Toshkent shahar FVBB | Rasmiy kanali

Hurmatli fuqarolar, kuzatilayotgan kuchli shamol vaqtida xavfsizlik choralariga qat'iy rioya qilishingizni so‘raymiz. O‘zingiz va yaqinlaringizni himoya qilish uchun quyidagi qoidalarni yodda tuting: ​Daraxtlar va yengil inshootlardan uzoqroq yuring: Ko‘chada harakatlanayotganda daraxtlar, reklama shitlari, ko‘cha yoritgichlari va elektr uzatish tarmoqlari tagida turmang. ​Avtomobillarni xavfsiz joyda qoldiring: Mashinangizni daraxtlar yoki qulab tushishi mumkin bo‘lgan qurilmalar ostiga parkovka qilmang. Ochiqroq va xavfsiz maydonlarni tanlang. ​Deraza va eshiklarni mahkam yoping: Uy yoki ishxonadagi barcha deraza va ochiq eshiklarni yoping. Balkon va deraza tokchalaridan shamol uchirib ketishi mumkin bo‘lgan yengil buyumlarni olib qo‘ying. ​Zarurat bo‘lmasa, ko‘chaga chiqmang: Shamol eng avjiga chiqqan vaqtda iloji boricha xavfsiz, yopiq binolarda qolish tavsiya etiladi. ​Yong‘in xavfsizligiga e'tibor bering: Kuchli shamol vaqtida ochiq olovdan foydalanish qat'iyan man etiladi, chunki shamol olovni tez tarqatib yuborishi mumkin. ☎️️ Shu bilan bog‘liq biror bir korhol yuz bersa, quyidagi telefon raqamlariga murojaat qiling: 112, (55) 515-10-50.

Toshkent shahar Favqulodda vaziyatlar bosh boshqarmasining hududiy boshqarma va bo‘limlarida FVV Akademiyasidan kelgan 2-kurs kursantlari amaliyot o‘tamoqda. Ushbu muhim jarayonda bo‘lajak ofitserlar o‘zlarining nazariy bilimlarini amaliyot bilan mustahkamlab, tizimda rahbar va yetuk mutaxassis sifatida kerak bo‘ladigan barcha kasbiy, taktik hamda jangovar ko‘nikmalarni chuqur o‘zlashtirmoqdalar. Xususan, kursantlar ofitserga xos bo'lgan quyidagi yo'nalishlarda o'z malakalarini oshirishmoqda: 🔹 Taktik boshqaruv va qutqaruv operatsiyalari: Turli ofat o'choqlarida qutqaruv ishlarini to'g'ri tashkil etish, shaxsiy tarkibni boshqarish va ularning xavfsizligini ta'minlash; 🔹 Zamonaviy texnikalar bilan ishlash: Murakkab vaziyatlarda ishlatiladigan maxsus qutqaruv asbob-uskunalari hamda zamonaviy Isuzu yong'in-qutqaruv avtomobillarining imkoniyatlaridan mohirona va samarali foydalanish; 🔹 Tezkor qaror qabul qilish va navbatchilik: 112 yagona qutqaruv raqamiga kelib tushadigan chaqiruvlarni tahlil qilish, vaziyatni tezkor baholab, kuch va vositalarni aniq yo'naltirish; 🔹 Tibbiy yordam va evakuatsiyani tashkil etish: Jabrlanganlarni xavfli hududdan olib chiqish jarayonini boshqarish va ularga zudlik bilan birinchi tibbiy yordam ko‘rsatilishini ta'minlash; 🔹 Profilaktika va nazorat ishlari: Aholi yashash joylari va iqtisodiyot obyektlarida yong'in va texnogen xavfsizlik holatini o'rganish, profilaktik targ'ibot tadbirlariga yetakchilik qilish; 🔹 Psixologik chidamlilik va komandirlik xislati: Ekstremal vaziyatlarda sovuqqonlikni saqlab, qo'l ostidagilarga o'rnak bo'lish va jabrlanganlarga ruhiy dalda berish. Amaliyot mashg'ulotlari yosh kursantlarning kelajakda el-yurt tinchligi va xavfsizligi yo'lida xizmat qiladigan, munosib va malakali ofitserlar bo'lib yetishishida muhim zamin yaratmoqda. 👇 Obuna bo‘lishni unutmang 📱 @ToshkentFVBB 📱 Instagram 📱ToshkentFVBB.uz

Poytaxtimizda transport vositalarida sodir bo‘lgan yong‘inlar soni qanchaga yetdi va yong‘inlarni sababi nima ? Tafsilotlar videoda 👇 Obuna bo‘lishni unutmang 📱 @ToshkentFVBB 📱 Instagram 📱ToshkentFVBB.uz

