ادبیات سئونلر

کریم گول اندام بوچیلله هرکیمه سالدیم نظر  آنلی قیریش-قیریشدیر   ،توستو توتوب عالمی ، پاییزدی  یوخسا قیشدیر ؟! پاییزدان اوچ آی کئچیر نه قار نه ده یاغیشدیر ! آی باهالیق سن ده  آز کله لری قیزیشدیر! بوکله لر سن دئین کله لره بنزه میر! چیلله  ده او ،گوُردویوم چیلله لره بنزه میر! قیش دئینده دام ،دووار ،کوچه باجا قار ایدی انسانلاردا دیل ،داماق ،ائوده زومهار وار ایدی سوفره لرین بزه یی  حالوا ،قارپیز ،نار ایدی اوشاق،قوهوم ،دوست ،تانیش بیزده قوناقلار ایدی پیلله ده باشماق دولو پیلله لره بنزه میر ! چیلله ده او گوُر دویوم چیلله لره بنزه میر ! دوُرد دوواری قیزدیران بیزده قورو نفسدی اوُلکه دئمه ، میللته  بیرداریسقال  قفسدی ! جینقیرینی چکرسن دوولت دئییر نه سسدی؟! چیلله دئییب کوتلاماق چوخ باهالی هوسدی ! گولله یاغیر! قارتوپو گولله لره بنزه میر! چیلله ده  او گوُردویوم چیلله لره بنزه میر! اوُتدو فصیل بیر به بیر قیش عَلَمین میلله دی وای اوکیچیک چیلله دن ،حالا بوُیوک چیلله دی! ائوده نه یاغ که دویو جیبده سیچان زیلله دی ! اوزده یئری  قیرمیزی اولسا اگر سیلله دی ! سیلله ده  بوش ووردوغوم  سیلله لره بنزه میر ! چیلله ده او گوُدویوم چیلله لره بنزه میر ! اورمو -۱۴۰۴-چیلله گئجه سی        https://t.me/Adabiyyatsevanlar

عاریف آجال‌اوغلو، جلال بیدیلی سهمانلاییب ادبی‌لشدیرن: ویدا حشمتی «چیلله‌نیز اوغورلو-خئییرلی کئچسین» قیش قوجا بیر قاری ایدی‌. اونون اوچ اوغلو واریدی. بؤیوک چیلله، کیچیک چیلله، بوْز آی. آیلارین بیرینجیسی، بؤیوک چیلله‌نی آداملارین آراسینا یوللاییر. بو گئدیب قاییدیر. آناسی سوروشور: _ نه ائتدین؟ بؤیوک چیلله دئییر: _ آداملاری اوجاغین قیراغینا دوزوب گلدیم. سونرا کیچیک چیلله گئدیر. قاییداندا آناسی اوندان نه ائتدیگینی سوروشور. کیچیک چیلله جواب وئریر: _آداملاری اوجاغین ایچینه دولدوردوم گلدیم. آخیردا بوْز آی گئدیر. قاییدیب گلنده آناسی اوندان نه گؤردویونو سوروشور‌. بوْز آی دئییر: _ من قارداشلاریمین ایشینی ترسینه ائتدیم. هامینی اوجاقدان چیخاریب قاییتدیم. 📚اساطیر، افسانه، اینانجلار کیتابیندان چیلله اوچون بیر روایت.

