Muslimaat.uz

Набий соллаллоҳу алайҳи васаллам турли вақтларда ўқишни таълим берган дуоларида истиғфорни ҳам қўшиб айтганлар. Ҳатто, таҳорат мобайнидаги дуоларда ҳам аввал ушбу жумлани марҳамат қилганлар: «Аллоҳим! Менинг гуноҳимни мағфират қил». 🌸 «Насиҳатлар гулдастаси» китобидан 😀@Muslimaatuz

Ассалому алайкум ва роҳматуллоҳи ва барокатуҳ Бугун ЖУМА🌷 — 18 сентябрь 2026 — 7 Робиъус соний 1448 ✍️ Шайх Шинқитий айтадилар: «Расулуллоҳ соллаллоҳу алайҳи васалламга салавот айтиш кишининг отасига кўрсатган яхшилигидан саналади. Чунки одамларнинг салавотларини Расулуллоҳга етказиб турувчи фаришта: «Эй Муҳаммад соллаллоҳу алайҳи васаллам, фалончининг ўғли фалончи сизга салавот йўлламоқда», дейди. Шундай қилиб, киши отасининг исмининг Расулуллоҳ соллаллоҳу алайҳи васалламнинг ҳузурларида зикр қилинишига сабабчи бўлади. Бу эса энг улуғ бирр — яхшилик ва эҳтиромдир". 📿 «Аллоҳумма солли ва саллим ъала набийина Муҳаммад». 🤲 Аллоҳим, Расулуллоҳ соллаллоҳу алайҳи васалламга кўп-кўп салавот ва салом йўллашни бизга севимли ва одатий амаллардан қилгин. Ота-оналаримизнинг номини хайрли амалларимиз ва дуоларимиз билан улуғлашни насиб этгин. 😀@Muslimaatuz

Касби кори бор инсонлар Қуръонни неча кунда хатм қилса бўлади? 🎙Устоз Анвар Аҳмад "Азкор" китобининг шарҳидан. 🎥 Видеони охиригача томоша қилинг, билиб оласиз! 😀@Muslimaatuz

Руҳнинг озуқаси нимада? Унга нималар қувват бўлади? 🌸Билишимча, инсон бадани озуқалардан, жисмоний тарбия ва машқлардан ривожланади, қувват олади. Руҳ-чи, руҳга нималар қувват бўлади? Мусибат, дард, фалокатлар руҳга қандай таъсир қилади, уни заифлаштирадими? Заиф бадандаги руҳ ҳам заиф бўладими? Агар шундай бўлса, руҳни қандай чиниқтириш мумкин? Масалан, одам оғир (тузалмас) бир дардга ча­линса, шу касали туфайли руҳий тушкунликка тушиб қолмаслик учун нималар қилиши керак? 💬 ЖАВОБ: Бисмиллаҳир Роҳманир Роҳийм Руҳга иймон-эътиқод, илму маърифат, ибодат, Қуръон қироати, Аллоҳнинг зикри кабилар қувват бўлади. Аллоҳ таоло инсонни икки борлиқдан – жисм ва руҳдан иборат қилди. Унинг жисмини тупроқдан яратди ва ушбу жисмнинг озуқасини ҳам тупроқдан қилди. Инсон истеъмол қилаётган барча нарсаларнинг келиб чиқиши ерга бориб тақалади. Аммо инсоннинг руҳини Аллоҳ таоло Ўз ҳузуридан пуфлади ва шунинг учун унинг озуқасини ҳам Ўзининг ҳузуридан – диний таълимотлари, самовий ваҳийларидан бўлишини ирода қилди. 🌸Руҳ Аллоҳ таолони таниш, У Зотнинг таълимотларини ўрганиш, уларга ишониш, ихлос билан амал қилиш орқали озуқаланади, қувватланади. Уламоларимиз: «Руҳнинг асосий озуқаси илмдир, агар у уч кундан ортиқ ушбу озуқадан маҳрум қилинса, ҳалокатга юз тута бошлайди», деганлар. Шунинг учун, ҳар бир мусулмон киши Аллоҳ таолони танишга, ундайдиган, иймон-эътиқодга олиб борадиган илмларни ўрганиб бориши, улардан узилиб қолмаслиги керак. 🌸Иймон ва тақвога асосланмаган, хаёлий ва шаҳвоний туйғулар билан йўғрилган маълумотлар руҳни заифлаштирадиган, уни ўлдирадиган омиллардан ҳисобланади. Бугунги кунда ҳамма ҳам жисмнинг соғлиги, бақувватлиги ҳақида қайғурмоқда, меҳнат қилмоқда. Кўпчилик кишилар ушбу мақсадда ҳар куни жисмоний тарбия учун маълум вақтини ажратиб ҳам қўйган. Айрим кишилар эса кунини мана шу маънодаги ҳаракатлар билан ўтказади. Жисмнинг тарбияси учун бу каби ҳаракатларни олиб бориш яхши, албатта. Аммо, ушбу ҳаракатлар баробарида руҳнинг тарбияси, унинг соғлиги хусусида ҳам керакли чораларни кўриб бориш керак. Бунинг учун эса, биринчи бўлиб, диний саводимизни, маърифатимизни оширишимиз ва ўрганганларимизга амал қилиб боришга ўтишимиз лозим. Мусибат, дард, фалокатлар етган одамнинг эътиқоди суст, ақийдаси заиф бўлса, мазкур нарсалар унинг руҳига салбий таъсир қилади, уни заифлаштиради. Заиф бадандаги руҳ ҳам заиф бўлади, деган гап тўғри эмас. Кўпгина бадани заиф кишиларнинг руҳи кўплаб жисмоний бақувват кишиларнинг руҳидан кучли бўлади. 🌸Одам оғир (тузалмас) бир дардга чалинса, шу касали туфайли руҳий тушкунликка тушиб қолмаслик учун Аллоҳга бўлган иймонига суяниши керак. Дард берган Аллоҳ давосини ҳам беради, деган эътиқодда бўлиши лозим. Шу билан бирга, суннатдаги ана шундай ҳолатларда ўқиладиган дуоларни ўрганиб, ихлос билан ўқиб юриш керак. Валлоҳу аълам. Шайх Муҳаммад Содиқ Муҳаммад Юсуф раҳимаҳуллоҳ 🌸 "Зикр аҳлидан сўранг" китобининг 2-жузидан. 😀@Muslimaatuz

