Odia newspaper Samaja

*ଖବର ଆଜିର, ୨ ଅଗଷ୍ଟ ରବିବାର* ================= କୃଷି ଯନ୍ତ୍ରପାତି, ଉପକରଣ ଓ ଡିଜେଲ ପମ୍ପ୍‌ସେଟ୍‌ର ଲୋକପ୍ରିୟକରଣ ଯୋଜନା ଆଉ ୫ ବର୍ଷ ପାଇଁ ବଢ଼ିଲା। ଜଳସେଚନ ଓ ଭୂତଳ ପାଇପ୍ ଲାଇନ୍‌ ବ୍ୟବସ୍ଥା ଦ୍ବାରା ଜଳ ବିତରଣ ପାଇଁ ୬୭୩ କୋଟି ଟଙ୍କାର ପ୍ରକଳ୍ପ ଅନୁମୋଦନ ହେଲା। ବନ୍ୟା ଛାଡ଼ିବାର ୩ ଦିନ ମଧ୍ୟରେ କ୍ଷୟକ୍ଷତି ଆକଳନ ପାଇଁ ବିଭିନ୍ନ ବିଭାଗକୁ ନିର୍ଦ୍ଦେଶ। କୃଷି ଓ ଘରଭଙ୍ଗା କ୍ଷେତ୍ରରେ ତୁରନ୍ତ ପ୍ୟାକେଜ୍ ଦିଆଯିବ। ଓଡ଼ିଶାରେ ବନ୍ୟାଜନିତ କ୍ଷତିପୂରଣ ପାଇଁ କେନ୍ଦ୍ର ସରକାର ୫୦୦ କୋଟି ଟଙ୍କା ସହାୟତା ପ୍ରଦାନ କରିଛନ୍ତି। ଭଦ୍ରକରେ ସାଳନ୍ଦୀ ନଦୀର ସ୍ତର ୧୧ ଫୁଟ ତଳକୁ ଓ ବୈତରଣୀର ସ୍ତର ୧୭ ମିଟର ତଳକୁ ଖସି ଆସିଛି। ଶସ୍ତା ହେଲା କମର୍ସିଆଲ ସିଲିଣ୍ଡର। ୧୯ କିଲୋଗ୍ରାମ ସିଲିଣ୍ଡରର ମୂଲ୍ୟ ୧୯୨ ଟଙ୍କା ହ୍ରାସ ପାଇଛି। ଓଡ଼ିଶା ଗସ୍ତରେ ଆସୁଛନ୍ତି ରାଷ୍ଟ୍ରପତି, ୩ରୁ ୫ ତାରିଖ ଯାଏଁ କାର୍ଯ୍ୟକ୍ରମ ରହିବ। ସ୍ୱାମୀ ଲକ୍ଷ୍ଣଣାନନ୍ଦ ସରସ୍ୱତୀଙ୍କ ହତ୍ୟା ମାମଲାରେ ନାଇଡୁ କମିଶନ ରିପୋର୍ଟ କେଉଁ ବିଭାଗରେ ଥିଲା, ତାକୁ ନେଇ ଦ୍ୱନ୍ଦ। ବ୍ରହ୍ମପୁର ମେଡ଼ିକାଲ ପିଜି ପ୍ରଶ୍ନପତ୍ର ପ୍ରଘଟ ଘଟଣାର ତଦନ୍ତ, ତୁରନ୍ତ ଦାଖଲ କରାଯିବ ରିପୋର୍ଟ। ବଲାଙ୍ଗିରରର ଅସଲି ବ୍ୟାଙ୍କ ନାଁରେ ନକଲି ମ୍ୟାନେଜରର ଠକେଇ। ଶିକାର ହେଲେ ନିରୀହ ଗରିବ ଚାଷୀ। ମୟୁରଭଞ୍ଜ ଜିଲ୍ଲା କୁଆମରା ଗ୍ରାମର ୩ଜଣ ଯୁବକଙ୍କର ଏକ ସଡ଼କ ଦୁର୍ଘଟଣାରେ ଶୋଚନୀୟ ମୃତ୍ୟୁ ହୋଇଛି। କନ୍ଧମାଳ ଜିଲ୍ଲା ରାଇକିଆରେ ଶିକ୍ଷକଙ୍କ ମାଡରେ ତୃତୀୟ ଶ୍ରେଣୀ ଛାତ୍ରୀର ମୃତ୍ୟୁ ହୋଇଛି। ଢେଙ୍କାନାଳ ଜିଲ୍ଲା କାମାକ୍ଷାନଗର ସହରରେ ବଜ୍ରାଘାତରେ ଗୋଟିଏ ପରିବାରର ପାଞ୍ଚଜଣ ଗୁରୁତର ହୋଇଛନ୍ତି l ସୁନ୍ଦରଗଡ ହେମଗିରିରେ ପହଞ୍ଚି ପାରିଲାନି ଆମ୍ବୁଲାନ୍ସ, ଖଟିଆରେ ବୁହାହେଲେ ରୋଗୀ। ରାୟଗଡ଼ା ଜିଲ୍ଲା ବିଷମ କଟକ ବ୍ଲକରେ ସାରର କଳାବଜାରୀ, ଗୋଦାମ ସିଲ ହେଲା। ୩୦୦୦ ବସ୍ତା ସାରର ହିସାବ ନାହିଁ। ରାୟଗଡା ପୁଟାସିଂ ଘାଟିରେ ଭାରସାମ୍ୟ ହରାଇ ଖସିପଡିଲା ବାଇକ୍। ଜଣେ ଯୁବକଙ୍କ ମୃତ୍ୟୁ, ଜଣେ ଗୁରୁତର। କୋରାପୁଟ ଜୟପୁରରେ ଛୁରି ଭୁସି ଯୁବକଙ୍କୁ ହତ୍ୟା। ଅଭିଯୁକ୍ତକୁ ଗିରଫ ଦାବିରେ ମୃତଦେହ ରଖି ଜାତୀୟ ରାଜପଥ-୨୬ ଅବରୋଧ। ଗଜପତି ଜିଲ୍ଲା କାଶୀନଗରରେ ବାଇକ୍‌ ଦୁର୍ଘଟଣାରେ ଏଏସ୍‌ଆଇ ମନୋଜ ପାଢ଼ୀ ମୃତ, ଅନ୍ୟ ଜଣେ ଗୁରୁତର। ଭଦ୍ରକ ବାସୁଦେବପୁରରେ ବିଦ୍ୟୁତ ଆଘାତରେ କର୍ମଚାରୀ ମୃତ। ମୃତକଙ୍କ ନାମ ବିଷ୍ଣୁମୋହନ ପଣ୍ଡା। ରାଜଧାନୀ ଲକ୍ଷ୍ମୀ ସାଗରରେ ବିଲ୍‌ଡରଙ୍କ ଘରୁ ୨ କୋଟି ଟଙ୍କାର ସୁନା ସହ ୫ ଲକ୍ଷ ଲୁଟ୍‌। ବନ୍ଦେ ଭାରତ ଟ୍ରେନରେ ସୁରତରୁ ଅହମଦାବାଦ ଅଣାଯାଇଛି ୩୬ ବର୍ଷୀୟ ଓଡ଼ିଆ ଯୁବକ ମିଥୁନ ସ୍ବାଇଁଙ୍କ ହାର୍ଟ। 🇳🇪 ପେଟ୍ରୋଲିୟମ ମନ୍ତ୍ରାଳୟର ବକ୍ତବ୍ୟ, ଇ ୨୦ ମିଶାଇଲେ ପେଟ୍ରୋଲର ଦାମ ୩୦ ଟଙ୍କା କମୁଛି। ଆଜି ନଶା ମୁକ୍ତ ଯୁବ’ କାର୍ଯ୍ୟକ୍ରମର ଶୁଭାରମ୍ଭ କରିବେ କେନ୍ଦ୍ର ସରକାର। କେରଳରେ ପ୍ରବଳ ବର୍ଷା, ଭୂସ୍ଖଳନ; ୩ ଶିଶୁଙ୍କ ସମେତ ୭ ମୃତ। ରାଜନେତାଙ୍କୁ ହନିଟ୍ରାପ୍‌ କରିବାକୁ ଆତଙ୍କବାଦୀ ଷଡ଼ଯନ୍ତ୍ର ଝାଡ଼ଖଣ୍ଡ ମହିଳାଙ୍କୁ ଗିରଫ କଲା ପଶ୍ଚିମବଙ୍ଗ ପୁଲିସ। ବିଶ୍ୱ ରେକର୍ଡ କଲା ଆନ୍ଧ୍ରର ଆଦିବାସୀ ଧିମ୍ସା ନୃତ୍ୟ। ଗିନିଜ୍‌ ୱାର୍ଲ୍ଡ ରେକର୍ଡରେ ହେଲା ସାମିଲ। ଏସଆଇଆର୍: ୧୦ ରାଜ୍ୟ ଏବଂ କେନ୍ଦ୍ରଶାସିତ ପ୍ରଦେଶର ଡ୍ରାଫ୍ଟ ତାଲିକାରୁ ୧ କୋଟି ୧୨ ଲକ୍ଷ ନାମ କଟିଲା। ରୁଷ ସେନାରେ ଏବେ ବି ପ୍ରାୟ ୨୪ ଜଣ ଭାରତୀୟ ନାଗରିକ ଫସିକରି କାର୍ଯ୍ୟରତ ଅଛନ୍ତି। ପୁଣି ଥରିଲା ଜାପାନ: ୫.୮ ତୀବ୍ରତାଯୁକ୍ତ ଭୂମିକମ୍ପ, ସୁନାମି ଆଶଙ୍କା ନାହିଁ। 🚴🏾‍♂️⚽🏏 ସିବିଏସ୍ଇ ପୂର୍ବାଞ୍ଚଳ ତୀରନ୍ଦାଜୀ ଚାମ୍ପିଅନସିପରେ ୧୯ ବର୍ଷରୁ କମ୍ ବର୍ଗରେ ତିନୋଟି ସ୍ୱର୍ଣ୍ଣ ପଦକ ଜିତିଲେ କଳାହାଣ୍ଡିର କ୍ଷୀରୋଦ କୁମାର। ରାଜ୍ୟଗୋଷ୍ଠୀ କ୍ରୀଡ଼ାରେ ଭାରତ ମୁଷ୍ଟିଯୁଦ୍ଧରୁ ୭ ସ୍ବର୍ଣ୍ଣ, ୩ ରୌପ୍ୟ ପାଇଛି। ଭାର ଉତ୍ତୋଳନରେ ମୀରାବାଇଙ୍କୁ ହ୍ୟାଟ୍ରିକ୍‌ ସ୍ବର୍ଣ୍ଣ, ରେକର୍ଡ ସହ ଋଷିକାନ୍ତଙ୍କୁ ରୌପ୍ୟ। WhatsApp Channel join https://whatsapp.com/channel/0029VaUgRXG5fM5gVRc7391u *ଗତବର୍ଷ ଏଇ ସମୟରେ* ଏଇ ବର୍ଷ ଶେଷ ସୁଦ୍ଧା ରାଜ୍ୟର ୩୦ ଜିଲ୍ଲାରେ ୩୮ଟି ମଡେଲ ମଣ୍ଡି ହେବ ବୋଲି ଘୋଷଣା ହୋଇଥିଲା। ସମସ୍ତ ଜିଲ୍ଲାରେ ଆଇନ ଅଫିସର ନିଯୁକ୍ତ ହେବବୋଲି ନିଷ୍ପତ୍ତି ହୋଇଥିଲା। ଦେଶରେ ମ୍ୟାଲେରିଆ ସଂକ୍ରମଣରେ ଓଡିଶା ପ୍ରଥମ ହୋଇଥିଲା। ================ ବିଶ୍ୱ ସ୍ତନ୍ୟପାନ ସପ୍ତାହ ଆରମ୍ଭ ଆଜି ଜନ୍ମଦିନ: ଗଙ୍ଗାପ୍ରସାଦ ବିର୍ଲା, ବିଦ୍ୟାଚରଣ ଶୁକ୍ଳା, ତରୁଣକାନ୍ତି ମିଶ୍ର (କେନ୍ଦୁଝର), ଏପି ଭେଙ୍କଟଶ୍ବରନ (କୁଟନୀତିଜ୍ଞ, ବ୍ରହ୍ମପୁର) ଆଜି ତିରୋଧାନ: ଗ୍ରାହାମ ବେଲ, ଅରୁଣ ଦେ ଇତିହାସରେ ଆଜି: (୧୯୩୨) ପଜିଟ୍ରୋନ ଆବିଷ୍କାର ହେଲା/ (୧୮୫୮) ଇଷ୍ଟ ଇଣ୍ଡିଆ କମ୍ପାନୀରୁ ଭାରତକୁ ବ୍ରିଟିଶ ସରକାର ନେଲେ/ (୧୮୭୦) ଲଣ୍ଡନରେ ବିଶ୍ୱର ପ୍ରଥମ ଭୂମିତଳ ରେଳସେବା ଆରମ୍ଭ/ (୧୯୩୨) ଭାରତରୁ ବର୍ମା ଅଲଗା ହେଲା/ (୧୯୯୦) କୁଏତ ଉପରେ ଇରାକ ଆକ୍ରମଣ ================= *ବନ୍ଦେ ଉତ୍କଳ ଜନନୀ* 🪻🌻🪻 ================

*ଖବର ଆଜିର, ୧ ଅଗଷ୍ଟ ଶନିବାର* ================ ଅଗଷ୍ଟ ଓ ସେପ୍ଟେମ୍ବର ମାସରେ ରାଜ୍ୟରେ କମ୍‌ ବର୍ଷା ହେବ। କୌଣସି ସ୍ଥାନରେ ସ୍ବାଭାବିକଠାରୁ ଅଧିକ ବର୍ଷା ହେବ ନାହିଁ। ହୀରାକୁଦରେ ଆଉ ୮ଟି ଗେଟ୍ ଖୋଲାଯିବା ପରେ ମୋଟ୍ ୨୨ଟି ଗେଟ୍ ଦେଇ ବନ୍ୟାଜଳ ନିଷ୍କାସନ ହେଉଛି। ଆସନ୍ତା ୩ ତାରିଖ ଦିନ ରାଷ୍ଟ୍ରପତି ଦ୍ରୌପଦୀ ମୁର୍ମୁ ତିନିଦିନିଆ ଓଡ଼ିଶା ଗସ୍ତରେ ଆସୁଛନ୍ତି। ସଫ୍‌ଟୱେର ବିଭ୍ରାଟରୁ ବୟସ୍କ ଓ ଭିନ୍ନକ୍ଷମଙ୍କ ଭତ୍ତା ମାସ ମାସ ଧରି ଅଟକିଥିଲା। ଏବେ ଜୁଲାଇ ମାସର ଚାଉଳ ଅଟକିଗଲା। ଗାଡି ଚାଳକ ସାବଧାନ, ଆଜିଠୁ କଟିବ ଏଆଇ ଇ-ଚାଲାଣ। ପ୍ରଥମେ ମଙ୍ଗୁଳି-ସମ୍ବଲପୁର-ରାଉରକେଲା, ବ୍ରହ୍ମପୁର-ତପ୍ତପାଣି-ଭଞ୍ଜନଗର ରାସ୍ତା। ବନ୍ୟା ପାଇଁ ବଢ଼ିଲା ମାଟ୍ରିକ ଫର୍ମ ଫିଲ୍-ଅପ୍ ଅବଧି, ଅଗଷ୍ଟ ୧୪ ଯାଏଁ ମିଳିବ ସୁଯୋଗ। ବ୍ରହ୍ମପୁର ମେଡିକାଲ ପିଜି ପ୍ରଶ୍ନପତ୍ର ଲିକ୍ ମାମଲାରେ ତନାଘନା ଚାଲିଛି। ତିନି ମାସ ବନ୍ଦ ପରେ ଭିତରକନିକା ଜାତୀୟ ଉଦ୍ୟାନ ପୁଣିଥରେ ପର୍ଯ୍ୟଟକଙ୍କ ପାଇଁ ଖୋଲୁଛି। ପୁରୀରେ ବନ୍ୟା ସ୍ଥିତି ଗମ୍ଭୀର। ବିପଦ ସଙ୍କେତ ଉପରେ ଦୟା‌, ଦେବୀ, ଭାର୍ଗବୀ ନଦୀ। ଝାରସୁଗୁଡ଼ା ଜିଲ୍ଲାର ଲଖନପୁର ବ୍ଲକ୍‌ ଓ ବରଗଡ଼ ଜିଲ୍ଲା ଅମ୍ବାଭୋନା ଅଞ୍ଚଳରେ ବନ୍ୟା ଆଶଙ୍କା ସୃଷ୍ଟି। ବଲାଙ୍ଗୀର ଲୋୟର ସୁକତେଲ ଡ୍ୟାମ୍‌ରେ ପାଣି ରଖିବାକୁ ନିର୍ଦ୍ଦେଶ। ଜଳଭଣ୍ଡାର ପରିସରରେ ୧୬୩ ଧାରା। ବନ୍ୟାଜଳରେ ବୁଡ଼ିଲା ଭଦ୍ରକ-ଆରଡି ରାସ୍ତା, ଯୋଗାଯୋଗ ବିଚ୍ଛିନ୍ନ ହେଲା। ସୁରେଶ ପୂଜାରୀଙ୍କ ପରେ ଏବେ ମୁଖ୍ୟମନ୍ତ୍ରୀ ମାଝୀ ବିମାନରେ ବନ୍ୟା ପ୍ରଭାବିତ ଯାଜପୁର, ଭଦ୍ରକ, ବାଲେଶ୍ବର ଓ କେନ୍ଦୁଝରକୁ ଆକାଶରୁ ଦେଖିବେ। କଟକ ସହରର ନଦୀଘାଟ ଓ ବାଲିଯାତ୍ରା ତଳ ପଡ଼ିଆକୁ ସର୍ବ ସାଧାରଣଙ୍କ ପ୍ରବେଶ ନିଷିଦ୍ଧ। ଝାରସୁଗୁଡା ଧୁତରା ରେଳଫାଟକରେ ଟ୍ରେଲର ବ୍ରେକଡାଉନ୍, ଘଣ୍ଟାଏ ଅଟକିଲା ବନ୍ଦେ ଭାରତ ଏକ୍ସପ୍ରେସ। ରାଉରକେଲା ରେଳ ଷ୍ଟେସନରେ ଘୋଷଣାକୁ ନେଇ କାଉଡ଼ିଆଙ୍କ ହଙ୍ଗାମା, ଦେଢ଼ ଘଣ୍ଟା ପରେ ସମାଧାନ। ପୁଣି ରାଜଧାନୀରେ ଗଡ଼ିଲା ମୁଣ୍ଡ। ଗ୍ୟାରେଜ୍‌ ଛକରେ ପାନ ଦୋକାନୀଙ୍କୁ ହତ୍ୟା କରାଯାଇଥିବା ଖବର ମିଳିଛି। ରାୟଗଡାରେ ବ୍ୟାଗରେ ମହିଳାଙ୍କ ମୃତଦେହ ଘଟଣାରେ ଅଭିଯୁକ୍ତକୁ ବିଶାଖାପାଟଣାରୁ ଗିରଫ କଲା ପୁଲିସ। WhatsApp Channel join https://whatsapp.com/channel/0029VaUgRXG5fM5gVRc7391u ନବରଙ୍ଗପୁରରେ କୋଟିଏ ଟଙ୍କାରେ ତିନିଟା ଗୋଶାଳା। କିନ୍ତୁ କାମରେ ଆସୁନି, ରାସ୍ତାରେ ଭର୍ତ୍ତି ଗାଈଗୋରୁ। ମୟୁରଭଞ୍ଜ ବେତନଟୀ ଲ୍ୟାମ୍ପ୍‌ ରେ ୪୧ଲକ୍ଷ ଟଙ୍କାର ଘୋଟାଲା, ପୂର୍ବ ପରିଚାଳନା ନିର୍ଦ୍ଦେଶକ ଗିରଫ। ଭୁବନେଶ୍ୱର କୁଆଖାଇ ବ୍ରିଜ୍‌ରୁ ଜଣେ ମହିଳା ନଦୀକୁ ଡେଇଁ ପଡ଼ି ନିଖୋଜ ହୋଇ ଯାଇଛନ୍ତି। ରାୟଗଡା ବିଷମକଟକ ସରକାରୀ ବିଦ୍ୟାଳୟରେ ଛାତ୍ର ଗଣ୍ଡଗୋଳ। ୩ ଆହତ, ୨ ଜଣଙ୍କ ମୁଣ୍ଡ ଫାଟିଲା। 🇳🇪 ଲୋକସଭାରେ ଜନ୍ମ ଓ ମୃତ୍ୟୁ ପଞ୍ଜୀକରଣ ସଂଶୋଧନ ବିଲ୍‌ ପାରିତ ହେଲା। ପ୍ରଧାନମନ୍ତ୍ରୀ କିଷାନ ସମ୍ମାନ ନିିଧି ଯୋଜନା ୨୦୩୦-୩୧ ପର୍ଯ୍ୟନ୍ତ ସମ୍ପ୍ରସାରଣ ହୋଇଛି। ଆସାମ ବନ୍ୟା ମୃତ୍ୟୁସଂଖ୍ୟା ୮୦କୁ ବୃଦ୍ଧି, ଗୁଜରାଟରେ ୧୩ ଜିଲ୍ଲାରେ ରେଡ ଆଲର୍ଟ। ବିଜେପି ନେତାଙ୍କ ଝିଅ ଯଶସ୍ୱିନୀ ରାଜେ ସିଂହ ଶିକ୍ଷା ମାମଲାରେ ସରକାରଙ୍କୁ ସମାଲୋଚନା କଲେ, ଶିକ୍ଷା ମନ୍ତ୍ରୀ ପ୍ରହଲ୍ଲାଦ ଜୋଶୀଙ୍କ ନିଯୁକ୍ତିକୁ ‘ହାସ୍ୟାସ୍ପଦ’ ବୋଲି କହିଲେ। ଦିଲ୍ଲୀରେ ଆଇବି ଅଫିସର୍‌ ଅଙ୍କିତ ଶର୍ମା ହତ୍ୟା ମାମଲାରେ ଆପ୍‌ କର୍ପୋରେଟର ତାହିର ହୁସେନଙ୍କୁ ଆଜୀବନ କାରାଦଣ୍ଡ। ପାକିସ୍ତାନ କୋଇଲା ଖଣିରେ ବିସ୍ଫୋରଣ। ୩୫ ଶ୍ରମିକଙ୍କ ମୃତ୍ୟୁ, ଫସିଛନ୍ତି ୧୦ ଜଣ। 🚴🏾‍♂️⚽🏏 ‘ହକି ଇଣ୍ଡିଆ’ ସଭାପତି ଦିଲୀପ ତିର୍କି କହିଛନ୍ତି ଯେ ଜର୍ସିର ରଙ୍ଗ ଗେରୁଆ କରିବା ନିଷ୍ପତ୍ତି ତାଙ୍କ ଜ୍ଞାତସାରରେ ହୋଇନାହିଁ। ରାଜ୍ୟଗୋଷ୍ଠୀ କ୍ରୀଡ଼ାରେ ଜୁଡୋରେ ଅସ୍ମିତା ଓ ହର୍ଷ ସିଂହ ପାଇଲେ ସ୍ବର୍ଣ୍ଣ, ଯାମିନୀ ମୌର୍ଯ୍ୟ ପାଇଲେ ରୌପ୍ୟ। ଜାଭେଲିନରେ ନୀରଜ ଚୋପ୍ରା ରୌପ୍ୟ, ୟଶବୀର ସିଂହ କାଂସ୍ୟ। ଡିସ୍‌କସ୍‌ ଥ୍ରୋରେ ଭାରତର ସୀମା କାଲିରାମନା ଜିତିଲେ କାଂସ୍ୟ, ଭାରୋତ୍ତୋଳନରେ ରୌପ୍ୟ ଜିତିଲେ ଲଭ୍‌ପ୍ରୀତ୍‌। ଭାରତୀୟ ବାଳକ ଦଳ ଲଗାତାର ଦ୍ବିତୀୟ ଥର ଲାଗି ବିଶ୍ବ ସ୍କ୍ବାସ୍‌ କନିଷ୍ଠ ପ୍ରତିଯୋଗିତାରେ କାଂସ୍ୟ ପଦକ ପାଇଲେ। *ଗତବର୍ଷ ଏଇ ସମୟରେ* ସ୍କୁଲ ବ୍ୟାଗ୍‌ ହାଲୁକା ହେବ, କହିଥିଲେ ସରକାର। ୨୦୧୯ ର ସରକାରୀ ‌ନିର୍ଦ୍ଦେଶ ପାଳିବାର ଥିଲା। ରାଜ୍ୟରେ ଖାଦ୍ୟ ପ୍ରକ୍ରିୟାକରଣ ଶିଳ୍ପରେ ୬୫୦୦ କୋଟି ନିବେଶ ହେବାର ଥିଲା। ପୁରୀ ଶରଧାବାଲି ଦଳଚକଟା ଘଟଣାର ତଦନ୍ତ ରିପୋର୍ଟ ଦେଇଥିଲେ ଉନ୍ନୟନ କମିଶନର। ଆଇଏଏସ ଧିମାନ ଚକମା ଜେଲରୁ ବାହାରିଥିଲେ। ଲାଞ୍ଚ ଖାଇବା ଅଭିଯୋଗରେ ଗିରଫ ହୋଇଥିଲେ। ମୋଦିଙ୍କ ୭୫ତମ ଜନ୍ମ ଦିନ ଉପଲକ୍ଷେ ଓଡ଼ିଶାରେ ସରକାର ୭୫ ଲକ୍ଷ ଗଛ ଲଗାଇଥିଲେ। ================ *ଆଜି ସମ୍ବଲପୁରୀ ଦିବସ* ଆଜି ଫୁସଫୁସ କ୍ୟାନସର ଦିବସ ଆଜି www ଦିବସ ଆଜି ଜନ୍ମଦିନ: ମୀନା କୁମାରୀ, ତାପସୀ ପାନ୍ନୁ ଇତିହାସରେ ଆଜି: (୨୦୦୦) ଇରାନରେ ମହିଳା ଇମାମ ପ୍ରଥା ଆରମ୍ଭ, (୧୯୨୦) ବ୍ରିଟିଶ ବିରୁଦ୍ଧରେ ଅସହଯୋଗ ଆନ୍ଦୋଳନ ଆରମ୍ଭ ================= *ବନ୍ଦେ ଉତ୍କଳ ଜନନୀ* 🪻🌻🪻

*ଖବର ଆଜିର, ୩୧ ଜୁଲାଇ, ଶୁକ୍ରବାର* ================= ଆସନ୍ତା ରବିବାରରୁ ବଢ଼ିବ ବର୍ଷାର ପରିମାଣ। ୯ ତାରିଖରେ ଆଉ ଏକ ଲଘୁଚାପ ସୃଷ୍ଟି ହେବ। ଆକାଶ ମାର୍ଗରୁ ରାଜସ୍ବ ମନ୍ତ୍ରୀ ସୁରେଶ ପୂଜାରୀ ବନ୍ୟା ସମୀକ୍ଷା କଲେ, ଭିଡିଓ ଉଠାଇଲେ। ମହାନଦୀ ଜଳ ସମାଧାନ ପାଇଁ ଓଡିଶା ଓ ଛତିଶଗଡ଼ ମୁଖ୍ୟମନ୍ତ୍ରୀଙ୍କ ମଧ୍ୟରେ ଆଲୋଚନା ହେବ। ଟ୍ରିବ୍ୟୁନାଲ ଏବେ ନୀରବ। WhatsApp Channel join https://whatsapp.com/channel/0029VaUgRXG5fM5gVRc7391u ଓଡ଼ିଶାର ଅକ୍ଷୟଶକ୍ତି କ୍ଷେତ୍ରରେ ଆଦାନୀ ଗ୍ରୁଫ୍ ପୁଞ୍ଜି ନିବେଶ କରିବ ୧.୫ଲକ୍ଷକୋଟି ଟଙ୍କା। ଏବେ ଓଡ଼ିଶା ମେଡିକାଲ୍ ପିଜି ପରୀକ୍ଷାରେ ପ୍ରଶ୍ନପତ୍ର ଲିକ୍। ହ୍ୱାଟ୍ସଆପ୍ ଗ୍ରୁପରେ ବାଣ୍ଟିଛନ୍ତି। କେନ୍ଦୁଝରରେ ବନ୍ୟାରେ ଭାସିଗଲା ଦରଗୁଡ଼ିଶିଳା ନେଚର୍‌ କ୍ୟାମ୍ପ କଟେଜ୍‌ ଓ ଅନ୍ୟ ଭିତ୍ତିଭୂମି। ଭଦ୍ରକରେ ବନ୍ୟା। ୨୪ ଗାଁ ବିଚ୍ଛିନ୍ନ, ୧୦ ହଜାରରୁ ଅଧିକ ଲୋକ ବିପନ୍ନ, ଚାଷଜମି ଜଳମଗ୍ନ। କେନ୍ଦ୍ରାପଡ଼ାରେ ବ୍ରାହ୍ମଣୀ, କାଣୀ ଓ ଖରସ୍ରୋତାରେ ବନ୍ୟା। ୪ ବ୍ଲକ୍ ର ୯୭ ଗାଁ ଜଳବନ୍ଦୀ। ଜଗତସିଂହପୁର ଜିଲ୍ଲାରେ ବଢୁଛି ମହାନଦୀ। ପାଇକା ବିରିଡ଼ି, ତିର୍ତ୍ତୋଲ, କୁଜଙ୍ଗ ବ୍ଲକ୍‌ର ୬୬୯ ଜଣ ସ୍ଥାନାନ୍ତର। ଆନନ୍ଦପୁରରେ ବନ୍ୟା ସ୍ରୋତରେ ଭାସିଗଲା କାର୍, ଦିନକ ପରେ ମିଳିଲା ମୃତଦେହ। କେନ୍ଦୁଝର କାନପୁର ଡ୍ୟାମ୍‌ର ୫ ଗେଟ୍‌ ଖୋଲିଲା। ଭାଙ୍ଗିଲା ନବନିର୍ମିତ କଫର୍‌ ଡ୍ୟାମ୍‌। ମାଲକାନଗିରି ତଳିଆ ଅଞ୍ଚଳରେ ପାଣି ପଶିଲା, ଓଏଚ୍‌ପିସିରୁ ବିଦ୍ୟୁତ୍‌ ଉତ୍ପାଦନ ବ୍ୟାହତ। ଯାଜପୁରରେ ଅବସ୍ଥା ଅସମ୍ଭାଳ, ଆଉ ଦୁଇଦିନ ସ୍କୁଲ ଛୁଟି। ପ୍ରଭୁ ଧବଳେଶ୍ବରଙ୍କ ପୀଠକୁ ଶ୍ରଦ୍ଧାଳୁଙ୍କ ପ୍ରବେଶ ବର୍ତ୍ତମାନ ମନା। ଭୁବନେଶ୍ୱର ଭରତପୁର ଶୁଭଶ୍ରୀ ନାୟକ ହତ୍ୟା ମାମଲାରେ ସ୍ୱାମୀ ଓ ବାନ୍ଧବୀଙ୍କୁ ଆଜୀବନ କାରାଦଣ୍ଡ। ନବରଙ୍ଗପୁରରେ ଧର୍ମ ପରିବର୍ତ୍ତନ କରିଥିଲେ ବୋଲି ଶେଷକୃତ୍ୟକୁ ଶ୍ମଶାନ ବାସନ୍ଦ। 🇳🇪 ମଧ୍ୟପ୍ରଦେଶର ଧାର ଜିଲ୍ଲାର ଭୋଜଶାଳା ନିକଟରେ ଶୁକ୍ରବାର ନମାଜ ପାଠ ହୋଇପାରିବ। ଟିସିଏସ୍‌ ରେ କଳଙ୍କ। ନାସିକ କାର୍ଯ୍ୟାଳୟରେ ଯୌନ ନିର୍ଯାତନା ଓ ଧର୍ମାନ୍ତରୀକରଣ ରାକେଟ୍‌, ୭ ଗିରଫ। ସାମାଜିକ କର୍ମୀ ହେଲେ ଜେଲ୍ ଯିବାକୁ ପଡେ, ଛାତ୍ରଙ୍କ ଉପରେ ପୋଲିସର ଆକ୍ସନ ନେଇ କହିଲେ ଜେପି ନଡ୍ଡା। ରାହୁଲ ଗାନ୍ଧୀଙ୍କ ବିରୋଧରେ ବିଜେପି ଆଣିଲା ସ୍ବାଧିକାର ଭଙ୍ଗ ନୋଟିସ। ବିହାର, ଗୁଜରାଟ ଏବଂ ମଧ୍ୟପ୍ରଦେଶର ତିନୋଟି ବିଧାନସଭା ଆସନର ଉପନିର୍ବାଚନରେ ଆଜି ମତଦାନ ପ୍ରକ୍ରିୟା ଶେଷ ହୋଇଛି। ବ୍ରିଟେନରେ ଭୀଷଣ ଗ୍ରୀଷ୍ମପ୍ରବାହ ଯୋଗୁ ପ୍ରାୟ ୩ ହଜାର ଲୋକଙ୍କ ମୃତ୍ୟୁ। 🚴🏾‍♂️⚽🏏 ଭାରତୀୟ ହକି ଦଳର ନୂଆ ଜର୍ସି ହେଲା ଗେରୁଆ କରଣ। ବିଭିନ୍ନ କ୍ଷେତ୍ରରୁ ସମାଲୋଚନା। ପୂର୍ବତନ ଭାରତୀୟ କ୍ରିକେଟ ଅଧିନାୟକ ରାହାଣେଙ୍କ ଅବସର। ରାଜ୍ୟଗୋଷ୍ଠୀ କ୍ରୀଡ଼ାରେ ପୁରୁଷ ୧୦୦ ମିଟର ଟି୪୭ରେ ଭାରତକୁ ଐତିହାସିକ ୧-୨ ସଫଳତା। ମୁରଲୀ ଶ୍ରୀଶଙ୍କର ପୁରୁଷ ଲଙ୍ଗ୍‌ଜମ୍ପ୍‌ରେ ରୌପ୍ୟ ପଦକ ଜିତିଲେ। ୪୦୦ ମିଟର ବାଧାଦୌଡ଼ ଫାଇନାଲ୍‌ରେ ୟାଶାସ୍‌, ସନ୍ତୋଷ। *ଗତବର୍ଷ ଏଇ ସମୟରେ* କାମଧେନୁ ଯୋଜନାରେ କୃଷକଙ୍କୁ ସରକାର ୨ଟି ଗାଈ ଦେବେ ବୋଲି କହିଥିଲେ। ଅଙ୍ଗନବାଡ଼ି ପାଇଁ ‘ଅସମ୍’ ଆପ୍ ତିଆରି କରିଥିଲେ ସରକାର। ଓଟିଇଟି ପରୀକ୍ଷା ପ୍ରଶ୍ନପତ୍ର ଲିକ୍ ହୋଇଥିଲା ବୋର୍ଡ ଉପସଭାପତିଙ୍କ ଲାପଟପ୍ ରୁ। ଭାରତ ଉପରେ ୨୫% ଶୁଳ୍କ ଲଗାଇଥିଲେ ଡୋନାଲଡ଼ ଟ୍ରମ୍ପ। ================= ଆଜି ବିଶ୍ୱ ରେଞ୍ଜର ଦିବସ ଆଜି ଜନ୍ମଦିନ: ମୁନସୀ ପ୍ରେମଚାନ୍ଦ, ମମତାଜ, କିଆରା ଆଡଭାନୀ, ପିସି ସରକାର ଜୁନିୟର ଆଜି ତିରୋଧାନ: ମହମ୍ମଦ ରଫି, ଶହୀଦ ଉଧାମ ସିଂ ଇତିହାସରେ ଆଜି: (୧୯୪୦) ଉଧମ ସିଂ ଙ୍କୁ ଫାଶୀ/ (୧୯୪୮) ପଶ୍ଚିମବଙ୍ଗରେ ଦେଶର ପ୍ରଥମ ରାଜ୍ୟ ପରିବହନ ନିଗମ ତିଆରି/ (୧୯୯୨) ପଣ୍ଡିତ ରବିଶଙ୍କରଙ୍କୁ ମାଗାସେସେ ପୁରସ୍କାର/ (୧୪୯୮) ଟ୍ରିନିଦାଦ ଆବିଷ୍କାର କଲେ କଲମ୍ବସ/ (୧୭୧୫) ସୁନା, ହୀରା ବୋଝେଇ ସ୍ପେନର ଜାହାଜ ଫ୍ଲୋରିଡାରେ ବୁଡ଼ିଲା, ୩୫୦୦ ମୃତ ================= *ବନ୍ଦେ ଉତ୍କଳ ଜନନୀ* 🪻🌻🪻

