Emergency & ICU

محدش بيشكر في الكلية بتاعته محدش بيشكر في التخصص بتاعه محدش بيشكر في المستشفي الي شغال فيها محدش بيشكر في الشهادة الي بيحضرها محدش بيشكر في الدولة الي هو شغال فيها كل الناس في معاناة و كل الناس بتتعب مافيش حاجة بالساهل اوعي تعتمد علي كلام الناس و تجاربهم الشخصية في اتخاذ القرار دور و اسال في كل حتة و جمع معلومات و قارن بينهم و اختار الأنسب و اي كان قدر ربنا فهو اكيد خير و هيعينك عليه د خالد خاطر

الـ CT Brain دي غريبة جدًا! 😳 طفلة 6 سنين جات الطوارئ بعد ما وقعت من على السلم. الغريب إنها كانت كويسة تمامًا لمدة يومين، وبعد كدا بدأت تتشنج، فقررنا نعمل CT Brain. المفاجأة؟ 😳 الـ CT اكتشف وجود Subdural Hemorrhage. لكن هنا بدأت القصة الأغرب… لما رجعنا في الـ history، عرفنا إن الطفلة من سنتين كانت وقعت من دور عالي، وحصل لها وقتها Subdural Hemorrhage برضو! وبالتالي الـ CT الحالي كان ظاهر فيه اتنين Subdural Hemorrhages: 🩸 واحدة قديمة من الإصابة السابقة 🩸 وواحدة جديدة نتيجة الوقعة الأخيرة

✅ Infection in Elderly مش دايمًا بتيجي بـ Fever… ودي أخطر نقطة. Elderly عندهم عشان ↓ Immune response ↓ inflammatory reaction - فـ ممكن يحصل serious infection بدون Fever واضحة. ● إيه اللي ممكن ييجي بدل الـ typical symptoms؟ 1️⃣ Confusion مفاجئ 2️⃣ Sudden functional decline 3️⃣ Falls متكررة 4️⃣ Anorexia 5️⃣ Lethargy 6️⃣ Mild tachycardia بس من غير حرارة أول عرض أحيانًا بيكون: “الدكتور… بابا مش طبيعي النهارده” مثال: Appendicitis في Elderly 👈 الشخص الصغير: RLQ pain + Fever + rebound tenderness ● لكن في الكبير: ✔️ ألم خفيف أو vague ✔️ مفيش Fever واضحة ✔️ مفيش guarding واضح ✔️ ممكن ييجي late ومعاه perforation - يعني diagnosis بيتأخر والمضاعفات أعلى. 🚩 Red Flags في Elderly Infection • Acute confusion بدون سبب واضح • Hypotension خفيفة • Tachypnea • Unexplained deterioration • WBC طبيعي لكن CRP عالي - ما تعتمدش على Fever بس. لو شاكك… اعمل labs + imaging مبكر. ✅️ في كبار السن: Absence of fever does NOT exclude serious infection. د/ أيمن مرسي

لا تتوهم أن الدين هو أن تصلي وتصوم وتقرأ القرآن وتزكي وتحج وتنطق الشهادة… وانتهى الأمر ؟ لا ... هذه العبادات (عبادات شعائرية) وهي فرائض ستحاسب عليها لكنك لن تقطف ثمارها ولن تحقق أهدافها إلا إذا صحَّت (عبادتك التعاملية) لن تصح إذا ظلمت وقصرت وآذيت وكذبت وشتمت... انتمائك الشكلي إلى الدين هو بينك وبين الله .. أن تضع صورة للكعبة علي جدار بيتك لا تكفي ، وضع مصحف في سيارتك لا يكفي ، وآية قرآنية على حائط محلك لا يكفي ، ومسبحة في يدك لا يكفي ، وأن تذهب للعمرة ثلاثين مرة لا يكفي ! أن تقف على سجادة الصلاة ٧٠ ألف مرة لا يكفي !! الدين هو: استقامتك : معاملتك : رحمتك : صدقك : التزامك : عدلك : تربيتك لأولادك : برك لوالديك : إحسانك لزوجك/تك : حفظك لسانك : غض بصرك : عملك : سعيك : نظافتك : مافي جوفك : لسانك : حسن تعاملك مع الآخرين الدين : خُلُق د. مصطفى محمود

