Muhammad Temur A’zam

Она тилимиз учун муҳим ислоҳот Олий Мажлис Қонунчилик палатаси лотин ёзувига асосланган ўзбек алифбосини ислоҳ қилиш тўғрисидаги қонун лойиҳасини қабул қилиб, Сенатга юборди. Бу 1995 йилда қабул қилинган муаммоли имло ечимини бартараф этишга қаратилган муҳим қадам бўлди. Аслида 1993 йилги алифбо лойиҳасида Ç, Ş, Ğ ва Ö каби яхлит ҳарфлар назарда тутилган эди. Аммо 1995 йилда улар ўрнига Ch, Sh, G‘ ва O‘ каби қўшҳарфлар ва апострофли шакллар жорий қилинди. Натижада ўзбек тили ўттиз йил давомида имло, рақамли технологиялар ва саводхонлик билан боғлиқ қатор муаммоларга дуч келди. Янги қонун лойиҳаси амалдаги 26 та ҳарф ва 3 та ҳарфлар бирикмасидан иборат алифбо ўрнига 28 та мустақил ҳарф ва 1 та тутуқ белгисидан ташкил топган тизимни жорий этишни назарда тутмоқда. Бу эса қўшҳарфларни камайтириб, матнни ихчамлаштиради, ўқиш ва ёзишни енгиллаштиради, имловий чалкашликларни бартараф этишга ҳамда рақамли тизимларда ўзбек тилидан самарали фойдаланишга хизмат қилади. Апострофли имло натижасида «Oʻzbekiston» сўзи турли жойларда бир неча хил кўринишда ёзила бошлади. Бу эса амалдаги алифбо тизими етарлича қулай эмаслигини яққол кўрсатади. P.S. Кундалик ҳаётда кирил алифбосидан фойдаланишни маъқул кўрсам ҳам, лотин алифбосига асосланган алифбога тўлиқ ва тезроқ ўтиш тарафдори бўлганман. Аввал бошида зўр ўйланган бўлса ҳам, амалга оширилиши турли баҳоналар билан кечиктирилди. Энди қатъий ирода кўрсатадиган пайт келди.

“Дунёда раҳбарлар танқислиги бор, аммо Ўзбекистон буюк етакчига эга” — Грузия Бош вазири Президент Шавкат Мирзиёевнинг Грузияга амалга оширган давлат ташрифи якунланди. Ташриф якунида давлат раҳбарини аэропортда кузатиш чоғида журналист Жаҳонгир Олимов Грузия Бош вазири Ираклий Кобахидзеден эксклюзив интервью олди. Грузия ҳукумати раҳбари икки давлат ўртасида ўтган олий даражадаги музокаралар ва эришилган келишувларни юқори баҳолар экан, Ўзбекистон раҳбари ҳақида ҳам алоҳида фикр билдирди. «Дунёда раҳбарлар танқислиги бор. Аммо Ўзбекистон буюк бир етакчига эга. У мамлакатни ривожлантиришга тўлиқ ўзини бағишлаган чинакам раҳбар. Унинг улкан ютуқлари айнан шахсий етакчилиги самарасидир», — деди Ираклий Кобахидзе.

Xohlaganday yashash huquqmi? Gurung 13-son Gurung suhbatlarining navbatdagi soni mehmoni — huquqshunos Javohir Shukurov.

Huquqiy madaniyatni rivojlantirish uchun hamma yuridik universitetni bitirishi shart emas. Buning uchun huquqshunos diplomining keragi yo‘q. Bilingki, sizning huquqlaringiz boshqa bir insonning huquqlari boshlangan joyda tugaydi. Mashinani taqiqlangan joyga qo‘ymaslik, internetda haqoratli izoh yozmaslik va tunda qo‘shnilarni bezovta qilmaslik ham huquqiy ong belgisidir. Har qanday shartnomani imzolashdan avval uning oxirgi satrlarigacha o‘qish, do‘kondan chek talab qilish va har bir to‘lovning asosini so‘rash — bu huquqiy madaniyatdir.

Siz oxirgi marta qachon o‘z huquqingizni himoya qila oldingiz?

Izohlarda yozib qoldiring, biz ularni albatta o‘qiymiz va keyingi sonlarda tahlil qilamiz. 📹 Premyera @gurungpodkasti

Мен овоз бердим. Жаҳон чемпионатида ўзимиздан из қолдириш имконияти бор. 2-3 дақиқа кетади холос.