*ଖବର ଆଜିର, ୩୦ ଜୁଲାଇ, ବୁଧବାର* ================= ରାଜ୍ୟର ୫୦ହଜାର ଗାଁରେ ପହଞ୍ଚିବ ଇଣ୍ଟରନେଟ୍‌ ବୋଲି ସରକାରଙ୍କ ଘୋଷଣା। ଖୋରଧାରେ ଖୋଲିବ ଜାତୀୟ ଫୋରେନ୍‌ସିକ୍‌ ବିଜ୍ଞାନ ବିଶ୍ବବିଦ୍ୟାଳୟ କ୍ୟାମ୍ପସ୍‌। ପ୍ରକାଶ ପାଇଲା ଯୁକ୍ତ ୩ ତୃତୀୟ ପର୍ଯ୍ୟାୟ କଟଅଫ୍ ମାର୍କ। ୫୩,୬୫୬ ଜଣ ଛାତ୍ରଛାତ୍ରୀ ନାମଲେଖା ପାଇଁ ଚୟନିତ। ଓଡ଼ିଶା ଟିକସ ଓ ଆକାଉଣ୍ଟ ସେବା କ୍ୟାଡର୍‌ରେ ୧୯୮ ଅଧିକାରୀଙ୍କ ବଦଳି।ପହିଲା ସୁଦ୍ଧା ଯୋଗ ନଦେଲେ ଦରମା ବନ୍ଦ। ସରକାରଙ୍କ ମାଗଣା ଶିକ୍ଷା ଯୋଜନାରେ ଦ୍ଵନ୍ଦ, ପୁନଃ ନାମଲେଖା ପାଇଁ ଦେବାକୁ ପଡୁଛି ଫି। ଅଭିଭାବକ ମହଲରେ ବଢୁଛି ଅସନ୍ତୋଷ। ରାଜ୍ୟର ବନ୍ୟା ପରିସ୍ଥିତିର ମୁକାବିଲା ପାଇଁ ଅଗ୍ନିଶମ ବିଭାଗ ପକ୍ଷରୁ ୬୦ଟି ସ୍ୱତନ୍ତ୍ର ଟିମ୍‌କୁ ପ୍ରଭାବିତ ଅଞ୍ଚଳରେ ନିୟୋଜିତ କରାଯାଇଛି। ବୁଢ଼ାବଳଙ୍ଗ, ଜଳକା, ସୋନ ନଦୀରେ ବନ୍ୟା। ୧ଲକ୍ଷ ୩୦ ହଜାର ଲୋକ ପ୍ରଭାବିତ ହେଲେ। ବୈତରଣୀ-କାଣୀରେ ପ୍ରବଳ ବନ୍ୟା, ଯାଜପୁରର ୧୨୨ ଗାଁ କ୍ଷତିଗ୍ରସ୍ତ ହେଲେ। ବନ୍ୟାରେ ଭଦ୍ରକ ଜିଲ୍ଲାର ୫୫ ହଜାର ହେକ୍ଟର ଚାଷଜମି ଜଳମଗ୍ନ। ୭୨ ପଞ୍ଚାୟତର ୩ ଲକ୍ଷ ୩୯ ହଜାର ୭୭୦ ଲୋକ ପ୍ରଭାବିତ। ଲଗାଣ ବର୍ଷା ଯୋଗୁଁ ସମ୍ବଲପୁର, ବରଗଡ଼, ଦେବଗଡ଼ ଜିଲ୍ଲାରେ ସ୍କୁଲ୍‌ ଓ ଅଙ୍ଗନବାଡ଼ି କେନ୍ଦ୍ର ୨ ଦିନ ଧରି ବନ୍ଦ ରହିଛି। ଝାରସୁଗୁଡାରେ ନଦୀରେ ପ୍ରବଳ ବନ୍ୟା, ବୁଡ଼ିଲା ରାମଚଣ୍ଡୀ ମନ୍ଦିର। ଶ୍ରଦ୍ଧାଳୁଙ୍କୁ ଗୁମ୍ଫା ନିକଟକୁ ଯିବାକୁ ମନା। ଆଠଗଡ ମା' ଭଟ୍ଟାରିକାଙ୍କ ଗମ୍ଭୀରାରେ ପଶିଲା ବନ୍ୟାଜଳ। ରତ୍ନଗିରି ପାହାଡ଼ ଅସ୍ଥାୟୀ ମଣ୍ଡପକୁ ସ୍ଥାନାନ୍ତର ହେଲେ ଚଳନ୍ତି ପ୍ରତିମା। ବର୍ଷକରେ ୭୧୬ ଏଟିଏମ୍‌ ବନ୍ଦ ହୋଇଗଲାଣି। ଖୋର୍ଦ୍ଧାରେ ସର୍ବାଧିକ ୧୬୩, କଟକରେ ୫୮। ପାଠ୍ୟପୁସ୍ତକ ତ୍ରୁଟି ମାମଲାରେ ଏସ୍‌ସିଇଆରଟି ସହକାରୀ ନିର୍ଦେଶକ ଦିଲୀପ ସାହୁ, ପ୍ରଲିପ୍ତା ମିଶ୍ର, ଭାରତୀ ଟୁଡୁ ଏବଂ ମୁଦ୍ରଣ ସଂସ୍ଥା ମାଲିକ ଅନୁପମ ଘୋଷଙ୍କୁ ହାଇକୋର୍ଟ ଜାମିନ ଦେଲେ। ଭୁବନେଶ୍ୱର ଉପକଣ୍ଠ ବାଲିପାଟଣାରେ ପାନ ଦୋକାନରେ ବିକ୍ରି ହେଉଥିଲା ନିଶା, ନିଆଁ ଲଗାଇଦେଲେ ଗାଁ ଲୋକ। ପାରାଦୀପରେ ନକଲି ମଦ କାରଖାନା ଠାବ। ନକଲି ମଦ, କେମିକାଲ, ବୋତଲ, ଜାଲ ଲେବଲ ଓ ଷ୍ଟିକର ଜବତ। ନୟାଗଡ଼ ଦଶପଲ୍ଲାରେ ଆଦିବାସୀଙ୍କ ଉପରେ ବିଦ୍ୟୁତ୍ କର୍ମଚାରୀଙ୍କ ଜୁଲୁମ୍। କୁକୁଡ଼ା ଓ ଟଙ୍କା ନେବାର ଭିଡିଓ ଭାଇରାଲ୍। ମୟୂରଭଞ୍ଜର ବିଜାତଳା ବ୍ଲକରେ ସରକାରୀ ନିର୍ଦ୍ଦେଶ ପରେ ମଧ୍ୟ ମୁଖ୍ୟମନ୍ତ୍ରୀ ବସ୍ ସେବା ଆରମ୍ଭ ହୋଇନାହିଁ। ଯାଜପୁର ଖରସ୍ରୋତା ନଦୀରେ କୁମ୍ଭୀର ଆତଙ୍କ, ପୁଣି ନେଲା ଗୋଟେ ଜୀବନ। ମୟୁରଭଞ୍ଜ ବଡ଼ସାହିରେ ରାସ୍ତା ଉପରେ ରକ୍ତାକ୍ତ ସଂଘର୍ଷ ବର୍ଚ୍ଛା ଚୋଟରେ ଜଣେ ଯୁବକଙ୍କ ଶୋଚନୀୟ ମୃତ୍ୟୁ। ଗଞ୍ଜାମ ଚୁଡ଼ିଆଲାଞ୍ଜିରେ ମାଆ ଓ ପୁଅକୁ ହତ୍ୟା ମାମଲାରେ ଭଣଜା ଓ ମାଇଁକୁ ଆଜୀବନ ଜେଲ୍। ଭୁବନେଶ୍ୱର ଡିଏମ୍ ସ୍କୁଲର ଦ୍ୱିତୀୟ ୨ୟ ଶ୍ରେଣୀ ଛାତ୍ରୀ ନିଖୋଜ, ସ୍କୁଲ୍ ପଛ ରିଜର୍ଭ ପଡ଼ିଆ ପାଣି କୁଣ୍ଡରୁ ମିଳିଲା ମୃତଦେହ। 🇳🇪 ଆସାମ ବନ୍ୟା ବିପର୍ଯ୍ୟୟ ମୃତ୍ୟୁ ସଂଖ୍ୟା ୭୫କୁ ବୃଦ୍ଧି, ୭ଟି ଜିଲ୍ଲାରେ ବନ୍ୟା ପରିସ୍ଥିତି ଗମ୍ଭୀର। ପଶ୍ଚିମବଙ୍ଗ ପୂର୍ବତନ ବସ୍ ଡ୍ରାଇଭରଙ୍କ ଘରୁ ନଗଦ ୨୦ କୋଟି ଓ ୧୫ କେଜି ସୁନା ଜବତ। ମଧ୍ୟପ୍ରଦେଶରେ କୃଷକ ଆନ୍ଦୋଳନ ତୀବ୍ର। ଭୋପାଳରେ ୨ ହଜାର କୃଷକ ପୁଲିସ ବ୍ୟାରିକେଡ୍‌ ଭାଙ୍ଗି ମୁଖ୍ୟମନ୍ତ୍ରୀଙ୍କ ବାସଭବନକୁ ମାର୍ଚ୍ଚ କଲେ। ରାଜ୍ୟସଭାରେ ''ବନ୍ଦେ ମାତରମ୍'' ସଂଶୋଧନ ବିଲ୍ ଗୃହୀତ। ଜାତୀୟ ସଙ୍ଗୀତକୁ ଅପମାନ କଲେ ହେବ ୩ ବର୍ଷ ଜେଲ୍। WhatsApp Channel join https://whatsapp.com/channel/0029VaUgRXG5fM5gVRc7391u ଶସ୍ତାରେ ଥାଇଲ୍ୟାଣ୍ଡ ଯାତ୍ରା ହେଲା ବିପଦ। ନକଲି ପ୍ୟାକେଜ ନେଇଥିବା ତିନି ଭାରତୀୟ ଅପହୃତ। ଭୂକମ୍ପରେ ଥରିଲା ଜାପାନ: ୧୮ ମୃତ, ଉଦ୍ଧାର କାର୍ଯ୍ୟ ଜାରି। 🚴🏾‍♂️⚽🏏 ବେଲ୍‌ଜିୟମ ଓ ନେଦରଲାଣ୍ଡ୍‌ସରେ ଏଫ୍‌ଆଇଏଚ୍‌ ହକି ବିଶ୍ବକପ୍‌ ଲାଗି ଭାରତୀୟ ମହିଳା ଦଳର ଗସ୍ତ। ଭାରତୀୟ ପୁରୁଷ ହକି ଦଳ ଘୋଷିତ; ଓଡ଼ିଶାରୁ ଅମିତ ଓ ଶିଳାନନ୍ଦ। ରାଜ୍ୟଗୋଷ୍ଠୀ କ୍ରୀଡ଼ାରେ ଭାରୋତ୍ତୋଳନରେ ଭାରତର ହରଜିନ୍ଦର କୌର ରୌପ୍ୟ ଜିତିଲେ। ମୁଷ୍ଟିଯୁଦ୍ଧରେ ପଦକ ନିଶ୍ଚିତ କଲେ ପ୍ରିୟା, ପ୍ରୀତି, ଯଦୁମଣି। ବିଶ୍ବ ବନ୍ଧୁକଚାଳନାରେ ସୋନମ-ହିମାଂଶୁଙ୍କୁ କାଂସ୍ୟ ପଦକ। *ଗତବର୍ଷ ଏଇ ସମୟରେ* ପ୍ରଧାନମନ୍ତ୍ରୀ ଏକତା ସପିଙ୍ଗ ମଲ୍ ସବୁ ରାଜ୍ୟରେ ସ୍ଥାପନ ହେବାର ଥିଲା। ଭୁବନେଶ୍ୱର ଗଣ୍ଡମୁଣ୍ଡାରେ ସ୍ଥାନ ଚିହ୍ନଟ। ================= ଆଜି ଜନ୍ମଦିନ: ହେନେରୀ ଫୋର୍ଡ, ସୋନୁ ନିଗମ, ମନ୍ଦାକିନୀ, ସୋନୁ ସୂଦ, ଆରନୋଲଡ଼ ସ୍କ୍ୱାର୍ଜେନେଗେର, ବାବୁସାନ, ଜ୍ୟୋତିପ୍ରକାଶ ମିଶ୍ର (ରାଉରକେଲା), ପଦ୍ମଶ୍ରୀ ଆର୍ତ୍ତବଲ୍ଲଭ ମହାନ୍ତି (ଲେଖକ, କଟକ) ଇତିହାସରେ ଆଜି: (୧୯୦୯) ରାଇଟ ବ୍ରଦର୍ସ ଦ୍ୱାରା ସେନା ପାଇଁ ବିମାନ ତିଆରି / (୧୯୬୬) ବିଶ୍ୱକପ ଫୁଟବଲ ଆରମ୍ଭ/ (୭୬୨) ବାଗଦାଦ ସହର ସ୍ଥାପନ/ (୧୭୨୯) ବାଲଟିମୋର ସହର ସ୍ଥାପନ ================= *ଗଛଟିଏ ଲଗାନ୍ତୁ* 🪻🌻🪻

*ଖବର ଆଜିର, ୨୯ ଜୁଲାଇ, ବୁଧବାର* ================= ରାଜ୍ୟର ଅଧିକାଂଶ ସ୍ଥାନରେ ବର୍ଷା ଜାରି। ଉତ୍ତର ଓଡ଼ିଶା ଏବଂ ପଶ୍ଚିମ ଓଡ଼ିଶାରେ ବର୍ଷାର ତାଣ୍ଡବ। ଆଜି ବାଲେଶ୍ୱର, ଭଦ୍ରକ ଓ ଯାଜପୁର ପାଇଁ ବିପଦ। କେନ୍ଦୁଝର ଆନନ୍ଦପୁରରେ ବିପଦ ସଂକେତ ଆଡକୁ ବଢୁଛି ବୈତରଣୀ ନଦୀ। ଭଦ୍ରକ ସହରର ରାସ୍ତାଘାଟ ଜଳମଗ୍ନ, ବୁଡ଼ିଗଲା ପରି ପରିସ୍ଥିତି। ଅବିରତ ବର୍ଷା ଫଳରେ ବୈତରଣୀ ନଦୀ ଦ୍ୱାରା ଯାଜପୁରରେ ବଡ଼ଧରଣର ବନ୍ୟା ଆଶଙ୍କା ସୃଷ୍ଟି ହୋଇଛି। ମୟୁରଭଞ୍ଜରେ ବ୍ରାହ୍ମଣୀ ଓ ଘାଗରା ନାଳ ପୋଲ ଉପରେ ୫ ଫୁଟର ବନ୍ୟାଜଳ ପ୍ରବାହିତ। ୩୦ ଜିଲ୍ଲାର ସମ୍ପ୍ରସାରଣ ଅଧିକାରୀଙ୍କ ସମ୍ମିଳନୀ। ସରକାରୀ ଗାଡ଼ି, ଓପିଏସସି ନିଯୁକ୍ତି ଓ ସ୍ୱାସ୍ଥ୍ୟ ବୀମା ବାବଦରେ ବ୍ୟାପକ ଆଲୋଚନା କଲେ। ‘ମହାପ୍ରଭୁ ଜଗନ୍ନାଥ’ ଫିଲ୍ମ ରିଲିଜ୍ ଉପରେ ଶୁଣାଣି, ଧର୍ମୀୟ ଭାବନାକୁ ଆଘାତ ବୋଲି ଅଭିଯାଗ। ବର୍ଷାକୁ ଦୃଷ୍ଟିରେ ରଖି ଭଦ୍ରକ, ବାଲେଶ୍ୱର, କେନ୍ଦୁଝର, ସମ୍ବଲପୁର ଓ ମୟୁରଭଞ୍ଜରେ ସ୍କୁଲ ଛୁଟି ଘୋଷଣା କରାଯାଇଛି। କେରଳରେ କାମ କରୁଥିବା କନ୍ଧମାଳର ୩୪ ବର୍ଷୀୟ ଦାଦନ ଶ୍ରମିକ ସାଗର ପ୍ରଧାନଙ୍କ ମୃତ୍ୟୁ ଘଟିଛି। ଗୋଆକୁ ଦାଦନ ଖଟିବାକୁ ଯାଇଥିବା ଯୁବକଙ୍କ ଅକାଳ ମୃତ୍ୟୁ। ବି.ଏଡ୍‌ରେ ନାମ ଲେଖାଇଥିଲେ ପାରଳାଖେମୁଣ୍ଡିର ମୁନା ନାୟକ। ଅଗଷ୍ଟ ୧ରେ ଖୋଲିବ ଭିତରକନିକା ଜାତୀୟ ଉଦ୍ୟାନ। ୧୧୭ ବଉଳା କୁମ୍ଭୀର ବସା ଚିହ୍ନଟ। କଟକ ଆଠଗଡରେ ୨୦୧୯ ରେ ମା’ଙ୍କୁ ଟାଙ୍ଗିଆରେ ହାଣି ହତ୍ୟା ମାମଲାରେ ଅଦାଲତ ପ୍ରକାଶ ପ୍ରଧାନଙ୍କୁ ୮ ବର୍ଷ କାରାଦଣ୍ଡ ସହ ୧୦ ହଜାର ଜରିମାନା କରିଛନ୍ତି। WhatsApp Channel join https://whatsapp.com/channel/0029VaUgRXG5fM5gVRc7391u କଟକ ମାହାଙ୍ଗା ଗୋବରୀ ନଦୀରେ ବୁଲୁଛି କୁମ୍ଭୀର, କରିସାରିଲାଣି ଅନେକ ଶିକାର। ଯାଜପୁର ବରମୁଣ୍ଡ ଅଣ୍ଡାଛକ ନିକଟସ୍ଥ ଯମୁନା ନାଳରେ କୁମ୍ଭୀର ବୁଲୁଥିବା ନେଇ ଅଭିଯୋଗ କରିଛନ୍ତି ସ୍ଥାନୀୟ ଲୋକେ। ଏସିଏଫ୍ ସୋମ୍ୟରଞ୍ଜନ ମହାପାତ୍ର ମୃତ୍ୟୁର ଚାରି ବର୍ଷ ପରେ ତତ୍କାଳୀନ ଗଜପତି ଡିଏଫ୍ଓ ସଂଗ୍ରାମ କେଶରୀ ବେହେରାଙ୍କ ଆତ୍ମସମର୍ପଣ। ମୟୂରଭଞ୍ଜରୁ ଚୋରି, ବାଲେଶ୍ବରରେ ବିକ୍ରି। ନୀଳଗିରିରୁ ଗହଣା ଦୋକାନୀଙ୍କ ସମେତ ୫ଗିରଫ। ରାଜଧାନୀରେ ପୁଣି ଚାଞ୍ଚଲ୍ୟ। ଚକେଇସିଆଣି ରେ ବାପାକୁ ପଥରରେ ଛେଚି ହତ୍ୟା କଲା ପୁଅ। ଆନ୍ଧ୍ରରେ କରୋନା ଭୁତାଣୁ ଚିହ୍ନଟ ପରେ ରାୟଗଡାରେ ଭୟର ବାତାବରଣ। ସୀମାରେ ପ୍ରତିବନ୍ଧକ ପାଇଁ ଦାବୀ। 🇳🇪 ଦିଲ୍ଲୀରେ ମହିଳାଙ୍କୁ ପ୍ରତି ମାସରେ ବିଜେପି ସରକାର ଦେବେ ୨୫୦୦ ଟଙ୍କା। ଉତ୍ତରାଖଣ୍ଡ ରେ ଭୁଶୁଡ଼ିଲା ୧୬ କୋଟି ଟଙ୍କାରେ ନିର୍ମିତ ବ୍ରିଜର ଆପ୍ରୋଚ୍‌ ରୋଡ୍‌। ୧୭ ଦିନ ପୂର୍ବରୁ ଉଦଘାଟନ ହୋଇଥିଲା। ପ୍ରଧାନମନ୍ତ୍ରୀ ମୋଦୀଙ୍କ ଏକ ଫେସବୁକ୍ ଭିଡିଓକୁ ଭୁଲରେ ହଟାଇ ଦେଇଥିଲା ମେଟା। ଦିଲ୍ଲୀରେ କକ୍ରୋଚ ଆନ୍ଦୋଳନ ସହ ଜଡ଼ିତ କିଛି ପ୍ରଦର୍ଶନକାରୀଙ୍କୁ ଆକ୍ରମଣ, ଧମକ ମିଳୁଛି ବୋଲି ଅଭିଯୋଗ। ଦିଲ୍ଲୀ ଟ୍ୟାକ୍ସି ପରିବହନ ସଂଘ ପକ୍ଷରୁ ଇ-୨୦ ପେଟ୍ରୋଲ ନୀତି ବିରୋଧରେ ଅଗଷ୍ଟ ୪ରେ ସଂସଦ ଭବନ ଅଭିମୁଖେ ପ୍ରତିବାଦ ଶୋଭାଯାତ୍ରା କରାଯିବ। ଆମେରିକା ଚାପରେ ପଡି, ବାଧ୍ୟ ହୋଇ ଭାରତ ୨୫% ଏଲପିଜି କିଣିବ ଆମେରିକାରୁ। ଜାପାନରେ ଶକ୍ତିଶାଳୀ ୭.୧ ଭୂକମ୍ପ,ସୁନାମି ଚେତାବନୀ ଜାରି। କୃତ୍ରିମ ସୂର୍ଯ୍ୟ ତିଆରି କରୁଛି ଚୀନ୍: ବିଶ୍ୱର ସବୁଠାରୁ ବଡ଼ ଚୁମ୍ବକର ପରୀକ୍ଷଣ ସଫଳ। 🚴🏾‍♂️⚽🏏 ରାଜ୍ୟଗୋଷ୍ଠୀ କ୍ରୀଡ଼ାରେ ଭାରୋତ୍ତୋଳନରୁ ଭାରତ ଗୋଟିଏ ସ୍ବର୍ଣ୍ଣ ଓ ୨ଟି ରୌପ୍ୟ ପାଇଥିଲା, ପୁଣି ଆଉ ୨ଟି ପଦକ ପାଇଛି। ଦୌଡ଼କୁଦ ପ୍ରଥମ ଦିନରେ ୩ ଜଣ ଭାରତୀୟ ଆଥ୍‌‌ଲେଟ ଫାଇନାଲରେ ପ୍ରବେଶ କରିଛନ୍ତି। ଭାରତର ତିନି ବକ୍ସିଂ ପ୍ରତିଯୋଗୀ ଅଙ୍କୁଶ ପାଙ୍ଘଲ, ସଚିନ ସିୱାଚ୍‌ ଓ ସାକ୍ଷୀ କ୍ବାର୍ଟରଫାଇନାଲରେ ପ୍ରବେଶ କରିଛନ୍ତି। ଭାରତର ଈଶା ସିଂହ ଆଇଏସ୍‌ଏସ୍‌ଏଫ୍‌ ସୁଟିଂ ବିଶ୍ବକପ୍‌ରେ ସ୍ବର୍ଣ୍ଣ ପଦକ ଜିତିଛନ୍ତି। *ଗତବର୍ଷ ଏଇ ସମୟରେ* ସ୍କୁଲ ଛାତ୍ରଛାତ୍ରୀ ଗେରୁଆ ରଙ୍ଗର ଆଇ-କାର୍ଡ ପକେଇବେ ବୋଲି ସମସ୍ତ ଜିଲ୍ଲାକୁ ଚିଠି ଲେଖିଥିଲେ ଶିକ୍ଷା ବିଭାଗ। 'ରାଜ୍ୟ ପଞ୍ଚାୟତ ପୁରସ୍କାର' ପର୍ବ ଆରମ୍ଭ ହୋଇଥିଲା। ବାଲେଶ୍ବର ଫକୀରମୋହନ ମହାବିଦ୍ୟାଳୟ ଛାତ୍ରୀଙ୍କ ଆତ୍ମାହୁତି ଘଟଣାରେ ବୟାନ ବଦଳାଇ ଥିଲେ ୮୦ ଛାତ୍ରଛାତ୍ରୀ। ମହିଳା ଚେସ୍ ବିଶ୍ୱ କପ୍ ଜିତିବାରେ ଦିବ୍ୟା ଦେଶମୁଖ ହୋଇଥିଲେ ପ୍ରଥମ ଭାରତୀୟ ମହିଳା। ================= ଆଜି ବିଶ୍ୱ ବାଘ ଦିବସ ଆଜି ଜନ୍ମଦିନ: ଜେଆରଡି ଟାଟା, ଅନୁପ ଜଲୋଟା, ସଞ୍ଜୟ ଦତ୍ତ, ହର୍ଷଦ ମେହେଟା ଆଜି ତିରୋଧାନ: ଈଶ୍ୱର ଚନ୍ଦ୍ର ବିଦ୍ୟାସାଗର, ଅରୁଣା ଆସଫ ଅଲି, ଜନି ୱାକର ଇତିହାସରେ ଆଜି: (୧୯୫୮) ନାସା ପ୍ରତିଷ୍ଠା ହେଲା/ (୧୯୮୧) ପ୍ରିନ୍ସ ଚାର୍ଲସ ଓ ଡାଏନାଙ୍କ ବିବାହ ଅନୁଷ୍ଠିତ/ (୨୦୧୫) ମାଇକ୍ରୋସଫ୍ଟ ଦ୍ୱାରା ୱିଣ୍ଡୋସ 10 ଲଞ୍ଚ ହେଲା/ (୧୯୫୭) ଅନ୍ତର୍ଜାତୀୟ ଆଣବିକ ସଂସ୍ଥା ପ୍ରତିଷ୍ଠା ହେଲା/ (୨୦୦୬) ସାଙ୍ଗାକାରା ଓ ମାହେଲାଙ୍କ ୬୨୪ ରନ/ (୧୯୮୦) ମସ୍କୋ ଅଲିମ୍ପିକରେ ଭାରତ ହକି ସ୍ୱର୍ଣ୍ଣପଦକ ଜିତିଲା ================ *ଗଛଟିଏ ଲଗାନ୍ତୁ* 🙏