ازاي اعرف ان ABG صح مش غلط !! مش كتير بياخد باله منها ABG validity ✅ المعادلة H⁺ ≈ 24 × (PaCO₂ / HCO₃⁻) وبعد كده تطرح الناتج من ٨٠ هديك اخر رقمين في ABG = 80 − H⁺ هتحس الموضوع يلغبط شويه خد مثال هيوضح الدنيا خالص pH = 7.30 PaCO₂ = 38 HCO₃⁻ = 30 وتبدأ تطبق المعادله وتحط الارقام ف المعادله H⁺ = 24 × (38 / 30) ≈ 30 اطرح الناتج من 80 80 − 30 = 50 يبقي المفروض هنا Expected pH = 7.50 __ pH المقاس = 7.30 pH المتوقع = 7.50 ➡️ غير متطابقين والمفروض يبقو زي بعض ــــــــــــــــــــــــ يبقي في المثال ده ➡️ ABG غير valid ➡️ فكر في: lab error / air bubble / delay / transcription errors

*️⃣ معلومة مهمة 🔳 كل حقن الحديد بتتحط علي normal saline فقط ومينفعش تستخدمها مع 1-Glucose ⬅️ لأنه بيعمل ♦️ irritation of veins وممكن يعمل ♦️ thrombophlepitis ⬛ Thrombophlebitis is a phlebitis (inflammation of a vein) related to a thrombus (blood clot) 2-Ringer ⬅️ لأن الكالسيوم هيتفاعل مع الحديد ويقلل تأثيره. 💢 مش بندي حقن الحديد في حالة الـ bacterial infections Dr moataz abou raheb

نصيحه من القلب ركزوا في دراستكم الله يبارك لكم تقديركم والتراكمى بتاعكم هو الخطة الأساسية اولا ربنا يكرمكم بتخصص كويس في بلدكم وما شاء الله فيه أطباء ممتازين وشغالين كويس جدا ومستقرين الحمد لله والموضوع مش بالتوتر و السواد ده ، و المستقر و الناجح مش هيقعد يقولك انا نجحت و بقيت تمام ، هو ظبط أموره وعايش حياته ومش شاغل باله ومش بيصيح . و فرضا مش عايز تقعد وعايز تسافر برضه  مذاكرتكم دى هتنفعكم لما تعملوا معادلة اجنبيه هتريحكم وهتساعدكم وهيبقى الموضوع سهل ولو نويت سفر اعمل خطة متمشيش تخبط وخلاص يعنى اعرف انت عايز تروح فين لأن كل دوله لها نظامها شوف التكلفه وهتتجهز ازاى وتتواصل مع حد مسافر وموجود في البلد دى فعلا وتعرف كل التفاصيل وتبقى مطمن ظبط اللغة المطلوبه وامتحانها ودى في الاجازات تبقى كويسه ومش هتعطلك اكتب المطلوب والتفاصيل  في ورقه ادامك وخليك منظم واعرف انت عايز ايه وحدد أولوياتك وخططك البديله و نصيحه لوجه الله ، مترميش كل حاجه ورا ضهرك خلى فيه مركب ترجع بيها وميناء توصل لها تانى لما تحب ترجع وربنا يوفقكم جميعا . د سامح غازي

الطب قاعد يفسر ليه diarrhea يعمل acidosis قال علشان بنفقد HCO3 و ال vomiting بيعمل alkalosis علشان بنفقد HCL أنا في عالم موازي Diarrhea من تحت ⬇️⬇️ يبقي PH ينزل لتحت ⬇️⬇️ يبقي acidosis العكس بقا vomiting لفوق ⬆️⬆️ يبقي pH لفوق ⬆️⬆️ يبقي alkalosis سهلة و مش مستهلة د. عمرو الدبورى

فضفضة_طبيب نصيحة لكل طبيب في بداية الطريق: لا تجعل اللقب أكبر من علمك، ولا اللافتة أعلى من استحقاقك. فما يرفع الطبيب ليس ما يُكتب أمام اسمه، بل ما يسكن في عقله، وتصدقه يده، ويحفظه ضميره. الطب علمٌ وأمانة… فليكن اسمك شاهدًا على علمك، لا ستارًا على نقصه. مهنة_الطب_بين_الدثور_والنشور دكتور_عبدالغفار_فايد

