ортидан кетурман, боғларим, хуш қол. Ҳижроннинг сояси майсани қоплаб, Сарғарган хазондай ёйилган чоғда, Кўрар тушларини ҳушида оқлаб, Бир сулув келади ҳали бу боғга. Дарахтлар соясин тирқишларидан Кўзига ботганда идраган ёғду, Гўёки бегона — юз йил наридан Исмини пичирлаб сўрагайдир у. Хазонлар ёяди хотирдан раста, Ғоваклар бўғриқиб чалади бурғу: “Бу боғлар баҳорги боғлар эмасда, Исмини барибир эслолмайди у...” Эгик мажнунтолнинг баланд шохидан Энг сўнги япроқлар тупроққа энса— Йўлакка тўшалган хазон оҳидан Синиққан сас чиқар: “бу ахир сенсан”! Шамоллар хас ила сўз ёзар кўлга, Тошларга тўш уриб пичирлайди сув. Измини унутиб ботади ўйга, Исмини кўнглимга жойлаган сулув. Қисматдай орқага йўл бошлайди йўл, Эслатар фурсати етганлигини. Бир умр билмайди, яноқлари ҳўл — Исмининг мен билан кетганлигини. https://t.me/NajmiddinTURON

КИМ НИМАНИ ЯХШИ КЎРАР Эҳтимол, бизнинг халқ илму маърифатни, тарбия ва таълимни, ҳунар ва саноатни яхши кўрар, деб ўйлайдурғондурсиз? Йўқ, бу фикрингиз ёнглиш. Эшонларимиз тоат ва ибодат, панду насиҳат, зикру тасбеҳ ўрниға тўйлардан тўн киюб, кўб ошаб, кўп ухлашни яхши кўрурлар. Уламоларимиз дарсу таълим ўрниға, бир-бирлари ила ўрун талашиб, мукаррир ва мударрис бўлишни, ўзлари бўлолмай қолсалар, эшикма-эшик юруб сайловни бузишни яхши кўрурлар. Имомларимиз, халойиқға ваъз ва насиҳат ўрниға, тўй ва жанозаларда юруб, жома кийишни яхши кўрурлар. Бойларимиз орқа-ўнглариға қарамасдан, фойда ва зарарларини ойирмасдан бир-бирлариға рақобат қиламан деб, "бонка" ва "кридит"ларини кўпайтуруб, дўффилари тор келганда рус ва яҳудийларнинг молларини букуб-синишини яхши кўрурлар. Мўйсафидларимиз намоз ва ниёз ўрниға, масжид эшигига йиғилуб ўтуруб, ҳар кимни ғийбат ва шикоят қилишни яхши кўрурлар. Муаллимларимиз бир-бирларидан қизғонишуб, болаларни арзон ўқитаман деб, бир ўзларига юз, юздан ортуқ бола йиғуб, ўзлари тўй ва маъракаларда болаларнинг умрини бекор ўткаришни яхши кўрарлар. Савдогарларимиз: "Тўйликни тўйи ўтар, тўйсизни куни ўтар" деган сўзга амал қилмай, қайси маҳаллада тўй бўлса, дастурхончилик қилишни яхши кўрурлар. Дўкондорларимиз ишларини тартиб-ла солмай, замонаға мувофиқ иш юритмай, Маллахон замонидан қолғон эски дўкон, эски тос, эски тартибларини яхши кўрурлар. Оналаримиз билим ва тарбия ўрниға эрлари ила урушуб-талашуб қизлариға мол қилмакни яхши кўрурлар. Оталаримиз болалариға ўқутмак ва таълим бермак ўрниға "Ўғлум, эмди каттакон йигит бўлдинг, шунча ўқуганинг етар, пул топ!" — деб "ташишка" — ҳаммоллик қилдиришни яхши кўрурлар. Заргарларимиз йигирма тийинлик кумуш, ўн тийинлик тилло орасиға мум ва сақичлар жойлаб, исмини қиз ҳайрон, зебигардон қўюб, беш-ўн сўмга сотишни яхши кўрурлар. Табибларимиз долчин, занжабил, ҳуббул малик, филфил каби бир неча атторни қутисида йўқ нарсалардан мураккаб дору ва маъжунлар ясаб, бечора нодон халқни пулини олишни яхши кўрурлар. Машшоқ ва ҳофизларимиз тўй ва базмларга бир мардакни(нг) исмини бачча қўюб, ўзлари ила баробар олиб юруб, "миллий адабиёт" ўрниға "Хоним ялола, бегим ялола" деб баччага ташланаётган пулларни бўлуб олишни яхши кўрурлар. Саводхонларимиз жарида ва журналлар, тарих ва рўмонлар ўрниға Дақёнус замонидан қолғон, хурофотлар ила тўлғон "Андоғ урдиларки, гард-гард бўлуб кетди", деб лофлар ёзилғон китобларни оғизларини қуфуртуруб ўқумоқни яхши кўрурлар. Ёшларимиз илм ва маърифатли бўлишни, ҳунар, санъат ўргонишни ўрниға, ўзларига зеб беруб тор шим ила калта камзул, қотирма ёқаларга бино қўйишни яхши кўрурлар. Ишчиларимиз илм ва ҳунардан маҳрумлиги сабабли бошқа миллатлар илму маърифатлари соясида кунига 4-5 сўм ишлаб турган бу замонда кунига уч тангаға мардикорликни, ойиға ўн беш сўмға қоровулликни, йигирма сўмға фанар ёқишни, ўн сўмға кўнка йўлини тозалашни ва шуларга ўхшаш энг паст ва оғир хизматларни яхши кўрурлар. Болаларимиз оталаримизнинг илм қадрин билмаган, илм учун пулни кўзлари қиймаганлик сабабли ўқумоқ ва ўрганмоқ ўрнига "Оҳ, пул, жоним пул", деб "ташишка" — ҳаммолликни яхши кўрурлар. Муҳаррирларимиз кўб-кўб оқча олиб, оз-оз ёзишни яхши кўрурлар. Муштарийларимиз фойдали мақолалар ўрниға хабарларни яхши кўрурлар. Шоирларимиз миллий шеър ва адабиёт ёзишни ўрниға мувашшаҳми ёки "қошингдан, кўзингдан", — деб, жавонларни мақтаб фасод ахлоқға сабаб бўладурғон шеърлар ёзишни яхши кўрурлар. Аммо мен бўлсам, ҳозирги замонда индамасдан туришни яхши кўрурман. 1913 йил Абдулла Авлоний https://t.me/NajmiddinTURON