*ଖବର ଆଜିର, ୨୮ ଜୁଲାଇ, ମଙ୍ଗଳବାର* ================ ଉପକୂଳ ମୁହାଁ ଗଭୀର ଅବପାତ। ଆଜି ସକାଳ ସୁଦ୍ଧା ଛୁଇଁବ ସ୍ଥଳଭାଗ, ଉତ୍ତର ଓଡ଼ିଶାରେ ପ୍ରବଳ ବର୍ଷା ସମ୍ଭାବନା। ସାମ୍ସ ପୋର୍ଟାଲରେ ପିଜି ଆଡ଼ମିଶନ ପାଇଁ ଉଚ୍ଚଶିକ୍ଷା ବିଭାଗର ବିଜ୍ଞପ୍ତି ପ୍ରକାଶ। ପୁରୀରେ ଆଜି ବାହାରିବ ‘ନୀଳାଚଳ ଅବଢ଼ା’, ଏକ ଲକ୍ଷ ଭକ୍ତଙ୍କ ପାଇଁ ହେବ ପ୍ରସାଦ ପ୍ରସ୍ତୁତ। ନାଇଡୁ କମିଶନଙ୍କ ରିପୋର୍ଟ ଫାଇଲ୍ ଗାଏବ ଘଟଣାରେ କ୍ରାଇମବ୍ରାଞ୍ଚ ତଦନ୍ତ ନିର୍ଦ୍ଦେଶ ଦେଲେ ସରକାର। ଗଣଶିକ୍ଷା ମନ୍ତ୍ରୀ ଶ୍ରୀ ଗଣ୍ଡଙ୍କ ଇସ୍ତଫା ଦାବି କଲେ ବିରୋଧୀ। ଓଡ଼ିଶା ବନ୍ଦ ଚେତାବନୀ ଦେଲେ ପିସିସି ସଭାପତି। ଉଚ୍ଚ ମାଧ୍ୟମିକ ସ୍ତରକୁ ଅପଗ୍ରେଡ୍ ହେବେ ହାଇସ୍କୁଲ। ୭୧ଟି ହାଇସ୍କୁଲରେ ଖୋଲିବ ଯୁକ୍ତ ଦୁଇ ଶ୍ରେଣୀ। ବାଲେଶ୍ବର ପଞ୍ଚଲିଙ୍ଗେଶ୍ୱରଙ୍କ ସ୍ପର୍ଶ ଉପରେ କଟକଣା, କଟକ ଭଟ୍ଟାରିକା ପୀଠ ଛୁଇଁଲା ବନ୍ୟା ଜଳ। ପୁର୍ବତନ ମନ୍ତ୍ରୀ ତଥା ବରିଷ୍ଠ ବିଜେଡ଼ି ନେତା ସୁଶାନ୍ତ ସିଂହ ପରଲୋକରେ। ଦିଆଗଲା ଗାର୍ଡ ଅଫ୍ ଅନର। ‘ଆମେ କଟକିଆ’ ସମାବେଶରେ ସମ୍ମିଳିତ ଦାବି: ଶୈଳବାଳା କଲେଜକୁ ତୁରନ୍ତ ମିଳୁ ବିଶ୍ବବିଦ୍ୟାଳୟ ମାନ୍ୟତା। ସ୍ବାମୀ ଲକ୍ଷ୍ମଣାନନ୍ଦ ସରସ୍ବତୀଙ୍କ ନାଁରେ ଫୁଲବାଣୀ ମେଡିକାଲ କଲେଜ ହେବ ବୋଲି ନିଷ୍ପତ୍ତି। ସତୀଶ ଧାୱନ ସ୍ପେସ୍ ସେଣ୍ଟରରୁ ବିକ୍ରମ-୧ ରକେଟ୍ କକ୍ଷପଥକୁ ଉତ୍‌କ୍ଷେପଣ କରିଥିବା ଟିମରେ ଥିଲେ ଟିଟିଲାଗଡ଼ ଝିଅ ପ୍ରୀତୀଶା ବାନାର୍ଜୀ। ଭୁବନେଶ୍ୱର ବାଲିଅନ୍ତା ଭିଡହତ୍ୟାର ସୌମ୍ୟଙ୍କ ଚାଞ୍ଚଲ୍ୟକର ଭିଡିଓ। ଆହୁରି ଫସିଲେ ଆଇପିଏସ ଦୟାଲ ଗଙ୍ଗୱାର। ସୁନ୍ଦରଗଡ କୁଆରମୁଣ୍ଡା ସରକାରୀ ଡାଏରି ଫାର୍ମର ୩୬୫ ଏକର ଜମିରୁ ୧୮୪ ଏକର ଘରୋଇ ସଂସ୍ଥାକୁ ଦେଇଦେଲେ କର୍ତ୍ତୃପକ୍ଷ। କଟକ ଜିଲ୍ଲା କିଶନନଗର ତହସିଲରେ ଜିଲ୍ଲାପାଳଙ୍କ ଜନଶୁଣାଣି ସମୟରେ ଜଣେ ମହିଳା ଆତ୍ମାହୁତି ଉଦ୍ୟମ କରିଛନ୍ତି। ପୁରୀ ଡେଲାଙ୍ଗ,ଅରାଗଡ ଉଚ୍ଚ ବିଦ୍ୟାଳୟରେ ମଧ୍ୟାହ୍ନ ଭୋଜନରୁ ବାହାରିଲା ଝିଟିପିଟି, ୩୩ ଛାତ୍ରଛାତ୍ରୀ ଭର୍ତ୍ତିହେଲେ ଡାକ୍ତରଖାନାରେ। ରାୟଗଡ଼ା କେନ୍ଦୁଗୁଡ଼ା ଗାଁରେ କଳାକନା ବୁଲାଇଲେ ଦୁର୍ବୃତ୍ତ, ୭୦ ଭରି ସୁନା ସହ ନଗଦ ୨ ଲକ୍ଷ ଟଙ୍କା ଲୁଟ୍। ବାରିପଦା ପିଆର୍‌ଏମ୍ ମେଡିକାଲ କଲେଜ ଆଣ୍ଡ ହସ୍‌ପିଟାଲରେ ୫ ମହଲା କୋଠାରୁ ଡେଇଁ ଜଣେ ରୋଗୀ ଜୀବନ ହାରିଛନ୍ତି। 🇳🇪 ପ୍ରଶ୍ନପତ୍ର ଲିକ୍‌ ବିଲ୍‌ ଉପରେ ଆଜି ସଂସଦରେ ଚର୍ଚ୍ଚା: ବାଚସ୍ପତିଙ୍କ ହସ୍ତକ୍ଷେପ ପରେ ବିରୋଧୀ ରାଜି। ଛତିଶଗଡ଼ରେ ବନ୍ୟା ପୂର୍ବାନୁମାନ ପରେ କଲମା ସମେତ ଅନ୍ୟ ବ୍ୟାରେଜ୍‌ର ସମସ୍ତ ଗେଟ୍ ଖୋଲା। ଆନ୍ଦୋଳନକାରୀଙ୍କ ବିରୋଧରେ ମାମଲା କରି ଧୋକା ଦେଇଛନ୍ତି ସରକାର। ପ୍ରତ୍ୟାହାର ନ କ‌ଲେ ପୁଣି ଆନ୍ଦୋଳନ ହେବ, କହିଲା କକ୍ରୋଚ ପାର୍ଟି। WhatsApp Channel join https://whatsapp.com/channel/0029VaUgRXG5fM5gVRc7391u ନୀତିନ ଗଡକରୀଙ୍କୁ ମେଟା, ଏକ୍ସ, ଗୁଗୁଲ ଏବଂ ଅନ୍ୟମାନଙ୍କ ବିରୋଧରେ ମାନହାନି ମାମଲା କରିବାକୁ ଅନୁମତି ମିଳିଛି। ଗଠନ ହେଲା ଇଜେପି: (E20 ପାର୍ଟି)। ଗ୍ରାହକଙ୍କ ପାଇଁ ୧୦୦ ପ୍ରତିଶତ ଶୁଦ୍ଧ ପେଟ୍ରୋଲ ଚୟନ କରିବା ଅଧିକାର ଦାବି କରିବେ। ଦେଶରେ ୧୦ ଓ ୨୦ ଟଙ୍କିଆ ପ୍ଲାଷ୍ଟିକ୍‌ ନୋଟ୍‌ର ପରୀକ୍ଷଣ କରିବାକୁ ଭାରତୀୟ ରିଜର୍ଭ ବ୍ୟାଙ୍କକୁ ଅନୁମତି ଦିଆଯାଇଛି। ପିଓକେରେ ବଡ଼ଧରଣର ପ୍ରତିବାଦ। ଆଲୋଚନା ବିଫଳ ପରେ ମୁଜାଫରାବାଦକୁ ପଦଯାତ୍ରା। ଭାରତୀୟ ଥିବା ଜାହାଜ ଉପରେ ୟୁକ୍ରେନ ଆକ୍ରମଣ, ୟୁକ୍ରେନ ରାଷ୍ଟ୍ରଦୂତଙ୍କୁ ଭାରତର ସମନ। 🚴🏾‍♂️⚽🏏 ରାଜ୍ୟଗୋଷ୍ଠୀ ପୁରୁଷ ୬୫ କିଲୋଗ୍ରାମ ଭାରୋତ୍ତୋଳନରେ ଭାରତର ରାଜା ମୁଥୁପାଣ୍ଡି ରୌପ୍ୟ ପଦକ ଜିତିଛନ୍ତି। ମୀରାବାଇଙ୍କୁ ହ୍ୟାଟ୍ରିକ୍‌ ସ୍ବର୍ଣ୍ଣ, ରେକର୍ଡ ସହ ଋଷିକାନ୍ତଙ୍କୁ ରୌପ୍ୟ। କାନାଡାରେ ଅନୁଷ୍ଠିତ କନିଷ୍ଠ ବିଶ୍ବ ସ୍କ୍ବାସ୍ ଚାମ୍ପିଅନ୍‌ସିପ୍ ଟାଇଟଲ୍‌ ହାତେଇଲେ ଅନାହତ ସିଂ। *ଗତବର୍ଷ ଏଇ ସମୟରେ* କଟକ ଓଏମପି ଛକରୁ କନ୍ଦରପୁର ପର୍ଯ୍ୟନ୍ତ ୬୪୦ କୋଟିର ଏଲିଭେଟେଡ୍ କରିଡର୍ ଘୋଷଣା ହୋଇଥିଲା। ପୁରୀରେ ବେଦାନ୍ତକୁ ବିକ୍ରି ହୋଇଥିବା ୬୦୭ ଏକର ଜମି ସୁପ୍ରିମକୋର୍ଟଙ୍କ ଆଦେଶ ସତ୍ତ୍ବେ ଫେରାଇ ଆଣି ନଥିଲେ ସରକାର। ବଲାଙ୍ଗୀର ଟିଟିଲାଗଡ଼ରେ ଶିଶୁକନ୍ୟାକୁ ୨୦ ହଜାର ଟଙ୍କାରେ ବିକିଥିଲେ ମା' ବାପା। ଟିସିଏସ ପ୍ରାୟ ୧୨,୦୦୦ କର୍ମଚାରୀଙ୍କୁ ଛଟେଇ କରିଥିଲା। ================ ଆଜି ପ୍ରକୃତି ସଂରକ୍ଷଣ ଦିବସ ବିଶ୍ୱ ହେପାଟାଇଟିସ ଦିବସ ଆଜି ଜନ୍ମଦିନ: ଗ୍ୟାରୀ ସୋବର୍ସ, ହୁମା କୁ୍ୟରେଶୀ, ଆୟେଶା ଜୁଲକା, ଧନୁଷ, ବିଜୟଶ୍ରୀ ରାଉତରାୟ (ନେତା) ଆଜି ତିରୋଧାନ: ମହାଶ୍ୱେତା ଦେବୀ ଇତିହାସରେ ଆଜିଦିନ: (୧୯୭୯) ଚରଣ ସିଂ ଦେଶର ପଞ୍ଚମ ପ୍ରଧାନମନ୍ତ୍ରୀ ହେଲେ/ (୧୮୨୧) ପେରୁ ଦେଶର ସ୍ୱାଧୀନତା ଦିବସ, (୧୯୧୪) ପ୍ରଥମ ବିଶ୍ୱଯୁଦ୍ଧ ଆରମ୍ଭ ================ *ଗଛଟିଏ ଲଗାନ୍ତୁ*🙏

*ଖବର ଆଜିର, ୨୭ ଜୁଲାଇ, ସୋମବାର* ================== ଉତ୍ତର ଓଡ଼ିଶା ମୁହାଁଇଲା ଲଘୁଚାପ। ଚାନ୍ଦବାଲି କେନିଙ୍ଗ୍‌ ମଧ୍ୟରେ ଅତିକ୍ରମ କରିବ, ଦୁଇ ଦିନ ବର୍ଷିବ, ୯ ଜିଲ୍ଲାକୁ ରେଡ୍‌ ୱାର୍ଣ୍ଣିଂ। ଆଜି ମହାପ୍ରଭୁ ନୀଳାଦ୍ରି ବିଜେ କରିବେ। ଗୋଟି ପହଣ୍ଡିରେ ରତ୍ନମଣ୍ଡପକୁ ବିଜେ କରିବେ। ରାମକୃଷ୍ଣ ଓ ମଦନମୋହନ ପ୍ରଥମେ ବିଜେ କରିବେ। କେନ୍ଦ୍ରାପଡ଼ା ଜିଲ୍ଲା ହସ୍ପିଟାଲ୍‌ରେ ବିକଳ ବ୍ୟବସ୍ଥା। ଠିକାରେ ଚାଲିଛି ଶବ ବ୍ୟବଚ୍ଛେଦ। ଫ୍ରିଜ ଅଚଳ। ଏମ୍‌କେସିଜିରେ କିଡ୍‌ନି ପ୍ରତିରୋପଣ ପ୍ରସ୍ତାବରେ ସୀମିତ। ମାନବସମ୍ବଳ ଓ ଭିତ୍ତିଭୂମି ଅଭାବ ମୁଖ୍ୟ ବାଧକ। ଭୁବନେଶ୍ୱର ବାଲିଅନ୍ତା ଭିଡ଼ ହତ୍ୟା ମାମଲାରେ ସୌମ୍ୟଙ୍କ ଶେଷ ମେସେଜ୍ ଯାଇଥିଲା ନିଲମ୍ବିତ ଏଡିଜି ଦୟାଲ ଗଙ୍ଗୱାର ପାଖକୁ। ବଲାଙ୍ଗିର ଲୋୟର ସୁକତେଲ ଜଳସେଚନ ପ୍ରକଳ୍ପରୁ ଛାଡ଼ିଲା ବର୍ଷର ପ୍ରଥମ ବନ୍ୟା ଜଳ। ଲଘୁଚାପ ବର୍ଷା ପାଇଁ ଜଗତସିଂହପୁର ଜିଲ୍ଲାର ସମସ୍ତ ସ୍କୁଲ ଓ ଅଙ୍ଗନବାଡି ଆଜି ପାଇଁ ଛୁଟି ଘୋଷଣା। ପ୍ରବଳ ବର୍ଷାର ସମ୍ଭାବନା ଥିବାରୁ ମୟୂରଭଞ୍ଜ ଓ କେନ୍ଦ୍ରାପଡା ପ୍ରଶାସନ ପକ୍ଷରୁ ଆଜି ସମସ୍ତ ସ୍କୁଲରେ ଛୁଟି ଘୋଷଣା। ସୋନି ଟିଭି ଇଣ୍ଡିଆନ୍ ଆଇଡଲ୍ ଟ୍ରଫି ଜିତିଲେ ଓଡ଼ିଆ ଝିଅ ଜ୍ୟୋତିର୍ମୟୀ ନାୟକ। ବହି ତ୍ରୁଟିକୁ ନେଇ ବିରୋଧୀଙ୍କ ଚେତାବନୀ, ୭ ଦିନରେ ମନ୍ତ୍ରୀ ଶ୍ରୀ ଗଣ୍ଡ ଇସ୍ତଫା ନ ଦେଲେ ରାସ୍ତାକୁ ଓହ୍ଲାଇବୁ। ଜଗତସିଂହପୁର ନଛିପୁରରେ ବର୍ଷାର ତାଣ୍ଡବ। ଘରେ ପଶିଲା ପାଣି, ସହାୟତା ପାଇଁ ଗ୍ରାମବାସୀଙ୍କ ନିବେଦନ। ଜଗତସିଂହପୁର ଇଞ୍ଜିନିୟର ରଶ୍ମିରଞ୍ଜନ ସେଠିଙ୍କ ସନ୍ଦେହଜନକ ମୃତ୍ୟୁ ପରେ ପରିବାର ଲୋକଙ୍କ ଉପରେ ଗୁଣ୍ଡାଙ୍କ ଆକ୍ରମଣ ଅଭିଯୋଗ। ଧଉଳି ଏକ୍ସପ୍ରେସରେ ଅଗ୍ନିକାଣ୍ଡ; ମାର୍କୋଣା ଷ୍ଟେସନରେ ଅଟକିଲା ଟ୍ରେନ୍, ଅଳ୍ପକେ ବର୍ତ୍ତିଲେ ଯାତ୍ରୀ। ରାଜଧାନୀର ବରମୁଣ୍ଡା ଅଞ୍ଚଳରୁ ମିଳିଛି ବିଭତ୍ସ ମୁଣ୍ଡବିହୀନ ମୃତଦେହ। ମୃତକ ମାଛ ବେପାରୀ ହାଡୁ ମଲ୍ଲିକ। କନ୍ଧମାଳରୁ ଚାଲାଣ ହେଉଥିଲା କାର୍ ଭର୍ତ୍ତି ଗଞ୍ଜେଇ, ମାଡ଼ି ବିସିଲା ଦଶପଲ୍ଲା ପୁଲିସ। ସୁନାବେଶ ଦେଖି ଫେରୁଥିବା ବେଳେ ଖୋର୍ଦ୍ଧା–ବଲାଙ୍ଗୀର ୫୭ ଜାତୀୟ ରାଜପଥରେ କାର୍ ଓ ତେଲ ଟ୍ୟାଙ୍କର୍ ମୁହାଁମୁହିଁ ଧକ୍କା, ୬ ଗୁରୁତର। ଭୁବନେଶ୍ୱରରେ ତମାଣ୍ଡୋରେ ଧକ୍କା ଦେଲା ଅଜଣା ଗାଡ଼ି, ବରମୁଣ୍ଡା ଯାଏଁ ଘୋଷାଡଡିଲା ଆଉ ଏକ ଗାଡ଼ି। ବସ୍‌ଷ୍ଟାଣ୍ଡ ସମ୍ମୁଖରୁ ମିଳିଲା ମୃତକଙ୍କ ମୁଣ୍ଡ ବିହୀନ ମୃତଦେହ। ସୁନ୍ଦରଗଡ଼ ଜିଲ୍ଲା କିଞ୍ଜିରକେଲାରେ ଦୁର୍ଘଟଣାରେ ପୁଅ ମୃତ, ଜୀବନ ହାରିଲେ ବାପା। ନବରଙ୍ଗପୁର ଜିଲ୍ଲା ଡାବୁଗାଁରେ ଅଷ୍ଟମ ଶ୍ରେଣୀ ଛାତ୍ରୀ ଗର୍ଭବତୀ, ଅଭିଯୁକ୍ତ ଗିରଫ। କାମାକ୍ଷାନଗର ରେ ଧାନ ରୋଇବା ବେଳେ ବଜ୍ରପାତ, ବାପ-ପୁଅଙ୍କ ମୃତ୍ୟୁ। ନବରଙ୍ଗପୁର ଜିଲ୍ଲାର ଉମରକୋଟରେ ଗଛରେ ଝୁଲିପଡ଼ିଲେ ଆଶ୍ରମ ହଷ୍ଟେଲ ଛାତ୍ରୀ, କାରଣ ଅସ୍ପଷ୍ଟ। ଢେଙ୍କାନାଳ ଇନ୍ଦିପୁର ଗାଁରେ ବାରହା ଆକ୍ରମଣରେ ଜଣେ ମୃତ, ୧୦ରୁ ଅଧିକ ଆହତ। ‎ଗଞ୍ଜାମ ଜିଲ୍ଲା ଧରାକୋଟ ବ୍ଲକରେ ଶୋଇଥିଲେ ପରିବାର ଲୋକ, ହଠାତ୍ ଭିତରକୁ ମାଡ଼ିଗଲା ହାଇଓ୍ବା, ଭାଙ୍ଗିଲା ଘର। 🇳🇪 ପ୍ରଶ୍ନପତ୍ର ଲିକ୍‌ ରୋକିବାକୁ ପ୍ରୟାସ: ପରୀକ୍ଷା ସଂସ୍କାର ପାଇଁ ଟାସ୍କଫୋର୍ସ, ନନ୍ଦନ ନିଲେକାନି ଅଧ୍ୟକ୍ଷ। ଛତିଶଗଡର ନାରାୟଣପୁର ଜିଲ୍ଲା ଓ ଗଡଚୋରେଲି ଜିଲ୍ଲା ସୀମାନ୍ତରେ ମାଓବାଦୀ ପୁଣି ସକ୍ରିୟ, ପୋଷ୍ଟର ମାରିଲେ। ଆସାମର କଛାର ଜିଲ୍ଲାରେ ରଡ୍‌ ନିର୍ମାଣ କାରଖାନାରେ ବିସ୍ଫୋରଣ ହୋଇ ୪ ଶ୍ରମିକଙ୍କର ମୃତ୍ୟୁ ହୋଇଛି। ମହାରାଷ୍ଟ୍ରର ଅମରାବତୀରେ ଆଦିବାସୀ ଆବାସିକ ସ୍କୁଲରେ ରାତ୍ରିଭୋଜନ ପରେ ୪୦ ଜଣ ପିଲା ଅସୁସ୍ଥ। ପୁଲିସ ବର୍ବରତା ଉପରେ ଆଲୋଚନା ପାଇଁ ରାଜ୍ୟସଭାରେ ନୋଟିସ ଆଗତ କଲା ଟିଏମ୍‌ସି। କୁଏତ ଓ ବାହାରିନ୍‌ ସିଧାସଳଖ ଇରାନ ଉପରେ ବିମାନ ଆକ୍ରମଣ କରିଥିବା ସୂଚନା। ଫ୍ରାନ୍ସର ଭୟଙ୍କର ଜଙ୍ଗଲ ନିଆଁ: ୨.୨୦ ଲକ୍ଷରୁ ଅଧିକ ଲୋକଙ୍କୁ ସ୍ଥାନାନ୍ତର। 🚴🏾‍♂️⚽🏏 ଏସୀୟ ଯୁବ ୫ଏସ୍‌ ହକି ପ୍ରତିଯୋଗିତାରେ ଭାରତର ବାଳକ ସ୍ୱର୍ଣ୍ଣ ଓ ବାଳିକା ଦଳ ରୌପ୍ୟ ପଦକ ହାସଲ କଲେ। ଭାରତୀୟ ଟ୍ବେଣ୍ଟି-୨୦ ଦଳ ଜିମ୍ବାୱେ ଗସ୍ତରେ ୩ ମ୍ୟାଚ୍‌ ବିଶିଷ୍ଟ ଶୃଙ୍ଖଳାକୁ ୩-୦ରେ ପୋଛି ନେଇଛି। ରାଜ୍ୟଗୋଷ୍ଠୀ କ୍ରୀଡ଼ା–୨୦୨୬ରେ ପ୍ରଥମ ରୌପ୍ୟ ଜିତିଲେ ୱେଟଲିଫ୍ଟର ଋଷିକାନ୍ତ ସିଂହ। *ଗତବର୍ଷ ଏଇ ସମୟରେ* ରାଜ୍ୟ ମନ୍ତ୍ରିମଣ୍ଡଳରେ ଆଉ ଛଅ ମନ୍ତ୍ରୀ ହେବେ, କହିଥିଲେ ବିଜେପି ପ୍ରଭାରୀ ବିଜୟ ତୋମାର। ନିଗମ ବୋର୍ଡ ଓ ସଙ୍ଗଠନ ନିଯୁକ୍ତି ଆଗ ହେବ, କହିଥିଲେ ମନମୋହନ ସାମଲ। ଏନସିଇଆରଟି ସ୍କୁଲ ବହିରେ ଅପରେସନ ସିନ୍ଦୁର କଥା ଲେଖାହେବା ନିଷ୍ପତ୍ତି ହୋଇଥିଲା। ଭୁବନେଶ୍ୱର ମେଟ୍ରୋ ପ୍ରକଳ୍ପ ଟେଣ୍ଡର ବାତିଲ କରିଥିଲେ ରାଜ୍ୟ ସରକାର। କନିଷ୍ଠ ଶିକ୍ଷକ ନିଯୁକ୍ତିରେ ବିଏଡ୍ ପ୍ରାର୍ଥୀଙ୍କୁ ସୁଯୋଗ ଦେବାକୁ କହିଥିଲେ ଓଡିଶା ହାଇକୋର୍ଟ। ================ ଆଜି CRPF (କ୍ରାଉନ ପୋଲିସ) ସ୍ଥାପନ ଦିବସ ଆଜି ଜନ୍ମଦିନ: ଉଦ୍ଧବ ଠାକରେ, କୃତି ସାନୋନ, ରାହୁଲ ବୋଷ, ସିକନ୍ଦର ଆଲାମ (ଗାୟକ, କଟକ) ଆଜି ତିରୋଧାନ: ପୂର୍ବତନ ରାଷ୍ଟ୍ରପତି ଅବଦୁଲ କାଲାମ, ଅମଜାଦ ଖାନ =================== ଇତିହାସରେ ଆଜି: (1987) ଟାଇଟାନିକ ଜାହାଜର ଭଗ୍ନାଂଶ ଉଦ୍ଧାର/ (୧୯୨୧) ଟରଣ୍ଟୋରେ ଇନସୁଲିନ ବାହାର କଲେ କାନାଡ଼ା ବୈଜ୍ଞାନିକ/ (୨୦୦୭) ଅଷ୍ଟ୍ରେଲିଆରେ ଚାଲିଶ ହଜାର ବର୍ଷ ପୁରୁଣା ରାକ୍ଷସୀ କଙ୍କାଳ ଉଦ୍ଧାର/ (୧୯୭୬) ଚୀନ ଭୂମିକମ୍ପରେ ଦୁଇଲକ୍ଷ ଚାଲିଶ ହଜାର ମୃତ

*ଖବର ଆଜିର, ୨୪ ଜୁଲାଇ, ଶୁକ୍ରବାର* ================= ଆଜି ବାହୁଡ଼ାଯାତ୍ରା। ରତ୍ନବେଦିକୁ ଫେରିବେ ମହାପ୍ରଭୁ। ରଥ, ପଥ ଓ ଭକ୍ତ ପ୍ରସ୍ତୁତ। ରାଜ୍ୟରେ ଜୁଲାଇରେ ୧୭% ଅଧିକ ବର୍ଷା ହୋଇଛି। ଉତ୍ତର ଓଡିଶାରେ ଅଧିକ, ଦକ୍ଷିଣ ଓଡ଼ିଶାରେ ନିଅଣ୍ଟିଆ ବର୍ଷା। ସମୁଦ୍ର-ଚିଲିକା ମଝିରେ ଥିବା ବାଲିବନ୍ଧ ପୁରୀ ଆଡ଼କୁ ଧସିଛି। ଫଳରେ ପୁଣି ଏକ ପ୍ରାକୃତିକ ମୁହାଣ ଖୋଲିବାର ଆଶଙ୍କା ପ୍ରକାଶ। ରାଜ୍ୟରେ ସୃଷ୍ଟି ହେଲା ଘୂର୍ଣ୍ଣିବଳୟ, ୫ ଦିନ ଲଗାତାର ବର୍ଷା ହେବ। ବାହୁଡାରେ ଭିଜିବ। ପୁରୀରେ ଗୁଣ୍ଡିଚା ମନ୍ଦିରରେ ଦିନ ୧୨ଟାରୁ ଅପରାହ୍ନ ୨.୩୦ ମଧ୍ୟରେ ବାହୁଡା଼ ପହଣ୍ଡି ଅପରାହ୍ନ ୪ଟାରେ ରଥ ଟଣା ହେବ। ଯୁକ୍ତ ୨ ଆଡମିଶନ ପାଇଁ ଦ୍ୱିତୀୟ ମେରିଟ୍ ଲିଷ୍ଟ ପ୍ରକାଶ ହେଲା ବାହୁଡ଼ା ଯାତ୍ରାରେ ଶ୍ରଦ୍ଧାଳୁଙ୍କ ପାଇଁ 'ଆମ ବସ୍' ହେଲ୍ପଲାଇନ୍ ନଂ ୧୮୦୦-୫୭୦୦-୨୧୮ ସରକାରୀ କର୍ମଚାରୀଙ୍କୁ ଖୁସି କଲେ ସରକାର। ୫ ପ୍ରତିଶତ ବଢ଼ିଲା ମହଙ୍ଗା ଭତ୍ତା। 'ଜଗନ୍ନାଥ ଧାମ', 'ଶ୍ରୀକ୍ଷେତ୍ର', 'ମହାପ୍ରସାଦ', 'କୋଇଲି ବୈକୁଣ୍ଠ' ଏବଂ 'ନୀଳଚକ୍ର' ଏହି ପାଞ୍ଚଟି ଶବ୍ଦର ପେଟେଣ୍ଟ ପାଇଁ ଆବେଦନ ଗୃହୀତ। ଦ୍ବିତୀୟ ‌ବୌଦ୍ଧଗୁରୁ ପଦ୍ମସମ୍ଭବଙ୍କ ଜୟନ୍ତୀ। ପ୍ରତିମୂର୍ତ୍ତି ସ୍ଥାପନ ପାଇଁ ଟେଣ୍ଡର ବିବାଦ, ଝାରସୁଗୁଡାରେ ପ୍ରଶାସନର ଦ୍ବାରସ୍ଥ ହେଲା ସ୍ମୃତିରକ୍ଷା ଟ୍ରଷ୍ଟ। କଟକ ମଧୁପାଟଣା ପାଖରେ ୩ ଫୁଟ ତଳକୁ ଧସିଲା ୩୦ ଫୁଟର କଂକ୍ରିଟ୍ ରାସ୍ତା। ୧୫ ଦିନତଳେ ତିଆରି ହୋଇଥିଲା। ଓ୍ବାଟ୍‌କୋ ଇଂଜିନିୟରଙ୍କ ଅବହେଳା ଅଭିଯୋଗ। ବଲାଙ୍ଗୀର ଲୋୟର ସୁକତେଲ ପ୍ରକଳ୍ପରେ ତିଆରି ହୋଇଛି ଶହ ଶହ ଗୁହାଳ, କିନ୍ତୁ ଗାଈଗୋରୁ ନାହାନ୍ତି। ଆଜ୍‌ବେଷ୍ଟସ୍‌ ଘର ତିଆରିରେ ସରକାରୀ ଇଂଜିନିୟର ମାଲେମାଲ। ଯାଜପୁର ୧୬ ନମ୍ବର ରାଜପଥ କୁଆଖିଆ ବାରବାଟୀ ନିକଟ କ୍ରିଷ୍ଣା ହୋଟେଲ ସମ୍ମୁଖରେ କଲିକତା ବସ ଦୁର୍ଘଟଣାରେ ୮ ଯାତ୍ରୀ ଆହତ, ହେଲପର ଗୁରୁତର। ଗଜପତି ଜିଲ୍ଲା ମୋହନା ସ୍ୱାସ୍ଥ୍ୟ କେନ୍ଦ୍ର ପାଖରେ ମିଳିଲା ଔଷଧର ପାହାଡ଼। ଅଳିଆ ଗଦାରେ ପଡ଼ିଛି ପୁଳାପୁଳା ଔଷଧ। ଓଡିଶାର ଏପିଜେ ଅବଦୁଲ କଲାମ ଦ୍ବୀପରୁ ଦୀର୍ଘ ଦୂରଗାମୀ କୁଶ କ୍ଷେପଣାସ୍ତ୍ରର ହେଲା ସଫଳ ପରୀକ୍ଷା। ରାଜ୍ୟର ୧୦ ମେଡିକାଲ କଲେଜ ପାଇଁ ୧୫୨ ବିଶେଷଜ୍ଞ ପଦବୀକୁ ମଞ୍ଜୁରି ଦେଲେ ସରକାର। ମହାନଦୀ ଜଳ ବିବାଦ ପ୍ରହସନ। ଜଏଣ୍ଟ କମିଟି ଗଠନ କରିବାକୁ ଟ୍ରିବ୍ୟୁନାଲଙ୍କ ନିର୍ଦ୍ଦେଶ। ଆଜିଯାଏ କାହିଁକି ଚୁପ ଥିଲେ? କେନ୍ଦୁଝର ଯୋଡ଼ାରେ ରାସ୍ତା କଡ଼ ଗଛରେ ପିଟି ହେଲା ଥାର୍ ଗାଡି, ଗୋଟିଏ ପରିବାରର ୩ ଜଣଙ୍କ ମୃତ୍ୟୁ, ଜଣେ ଗୁରୁତର। ଭଦ୍ରକ ନାବାଳିକା ଅପହରଣ ଓ ଦୁଷ୍କର୍ମ ମାମଲାରେ ରାୟ। ଦୋଷୀଙ୍କୁ ୨୦ ବର୍ଷ କାରାଦଣ୍ଡ, ପୀଡ଼ିତାଙ୍କୁ ୫ ଲକ୍ଷ ଟଙ୍କା କ୍ଷତିପୂରଣ। ଭୁବନେଶ୍ୱର ଚନ୍ଦ୍ରଶେଖର ପୁର ଆୟୁର୍ବେଦିକ ସେଣ୍ଟରରେ ଦେହ ବ୍ୟବସାୟ। ମାଲିକ ଓ ଗ୍ରାହକ ଅଟକ। 🇳🇪 ନିଟ୍‌ ଆନ୍ଦୋଳନକାରୀଙ୍କୁ ସମର୍ଥନ କଲେ ବରିଷ୍ଠ ବିଜେପି ନେତା ମୁରଲୀ ମନୋହର ଯୋଶୀ। ଉତ୍ତରାଖଣ୍ଡ ବୈଷୟିକ ବିଶ୍ୱବିଦ୍ୟାଳୟର ପ୍ରଶ୍ନପତ୍ର ହ୍ୱାଟ୍ସଆପ୍‌ରେ ଭାଇରାଲ୍ ହେଲା, ବାତିଲ ହେଲା ୨ ସେମିଷ୍ଟର ପରୀକ୍ଷା। ଭାରତ-ବାଂଲାଦେଶ ସୀମାରେ ବଡ଼ ସ୍ମାର୍ଟ ଫେନ୍ସିଂ ଅଭିଯାନ, ସୁନ୍ଦରବନ ପର୍ଯ୍ୟନ୍ତ କଡ଼ା ସୁରକ୍ଷା। ଦିଲ୍ଲୀରେ ଛାତ୍ରଙ୍କ ବିରୋଧ ପ୍ରଦର୍ଶନ ପାଇଁ ଜନ୍ତର ମନ୍ତର ଅଞ୍ଚଳରେ ମୋବାଇଲ୍ ଇଣ୍ଟରନେଟ୍ ବନ୍ଦ କଲେ ସରକାର। କେନ୍ଦ୍ରମନ୍ତ୍ରୀଙ୍କ ସହ କକରୋଚ ପାର୍ଟି ଆଲୋଚନା, ଅନଶନ ଭାଙ୍ଗିଲେ ଓ୍ବାଙ୍ଗଚୁକ୍। ମଧ୍ୟପ୍ରାଚ୍ୟରେ ବଢ଼ିଲା ଉତ୍ତେଜନା। ଆମେରିକୀୟ ଘାଟି ଉପରେ ଇରାନର ମିସାଇଲ୍ ଆକ୍ରମଣ। ପ୍ରଚଣ୍ଡ ଗରମ ପରେ ଫ୍ରାନ୍ସ ଓ ସ୍ପେନ୍‌ରେ ଜଙ୍ଗଲ ନିଆଁ: ୧୦ ହଜାରରୁ ଅଧିକ ଲୋକ ସ୍ଥାନାନ୍ତର। ⚽🚴🏾‍♂️🏏 ପ୍ରଥମ ଟି-୨୦ରେ ଟିମ୍ ଇଣ୍ଡିଆର ବିଜୟ, ଜିମ୍ବାୱେକୁ ୭ ୱିକେଟରେ ହରାଇଲା ଭାରତ। ରାଜ୍ୟଗୋଷ୍ଠୀ କ୍ରୀଡ଼ାର ଉଦ୍‌ଘାଟନ ଉତ୍ସବ ପୂର୍ବରୁ ଭାରତର ଲଭ୍‌ଲୀନା ବଡ଼ଗୋହାଇଁ ମହିଳା ମୁଷ୍ଟିଯୁଦ୍ଧରେ ଅତିକମ୍‌ରେ କାଂସ୍ୟ ପଦକ ପାଇବା ନିଶ୍ଚିତ। WhatsApp Channel join https://whatsapp.com/channel/0029VaUgRXG5fM5gVRc7391u ଭାରତର ଶୀର୍ଷ ମାନ୍ୟତାପ୍ରାପ୍ତ ସ୍କ୍ବାସ୍‌ ଖେଳାଳି ଆନାହତ ସିଂହ ବିଶ୍ବ ସ୍କ୍ବାସ କନିଷ୍ଠ ପ୍ରତିଯୋଗିତାର କ୍ବାର୍ଟର ଫାଇନାଲ୍‌ରେ ପ୍ରବେଶ କରିଛନ୍ତି। ଘରୋଇ ଶ୍ରୀଲଙ୍କା ବିପକ୍ଷ ୧୯ ବ‌ର୍ଷରୁ କମ୍‌ (ଯୁବ) ଦ୍ବିତୀୟ ଟେଷ୍ଟ୍‌କୁ ଭାରତ ୨୧୧ ରନ୍‌ରେ ଜିତି ନେଇଛି। *ଗତବର୍ଷ ଏଇ ସମୟରେ* ରାଜ୍ୟରେ ୫୬ଟି ନୂଆ କୋର୍ଟ ପ୍ରତିଷ୍ଠା, ସୃଷ୍ଟି ହେବ ୮୪୦ ପଦବୀ, ପ୍ରକାଶ ପାଇଥିଲା ନୋଟିସ। ସିବିଏସଇ ସ୍କୁଲ ପରି ରାଜ୍ୟର ସବୁ ସ୍କୁଲରେ ଲାଗିବ ସିସିଟିଭି, କହିଥିଲେ ସରକାର। ନାରୀ ନ୍ୟାୟ ବାହିନୀ ଆପ୍‌ ଉନ୍ମୋଚିତ ହୋଇଥିଲା, ଉନ୍ମୋଚନ କରିଥିଲେ ଭକ୍ତ ଚରଣ ଦାସ। ଭୁବନେଶ୍ୱରରୁ ଝାରସୁଗୁଡା ବିମାନ ଷ୍ଟାର ଏୟାର, ଟିକେଟ୍ ୧୫୯୯ ଟଙ୍କାରୁ ଆରମ୍ଭ ହେବାର ଥିବା। ================= ଆଜି ଆୟକର ଦିବସ ଜାତୀୟ ଥର୍ମାଲ ଇଂଜିନିୟର ଦିବସ ଆଜି ଜନ୍ମଦିନ: ଆଜିମ ପ୍ରେମଜୀ, ମନୋଜ କୁମାର (ଅଭିନେତା), ଶ୍ରୀବିଦ୍ୟା, କଲାନିଥି ମାରାନ ଇତିହାସରେ ଆଜି: (୧୯୯୪) ଅରୁଣାଚଳରେ ୧୦୦ରୁ ଉର୍ଦ୍ଧ୍ବ ଲୋକଙ୍କୁ ମାରିଲା ବୋଡୋ ସଙ୍ଗଠନ/ (୨୦୦୦) ମାଡ୍ରାସର ବିଜୟଲକ୍ଷ୍ମୀ ହେଲେ ପ୍ରଥମ ଭାରତୀୟ ମହିଳା ଚେସ ଗ୍ରାଣ୍ଡମାଷ୍ଟର/ (୧୯୧୧) ରହସ୍ୟମୟ ସ୍ଥାନ ମାଚୁପିଚୁ ଆବିଷ୍କାର ହେଲା ================= 🌱 *ଗଛଟିଏ ଲଗାନ୍ତୁ*🌱