​“Yangi O‘zbekiston ayollar olimpiadasi”ga ko‘tarinki ruhda start berildi ​Bugun Toshkent shahridagi Olimpiya shaharchasida “Sport bilan baxtli hayot sari!” shiori ostida “Yangi O‘zbekiston ayollar olimpiadasi”ning respublika bosqichi boshlandi. ​Oila va xotin-qizlar qo‘mitasi hamda Sport vazirligi rahbariyati, shuningdek, turli hududlardan kelgan xotin-qizlar jam bo‘lgan mazkur tadbir ommaviy badantarbiya va “Besh ming qadam” yurish marafoni bilan ochib berildi. ​E’tiborlisi, ushbu sport bayramida Toshkent shahar Favqulodda vaziyatlar bosh boshqarmasi, hududiy boshqarma, bo‘lim va tarkibiy tuzilmalarida xizmat qilayotgan ayol harbiy xizmatchilar ham faol ishtirok etib, o‘zlarining jismoniy tayyorgarligi va irodasini namoyish etishdi. ​Xotin-qizlar o‘rtasida sog‘lom turmush tarzini targ‘ib qilish va ommaviy sportni rivojlantirishga qaratilgan olimpiada doirasidagi bellashuvlar davom etmoqda. 👇 Obuna bo‘lishni unutmang 📱 @ToshkentFVBB 📱 Instagram 📱ToshkentFVBB.uz

🔰 Toshkent viloyati Zangiota tumanida avtomobilda sodir bo‘lgan yong‘in bo'yicha ma’lumot. 15-iyun kuni soat 13:00 da  Toshkent viloyati Zangiota tumani, Toshkent xalqa avtomobil yo‘li ko‘chasida avtomobil yonayotganligi to‘g‘risida, Toshkent shahar FVBBga xabar tushgan. Shunga ko‘ra, Toshkent shahridan qutqaruv ekipaji aytilgan manzilga soat 13:01 da yetib borib, yong‘in soat 13:14 da o‘chirildi. Yong‘in oqibatida jarohatlanganlar yo‘q.

⚡️ Kuchli shamol vaqtida xavfsizlik choralari Hurmatli fuqarolar Bugun Toshkent shahri hududida kuchli shamol bo'lishi kutilayotganligi sababli quyidagi xavfsizlik choralariga rioya qilishni tavsiya qilamiz: 🔹yashash joylarida eshik-derazalar, chordoq va havo aylanish tizimlarini mahkam berkitish; 🔹ko‘chalarda daraxt va elektr ustunlari tagida turmaslik; 🔹ko‘p qavatli binolar balkonlarida, deraza tokchalari hamda tashqaridagi buyumlarni imkon qadar xavfsiz joylarga olib qo‘yish yoki mustahkamligini tekshirish; 🔹shamol kuchayganda, mustahkam qurilgan binolar, yer osti o‘tish yo‘llari va boshqa yashirinish mumkin bo‘lgan joylarda muhofazalanish; 🔹buzilgan binolarga kirish, xavfli ustunlar, reklama ustunlari va daraxtlar ortiga yashirinish taqiqlanadi; Shu o‘rinda Toshkent shahar FVBB avtomobillarni daraxtlar va yengil konstruksiyali qurilmalar ostida qoldirmaslikni va xonodonlarda barcha gaz qurilmalarini doimiy nazorat qilib turishlarini tavsiya etadi. ☎️️ Shu bilan bog‘liq biror bir korhol yuz bersa, quyidagi telefon raqamlariga murojaat qiling: 112, 1055, (55) 515-10-50.

Favqulodda vaziyatlar vazirligi tomonidan Mirzo Ulugʻbek tumanida joylashgan "CAEx" markazida yuzaga kelishi mumkin bo‘lgan favqulodda vaziyatlarni oldini olish bo‘yicha amaliy-taktik mashg‘ulot tashkil etildi. Batafsil... — Фавқулодда вазиятлар вазирлиги томонидан Мирзо Улуғбек туманида жойлашган "CАEх" марказида юзага келиши мумкин бўлган фавқулодда вазиятларни олдини олиш бўйича амалий-тактик машғулот ташкил этилди. Батафсил... ➡️Boshqa yangiliklar 📱Fvv.uz | 📱Facebook | 📱Telegram | 📱Youtube |📱 instagram | 📱X.com

🔰 Shayxontohur tumanida avtomobilda sodir bo‘lgan yong‘in bo'yicha ma’lumot. 14-iyun kuni soat 19:12 da  Toshkent shahar Shayxontohur tumani, Maorif ko‘chasi 58-uy oldida avtomobil yonayotganligi to‘g‘risida, Toshkent shahar FVBBga xabar tushgan. Shunga ko‘ra, qutqaruv ekipaji aytilgan manzilga soat 19:17 da yetib borib, yong‘in soat 19:21 da o‘chirildi. Yong‘in oqibatida jarohatlanganlar yo‘q.

