O'zDXA rasmiy kanal

"Ta’lim sohasidagi bugungi yangilanishlarning asosiy mazmun-mohiyati nimada?" degan savol tug‘ilishi tabiiy. Prezidentimizning ikki vazirlikni birlashtirishdan ko‘zlagan asosiy g‘oyasi quyidagilardan iborat: – Ta’lim va ilm-fan vazirligi barcha bog‘cha, maktab, professional va oliy ta’lim muassasalari faoliyatini tashkil etishi va ularning operatsion jarayonlari uchun mas’ul bo‘lishi, ta’lim faoliyatiga qo‘yiladigan talablarni belgilashi, akkreditatsiyalash va litsenziyalash bilan shug‘ullanishi kerak; – Ta’lim sifatini ta’minlash milliy agentligi o‘quv dasturlari, qo‘llanmalar va metodik materiallarni ishlab chiqadigan o‘ziga xos laboratoriya vazifasini bajarishi, ularni amaliyotga joriy etishi, natijalarini kuzatishi va aniqlangan kamchiliklar asosida takomillashtirib borishi kerak. Bu ishlar Prezidentimiz belgilab bergan "o‘zbek maktabi bitiruvchisining portreti"ga tayangan holda olib boriladi; – Prezident Administratsiyasi va uning huzurida tashkil etiladigan alohida ishchi guruh yangi vazirlikning tuzilmasini ishlab chiqadi, ish jarayonlarini qayta ko‘rib chiqadi, ularni takomillashtirish yuzasidan takliflar tayyorlaydi hamda islohotning umumiy strategiyasini belgilaydi; – oliy ta’limda davlat aralashuvini keskin qisqartirish, oliygohlar mustaqilligini kengaytirish va nodavlat sektor uchun imkoniyatlar yaratish lozim, qaysi oliygoh sifatli ta’lim berayotganini esa erkin raqobat va bozor talabi ko‘rsatishi kerak. Facebook | Instagram | YouTube|Telegram

O‘zbekiston Respublikasi Prezidentining farmoni bilan Obid Arzikulovich Xakimov O‘zbekiston Respublikasi Prezidenti Administratsiyasi Rahbarining ta’limni isloh qilish bo‘yicha o‘rinbosari hamda o‘rindoshlik asosida "Yangi O‘zbekiston" universiteti rektori lavozimiga tayinlandi va shu munosabat bilan O‘zbekiston Respublikasi Prezidentining iqtisodiy siyosat bo‘yicha maslahatchisi lavozimidan ozod etildi. Facebook | Instagram | YouTube | Telegram

#Dutor_chellenj ⚡️ Milliy cholg‘ular ijrosiga bag‘ishlangan chellenjga qo‘shiling!

Madaniyat vazirligi huzuridagi Madaniyat ta’limi markazi hamda “Milliy cholg‘u ijrochiligi” ijodiy birlashmasi tomonidan milliy cholg‘u ijrochiligini keng targ‘ib etish, yoshlar va keng jamoatchilikning milliy musiqa san’atiga qiziqishini oshirish maqsadida chellenj tashkil etilmoqda. Chellenjda ishtirok etish uchun o‘zingiz sevib tinglaydigan milliy kuylardan birini dutor cholg‘usida ijro etib, videoga oling va ijtimoiy tarmoqlarda ulashing. Ishtirokchilar o‘z ijodiy yondashuvi orqali milliy cholg‘ularimizga bo‘lgan mehri va qiziqishini namoyon etishlari mumkin. Chellenj doirasida eng yaxshi ijodiy ishlar saralanib, ularning mualliflari tashkilotchilar tomonidan maxsus sovg‘alar bilan taqdirlanadi. Milliy cholg‘ularda yangragan har bir kuy — xalqimizning boy tarixi, milliy an’analari va ma’naviy merosining ifodasidir. Siz ham chellenjda faol ishtirok eting va milliy musiqa san’atini asrab-avaylash hamda keng targ‘ib etishga o‘z hissangizni qo‘shing! Izoh: Chellenj uchun videoga olingan kontentni o'z sahifangizga joylab bo'lgach, uni bu yerga yuboring. Sifatli kontentlar vazirlikning ijtimoiy tarmoqlariga joylashtiriladi. Eslatma: Chellenj joriy yilning 31-oktyabriga qadar davom etadi.