*ଖବର ଆଜିର, ୨୩ ଜୁଲାଇ, ଗୁରୁବାର* ================= ପୁରୀରେ ରତ୍ନବେଦିରେ ଆଜି ସନ୍ଧ୍ୟା ଦର୍ଶନ ଦେବେ ପ୍ରଭୁ ଜଗନ୍ନାଥ। ଶ୍ରୀଗୁଣ୍ଡିଚା ଭଳି ବାହୁଡ଼ା ଯାତ୍ରାରେ ବି ହେଉ ସରକାରୀ ଛୁଟି ଘୋଷଣା, ଉଠିଲା ଦାବି। ଅନୁସୂଚିତ ଜାତି ଓ ଜନଜାତିଙ୍କ ନିର୍ଯାତନା ବିଚାର ପାଇଁ ଗଞ୍ଜାମ, ଖୋର୍ଦ୍ଧା, ପୁରୀ, ଯାଜପୁର, କେନ୍ଦ୍ରପଡ଼ା ଓ ଭଦ୍ରକରେ ୬ଟି ସ୍ୱତନ୍ତ୍ର ନିର୍ଯାତନା କୋର୍ଟ ସ୍ଥାପନ ହେବ। ଡିଜିଟାଲ୍‌ ପ୍ରଯୁକ୍ତି ଦ୍ୱାରା ବନ ପ୍ରଶାସନକୁ ସୁଦୃଢ଼ କରିବାକୁ ଅରଣ୍ୟ ଭବନରେ ଆଇଏଫ୍‌ଏମ୍‌ସିସି ଉଦ୍‌ଘାଟିତ। ୭ ଦିନ ମଧ୍ୟରେ ସରକାରୀ କ୍ବାର୍ଟର ଦଖଲ ଓ ବାକି ଆଦାୟ ତଥ୍ୟ ଦେବାକୁ ରେଭେନ୍‌ସା କର୍ତ୍ତୃପକ୍ଷଙ୍କୁ ନିର୍ଦ୍ଦେଶ ଦେଲେ ଉଚ୍ଚଶିକ୍ଷା ବିଭାଗ। ଜାତୀୟ ରାଜପଥରେ ଯାଉଥିଲେ, ସାବଧାନ! ଓଡ଼ିଶାରେ ୫ ବର୍ଷରେ ୨୧,୨୧୯ ଦୁର୍ଘଟଣା। ରାଷ୍ଟ୍ରପତି ଦ୍ରୌପଦୀ ମୁର୍ମୁ ଆସନ୍ତା ୪ ଓ ୫ ତାରିଖରେ ଗଞ୍ଜାମ ଜିଲା ଗସ୍ତରେ, ବ୍ରହ୍ମପୁରରୁ ସଡ଼କ ପଥରେ ତପ୍ତପାଣି ଯିବେ। ରେଳ ସୁରକ୍ଷାରେ ନୂଆ ଅଧ୍ୟାୟ। ପୂର୍ବତଟ ରେଲଓ୍ବେରେ ସାମିଲ ହେଲା AI ରୋବଟ୍ ‘D.S.C ARJUN’ ରାଜ୍ୟର ୨୦ଟି ଜେଲ୍‌ରେ ଏଆଇ ସିସିଟିଭି ଖଞ୍ଜାଯିବା ସହ ଭିଡିଓ ଆନାଲିଟିକ୍ସ ବ୍ୟବସ୍ଥା ହେଉଛି। ଗତବର୍ଷ ରଥଯାତ୍ରାରେ ଏହି ସିଷ୍ଟମ ଫେଲ ମାରିଥିଲା। ରାଜ୍ୟ ସମବାୟ ବ୍ୟାଙ୍କର ଲିଙ୍କ୍‌ ଫେଲ୍‌ ଯୋଗୁଁ ୨ ଦିନ ହେଲା ବ୍ୟାଙ୍କ କାର୍ଯ୍ୟ ଠପ୍‌। ୬୬୦ କୋଟିର ଖରିଫ୍‌ ଋଣ ଅଟକିଛି। ବରପଦାରେ ଭଦ୍ରକ ବିଶ୍ଵବିଦ୍ୟାଳୟ ପ୍ରତିଷ୍ଠା ଆଶା ଉଜ୍ଜ୍ବଳ, କ୍ଷେତ୍ର ଅନୁଧ୍ୟାନ କଲେ ଉଚ୍ଚ ଶିକ୍ଷା ସଚିବ। ମାଲକାନଗିରିରେ ପରୀକ୍ଷା ମୂଳକ ବିମାନ ଉଡ଼ାଣ ସଫଳ ହେଲା। ବାଲେଶ୍ବର ଚାନ୍ଦିପୁରର ବଳରାମଗାଡ଼ିଆରେ ସାଗରମାଳା ଯୋଜନା ଅଧୀନରେ ମାଛଧରା ବନ୍ଦର ଡିସେମ୍ବର ସୁଦ୍ଧା କାର୍ଯ୍ୟକ୍ଷମ ହେବ। ବିଶ୍ବସ୍ତରୀୟ ଏସ୍‌ସିବି କୋଠାର ନିର୍ମାଣ ଶେଷ। ‌ସେପ୍ଟେମ୍ବର ୩୦ ସୁଦ୍ଧା ୨ ଟାୱାର ହସ୍ତାନ୍ତର ହେବ। ଏଚ୍‌ସିଏଲ୍‌ ଟେକ୍ନୋଲୋଜିସ୍‌ ଖୋରଧାରେ ୭୩୦ କୋଟି ନିବେଶରେ ଗ୍ଲୋବାଲ୍‌ ଡେଭଲପ୍‌ମେଣ୍ଟ୍‌ ସେଣ୍ଟର ସ୍ଥାପନ କରିବ। ହୀରାକୁଦର ଜଳସ୍ତର ୬୧୩.୫୬ରେ ସ୍ଥିର, ୧୨ଟି ଗେଟ୍ ଦେଇ ବନ୍ୟାଜଳ ନିଷ୍କାସିତ। ତଦନ୍ତ କମିସନ ଫାଇଲ୍‌ ହଜିବା ଘଟଣାରେ ପାଣ୍ଡିଆନଙ୍କୁ ଡାକରା, ୨୫ରେ ହାଜର ହେବାକୁ ନୋଟିସ୍‌। ଗଞ୍ଜାମ ଜିଲ୍ଲାର ୩ଜଣ କୋଭିଡ୍‌ ସନ୍ଦିଗ୍ଧଙ୍କ ମଧ୍ୟରୁ ଜଣେ ପଜିଟିଭ୍‌ ରହିଥିବା ସ୍ପଷ୍ଟ ହୋଇଛି। ପୁରୀ ଜିଲ୍ଲା ସାକ୍ଷୀଗୋପାଳରେ ଥିବା ଠାକୁରଙ୍କ ଚନ୍ଦନ ପୁଷ୍କରିଣୀରେ ଭାସୁଛନ୍ତି ଶହ ଶହ ମଲାମାଛ। ରାଉରକେଲା ସେକ୍ଟର-୧୯ ନୀଲମ ହୋଟେଲ ପରିସରକୁ ୧୦ ବର୍ଷର ସବ୍‌ଲିଜ୍ ବିବାଦ ପରେ ଆର୍‌ଏସ୍‌ପି ପୁଣି ଦଖଲ କରିଛି। କଟକରେ ଯୌତୁକ ପାଇଁ ନବବଧୂଙ୍କୁ ନିର୍ଯାତନା ଓ ହତ୍ୟା ଅଭିଯୋଗରେ ସ୍ୱାମୀ ଆଲ୍ଲାରଖା, ଶ୍ୱଶୁର କୌସର ଓ ଶାଶୂ ଜହର ବିବିଙ୍କୁ ଆଜୀବନ କାରାଦଣ୍ଡ ପ୍ରଦାନ। ନବରଙ୍ଗପୁର କୋଡିଙ୍ଗା ଥାନାରୁ ହ୍ୟାଣ୍ଡକପ୍‌ ସହ ଅଭିଯୁକ୍ତ ନାବାଳକ ଚମ୍ପଟ ମାରିଲା। ଝାରସୁଗୁଡ଼ା ସହରର ଭି ମାର୍ଟ ସପିଂ ମଲରେ ଭୟାବହ ଅଗ୍ନିକାଣ୍ଡ, ଲକ୍ଷାଧିକ ଟଙ୍କାର ସମ୍ପତ୍ତି ପୋଡି ନଷ୍ଟ। ଢେଙ୍କାନାଳ ବାଏପାସ କାଠଗୋଲା ନିକଟରେ ସ୍କୁଟି ଉପରେ ଇନୋଭା କାର ଚଢିଗଲା। ସ୍କୁଟିରେ ଥିବା ୩ ଜଣ ଯୁବକଙ୍କ ମଧ୍ୟରୁ ୨ ମୃତ। ଗଜପତି ଜିଲ୍ଲା ପାରଳାଖେମୁଣ୍ଡି ସୁବାଷ ନଗର ଛକରେ ଯୁବକଙ୍କ ମୃତଦେହ ଠାବ। ଋଣ ଆଣି ଶୁଝି ନଥିଲେ। ଭୁବନେଶ୍ୱର କଳିଙ୍ଗ ଷ୍ଟୁଡିଓ ଛକରେ ଆତଙ୍କ। ନକଲି କିନ୍ନରଙ୍କୁ କେନ୍ଦ୍ର କରି ଦୁଇ ଗୋଷ୍ଠୀ ମଧ୍ୟରେ ରକ୍ତାକ୍ତ ସଂଘର୍ଷ। 🇳🇪 ନିଟ୍‌ ପେପର୍‌ ଲିକ୍‌ ବିରୋଧରେ କ‌କ୍ରୋଚ୍‌ ଜନତା ପାର୍ଟି ଦିଲ୍ଲୀରେ ଆନ୍ଦୋଳନ ଜାରି ରହିଛି। ୧୦ ବର୍ଷରେ ୧୫୨ ପ୍ରଶ୍ନପତ୍ର ଲିକ୍‌, ଜଣେ ବି ଦଣ୍ଡିତ ହୋଇନାହାନ୍ତି, କହିଲେ ରାହୁଲ ଗାନ୍ଧୀ। WhatsApp Channel join https://whatsapp.com/channel/0029VaUgRXG5fM5gVRc7391u ଇରାନ ଉପରେ ଆମେରିକାର କ୍ରମାଗତ ଏକାଦଶ ରାତିର ବିମାନ ଆକ୍ରମଣ ଜାରି। ରୁଷ୍‌ର ଇ-କମର୍ସ କମ୍ପାନି ଗୋଦାମ ଉପରେ ୟୁକ୍ରେନର ଡ୍ରୋନ୍ ଆକ୍ରମଣ, ୧୫ ଆହତ। ଜେନେରିକ୍‌ ଔଷଧ ଉପରେ ଟ୍ରମ୍ପ ଲଗାଇଲେ ୨୦୦% ଶୁଳ୍କ। ଭାରତୀୟ ରପ୍ତାନୀକାରୀ ପ୍ରଭାବିତ ହେବେ। ⚽🚴🏾‍♂️🏏 ରାଜ୍ୟଗୋଷ୍ଠୀ କ୍ରୀଡ଼ା ଆଜିଠାରୁ ଆରମ୍ଭ, ଭାଗନେବେ ୭୪ ଦେଶ। ଭାରତରୁ ୧୨୫ ପ୍ରତିଯୋଗୀ। ଲଗାତାର ୩ ଶୃଙ୍ଖଳା ପରାଜୟ ପରେ ଭାରତ ୩ ମ୍ୟାଚ୍‌ ବିଶିଷ୍ଟ ‌ଟ୍ବେଣ୍ଟି-୨୦ ଶୃଙ୍ଖଳା ଘରୋଇ ଜିମ୍ବାୱେ ବିପକ୍ଷରେ ଖେଳିବ। *ଗତବର୍ଷ ଏଇ ସମୟରେ* ରାଜ୍ୟରେ ଅଧିକ ୬୩୫୮ ବୁଥ ହେବବୋଲି କହିଥିଲେ ସରକାର। ରାଜ୍ୟରେ ୬ ନୂଆ ବୟନ ପାର୍କ ହେବବୋଲି ଘୋଷଣା କରିଥିଲେ ସରକାର। ================= ଆଜି ଜାତୀୟ ପ୍ରସାରଣ ଦିବସ ଅନ୍ତର୍ଜାତୀୟ ଅଲିମ୍ପିକ ଦିବସ ଆଜି ଜନ୍ମଦିନ: ଲୋକମାନ୍ୟ ବାଲ ଗଙ୍ଗାଧର ତିଳକ, ଚନ୍ଦ୍ରଶେଖର ଆଜାଦ, ହିମେଶ ରେଶମୀୟା, ଏଲିନା ସାମନ୍ତରାୟ (ଅଭିନେତ୍ରୀ, କଟକ ) ଆଜି ତିରୋଧାନ: ମେହମୁଦ, କ୍ୟାପଟେନ ଲକ୍ଷ୍ମୀ ସେହେଗାଲ, ଭୈରବ ମହାନ୍ତି (କଟକ) ଇତିହାସରେ ଆଜି: (୧୯୨୭) ଦେଶରେ ରେଡ଼ିଓ ସେବା ବମ୍ବେରୁ ଆରମ୍ଭ/ (୧୯୦୩) ଫୋର୍ଡ ମୋଟର୍ସ ପ୍ରଥମ କାର ବିକ୍ରି କଲେ/ (୧୫୫୫) ସିକନ୍ଦର ସୁରିକୁ ହରାଇ ଦିଲ୍ଲୀରେ ପହଁଚିଲା ହୁମାୟୁନ/ (୧୯୮୮) ସାତ ଭାରତୀୟ ବୈଜ୍ଞାନିକଙ୍କୁ ଆମେରିକା ଦେଶରୁ ବାହାର କଲା ================= 🌱 *ଗଛଟିଏ ଲଗାନ୍ତୁ*🌱

*ଖବର ଆଜିର, ୨୨ ଜୁଲାଇ, ବୁଧବାର* ================= ଆହୁରି ୬ ଦିନ ଯାଏ ବର୍ଷା ସମ୍ଭାବନା। ଆଜି ପଶ୍ଚିମ ଓଡ଼ିଶାରେ ଅତି ପ୍ରବଳ ବର୍ଷା ହେବ। ୫ଜିଲ୍ଲାକୁ ଅରେଞ୍ଜ ଆଲର୍ଟ୍‌ ଜାରି। ପଞ୍ଚାୟତ ଓ ପୌର ନିର୍ବାଚନ ପ୍ରସ୍ତୁତି: ଅକ୍ଟୋବରରୁ ସର୍ଭେ, ଫେବ୍ରୁଆରି ୧୦ରେ ଚୂଡ଼ାନ୍ତ ତାଲିକା। ପୁରୀରେ ବର୍ଷା ହେଲା ବାଧକ। ଆଜି ନନ୍ଦିଘୋଷ ଓ ତାଳଧ୍ବଜର ଦକ୍ଷିଣ ମୋଡ଼। ପୁରୀ ଶ୍ରୀମନ୍ଦିରରେ ଲକ୍ଷ୍ମୀଙ୍କ ମନ୍ଦିରକୁ ଘୋର ଅବହେଳା, ଭଙ୍ଗା ପଲଙ୍କରେ ଶୋଉଛନ୍ତି, ପିନ୍ଧୁଛନ୍ତି ଦଦରା କିରୀଟ। ରାଜ୍ୟରେ ଆହୁରି ୧୨ଲକ୍ଷ ଭୋଟର କଟିବେ। ୪୬ଲକ୍ଷଙ୍କ ତଥ୍ୟ ମେଳ ଖାଉନି, ୫୮.୩୬ଲକ୍ଷ ଭୋଟରଙ୍କୁ ନୋଟିସ୍। ପୁଞ୍ଜି ବିନିଯୋଗ ତାଲିକାରେ ଓଡ଼ିଶା ଦେଶର ଶୀର୍ଷ ୫ଟି ରାଜ୍ୟ ମଧ୍ୟରେ ସ୍ଥାନ ପାଇଛି। ରାଜ୍ୟରେ ୪,୫୭୩.୮୭ କୋଟିର ବିନିଯୋଗକୁ ଅନୁମୋଦନ, ସୃଷ୍ଟି ହେବ ୨୨,୮୭୩ ନିଯୁକ୍ତି ସୁଯୋଗ, ଦାବୀ କଲେ ସରକାର। ରାଷ୍ଟ୍ରପତି ଦ୍ରୌପଦୀ ମୁର୍ମୁ ଆସନ୍ତା ଅଗଷ୍ଟ ୩ ତାରିଖରେ ତିନି ଦିନିଆ ଓଡ଼ିଶା ଗସ୍ତରେ ଆସୁଛନ୍ତି। ଓଡ଼ିଶାର ୫,୧୧୧ ବିଦ୍ୟାଳୟରେ ୨୦ରୁ କମ୍‌ ଛାତ୍ରଛାତ୍ରୀ। ସେଥିମଧ୍ୟରୁ ୮୦୦ ବିଦ୍ୟାଳୟରେ ୧୦ରୁ କମ୍‌ ପିଲା। ରାଜ୍ୟର ଜନଜାତିର ୫୦%ରୁ ଅଧିକ ମହିଳା ରକ୍ତହୀନତାର ଶିକାର ହୋଇଛନ୍ତି। ପୁରୁଷଙ୍କ ସଂଖ୍ୟା ୩୭% ରହିଛି। ରାଉରକେଲା ବିମାନବନ୍ଦରର ସମ୍ପ୍ରସାରଣ ଓ ପରିଚାଳନା ପାଇଁ ଏୟାରପୋର୍ଟ ଅଥରିଟି ଓ ଷ୍ଟିଲ ଅଥରିଟି ମଧ୍ୟରେ ଚୁକ୍ତି ସ୍ୱାକ୍ଷର ହୋଇଛି। କଳାହାଣ୍ଡି ଇନ୍ଦ୍ରାବତୀ ପ୍ରକଳ୍ପର ପାଣିକୁ ପୁଣି ଥରେ ପମ୍ପ ଦ୍ୱାରା ଉପରକୁ ନେଇ ଆହୁରି ୬ ଶହ ମେଗାୱାଟ୍‌ ବିଜୁଳି ଉତ୍ପାଦନ କରିବେ ରାଜ୍ୟ ସରକାର। ଉପରମୁଣ୍ଡରୁ ଜଳପ୍ରବାହ ବଢ଼ିବା ପରେ ହୀରାକୁଦ ବନ୍ଧର ମୋଟ ୧୦ଟି ଫାଟକ ଖୋଲାଯାଇଛି। କୋରାପୁଟ କୋଲାବ ଜଳଭଣ୍ଡାର ଜଳସ୍ତର ଖସିଲା। ଜଳବିଦ୍ୟୁତ୍‌ କେନ୍ଦ୍ରର ୪ଟି ୟୁନିଟ୍‌ ମଧ୍ୟରୁ ଗୋଟିଏ ୟୁନିଟ୍‌ ବନ୍ଦ ହେଲା। ପାଠ୍ୟପୁସ୍ତକ ତ୍ରୁଟି ଘଟଣାରେ ଆଉ ଚାରି ଜଣ ହାଇକୋର୍ଟରେ ଆଗୁଆ ଜାମିନ ଆବେଦନ କଲେ। ରାଜ୍ୟରେ ବେଧଡକ ବେଆଇନ ବାଲି ଚାଲାଣ ଜାରି ରହିଥିବାରୁ ବିପୁଳ ପରିମାଣର ରାଜସ୍ବହାନି ଘଟୁଛି। ନେତାମାନେ ଦେଉଛନ୍ତି ସୁରକ୍ଷା। ମୁଣ୍ଡ ଟେକିଲାଣି ଡେଙ୍ଗୁ। ଚଳିତବର୍ଷ ରାଜ୍ୟରେ ୨୬୦ ଡେଙ୍ଗୁ ରୋଗୀ ଚିହ୍ନଟ ହୋଇଛନ୍ତି। ସୁନ୍ଦରଗଡରେ ସାର ପାଇଁ ଚାଷୀ ବିକଳ। ପଞ୍ଜିକରଣ ପାଇଁ ଅଧ ରାତିରୁ ‘ଆଧାର’ ଧାଡ଼ି ଲାଗୁଛି। ଦିନରେ ବିକନ୍ତି ମହୁ, ରାତିରେ ମନ୍ଦିରରୁ ଚୋରି। ତିନି ଜଣିଆ ଲୁଟେରା ଗ୍ୟାଙ୍ଗକୁ ଗିରଫ କରିଛି ଚୌଦ୍ୱାର ପୋଲିସ। ଯାଜପୁର ସୁକିନ୍ଦା କ୍ରୋମ ଉପତ୍ୟକାରେ ଅନିୟନ୍ତ୍ରିତ ଖଣି ଖନନ ପାଇଁ ଲୋକଙ୍କ ଜୀବନ ବିପଦରେ ବୋଲି ଅଭିଯୋଗ। ବୁର୍ଲା ଭିସୁଟ୍‌ରେ ହଷ୍ଟେଲ ସୁବିଧା, ନିମ୍ନମାନର ଖାଦ୍ୟ ଓ ବାଧ୍ୟତାମୂଳକ ୟୁନିଫର୍ମକୁ ନେଇ ଛାତ୍ର ଆନ୍ଦୋଳନ ବର୍ତ୍ତମାନ ସ୍ଥଗିତ ରହିଛି। ଜଗତସିଂହପୁର ବାଇଜଙ୍ଗାରେ ବ୍ରାଉନସୁଗାର ସହ ୨ ଚୋରା ବେପାରୀ ଗିରଫ। ଯାଜପୁରର ବାଳିଚନ୍ଦ୍ରପୁରରେ ରାସ୍ତାରେ ଖାଲଖମା ଓ ଜମୁଛି ପାଣି, ଧାନତଳି ରୋଇ ପ୍ରତିବାଦ କଲେ। କଳାହାଣ୍ଡିର କର୍ଲାମୁଣ୍ଡା ବ୍ଲକରେ ୪ ଲକ୍ଷ ଟଙ୍କାର ରାସ୍ତା କାମକୁ ନେଇ ସରପଞ୍ଚ ଓ ସମିତିସଭ୍ୟଙ୍କ ବିବାଦ ଯୋଗୁଁ କାମ ବନ୍ଦ। ଅନୁଗୁଳ କଣିହାଁ ରେ ଓଲଟି ପଡ଼ିଲା ଓଏସଆରଟିସି ବସ୍। ୬ ଜଣ ଗୁରୁତର ଆହତ, ୨୪ରୁ ଅଧିକ ଯାତ୍ରୀ ଆହତ। 🇳🇪 ମଧ୍ୟପ୍ରଦେଶ ବିଧାନସଭାରେ ସମାନ ନାଗରିକ ସଂହିତା ବିଲ୍‌ ଗୃହୀତ। ବେଙ୍ଗାଲୁରୁରେ ଆଇଏସ୍‌ଆଇଏସ୍‌ ନିଯୁକ୍ତି ଓ ଅର୍ଥ ଯୋଗାଣ ମାମଲାରେ ୮ ସ୍ଥାନରେ ଇଡି ଚଢ଼ଉ। ଭୀମା-କୋରେଗାଓଁ ହିଂସା ମାମଲାରେ ଅଭିଯୁକ୍ତ ଆଇନଜୀବୀ ସୁରେନ୍ଦ୍ର ଗାଡଲିଙ୍ଗଙ୍କ ଜାମିନ ଶୁଣାଣିରୁ ସୁପ୍ରିମ୍‌କୋର୍ଟର ତୃତୀୟ ବିଚାରପତି ନିଜକୁ ଅଲଗା କଲେ। ଦିଲ୍ଲୀ ଛାତ୍ର ଆନ୍ଦୋଳନରେ ଲାଠିଚାର୍ଜ କରି ରକ୍ତାକ୍ତ କରିବା ଘଟଣାକୁ ବିଭିନ୍ନ ମହଲରେ ନିନ୍ଦା। WhatsApp Channel join https://whatsapp.com/channel/0029VaUgRXG5fM5gVRc7391u ଦିଲ୍ଲୀ ଅଭିମୁଖେ ପଦଯାତ୍ରା କରୁଥିବା କୃଷକମାନଙ୍କୁ ପଞ୍ଜାବ-ହରିୟାଣାର ଶମ୍ଭୁ ସୀମାରେ ପୁଲିସ ଅଟକାଇ ଦେଇଛି। ବର୍ଷା ବିପର୍ଯ୍ୟୟ; ଜମ୍ମୁ-କାଶ୍ମୀରରେ ୨୩, ଆସାମରେ ୧୧ ଜଣଙ୍କ ମୃତ୍ୟୁ। ଇରାନ ସହ ପୁଣି ଯୁଦ୍ଧ ପାଇଁ କଂଗ୍ରେସର ଅନୁମୋଦନ ଲୋଡ଼ିଲେ ଟ୍ରମ୍ପ। ⚽🏏🚴🏾‍♂️ ଭାରତୀୟ ହକି ବିଶ୍ବକପ୍‌ ଦଳରେ ଓଡ଼ିଶାର ଅମିତ ରୋହିଦାସ ଓ ଶିଳାନନ୍ଦ ଲାକ୍ରା ଖେଳିବେ। ପର୍ତ୍ତୁଗାଲ ଫୁଟ୍‌ବଲ୍‌ ଖେଳାଳି କ୍ରିଷ୍ଟିଆନୋ ରୋନାଲ୍‌ଡୋ ସେପ୍ଟେମ୍ବରରେ ଅନ୍ତର୍ଜାତୀୟ ଫୁଟ୍‌ବଲ୍‌ରୁ ଅବସର ନେବେ। ଯାଜପୁରରେ ରାଜ୍ୟ ୧୩ବର୍ଷରୁ କମ୍‌ ଚେସ୍‌। ମନୀଷ ଓ ନୈନିକା ବିଜେତା, ସତ୍ୟ, ରଞ୍ଜନ ସମ୍ବର୍ଦ୍ଧିତ। *ଗତବର୍ଷ ଏଇ ସମୟରେ* ସଚିବ ମାନଙ୍କୁ ଜିଲ୍ଲା ବୁଲିବା ପାଇଁ କହିଥିଲେ ସରକାର। ଜନତା ହିସାବ ରଖିବେ, ସ୍ବତନ୍ତ୍ର ଓ୍ବେବସାଇଟ୍ ପ୍ରସ୍ତୁତ ହେବାର ଥିଲା। ରାଜ୍ୟ ସରକାରଙ୍କ ନିଷ୍ପତ୍ତି। ପ୍ଲାଷ୍ଟିକ ବୋତଲରେ ପେଟ୍ରୋଲ ମିଳିବ ନାହିଁ। କେବଳ କାଚ ବୋତଲରେ ମିଳିବ। ଭୁବନେଶ୍ୱର ଗାଡକଣ ଅଳିଆଗଦା ସ୍ଥାନାନ୍ତର ପ୍ରସଙ୍ଗରେ, ଜବାବ୍ ମାଗିଥିଲେ ଉଚ୍ଚ ନ୍ୟାୟାଳୟ। ଆସିଲେ ଛଅ ମାସରେ ସ୍ଥାନ ପରିବର୍ତ୍ତନ କରିବାର ପ୍ରତିଶ୍ରୁତି ଦେଇଥିଲେ ସରକାର। ସିବିଏସଇ ବୋର୍ଡ କହିଥିଲେ, ସ୍କୁଲରେ କଡାକଡି ହେବ ସୁରକ୍ଷା ବ୍ୟବସ୍ଥା, ସିସିଟିଭି କ୍ୟାମେରା ଲଗାଇବା ବାଧ୍ୟତାମୂଳକ। ସ୍ୱାସ୍ଥ୍ୟଗତ କାରଣ ଦର୍ଶାଇ ଇସ୍ତଫା ଦେଇଥିଲେ ଉପରାଷ୍ଟ୍ରପତି ଜଗଦୀପ ଧନଖଡ଼। =============== ଆଜି ଜାତୀୟ ପତାକା ଦିବସ ଜାତୀୟ ଆମ୍ବ ଦିବସ ଆଜି ଜନ୍ମଦିନ: ମୁକେଶ (ଗାୟକ), ଦେବେନ୍ଦ୍ର ଫଡନାବିସ, ଅଜିତ ପାୱାର ଆଜି ତିରୋଧାନ: ରମାଦେବୀ ଚୌଧୁରୀ ଇତିହାସରେ ଆଜି ଦିନରେ: (୨୦୧୨) ପ୍ରଣବ ମୁଖାର୍ଜୀ ରାଷ୍ଟ୍ରପତି ହେଲେ, (୧୭୯୬) କ୍ଲିଭଲାଣ୍ଡ ସ୍ଥାପନ ================ 🌱 *ଗଛଟିଏ ଲଗାନ୍ତୁ*🌱