Эрталабдан терма жамоамизнинг ўйинини муҳокама қилдик Вақт бўлса кўринглар. https://www.youtube.com/live/BDhm6mKnHk8?si=2a8qaJ6HRk5kEjLm

Муҳаммад Содиқ Петр Чехнинг ҳақиқий мухлиси эканига далил)

“Qiymat” klubining navbatdagi soni ⚡️ 🤗 An’anaviy tarzda oʻtkazib kelinayotgan mazkur klubning bu galgi uchrashuvi 25-iyun kuni, soat 10:00da Seoul Mun filialimizda bo‘lib o‘tadi. Bu safar O‘zbekiston Milliy axborot agentligi Sun’iy intellekt loyihalar ofisi koordinatori, media va kontent loyihalarni boshqarish bo‘yicha mutaxassis Saidaziz A’zamov klubimiz mehmoni bo‘ladi. 🔥 Spiker bilan “20 yoshimgacha nega bu haqda aytishmagan?” kitobi muhokama qilinadi. 🚀 Kitob mazmunidan kelib chiqsak, ushbu tadbir o‘smir va balog‘at yoshidagi, endi mustaqil hayotga qadam qo‘yayotgan yoshlarga manfaatli bo‘lishiga ishonamiz. Joylar soni cheklangan, atigi 30 nafar kitobxon ishtirok etoladi. 🔗 Ushbu havola orqali ro‘yxatdan o‘tishingiz mumkin. @qiymat_klubi

Пиво фестивали ташкилотчилари жазоланди Шу йилнинг 5-7 июнь кунлари Тошкентда ўтган пиво фестивали ташкилотчилари жазоланди. Ўзбекистон Республикаси Президенти маслаҳатчиси Русланбек Давлетовга Ўзбекистон Республикаси Меҳнат Кодексининг 312-моддасига кўра, ҳайфсан интизомий чораси қўлланилди. Моддий рағбатлантириш кўрсаткичи бекор қилинди. Русланбек Давлетов раҳбарлик қиладиган хизматнинг бош инспектори Суҳроб Юсупов Президент Администрацияси раҳбарининг фармойиши билан лавозимидан озод қилинди. Фармойиш ижроси Администрация Комплеанс хизмати бошлиғи Эркин Юлдашев ва Ишлар бошқармаси бошлиғи Зелимхон Ҳайдаров зиммасига юклатилди. Фикримча, мазкур қарор мутлақо объектив ва жамоатчилик истаган қарордир. Салқин ичимликлар ниқоби остидаги бу тадбир на қонунга ва на қадриятларга мосдир. Ўтган йили ҳам ахлоқсизликка айланиб кетган, жамиятда зиддиятлар қўзғатган бу тадбирни танқид қилганимда жанобнинг тарафдорлари кибер нишонига айлангандим. Ким қилмагай — ким топмагай. Шаҳар бедарвоза эмас, ҳар қандай уқувсизлик, миллат манфаатига қарши бориш жазоланиши керак. Президент миллий генофонд тақдири учун қайғуриб, гиёҳвандлик ва бошқа иллатларга уруш очган бир пайтда бундай назорат қилинмайдиган тадбирларга бош бўлиш сиёсий кўрликдир. ©️Абдураҳмон Ташанов

Ўғлим билан футбол ҳақида суҳбат

Ҳар қандай соҳага эътибор берилса, тўғри ёндашув қилинса натижа бўлади. Ўзбекистон футболида бугунги ютуқлар шунчаки бўлгани йўқ.

“Сафар қилинг, саломат бўласиз”.

Тўғриси, президентнинг эртага иш вақтини соат 10:00 дан бошланиши бўйича топшириқ берганидан хурсанд бўлдим. Ўзбекистон миллий терма жамоаси тарихда илк бор жаҳон чемпионатига чиқди. Эртага эса мундиалдаги биринчи ўйинини ўтказади. Бу кунни миллионлаб одамлар йиллар давомида кутгани бор гап. Ўйин эрталаб 7:00 да бошланса, то тугагунга қадар соат 9:00 лар бўлиб қолади. Ишга боргунча яна бир соат ўтиб кетади. Шундай пайтда давлат ҳам одамларнинг кайфиятини, қизиқишини ва эҳтиросини инобатга олаётгани яхши ҳолат. Баъзан одамларнинг кайфиятини тушуниш юзлаб расмий баёнотлардан кўра кучлироқ таъсир қилади. Эртагаги ўйиннинг натижаси қандай бўлишидан қатъи назар, деб ақлли гап ёзгим келяптию, лекин миллий жамоамиздан ғалаба, энг камида дуранг кутяпман. Илк ўйиндаёқ илк голни уриш, илк очкони қўлга киритишнинг гашти бошқача, қўшиласизми шу фикрга?