چیلله موبارک اولسون . https://t.me/Adabiyyatsevanlar

ذکیه ذولفقاری بعضا بیر سهو سؤز،  یا باخیش خالقین دیل آلیشقانلیغینا چئوریلیر. نه قدر ده آچیقلاییرسان،  یئنه  ترک  ائدیلمیر و گون به‌گون ده،  عادت کیمی آغیزدان- آغیزا دئییلیر. بونلاردان بیری، چیلله‌نی تبریک دئمکدی. تبریک دئمک، ذاتا یاخشی بیر آنلامدی، آنجاق چیلله‌نی اؤز ماهیتیندن و آنلامیندان بوشالدیر. ایل‌لردی آتا- بابالاریمیز چیلله‌نی قئید ائدیبلر. من بو یاشایاجان چیله‌‌تبریکی ائشیتمه میشدیم. عجیب بو کی، نئجه ایلدی چیله، بایراما چئوریلیب، تبریکلر یاغیش کیمی باشیمیزا یاغیر. اوزون، قارانلیق گئجه‌نین، قار کولک، شاختانین گلمه‌سی‌نین تبریکی وار میه؟ چیلله گئجه‌سی خوفلو گئجه‌دی.  قارا قیش گلیر،  بویوک چیلله، بالا چیلله قارشیدادی. قار قاپلاری، یول‌لاری باغلایا بیلر. شاختا، قار  یوخسول‌لاری، اوشاخلاری،  خسته‌لری اؤلوم حالینا سالا بیلر. عائله باشچیلاری ایش‌سیز، پولسوز قالا بیلر. ارزاق بیتیب، آجلیق اولا بیلر. بولار کیمی تهلوکه‌لی حادثه‌لر قارشیمیزدادی. اونون اوچون بیر یئره یغیشیب، دئییب گولمک، شادلیقلا کئچیرمک اونون قورخوسونو آزالدار دئیه، دوشونوبلر. گلین بیر بیریمیزه تبریک یوخ،  دئیه‌ک. چیلله‌نیز یونگول اولسون. شاد اولاسینیز. 1404/9/29 https://t.me/Adabiyyatsevanlar

چیلله موبارک اولسون https://t.me/Adabiyyatsevanlar

علی رشتبر قدیم چیلله میز کورسولری مین بویاغلی بزه ردیک مئیوه لری دؤرد گوشه یه دوزردیک سئوینه ردیک،اوینایاردیق سوزردیک جان وئرردیک بوزا دؤنموش شهره چیلله اؤزو باش ایه‌ردی بیزلره توپلاشاردیق خان بابامین ائوینه بلکه بؤیوک آنام بیرده سئوینه داش آتاردیق زمانه نین دئوینه سون قویاردیق اورکلرده قه‌هره چیلله اؤزو باش ایه‌ردی بیزلره گئجه اوزون ،صحبت شیرین سؤز شیرین شکر شیرین،قایماق شیرین ،دوز شیرین یوخلاداردی چیلله نیده ساز شیرین خوش احواللا گؤز آچاردیق سحره چیلله اؤزو باش ایه‌ردی بیزلره هله ده وار داماغیمدا وار تامی قارپیز تامی حیوا تامی نار تامی سحر تئزدن یئل گتیرن یار تامی کوچه‌لری بورویردی عطیره چیلله اؤزو باش ایه‌ردی بیزلره جان واریدی گئجه‌لری زاماندا یئمک یئمک گولمک گولمک نیشاندا ائوده بیزیم شنلیکلره باخاندا سئوینجیندن آغلایاردی پنجره چیلله اؤزو باش ایه‌ردی بیزلره او گئجه‌نی ناخیشلاردی آنالار گول ائدردی چیچک-چیچک بالالار ائله شیرین دانیشاردی آتالار مات قالاردی کندیمیزه داغ-دره چیلله اؤزو باش ا‌یه‌ردی بیزلره سیغینمادیق نه ایناما نه دینه بوز باغلادی اوجاقلاردا کؤز سینه واراقلاندی کیتابیمیز ترسینه "قاییب"بیردن یوخ اولدو او منظره او چیلله‌لر اؤز دؤندردی بیزلره https://t.me/Adabiyyatsevanlar

صمد چایلی " شب یلدا " : خلاصه ی بسیار فشرده از مجموع نوشته هایم در سال‌های گذشته چنین است : چله ( چیلله ) در مفهوم اساطیری زه کمان و در این جا زه کمان متصور در اطراف کره ی زمین است . چیلله در مفهوم واقعی نام گیاهی دارویی است که در ترکیب " چیلله کوکو " ( ریشه ی چیلله ) مورد استفاده قرار می گیرد . نام روستاهای " چیلله خانا " با نام این گیاه پیوند خورده است . هنگامی که زه کمان اسطوره اندیش به نهایت درجه در زمستان کشیده می شود ، انقلاب زمستانی رخ می دهد و طولانی ترین شب سال یعنی شب چله ( چیلله گجه سی ) پدیدار می شود . بعد از این پدیده ، درازای زمانی شب یا سیاهی کاهش و طول زمانی روز یا روشنایی افزایش می یابد . این روند ادامه می یابد ، تا این که به هنگام نوروز لحظه ای اعتدال به وقوع می پیوندد و در آن لحظه نا هستی و هستی برابر شده ، در بین سپید و سیاه تعدیل بر قرار و اعتدال نوروزی پدیدار می شود . ( ۱۴۰۴/۹/۲۸ ) . https://t.me/Adabiyyatsevanlar