*ଖବର ଆଜିର, ୨୧ ଜୁଲାଇ, ମଙ୍ଗଳବାର* ================ ରାଜ୍ୟର ୧୮ ଜିଲ୍ଲାକୁ ୟେଲୋ ୱାର୍ଣ୍ଣିଂ। ଘଡ଼ଘଡ଼ି, ବର୍ଷା ସହ ୪୦ କିମି ପବନ ବହିପାରେ। ରାଜ୍ୟରେ ସ୍ବଳ୍ପବର୍ଷା ସମସ୍ୟା। ଜରୁରୀକାଳୀନ ଯୋଜନା ଓ ବିକଳ୍ପ ବିଦ୍ୟୁତ୍‌ ବ୍ୟବସ୍ଥା ପ୍ରସ୍ତୁତ, କହିଲେ ରାଜ୍ୟ ସରକାର। ପୁରୀ ରଥଯାତ୍ରା ଠେଲାପେଲାରେ ମୃତକଙ୍କ ପରିବାରକୁ ୧୦ ଲକ୍ଷ ସହାୟତା ଘୋଷଣା କଲେ ସରକାର। ଏବେ କଲେଜରେ ଅଣଶିକ୍ଷକ କର୍ମଚାରୀଙ୍କ ନିଯୁକ୍ତି ଦେଇ ପାରିବେନି ପ୍ରିନ୍ସିପାଲ୍, ପ୍ରତ୍ୟାହାର ହେଲା କ୍ଷମତା। ଅନ୍ଧାର ହୋଇଯିବ ଅଧା ଓଡ଼ିଶା। କୋରାପୁଟର ମାଛକୁଣ୍ଡ ପରେ ମାଲକାନଗିରିର ବାଲିମେଳାରୁ ବିଦ୍ୟୁତ୍‌ ଉତ୍ପାଦନ ଠପ୍‌। ବିଭିନ୍ନ ଜିଲ୍ଲାରେ ଘଡ଼ଘଡ଼ି ବର୍ଷା ସମୟରେ ବଜ୍ରାଘାତ ଘଟି ୫ ଜଣଙ୍କ ମୃତ୍ୟୁ, ୧୦ ଜଣ ଗୁରୁତର ଆହତ ହୋଇଛନ୍ତି। ୪ ଜିଲ୍ଲାରେ କୋଇଲା ଓ ପାଉଁଶ ଗାଡ଼ି ପରିବହନ ଉପରେ କଟକଣା। ଅନୁଗୁଳ, ଝାରସୁଗୁଡ଼ା, ସୁନ୍ଦରଗଡ଼ ଓ ସମ୍ବଲପୁର। ପିପିଏଲ ଓ ଇଫକୋ ପାଇଁ ସମସ୍ୟା। ଚାଷରେ ଡିଏପି ଓ ୟୁରିଆ ବିକଳ୍ପକୁ ଭାବେ କମ୍ପ୍ଲେକ୍ସ ଫର୍ଟିଲାଇଜର୍ ଓ ଆମୋନିୟମ୍ ସଲଫେଟ୍‌କୁ ପ୍ରୋତ୍ସାହନ ଦେଲେ ରାଜ୍ୟ ସରକାର। ରାଜ୍ୟରେ ମାଟିତଳେ ବିଛାଯିବ ବିଦ୍ୟୁତ୍ ତାର, ସରକାର କରୁଛନ୍ତି ଯୋଜନା। ପୁରୀ ରଥଯାତ୍ରାରେ ମାତିଛନ୍ତି ତସ୍କର, ୪ ଦିନରେ ବନ୍ଧା ହେଲେଣି ୧୪୩ ଜଣ। ଓଏସଆରଟିସିର କୌଣସି ବସ‌ରେ ଦିବ୍ୟାଙ୍ଗ ଅନୁକୂଳ ବ୍ୟବସ୍ଥା ନାହିଁ ବୋଲି ଅଭିଯୋଗ। ଅଣ୍ଡାଦର ହେଲା ସାଢ଼େ ଆଠ ଟଙ୍କା, ମଧ୍ୟାହ୍ନ ଭୋଜନ ଥାଳିରୁ ଉଭାନ ହୋଇଗଲା। ସମ୍ବଲପୁର ସମଲେଇ ପ୍ରକଳ୍ପ-୨ ପାଇଁ ୩୩୭ ପରିବାରଙ୍କୁ ତଡି ଦିଆଯିବ। ବର୍ଷାରେ ବିସ୍ଥାପନର ଆଦେଶ। ବାଲେଶ୍ବର ଜିଲ୍ଲା ସୋର ବ୍ଲକ୍‌ ମହୁମୁହାଣ ଖଞ୍ଜାମହାଲ ପାହାଡ଼ ଏବେ ପାଲଟିଛି ପୋଖରୀ। ଲୁଟ୍‌ ହେଉଛି ପଥର, ନିଦରେ ପ୍ରଶାସନ। ବରଗଡ଼ ଜିଲ୍ଲା ସୋହେଲା ବ୍ଲକ୍‌ କନାପାଲି ପଞ୍ଚାୟତର ମହିଳାମାନେ, ଗାଁରେ ମଦ ବିକିଲେ ୧୦ ହଜାର ଟଙ୍କା ଜରିମାନା ନେଇଯିବେ ବୋଲି ଘୋଷଣା। ମୟୂରଭଞ୍ଜର ବୈଶିଙ୍ଗା ସ୍ୱାସ୍ଥ୍ୟ ଓ ୱେଲ୍‌ନେସ୍‌ କେନ୍ଦ୍ରରେ ଶୌଚାଳୟ ଅଚଳ ଓ ତାଲା। ରୋଗୀମାନେ ବାହାରେ ଶୌଚ କରୁଛନ୍ତି। ସମ୍ବଲପୁର କୋଇଡ଼ାରେ ଲୁହାପଥର ଚୋରା ଚାଲାଣ ବେଳେ ୩୭ ଟନ୍ ଚୋରା ମାଲ୍ ସହ ହାଇୱା ଜବତ, ଚାଳକବ ଓ ହେଲପର୍ ଗିରଫ। ବାଲେଶ୍ବର ନୀଳଗିରିରେ ବଜ୍ରାଘାତରେ ୩ ଜଣ ଗୁରୁତର, ୫ ଆହତ ଓ ୬ଟି ଛେଳି ମୃତ। ଖୋର୍ଦ୍ଧାରୁ ଲିଫ୍ଟ ଦେଇ ଜଙ୍ଗଲକୁ ନେଇ ଯୁବତୀଙ୍କୁ ଦୁଷ୍କର୍ମ ଉଦ୍ୟମ ଓ ଛୁରାମାଡ଼। କ୍ଷତାକ୍ତ ଅବସ୍ଥାରେ ୧୨ କିମି ଦୌଡ଼ିଲା ପରେ ପୁଲିସ ଉଦ୍ଧାର କରିଛି। ନିଟ୍‌, ୟୁଜିସି-ନେଟ୍‌ ଓ ଅନ୍ୟ ପରୀକ୍ଷାରେ ଅନିୟମିତତା ନେଇ ମାଲକାନଗିରିରେ ଯୁବ ସଂଗଠନ ବିକ୍ଷୋଭ, କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଇସ୍ତଫା ଦାବି। ବରଗଡ଼ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଡାକ୍ତରଙ୍କୁ ଷ୍ଟୁଲ୍‌ ଫିଙ୍ଗି ଆକ୍ରମଣ କଲେ ଯୁବକ, ଅଭିଯୁକ୍ତ ଥାନାରେ ଅଟକ। କଟକ-ଚାନ୍ଦବାଲି ମୁଖ୍ୟ ରାସ୍ତାରେ ମର୍ମନ୍ତୁଦ ସଡ଼କ ଦୁର୍ଘଟଣା, ଦୁଇ ମୃତ। ରାଜଧାନୀରେ ବୁଲିଲା ଖଣ୍ଡା। ଦିନରେ ଲିଙ୍ଗରାଜ ଥାନା ସାମନ୍ତରାପୁରରେ ଯୁବକଙ୍କୁ ମରଣାନ୍ତକ ଆକ୍ରମଣ। ପାରାଦୀପର ଲକପଡା ବସ୍ତିରେ ନିଶା ବେପାରୀ ଗିରଫ। ପ୍ରାୟ ୫ ଲକ୍ଷ ଟଙ୍କାର ବ୍ରାଉନସୁଗାର ଓ ଟଙ୍କା ନଗଦ ଜବତ। 🇳🇪 ଭାରତରେ ଡେଙ୍ଗୁ ବିରୋଧୀ ପ୍ରଥମ ସଫଳ ଟିକା। ୪ରୁ ୬୦ ବର୍ଷ ବୟସ୍କଙ୍କୁ ଦିଆଯାଇପାରିବ ‘କ୍ୟୁଡେଙ୍ଗା’। କକ୍ରୋଚ୍‌ ଜନତା ପାର୍ଟି (ସିଜେପି)ର ‘ସଂସଦ ଚଲୋ’ ଅଭିଯାନ ବେଳେ ଲାଠିମାଡ଼ ଓ ଲୁହବୁହା ବାଷ୍ପ। ଧର୍ମେନ୍ଦ୍ରଙ୍କ ଇସ୍ତଫା ଦାବୀରେ ରକ୍ତାକ୍ତ ହେଲେ ଛାତ୍ର। ମୌସୁମୀ ଅଧିବେଶନର ପ୍ରଥମ ଦିନରେ ବିରୋଧୀଙ୍କ ହଟ୍ଟଗୋଳ ଯୋଗୁଁ ଗୃହକାର୍ଯ୍ୟ ଚାଲି ପାରିଲା ନାହିଁ। ଛଅ ଥର ମୁଲତବୀ। ଇଥାନଲ୍‌ ମିଶା ଇ୨୦ ପେ‌ଟ୍ରୋଲ୍‌କୁ ନେଇ ଲୋକେ ଚିନ୍ତିତ। ଏବେ ରୋଷେଇଘରେ ପଶିବ ଇଥାନଲ୍‌, ଜାଳେଣି ହେବ। ଆସାମରେ ବନ୍ୟା ସ୍ଥିତି ଗମ୍ଭୀର, ଭୂସ୍ଖଳନ ପରେ ସିକ୍କିମ ସୁଡ଼ଙ୍ଗରେ ଫସିଛନ୍ତି ୧୨ ଶ୍ରମିକ। ମୁମ୍ବାଇରେ ଜୁଲାଇ ୨୩ରୁ ଅଗଷ୍ଟ ୬ ପର୍ଯ୍ୟନ୍ତ ୧୬୩ ଧାରା ଲାଗୁ। ୟୁକ୍ରେନ ଛାଡ଼ୁଥିବା ଜାହାଜ ଉପରେ ପୁଣିଥରେ ଆକ୍ରମଣ, ୪ ଭାରତୀୟଙ୍କ ମୃତ୍ୟୁ। ବୈଦେଶିକ ନୀତି ବିଫଳ। 🚴🏾‍♂️⚽🏏 ଓଡ଼ିଶାରେ କରାଟେ, ଶକ୍ତିଉତ୍ତୋଳନ, ଟାଏକୋଣ୍ଡୋ, ବଡ଼ି ବିଲ୍‌ଡିଂ, ହ୍ୟାଣ୍ଡ୍‌ବଲ ଓ କ୍ରିକେଟ୍‌ ଖେଳାଳିମାନେ ସାବତପୁଅ ପରିସ୍ଥିତିର ସମ୍ମୁଖୀନ ହୋଇଛନ୍ତି ବୋଲି ଅଭିଯୋଗ। କାଜାକସ୍ଥାନ ରେ ଦଶମ ଏସିଆନ୍‌ ଜୁ ଜିତଷୁ ପ୍ରତିଯୋଗିତାରେ ଅନୁପମା ସ୍ୱାଇଁ ପାଇଲେ କାଂସ୍ୟ ପଦକ। ଦିନିକିଆ କ୍ରିକେଟରେ ଓ୍ବେଷ୍ଟ୍‌ଇଣ୍ଡିଜ୍‌କୁ ୧ ଓ୍ବିକେଟ୍‌ରେ ହରାଇଲା ନ୍ୟୁଜିଲାଣ୍ଡ। *ଗତବର୍ଷ ଏଇ ସମୟରେ* ଅଷ୍ଟମ ଶ୍ରେଣୀ ସାମାଜିକ ବିଜ୍ଞାନ ପାଠ୍ୟପୁସ୍ତକରୁ ପାଇକ ବିଦ୍ରୋହ ବିଷୟ ହଟେଇ ଦିଆଯାଇଥିଲା। ପୁଣିଥରେ ଓଟିଇଟି ପରୀକ୍ଷାର ପ୍ରଶ୍ନପତ୍ର ପ୍ରଘଟ। ପରୀକ୍ଷା ପୁଣି ବାତିଲ ହୋଇଥିଲା। ପୁରୀ ବଳଙ୍ଗା ପୋଡି ଯାଇଥିବା ଝିଅକୁ ଏମ୍ସ ଦିଲ୍ଲୀରେ ସ୍ଥାନାନ୍ତର କରା ଯାଇଥିଲା। ଢେଙ୍କାନାଳ ଗନ୍ଦିଆର ମେଡିକାଲ ଟପ୍ପର ଓ ଗୋଲଡ଼ ମେଡାଲିଷ୍ଟ ଡାକ୍ତର ଯାଦବେନ୍ଦ୍ର ସାହୁଙ୍କୁ ପାଟନା ଏମସରେ ରାଗିଙ୍ଗ କରି ମାରି ଦେଇଥିଲେ। ମୟୁରଭଞ୍ଜ କଣ୍ଟାବଣୀ ଗ୍ରାମରେ ରୁଙ୍ଗଟା ଶିଳ୍ପର ଇଡକୋ ଜମି ଅଧିଗ୍ରହଣ ବେଳେ ସାମ୍ବାଦିକଙ୍କୁ ପୁଲିସ ବାଡେଇ ଗୁରୁତର କରିଥିଲେ। ================ ଆଜି ଜନ୍ମଦିନ: ଆନନ୍ଦ ବକ୍ସି, ମଲ୍ଲିକାର୍ଜୁନ ଖଡଗେ, ଚେତନ ଚୌହାନ, ବରୁଣ ସନ୍ଦେଶ (ତେଲୁଗୁ ଅଭିନେତା, ରାୟଗଡା) ଇତିହାସରେ ଆଜି ଦିନ: (୧୯୪୭) ସମ୍ବିଧାନରେ ଜାତୀୟ ପତାକା ଅନୁମୋଦିତ ହେଲା/ (୧୯୭୭) ନିଲମ ସଞ୍ଜୀବ ରେଡ୍ଡୀ ଭାରତର ରାଷ୍ଟ୍ରପତି ହେଲେ/ (୨୦୦୭) ପ୍ରତିଭା ପାଟିଲ ଭାରତର ରାଷ୍ଟ୍ରପତି ହେଲେ/ (୧୯୬୦) ଶ୍ରୀଲଙ୍କାରେ ଶିରୀମାଭୋ ବିଶ୍ୱର ପ୍ରଥମ ମହିଳା ପ୍ରଧାନମନ୍ତ୍ରୀ/ (୧୯୬୨) ଭାରତ ଚୀନ ଯୁଦ୍ଧ ================ 🌱 *ଗଛଟିଏ ଲଗାନ୍ତୁ*🌱

*ଖବର ଆଜିର, ୨୦ ଜୁଲାଇ, ସୋମବାର* ================= ଦେଶରେ ଆଗାମୀ ୨୪ ଘଣ୍ଟାରେ ପ୍ରବଳ ଝଡ଼ ଓ ବର୍ଷା ପାଇଁ ସତର୍କ ସୂଚନା। ପାହାଡିଆ ରାଜ୍ୟରେ ପ୍ରବଳରୁ ଅତି ପ୍ରବଳ ବର୍ଷିବ। ମାଟ୍ରିକ ସପ୍ଲିମେଣ୍ଟାରୀ ଖାତା ଦେଖାରେ ବିଭ୍ରାଟ। ଗଣିତ ଶିକ୍ଷକଙ୍କ ଆଇଡିରେ ଭୂଗୋଳ ଖାତା ପଡିଛି। ଓଡ଼ିଆ ଭାଷାରେ ମେଡିକାଲ୍‌ ପାଠ ପଢ଼ିବାକୁ ଛାତ୍ରଛାତ୍ରୀଙ୍କ ଆଗ୍ରହ ନାହିଁ। ୨୦୨୬ ନିଟ୍‌-ୟୁଜି ପରୀକ୍ଷାଫଳ ପ୍ରକାଶ ପରେ ଜଣାପଡିଛି। ଭୁବନେଶ୍ୱର ଲଳିତ କଳା ଏକାଡେମୀରେ ଆରମ୍ଭ ହୋଇଛି ତିନିଦିନିଆ ‘ଐତିହ୍ୟ କାହାଣୀ’ ଚିତ୍ରକଳା ପ୍ରଦର୍ଶନୀ। ଭୁବନେଶ୍ୱରରେ ନିଖିଳ ଉତ୍କଳ ପ୍ରାଥମିକ ଶିକ୍ଷକ ଫେଡେରେସନର କାର୍ଯ୍ୟକାରିଣୀ ବୈଠକ ଅନୁଷ୍ଠିତ ହୋଇଛି। ରାଉରକେଲା ମନ୍ଦିରା ଡ୍ୟାମ୍‌ର ୪ଟି ସ୍ପିଲ୍‌ୱେ ଗେଟ୍‌ ଓ ୨ଟି ସ୍ଲୁଇସ୍ ଗେଟ୍‌ ଖୋଲିଛି। ମାଲକାନଗିରି ରେ ଜଳସ୍ତର ହ୍ରାସ ପରେ ବାଲିମେଳା ଓଏଚପିସି ଜଳବିଦ୍ୟୁତ କେନ୍ଦ୍ରକୁ ପାଣି ବନ୍ଦ କରାଗଲା। ପୁଣି ଅନଲାଇନରେ ଜଗନ୍ନାଥ ମହାପ୍ରଭୁଙ୍କୁ ଦର୍ଶନ କରିଦେବା ନେଇ ସୋସିଆଲ ମିଡିଆରେ ବିଜ୍ଞାପନ ବାହାରିଛି। କେନ୍ଦ୍ରାପଡ଼ା ଇଭିନି˚ +୨ ମାଧ୍ୟମିକ ବିଦ୍ୟାଳୟରେ ପୂର୍ବତନ ଅଧ୍ୟକ୍ଷଙ୍କ ଦସ୍ତଖତରେ ତ୍ରୁଟିପୂର୍ଣ୍ଣ ସାର୍ଟିଫିକେଟ୍‌ ଓ ମାର୍କସିଟ୍‌ ଦିଆଯିବା କେଲେଙ୍କାରୀ ପଦାରେ ପଡ଼ିଲା। କାନାରା ବ୍ୟାଙ୍କର ୧୧୦୯ କୋଟି ଟଙ୍କା ଋଣ ଜାଲିଆତି ମାମଲାରେ ଗୁପ୍ତା ପାୱାର ଇନଫ୍ରାଷ୍ଟ୍ରକ୍ଚର ଓଡ଼ିଶା, ପଶ୍ଚିମବଙ୍ଗ, ତାମିଲନାଡୁ ଓ ଝାଡ଼ଖଣ୍ଡରେ ଚଢ଼ାଉ। ଦଳର ସଦସ୍ୟା ହୋଇବି, ଦଳ ଶୁଣୁ ନଥିବାରୁ ବିଜେପିର ପ୍ରାଥମିକ ସଦସ୍ୟ ପଦରୁ ଇସ୍ତଫା ଦେଲେ କେନ୍ଦ୍ରାପଡା ତିଖିରି ସରପଞ୍ଚ ଚାମେଲି ଓଝା। କୋରାପୁଟରେ ଗୋହତ୍ୟା ଓ ମାଂସ ବିକ୍ରି ଅପରାଧରେ ଜଣେ ମହିଳାଙ୍କ ସମେତ ୨ ଗିରଫ, ୧୩ ଅଟକ। ଭଦ୍ରକ ଜିଲ୍ଲାରେ ସାର ଯୋଗାଣରେ ଆବ୍ୟବସ୍ଥା, ଚାଷୀ ହତାଶ। କଳାହାଣ୍ଡି ଜିଲ୍ଲାରେ ମ.ରାମପୁର-କର୍ଲାମୁଣ୍ଡା ପୂର୍ତ୍ତରାସ୍ତା ନିର୍ମାଣ ଶେଷ ହୋଇନାହିଁ, ଦବିଗଲାଣି। ଖାଇଗଲେ ସରକାରୀ ଇଂଜିନିୟର। ରାୟଗଡା ଜିଲ୍ଲା ପଦ୍ମପୁରରେ ମିଲର୍‌ ଖାଇଗଲେ ଚାଷୀଙ୍କ ସବ୍‌ସିଡି ଓ ଏମ୍‌ଏସ୍‌ପି ବାବଦକୁ ୧୫ କୋଟି ଟଙ୍କା। ରାୟଗଡ଼ା ଜିଲ୍ଲା ନଗର ଉନ୍ନୟନ ସଂସ୍ଥା କର୍ଯ୍ୟାଳୟରେ ଜାଲ ଦସ୍ତଖତ କରି କୋଟିଏ ଟଙ୍କା ଆତ୍ମସାତ କଲେ ଆଉଟ ସୋର୍ସିଙ୍ଗ କର୍ମଚାରୀ ବିନୟ ହରିଜନ। ସୁନ୍ଦରଗଡରେ ବେଆଇନ ପାନମସଲା ଚାଲାଣ, ୯ ଲକ୍ଷ ୩୬ ହଜାର ଟଙ୍କା ଜରିମାନା। ଭଦ୍ରକର ବହୁରୂପୀ ଠକ ଶଶଧର ଗିରଫ। ଏକୁଟିଆ ଲୁଟିଛି ୭ କୋଟି, ରାଜ୍ୟର ୭ ଠକେଇ ମାମଲାରେ ସଂପୃକ୍ତ। ବୌଦ୍ଧ ପୁରୁଣା କଟକରେ ଗଞ୍ଜେଇ ଚାଲାଣକୁ ନେଇ ଚଢ଼ଉ କରିବାକୁ ଆସି ଆକ୍ରମଣର ଶିକାର, ୧୦ରୁ ଊର୍ଦ୍ଧ୍ବ ସନ୍ଦିଗ୍ଧଙ୍କୁ ଉଠାଇଲା ପୁଲିସ। 🇳🇪 ପ୍ରବଳ ବର୍ଷାରୁ ଭୟାବହ ଭୂସ୍ଖଳନ, ନାଗାଲାଣ୍ଡରେ ୮ ମୃତ, ଜମ୍ମୁକାଶ୍ମୀରରେ ୧୨ ମୃତ। ନଦୀବନ୍ଧ ଗୁଡ଼ିକର ସୁରକ୍ଷା ପାଇଁ ନୂଆ ସଂସ୍ଥା, ଅବସରପ୍ରାପ୍ତ ପ୍ରତିରକ୍ଷା ଅଧିକାରୀଙ୍କୁ ମିଳିପାରେ ଦାୟିତ୍ବ। ଜମ୍ମୁ-କାଶ୍ମୀରରେ ପ୍ରବଳ ବର୍ଷା ଓ ଭୂସ୍ଖଳନ ଯୋଗୁଁ ଅମରନାଥ, ବୈଷ୍ଣୋଦେବୀ ଓ ଶିବଖୋରି ତୀର୍ଥଯାତ୍ରା ସାମୟିକ ଭାବେ ସ୍ଥଗିତ। WhatsApp Channel join https://whatsapp.com/channel/0029VaUgRXG5fM5gVRc7391u ପେରୁରେ ୫.୧ ତୀବ୍ରତାର ଭୂମିକମ୍ପ; ୫ ମୃତ, ୨୧ ଆହତ। ଆମେରିକାର ବ୍ୟାପକ ସାମରିକ ପ୍ରସ୍ତୁତି, ଇରାନ ଉପରେ ଆକ୍ରମଣ ଅଧିକ ଭୟାବହ ହେବ। 🚴🏾‍♂️⚽🏏 ଫିଫା ଫୁଟବଲ ଫାଇନାଲରେ ସ୍ପେନ୍‌ ବିଶ୍ୱ ଚମ୍ପିୟାନ, ଆର୍ଜେଣ୍ଟିନା ହାରିଲା। ଚଳିତ ମେଜର ଲିଗ୍‌ କ୍ରିକେଟ୍‌ (ଏମ୍‌ଏଲ୍‌ସି)ରେ ଲସ୍‌ଏଞ୍ଜେଲ୍‌ସ ନାଇଟ୍‌ ରାଇଡର୍ସ ବିଜେତା ହୋଇଛି। ଭାରତକୁ ହରାଇ ଦିନିକିଆ କ୍ରିକେଟ ସିରିଜ୍ ହାତେଇଲା ଇଂଲଣ୍ଡ। ବୁଦାପେଷ୍ଟ କୁସ୍ତି ରୢାଙ୍କିଂ ସିରିଜ୍‌ ପ୍ରତିଯୋଗିତାରେ ଭାରତର ୨୦ ବର୍ଷରୁ କମ୍‌ କୁସ୍ତିବିତ୍‌ କାଜଲ, ସ୍ବର୍ଣ୍ଣ ଜିତିଲେ। ଜାପାନ ବ୍ୟାଡମିଣ୍ଟନ ଓପନ୍‌ ଜିତିଲେ ପିଭି ସିନ୍ଧୁ। *ଗତବର୍ଷ ଏଇ ସମୟରେ* ଓଟିଇଟି ପରୀକ୍ଷାରେ ପୁଣି ବିଭ୍ରାଟ। ପ୍ରଶ୍ନପତ୍ର ପ୍ରଘଟ ଅଭିଯୋଗରେ ପରୀକ୍ଷା ସ୍ଥଗିତ ହୋଇଥିଲା। ଛାତ୍ରୀମାନଙ୍କ ସୁରକ୍ଷା ପାଇଁ 'ଶକ୍ତିଶ୍ରୀ' ଯୋଜନା ଘୋଷଣା କରିଥିଲେ ସରକାର। ସୁରକ୍ଷା ପାଇଁ ନୂଆ ମୋବାଇଲ ଆପ ଲଞ୍ଚ ହେବାର ଥିଲା। ପୁରୀ ଜିଲ୍ଲା ବଳଙ୍ଗାରେ ନାବାଳିକାକୁ ପେଟ୍ରୋଲ ପକାଇ ଜାଳି ଦେଇଥିଲେ ତିନି ଦୁର୍ବୃତ୍ତ। ମାଜିଷ୍ଟ୍ରେଟଙ୍କ ଉପସ୍ଥିତିରେ ବୟାନ ରେକର୍ଡ ହୋଇଥିଲା। ମୟୁରଭଞ୍ଜ ରାଇରଙ୍ଗପୁର ରେ ରୁଙ୍ଗ୍‌ଟା କାରଖାନା ପାଇଁ ଲୋକଙ୍କୁ ଲାଠିମାଡ଼ ହୋଇଥିଲା। ଯୁବତୀଙ୍କୁ ଶାରୀରିକ ନିର୍ଯାତନା ଅଭିଯୋଗରେ ଯୁବ ବିଜେପିର ପୂର୍ବତନ ଅନୁଗୁଳ ସଭାପତି ସୁଦୀପ୍ତ ସ୍ବାଇଁ ଗିରଫ ହୋଇଥିଲେ। ================ ଆଜି ଅନ୍ତର୍ଜାତୀୟ ଚନ୍ଦ୍ର ଦିବସ ବିଶ୍ୱ ଚେସ ଦିବସ ଆଜି ଜନ୍ମଦିନ: ନାସିରୁଦ୍ଦିନ ଶାହ, ରାଜେନ୍ଦ୍ର କୁମାର, ଗ୍ରେସି ସିଂ (ଲଗାନ), ଦେବାଶିଷ ମହାନ୍ତି (କ୍ରିକେଟ) ଆଜି ତିରୋଧାନ: ବ୍ରୁସ ଲି ଇତିହାସରେ ଆଜି: (୧୯୦୫) ବେଙ୍ଗଲ ବିଭାଜନ ଅନୁମୋଦିତ/ (୨୦୧୭) ରାମନାଥ କୋବିନ୍ଦ ରାଷ୍ଟ୍ରପତି ନିର୍ବାଚିତ/ (୧୯୬୯) ନିଲ ଆର୍ମଷ୍ଟ୍ରଙ୍ଗ ଚନ୍ଦ୍ରପୃଷ୍ଠରେ ଚାଲିବାରେ ପ୍ରଥମ ମାନବ ହେଲେ ================ 🌱 *ଗଛଟିଏ ଲଗାନ୍ତୁ*🌱