Чумолига марсия Сен меҳнат қиласан, хирмонни зоғ ер, Тилсиз бир жонзоту, лек сабри тоғ дер, Тағин ҳуррам эрур ва кайфи чоғ дер, Сен билар донданмас, сен билмас ғамдан Энди тўйиш мумкин бу кенгликларда. Иккита фаслинг бор—қиш ва тадорик, Биргина умринг бор—меҳнату зорлик, Тағин гуноҳинг бор—зоғга ҳамкорлик, Кўксингни қиймалаб, ўзингни қийнаб, Энди ўлиш мумкин бу кенгликларда. Фақат ўлиш мумкин бу кенгликларда... https://t.me/Najmiddin_Ermatov/1089

Шимолдан ховури яхлаб қайтди ел, Умидвор чечаклар топмоқда завол. Менинг дардим оғир, Оғринмасдан кел, Кузакдан кўнглини узмаган аёл. Кафтимдан дон еган қушларим учди, Илонлар шайланди этмоққа жоду. Лек кўнгил дардисар, Ҳамон саросар, Ҳамон кафтим очиқ, Қўлларинг қушку?.. Эртанга хотирдан тўн тўқиб сотган Умидни забтига олмоқда кузак. Қўлларим қировга ботмасдан аввал, Юрагим тинмасдан Қўлингни узат. Кузакдан кўнглини узмаган аёл. https://t.me/NajmiddinTURON