Ассалому алайкум ва роҳматуллоҳи ва барокатуҳ Бугун пайшанба — 17 сентябрь 2026 — 6 Робиъус соний 1448 3️⃣ нарса борки, ОТАдан БОЛАларга мерос бўлган нарсаларнинг энг афзалидир: ▫️гўзал мақтов, ▫️одоб, ▫️ишонч. 🤲Аллоҳим, бизларга фарзандларимизга энг гўзал меросни қолдиришни насиб этгин. Фарзандларимизнинг қалбига биздан ўтган ҳар бир яхши хислатни жойлагин. Улар бизнинг хайрли амалларимиздан кўпроқ ибрат олишларини насиб этгин. 😀@Muslimaatuz

Мактаб остонасига қўйган илк қадамим — аслида ҳаёт сари ташлаган катта қадамим эди. Қўрқувларим ҳам, қийинчиликларим ҳам бўлди. Аммо яқинларимнинг ишончи, устозларимнинг меҳри менга куч берди. Шу куч билан қўрқувларимни енгиб, имкониятлар сари дадил қадам ташладим. Бу йўл қандай бошлангани, қандай синовлар ва ютуқларга олиб келганини «Ҳиммат» кўрсатувида томоша қилиб, батафсил билиб оласиз. 🎥 «Ҳиммат» — орзулар, матонат ва инсон тақдири ҳақида. 😀@Muslimaatuz

Эр шундай кутиб олинади Эрингизни кутиб олар экансиз, энг гўзал либосларингизни кийинг. Фарзандларингизга оталарини кутиб олишнинг янгича йўлларини ўргатинг. Эрига мулойим бўлиш, гўзал суратда яшашга ҳаракат қилиш, яхши ишларда унга бўйсуниш, уй ишлари ва фарзандларига этибор, эрининг ташвишларига қулоқ солиш ва унинг шодлигу қайғусига шерик бўлиш — буларнинг бари Аллоҳни рози қиладиган ишлардан эмасми?! Ҳассон Шамсий Пошо 🌸“Эр - хотинга насиҳат” китобидан  😀@Muslimaatuz

Ассалому алайкум ва роҳматуллоҳи ва барокатуҳ Бугун чоршанба — 16 сентябрь 2026 — 5 Робиъус соний 1448 📚 Илмни бошқаларга улашиш баракага сабабдир. Аллоҳ илмимга барака берсин, десанг, уни бошқаларга улашишга рағбатли бўл! 🤲Аллоҳим, бизга фойдали илм ато этгин ва ўрганган илмларимизни бошқаларга етказишга қалбимизда рағбат уйғотгин. Илмимизни ўзимизда сақлаб қолишдан, уни манфаатсиз ҳолда қолдиришдан асрагин. 😀@Muslimaatuz