🔰 Mirobod tumanida avtomobilda sodir bo‘lgan yong‘in bo'yicha ma’lumot. 15-iyun kuni soat 00:33 da  Toshkent shahar Mirobod tumani, Shahrisabz va Oybek ko‘chasi kesishmasida avtomobil yonayotganligi to‘g‘risida, Toshkent shahar FVBBga xabar tushgan. Shunga ko‘ra, qutqaruv ekipaji aytilgan manzilga soat 00:39 da yetib borib, yong‘in soat 00:42 da o‘chirildi. Yong‘in oqibatida jarohatlanganlar yo‘q.

​Hurmatli fuqarolar, hozirgi vaqtda kuzatilayotgan kuchli shamol tufayli xavfsizlik choralariga qat'iy rioya qilishingizni so‘raymiz. O‘zingiz va yaqinlaringizni himoya qilish uchun quyidagi qoidalarni yodda tuting: ​Daraxtlar va yengil inshootlardan uzoqroq yuring: Ko‘chada harakatlanayotganda daraxtlar, reklama shitlari, ko‘cha yoritgichlari va elektr uzatish tarmoqlari tagida turmang. ​Avtomobillarni xavfsiz joyda qoldiring: Mashinangizni daraxtlar yoki qulab tushishi mumkin bo‘lgan qurilmalar ostiga parkovka qilmang. Ochiqroq va xavfsiz maydonlarni tanlang. ​Deraza va eshiklarni mahkam yoping: Uy yoki ishxonadagi barcha deraza va ochiq eshiklarni yoping. Balkon va deraza tokchalaridan shamol uchirib ketishi mumkin bo‘lgan yengil buyumlarni olib qo‘ying. ​Zarurat bo‘lmasa, ko‘chaga chiqmang: Shamol eng avjiga chiqqan vaqtda iloji boricha xavfsiz, yopiq binolarda qolish tavsiya etiladi. ​Yong‘in xavfsizligiga e'tibor bering: Kuchli shamol vaqtida ochiq olovdan foydalanish qat'iyan man etiladi, chunki shamol olovni tez tarqatib yuborishi mumkin. ☎️️ Shu bilan bog‘liq biror bir korhol yuz bersa, quyidagi telefon raqamlariga murojaat qiling: 112, (55) 515-10-50.

Ko‘p qavatli uyda alyukobond qoplamasining yonib ketishiga sabab bo‘lgan dastlabki omil aniqlandi. Eslatib o‘tamiz, mazkur hodisa kecha, 13-iyun kuni Toshkent shahrining Yakkasaroy tumanida sodir bo‘lgan edi. Poytaxt Favqulodda vaziyatlar bosh boshqarmasi axborot xizmati yong‘inning dastlabki sababini ma’lum qildi hamda fuqarolarni mutaxassislar tavsiyalariga amal qilishga chaqirdi. ___ Установлена предварительная причина возгорания алюкобондового покрытия в многоэтажном доме. Напомним, что инцидент произошёл накануне, 13 июня в Яккасарайском районе Ташкента. Информационная служба ГУЧС столицы озвучила предварительную причину пожара и призвала граждан прислушиваться к рекомендациям специалистов. ➡️Boshqa yangiliklar 📱Fvv.uz | 📱Facebook | 📱Telegram | 📱Youtube |📱 instagram | 📱X.com

Toshkent shahar Yunusobod tumanida sodir bo‘lgan yong‘in bartaraf etildi Bugun 13-iyun kuni soat 17:04 da Yunusobod tumani, 15-dahada 7-uyda joylashgan maishiy texnikalarni ta’mirlash va paxta titish sexida yong‘in sodir bo‘layotgani to‘g‘risida Toshkent shahar FVBBga xabar kelib tushdi. Qutqaruv ekipajlari aytilgan manzilga  soat 17:11 da yetib borib, yong‘in soat 17:19 da qurshab olinib, soat 17:26 da o‘chirildi. Yong‘in natijasida tan jarohati olgan fuqarolar yo’q. Toshkent shahar Favqulodda vaziyatlar bosh boshqarmasi barcha fuqarolarni yong‘in xavfsizligi qoidalariga qatʼiy rioya qilishingizni so‘rab qoladi.