Ҳали кечилмаган кечувдай мубҳам, Ҳали шўнғилмаган уммондай сирли, Ҳали ёзилмаган шеърдайин бекам, Бир йўлга тушардим яралар битса. Ҳамда кўрилётган тушдайин эркин, Ҳамда сурилётган хаёлдай озод, Ҳамда айтилмаган сирдайин ичкин, Шамолга дўнардим қўйворса ҳаёт. Бироқ артилмаган мужгондай интиқ, Бироқ учолмаган қушдайин дилгир, Бироқ ўлолмаган дардчилдай тирик, Бандиман, Тушовим маҳкамлар кимдир... https://t.me/NajmiddinTURON

Қуруқ қудуқларда қақшаётир сир, Най ясаш сирини унутди чоллар. Зангор рўмолини бўхчага ташлаб Эрининг ортидан кетди аёллар. Ким қолди?.. * * * Қўлларимда қизил харита – Майдаланган кўзгу сингари. Ёв отига емиш ташийди. Тарқаб кетган Темур лашкари. То бирлик йўқ – борлик ҳам йўқдир! Бу ғафлатга қўймай туриб чек, Номинг айтиб шеър тўқиётган Шоирингни кечирма, Ўзбек. Қолганини бугун 19:00да очиқ осмон остида ШОИРларнинг ўзларидан эшитиш мумкин!!! P/s: Абдулла Орипов, Рауф Парфи, Азим Суюн, Шавкат Раҳмон, Ҳалима Худойбердиева каби Улкан шоирларимизнинг ўтли шеърлари ҳам муносиб издошлари томонидан ижро этилади... Усмон Азим ва Хуршид Давроннинг тиригини кўриш имкони ҳам мавжуд... Барча қизиқувчиларни таклиф қиламиз!!! Шу жойига битта савол! Абдулла Орипов шеъри ким томонидан ўқилишини тахмин қилиш мумкин, Ҳалима Худойбердиева шеърини ким ижро этишини тахмин қилмасдан ҳам топса бўлади!!! Гулжамол опа устозини ҳеч кимга бермайди... Саволки: Шавкат Раҳмон образини қайси шоиримиз гавдалантиради? Сафарали Қурбоновнинг фейсбук саҳифасидан https://t.me/NajmiddinTURON

Кўнглида ҳовури борлар қаторлашиб келаверсин!😁🖐🤝

Hijron shomiga kirdim, tonglarim xush qol endi, Shabixun nayzalarga umrim giriftor endi, Ko‘zim,  mendan ranjima, ko‘rmasam bahor endi, Sabuhiy tug‘yonlardan judo bo‘lgan yo‘ldamiz. Ko‘rganimiz nur emas, bizdan kahkashon baland, Ul somon sochig‘idan tiklangan narvon baland, Hali jism langarim, hali bu osmon baland, Yetim qovurg‘a yanglig‘ tanho bo‘lgan yo‘ldamiz. Bunda faqat boyqushlar ko‘zida mung tashiydi, Bunda faqat alaflar hasratimni taniydi, Bunda faqat ashk  yog‘ar- anduhimdan chayindi, O‘ssa faryod o‘stirib, ado bo‘lgan yo‘ldamiz. Bir umr va bitta Ishq, faqat visol oz bo‘ldi, Ko‘rar kunim boyqushning ko‘zlariga mos bo‘ldi, Netay endi,  qismatim shu yo‘llarga xos bo‘ldi, Atodan meroslig‘ ul xato bo‘lgan yo‘ldamiz. https://t.me/NajmiddinTURON P/s “Bilga tur”ning Najmiddin Turon ishtirokidagi sayohatidan lavha. 🌏 BILGA tur – aql va ruh bilan sayohat! Rasmiy sahifalar: 📱 Telegram 📱 Instagram 🌐 facebook 🔻 sayt

Журъатсиз кишилар журъатсизлигини оқлаш учун ҳар доим бирор ақлли гап ўйлаб топади. Албер Камю @NajmiddinTURON

96 varoq https://go.uzum.uz/l/skEmMYCu Kanalimiz rivoji uchun like va kommentariya yozing, do‘stlarga ham ulashing! 🚀 @kitobjavoni_KJ