Kitobxonlik klubimizga marhamat! 🖌 ​📚 “Matn ortida” kitobxonlik klubining navbatdagi sonida jurnalist hamda muharrir Orif Tolib bilan suhbatlashamiz. ​Mazkur uchrashuvda Ahmad Shimshirgil qalamiga mansub “Amir Temur” kitobi muhokama qilinadi. Muhimi, klubimiz barcha kitobsevarlar uchun ochiq: agar siz ham ushbu asarni o‘qigan bo‘lsangiz yoki tarixiy mavzularga qiziqsangiz, biz bilan birga muhokamada ishtirok etishingiz mumkin. ​⚡️ Uchrashuv 16-iyun, soat 20:00da Chorsu filialimizda bo‘lib o‘tadi. ​🔗 Ishtirok etishni istaganlar hoziroq ro‘yxatdan o‘tishlari mumkin. ​Darvoqe, uchrashuvda faol qatnashib, eng yaxshi savol yo‘llagan ikki ishtirokchi 100 000 so‘mlik vaucher bilan taqdirlanadi. 😍 ​@matn_ortida

Do’stlar, yodingizda bo’lsa, bir yilcha avval xayriya e’lon qilib, buyrak yetishmovchiligi dardi va yuragidagi muammolar bilan kurashayotgan Turdivoy akaga biroz yordam yiqqandik. Yuqoridagi post orqali bu inson haqida to’liqroq ma’lumot olishingiz mumkin. O’sha paytda qilgan ehsonlaringiz orqali (8 mln 890 ming) oila yig’ilib qolgan qarzlarini imkon qadar to’lab olgan, shuningdek, zarur bir-ikki dorilarni sotib olgan edi. Ijtimoiy himoya agentligi yo’llanmasi bilan ko’rsatilgan muolajalar orqali esa Turdivoy akaning sog’lig’i biroz yaxshilangandi ham. Ammo bugunga kelib akaning ahvoli yana og’irlashibdi. U kishiga yopishgan dard juda og’ir ekanki, har ikki-uch kunda qonini yuvib turish kerak (dializ). Bunga esa bilasiz, ozmuncha pul ketmaydi. Turdivoy akaning ayoli sal avval qo’ng’iroq qildi. Har kuni uyga tez yordam keladi. Ular ham “endi shaharga olib boring, qon yuvdirish kerak, biz qiladiganimizni qildik”, deyapti. “Lekin uyda bobongni shaharga olib borib, har ikki kunda qon yuvdirish uchun beradigan pul, sotadigan hech narsa yo’q. Nima qilay, bolam?”, deya rosa yig’lab oldi. Men esa sizlarga yuzlanyapman. O’zim kafilman, shu oila bugun yordamimizga haqiqatda muhtoj. Imkoningiz yetsa, yordam qiling. Ehsoningizni dargohida qabul qilsin. Karta Turdivoy akaning o’z nomida: 9860082453096560

Сифатли фото ва видео материаллар бир жойга жамланмоқда Газетада ишлаган пайтларимда, айниқса 2010-2017 йилларда хабар ва мақолалар учун расм топишга қийналардик. У пайтда ечим топиш осон эмасди. Google орқали қидирганда ё расмларнмнг сифати паст бўларди, ё устида логотип турарди. Пойтахтга оид расмларни бир амаллардик, ҳудудларга оид суратларни топиш жуда қийин эди. Ҳозирги кунда хорижий платформаларда Ўзбекистон деб қидирсангиз чиқадиган аксар расм фойдаланишга ярамайди. Мана шу муаммога жавоб сифатида Aura.uz платформаси тест режимида ишга тушди. Президент Администрацияси ҳузуридаги Контент маркази томонидан яратилган ушбу медиабанк Марказий Осиёдаги илк шундай кўринишдаги платформа ҳисобланади. Ҳозирда 12 000 дан ортиқ фото, видео ва инфографика жамланган, сервердаги умумий ҳажм — 6 терабайт. Ҳар куни 200 та янги контент қўшиб борилмоқда. Техник афзалликлари: — HD, Full HD, 4K форматлар; — Логотип, ёзув, субтитрсиз материаллар; — Горизонтал (16:9) ва вертикал (9:16) форматлар; — Фасл, кун/тун, ҳудуд ва соҳа бўйича филтр. Контент йўналишлари: — Санъат ва маданият; — Урбанизация ва замонавий шаҳар; — Спорт; — Тарихий обидалар; — Табиат; — Миллий анъаналар; — Президент ташрифлари; — “Янги Ўзбекистон” туркуми. МТРК, ЎзА ва вазирликларнинг материаллари бир жойга йиғилди. Энди буларнинг барчасидан бепул фойдаланиш мумкин. Журналист, блогер, дизайнер ва медиа ходим — ким бўлишидан қатъи назар, бу платформадан барча фойдалана олади. Яна бир муҳим жиҳат: платформа контентлари фақат админлар томонидан жойланмайди. Исталган сураткаш ёки видеооператор ўз материалларини Aura.uzга юклаши мумкин. Келажакда монетизация тизими ҳам режада бор.