#Eksklyuziv_video Favqulodda vaziyatlar vaziri Azizbek Ikramov Akademiya bitiruvchilariga diplomlarni topshirdi. Marosim tafsilotlari maxsus videorolikda. — Министр по чрезвычайным ситуациям Азизбек Икрамов вручил дипломы выпускникам Академии. Подробности церемонии в специальном видеоролике. ➡️Boshqa yangiliklar 📱Fvv.uz | 📱Facebook | 📱Telegram | 📱Youtube |📱 instagram | 📱X.com

Suvda cho‘kish holatlarining oldini olish — barchamizning burchimiz! 🏊‍♂️🚫 ​Yozgi ta’til davrida o‘quvchi va yoshlarimizning xavfsizligini ta’minlash, ayniqsa, suv havzalarida cho‘kish bilan bog‘liq noxush holatlarning oldini olish eng muhim vazifalarimizdan biridir. ​Shu maqsadda kuni kecha Toshkent shahrida keng qamrovli o‘quv-amaliy seminari tashkil etildi. Unda: ​✅ Umumiy o‘rta ta’lim maktablari; ✅ Professional ta’lim muassasalari; ✅ Istirohat bog‘lari hamda cho‘milishga mo‘ljallangan "plyaj zonalari va basseynlar" rahbarlari ishtirok etishdi. ​Uchrashuvning asosiy maqsadi: Ota-onalarga farzandlarining taqiqlangan joylarda cho‘milishiga yo‘l qo‘ymasliklari bo‘yicha tushuntirish ishlarini olib borish hamda yoshlar ustidan nazoratni kuchaytirishdan iborat. ​🤝 Hamkorlikda: Toshkent shahar hokimligi, Maktabgacha va maktab ta’limi boshqarmasi, Toshkent shahar Favqulodda vaziyatlar bosh boshqarmasi, Sog‘liqni saqlash boshqarmasi, SEOM, Oliy ta’lim, fan va innovatsiyalar vazirligi hududiy boshqarmasi, Yoshlar ishlari agentligi, Ichki ishlar bosh boshqarmasi hamda Milliy gvardiyaning Toshkent shahri bo‘yicha boshqarmasi mas’ullari ishtirok etdilar. ​⚠️ Eslatma: Aziz ota-onalar! Farzandlaringizning qayerda va qanday sharoitda vaqt o‘tkazayotganiga befarq bo‘lmang. Belgilanmagan, xavfli suv havzalarida cho‘milish hayot uchun o‘ta xavfli ekanligini ularga uqtiring! ​Farzandlarimiz — kelajagimiz, ularning xavfsizligi esa barchamizning mas’uliyatimiz! 👇 Obuna bo‘lishni unutmang 📱 @ToshkentFVBB 📱 Instagram 📱ToshkentFVBB.uz

Toshkent shahar Favqulodda vaziyatlar bosh boshqarmasidan O‘zbekiston Milliy terma jamoasiga omad. Olg‘a oq bo‘rilar🫥 🇺🇿 👇 Obuna bo‘lishni unutmang 📱 @ToshkentFVBB 📱 Instagram 📱ToshkentFVBB.uz

🔰 Chilonzor tumanida sodir bo‘lgan yong‘in to‘g‘risida ma’lumot Bugun, 23-iyun kuni soat 10:25 da  Toshkent shahar Chilonzor tumani, Eski Chilonzor ko'chasida yangi qurilayotgan bino hududida chiqindi yonayotganligi to‘g‘risida Toshkent shahar FVBBga xabar kelib tushgan. Shunga ko‘ra, qutqaruv texnikalari aytilgan manzilga soat 10:32 da yetib borib, yong‘in soat 10:36 da o‘chirildi. Yong‘in oqibatida tan jarohati olganlar yo‘q

Yakkasaroy tumanida sodir boʻlgan yongʻin toʻgʻrisida birlamchi maʼlumot Bugun, 13-iyun kuni soat 10:21 da Toshkent shahar, Yakkasaroy tumani, Nukus koʻchasida joylashgan koʻp qavatli uyning tashqi qismi (fasad) yonayotganligi toʻgʻrisida shahar FVBBga xabar kelib tushgan. Shunga koʻra, qutqaruv boʻlinmalari soat 10:23 da hodisa joyiga yetib borib, hozirda yongʻin oʻchirilmoqda. Aytilgan manzilda koʻp qavatli uydagi barcha fuqarolarni evakuatsiya qilish ishlari amalga oshirilmoqda. Vaziyat toʻliq nazoratga olingan. Qoʻshimcha maʼlumot taqdim etiladi. ➡️Boshqa yangiliklar 📱Fvv.uz | 📱Facebook | 📱Telegram | 📱Youtube |📱 instagram | 📱X.com