Ҳай, ёр-а! Куюк кўнгил оҳидан Буғланган Орол қайда, Тунлар зулматни ўрган Ул ҳамроҳ ҳилол қайда, Айғирнинг бўйни мисол Бўронни кесар десанг, Қаддингга ўхшаб турса Айтмоққа савол қайда? Ҳай, ёр-а! Қора тортсанг ёруғлик Кўздан йироқ борадир, Ҳаётидан норизо Эл бесўроқ борадир, Дарди қават-қавату Қўл юпқароқ борадир, Жасорат сўниб борган Умрда малол қайда? Ҳай, ёр-а! Эл алқаб юрган беклар Элнинг қасдига тушса, Оқ қайиндай ой қизлар Ҳижрон рақсига тушса, Отамерос йўқсиллик Тағин наслига тушса, Жортибойи кўп юртда Бут қайда, камол қайда? Ҳай, ёр-а! Қавмим дебон қароғинг Ёшлиғ бўлса, кулсалар, Йўлдошим деб юрганинг Йўлин калта бурсалар, Ҳақ номидан сўз очиб, Халқ нонидан урсалар, Шиори зеб замонда Яшарга мажол қайда? Ҳай, ёр-а! Юз йилларки қийпиниб Эгилган бош биздадир, Суягини унутиб Тентиган лош биздадир, Битмас сабр ҳам бизда Тағин кўзёш биздадир, Зарур вақти мушт бўлар Қўл қайда, қурол қайда? Ҳай, ёр-а! Сўзлай десанг сўзингни Қафас қўрқитиб турса, Ўлай десанг ютилган Нафас қўрқитиб турса, Яра дилни яратган Бесас қўрқитиб турса, У дунда борми, билмам, Бунда истиқлол қайда?.. Ҳай, ёр-а! https://t.me/NajmiddinTURON

Бир ёқда суйгулинг кўзингдан ғойиб, Бир ёқда ватанинг ғарларга талош. Бир ёқда андуҳинг бормоқда бойиб, Бир ёқда қароққа тўлқин урар ёш. Бир ёқда шимолга сургун йигитлар, Бир ёқда жувонлар жамиятга қул. Бир ёқда ялоғи тиллодан итлар, Бир ёқда танглайи тешилган булбул. Бир ёқда Оролдай шўрлаган манглай, Бир ёқда адашган йўлчидай авом. Бир ёқда ёлғонни айтишар чиндай, Бир ёқда алданиш этади давом. Бир ёқда қулликни тусар кексалар, Бир ёқда ёшанглар фарқи йўқ ҳар ёқ. Бир ёқда келажак ҳиссиз ингранар, Бир ёқда қабрлар ҳайқирар узоқ. Бир ёқда бемалол қиш келаётир, Бир ёқда кўчини тўплар тийрамоҳ. Бир ёқда бемажол дил йиғлаётир, Бир ёқда самога ўрлаётир оҳ. Бир ёқда ҳаммаси ўткинчи гўё, Бир ёқда ҳар бири жон беришга тенг. Бир ёқда измидан қўймайди дунё, Бир ёқда бир ёққа кетгинг келар сен. https://t.me/Najmiddin_Ermatov

15-16-avgust kunlari yilning eng sehrli yulduzli kechasi uchun chegirmali narxlar! Sayohat davomida sizni kutmoqda: 📝 Shoir Najmiddin Turon bilan she'riy kecha; ☀️ Markaziy Osiyoda yagona bo‘lgan Toshkent viloyati Parkent tumanidagi Quyosh shaharchasi bo‘ylab olim ishtirokidagi qiziqarli sayohat; ✨Faqat shu kunlarda bo‘lib o‘tayotgan yulduzlar yog‘dusini tomosha qilish; 🔥 Gulxan atrofida unutilmas suhbatlar; 🪕 Xalqona ohang va ashulalar; ☕️ Issiq qahva, yoshlikka qaytaruvchi cho‘g‘da toblangan kartoshkalar; ⛰Toza havo va betakror tabiat; 🏕 Chodir ostida tunash; 🌓Quyosh chiqishini kuzatish; 📸Kechadan foto va video lavhalar 🗓 Sana: 15-16-avgust ⏳Vaqt: 15.00 da Toshkent shahridan jo‘nab ketish 📍 Joy: O‘zbekiston mehmonxonasi oldidan 💰 Ishtirok narxi: 300 ming so‘m Ro'yxatdan o'tish: 📱Telefon: +99850024-26-47 ⚠️ Muhim eslatmalar: Joylar soni cheklangan! 🤍O‘zingiz bilan yeguliklar va issiq kiyim olishni unutmang! 🌏 BILGA tur – aql va ruh bilan sayohat! Rasmiy sahifalar: 📱 Telegram 📱 Instagram 🌐 facebook 🔻 sayt