Куни кеча Тошкентда “салқин ичимликлар фестивали” деган ном билан ўралган пиво фестивали бўлиб ўтди. Спиртли ичимликлар шаръан ҳаром эканини энг ашаддий ичувчилар ҳам билишини инобатга олиб, бу ҳақда гапиришни ўз эгаларига қолдирамиз. Инстаграмда қолдирилган постда шу фестивал ўтказилган жойда яшайдиганлар шовқин-сурондан қанчалик қийналгани, ҳатто ўз уйларига кира олишмагани ҳақида ёзишган. Бу ҳақда кимдир ўйлайдими?

Ўзбекистон МТЖнинг Мундиал сари йўлига бағишланган “ЗАРБА” подкастининг навбатдагисини томоша қилинг ЖЧ-2006 ва ЖЧ-2010 муҳокама қилинган. Меҳмонлар: @xayrulla_hamidov ва @Jamoliddin_bobojonov Бошловчилар: мен ва @muhrim 📱Youtube’да томоша қилинг: https://youtu.be/kpS757TkwRM?si=-9BcC6I2_PvaUS2X

Сўз эркинлиги тарафдорлари Стрикленднинг оғзини ёпяпти UFC ўрта вазн чемпиони, ўз таъбирига кўра “ягона америкалик эркак чемпион” Шон Стрикленднинг 14 июнь куни Оқ уйда бўлиб ўтадиган UFC Freedom 250 тадбирига кириши тақиқланди. Нима учун? Шон воқеага қуйидагича изоҳ берди: “Исроил ва Эпштейнни масхара қилдим. Трамп Нетаняҳу томонидан бошқарилади, дедим. Бу шахсий фикр эмас — факт”. Жангчининг айтишича, унга UFC катталари қўнғироқ қилган: “Улар менга 'Шон, UFC 250 Исроил Edition’га бора олмайсан — сен у ерда бўлишга муносиб эмассан', дейишди. Аввал бошданоқ мазкур тадбирга чипта сотилмаслиги айтилганди. 5 000 ўринга меҳмонлар фақат таклифнома орқали чақирилиши белгиланган. Таклиф қилинганлар орасида ҳарбий хизматчилар бор. VIP меҳмонлар бор. Нетаняҳунинг ўзи ҳам бор. Чемпион Стрикленд эса йўқ. Ҳарбийларнинг оиласига қарата Шон шундай деган эди: “Исроил/Трамп уруши учун 5 000–15 000 доллар қўшимча тўлаётган оилалар — сизлар нонкўрсизлар. Трамп ва Исроил номидан жон берган 12 аскарнинг қурбонлигига шукр қиламан. #MIGA”, деб ёзганди у. Стрикленд шу масалада гапиргани, сўз эркинлигидан фойдалангани учун жазоланди. Бу воқеа демократия байроғини кўтариб юрган, дунёга демократияни экспорт қиламиз дейдиган давлатда содир бўлмоқда. Конгрессвумен Маржори Тэйлор Грин ҳам Стриклендни қўллади. “У Конституция кафолатлаган сўз эркинлиги учун жазоланди”, деди сиёсатчи аёл. Трампнинг партиясидагилар ҳам юзага келган вазиятдан норози. UFC ва Оқ уй бу борада расман ҳеч нарса демади. Ҳозирча фақат Стрикленднинг баёнотини ўқидик. Лекин унинг гаплари инкор ҳам қилинмади. Стрикленд 2024 йилги сайловда Трампни очиқчасига қўллаган эди. Энди ўша Трамп уни Оқ уйга киритмаяпти. Бу ҳодиса садоқат бир томонлама бўлса у садоқат эмас, манфаатга айланиб қолишининг яққол далили бўлди. Бироқ Стрикленд бу масалада Трампни айблаётгани йўқ. У Твиттерда шундай деди: “Трамп у ерда ўтириб ‘Шонни ўтказманглар’ деган, деб ўйламайман. У менинг қора рўйхатга олинганимдан бехабар бўлса керак. Лекин барибир шундай бўлди”. @temurazam