Она жунуб ҳолатида боласини эмизиши жоизми? 🌸Она жунуб ҳолатида эканида боласи уйғониб қолса, эмизиш мумкинми ёки фақат ғусл олгач эмизиладими? 🌸 ЖАВОБ: Бисмиллаҳир Роҳманир Роҳийм Тақво юзасидан айтадиган бўлсак, бундай ъолатда аввал ғусл қилиб туриб, кейин болани эмизган афзал. Фатво юзасидан эса, оғиз-бурунни яхшилаб чайиб, таҳорат қилгандагидек юз-қўлини ювиб, иложи бўлса, кўкрагини ҳам ювиб олиб, кейин эмизса бўлаверади. Имкон қадар тақвони ушлашга ҳаракат қилинади, шароит кўтармаса, фатвога амал қилинаверади. Валлоъу аълам. ✍️ Шайх Муҳаммад Содиқ Муҳаммад Юсуф раҳимаҳуллоҳ "Зикр аҳлидан сўранг" китобининг 2-жузидан 😀@Muslimaatuz

Ассалому алайкум ва роҳматуллоҳи ва барокатуҳ Бугун сешанба — 15 сентябрь 2026 — 4 Робиъус соний 1448 ✍️ Шайх Мағомисий айтадилар: «Онанг бир нарсани сўраса, лаббай деб айтганини қилишнинг ўзи яхшилик эмас. Бу шундоқ ҳам зиммангдаги мажбуриятингдир. Ҳақиқий яхшилик — сўрамасидан олдин, чақирмасидан олдин онангнинг эҳтиёжини кўзидан билиб олишдир». 🤲 Аллоҳим, оналаримизнинг биз учун қилган ҳар бир меҳнати, бедор тунлари, дуолари ва меҳрларини Ўзинг чексиз ажру мукофотларинг билан сийлагин. Бизларга шундай меҳр ва фаросат ато этгинки, оналаримиз «ёрдам бер» демасларидан туриб, уларга хизмат қилишни, «чақир» демасларидан ҳолидан хабар олишни билайлик. 😀@Muslimaatuz

АЛ-ВАЛИЙ — Аллоҳ таоло Ал-Валий, яъни муҳаббат қилувчи, нусрат берувчи ва халқининг ишини юритувчи Зотдир. Ал-Валий луғатда душманнинг аксидир. Бу исм Аллоҳ таолога нисбатан ишлатилганда, бутун олам ва халойиқнинг ишларини юритувчи, дўстларига ёрдам берувчи, эҳсон ва фазли билан илҳомлантирувчи ҳамда муҳаббат қилувчи Зот, деган маънони англатади. Аллоҳ таолонинг бандаларига валий бўлиши — уларга жон томиридан ҳам яқин бўлиши демакдир. Умумий валийлик — иноят, тадбир ва ишларини тасарруф қилишни англатади. Хос валийлик — мўминларга дўст бўлиб, уларга яқин бўлишни англатади. Яъни уларни муҳофаза қилиш, муҳаббат қилиш ва ғалаба ато этиш демакдир. Аллоҳ таоло бу ҳақда марҳамат қилади: «Огоҳ бўлингким, Аллоҳнинг валийлари, яъни дўстларига хавф йўқдир ва улар хафа ҳам бўлмаслар». 📖 (Юнус сураси, 62-оят) Ал-Валий — мўмин бандаларига яқин, уларни севувчи, муҳофаза қилувчи, ёрдам берувчи ва ишларини тадбир қилувчи Зотдир. 😀@Muslimaatuz

СИЗ НАСИҲАТ ҚИЛЯПСИЗМИ ЁКИ ФОШ ҚИЛЯПСИЗМИ? Уламолар қандай насиҳат қилишган?

Ҳасан Басрий раҳматуллоҳи алайҳ айтади: «Доимо Аллоҳ таоло учун насиҳат қилувчилар бўлган. Улар Аллоҳ таоло учун У Зотнинг бандалари ичида насиҳат қилганлар. Аллоҳ таолонинг бандаларига Аллоҳ таолонинг ҳаққида насиҳат қилганлар. Улар ер юзида Аллоҳ таоло учун насиҳат ила амал қилганлар. Ана ўшалар Аллоҳ таолонинг ер юзидаги ўринбосарларидир».