#dildanijro #chellenj #madaniyatvazirligi #milliycholguijrochiligi #madaniyattalimmarkazi Telegram|Instagram|Facebook|Veb-sayt|YouTube|Mediabank

O‘zbekiston Respublikasi Prezidentining tegishli farmoni va qarori bilan Ilxom Toxirovich Siradjev O‘zbekiston Respublikasi ta’lim va ilm-fan vazirining komplayens va korrupsiyaga qarshi ichki nazorat bo‘yicha o‘rinbosari lavozimiga tayinlandi va shu munosabat bilan O‘zbekiston Respublikasi Prezidenti Administratsiyasi Rahbarining ta’limni isloh qilish bo‘yicha o‘rinbosari lavozimidan ozod etildi. Facebook | Instagram | YouTube | Telegram

O‘zbekiston Respublikasi Prezidentining farmoni bilan Maktabgacha va maktab ta’limi vazirligi hamda Oliy ta’lim, fan va innovatsiyalar vazirligi yagona Ta’lim va ilm-fan vazirligi sifatida qayta tashkil etildi. Ushbu islohotning asosiy maqsadi mamlakatimizda ta’lim, tarbiya va ilm-fanning yaxlit tizimini zamon talablari asosida tashkil etish, ta’lim sifati va samaradorligini oshirish hamda inson kapitalini rivojlantirish bo‘yicha ishlarni yangi darajaga olib chiqishdan iborat. Shuningdek, ta’limning barcha turlari o‘rtasidagi o‘zaro uzviylik va bardavomlikni ta’minlash, maktabgacha ta’limdan tortib oliy ta’limgacha barcha bosqichlarni hamda ilmiy faoliyatni qamrab olgan yagona samarali boshqaruv tizimini joriy qilish, uning jamoatchilik oldida hisobdorligini oshirish ko‘zda tutilgan. —  Указом Президента Республики Узбекистан Министерство дошкольного и школьного образования и Министерство высшего образования, науки и инноваций реорганизованы в единое Министерство образования и науки. Целями данной реформы являются организация единой системы образования, воспитания и науки в стране на основе современных требований, выведение на новый уровень работы по повышению качества и эффективности образования и развития человеческого капитала. Предусматривается обеспечение взаимной интеграции и преемственности между всеми видами образования и внедрение единой эффективной системы управления, охватывающего все этапы от дошкольного до высшего образования, а также научную деятельность, и повышение подотчетности системы перед общественностью. Facebook|Instagram|X

🇮🇹 TOSHKENTDA ILK BOR — IRMA CARDANO! O‘zbekiston Raqs San’ati Ijodiy Birlashmasi Olmaliq KMK ko‘magida taniqli italiyalik xoreograf, pedagog va raqqosa Irma Cardanoning zamonaviy raqs bo‘yicha mahorat darslarini taqdim etadi. 🌍 13 ta mamlakat • 40+ shahar • 30+ mualliflik xoreografiyasi • 200+ mukofot — endi uning tajribasini Toshkentdagi jonli mahorat darslarida o‘rganishiz mumkin. 💃 5–9 oktabr 📍 O'zbekiston davlat xoreografiya akademiyasi hamda Respublika ixtisoslashtirilgan xoreografiya maktab-internati Professional raqqoslar, xoreograflar va pedagoglar uchun. Ishtirok etish bepul! Xalqaro miqyosda tanilgan xoreografdan ta’lim olish imkoniyatini qo‘ldan boy bermang. 🇮🇹 ВПЕРВЫЕ В ТАШКЕНТЕ — ИРМА КАРДАНО! Творческое объединение искусства танца Узбекистана при поддержке АГМК представляет мастер-классы по современному танцу известного итальянского хореографа, педагога и танцовщицы Ирмы Кардано. 🌍 13 стран • 40+ городов • 30+ авторских хореографий • 200+ наград — теперь её опыт можно будет получить на живом мастер-классе в Ташкенте. 💃 5–9 октября 📍 Государственная академия хореографии Узбекистана и Республиканская специализированная школа интернат хореографии Для профессиональных танцовщиков, хореографов и преподавателей. Участие бесплатное! Не упустите возможность учиться у хореографа международного уровня. 🇮🇹 IRMA CARDANO IN TASHKENT FOR THE FIRST TIME! Creative Association of Dance Art of Uzbekistan, with the support of AGMK, presents contemporary dance master classes by renowned Italian choreographer, teacher and dancer Irma Cardano. 🌍 13 countries • 40+ cities • 30+ original choreographies • 200+ awards — now you can experience her expertise through live master classes in Tashkent. 💃 October 5–9 📍 State Academy of Choreography of Uzbekistan and Specialized Choreography Boarding School Participation is free! Don’t miss the opportunity to learn from a choreographer with an international reputation. Instagram | Facebook | YouTube | Tiktok