Ўғлим Муҳаммад Содиқ уч ойдан кейин 11 ёшга тўлади. Футболга жуда қизиқади, ўзича таҳлиллар қилади. Миллий терма жамоамизнинг жаҳон чемпионтидаги имкониятлари ҳақида мақола ёзган экан. А3 форматдаги қоғозга, ручкада ёзган. Мен уни расмга олиб, сунъий идрок ёрдамида босма матнга ўгирдим. Кейин бироз таҳрирлаб, сизларга ҳам ҳавола қилгим келди. “Биз бу йил тарихимизда биринчи марта жаҳон чемпионатида қатнашамиз. Термамизнинг имкониятларини таҳлил қилмоқчи эдим. Гуруҳда биздан ташқари Португалия, Колумбия ва Конго бор. Ҳозир бизда “олтин авлод” етишиб чиқди. Ҳусанов, Шомуродов, Файзуллаев, Юсупов ва Мозговой. Португалия Роналду, Нето, Рубен, Нуно, Кошта, Витинья, Невеш, Бруно ва Бернардо каби ўйинчилари билан яққол фаворит. Португалиянинг гуруҳ ғолиби бўлишига GPT 57%, Gemini 47%, Claude 60% беряпти. Биз иккинчи ўрин учун кураша оламиз. Колумбияда Диас, Кучо, Муньоз ва Хамес сингари юлдуз футболчилар бор. Гуруҳдан чиқа олиш имкониятимизни GPT 25% баҳолаяпти, лекин мен 33% беряпман. Чунки Ўзбекистон энг ёш жамоалардан биттаси ва бизда Алиқуловни ҳисобга олмаса, жароҳатланганлар йўқ. 1/8 босқичида 58% имконият билан Германия кутади. Чунки уларнинг гуруҳи осон ва биринчи ўринда плей -оффга чиқа олади. Германиядан ўта олиш имкониятимизни мен 11% га баҳолаяпман. 1/4 да 31% имконият билан Нидерландия рақиб бўлади. Уларда Фримпонг билан Симонс йўқ. Шунга 17% беряпман. Шунингдек, Ван Дейк қатнаша олмаслиги ҳам мумкин. Нидерландияда “қуруқ” ўйинлар бизникидан 10 тага камроқ. Шунга имкониятлар яхши. 1/2 бизни 60% эҳтимол билан Португалия кутади. Португалия жаҳон чемпионатининг энг асосий фаворитларидан биттаси. Улардан ўтишимизга 5% беряпман. Финалда эса 9% эҳтимол билан Франция кутади. Францияда 5 та кучли таркиб бор ва у энг кучли жамоа, лекин Мбаппе прессингда қатнашмайди. Ва жамоамизнинг финалда юта олишига 2% беряпман. Мен мақоламда Конго ҳақида ҳеч нарса айтолмадим. Чунки шундай давлат борлигини жаҳон чемпионатига чиққунича билмаган эдим 😀. Ҳаммага хайр. Олға Ўзбекистон!!! P.S. 3-ўринга ҳам курашимиз мумкин. 53% эҳтимол билан Испания бўлади. Мен юта олишимизга 5% беряпман”.

🖌 “Matn ortida” klubi mehmoni — Erkin Malik 🤩 Do‘konimizning Chorsu filialida doimiy tarzda o‘tkazib kelinayotgan “Matn ortida” kitobxonlik klubining 3-sonida mehmon sifatida yozuvchi Erkin Malik ishtirok etadi. Uchrashuv davomida bolalar adabiyotidagi muammo va yutuqlar haqida suhbatlashiladi. ⚡️ Joylar soni cheklangan, atigi 30 nafar ishtirokchi qatnasha oladi. Hoziroq ro‘yxatdan o‘tib, o‘z joyingizni band qiling! 👉 Ro‘yxatdan o‘tish Tadbir 2-iyun kuni, soat 20:00 da “Qamar” kitoblar do‘konining Chorsu filialida bo‘lib o‘tadi. Tadbirning savol-javob qismida faol qatnashgan ikki nafar ishtirokchiga 100 000 soʻmlik vaucher taqdim etiladi. 📌 Manzil: Alisher Navoiy 42. Mo‘ljal: Chorsu, Sobiq Gum ro‘parasi. @matn_ortida