Ҳасан раҳматуллоҳи алайҳ айтади: «Фақиҳ дунёда зоҳидлик қилувчи, охиратга рағбат қилувчи, динини яхши билувчи, Роббининг ибодатида бардавом бўлувчи, мусулмонларнинг обрўсини сақловчи, молларида иффатли бўлувчи ва уларга насиҳат қилувчи шахсдир». 📚 "Дин насиҳатдир" китобидан 😀@Muslimaatuz

Ассалому алайкум ва роҳматуллоҳи ва барокатуҳ Бугун душанба — 14 сентябрь 2026 — 3 Робиъус соний 1448 Бир қўли билан мактаб эшигини очган одам нариги қўли билан қамоқхона эшигини ёпган бўлади. Таълимсиз тараққиёт йўқ! 🤲 Аллоҳим, бизга фойдали илм, теран ақл ва гўзал ахлоқ ато этгин. Таълим даргоҳларини фарзандларимиз учун илм, тарбия ва эзгулик эшикларига айлантиргин. Устозларимизнинг меҳнатларига барака бер, уларга сабр ва куч ато этгин. 😀@Muslimaatuz

Профессионал ўқитувчининг натижаси! 📈 Ишга меҳр бериш ва талабчанлик қандай мева беради? 19 та шогирднинг 100% натижаси — бу шунчаки тасодиф эмас, бу тизимли меҳнат! 🎙️Ҳошимжон Абдуллаев билан суҳбат #Umr 😀@Muslimaatuz

Ассалому алайкум ва роҳматуллоҳи ва барокатуҳ Бугун якшанба 13 сентябрь 2026 йил 2 Рабиъус соний 1448 ҳижрий йил 🌸 Янги ойнинг иккинчи куни муборак бўлсин! Яна бир тонгни қарши олдик. Демак, Аллоҳ таоло бизга яна бир бор ўзини эслаш, тавба қилиш, яхшилик қилиш ва қалбимизни поклаш имконини берди. Баъзан инсонга катта ўзгаришлар эмас, қалб хотиржамлиги, бир яхши дуо ва Аллоҳнинг розилиги кифоя қилади. Шунинг учун бугунги кунимизни зикр, салавот ва хайрли ниятлар билан бошлайлик. 😀@Muslimaatuz

Баxил бўлманг 🎙Ҳазратимиздан эслатмалар 😀@Muslimaatuz

МУЧАЛ ЁШИДА ЭҲСОН ҚИЛИШ 🌸CАВОЛ: Яқинда бир танишимдан эшитиб қолдим, ўғлининг мучал ёшида кимгадир сарпо ёки бош оёқ сарпога лойиқ пул, бериб эҳсон қилиш керак экан. Шу тўғрими? 💬 ЖАВОБ: Бисмиллаҳир Роҳманир Роҳим. Динимизда фарзанд мучал ёшига етганида кимгадир эҳсон қилиши шарт, деган кўрсатма йўқ. Чунки шариатда ихтиёрий эҳсонлар учун қатъий бир вақт белгилаб берилмаган. Киши имкониятига қараб қачон бўлса ҳам эҳсон қилиши савобли ишдир. Зеро ҳадиси қудсийда шундай дейилади: قالَ اللَّهُ تَبارَكَ وتَعالَى: يا ابْنَ آدَمَ أنْفِقْ أُنْفِقْ عَلَيْكَ “Аллоҳ табарока ва таоло айтди: “Эй, Одам боласи! Инфоқ-эҳсон қилгин, мен ҳам сенга инфоқ қиламан...”” (Имом Муслим ривояти). Валлоҳу аълам. 🌸Ўзбекистон мусулмонлари идораси Фатво маркази. 😀@Muslimaatuz

Ассалому алайкум ва роҳматуллоҳи ва барокатуҳ Бугун шанба — 12 сентябрь 2026 — 1 Робиъус соний 1448 🌙Робиъус соний ойи муборак бўлсин! 📿 Пайғамбаримиз соллаллоҳу алайҳи васаллам қачон янги чиққан ойни кўрсалар шундай дуо қилардилар: "اللَّهُمَّ أَهِلَّهُ عَلَيْنَا بِالْيُمْنِ وَالْإِيمَانِ وَالسَّلَامَةِ وَالْإِسْلَامِ رَبِّي وَرَبُّكَ اللهُ" "Аллоҳумма аҳиллаҳу алайна бил-юмни вал-иймани, вас-салаамати вал-Ислами, Роббий ва Роббукаллоҳ”. 🤲Аллоҳим!  Бу ойни бизларга барака ва иймон, саломатлик ва Ислом ойи қилгин! Эй ҳилол, менинг ҳам, сенинг ҳам Роббинг Аллоҳдир! Ушбу ойни биз учун хайрли бошлаб, унинг ҳар бир кунини барака, хотиржамлик ва эзгулик билан безагин. Хонадонларимизга файзу барака ёғдир, танларимизга саломатлик, ризқларимизга кенглик ато эт. 😀@Muslimaatuz