—Аё, беклар, фақирларни Кўп ҳам туртманг ўз юртида. —Ким тегинди, юраверсин. —Сизни элга фидо ўйлаб Тинмай армон ўстирдида. —Манглайидан кўраверсин. —Ўз Ватани, ўз бойлиги, Ўз ризқидан бермайсизми. —Ваъда бердик, етмайдими. —Ер юзига тарқаб борар, Ҳолини бир сўрмайсизми. —Ундан нари кетмайдими... —Сизлар пешво, кўп айтарсиз Халқ деб тинчдан кечганингиз. —Мадҳ айласин, алқасин. —Лек айтмайсиз эл кўзи-чун Ёлғон қасам ичганингиз. —Билдирмасдан қарғасин. —Минглаб қонун жорий қилиб, Нечун амал қилмайсизлар. —Амал қилсак чиқармиди. —Сабр тўлган коса бир кун Ёмон синар, билмайсизлар. —Элнинг ҳадди сиғармиди. —Ўғри урган карвон мисол Бор бисоти тугаб борар... —Яшайверсин, ватан мана. —Бир кун одил судлов бўлса, Эл ҳаққини сўраб борар! —Худосига айтсин ана... https://t.me/NajmiddinTURON

Чопиб-чопиб тоғларда Бориб-бориб адашсам. Сулув-сулув оҳулар Орқасидан эргашсам. Баланд-баланд қоялар, Чуқур-чуқур зовларда Таъқиб қилса қашқирлар Омон чиқсак овлардан. Зилол-зилол булоқдан Қониб-қониб сув ичсам. Куюк кўнгил жисмима Яхтай ҳовур тирмашса. Қаттиқ-қаттиқ тошларга Бериб ётсам кўксимни, Ҳайрон-ҳайрон какликлар Учиб ўтса устимдан. Эзиб-эзиб ҳаққушлар, Мунглиғ куйин бошласа, Эзғин-эзғин хаёллар Келиб кўзим ёшланса. Ўтлиғ-ўтлиғ туйғулар Чорлаганда кўнглимни Қорли-қорли кўчкилар Ёпиб қўйса йўлимни. Юксак-юксак чўққилар Кетай, десам қўймаса, Бориб-бориб тоғларда Қолсам! Биров билмаса.

Assalomu alaykum, “bilga”doshlar! Bizga juda ko‘p murojaatlar kelmoqda. Ulardan ayrimlariga aniqlik kiritib o‘tmoqchimiz. Nima uchun ikkita turning narxida farq katta? 🌄 15-16 – avgust kuni rejalashtirayotgan sayohatimiz davomida dunyodagi eng yirik ikkita quyosh pechining biri bilan olim ishtirokida tanishib chiqamiz. Bu bizga ilmiy asoslangan ma’lumotlarni to‘liq olishga yordam beradi; 🏕️ Kechqurun tunab qoladigan joy qo‘riqlanadigan hudud hisoblanadi, u yerda maxsus uskuna yordamida oyni va yulduzlarni yaqindan tomosha qilish mumkin va bular uchun belgilangan to‘lov mavjud. 🎤 Sayohat davomida shoir she’rlari tinglanishi bilan birga, yuqori kayfiyatni Dj ham ta’minlaydi! Xullas, tabiatning betakrorligini sizga ruhan yaqin bo‘lgan insonlar bilan birga kuzatasiz! Shu kabi qiziqtirgan savollaringiz bo‘lsa, @bilga_admin ga yozib qoldiring, barchasiga javob beramiz! Hozirda sayohatga yozilganlar bilan bir davra, bir guruh bo‘ldik, siz ham safimizga qo‘shiling! 🌏 BILGA tur – aql va ruh bilan sayohat! Rasmiy sahifalar: 📱 Telegram 📱 Instagram 🌐 facebook 🔻 sayt