#Qonunchilik_yangiliklari

❗️14 ta pedagogika va Ixtisoslashtirilgan ta’lim muassasalari agentligi tizimidagi 3 ta oliygoh Oliy ta’lim, fan va innovatsiyalar vazirligi tizimiga o‘tkazildi

🔰Prezident “Ayrim davlat oliy taʼlim muassasalarining boshqaruv tizimini yanada takomillashtirish chora-tadbirlari toʻgʻrisida” 2026-yil 2-oktyabrdagi PQ–358-son qarorni imzoladi. ➡️ Qaror bilan quyidagilar belgilandi: ✔️Maktabgacha va maktab ta’limi vazirligi hamda Ixtisoslashtirilgan ta’lim muassasalari agentligi tizimidagi 17 ta oliy ta’lim muassasasi Oliy ta’lim, fan va innovatsiyalar vazirligi tizimiga o‘tkazildi. 💠 O‘zbekiston milliy pedagogika universiteti Nizomiy Ganjaviy nomidagi O‘zbekiston milliy pedagogika universiteti deb qayta nomlandi. ✳️ Maktabgacha va maktab ta’limi vazirligining pedagog kadrlar tayyorlash sohasidagi quyidagi vazifalari Oliy ta’lim, fan va innovatsiyalar vazirligiga yuklatildi: ▪️yagona konseptual yondashuv asosida oliy ma’lumotli pedagog kadrlar tayyorlash siyosatini yuritish; ▪️pedagogik taʼlim sohasini rivojlantirishning asosiy yoʻnalishlarini belgilash; ▪️pedagogik taʼlimning uzviyligi va uzluksizligini, taʼlim-tarbiya jarayoniga ilgʻor pedagogik va axborot texnologiyalari joriy etilishini taʼminlash; ▪️pedagogika sohasida ilmiy-tadqiqot va innovatsion faoliyatni rivojlantirish; ▪️ pedagogika sohasida kadrlar tayyorlaydigan oliy taʼlim muassasalarining boshqaruv tizimini takomillashtirib borish. Facebook | Instagram | YouTube | Telegram

Rasmiy munosabat Yotoqxonadan joy ololmagan talabalarning ijara to‘lovining bir qismini qoplab berish yuzasidan Ijtimoiy tarmoqlarda yotoqxonadan joy ololmagan talabalarga ijara to‘lovining bir qismini qoplab berilish bo'yicha ariza topshirish imkoniyati cheklangani yuzasidan xabarlar tarqalmoqda. Amaldagi tartibga muvofiq, yotoqxona bilan qamrab olinmagan davlat oliy ta’lim tashkilotlari talabalariga ijara huquqi asosida yashayotgan xonadon uchun ijara to‘lovining bir qismi belgilangan tartibda qoplab beriladi. Talabalardan kelib tushayotgan murojaatlar inobatga olinib, ijara to‘lovi uchun ariza topshirish hamda sentyabr oyi uchun to‘lovlarni amalga oshirish muddatlari uzaytiriladi. Yangi muddatlar bo‘yicha batafsil ma’lumot qisqa vaqt ichida rasman e’lon qilinadi. Facebook | Instagram | YouTube | Telegram

Senat 14 yoshgacha bo‘lgan bolalarga nisbatan jinsiy jinoyatlar uchun umrbod ozodlikdan mahrum qilish jazosini ma’qulladi Oliy Majlis Senatida 2-oktabr kuni bo‘lib o‘tgan yalpi majlisda “Bolalarni zo‘ravonlikning barcha shakllaridan himoya qilish tizimi takomillashtirilishi munosabati bilan O‘zbekiston Respublikasining ayrim qonun hujjatlariga o‘zgartirish va qo‘shimchalar kiritish to‘g‘risida”gi qonuni ko‘rib chiqildi va ma’qullandi. ✅ 25 yilgacha yoki umrbod ozodlikdan mahrum qilish

Qonun bilan 14 yoshga to‘lmagan shaxsning nomusiga tekkanlik hamda unga nisbatan jinsiy ehtiyojni zo‘rlik ishlatib g‘ayritabiiy usulda qondirganlik uchun uzoq muddatli 25 yilgacha yoki umrbod ozodlikdan mahrum qilish jazosi joriy etilmoqda. Shuningdek, bolalarning jinsiy daxlsizligiga qarshi sodir etilgan o‘ta og‘ir jinoyatlar bo‘yicha javobgarlikka tortish va hukmni ijro etish muddatlarining o‘tib ketganligi qo‘llanilmaydi. Bolaning o‘limiga sabab bo‘lgan qasddan sodir etilgan jinoyatlar uchun shartli hukm qilish va jazodan muddatidan ilgari shartli ozod qilish butunlay taqiqlanmoqda.

