Башҡорт донъяһы

Күҙ теймәһен, ҡурсаҡтай! 😍 Видео: Таңсулпан Сәғитова.

Яратҡан баш ҡалабыҙ талантлы рәссам күҙлегенән. Ҡайсаҡ беҙ иғтибар итмәгән ябай нәмәләрҙең үҙ матурлығы. 🏡 Һүрәт: Елена Абушахмина.

📌 "Башҡортостан геройҙары" программаһының һуңғы - дүртенсе белем биреү модуле тамам. Хәҙер унда ҡатнашыусы яугирҙар дәүләт һәм муниципаль хеҙмәткә тулыһынса әҙер, тиһәк тә була. Ни бары йомғаҡлау эшен генә яҡларға ҡалған. Тулыраҡ - Вәлитов-TV сюжетында. https://vkvideo.ru/video-229671171_456239071

🏙️ Ҡала көнө уңайынан ҡыҙыҡ видео: бөтә урындарҙы ла танынығыҙмы? Видео: Добрые новости Башкортостана.

📌 Шәйехзада Бабич музейында "Минең тыуған яғым" республика музей акцияһы сиктәрендә "Рәсәйем, ғорурланам һинең менән!" патриотик сәғәте үткән. Сарала Дүртөйлө районының Ш. Бабич исемендәге Әсән ауылы мәктәбенең "Йәйғор" лагерына йөрөүсе балалар ҡатнашҡан. 🔹 Тәүҙә уҡыусылар музей менән танышҡан: башҡорт шағиры Шәйехзада Бабичтың тормош юлы һәм ижады, Дүртөйлө районын данлаған яҡташтары тураһында белгән. 🔹 Шунан иғтибарлығын һәм белемдәрен һынаған: төрлө һорауҙарға яуап биргәндәр. 🔹 Ижади оҫталыҡ дәресендә балалар боронғо һөнәр - кейеҙ баҫыу серҙәренә өйрәнгән. Бик ҡыҙыҡһынып үҙ ҡулдары менән бәләкәй генә әйберҙәр эшләп ҡарағандар.

📌Сапсан балаларына Һомай, Толпар һәм Алтынай тип исем биргәндәр. Өфөләге "Уралсиб" банкы ҡыйығында оялаған сапсандар быйыл өс йомортҡа һалып, баҫып сығарҙылар. Ошо көндәрҙә орнитологтар ҡошсоҡтарҙы тамғалап, үлсәп, ҡушамат биргән. Хәҙер Һомай, Толпар һәм Алтынай тигән ҡошсоҡтар бар.

📌 Башҡортостанда Рәсәй көнө Дуҫлыҡ монументына һәм "Өфө - хеҙмәт ҡаһарманлығы ҡалаһы" стелаһына сәскәләр һалыуҙан башланды. Башҡортостан Республикаһы Башлығы Радий Хәбиров журналистарға был байрамдың әһәмиәте тураһында һөйләгән.

📌 Рәсәй Геройы Вәсил Ямалетдинов - Башҡортостан Республикаһы Башлығы академияһы студенты. Рәсәй көнө алдынан Башҡортостан Республикаһы Башлығы ҡарамағындағы Башҡортостан дəүлəт хеҙмəте һəм идара итеү академияһы студенттары рәтен Салауат районында тыуып үҫкән яугир Вәсил Ямалетдинов тулыландырҙы. Ул дәүләт һәм муниципаль идаралыҡ һәм иҡтисад факультетына уҡырға алынған. 📍 Вәсил Камил улы Башҡорт Илсекәйе ауылында тыуған. Тормошон хәрби хеҙмәт менән бәйләй: Алыҫ Көнсығышта әрме хеҙмәтен үтә, шунан Оборона министрлығы менән килешеү төҙөй. Махсус хәрби операцияның тәүге көндәренән алып алғы һыҙыҡта. Өс тапҡыр ҡаты яралана, әммә ваҡыт сафҡа ҡайта. Бөгөн ул 60-сы айырым мотоуҡсылар бригадаһының мотоуҡсылар батальоны ротаһы менән командалыҡ итә. ⭐ 2025 йылдың декабрендә капитан Ямалетдинов етәкселегендәге подразделение беренселәрҙән булып Запорожье өлкәһенең Гуляйполе ҡалаһына үтеп инә, төп көстәр килеп еткәнсе позицияларҙы һаҡлай. Батырлығы өсөн уға Рәсәй Геройы исеме бирелде. Ватанды һаҡлаусылар көнөндә "Алтын Йондоҙ" миҙалын уға Рәсәй Президенты Владимир Путин тапшырҙы. 🔥 Хәҙер хәрби хеҙмәт менән уҡыуҙы берләштереп, Вәсил Ямалетдинов илгә артабан да хеҙмәт итеү өсөн системалы белем аласаҡ. Араларында бындай студент уҡыуы - йәштәргә һәм уҡытыусыларға көслө тәрбиә үрнәге, тип билдәләнеләр юғары уҡыу йортонда.