Ko‘nglimda yig‘lagan malaklar kimlar?.. Cho‘lpon Suygulim, Yozning poyoniga yetdik nihoyat, Yoshlarim loylandi fasl so‘ngida— Saraton taftidan etmay shikoyat Chechaklar quvrabdi ko‘zim o‘ngida. Ko‘zim o‘y, gulim. Suygulim, Avgust bog‘larini tark etdi qushlar, Bo‘sh qolgan inlarda rutubat hokim. Qaqragan soylarda fosh bo‘ldi tushlar, Shamolga sochdilar sirlaring xokin. Kuyma, qo‘y, gulim. Suygulim, Boshimdan mezonlar o‘tdi parishon, Chuvalgan o‘ylarim xazonga talosh. Endi men qayerni etayin oshyon, Sen qaydan toparsan hamon alif bosh... Miskin o‘y gulim. Suygulim, Sog‘inchning yo‘llari kuzga bosh burdi, Ko‘nikib bordim-a yo‘qday imkoni. Qismat  bog‘lar aro qatlgoh qurdi, Sim-sim tovlanmoqda daraxtlar qoni... Ko‘kka yo‘y,  gulim. Suygulim... Najmiddin Ermatov P/s Aytgancha, 15-avgustdagi sayohat-kecha esingizdami? Boradiganlar “Bilga adabiy davra guruhida” yig‘ilmoqda! Shoshiling! O‘ychi o‘ylaguncha qalb ishini bitiradi)

#til #adabiyot E’lonni koʻriboq oʻh dedim. Nomni zap topibdi: bilga - dono, donishmand degani; oʻzagi - bilmoq. (Gap kelganda aytib ketay, Koʻkturklar imperiyasini qurganlardan biri Bilga xoqon, uning mashhur bitiktoshi nusxasini qoʻyishimiz kerak biror gavjum manzilimizga. Milliy oʻzlik uchun muhim monument boʻladi.) Logoni koʻrib, yana bir oʻh dedim. Koʻkturk alifbosida qalin "Bb" tovushi shunday (𐰋) yoziladi. Bilim, boy, beg, bars, bogʻ(lam) kabi soʻzlar ushbu harf bilan boshlanadi. Oʻzbek etnonimida ham bor. Oʻziyam oyogʻini kerib, qoʻllarini beliga tirab turgan turkka oʻxshaydi: "Nima deysan? Gaping bormi?!" Menimcha, bu belgi dastlab bogʻlamni anglatgan, keyinchalik harfga aylangan va uning ishtirokidagi soʻzlarda ilk ma’no koʻpincha saqlanadi: bek odamlarni biriktiradi; bilim ham, bilga ham... "Bilga tur" ham! (Bir logodan ilhomlanib, shuncha gapni badihagoʻylik qildim, ilmiy faraz tarzida oʻzlashtirib yozvormanglar tagʻin.) Ayni tunlarda “yulduzlar yog‘dusi” astronomik hodisasi kuzatilishi haqida boshqa joyda oʻqib oʻh degandim: shahar chiroqlari va tutunlaridan olisroq makonga borish kerak, meteor yog‘inini koʻrish kerak. Bolaligimdagi kabi charaqlagan osmonni bolaligimdan beri qayta koʻrmadim-ov. "Bilga tur" shunga imkon yaratishi... oʻh! Yetmagan joyiga adabiyotimiz yulduzi Najmiddin Turon ham bilgalar bilan birga boʻlar ekan. (Choʻqqa koʻmilgan kartoshkalar qoʻlni kuydirgandagi "oʻh-oʻh"larni qoʻshmadim hali...) Mana shuncha ajoyibotlarning barchasi xorij safarimga toʻgʻri kelishini bilib, men eh dedim. Siz eh demang! "Bilga tur" bilan birga boʻling, bilga boʻling! 🗄Farrux Jabborbek