✅ Bepul yuridik yordam va tergovni yozib olish

Jinsiy zo‘ravonlikdan jabrlangan yoki unga guvoh bo‘lgan bolalarga protsessual harakatlarga jalb etilgan ilk daqiqalardan e’tiboran davlat hisobidan bepul malakali yuridik yordam ko‘rsatish tizimi joriy etilmoqda. Zo‘ravonlikdan jabr ko‘rgan voyaga yetmaganlarni so‘roq qilish jarayonini videoyozuv orqali qayd etish, jinsiy erkinlikka qarshi jinoyat qurboni bo‘lgan bola va gumon qilinuvchi, ayblanuvchi yoki sudlanuvchi o‘rtasidagi yuzlashtirishni maxsus tartib bo‘yicha o‘tkazish, jabrlanuvchi bola va ayblanuvchi o‘rtasidagi yuzlashtirishni faqat tergovchi, prokuror qarori yoki sud ajrimi asosida o‘tkazish belgilanmoqda. Agar zo‘ravonlik oila a’zolari yoki yaqin qarindoshlar tomonidan sodir etilgan bo‘lsa, protsessual jarayonlarda vasiylik va homiylik organi vakilining ishtiroki majburiy qilib qo‘yilmoqda.

✅ Ta’lim muassasalari xodimlari zo‘ravonlik uchun ishdan bo‘shatilishi mumkin

Mehnat kodeksiga kiritilayotgan qo‘shimchaga ko‘ra, ta’lim va tarbiya muassasalarida bolani tarbiyalash va unga ta’lim berish borasidagi majburiyatlar o‘z zimmasiga yuklatilgan ta’lim tashkiloti xodimining bolaga nisbatan zo‘ravonlik sodir etganlik uchun javobgarlikka tortilganligi munosabati bilan uning mehnat shartnomasi ish beruvchining tashabbusi bilan bekor qilishga asos bo‘ladi. Bunday shaxslarning kelgusida bolalar bilan ishlashiga cheklov qo‘yiladi. Shu bilan birga, ota-onalarning bolalarga g‘amxo‘rlik ko‘rsatmasligi, ularning asosiy ehtiyojlarini qasddan qanoatlantirmasligi, nikoh yoshi to‘g‘risidagi qonunchilikni buzishi, shuningdek, bolalarni sog‘lig‘iga zarar yetkazuvchi axborotdan himoya qilmaganlik uchun ma’muriy javobgarlik choralari kuchaytirilmoqda. Tazyiq va zo‘ravonlikka uchragan xotin-qizlar va bolalar qayta zo‘ravonlikka uchrashdan qo‘rqib murojaat qilishga ikkilanmasligi uchun, ularning so‘roviga asosan yashash manziliga yozma yoki elektron javob xati yubormaslik tartibi joriy etilmoqda. “Bu oilaviy nizolarning yanada avj olishi va qayta zo‘ravonlik sodir etilishining oldini olishga xizmat qiladi”, — dedi senator.

Facebook | Instagram | YouTube | Telegram

#Davlat_tilida_ish_yuritish ❓ Hujjat matnida qanday iboralar ishlatilmaydi? Javob: Rasmiy hujjatlarda kichraytirish yoki erkalash ma’nosini bildiruvchi qo‘shimchalar qo‘llangan so‘zlardan foydalanilmaydi. Telegram | Instagram | Facebook | Veb-sayt | YouTube