*ଖବର ଆଜିର, ୧୯ ଜୁଲାଇ, ରବିବାର* ================== ଆୟୁଷ୍ମାନ କାର୍ଡରେ ମିଳିବ କ୍ୟାନସର ଅତ୍ୟାଧୁନିକ ଚିକିତ୍ସା। ଯୋଡ଼ି ହେବ ୧୨୧ଟି ପ୍ୟାକେଜ୍‌, ଚିକିତ୍ସା ଅର୍ଥ ରାଜ୍ୟ ପାଣ୍ଠିରୁ ଦିଆଯିବ। ତିନିବର୍ଷିଆ ଏଲଏଲବି ପାଠ୍ୟକ୍ରମ ପାଇଁ ଉଚ୍ଚଶିକ୍ଷା ବିଭାଗର ବିଜ୍ଞପ୍ତି ପ୍ରକାଶିତ। ସାମ୍ସ ପୋର୍ଟାଲରେ ଆପ୍ଲିକେସନ ଫର୍ମ ପୂରଣ କରିପାରିବେ। ସିବିଏସଇ ଦଶମ ଶ୍ରେଣୀ ‘ସେକେଣ୍ଡ ବୋର୍ଡ’ ରେଜଲ୍ଟ ପ୍ରକାଶିତ ହେଲା। ପୁରୀରେ ଆଜି ଶ୍ରୀବିଗ୍ରହ ମାନଙ୍କ ବନକଲାଗି ନୀତି, ରାତି ନ'ଟାରୁ ୨ଟା ପର୍ଯ୍ୟନ୍ତ ସର୍ବସାଧାରଣ ଦର୍ଶନ ବନ୍ଦ। ଆଗାମୀ ୩ ଦିନ ପ୍ରବଳ ବର୍ଷା ହେବ। ୧୧ ଜିଲ୍ଲାକୁ ୟେଲୋ ଓ୍ଵାର୍ଣ୍ଣିଂ ଜାରି। ଇନ୍ଦିରା ଗାନ୍ଧୀ ରାଷ୍ଟ୍ରୀୟ ମୁକ୍ତ ବିଶ୍ବବିଦ୍ୟାଳୟରେ ଜୁଲାଇ- ୨୦୨୬ ଶିକ୍ଷାବର୍ଷ ପାଇଁ ନାମଲେଖା ଏବଂ ପଞ୍ଜୀକରଣ ଅବଧି ଆସନ୍ତା ୩୧ କୁ ବୃଦ୍ଧି କରାଯାଇଛି। ପାଠ୍ୟପୁସ୍ତକ କେଳେଙ୍କାରୀ: ସରକାରୀ ପ୍ରେସ ଥାଇବି, ଘରୋଇ ପ୍ରେସ୍‌ରେ ଛାପାଯାଉଛି ବର୍ଷକୁ ୭୦ କୋଟିର ବହି। ବେଆଇନ ଚାଲାଣ ବେଳେ ଉଦ୍ଧାର ହୋଇଥିବା ଗୋରୁଙ୍କ କଲ୍ୟାଣ ଓ ଯତ୍ନ ଉପରେ କଟକ ହାଇକୋର୍ଟ ଗୁରୁତ୍ବାରୋପ କରିଛନ୍ତି। କେରଳ ଯାଇଥିବା ରାୟଗଡ଼ା ଜିଲ୍ଲା ଗୁଡ଼ାରୀ ବ୍ଲକ ମକାଗୁଡ଼ା ଗ୍ରାମର ଦାଦନ ଶ୍ରମିକ ଫିଲିପ (୨୫)ଙ୍କ ଅକାଳ ମୃତ୍ୟୁ। କଳାହାଣ୍ଡି ଜିଲ୍ଲା ଥୁଆମୂଳ ରାମପୁର ବ୍ଲକ୍‌ରେ ଗର୍ଭବତୀଙ୍କୁ ପରିବାର ଲୋକେ ଦୋଳା ବାନ୍ଧି ୨ କିଲୋମିଟର ବୋହି ଆଣିଲେ। ନୂଆପଡା ଜିଲ୍ଲା ଖଡ଼ିଆଳ ସରକାରୀ ଚିକିତ୍ସାଳୟରେ ବିଦ୍ୟୁତ ବିଭ୍ରାଟ ଯୋଗୁ ମୋବାଇଲ ଲାଇଟ୍‌ରେ ଚାଲିଛି ରୋଗୀ ସେବା। ଭଦ୍ରକ ଜିଲ୍ଲାର ରେବ ଓ କପାଳି ନଦୀରେ ବନ୍ୟାଜଳ ବୃଦ୍ଧି ପାଇବାରୁ ଭଦ୍ରକ-ଆରଡ଼ି ମୁଖ୍ୟ ରାସ୍ତାରେ ଆଣ୍ଠୁଏ ଉଚ୍ଚର ପାଣି ଚାଲିଛି। ଲଗାଣ ବର୍ଷା ଯୋଗୁଁ ୨୦୦ରୁ ଅଧିକ ପରିବାର ପାଣି ଘେରରେ, ଜରକା ଛକ–ମେର୍ଦା ରାସ୍ତା ଅବରୋଧ। ଏଏସଓ ପରୀକ୍ଷାରେ ପ୍ରଶ୍ନପତ୍ର ଲିକ୍‌ ଘଟଣାରେ ଗିରଫ ହୋଇ ଜେଲରେ ଥିବା ୧୪ଜଣ ଅଭିଯୁକ୍ତଙ୍କ ଜାମିନ ଆବେଦନ ହାଇକୋର୍ଟରେ ଖାରଜ। ନୟାଗଡ଼ ରଣପୁରରେ ଲକ୍ଷାଧିକ ଟଙ୍କାର ବ୍ରାଉନସୁଗାର ଜବତ, ଅଭିଯୁକ୍ତ ଯୁବକ ଗିରଫ। ସମ୍ବଲପୁର–ଦେବଗଡ଼ ୫୩ ନମ୍ବର ରାଜପଥ ବଡ଼ରମା ଘାଟି ତଳୁ ଅଜଣା ମହିଳାଙ୍କ ମୃତଦେହ ଠାବ। ଦୁଷ୍କର୍ମ ଓ ହତ୍ୟା ସନ୍ଦେହ। ପୁରୀ ଜିଲ୍ଲା କଣାସ କୁମୁଦେଶ୍ୱର ଶିବ ମନ୍ଦିରରୁ ଚୋରି। ଲୁଟିନେଲେ ଅଷ୍ଟଧାତୁର ଚାରି ବିଗ୍ରହ ମୂର୍ତ୍ତି। ସୁନ୍ଦରଗଡ ଜିଲ୍ଲାରେ ଭଡ଼ାଘରେ ବନ୍ଧାପଡ଼ିଛି ପିଲାଙ୍କ ଭବିଷ୍ୟତ, ୨୧୯ ଅଙ୍ଗନବାଡ଼ିର ନିଜସ୍ବ ଗୃହ ନାହିଁ। ଯାଜପୁର ବରୀ ରେ ବିଡିଓଙ୍କ ଅସହଯୋଗ ନେଇ ଧାରଣାରେ ବସିଲେ ବିଧାୟକ ବିଶ୍ବ ରଞ୍ଜନ ମଲ୍ଲିକ। ପ୍ରଦୂଷଣ ନିୟନ୍ତ୍ରଣ ନିୟମ ଉଲ୍ଲଂଘନ ଅଭିଯୋଗରେ ରାଜଗାଙ୍ଗପୁର ଅଗ୍ରସେନ ସ୍ପଞ୍ଜର ୩ଟି ୟୁନିଟକୁ ସିଲ୍ କରାଯାଇଛି। 🇳🇪 ମମତା ବାନାର୍ଜୀ ଓ ଉଦ୍ଧବ ଠାକ୍‌ରେଙ୍କ ଦଳର ବିଦ୍ରୋହୀ ସାଂସଦମାନେ ଅନ୍ୟ ଦଳରେ ଯୋଗ ଦେବା ପାଇଁ ଆବେଦନକୁ ବାଚସ୍ପତି ଓମ୍‌ ବିର୍ଲା ମଞ୍ଜୁରୀ ଦେଇଛନ୍ତି। ୨୦୨୬ ପାଇଁ ୭୨ ତମ ଜାତୀୟ ଚଳଚ୍ଚିତ୍ର ପୁରସ୍କାର ଘୋଷଣା। ସୋନମ ୱାଙ୍ଗଚୁକଙ୍କୁ ହସ୍ପିଟାଲ ସ୍ଥାନାନ୍ତର ମାମଲାରେ ମୋଦୀ ସରକାରଙ୍କୁ ରାହୁଲ ଗାନ୍ଧୀଙ୍କ ତୀବ୍ର ସମାଲୋଚନା। WhatsApp Channel join https://whatsapp.com/channel/0029VaUgRXG5fM5gVRc7391u କର୍ପୋରେଟ୍‌ ଜଗତରେ ସାଇବର ଠକେଇ ପାଇଁ ଏବେ ‘ବସ୍‌ ସ୍କାମ୍‌’ ଚାଲିଛି। ଏହା ଭାରତୀୟ ପ୍ରତିଭୂତି ଏବଂ ବିନିମୟ ବୋର୍ଡ (ସେବି)ର ଚିନ୍ତା ବଢ଼ାଇ ଦେଇଛି। ପୂର୍ଣ୍ଣକାଳୀନ ଯୁଦ୍ଧ ପାଇଁ ଇରାନର ଚେତାବନୀ। ଆମେରିକାର ଭୟାବହ ଆକ୍ରମଣ, ଇରାନର ନିଶାଣରେ ଗଲ୍‌ଫ। 🏆⚽🚴🏼‍♀️ ଫିଫା ବିଶ୍ଵ କପ୍: ଆଜି ଆର୍ଜେଣ୍ଟିନା ଓ ସ୍ପେନ ମଧ୍ୟରେ ମୁକାବିଲା। ଟୋକିଓ: ଜାପାନ ଓପନ; ଫାଇନାଲରେ ପି ଭି ସିନ୍ଧୁ , ପ୍ରଥମ ଭାରତୀୟ। ଗ୍ଲାସଗୋ ରାଜ୍ୟଗୋଷ୍ଠୀ କ୍ରୀଡ଼ାର ଉଦ୍‌ଘାଟନୀ ସମାରୋହରେ ଭାରତର ନେତୃତ୍ବ ନେବେ ଭାରୋତ୍ତଳନକାରୀ ମୀରାବାଈ ଚାନୁ ଓ ମୁଷ୍ଟିଯୋଦ୍ଧା ଲଭଲିନା। *ଗତବର୍ଷ ଏଇ ସମୟରେ* ବିଶ୍ୱବିଦ୍ୟାଳୟ ଓ କଲେଜ କ୍ୟାମ୍ପସରେ ମହିଳା ସହାୟତା ନମ୍ବର ୧୮୧ ପ୍ରଦର୍ଶନ ପାଇଁ ଚିଠି ଜାରି କଲା ଉଚ୍ଚଶିକ୍ଷା ବିଭାଗ। ରୋଜ୍‌ଭ୍ୟାଲି ଚିଟ୍‌ଫଣ୍ଡ୍ ଠକେଇ ମାମଲାରେ କୋଲକାତା ଇଡି ଜରିଆରେ ପଶ୍ଚିମବଙ୍ଗର ୧୧,୮୮୩ ଜମାକାରୀ ଫେରିପାଇଥିଲେ ସାଢ଼େ ୧୦କୋଟି। ଦୁଇବର୍ଷ ତଳେ ୩୮ ନୂଆ ଦେଶୀ ଓ ବିଦେଶୀମଦ ଲାଇସେନ୍ସ ଦିଆଯିବ ବୋଲି ପ୍ରକ୍ରିୟା ଆରମ୍ଭ କରିଥିଲେ ରାଜ୍ୟ ସରକାର। ================== ଆଜି ବିଶ୍ୱ କାରାଓକେ ଦିବସ ଆଜି ଜନ୍ମଦିନ: ମଙ୍ଗଳ ପାଣ୍ଡେ (ସଂଗ୍ରାମୀ), ହର୍ଷ ଭୋଗଲେ, ରୋଜର ବିନ୍ନି (କ୍ରିକେଟ) ଇତିହାସରେ ଆଜି: (୧୯୬୯) ଭାରତରେ ୧୪ ବ୍ୟାଙ୍କ ଜାତୀୟକରଣ ହେଲେ/ (୧୯୪୩) ରୋମ ଉପରେ ଆମେରିକାର ବୋମାମାଡ଼ ================ 🌱 *ଗଛଟିଏ ଲଗାନ୍ତୁ*🌱

*ଖବର ଆଜିର, ୧୮ ଜୁଲାଇ, ଶନିବାର* ================ ଆଜି ବରଗଡ଼, ସୁବର୍ଣ୍ଣପୁର, ବୌଦ୍ଧ ଓ ବଲାଙ୍ଗୀର ଜିଲ୍ଲାର କେତେକ ସ୍ଥାନରେ ଅତିପ୍ରବଳ ବର୍ଷା ହେବ ବୋଲି ଅରେଞ୍ଜ ୱାର୍ଣ୍ଣିଂ ଜାରି। ପୁରୀରେ ଗୁଣ୍ଡିଚାଘରେ ତିନି ରଥ। ଆଜି ଚତୁର୍ଦ୍ଧାମୂରତିଙ୍କ ଆଡ଼ପ ମଣ୍ଡପ ବିଜେ। ରାଜ୍ୟର ୩୫ଟି ପୌର ସଂସ୍ଥା ଓ ଏନ୍‌ଏସିର ପୌରାଧ୍ୟକ୍ଷ ପଦ ପାଇଁ ସଂରକ୍ଷଣ ନିର୍ଦ୍ଧାରଣ ସମ୍ପର୍କିତ ଚିଠା ବିଜ୍ଞପ୍ତି ପ୍ରକାଶ ପାଇଛି। ୭ଟି ପୁନଃନିର୍ମିତ ରେଳ ଷ୍ଟେସନ୍‌ ଉଦ୍‌ଘାଟିତ। ବଲାଙ୍ଗୀର, ବରପାଲି, ପାରଳାଖେମୁଣ୍ଡି, ତାଳଚେର, କେସିଙ୍ଗା, ବାରିପଦା ଓ ବିମଳାଗଡ଼। ମିଶନ ଶକ୍ତି ବିଭାଗ ଓ ICRISAT ମଧ୍ୟରେ ବୁଝାମଣାପତ୍ର ସ୍ୱାକ୍ଷରିତ। ଏସଏଚଜି ମହିଳାଙ୍କ କୃଷି ଉଦ୍ୟୋଗ, ଜଳବାୟୁ-ସ୍ମାର୍ଟ କୃଷି, ବଜାର ସଂଯୋଗ ଓ ସ୍ଥାୟୀ ଜୀବିକାକୁ ପ୍ରୋତ୍ସାହନ ମିଳିବ। ନିତି ଆୟୋଗର ପ୍ରସ୍ତାବ: ଭଦ୍ରକରେ ବିମାନବନ୍ଦର ‌ହେଉ। ସରିଲା ପ୍ରଥମ ପର୍ଯ୍ୟାୟ +୨ ନାମଲେଖା। ୩,୮୨,୮୩୫ ଜଣ ନାମ ଲେଖାଇଛନ୍ତି। ଏବେ ୨ ଲକ୍ଷରୁ ଅଧିକ ଆସନ ଖାଲି ପଡ଼ିଛି। ରଥଯାତ୍ରା ଅଘଟଣରେ ମୃତ୍ୟୁ ସଂଖ୍ୟା ତିନି। ମୃତକ ଅନୀଲ କୁମାର ଦାସ, କୁସୁମ ସନ୍ଧ୍ୟା ଓ ହରବିନ୍ଦ ସିଂହ। ଏମ୍ସ ଭୁବନେଶ୍ୱରର ଷଷ୍ଠ ସମାବର୍ତ୍ତନ ସମାରୋହ ପାଳନ ହେବ। ୩୨ ଜଣ ମେଧାବୀ ଛାତ୍ରଛାତ୍ରୀଙ୍କୁ ପ୍ରଦାନ କରାଯିବ ୬୧ ସ୍ୱର୍ଣ୍ଣ ପଦକ। କେନ୍ଦ୍ରାପଡା ତୁଳସୀ କ୍ଷେତ୍ରରେ ଦ୍ଵିତୀୟ ଦିନରେ ମଧ୍ଯ ରଥ ବିଭ୍ରାଟ, ଟଣା ହେଉ ହେଉ ଡାହାଣକୁ ମାଡିଗଲା। ବଲାଙ୍ଗୀର ଲୋୟର୍‌ ସୁକ୍‌ତେଲ୍ ପ୍ରକଳ୍ପରେ ସମ୍ପୂର୍ଣ୍ଣ ବିସ୍ଥାପନ ପ୍ରସ୍ତୁତି ଆରମ୍ଭ, ୩ ଗାଁ ଛାଡ଼ିବାକୁ ଲୋକଙ୍କୁ ନୋଟିସ୍‌। ଜଗତସିଂହପୁର ଜିଲ୍ଲା କୁର୍ତ୍ତାଙ୍ଗ ଅରୁପାନନ୍ଦ କଲେଜର ଅଧ୍ୟକ୍ଷ ସହକର୍ମୀଙ୍କୁ ଦୁର୍ବ୍ୟବହାର ଅଭିଯୋଗରେ ଗିରଫ ହେବା ସହ ନିଲମ୍ବିତ ହେଲେ। ଜଗତସିଂହପୁର ଓ ଝାରସୁଗୁଡ଼ା କୋର୍ଟକୁ ବୋମାରେ ଉଡ଼ାଇ ଦେବାକୁ ଅଜଣା ବ୍ୟକ୍ତିର ଧମକ। କଟକର ଚାଉଳିଆଗଞ୍ଜ ଅଞ୍ଚଳରେ ପୂର୍ବ ଶତ୍ରୁତାକୁ କେନ୍ଦ୍ର କରି ଜଣେ ନାବାଳକଙ୍କୁ ଉଲଗ୍ନ କରି ମାଡ଼ ମାରିବା ସହ ଭିଡିଓ ଭାଇରାଲ୍ କରାଯାଇଛି। ଅନୁଗୋଳ ଜିଲ୍ଲା ବଅଁରପାଳ ଗୋଚ୍ଛାୟତ ବସ୍ତିରେ ଭାଙ୍ଗିଗଲା ନୂଆ ପୋଲ, ଦଉଡ଼ି ବାନ୍ଧି ନେଲେ ମୃତଦେହ। ପୁରୀ ଜିଲ୍ଲା ଅସ୍ତରଙ୍ଗର କେଳୁଣୀ ମୁହାଣରେ ସ୍ରୋତରେ ଭାସିଯାଇ ମାଲକାନଗିରିର ୨୨ ବର୍ଷୀୟ ଯୁବକଙ୍କ ମୃତ୍ୟୁ। ଝାରସୁଗୁଡ଼ା ଜିଲ୍ଲା କିର୍ମିରା ବ୍ଲକରେ ଦନ୍ତା ହାତୀ କବଳରେ ଜଙ୍ଗଲ ସୀମାବର୍ତ୍ତୀ ଗ୍ରାମ, ଭାଙ୍ଗିଲେ ଚାରୋଟି ଘର। ବାଲେଶ୍ଵର ସୋରରେ ଉଛୁଳିଲା କାଂଶବାଂଶ ନଦୀ, ୧୪ଗାଁ ପ୍ରଭାବିତ। ୭ ସ୍କୁଲ୍‌, ୭ ଅଙ୍ଗନବାଡ଼ିରେ ପଶିଲା ପାଣି। ବ୍ରହ୍ମପୁର ହଳଦିଆପଦର ଅଞ୍ଚଳରେ ନିଟ ପରୀକ୍ଷାରେ ବିଫଳ ହେବା ପରେ ଜଣେ ଛାତ୍ରୀ ନିଜ ଘରେ ଆତ୍ମହତ୍ୟା କରିଛନ୍ତି। ମୟୁରଭଞ୍ଜ ଉଦଳାରେ ବେଆଇନ ବାଲି ଟ୍ରକକୁ ଜବତ କରି ଫସିଲେ ତିନି ମାଇନିଂ ଅଧିକାରୀ। ଉପଜିଲ୍ଲାପାଳଙ୍କ ନିର୍ଦ୍ଦେଶରେ ଥାନାରେ ଅଟକ। ଢେଙ୍କାନାଳ ଜିଲ୍ଲା ହିନ୍ଦୋଳ ନୂଆବଗ ବଡ଼ଯୋଡ଼ା ଜଳ ସେଚନ ପ୍ରକଳ୍ପର ଗେଟ ଭାଙ୍ଗିଲା, ଖାଲି ହୋଇଗଲା ବ୍ୟାରେଜ୍, ତଳିଆ ଅଞ୍ଚଳ ଜଳମଗ୍ନ, ଚାଷ ଜମି ବୁଡ଼ିଲା। କଟକ ଆଠଗଡ ରେ ଲଗାଣ ବର୍ଷାରେ ସାପୁଆ ନଦୀରେ ବନ୍ୟା ପରିସ୍ଥିତି, ୧୦ରୁ ଉର୍ଦ୍ଧ୍ବ ଗାଁ ଜଳବନ୍ଦୀ। ମାଲକାନଗିରି ଜିଲ୍ଲା ଏବେ ଶିଳାବତୀ ଗଞ୍ଜେଇ ଚାଷର ପେଣ୍ଠସ୍ଥଳୀ। ଦୁର୍ଗମ ଅଂଚଳର ରୋଜଗାର ପନ୍ଥା ପାଲଟିଛି। 🇳🇪 ରାମ ମନ୍ଦିର ଦାନ ଚୋରି ମାମଲାରେ ଚୂଡ଼ାନ୍ତ ରିପୋର୍ଟ ପାଇଁ ଏସ୍ଆଇଟି ମାଗିଲା ଅଧିକ ସମୟ। ହରିୟାଣା ପାଇଁ ବିକାଶ ମନ୍ତ୍ର। ପ୍ରଥମ ହାଇଡ୍ରୋଜେନ୍ ଟ୍ରେନର ଶୁଭାରମ୍ଭ। ପ୍ରବାସୀ ଟ୍ରକ୍ ଡ୍ରାଇଭରଙ୍କୁ ତଡ଼ିଦେବ ଆମେରିକା; ରୋଜଗାର ହରାଇବେ ୧.୫ ଲକ୍ଷ ଭାରତୀୟ। ଇରାନର ବାଣିଜ୍ୟ ଭିତ୍ତିଭୂମି ଛାରଖାର: ପ୍ରବଳ ବୋମାମାଡ଼ରେ ବନ୍ଦର ନେଟ୍‌ୱର୍କ ଧ୍ୱଂସ। ଚୀନ୍‌ ସହର ଚୋଙ୍ଗକିଙ୍ଗ ରେ ଭୂସ୍ଖଳନ ହୋଇ ଅନେକ ଘର ପୋତି ହୋଇଯାଇଛି, ୮ ଜଣଙ୍କ ମୃତ୍ୟୁ, ୩୪ ଜଣ ନିଖୋଜ। ବଲୁଚ ବିଦ୍ରୋହୀଙ୍କ ଆକ୍ରମଣ, ୪୫ ପାକ୍‌ ସୈନିକ ନିହତ। ‘ଅପରେସନ୍ ସାବାନ୍‌’ ଆରମ୍ଭ କଲା ପାକ୍‌ ସେନା। 🚴🏾‍♂️⚽🏏 ଡୋପିଂ ଉଲ୍ଲଙ୍ଘନ ଲାଗି ପାକିସ୍ତାନୀ କ୍ରିକେଟ୍‌ର ମହମ୍ମଦ ନୱାଜ୍‌ଙ୍କ ଉପରେ ତିନିମାସ ପାଇଁ ନିଲମ୍ବନ ଲଗାଇଛି ଆଇସିସି। ବିଶ୍ବ କ୍ରିକେଟ୍‌ର ମହାନତମ ୱେଷ୍ଟଇଣ୍ଡିଜ୍‌ କ୍ରିକେଟର୍‌ ସାର୍‌ ଗ୍ୟାର୍‌ଫିଲ୍‌ଡ୍‌ ସୋବର୍ସଙ୍କ ୮୯ ବର୍ଷ ବୟସରେ ପରଲୋକ। *ଗତବର୍ଷ ଏଇ ସମୟରେ* ସରକାର ଆରମ୍ଭ କରିଥିଲେ ନୂଆ ହେଲପଲାଇନ ନମ୍ବର। ମହିଳାଙ୍କ ପାଇଁ ୧୮୧, ଶିଶୁଙ୍କ ପାଇଁ ୧୦୯୮, ପୁଲିସ-୧୧୨, ସ୍କୁଲ ଛାତ୍ରଙ୍କ ପାଇଁ ୧୮୦୦୩୪୫୬୭୨୨। ଦେଶର ଶ୍ରେଷ୍ଠ ଦଶଟି ସ୍ଵଚ୍ଛ ସହର ତାଲିକାରେ ରାଜଧାନୀ ଭୁବନେଶ୍ଵର ରହିଥିଲା। ନୋଏଡା ପ୍ରଥମ, ଚଣ୍ଡୀଗଡ଼ ୨ୟ ଏବଂ ମହୀଶୁର ୩ୟ ସ୍ଥାନରେ। କେନ୍ଦ୍ରାପଡ଼ାରେ ମେଡିକାଲ କଲେଜ ହେବବୋଲି କହିଥିଲେ। ================ ଆଜି ନେଲସନ ମାଣ୍ଡେଲା ଦିବସ ଆଜି ଜନ୍ମଦିନ: ଜୟେନ୍ଦ୍ର ସରସ୍ୱତୀ, ନେଲସନ ମାଣ୍ଡେଲା, ପ୍ରିୟଙ୍କା ଚୋପ୍ରା, ସୁଖବିନ୍ଦର ସିଂ, ସ୍ମୃତି ମନ୍ଧାନା, ଏଭି ସ୍ୱାମୀ (ନେତା, ନବରଙ୍ଗପୁର), ଉପେନ୍ଦ୍ର କୁମାର (ଲେଖକ, ଦିଗପହଣ୍ଡି) ଆଜି ତିରୋଧାନ: ରାଜେଶ ଖାନ୍ନା ଇତିହାସରେ ଆଜି: (୧୮୫୭) କଲିକତା, ମାଡ୍ରାସ ଓ ବମ୍ବେ ବିଶ୍ୱବିଦ୍ୟାଳୟ ସ୍ଥାପନ/ (୧୯୮୦) ଭାରତର ପ୍ରଥମ ସାଟେଲାଇଟ ରୋହିଣୀ-୧ ମହାକାଶକୁ ପ୍ରେରିତ/ (୧୫୩୬) ଲଣ୍ଡନରେ ପୋପଙ୍କ କ୍ଷମତା କ୍ଷୁର୍ଣ୍ଣ କରାଗଲା ================ 🌱 *ଗଛଟିଏ ଲଗାନ୍ତୁ*🌱