“Bilga tur” отлиғ сайёҳлик фирмаси иш бошлабди. Номнинг ўзи вўлой-билой кишини шашириб қўяди! Ҳозирда бундай йўналишдаги фирмалар жуда кўп. Ташкилотчилардан “Bilga tur”нинг улардан фарқини сўрадим. Дейишдики, бунда фақатгина табиат қўйни, ё кўҳна шаҳарларга саёҳат қилинмайди. Шуурга, кўнгилга, онгга-да сафар уюштирилади. Бориладиган манзилга қараб ё шоир, ё олим, ё ҳофиз, ё рассом, ё бахши узангижўлдошлик қилади. Келгуси режалари яна-да жозибали. Тасаввур қилинг, тоғлар орасидаги бирор қишлоқ, масалан, Ғелон ёки Пискомга бордингиз. Тунлари олов атрофида куй-қўшиқ, шеъру шуур ошнолиги, кундузлари сигир соғасиз, нон ёпасиз, от минасиз, борингки, экзотик кечинмаларни бошдан, кўнгилдан кечирасиз! Мана шундай сафарларнинг илк қадами Тошкент вилоятидаги жаҳонда иккита, Марказий Осиёда ягона бўлган Қуёш шаҳарчасига ташланяпти. У ерда нималар бўлиши эса Bilga tur эълонида ёзилган. Ва илк сафарда шоирни йўлдошликка танлашибди. Қўшилсангиз, кўнгил тарафларга бир бориб келамиз. “Қани кетдик энди, Аллоҳу Акбар. Вақт бўлди...”    https://t.me/NajmiddinTURON

Bilga tur o‘zining ilk faoliyatini boshlamoqda. Jamoa sayohatlarga madaniyat, tarix, ilm, adabiyat va san`at ruhini olib kirishni maqsad qilgan. Bizning tur bilan Siz shunchaki sayohatchi emas, bilgaga aylanasiz. Ilm, madaniyat, adabiyot, san`at insonlari bilan bir davrada bo‘lasiz! Ular bilan borar manzilingiz ruhini, ahamiyatini yanada teran anglaysiz! Jamoa Sizni ilk sayohatga taklif etadi. 15-16-avgust kunlari yilning eng sehrli yulduzli kechasini tomosha qilish imkonini o'tkazib yubormang! Sayohat davomida sizni kutmoqda: 📝 Shoir Najmiddin Turon bilan she'riy kecha; ☀️ Markaziy Osiyoda yagona bo‘lgan Quyosh shaharchasi bo‘ylab olim ishtirokidagi qiziqarli sayohat; ✨Faqat shu kunlarda bo‘lib o‘tayotgan yulduzlar yog‘dusini tomosha qilish; 🔥 Gulhan atrofida unutilmas suhbatlar; 🪕 Xalqona ohang va ashulalar; ☕️ Issiq qahva, yoshlikka qaytaruvchi cho‘g‘da toblangan kartoshkalar; ⛰Toza havo va betakror tabiat; 🏕 Chodir ostida tunash; 🌓Quyosh chiqishini kuzatish; 📸Kechadan foto va video lavhalar 🗓 Sana: 15-16-avgust ⏳Vaqt: 15.00 da Toshkent shahridan jo‘nab ketish 📍 Joy: O‘zbekiston mehmonxonasi oldidan 💰 Ishtirok narxi: 450 ming so‘m Ro'yxatdan o'tish: 📱Telefon: +99850024-26-47 ⚠️ Muhim eslatmalar: Joylar soni cheklangan! 🤍O‘zingiz bilan yeguliklar va issiq kiyim olishni unutmang! 🌏 BILGA tur – aql va ruh bilan sayohat! Rasmiy sahifalar: 📱 Telegram 📱 Instagram 🌐 facebook 🔻 sayt