📌 Бөгөн, 12 июндә, Рәсәй көнө билдәләнә. Был көн тыуған еребеҙ һәм илебеҙ өсөн шатлыҡ, берҙәмлек һәм ғорурлыҡ менән тулы булһын. Беҙҙең республика Рәсәйҙең терәк төбәге — иҡтисадты үҫтергән, милләт-ара татыулыҡты, традицион ҡиммәттәрҙе һаҡлаған илдең ныҡлы терәге булып тора. Рәсәй көнө алдынан Башҡортостан Башлығы Радий Хәбиров республика халҡына федераль һәм республика наградаларын тапшырҙы. Улар араһында – ил Президенты Владимир Путиндың наградалары. Беҙҙең роликта – тыуған ил мәнфәғәте өсөн көн һайын эшләүселәр.

Рәсәй көнө һәм Ҡала көнө менән тәбрикләйбеҙ!🎉 Аяҙ күк йөҙө, һәр йортҡа ҡот һәм бәхет, киләсәккә ышаныс теләйбеҙ.

📌 Төркиә ҡыҙы "Урал батыр" эпосын яттан һөйләй. Ул Башҡортостанда үткән эстафетаға ҡушылған, ә һеҙ? Башҡорт донъяһы МАХ-та

📌 Төркиә ҡыҙы "Урал батыр" эпосын яттан һөйләй. Ул Башҡортостанда үткән эстафетаға ҡушылған, ә һеҙ? Башҡорт донъяһы МАХ-та

📌Ил һаҡсыларының исеме - хәтерҙә мәңгелек Бына тағы бер матур яңылыҡ - Мәсетле районы Әбдрәхим ауылы халҡы Бөйөк Ватан һуғышы яугирҙарына арналған стеланы яңыртҡан. ⚡Был тәҡдим менән тәүҙә "Ағинәй" йәмәғәт ойошмаһы рәйесе Сажиҙә Фәйзрахманова сыҡҡан - ауылдаштар дәррәү күтәреп алған. Ниәт - ярты ғәмәл, ти. Оҫта ҡуллы Фадиян Ғәүнетдинов проектын эшләгән, бөтәһе лә хуплағас, ауылдаштар йыйылышып 149 мең аҡса туплаған. Стеланы мәрмәр плиталарға ҡуйылған кирбес рәүешендә ҡуйғандар. Унда мәрмәр таҡтаташҡа 80 яугирҙың исем-шәрифе соҡоп яҙылған. 📍Әйткәндәй, быға тиклем бында фронтовиктарҙың исемдәре яҙылған плиталар профилле торбаларға беркетеп кенә ҡуйылған булған, ә хәҙер бына ауылдың бер үҙәге, тарихи урыны булырҙай ыҡсым һәм тәрбиәле урынға әйләнгән. Стеланы асыу тантанаһында Мәсетле районы хакимиәте башлығы Әнис Әсәҙуллин, Юныс ауылы биләмәһе башлығы Рәүеф Ниғмәтуллин, райондың башҡорттар ҡоролтайы рәйесе Зәлифә Ғәллиуллина, ауыл халҡы ҡатнашҡан. Барыһы ла был изге эште бойомға ашырыуҙа ярҙам иткән ауылдаштарға рәхмәт һүҙҙәрен еткергән, район хакимиәтенең Рәхмәт хаттары ла тапшырылған. 💯"Ейән-ейәнсәрҙәр, бүлә-бүләсәрҙәр был обелискыла уҡып яҙылған исемдәрҙе белергә тейеш", - ти район хакимиәте башлығы Әнис Ҡасим улы. Белерҙәр, тип ышаныс менән әйтә ала хәҙер әбдрәхимдәр👍

Йома мөбәрәк булһын 😇

📌Хәрби хеҙмәт ветераны, БР Диңгеҙ йыйылышы ағзаһы, рәссам, үҙешмәкәр композитор, "Аманат" башҡорт фольклор ансамбле солисы, "Филантроп" халыҡ-ара премияһы лауреаты, Б. Рафиҡов исемендәге премия лауреаты Фәнил ЯМАНАЕВтың ижад кисәһе үткән. Фәнил Сафуан улы Мәләүез районы Смаҡ ауылында тыуған. Быйыл ул үҙенең 70 йәшлек юбилейын билдәләй һәм ошо айҡанлы "Ватанға хеҙмәт итәм" тип исемләнгән күркәм сара ойошторған. Ул быны ирекмәндәргә ярҙам итеү сиктәрендә эшләгән. 🔥Һатылған билеттарҙан алынған барлыҡ аҡса МХО яугирҙарына ярҙам итеүсе "Йөрәк ҡушыуы буйынса" ойошмаһына кәрәк-яраҡ һатып алыуға йүнәлтелгән. Ижад кисәһендә "Аманат" башҡорт фольклор ансамбле, "Йәшлек" бейеү студияһы, башҡорт хоры, Д. Бүләков исемендәге мәктәп уҡыусылары, "Древо" фолк-төркөмө һәм Мәләүез еренең талантлы йырсылары сығыш яһаған. Бына шундай матур хәбәр менән бүлешкән мәләүездәр. Халыҡҡа матур ял ойошторған һәм мөһим бурыстарын да бер юлы үтәгән Ватанға хеҙмәт итеүсе яҡташтарыбыҙға - афарин!👏 Башҡорт донъяһы МАХ-та