#Qonunchilik_yangiliklari ❗️Dual taʼlimda kadrlar tayyorlagan korxonalari moliyaviy qoʻllab-quvvatlanadi Farmonga asosan: Oliy taʼlim tizimida dual taʼlim shaklida kadrlar tayyorlashda korxonalarning faol ishtirokini qoʻllab-quvvatlash maqsadida 2027-yil 1-yanvardan boshlab: ⤴️ korxonalarga muhandislik ishi, ishlab chiqarish va ishlov berish, architektura va qurilish, qishloq xoʻjaligi taʼlim sohalari va yoʻnalishlarida dual taʼlim shaklida o‘qiyotgan har bir talaba uchun toʻlangan ish haqi xarajatlarining 50 foizi subsidiya shaklida Davlat byudjeti hisobidan qoplab beriladi; ▶️korxonalarga qabul qilgan talabalar soniga mutanosib ravishda “Tadbirkorlik subyektlarining barqarorlik reytingi” platformasida quyidagi miqdorda qoʻshimcha ballar beriladi: ⏺️ 5 nafardan 25 nafargacha – 5 ball; ⏺️ 25 nafardan 50 nafargacha – 8 ball; ⏺️ 50 nafar va undan ortiq boʻlganda – 10 ball; ▶️ davlat xaridlarida ishtirokchilar takliflarini baholashda korxona tomonidan ishlab chiqarilgan mahsulot (tovar, ish, xizmat)larga dual taʼlim shakliga qabul qilgan talabalar soniga mutanosib ravishda quyidagicha: ⏺️ 25 nafargacha – 5 foiz; ⏺️ 25 nafardan 50 nafargacha – 10 foiz; ⏺️ 50 nafar va undan ortiq boʻlganda – 15 foiz miqdorida preferensiya beriladi; ✳️ buyurtmachi korxonalar tomonidan OTT hududida dual taʼlim shakli uchun amaliyot bazasini tashkil etish, ishlab chiqarish va xizmat koʻrsatish faoliyatini amalga oshirish uchun olib kelingan jihozlar, uskunalar, laboratoriya jihozlari uchun bojxona boji stavkasi 2030 yil-1 yanvarga qadar 1 foiz etib belgilanadi. 🔗 Qoraqalpog‘iston Respublikasi Vazirlar Kengashi Raisi, viloyatlar va Toshkent shahar hokimlariga dual ta’limni rivojlantirish masalalari bo‘yicha maslahatchi sifatida oliy ta’lim tashkilotlari rektorlari biriktiridi. Facebook | Instagram | YouTube | Telegram

#Qonunchilik_yangiliklari

❗️Reytingda eng yuqori natija ko‘rsatgan 3 tadan OTT va korxona 1, 2, 3 milliard so‘mdan rag‘batlantiriladi

Shuningdek, Farmon bilan: ♻️2027-yil 1-yanvardan boshlab korxonalar uchun talabalarga biriktiriladigan murabbiylarni tayyorlash maxsus kurslari tashkil etiladi. Bunda: ➖maxsus kurslarga jalb etiladigan 30 nafar professor-o‘qituvchi va mentorlarning malakasi xorijiy davlatlarda oshiriladi; ➖maxsus kurslarni yakunlagan bakalavr darajasiga ega murabbiylar OTTlarga pedagog sifatida soatbay asosida (ilmiy darajaga ega bo‘lmagan o‘qituvchiga tenglashtirilgan holda) jalb qilinadi; ➖ bir nafar murabbiyga 15 nafardan ko‘p bo‘lmagan talaba biriktirilib, har bir talaba uchun bir o‘quv yiliga 30 soat ish hajmi hisoblanadi; ➖maxsus kursda murabbiylarni o‘qitish xarajatlari Davlat byudjeti mablag‘lari hisobidan qoplanadi. ▶️ 2027/2028 o‘quv yili yakunidan boshlab dual ta’lim shakli bo‘yicha oliy ta’lim tashkilotlari va buyurtmachi korxonalarning samaradorlik reytingi yuritish yo‘lga qo‘yiladi. Bunda: ➡️ reyting yuritishda dual ta’lim bilan qamrab olingan talabalar ulushi, talabalarning o‘rtacha ish haqi miqdori va o‘rtacha o‘zlashtirish ko‘rsatkichiga ustuvorlik beriladi; ➡️ eng yuqori natija ko‘rsatgan 3 tadan oliy ta’lim tashkiloti va korxona reytingdagi o‘rniga mos ravishda 1, 2, 3 milliard so‘mdan rag‘batlantiriladi. Facebook | Instagram | YouTube | Telegram