*ଖବର ଆଜିର, ୧୭ ଜୁଲାଇ, ଶୁକ୍ରବାର* ================ ଲଘୁଚାପ ପ୍ରଭାବରେ ୧୮ ତାରିଖ ଯାଏଁ ରାଜ୍ୟରେ ବର୍ଷା ଲାଗି ରହିବ। ଆଜି ପଶ୍ଚିମ ଓଡ଼ିଶାରେ ପ୍ରବଳ ବର୍ଷିବ, ପୁରୀରେ ମଧ୍ୟାହ୍ନ ପରେ ବର୍ଷା କମିବ। ପୁରୀ ରଥଯାତ୍ରାରେ ଭୀଷଣ ଅବ୍ୟବସ୍ଥା। ବଡ଼ଦାଣ୍ଡରେ ଠେଲାପେଲା ହୋଇ ଦୁଇ ମୃତ, ଏକାଧିକ ଗୁରୁତର। ତିନିଶହରୁ ଅଧିକ ଆହତ, ହସପିଟାଲରେ ଭର୍ତ୍ତି। ବଡଦାଣ୍ଡରେ ବିନା ଟାହିଆ, ବିନା ତୁଳସୀରେ ଶ୍ରୀ ଜଗନ୍ନାଥଙ୍କୁ ନିଆଗଲା। ମର୍ମାହତ ହେଲେ ଭକ୍ତ। ରୀତିନୀତି ଭାଙ୍ଗିଲେ ପ୍ରଶାସନ, ରାତିରେ ଟଣାହେଲା ରଥ। ପ୍ରଶାସନ ସମାଲୋଚିତ ହେଲା। ପ୍ରକାଶ ପାଇଲା ନିଟ୍ ୟୁଜି ପରୀକ୍ଷା ଫଳ, ଏନଟିଏ ଜାରିକଲା ପରୀକ୍ଷା ଫଳ,୧୧ଲକ୍ଷ ୨୧ ହଜାର ପରୀକ୍ଷାର୍ଥୀ କୃତକାର୍ଯ୍ୟ। ଶ୍ରୀମନ୍ଦିର ପୁଣି ହେଲା ଖେଳଘର। ସୋସିଆଲ ମିଡିଆରେ ଭାଇରାଲ ହେଲା ଶ୍ରୀମନ୍ଦିର ଭିତରର ଦୃଶ୍ୟ। ପହଣ୍ଡି ସମୟରେ ଭିଡିଓ ଉତ୍ତୋଳନ କରାଯାଇଛି। ଭାରତ ସରକାର ଡିଜେଲ ଓ ବିମାନ ଇନ୍ଧନ ରପ୍ତାନି ଉପରେ ଶୁଳ୍କ ବଢ଼ାଇଛନ୍ତି। ଡିଜେଲ ରପ୍ତାନି ଶୁଳ୍କ ଲିଟର ପିଛା ୮.୫୦ ଟଙ୍କା ପଇସାରୁ ବଢ଼ି ୧୫.୫୦ ଟଙ୍କା ହୋଇଛି। ଭଦ୍ରକର ଜାତୀୟ ରାଜପଥ-୧୬ର ବିଷ୍ଣୁପୁର ସେତୁର ଆପ୍ରୋଚ୍ ରୋଡ୍ ନିର୍ମାଣର ୬ ମାସ ପରେ ଦବିଗଲା। ସରକାରୀ ଇଂଜିନିୟର ମାଲେମାଲ। ଗଜପତି ଜିଲ୍ଲାର ୨୨ ବର୍ଷୀୟ ଦାଦନ ଶ୍ରମିକ ଅକ୍ଷୟ ଚେନ୍ନାଇରେ କାମ କରୁଥିବାବେଳେ ମୃତ୍ୟୁବରଣ କରିଛନ୍ତି। ଭୁବନେଶ୍ୱରର ଯାଁଳା ବଜାରରେ ଲୁଟ। ୩ ମୁଖାଧାରୀ ସଟର ତାଡ଼ି ଗହଣା ଦୋକାନରୁ ସୁନା ଓ ରୁପା ଅଳଙ୍କାର ନେଇଛନ୍ତି। ଜୟପୁର ବ୍ଲକର ସିନ୍ଧିଗାଁରେ ରଥଯାତ୍ରା ଚାଲିଥିବା ବେଳେ ଗୋଷ୍ଠୀ ସଂଘର୍ଷ। ଆକ୍ରମଣରେ ଅଭିନବ ନାମକ ବ୍ୟକ୍ତି ମୃତ। ଭଦ୍ରକ ମୀରସାହିରେ ବ୍ରାଉନ ସୁଗାର, ଏକ କାର ଓ ଦୁଇଟି ମୋବାଇଲ ଜବତ। ଜଣେ ଅଭିଯୁକ୍ତ ଗିରଫ। କୋରାପୁଟ ଜିଲ୍ଲା କୋଟପାଡ଼ ବ୍ଲକ ଚାନ୍ଦିଲି ଗାଁରେ ନିର୍ମାଣାଧୀନ ପାଇଖାନା ଟାଙ୍କିରେ ଶ୍ୱାସରୁଦ୍ଧ ହୋଇ ଦୁଇ ମୃତ, ଜଣେ ଗୁରୁତର। ବ୍ରହ୍ମପୁର ନିକଟ ରଣ୍ଢା ରାଜପଥରେ ରାସ୍ତା ପାର ହେବା ବେଳେ ଟ୍ରକ୍ ଧକ୍କାରେ କାର୍‌ରେ ଥିବା ଦୁଇ ଜଣଙ୍କ ମୃତ୍ୟୁ। ସୁନ୍ଦରଗଡ଼ ଜିଲ୍ଲାର ବିଶ୍ରା ବନଖଣ୍ଡରେ ହାତୀ ଆକ୍ରମଣରେ ୧୬ ବର୍ଷୀୟ ଛାତ୍ରଙ୍କ ମୃତ୍ୟୁ, କ୍ଷତିପୂରଣ ଦାବିରେ ଉତ୍ତେଜନା। ଢେ଼ଙ୍କାନାଳ ଜିଲ୍ଲା ଓଡ଼ାପଡ଼ା ୫୫ ନଂ ଜାତୀୟ ରାଜପଥରେ ବନ୍ୟା ପରିସ୍ଥିତି, ଯାତ୍ରୀବାହୀ ବସ୍ ଓ ପିକଅପ୍ ଭ୍ୟାନ ବୁଡ଼ିଗଲା। କୋରାପୁଟରେ ନିୟନ୍ତ୍ରଣକୁ ଆସିପାରୁନି ମ୍ୟାଲେରିଆ। ସପ୍ତାହକ ଭିତରେ ଦୁଇ ଜଣ ଆଶ୍ରମ ସ୍କୁଲ ଛାତ୍ରଙ୍କ ମୃତ୍ୟୁ। ଅନୁଗୁଳ ଛେଣ୍ଡିପଦାରେ ମଶାଣି ନିକଟରେ କାର୍‌ରେ ଚାଲିଥିଲା ଡ୍ରଗସ କାରବାର, ମାଡ଼ିବସିଲା ପୋଲିସ। କନ୍ଧମାଳ ଫିରିଙ୍ଗିଆରେ ରାସ୍ତା ବିକଳ। ହଣ୍ଡାରେ ଶିଶୁକୁ ପୁରାଇ ପାର୍ କଲେ ନଦୀ, ହସ୍ପିଟାଲ ନେଲେ ପରିବାର ଲୋକେ। ପାରାଦୀପ ରଥଯାତ୍ରା ବେଳେ ଅଘଟଣ । ରଥ ଉପରୁ କଳସୀ ଖସି ଦୁଇ ଶ୍ରଦ୍ଧାଳୁ ଗୁରୁତର । ବାଲେଶ୍ବର ଜଳେଶ୍ବର ରେ ଗାଁ ପରିକ୍ରମା କରୁଥିବା ବେଳେ ରଥରେ ଲାଗିଲା ବିଦ୍ୟୁତ୍ ତାର, ଦୁର୍ଘଟଣାରେ ୫ ଭକ୍ତ ଗୁରୁତର। ବାଲେଶ୍ବର ନୀଳଗିରି ରଥଯାତ୍ରାରେ ଅଘଟଣ, ଅଧା ବାଟରେ ଭାଙ୍ଗିଗଲା ରଥର ଚକ। ସମ୍ବଲପୁରରେ ଶତାବ୍ଦୀ ପୁରୁଣା ରଥଯାତ୍ରା ପରମ୍ପରା ଭାଙ୍ଗିଲା। ବିରାଟ ଗାତ ବାଧକ ସାଜିଲା, ଅଧାବାଟ ଆସି ହାଟପଡ଼ା ନିକଟରୁ ଫେରିଗଲା ରଥ। ପୁରୀରେ ପୂର୍ବ ରାଜ୍ୟପାଳ ରଘୁବର ଦାସଙ୍କ ପୁଅଙ୍କୁ ଭିଆଇପି ପାସ। ସରକାରୀ କର୍ମଚାରୀଙ୍କୁ ମୁଥମାରି ମୁହଁ ଫଟେଇଥିଲେ, ଛେପ ଚଟାଇଥିଲେ। ତଦନ୍ତ ଚାଲିଛି। WhatsApp Channel join https://whatsapp.com/channel/0029VaUgRXG5fM5gVRc7391u 🇳🇪 ଛତିଶଗଡ଼ କାଂକେର ଓ ନାରାୟଣପୁର ଜିଲ୍ଲା ଜଂଗଲରୁ ମାଓ ଡମ୍ପରୁ ବନ୍ଧୁକ, ବିସ୍ଫୋରକ, ଲଞ୍ଚର, ଟିଫିନ ବୋମା ଜବତ ହୋଇଛି। ମମତା ବାନାର୍ଜୀଙ୍କ ଦଳକୁ ପୁଣି ଝଟକା। ପଶ୍ଚିମବଙ୍ଗ ଟିଏମସି ରାଜ୍ୟସଭା ସାଂସଦ କୋଏଲ ମଲ୍ଲିକ ଇସ୍ତଫା ଦେଇଛନ୍ତି। ଉତ୍ତରପ୍ରଦେଶରେ ମୌଲାନାଙ୍କ ମନ୍ତବ୍ୟକୁ ନେଇ ବିବାଦ। କହିଲେ ଭଗବାନ ଶ୍ରୀକୃଷ୍ଣ ମୁସଲମାନ, ସେ ନମାଜ କରୁଥିଲେ। ଆଜି ହରିୟାଣାର ଜିନ୍ଦ-ସୋନିପତ୍ ସେକ୍ସନ୍‌ରେ ହାଇଡ୍ରୋଜେନ୍ ଫୁଏଲ୍ ସେଲ୍ ଟ୍ରେନ୍‌ର ଚଳାଚଳ ଆରମ୍ଭ ହେବ। ଇସ୍ରୋରେ ଚିନ୍ତା: ଗତ କିଛି ମାସରେ ମହାକାଶ ଗବେଷଣା ସଂସ୍ଥା ଛାଡ଼ିଲେଣି ଶତାଧିକ ବୈଜ୍ଞାନିକ। ଆମେରିକାର ମୁଦ୍ରାନୀତି କମିଟିରେ ତିନି ଜଣ ଭାରତୀୟ ନିଯୁକ୍ତ। ରଘୁରାମ ରାଜନ, ରାଜ ଚେଟ୍ଟି ଓ ଆଶା ଶର୍ମା। ଇରାନକୁ ଟ୍ରମ୍ପଙ୍କ ଧମକ। ଶାନ୍ତି କଥାବାର୍ତ୍ତା ନହେଲେ ବଡ଼ ଆକ୍ରମଣ। 🚴🏾‍♂️⚽🏏 ପିଭି ସିନ୍ଧୁ ଜାପାନ ଓପନ୍‌ ସୁପର ୭୫୦ ବ୍ୟାଡ୍‌ମିଣ୍ଟନ ରେ କ୍ବାର୍ଟରଫାଇନାଲରେ ପ୍ରବେଶ କରିଛନ୍ତି। ନୂଆ ଫର୍ମାଟ୍‌ରେ କ୍ରିକେଟ୍‌ ବିଶ୍ବକପ୍‌ ହେବ। ଦିନିକିଆରେ ସୁପର୍‌-୭, ଟ୍ବେଣ୍ଟି-୨୦ରେ ସୁପର୍‌-୧୦। *ଗତବର୍ଷ ଏଇ ସମୟରେ* ଭୁବନେଶ୍ୱର ମେଟ୍ରୋ ରେଳ ପ୍ରକଳ୍ପ ବନ୍ଦ କରିଥିଲେ ରାଜ୍ୟ ସରକାର। ବାଲେଶ୍ଵର ଛାତ୍ରୀ ସୌମ୍ୟା ମୃତ୍ୟୁ ମାମଲାକୁ କ୍ରାଇମବ୍ରାଞ୍ଚ ତଦନ୍ତ ପାଇଁ ରାଜ୍ୟ ସରକାର ନିର୍ଦ୍ଦେଶ ଦେଇଥିଲେ। ପୁରୀ ଶରଧାବାଲି ଦଳାଚକଟାରେ ୩ ଜଣଙ୍କ ମୃତ୍ୟୁର ଯଥେଷ୍ଟ ତଥ୍ୟ ସିସିଟିଭି ରୁ ମିଳି ନଥିଲା। ================= ଆଜି ଅନ୍ତର୍ଜାତୀୟ ନ୍ୟାୟ ଦିବସ ଆଜି ଜନ୍ମଦିନ: ଜରିନା ୱାହାବ, ରବି କିଷନ (ଭୋଜପୁରୀ), ପଦ୍ମଶ୍ରୀ ପିଭିଏସ ରାଓ (ବୈଜ୍ଞାନିକ, ବ୍ରହ୍ମପୁର), ନିତ୍ୟାନନ୍ଦ ମହାପାତ୍ର (ସଂଗ୍ରାମୀ), ଦାଶରଥି ଦାସ (ସାହିତ୍ୟିକ) ଇତିହାସରେ ଆଜି: (୧୯୯୬) ମାଡ୍ରାସର ନୂଆ ନାମ ହେଲା ଚେନ୍ନାଇ/ (୧୯୪୮) ମହିଳାଙ୍କୁ ଆଇଏଏସ ଓ ଆଇପିଏସ ପାଇଁ ଅନୁମତି/ (୧୯୫୦) ପଠାନକୋଟ ରେ ପ୍ରଥମ ଭାରତୀୟ ବିମାନ ଦୁର୍ଘଟଣା/ (୧୯୪୭) ଭାରତୀୟ ଯାତ୍ରୀବାହୀ ଜାହାଜ ମୁମ୍ବାଇ ଝଡରେ ବୁଡି ୬୨୫ ମୃତ ================= 🌱 *ଗଛଟିଏ ଲଗାନ୍ତୁ*🌱

*ଖବର ଆଜିର, ୧୬ ଜୁଲାଇ, ଗୁରୁବାର* ================ ଲଘୁଚାପ ପ୍ରଭାବରୁ ରାଜ୍ୟରେ ପ୍ରବଳରୁ ଅତି ପ୍ରବଳ ବର୍ଷା ହେବ। ପୁରୀ ଓ ଜଗତସିଂହପୁର ଜିଲ୍ଲାକୁ ଲାଲ ଚେତାବନୀ। ଗୁଣ୍ଡିଚାଯାତ୍ରା ପୂର୍ବରୁ ଶ୍ରୀମନ୍ଦିର ସିଂହଦ୍ୱାରରେ ନନ୍ଦିଘୋଷ, ତାଳଧ୍ୱଜ ଓ ଦର୍ପଦଳନ ରଥ ପହଞ୍ଚିଛି। ପୁରୀ ନୀତି ନିର୍ଘଣ୍ଟ: ସକାଳ ୯ ରେ ରଥ ପ୍ରତିଷ୍ଠା, ସାଢ଼େ ୯ଟାରୁ ସାଢ଼େ ୧୨ ପହଣ୍ଡି ନୀତି, ଅପରାହ୍ଣ ୨ ରୁ ୩ ମଧ୍ୟରେ ଛେରା ପହଁରା, ଅପରାହ୍ଣ ୪ଟାରେ ରଥ ଟଣା ଆରମ୍ଭ। ପ୍ରବଳ ବର୍ଷାରେ ପୁରୀ ବଡଦାଣ୍ଡ ଉବୁଟୁବୁ। ଆଜି ବି ପ୍ରବଳ ବର୍ଷାର ସମ୍ଭାବନା। ଶ୍ରୀଜଗନ୍ନାଥ ମନ୍ଦିର ପାଇଁ ଆରମ୍ଭ ହେଲା ଡିଜିଟାଲ୍ ହୁଣ୍ଡି ‘ସମର୍ପଣ ଆପ୍’। ୟୁପିଆଇ, ନେଟ୍ ବ୍ୟାଙ୍କିଙ୍ଗ୍, କାର୍ଡ ମାଧ୍ୟମରେ ଭକ୍ତ ସୁରକ୍ଷିତ ଭାବେ ଦାନ କରିପାରିବେ। ସିଆଇଆଇ ଭୁବନେଶ୍ୱର ପକ୍ଷରୁ ‘ଯୁବ ଭାରତୀୟ ସଂସଦ’ କାର୍ଯ୍ୟକ୍ରମରେ ୮ଟି ବିଦ୍ୟାଳୟର ପ୍ରାୟ ୨୦୦ ଛାତ୍ରଛାତ୍ରୀ ବିଧାନସଭା ପରିଦର୍ଶନ କଲେ। ରାଜ୍ୟରେ ହଟୁନି ବାର୍ଦ୍ଧକ୍ୟଭତ୍ତା ଦହଗଞ୍ଜ, ମୋବାଇଲ୍‌ ନମ୍ବର ସଂଯୋଗ ପାଇଁ ବୃଦ୍ଧବୃଦ୍ଧା ନୟାନ୍ତ। ରଥଯାତ୍ରା ପାଇଁ ରେଳପଥର ପ୍ରସ୍ତୁତି, ଓଡ଼ିଶା ସମେତ ୫ ରାଜ୍ୟରୁ ସ୍ବତନ୍ତ୍ର ଟ୍ରେନ୍‌ ଚାଲୁଛି। ପାରାଦୀପ-ହରିଦାସପୁର ରେଳବାଇର ଦୋହରୀକରଣ ପ୍ରକଳ୍ପ ମଞ୍ଜୁର ହୋଇଛି। ମୟୁରଭଞ୍ଜ ରାଇରଙ୍ଗପୁର ପୁଲିସ ଜିଲ୍ଲାରେ ୩୬ ଜଣିଆ ଟ୍ରାଫିକ ୟୁନିଟର ଆରମ୍ଭ ହୋଇଛି। ଶିମିଳିପାଳରେ ବାଘ ସଂଖ୍ୟା ୩୫କୁ ବୃଦ୍ଧି, କ୍ୟାମେରା ଟ୍ରାପ୍ ସର୍ବେକ୍ଷଣରେ ୧୬ ଶାବକ ଚିହ୍ନଟ। ପାଠ୍ୟ ପୁସ୍ତକ ତ୍ରୁଟି ମାମଲାରେ କଟକ ଡଗରପଡ଼ାସ୍ଥିତ ଜଗନ୍ନାଥ ପ୍ରୋସେସ୍‌ ଓ ବିଡ଼ାନାସୀସ୍ଥିତ ନୀଳକଣ୍ଠ ପ୍ରିଣ୍ଟର ବିରୋଧରେ ତଦନ୍ତ ଚାଲିଛି। ମୁଖ୍ୟମନ୍ତ୍ରୀଙ୍କ ଅଫିସରୁ ସ୍ବାମୀ ଲକ୍ଷ୍ମଣାନନ୍ଦ ସରସ୍ବତୀ ହତ୍ୟା ଘଟଣାର ନାଇଡ଼ୁ କମିଶନ ରିପୋର୍ଟ ଏବଂ ସମ୍‌ ହସ୍ପିଟାଲ୍‌ ଅଗ୍ନିକାଣ୍ଡ ରିପୋର୍ଟ ଗାୟବ ଘଟଣାରେ ରାଜେଶ ବର୍ମା, ମନୋଜ ମିଶ୍ରଙ୍କୁ ସମନ। ବ୍ରହ୍ମପୁର ସହରରୁ ଦୁଇ ନକଲି ର’ ଏଜେଣ୍ଟଙ୍କୁ ବାନ୍ଧିଛି ପୋଲିସ। ଜଣେ ଆନ୍ଧ୍ରପ୍ରଦେଶର ବୋଲି ଜଣାପଡିଛି। ଯାଜପୁର କାଳିଆପାଣି ଖଣିଅଞ୍ଚଳରେ କିଡନୀ ରୋଗରେ ୧୦ ଦିନରେ ୩ ମୃତ୍ୟୁ, ବର୍ଷକରେ ୨୫ ମୃତ। ବଲାଙ୍ଗୀର ବେଲପଡ଼ାରେ ସମ୍ପର୍କକୁ କେନ୍ଦ୍ର କରି ରକ୍ତାକ୍ତ ସଂଘର୍ଷ, ମହିଳା ଗୁରୁତର, ଅଭିଯୁକ୍ତଙ୍କ ମୃତ୍ୟୁ। ଭିଜିଲାନ୍ସ ଜାଲରେ ଫସିଲେ ରାୟଗଡା ଜିଲ୍ଲା ଗୁଣପୁର ତହସିଲ ଅନ୍ତର୍ଗତ ସିରିଝୋଲି ସର୍କିଲର ରାଜସ୍ୱ ନିରୀକ୍ଷକ। ସୁନ୍ଦରଗଡ଼ ଜିଲ୍ଲା ବଣାଇ ବନଖଣ୍ଡରେ ଗାଈକୁ ମାରିଲା କଲରାପତରିଆ ବାଘ, ଗ୍ରାମବାସୀ ଭୟଭୀତ। WhatsApp Channel join https://whatsapp.com/channel/0029VaUgRXG5fM5gVRc7391u ଭୁବନେଶ୍ୱର ଡ଼ମଣା ଛକ ଘରେ ନର୍ସଙ୍କ ଆତ୍ମହତ୍ୟା। ପୂର୍ବତନ ପୁରୁଷ ବନ୍ଧୁ କରୁଥିଲା ବ୍ଲାକମେଲ। ବ୍ରହ୍ମପୁର ଶାନ୍ତି ନଗରରେ କିରୋସିନ ଢାଳି ଯୁବତୀଙ୍କ ଆତ୍ମାହୁତି, କଟକ ନେବା ବାଟରେ ହେଲା ମୃତ୍ୟୁ। ଭଦ୍ରକ ସହରର ସାଳନ୍ଦୀ ହସ୍ପିଟାଲରେ ଚଢଉ । ବେଆଇନ ଭାବେ ଲିଙ୍ଗ ନିରୂପଣ ଅଭିଯୋଗ। ବ୍ରହ୍ମପୁରରେ ଲିଫ୍ଟ ମାଗି ଯୁବକଙ୍କ ବେକ କାଟି ବାଇକ୍ ଧରି ଫେରାର ହେଲେ ଯୁବକ। ଆନ୍ଧ୍ର ପ୍ରଦେଶ ପଲାସାରୁ ଗିରଫ କଲା ନିମଖଣ୍ଡି ଥାନା ପୋଲିସ। ଭୁବନେଶ୍ୱର ଖଣ୍ଡଗିରିରେ ବାଇକରେ ଥିବା ୨ ଯୁବକଙ୍କୁ ଧକ୍କା ଦେଇ ମାରିଦେଲା ଗାଡ଼ି। ମୃତକ କେନ୍ଦ୍ରାପଡ଼ାର ରଶ୍ମିରଂଜନ ଦାସ ଓ ବାଲେଶ୍ବର ରେମୁଣାର ବିଶ୍ବରଂଜନ ପଟ୍ଟନାୟକ। 🇳🇪 ମୌସୁମୀ ବର୍ଷା ଦୁର୍ବଳ, ଦେଶର ଜଳଭଣ୍ଡାର ଶୁଖିଲା। କ୍ଷମତାର ମାତ୍ର ୩୨.୩୮ ପ୍ରତିଶତ ପାଣି ଅଛି। ବାଗେଶ୍ବର ଧାମ ମୁଖ୍ୟ ଧୀରେନ୍ଦ୍ର ଶାସ୍ତ୍ରୀଙ୍କ ଭାଇ ଗୁଳି ଚଳାଇବା ଓ ମାଡ଼ ମାରିବା ଅଭିଯୋଗରେ ଗିରଫ। ସୋନମ ୱାଙ୍ଗଚୁକଙ୍କ ଅନଶନକୁ ନେଇ କେନ୍ଦ୍ର ଓ ଦିଲ୍ଲୀ ସରକାରଙ୍କୁ ଜବାବ ମାଗିଲେ ଦିଲ୍ଲୀ ହାଇକୋର୍ଟ। ନିତିନ ଗଡକାରୀ କହିଲେ, ଅଧିକ ଟଙ୍କା ଦିଅ, ଶୁଦ୍ଧ ପେଟ୍ରୋଲ ନିଅ। ତାମିଲନାଡୁ କୁଡ଼ନକୁଲମ ପରମାଣୁ ବିଦ୍ୟୁତ କେନ୍ଦ୍ରର ବ୍ଲୁ-ପ୍ରିଣ୍ଟ୍ ଲିକ, ଡାର୍କ ୱେବ୍‌ରେ ତଥ୍ୟ ସାର୍ବଜନୀନ କଲା ହ୍ୟାକର୍ ଗ୍ରୁପ୍‌। ଆଲୋଚନା ନକଲେ ଇରାନର ବିଦ୍ୟୁତ ପ୍ରକଳ୍ପ ଓ ବ୍ରିଜ୍ ଉଡ଼ାଇବ ଆମେରିକା: ଚରମ ଚେତାବନୀ ଦେଲେ ଟ୍ରମ୍ପ। 🚴🏾‍♂️⚽🏏 ଫିଫା ରେ ସେମି ଫାଇନାଲରେ ଅଟକିଲା ଫ୍ରାନ୍ସର ଅଭିଯାନ। ଫାଇନାଲ୍‌ରେ ସ୍ପେନ୍‌ ଓ ଆର୍ଜେଣ୍ଟିନା। ଭାରତ ଏବଂ ଇଂଲଣ୍ଡ ମଧ୍ୟରେ ୩ ମ୍ୟାଚ୍‌ ବିଶିଷ୍ଟ ଦିନିକିଆ ଶୃଙ୍ଖଳାର ପ୍ରଥମ ମ୍ୟାଚରେ ଟିମ୍‌ ଇଣ୍ଡିଆ ୬ ୱିକେଟ୍‌ରେ ବିଜୟୀ। ================= ଆଜି ବିଶ୍ୱ ସର୍ପ ଦିବସ ଆଜି ଜନ୍ମଦିନ: ଧନରାଜ ପିଲାଇ (ହକି), କ୍ୟାଟ୍ରିନା କୈଫ, ବିଜୟ ମିଶ୍ର (ଲେଖକ) ଇତିହାସରେ ଆଜି: (୧୮୫୬) ହିନ୍ଦୁ ବିଧବା ପୁନର୍ବିବାହ ଆଇନ ପାସ ହେଲା/ (୧୯୫୧) ନେପାଳ ସ୍ବାଧୀନ ହେଲା/ (୧୯୯୫) ଆମାଜନ ସାଇଟ ପ୍ରଥମ ବହି ବିକ୍ରି କଲା/ (622) ମକ୍କାରୁ ମଦିନା ଯାତ୍ରାକଲେ ମହମ୍ମଦ ================ 🌱 *ଗଛଟିଏ ଲଗାନ୍ତୁ*🌱

*ଖବର ଆଜିର, ୧୫ ଜୁଲାଇ, ବୁଧବାର* ================ ଆଜି ଉତ୍ତର ଓ ପୂର୍ବ ଉପକୂଳରେ ପ୍ରବଳ ବର୍ଷା ହେବ। ରଥଯାତ୍ରା ସମ୍ପୂର୍ଣ୍ଣ ଭିଜିବ। ମୁଖ୍ୟମନ୍ତ୍ରୀ କୃଷି ଉଦ୍ୟୋଗ ଯୋଜନା ଅବଧି ୫ ବର୍ଷ ବଢ଼ିଲା। କୃଷି ଉଦ୍ୟୋଗୀଙ୍କୁ ପୁଞ୍ଜି ବିନିଯୋଗ ସବ୍‌ସିଡି ଜାରି ରହିବ। ରାଜ୍ୟରେ ଦଣ୍ଡ ଅବଧି ଶେଷ ହେବା ପୂର୍ବରୁ ଜେଲରୁ ମୁକ୍ତି ପାଇଁ ୫୬ ଜଣ ଆଜୀବନ ବନ୍ଦୀଙ୍କ ପ୍ରସଂଗ ବିଚାରକୁ ନିଆଯାଇଛି। କେଜିରୁ ପିଜି ମାଗଣା ଶିକ୍ଷାପାଇଁ ବିଦ୍ୟାର୍ଥୀଙ୍କ ୭୫% ଉପସ୍ଥାନ ବାଧ୍ୟତାମୂଳକ। ପଞ୍ଚାୟତ ନିର୍ବାଚନ ପାଇଁ ହାତ ଖୋଲିଲେ। ରାସ୍ତା, ସେତୁ ପାଇଁ ୫ ବର୍ଷରେ ଖର୍ଚ୍ଚ ହେବ ୩୨ ହଜାର କୋଟି। ଆଜିଠାରୁ ଚଳିତ ବର୍ଷର ବରିଷ୍ଠ ନାଗରିକ ତୀର୍ଥଯାତ୍ରା ଯୋଜନା ପାଇଁ ଆବେଦନ ପ୍ରକ୍ରିୟା ଆରମ୍ଭ। ଟାୱାର ଇନଫୋଟେକ ଚିଟଫଣ୍ଡ ମାମଲାରେ ଅଭିଯୋଗରୁ ମୁକ୍ତ ହେଲେ ଅଭିଯୁକ୍ତ ଇନ୍ଦ୍ରଜିତ ଦେ। ଗ୍ରାହାମ୍‌ ଷ୍ଟେନ୍‌ସ ଓ ପୁଅଙ୍କୁ ପୋଡି ମାରିଥିବା ଦାରା ସିଂ ଜେଲ୍‌ରୁ ମୁକୁଳିବେ, ଅଗଷ୍ଟ ୧୫ ସୁଦ୍ଧା ମୁକ୍ତି ପାଇଁ ନିର୍ଦ୍ଦେଶ। କଟକରେ ୪୨ କୋଟି ଟଙ୍କା ବ୍ୟୟରେ ନିର୍ମିତ ରାଜ୍ୟର ସର୍ବବୃହତ୍ ବିଶ୍ୱନାଥ ପଣ୍ଡିତ କେନ୍ଦ୍ରୀୟ ପାଠାଗାରର ଲୋକାର୍ପଣ ହୋଇଛି। ପାଠ୍ୟପୁସ୍ତକ ତ୍ରୁଟି ମାମଲାରେ ପୂର୍ବତନ ଏସ୍‌ସିଇଆର୍‌ଟି ପୂର୍ବତନ ନିର୍ଦ୍ଦେଶକ ମନୋଜ ପାଢ଼ୀ ଅଟକ। ବାଲେଶ୍ୱର ଜିଲ୍ଲାର ରସାଳପୁରସ୍ଥିତ ଓଡ଼ିଶା ଗ୍ରାମୀଣ ବ୍ୟାଙ୍କ ଶାଖାରେ ସାହସ ଦେଖାଇଲେ ମ୍ୟାନେଜର୍‌, ବ୍ୟାଙ୍କ ଲୁଟ୍‌ ଉଦ୍ୟମ ବିଫଳ। ଗଜପତି ଜିଲ୍ଲାର ଅଡ଼ବା–ହାଇଦ୍ରାବାଦ ମାନବ ଚାଲାଣର ଅଭିଯୁକ୍ତମାନଙ୍କୁ କୋର୍ଟରୁ ଝଟକା। ୭ ଜଣ ବାଳିକା ହାଇଦ୍ରାବାଦରୁ ଉଦ୍ଧାର ହୋଇଥିଲେ। ଭଦ୍ରକରେ ପ୍ରବଳ ବର୍ଷା, ଆଜି ସମସ୍ତ ସ୍କୁଲ ଛୁଟି ଘୋଷଣା। ଗଜପତି ଜିଲ୍ଲା ଅନ୍ତରଡା ନିକଟସ୍ଥ ପାହାଡ଼ିଆ ଜଙ୍ଗଲରୁ ଜଣେ ମହିଳାଙ୍କୁ ଉଲଗ୍ନ ଓ କ୍ଷତବିକ୍ଷତ ଅବସ୍ଥାରେ ଉଦ୍ଧାର କରାଯାଇଛି। ନୟାଗଡ଼ ଦଶପଲ୍ଲା ବସ୍‌ଷ୍ଟାଣ୍ଡ ନିକଟରୁ ସନ୍ଦିଗ୍ଧ ଅବସ୍ଥାରେ ବୁଲୁଥିବା ୧୦ ବର୍ଷର ନାବାଳକଙ୍କୁ ଚାଇଲ୍ଡ ହେଲ୍ପଲାଇନ୍ ଉଦ୍ଧାର କରିଛି। ରାୟଗଡା ଜିଲ୍ଲା ଗୁଣୁପୁରରେ ପୁଲିସ ପରିଚୟ ଦେଇ ଲୁଟୁଥିଲେ, ଧରାପଡ଼ିଲେ ୩ ଲୁଟେରା। କେନ୍ଦୁଝର ଜିଲ୍ଲା ବଡ଼ବିଲ ରେଞ୍ଜ ସୋୟବଲି ଜଙ୍ଗଲ ରାସ୍ତାରେ ଜଣେ ବାଇକ୍ ଆରୋହୀଙ୍କୁ ହାତୀ ଆକ୍ରମଣ କରି ମାରିଦେଇଛି। ମୃତକ ଚିନ୍ତାମଣି ପାତ୍ର। ରାୟଗଡ଼ା ଜିଲ୍ଲା ଗୁଣପୁର ଏବଂ କଲ୍ୟାଣ ସିଂହପୁରରେ ହୋଇଥିବା ୨ଟି ଦୁର୍ଘଟଣାରେ ୨ଜଣ ମୃତ। କ୍ଷତିପୁରଣ ଦାବିରେ ୪ଘଣ୍ଟା ଶବ ପଡ଼ିରହିଲା। ସମ୍ବଲପୁର ପଡିଆବାହାଲ ରେ ଘରେ ପଶିଗଲା ଟ୍ରକ, ଚାଲିଗଲା ମହିଳାଙ୍କ ଜୀବନ। ରାୟଗଡାରେ ମ୍ୟାଲେରିଆରେ ପୁଣି ଜଣେ ଛାତ୍ର ମୃତ, ସପ୍ତାହକରେ ଗଲାଣି ୨ଜଣଙ୍କ ଜୀବନ। ମାଲକାନଗିରି ରେ ୫୦୩ କିଲୋ ଗଞ୍ଜେଇ ଜବତ, ୨ ଅଭିଯୁକ୍ତ ଗିରଫ। 🇳🇪 ଲଦାଖ ପାଇଁ ବଡ଼ ଯୋଜନା। ଅନୁଚ୍ଛେଦ ୩୭୧ ଭଳି ସାମ୍ବିଧାନିକ ସୁରକ୍ଷାକୁ ନେଇ ବଢ଼ିଲା ଚର୍ଚ୍ଚା। ରାଜସ୍ଥାନରେ ଗତ ମେ’ ମାସରୁ ୧୮ ଜଣ ମହିଳାଙ୍କର ପିଲା ଜନ୍ମ ଦେବାପରେ ମୃତ୍ୟୁ ହୋଇଯାଇଛି। WhatsApp Channel join https://whatsapp.com/channel/0029VaUgRXG5fM5gVRc7391u ଦେଶର ସାମଗ୍ରିକ ଅତିରିକ୍ତ ବର୍ଷାର ପରିମାଣ ମାତ୍ର ଚାରି ଦିନ ମଧ୍ୟରେ ୩୮ ପ୍ରତିଶତରୁ ଖସି ୭ ପ୍ରତିଶତରେ ପହଞ୍ଚିଛି। ଭାରତୀୟ ବଂଶୋଦ୍ଭବ ନାସା ମହାକାଶଚାରୀ ଅନିଲ ମେନନ ମଙ୍ଗଳବାର ତାଙ୍କର ପ୍ରଥମ ଅନ୍ତରୀକ୍ଷ ଯାତ୍ରା ଆରମ୍ଭ କରିଛନ୍ତି। ୟୁଏଇ ତୈଳ ଟ୍ୟାଙ୍କର ଉପରେ ଇରାନର କ୍ଷେପଣାସ୍ତ୍ର ମାଡ଼, ଜଣେ ଭାରତୀୟ ନାବିକ ନିହତ, ୬ ଗୁରୁତର। 🚴🏾‍♂️⚽🏏 ଫିଫା ରେ ସେମିରେ ଅଟକିଲା ଫ୍ରାନ୍ସର ଅଭିଯାନ। ଫାଇନାଲ୍‌ରେ ସ୍ପେନ୍‌। ଭାରତ ଏବଂ ଇଂଲଣ୍ଡ ମଧ୍ୟରେ ୩ ମ୍ୟାଚ୍‌ ବିଶିଷ୍ଟ ଦିନିକିଆ ଶୃଙ୍ଖଳାର ପ୍ରଥମ ମ୍ୟାଚରେ ଟିମ୍‌ ଇଣ୍ଡିଆ ୬ ୱିକେଟ୍‌ରେ ବିଜୟୀ। ଟିଟିରେ ଇତିହାସ ରଚିଲା ଭାରତ: ଆଇଟିଟିଏଫ୍‌ ଶୀର୍ଷ ୧୦ରେ ଦେଶର ୩ ଯୋଡ଼ି। ଉପକନିଷ୍ଠ ୫ଏସ୍‌ ଏସୀୟ ହକି ଦଳରେ ଓଡ଼ିଶାରୁ ସ୍ବିଟି, କିରଣ ସ୍ଥାନ ପାଇଛନ୍ତି। *ଗତବର୍ଷ ଏଇ ସମୟରେ* କଲେଜ ଓ ବିଶ୍ୱବିଦ୍ୟାଳୟ ମାନଙ୍କୁ ଆଭ୍ୟନ୍ତରୀଣ ଅଭିଯୋଗ କମିଟି ଗଠନ ପାଇଁ ୨୪ ଘଣ୍ଟା ଦେଇଥିଲେ ସରକାର। ବାଲେଶ୍ଵର ଛାତ୍ରୀ ସୌମ୍ୟାଶ୍ରୀଙ୍କ ମୃତ୍ୟୁ ଖବରକୁ ଲୁଚା ହୋଇଥିଲା। ରାଷ୍ଟ୍ରପତିଙ୍କ ଏମସ ଗସ୍ତ ପରେ ଘୋଷଣା ହୋଇଥିଲା ରାଜ୍ୟ ସରକାର ନୂଆ ୪୨୦ଟି ୧୦୮ ଆମ୍ବୁଲାନ୍ସ ଆଣିବେ ବୋଲି କହିଥିଲେ। ସ୍ପେସ ଷ୍ଟେସନରୁ ଶୁଭାଂଶୁ ଶୁକ୍ଳାଙ୍କ ଯାତ୍ରା ଆରମ୍ଭ ହୋଇଥିଲା। କାନାଡାରେ ରଥଯାତ୍ରା ବେଳେ ଭକ୍ତଙ୍କ ଉପରେ ଫିଙ୍ଗା ଯାଇଥିଲା ଅଣ୍ଡା। ================ ଆଜି ବିଶ୍ୱ ଯୁବ ଦକ୍ଷତା ଦିବସ ଆଜି ଜନ୍ମଦିନ: କେ କାମରାଜ, ପଦ୍ମଶ୍ରୀ ତୁଳସୀ ମୁଣ୍ଡା, ଖଗପତି ପ୍ରଧାନୀ (ପୂର୍ବ ସାଂସଦ) ଇତିହାସରେ ଆଜି: (୧୮୧୫) ୱାଟରଲୁ ଯୁଦ୍ଧରେ ନେପୋଲିୟନଙ୍କ ଆତ୍ମସମର୍ପଣ, (୧୯୫୫) ନେହେରୁଙ୍କୁ ଭାରତରତ୍ନ, (୧୯୧୫) ବୋଇଙ୍ଗ କମ୍ପାନୀ ଆରମ୍ଭ, (୧୯୭୯) ମୋରାରଜୀ ଦେଶାଇଙ୍କ ଇସ୍ତଫା, (୧୦୯୯) ଖ୍ରୀଷ୍ଟିଆନ ସୈନ୍ୟଙ୍କ ଜେରୁଜେଲମ ଅକ୍ତିଆର ================ 🌱 *ଗଛଟିଏ ଲଗାନ୍ତୁ*🌱