📌Рәсәй һәм Ҡала көндәре - Өфөлә Иртәгә Рәсәй һәм Ҡала көндәре билдәләнә. Ошо айҡанлы төрлө байрам саралары ойошторола. 🔥 "Рәсәй йөрәгендә - Өфөм" тип аталған төп байрам сараһы баш ҡалалағы Ленин исемендәге майҙанда Рус драма театры алдында уҙғарыла. Ҡунаҡтарҙы сәғәт көндөҙгө 12-нән киске 8-гә тиклем сағыу байрам концерты, һөнәрселек йәрминкәһе, аш-һыу, төрлө әүҙемлектәр көтә. 🔹 Шулай уҡ сәғәт төшкө 12-нән киске 6-ға тиклем Өфөнөң төрлө райондарында ижади байрам концерттары үтәсәк: Орджоникидзе исемендәге майҙанда, Аксаков баҡсаһында, "Дим", "Беренсе Май", "Тулҡын", "Ҡашҡаҙан", Якутов исемендәге парктарҙа. 🔹 Шашка, шахмат, нард, гер күтәреү, армрестлинг буйынса көс һынашырға теләһәгеҙ - "Беренсе Май" паркына барығыҙ. 🔹 Ә бына "Ҡашҡаҙан"ға һаулыҡ мөмкинлектәре сикләнгән кешеләр өсөн ярыштар һәм балалар баҡсаһы тәрбиәләнеүселәре араһында "Күңелле старттар - 2026" фестивале, Якутов паркында "Атай, әсәй, мин - спортив ғаилә" байрамы көтөлә. 🔹 12 июндән 14-нә тиклем "Өфө-Арена" тапҡырында "ЕСТ ФЕСТ" ҡала тәғәмханалары фестивале ойшторола - 80 яҡын йәмәғәт туҡланыуы ойошмаһы ҡатнаша. 🔹 "Сәғәт" фонтаны алдындағы майҙансыҡта Өфө хакимиәте Кубогына милли көрәш үтә. 🔹 Ат сабышын ҡарарға теләүселәр "Аҡбуҙат" ипподромына бара ала - бында сәғәт төшкө 1-ҙә бәйге башлана. 📍Юлдарҙа хәрәкәт үҙгәртелә: 🔸 Сикләүҙәр 11 июнь киске сәғәт 11-ҙә ғәмәлгә инә һәм 12 июнь сәғәт төшкө 1-гә тиклем Октябрь Революцияһы урамы яғынан Дуҫлыҡ монументының өҫкө майҙансығындағы парковка ябыла. 🔸 Бынан тыш, 11 июнь сәғәт киске 10-дан 12 июнь сәғәт киске 9-ға тиклем Рус драма театры алдындағы парковка менән ҡулланыу һәм Ленин паркы буйлап юлдан үтеп булмаясаҡ. 🔸 12 июндә сәғәт иртәнге 7-нән төшкө 1-гә тиклем Сочи урамынан Ағиҙел күпере аҫтындағы юлға тикелм Яр буйы урымы ябыҡ буласаҡ. 🔸 Автобус, троллейбус һәм трамвайҙар ял көнөндә кеүек эшләйәсәк.

Хәйерле көн☀️ Ҡот, ырыҫ, бәхет бирһен һәр кемгә 💟 Фото: Әсәй-Бесәй.

📌 "Урал батыр"ға арналған күргәҙмәне күреп өлгөрөгөҙ! Дуҫтар, 19 июнгә тиклем Күсмә халыҡтарҙың Евразия музейының "Турахан" визит-үҙәгендә башҡорт халыҡ эпосына арналған һүрәттәр һәм этник костюмдарҙан торған күргәҙмә эшләй. 📍 Бынан тыш, 16 июндә сәғәт көндөҙгө 12-лә халыҡтың рухи ҡомартҡыһына бағышланған ижади осрашыу һәм концерт була. Барығыҙ, күрегеҙ, илһам алып ҡайтығыҙ 😉