#Qonunchilik_yangiliklari Dual taʼlim shaklida tahsil olayotgan talabalar qoʻllab-quvvatlanadi ❇️Farmonga ko‘ra: ✔️dual taʼlim shaklida tahsil olayotgan Ijtimoiy reestrga kiritilgan talabalarga OTTning byudjetdan tashqari mablagʻlari hisobidan ijtimoiy stipendiya toʻlashga ruxsat beriladi; ✔️dual taʼlim shaklida tahsil olayotgan talabalarning ijara huquqi asosida yashashi bilan bogʻliq xarajatlarini qoplash taʼlimning kunduzgi shakli uchun belgilangan tartibda amalga oshiriladi; ✔️muhandislik ishi, ishlab chiqarish va ishlov berish, arxitektura va qurilish, qishloq xo‘jaligi ta’lim sohalari bo‘yicha dual ta’lim shaklida tahsil olayotgan talabalarga o‘qishini 2-kursdan boshlab davlat granti kvotalari doirasida davom ettirish imkoniyati yaratiladi. Bunda: ➖davlat granti kvotalari muayyan o‘quv yili uchun tegishli ta’lim sohalariga ajratilgan davlat buyurtmasi parametrlariga nisbatan qo‘shimcha 25 foiz miqdorida (vakant qolgan o‘rin va davlat granti asosidagi qo‘shimcha kvota hisobidan) belgilanadi; ➖davlat granti kvotalarini taqdim etish va qayta taqsimlash talabalarning tugallangan o‘quv yili yakuni bo‘yicha o‘zlashtirish (GPA) ko‘rsatkichi hamda buyurtmachi korxonaning baholash natijasiga ko‘ra amalga oshiriladi; ➖ Ijtimoiy reestrga kiritilgan oilalarning farzandlari uchun dual taʼlim shaklida o‘qish 1-kursdan boshlab butun o‘qish davrida Davlat byudjeti mablag‘lari hisobidan amalga oshiriladi; ➖davlat granti asosida tahsil olayotgan talabalarga stipendiya to‘lovlari kunduzgi taʼlim shakli uchun qonunchilik hujjatlarida belgilangan tartibda amalga oshiriladi; ✔️ talabaning dual taʼlim shaklida tahsil olgan davri uning umumiy mehnat stajini hisoblashda inobatga olinadi. 💼 Dual taʼlim shaklida taʼlim dasturining amaliy qismi natijadorligini oshirish maqsadida: ▫️korxonalarga o‘z mablag‘lari hisobidan hamkor taʼlim tashkilotlarida amaliyot bazalarini tashkil etishga; ▫️OTTlarga kadrlar tayyorlashni yo‘lga qo‘ygan korxonalar bilan to‘g‘ridan to‘g‘ri tuziladigan shartnomaga muvofiq tekin foydalanish huquqi asosida bo‘sh turgan bino-inshootlari va hududida kadrlar tayyorlash yo‘nalishlariga mos ishlab chiqarish yoki xizmat ko‘rsatish faoliyatini tashkil etishga; ▫️OTTlarga mehnat bozorida talab yuqori bo‘lgan sohalar bo‘yicha kasbga o‘rgatish kurslarini tashkil etishga ruxsat beriladi. Facebook | Instagram | YouTube | Telegram

#Qonunchilik_yangiliklari ❗️ Oliy ta’limda dual ta’limni tashkil etishning yangi tartibi belgilandi Prezidentning “Oliy ta’limda dual ta’lim shaklida kadrlar tayyorlash tizimini takomillashtirish chora-tadbirlari to‘g‘risida” 2026-yil 29-sentyabrdagi PF–209-son Farmoni qabul qilindi. 🔰 2027/2028-o‘quv yilidan boshlab oliy ta’lim tashkilotlarida ish beruvchilar buyurtmasi asosida, bitiruvchini ishga qabul qilish sharti bilan dual ta’lim shaklida kadrlar tayyorlash tizimi joriy etiladi. ❇️ Mazkur tizim “korxona – oliygoh – maqsadli kadr” tamoyili asosida yo‘lga qo‘yiladi. 📌 Yangi tartibga ko‘ra: ▪️ dual ta’limga qabul qilinadigan bakalavriat ta’lim yo‘nalishlari va qabul parametrlari OTTar tomonidan har yili 1-sentyabrga qadar belgilanadi; ▪️ dual ta’limda o‘qish uchun nomzodlar ish beruvchi korxona va tashkilotlar tomonidan tanlov asosida saralab olinadi. Bunda: ➖nomzodlar korxonaning yo‘llanmasi asosida to‘g‘ridan to‘g‘ri imtihonsiz yoki buyurtmasi asosida saralash imtihoni natijasiga ko‘ra o‘qishga qabul qilinadi; ➖texnikumlarning oliy taʼlim bilan integratsiyalashgan o‘rta maxsus kasbiy taʼlim dasturlarini tamomlagan bitiruvchilarga dual taʼlim shaklida mos bakalavriat taʼlim yo‘nalishlarining 2 yoki 3-kursidan o‘qishini davom ettirishga ruxsat beriladi; ▪️ dual ta’lim OTT, ish beruvchi va talaba o‘rtasida tuziladigan shartnoma asosida tashkil etiladi. Bunda: ➖korxona tomonidan talabaga oʻqish davri davomida oʻzining byudjetdan tashqari mablagʻlari hisobidan oylik ish haqi toʻlanadi; ➖talaba bitirgandan soʻng kamida 2 yil mazkur korxona yoki uning tizimidagi tashkilotda ishlab berish majburiyatini oladi; ▪️ o‘quv jarayonining kamida 30 foizi nazariy ta’limga ajratiladi, qolgan qismi esa amaliy tayyorgarlik asosida tashkil etiladi; ▪️ dual ta’lim jarayonidagi amaliy mashg‘ulotlar va talabalarning ishtiroki CareerEdu platformasi orqali monitoring qilib boriladi; ▪️davlat va davlat ulushi bo‘lgan korxonalarga dual taʼlim shaklida kadrlar tayyorlash bo‘yicha OTTlarga buyurtma berish hamda xarajatlarni byudjetdan tashqari mablag‘lar hisobidan qoplashga ruxsat beriladi; ▪️talabalar o‘qishini dual taʼlim shaklidan taʼlimning boshqa shakllariga ko‘chirishga ruxsat berilmaydi, faqat o‘zgartirishga korxona bilan tuzilgan shartnoma mavjud bo‘lgan taqdirda ruxsat beriladi. Facebook | Instagram | YouTube | Telegram