*ଖବର ଆଜିର, ୧୪ ଜୁଲାଇ, ମଙ୍ଗଳବାର* ================ ଆଜିଠୁ ୫ ଦିନ ଧରି ହେବ ପ୍ରବଳ ବର୍ଷା; ୧୭ ଯାଏଁ ସମୁଦ୍ରକୁ ନଯିବାକୁ ମତ୍ସ୍ୟଜୀବୀଙ୍କୁ ବାରଣ ପୁରୀରେ ଆଜି ନବଯୌବନ ଦର୍ଶନ। ଦିନ ୨ରୁ ୩ ଘଣ୍ଟା ପର୍ଯ୍ୟନ୍ତ ଦର୍ଶନ ସମୟ। ବୁଧବାର ଦର୍ଶନ ବନ୍ଦ। ଶ୍ରୀଜଗନ୍ନାଥ ମନ୍ଦିରର ଭୂ-ସମ୍ପତ୍ତି ସମ୍ବନ୍ଧୀୟ ୧୧,୬୭୫ ମାମଲାର ଶୀଘ୍ର ଫଇସଲା କରିବାକୁ କହିଲେ ସରକାର। ରାଜ୍ୟର ଜଳଭଣ୍ଡାରରେ ହେବ ଭାସମାନ ସୌର ପ୍ରକଳ୍ପ। ୬ଟି ଜଳଭଣ୍ଡାର ଚିହ୍ନଟ, ୨ଟିରେ ହେବ। କେନ୍ଦୁପତ୍ର ତୋଳାଳି, ବନ୍ଧାଳିଙ୍କ ମଜୁରୀ ବଢ଼ିଲା। କେରି ପିଛା ୧୦ ପଇସା, ଫାଳ ପିଛା ୨୦ ପଇସା ବଢ଼ିଲା। ପାଠ୍ୟପୁସ୍ତକ ତ୍ରୁଟି ପ୍ରସଙ୍ଗରେ ମାମଲା ରୁଜୁ କଲା କ୍ରାଇମ୍‌ବ୍ରାଞ୍ଚ। ବିବେକାନନ୍ଦ ଶର୍ମାଙ୍କୁ ଦାୟିତ୍ବ ଦିଆଗଲା। ସରକାରୀ କର୍ମଚାରୀ ମାନେ ଖାଇଦେଇଛନ୍ତି ୫୮୬ କୋଟି। ଅଡିଟରେ ଧରାପଡି ବି ଟଙ୍କା ଫେରାଉ ନାହାନ୍ତି। ସରକାର ଅସହାୟ। ମହାନଦୀ ଜଳ ବିବାଦ ଟ୍ରିବ୍ୟୁନାଲର ବିଶ୍ୱସନୀୟତାକୁ ପ୍ରଶ୍ନ କରି, ଶୁଣାଣିର ଲାଇଭ୍‌ ସ୍କ୍ରିନିଂ ଦାବି କରିଛି ମହାନଦୀ ବଞ୍ଚାଅ ଆନ୍ଦୋଳନ। କେଜିରୁ ପିଜି ମାଗଣା ପାଠପଢ଼ା ପାଇଁ ବର୍ଷକୁ ୪୦୦ କୋଟି ଦରକାର। ୧୨୦୦ରୁ ଅଧିକ ଅନୁଦାନ ପ୍ରାପ୍ତ କଲେଜଙ୍କ ପାଇଁ ଟଙ୍କା ନାହିଁ। ପଦ୍ମ ପୋଖରୀକୁ ଡେଇଁଥିବା ପ୍ରଭାତ ବିଶ୍ଵାଳଙ୍କୁ ‘ଗଦ୍ଦାର’ କହିଲେ ନବୀନ। ପୁଅକୁ ଟିକେଟ ଦେଇଥିଲି ବୋଲି କହିଲେ। କେରଳରେ ଦୁର୍ଘଟଣାରେ ରାୟଗଡ଼ା କାଶୀପୁରର ଓଡ଼ିଆ ଦାଦନଙ୍କ ମୃତ୍ୟୁ। ଗତ ୨୨ ଦିନ ମଧ୍ୟରେ ବ୍ଲକର ୪ ଜଣ ଦାଦନଙ୍କ ମୃତ୍ୟୁ। ମାଲକାନଗିରିର ମାଥିଲିରେ ରେଳ ପ୍ରକଳ୍ପ କ୍ଷତିପୂରଣରେ ଅନିୟମିତତା ଓ ଜୀବିତ ବ୍ୟକ୍ତିଙ୍କୁ ମୃତ ଦର୍ଶାଇଥିବା ଅଭିଯୋଗରେ କ୍ଷତିଗ୍ରସ୍ତ ପରିବାରର ଧାରଣା। ନବରଙ୍ଗପୁରରେ ମହିଳା ମାନେ ଦିନରେ ଧାନରୁଆ କରୁଛନ୍ତି, ସଂଧ୍ୟାରେ ମଦୁଆ ଧରା ଅଭିଯାନରେ ରହୁଛନ୍ତି। ‘ବିକଶିତ ଗାଁ, ବିକଶିତ ଓଡ଼ିଶା’ ଯୋଜନାରେ ଅନିୟମିତତା ଅଭିଯୋଗ, କଳାହାଣ୍ଡି କର୍ଲାମୁଣ୍ଡାରେ ଗ୍ରାମବାସୀଙ୍କ ବିକ୍ଷୋଭ। ଯାଜପୁର ଜିଲ୍ଲା ବିଂଝାରପୁରରେ ପୂର୍ବ ଶତ୍ରୁତାକୁ କେନ୍ଦ୍ର କରି ଆକ୍ରମଣରେ ହୋଟେଲ ମାଲିକଙ୍କ ମୃତ୍ୟୁ ପରେ ମୃତଦେହ ରଖି ରାସ୍ତାରୋକ। ଭଦ୍ରକର ଘରୋଇ କ୍ଲିନିକରେ ଭିଡିଓ କଲ ପରାମର୍ଶ କରି ଚିକିତ୍ସା ପରେ ଜଣେ ରୋଗୀଙ୍କ ମୃତ୍ୟୁ। ଜଣେ ଡାକ୍ତର ଓ ଜଣେ ଯୁବକ ଅଟକ। କୋରାପୁଟ ଆଇଟିଡିଏ ର ପୂର୍ବତନ ସହକାରୀ ନିର୍ବାହୀ ଇଂଜିନିୟରଙ୍କ ୪ ମହଲା ଲଜ୍ ସାଙ୍ଗକୁ ୮ଟି ମୂଲ୍ୟବାନ ସମ୍ପତ୍ତି ଠାବ। ଢେଙ୍କାନାଳ ଜିଲ୍ଲା ଗଁଦିଆରେ କପିଳାସ-ହରିପୁର ରାସ୍ତାରେ ବସ୍-କାର ମୁହାଁମୁହିଁ ଧକ୍କା: ତିନି ଗୁରୁତର, ଜଣେ ଆହତ। କଟକରେ ଓଏମପି ଛକରେ ମହିଳା ବ୍ୟବସାୟୀଙ୍କୁ ମରଣାନ୍ତକ ଆକ୍ରମଣ କରି ୩୬ ଲକ୍ଷ ଟଙ୍କା ଲୁଟିନେଲେ ୬ ଲୁଟେରା। ବାଲେଶ୍ଵର ଭୋଗରାଇରୁ ନିଖୋଜ ଥିବା ଟ୍ରଲର "ଜୟ ମା' କାଳୀ" ମିଳିଲା। ପଶ୍ଚିମବଙ୍ଗର ରକ୍ତେଶ୍ବର ଚଡ ପାଖରେ ଉଦ୍ଧାର, ୯ ଜଣଙ୍କ ମୃତଦେହ ମିଳିଲା ବାଲେଶ୍ବରରେ ଚର୍ଚ୍ଚିତ ସେଖ ହମିଦ ଗୁଳିକାଣ୍ଡ ମାମଲାରେ ୫ ଅଭିଯୁକ୍ତଙ୍କୁ ବାନ୍ଧିଛିି ପୁଲିସ। ଭୁବନେଶ୍ୱରରେ ଆମରଣ ଅନଶନରେ ବସିଥିବା କେନ୍ଦ୍ରାପଡ଼ା ତିଖିରି ପଞ୍ଚାୟତର ସରପଞ୍ଚ ଚାମେଲି ଓଝା ଅସୁସ୍ଥ ହୋଇଛନ୍ତି। WhatsApp Channel join https://whatsapp.com/channel/0029VaUgRXG5fM5gVRc7391u ବାଲେଶ୍ଵର, ଅନୁଗୁଳ ଓ ସମ୍ବଲପୁର କୋର୍ଟକୁ ମିଳିଛି ବୋମା ଧମକ। ପୋଲିସ ଛାନଭିନ କରୁଛି 🇳🇪 ଆନ୍ଧ୍ରରେ କୋଭିଡ୍‌ ସଂକ୍ରମଣ: ୨ ମୃତ ଓ ୮ ଆକ୍ରାନ୍ତ, ଓଡ଼ିଶାରେ ସତର୍କତାମୂଳକ ପଦକ୍ଷେପ। ଭାରତୀୟ ରେଳବାଇ ଆସନ୍ତା ୧୭ ତାରିଖରେ ହାଇଡ୍ରୋଜେନ୍ ଟ୍ରେନ୍‌ର ଶୁଭାରମ୍ଭ କରିବ। ସି-ଭୋଟର ସର୍ଭେ: ଏନ୍‌ଡିଏର ୫୩% ଭୋଟର ଇ-୨୦ ପେଟ୍ରୋଲକୁ ପସନ୍ଦ କରୁନାହାନ୍ତି। ଅଯୋଧ୍ୟା ରାମମନ୍ଦିରରେ ଦାନ ଟଙ୍କାସୁନା ଚୋରି ମାମଲା: ଚାଳିଶି ଦିନରେ ସତୁରୀ ଥର ବୋହିଥିଲେ ମାଲ। ସିନ୍ଧୁଜଳ ଚୁକ୍ତି ସ୍ଥଗିତକୁ ବିରୋଧ କରି ପାକିସ୍ତାନରେ ଆନ୍ଦୋଳନ: ଆମେ ମରିଯିବୁ, କିନ୍ତୁ ସିନ୍ଧୁକୁ ଛାଡ଼ିବୁନି। ହର୍ମୁଜକୁ ନେଇ ଆମେରିକା-ଇରାନ ମୁହାଁମୁହିଁ ଯୁଦ୍ଧ, ତେହେରାନକୁ ସ୍ବତନ୍ତ୍ର ବିମାନ ଦେଲା ରୁଷ୍‌। 🚴🏾‍♂️⚽🏏 ଫିଫା ବିଶ୍ବକପ୍‌ର ପ୍ରଥମ ସେମିଫାଇନାଲ୍‌ରେ ଦୁଇ ୟୁରୋପୀୟ ଦଳ ଫ୍ରାନ୍ସ ଓ ସ୍ପେନ୍‌ ମୁହାଁମୁହିଁ ହେବେ। ମହିଳା କ୍ରିକେଟ୍‌ରେ ନୂଆ ମାଇଲ୍‌ଖୁଣ୍ଟ: ଲର୍ଡ୍ସର ପ୍ରଥମ ମହିଳା ଟେଷ୍ଟ ଜିତିଲା ଭାରତ। ନ୍ୟୁଜିଲାଣ୍ଡ ବିପକ୍ଷ ପ୍ରଥମ ଦିନିକିଆକୁ ୭ ୱିକେଟ୍‌ରେ ଜିତି ନେଇଛି ୱେଷ୍ଟଇଣ୍ଡିଜ। *ଗତବର୍ଷ ଏଇ ସମୟରେ* ଦୁଇବର୍ଷ ତଳେ ପୁରୀ ଶ୍ରୀମନ୍ଦିର ରତ୍ନଭଣ୍ଡାର ଖୋଲିଥିଲେ ରାଜ୍ୟର ନୂଆ ସରକାର। କର୍ଣ୍ଣାଟକ ରାମତୀର୍ଥ ପର୍ବତ ଉପରେ ନିର୍ଜନ ବିପଜ୍ଜନକ ଜଙ୍ଗଲ ଗୁମ୍ଫାରୁ ରୁଷୀୟ ମହିଳା ଏବଂ ଦୁଇ ଝିଅ ଉଦ୍ଧାର ହୋଇଥିଲେ। ଅନ୍ତର୍ଜାତୀୟ ସ୍ପେସ ଷ୍ଟେସନ ଛାଡ଼ିଥିଲେ ଭାରତୀୟ ମହାକାଶଚାରୀ କ୍ୟାପଟେନ୍ ଶୁଭାଂଶୁ ଶୁକ୍ଳା। ================= ଆଜି ଫ୍ରାନସ ସ୍ୱାଧୀନତା ଦିବସ ବିଶ୍ୱ ସିମ୍ପାଞ୍ଜି ଦିବସ ଆଜି ଜନ୍ମଦିନ: ଦେଶବନ୍ଧୁ (ସଂଗ୍ରାମୀ), ମଧୁ ସାପ୍ରେ, ମିଲିନ୍ଦ ଗୁନାଜୀ, କନକ ବର୍ଦ୍ଧନ ସିଂହଦେଓ, ମୋହନ ଜେନା (ପୂର୍ବ ସାଂସଦ) ଇତିହାସରେ ଆଜି: (୧୯୬୫) ରାଜସ୍ଥାନ ଜୟପୁରରେ ଟ୍ରେନ ଦୁର୍ଘଟଣାରେ ୮୫ ମୃତ/ (୧୮୬୪) ଆମେରିକା ହେଲେନାରେ ସୁନା ଠାବ/ (୧୯୨୭) ହାୱାଇ ଦ୍ବୀପକୁ ବିମାନ ଆରମ୍ଭ/ (୧୯୮୭) ତାଇୱାନରେ ସାମରିକ ଶାସନ ଶେଷ ================= 🌱 *ଗଛଟିଏ ଲଗାନ୍ତୁ*🌱

ୟୁପି ବୁଲନ୍ଦସହର ବିଜେପି ନେତାଙ୍କ ଭିଡିଓ ଭାଇରାଲ। ଶ୍ମଶାନ ନିକଟରେ କାର ଭିତରେ ରାହୁଲ ବାଲ୍ମିକୀଙ୍କ ଆପତ୍ତିଜନକ କାର୍ଯ୍ୟ। =================== ଆଜି ଜନ୍ମଦିନ: ରୋମ ସମ୍ରାଟ ଜୁଲିଅସ ସିଜର, ପ୍ରକାଶ ମେହେରା, ଭୈରବ ମହାନ୍ତି ଇତିହାସରେ ଆଜି ଦିନ: (୨୦୧୧) ମୁମ୍ବାଇରେ ତିନୋଟି ବୋମା ବିସ୍ଫୋରଣ/ (୧୮୦୩) କଲିକତାରେ ସ୍କଟିସ ଚର୍ଚ୍ଚ କଲେଜ ଆରମ୍ଭ କଲେ ରାଜା ରାମମୋହନ ରାୟ/(୧୯୬୦) ଜନ କେନେଡି ଆମେରିକା ନିର୍ବାଚନ ଜିତିଲେ/ (୧୯୦୫) କଲିକତାରେ ବ୍ରିଟିଶ ପଦାର୍ଥ ବର୍ଜନ ହେଲା, ପୋଡା ହେଲା/ (୧୯୨୯) ଯତୀନ ଦାସଙ୍କ ଦ୍ୱାରା ଅନଶନ ବିଦ୍ରୋହ/ (୧୯୪୫) ଭାରତକୁ ସ୍ବାଧୀନତା ଦେବା ଆଇନ ବ୍ରିଟିଶ ସଂସଦରେ ପାସ ହେଲା ================= 🌱 *ଗଛଟିଏ ଲଗାନ୍ତୁ*🌱

*ଖବର ଆଜିର, ୧୩ ଜୁଲାଇ, ସୋମବାର* ================= ଆଜିଠାରୁ ବଢିବ ବର୍ଷା। ଆସନ୍ତା ୨୦ ତାରିଖ ପର୍ଯ୍ୟନ୍ତ ଲାଗିରହିବ ବୋଲି ଅନୁମାନ। ସମୁଦ୍ର ଭିତରେ ହେଲା ଭୂମିକମ୍ପ। କେନ୍ଦ୍ରସ୍ଥଳୀ ଓଡ଼ିଶା ଏବଂ ଆନ୍ଧ୍ର ଉପକୂଳର ପାଖ ଅଞ୍ଚଳ। ତୀବ୍ରତା ରିକ୍ଟର ସ୍କେଲରେ ୪.୫। ସୁସ୍ଥ ହୋଇଛନ୍ତି ଦାରୁବ୍ରହ୍ମ। ଦଇତାପତି ସେବକ ରାଜନଅରକୁ ଯାଇ ଗଜପତି ମହାରାଜଙ୍କୁ ମହାପ୍ରଭୁ ସୁସ୍ଥ ହେବାର ଖବର ଜଣାଇଛନ୍ତି। ପୁରୀ ବ୍ରହ୍ମଗିରିରେ ଶ୍ରୀ ଅଲାରନାଥଙ୍କ ପୀଠରେ ଦର୍ଶନ ପାଇଁ ଭକ୍ତଙ୍କ ଭିଡ଼, ପ୍ରଶାସନର ଅବ୍ୟବସ୍ଥାକୁ ନେଇ ଅସନ୍ତୋଷ। ସତର୍କ କଲା ପୁରୀ ପୋଲିସ, ମାତିଛନ୍ତି ସାଇବର ଠକ, କମ୍ ଦାମ୍‌ର ହୋଟେଲ ଅଫରରେ ପଡ଼ନ୍ତୁ ନାହିଁ। ରଥଯାତ୍ରା ପୂଜା ଓ ସେବା ନାଁରେ ଭକ୍ତଙ୍କ ଭାବାବେଗ ସହ ଖେଳ ଖେଳୁଛି ଶ୍ରୀମନ୍ଦିର ନାମକ ଆପ୍। ସତର୍କ କରିଛନ୍ତି ପ୍ରଶାସନ। କେଜିରୁ ପିଜି ମାଗଣା ଶିକ୍ଷାକୁ ନେଇ ଦ୍ବନ୍ଦ୍ବ। ଯୁକ୍ତ୨, ୟୁଜି, ପିଜି ପାଠ୍ୟକ୍ରମରେ ନାମଲେଖା ଆରମ୍ଭ, କିନ୍ତୁ ସ୍ପଷ୍ଟ ନିର୍ଦ୍ଦେଶାବଳୀ ଜାରି କରିନାହାନ୍ତି ସରକାର। ପାଠ୍ୟପୁସ୍ତକ ତ୍ରୁଟି ପ୍ରସଙ୍ଗରେ ଆଜିଠୁ ତଦନ୍ତ କରିବ କ୍ରାଇମ୍‌ବ୍ରାଞ୍ଚ। ଅଠା ବୋଳିବାକୁ ମୁଣ୍ଡ ଖୋଜାହେବ। କେନ୍ଦ୍ର ସରକାରଙ୍କ ଆଇସିଟି ଯୋଜନାରେ ଆରମ୍ଭ ହୋଇଥିବା କମ୍ପ୍ୟୁଟର ଶିକ୍ଷା ଅଚଳ। ୪ହଜାର ବିଦ୍ୟାଳୟରେ ନିର୍ମିତ ହୋଇଥିବା କମ୍ପ୍ୟୁଟର ଲ୍ୟାବ ଖତ ଖାଉଛି। ପୁରୀ-କୋରାପୁଟ ଏକ୍ସପ୍ରେସ୍‌ ଟ୍ରେନରେ ନାହିଁ ଚେୟାର କାର୍‌। ବାଧ୍ୟହୋଇ ସ୍ଲିପର ଟିକଟ କାଟିବେ, ଅଣ୍ଟା ବି ଦରଜ ହେବ। ବିଜେପିକୁ ଡେଇଁଲେ ପୂର୍ବରୁ ବିଜେଡି ଓ କଂଗ୍ରେସରେ ଥିବା ପ୍ରଭାତ ବିଶ୍ୱାଳ। ଚିଟଫଣ୍ଡ ପାଇଁ ପୂର୍ବରୁ ଗାଳି ଦେଇଥିବା ବିଜେପି ନେତାମାନେ ଆଲିଙ୍ଗନ କଲେ। ତାମିଲନାଡ଼ୁର ସୂତାକଳରେ କାମ କରୁଥିବା ବୌଦ୍ଧ ଜିଲ୍ଲାର ଓଡ଼ିଆ ଦାଦନଙ୍କ ମୃତ୍ୟୁ। ଶବକୁ ଆଣିବାକୁ ନିବେଦନ। କଳାହାଣ୍ଡି ଜୟପାଟଣା ବ୍ଲକ ଅମଲାଭଟ୍ଟା ପଞ୍ଚାୟତରେ ଟ୍ରାକ୍ଟରରେ ବୁହା ହେଲେ ଗର୍ଭବତୀ, ହସ୍‌ପିଟାଲ ଯିବା ରାସ୍ତାରେ ଜନ୍ମ ଦେଲେ କନ୍ୟା ସନ୍ତାନ। ରାୟଗଡା ଜିଲ୍ଲା ଗୁଣପୁର ଉପଖଣ୍ଡ ଚିକିତ୍ସାଳୟରେ ଜଣେ ଆସନ୍ନ ପ୍ରସବାଙ୍କୁ ଓଟିରୁ ବାହାର କରିଦିଆଯାଇଥିବା ଅଭିଯୋଗ ହୋଇଛି। କେନ୍ଦୁଝରରେ ଖଣିଜ ସାମଗ୍ରୀ ଚୋରାଚାଲାଣ, ଟ୍ରଲର ଓ ଜେସିବି ସହ ୨ ଗିରଫ। ପାରଳାଖେମୁଣ୍ଡି ଜିଲ୍ଲା ବି. ସୀତାପୁର ନିକଟ ପାହାଡ଼ରୁ ଜେସିବି ରେ ବ୍ୟାପକ ଭାବେ ମୋରମ ଉତ୍ତୋଳନ କରାଯାଉଛି। ପ୍ରଶାସନ ନୀରବ। ବ୍ରହ୍ମପୁରରେ ପୁଣି ଭାଇଗିରି, ବନ୍ଦ କୋଠରୀରେ ଯୁବକଙ୍କୁ ପ୍ଲାଷ୍ଟିକ୍‌ ପାଇପ୍‌ରେ ନିର୍ଘାତ ପିଟିଲେ ଚାରିଜଣ ଯୁବକ, ଭିଡିଓ ଭାଇରାଲ। ନବରଂଗପୁର ଜିଲ୍ଲାର ୫୪ ହାଇସ୍କୁଲରେ ପ୍ରଧାନଶିକ୍ଷକ ଓ ଅନେକ ଶିକ୍ଷକ ପଦବି ଖାଲି ପଡିଛି। ମୟୁରଭଞ୍ଜ ଉଦଳା ମଟର କର୍ମଚାରୀ ସଂଘ ପକ୍ଷରୁ କାର୍ଯ୍ୟବନ୍ଦ ଆନ୍ଦୋଳନ, ଉଦଳାରୁ ଗଡ଼ୁନି ବସ୍। ସୁନ୍ଦରଗଡ଼ରେ ଚାଞ୍ଚଲ୍ୟ: ନାବାଳିକାଙ୍କୁ ଗଣଦୁଷ୍କର୍ମ, ୫ ଅଭିଯୁକ୍ତ ଥାନାରେ ଅଟକ। ଅନୁଗୋଳ ଜିଲ୍ଲାର ବନ୍ତଳା ରେଞ୍ଜରେ ଜଙ୍ଗଲୀ ବାରହା ଆକ୍ରମଣରେ ୩ ଗୁରୁତର। ନବରଙ୍ଗପୁର ରାଇଘରରେ ବାଇକକୁ ୪ କିମି ଘୋଷାଡ଼ି ନେଲା ଦ୍ରୁତଗାମୀ ଟ୍ରକ୍‌, ବାପ ଓ ଦୁଇପୁଅ ମୃତ। ଗଂଜାମ ନିମଖଣ୍ଡିରେ ନିଜ ବାପାଙ୍କ ବିରୋଧରେ ନିର୍ଯାତନା ଅଭିଯୋଗ ଆଣି ଆତ୍ମାହୁତି ଉଦ୍ୟମ କରିଥିବା ମହିଳା ରାଜଲକ୍ଷ୍ମୀଙ୍କ ମୃତ୍ୟୁ। ଭୁବନେଶ୍ୱର ତମାଣ୍ଡୋରେ ଟ୍ରକ ଧକ୍କାରେ ଜଣଙ୍କର ମୃତ୍ୟୁ, ସିଆରପିଏଫ ଛକରେ ଗାାଡ଼ି ଧକ୍କାରେ ଜଣେ ମୃତ ଜଣେ ଆହତ। ଝାରସୁଗୁଡ଼ା ପୁଲିସ ବିଦେଶୀ ମଦ ଦୋକାନକୁ ଟାର୍ଗେଟ କରୁଥିବା ଏକ ଅନ୍ତଃଜିଲ୍ଲା ଲୁଟେରା ଗ୍ୟାଙ୍ଗର ୪ ଜଣ ସଦସ୍ୟଙ୍କୁ ଗିରଫ କରିଛି। ବାଲେଶ୍ବର ସୋର ନିକଟ ଗୋପୀନାଥପୁର ଗାଁରେ ବାହାଘର ଭୋଜି ଖାଇ ୫୦ରୁ ଅଧିକ ଲୋକ ଅସୁସ୍ଥ ହୋଇଛନ୍ତି। 🇳🇪 ଜାମ୍ମୁ କାଶ୍ମୀରରେ ଏନ୍‌ସି ବିଧାୟକଙ୍କୁ ଦଳବଦଳ ପାଇଁ ବିଜେପି ୨୦-୩୦ କୋଟି ଟଙ୍କାର ପ୍ରଲୋଭନ ଦେଇଛି ବୋଲି ଅଭିଯୋଗ କଲେ ଓମାର ଅବଦୁଲ୍ଲା। ଉତ୍ତରାଖଣ୍ଡରେ ପ୍ରବଳ ବର୍ଷାରେ ହସ୍ପିଟାଲ କାନ୍ଥ ଭୁଶୁଡ଼ି ଡାକ୍ତରଙ୍କ ମୃତ୍ୟୁ। ଭାରତୀୟ ନୌସେନାରେ ଯୁଦ୍ଧଜାହାଜ ଆଇଏନ୍‌ଏସ୍‌ ମହେନ୍ଦ୍ରଗିରି ସାମିଲ ହେଲା। ଭାରତରେ ସଘନ ଭୋଟର ତାଲିକା ସଂଶୋଧନ (ଏସ୍‌ଆଇଆର୍‌) କୁ ନେଇ ଜାତିସଂଘର ତିନିଜଣ ବିଶେଷଜ୍ଞ ଭାରତକୁ ଚିଠି ଲେଖି ଉଦ୍‌ବେଗ ପ୍ରକାଶ କରିଛନ୍ତି। ଅଯୋଧ୍ୟା ରାମମନ୍ଦିର ଦାନଟଙ୍କା ଚୋରି ଘଟଣା: ୪୦ ଦିନରେ ୭୦ ଥର ଟଙ୍କା ଚୋରି ହୋଇଥିଲା ବୋଲି ତଦନ୍ତରୁ ଜଣାପଡିଛି। ଭାରତକୁ ପୁଣି ଫେରିଲା କୋଭିଡ୍‌-୧୯।ଆନ୍ଧ୍ରପ୍ରଦେଶରେ ୨ ମୃତ୍ୟୁ। ନେପାଳରେ ବେରୋଜଗାର ଓ ଅର୍ଥନୈତିକ ଦୁର୍ଦ୍ଦଶାକୁ ନେଇ ପୁଣିଥରେ ଜେନ୍‌ ଜି ଆନ୍ଦୋଳନ। ତିନି ଦିନରେ ତିନିଟି ଆତ୍ମଦାହ ଉଦ୍ୟମ। WhatsApp Channel join https://whatsapp.com/channel/0029VaUgRXG5fM5gVRc7391u M ପୂର୍ବ ଚୀନ୍‌ରେ ବାତ୍ୟା ‘ବାବୀ’ର ତାଣ୍ଡବ: ୨୨ ଲକ୍ଷରୁ ଅଧିକ ଲୋକଙ୍କୁ ସ୍ଥାନାନ୍ତର। 🚴🏾‍♂️⚽🏏 ନ୍ୟୁଜିଲାଣ୍ଡ ବିପକ୍ଷ ପ୍ରଥମ ଦିନିକିଆକୁ ୭ ୱିକେଟ୍‌ରେ ୱେଷ୍ଟଇଣ୍ଡିଜ ଜିତି ନେଇଛି। ଫିଫା ରେ ସ୍ୱିଜରଲ୍ୟାଣ୍ଡ ୩-୧ରେ ପରାସ୍ତ, ସେମିଫାଇନାଲରେ ଆର୍ଜେଣ୍ଟିନା। ୨-୧ରେ ଇଂଲଣ୍ଡ ବିଜୟୀ, ନରୱେର ବିଶ୍ୱକପ୍ ସ୍ୱପ୍ନ ଭାଙ୍ଗିଲା। ଫିଫା ବିଶ୍ବକପ୍‌ରେ ଆର୍ଜେଣ୍ଟିନା ଅଧିନାୟକ ଲିଓନେଲ ମେସି ପ୍ରଥମ ଖେଳାଳି ଭାବେ ବିଶ୍ବକପ୍‌ରେ ୧୦ ଗୋଲ୍‌ କଲେ। ଜର୍ମାନୀରେ ଓଡ଼ିଶାର ପ୍ରତିଷ୍ଠିତ ଧାବକ ଅନିମେଷ କୁଜୁର ପୁରୁଷ ୧୦୦ ମିଟର ଫାଇନାଲକୁ ୧୦.୧୪ ସେକେଣ୍ଡରେ ଶେଷ କରି ରୌପ୍ୟ ପଦକ ଜିତିଲେ। *ଗତବର୍ଷ ଏଇ ସମୟରେ* ୧୨ ଜୁଲାଇ ୨୦୨୪ ରେ ପୁରୀରେ ରାଜ୍ୟପାଳଙ୍କ ପୁଅ ସରକାରୀ କର୍ମଚାରୀଙ୍କୁ ଛେପ ଚଟେଇଥିଲେ, ମୁଥମାରି ରକ୍ତାକ୍ତ କରିଥିଲେ। ଜିଲ୍ଲାପାଳଙ୍କ ତଦନ୍ତ ସରିନି। ଚର୍ଚ୍ଚିତ ରାଣୀ ମହୁମାଛି ଅର୍ଚ୍ଚନା ନାଗ ମୁଖ୍ୟମନ୍ତ୍ରୀଙ୍କ ଅଭିଯୋଗ ପ୍ରକୋଷ୍ଠରେ। ସ୍ୱତନ୍ତ୍ର ସଚିବଙ୍କ ସହ ଆଲୋଚନା, ତାପରେ ଡାକିଲେ ପ୍ରେସମିଟ।