#Qabul2026 #Qoraqalpoq_yoshlari #Maqsadli_qabul Qoraqalpog‘istonlik abituriyentlar uchun qo‘shimcha davlat grantiga ro‘yxatdan o‘tish boshlandi 2026/2027-o‘quv yili uchun davlat oliy ta’lim tashkilotlarining bakalavriat ta’lim yo‘nalishlariga kirish imtihonlarida to‘lov-kontrakt asosida tavsiya etilgan qoraqalpog‘istonlik yoshlar uchun maqsadli qabul parametrlari (qo‘shimcha grant o‘rinlari) doirasida tanlovda qatnashish imkoniyati yaratildi. Ro‘yxatdan o‘tish jarayoni 2026-yil 2–6-oktyabr kunlari my.uzbmb.uz platformasi orqali amalga oshiriladi. Nomzodlar my.uzbmb.uz saytidagi shaxsiy kabineti orqali o‘zlari tavsiya etilgan oliy ta’lim tashkiloti va ta’lim yo‘nalishi bo‘yicha maqsadli tanlovda ishtirok etishga rozilik bildirib ro‘yxatdan o‘tishlari lozim. 📝 Tanlovda ishtirok etish talablari: ▪️Kirish imtihonlarida 68,0 va undan yuqori ball to‘plagan bo‘lish; ▪️Kunduzgi ta’lim shakliga to‘lov-kontrakt asosida tavsiya etilgan bo‘lish; ▪️Qoraqalpog‘iston Respublikasida doimiy yashash; ▪️Umumiy o‘rta, o‘rta maxsus va kasbiy ta’lim tashkilotlarini aynan Qoraqalpog‘iston hududida tamomlagan bo‘lish. Ro‘yxatdan o‘tgan abituriyentlarning to‘plagan ballari ketma-ketligiga qat’iy rioya qilingan holda tanlov qaydnomalari chop etiladi hamda 2026-yil 10-oktyabrga qadar tegishli oliy ta’lim tashkilotlariga yetkaziladi. Facebook | Instagram | YouTube|Telegram

#oʻzbekchasi_bor ⚠️O‘zbek tilidan sof foydalaning! Telegram | Instagram | Facebook | Veb-sayt | YouTube

#Qabul2026 #Qoraqalpoq_yoshlari #Natija ❗️Qoraqalpog‘istonlik abituriyentlar uchun muhim yangilik! Qoraqalpog‘istonlik abituriyentlar uchun qo‘shimcha 6 500 ta qabul parametri bo‘yicha tanlov natijalari e’lon qilindi Qoraqalpog‘iston Respublikasidan 6 500 nafar abituriyentning hududlardagi davlat oliy ta’lim tashkilotlarining bakalavriat ta’lim yo‘nalishlariga to‘lov-kontrakt asosida qo‘shimcha qabul parametrlari bo‘yicha o‘qishga qabul natijalari e’lon qilindi. Mazkur qo‘shimcha qabul parametrlari davlat oliy ta’lim tashkilotlarining bakalavriat ta’lim yo‘nalishiga abituriyent sifatida ro‘yxatdan o‘tgan, ro‘yxatdan o‘tish davrida doimiy yashash hududi Qoraqalpog‘iston bo‘lgan hamda shu yerdagi umumiy o‘rta, o‘rta maxsus va kasbiy ta’lim tashkilotlarini tamomlagan, kirish imtihonlari natijalariga ko‘ra 56,7 ball va undan yuqori ball to‘plagan, biroq talabalikka tavsiya etilmagan abituriyentlar hisobidan shakllantirildi. Bunda abituriyentlarning to‘plagan ballari ketma-ketligiga qat’iy rioya qilindi. Tanlov natijalari bo‘yicha qaydnomalar tegishli oliy ta’lim tashkilotlariga belgilangan tartibda rasmiylashtirish uchun yuboriladi. Abituriyentlar natijalarini my.uzbmb.uz orqali shaxsiy kabinetdan yoki mandat.uzbmb.uz orqali ID raqamini kiritgan holda bilishlari mumkin. Facebook | Instagram | YouTube | Telegram

#Международное_сотрудничество 💃 Мастер-класс по современному танцу 🫥 5–9 октября 2026 года в Государственной академии хореографии Узбекистана состоится мастер-класс по современному танцу с участием Ирмы Кардано (Irma Cardano) — танцовщицы, педагога, хореографа и художественного руководителя компании IVIR Danza. 🇮🇹 Ирма Кардано получила высшее образование в Национальной академии танца в Риме по направлению «Преподавание хореографических дисциплин». Специализация — «Современный танец». 💎 В рамках мастер-класса, организованного при спонсорской поддержке “O‘zbekiston raqs san’ati ijodiy birlashmasi”, участники познакомятся с современными хореографическими техниками и примут участие в практических занятиях по современному танцу.

#Xalqaro_hamkorlik 💃Zamonaviy raqs bo‘yicha mahorat darsi 🫥 Joriy yilning 5–9-oktabr kunlari O‘zbekiston davlat xoreografiya akademiyasida raqqosa, pedagog, xoreograf va IVIR Danza kompaniyasining badiiy rahbari Irma Kardano (Irma Cardano) ishtirokida zamonaviy raqs bo‘yicha mahorat darsi bo‘lib o‘tadi. 🇮🇹Irma Kardano Rimdagi Milliy raqs akademiyasida “Zamonaviy raqs” mutaxassisligi bo’yicha “Xoreografik fanlarni o‘qitish” yo‘nalishi bo‘yicha oliy ma’lumot olgan. 💎“O‘zbekiston raqs san’ati ijodiy birlashmasi” homiyligida tashkil etilayotgan “Mahorat darsi “doirasida ishtirokchilar zamonaviy xoreografik texnikalar bilan tanishib, zamonaviy raqs bo‘yicha amaliy mashg‘ulotlarda qatnashadilar. 🌐 Akademiyaning rasmiy sahifalari 👇👇👇 ✅ @uzdxa_official 🔣 Uzdxa.uz Facebook 📷 Instagram You Tube ➡️@UzDXaAloqaBot ➡️@uzdxa_rektoriga_murojaat_bot @uzdxa_tyutorga_murojaat_bot

#Qonunchilik_yangiliklari

✴️Oliy taʼlim toʻgʻrisidagi yangi nizom tasdiqlandi

💠Oliy taʼlim, fan va innovatsiyalar vazirining 2026-yil 10-martdagi 99-son buyrugʻi bilan Oliy taʼlim toʻgʻrisidagi nizom qabul qilindi. 📅Mazkur me’yoriy hujjat Adliya vazirligi tomonidan 2026-yil 3-aprel kuni 3807-raqam bilan davlat ro‘yxatidan o‘tkazildi. ✔️ Nizom oliy taʼlim jarayoni va tizimini tashkil etish, uning moliyaviy, mulkiy hamda xalqaro hamkorlik munosabatlarini, oliy taʼlim tashkilotlarida yuqori malakali kadrlar tayyorlashni, shuningdek, oliy taʼlim tashkilotlari talabalari va xodimlarining huquq va majburiyatlarini belgilaydi. 🚫Ushbu nizom oliy harbiy hamda harbiylashtirilgan taʼlim muassasalariga tatbiq etilmaydi. 📝Hujjat Oʻzbekistonda faoliyat olib borayotgan xorijiy oliy taʼlim tashkilotlari hamda ularning filiallariga qonunchilik hujjatlariga muvofiq qo‘llaniladi. ♻️Nizom qoidalari nodavlat oliy taʼlim tashkilotlariga nisbatan tavsiyaviy xarakterga ega. ➡️Batafsil

Bizni kuzating

Facebook | Instagram | YouTube | Telegram