طبيب الأشعة اللماح رزق شاب في الثلاثينات... عنده ضغط جه الطوارئ ب Severe headache with high blood pressure ... اتحطت احتمالات كتير أقربها .Intracranial bleeding .Hypertensive crisis .Ischemic stroke " more arterial ; less to be venous" .Others .. اتعمل ال non contrast CT brain اللي في الصورة ...لأول وهلة ممكن تشوفها Normal ... و لو دكتور الأشعة استسهل كان ممكن وسط منطقية الاحتمالات التانية ميخدش باله من ال Abnormality .. اللي في اتجاه السهم الأزرق ... لأن اللي في الأشعة Hyperdense sign of Sagittal vein thrombosis and this one of the signs of of cerebral venous thrombosis in non contrast CT brain " can be missed if you are not considered cerebral venous thrombosis as differential diagnosis " ..... بس طبعا Sometimes it is false positive and also it's absence does not exclude cerebral venous thrombosis .... علشان كدا اتعمل CT venography .... و فعلا CT brain venography and MRV confirmed the diagnosis of Sagittal vein thrombosis .... بالمناسبة Diagnosis of cerebral venous thrombosis is by clinical presentation and CT venography or MRV brain ... مع ذلك Non contact CT brain can help you to suspect as if you find bilateral thalamic or parasagittal infarctions ; preipheral lobar haemorrhage; cortical edema or haemorrhage; hyperdense sign ;dense clot signs ; haemorrhagic infarction ; search for others... .. و طبعا فرق كبير ما بين TTT of arterial and venous stroke .. علشان كدا بتوفيق الله طبيب الأشعة الشاطر رزق د. عبدالمحسن عبدالحى

شاب ثلاثيني بيشتكي من نوبات اسهال بقالها اسبوع جرب لها كل علاجات الاسهال. الاسهال بيحصل خمس مرات يومياً ، جاي مع زوجته اللي بتشتكي أنه بيهلوس بكلام مش مفهوم يومياً مساءاً بقاله ٣ أيام. بالفحص الضغط منخفض ٨٠/٦٠ بدون ارتفاع بالحرارة ، لا يوجد غمقان بالجلد أو الفم مما يستثنى الأديسون قليلاً. بالفحص القلب سليم و الصدر سليم لكن ساعة فحص القلب (و انا بفحص القدم ) لقيت تاتّو .. حضرتك التاتّو دا عملته امتي ؟ من سنتين . إحنا هنطلب فحوصات كتير هيكون منها الفيروسات الكبدية و الايدز ، أنا عارف إن حضرتك رجل متزوج و محترم لكن الايدز ممكن يحصل بعد التاتّو بسنين ك AIDS defining illness . بداية انهيار المناعة بسبب الفيروس و هيكون من الفحوصات رنين علي الدماغ لأن الايدز ممكن يجي ب CNS lymphoma أو brain toxoplasmosis أو HIV encephalitis. للأسف تحليل ال HIV جه ايجابي و تم التحويل علي مستشفيات الحميات لصرف العلاج المناسب. عيادة الأمراض الباطنية د . أحمد محفوظ

هيجيلك عيان في عمر الستين لا عنده سكر ولا ضغط ولا اي تأريخ مرضي قبل كده بيشتكي من عرق شديد ونهجان والم بالبطن وترجيع تشوف سكره هتلاقيه عالي تعمله تحليل غازات دم تلاقي عنده حموضه شديده تعمله اسيتون في البول تلاقيه (+3 ) فتشخصه حموضه دم كيتونيه بسبب السكر DKA وهنا تقلق وتخاف وتدور علي اي شيء خطير ممكن يكون السبب: فتعمل رسم قلب وايكو وانزيمات قلب خايف تبقي جلطه في القلب لكن يطلع القلب كويس تعمل انزيمات بنكرياس عشان خايف يبقي التهاب حاد بالبنكرياس لكن يطلع البنكرياس كويس تدور ع عدوي شديدة مثلاً زي التهاب رئوي أو التهاب مجري البول ممكن يكونو السبب لكن لا كل دول كويسين تسأل نفسك امال ايه حصل ودخل المريض في DKA؟! دورت في كل الأسباب ومش لاقي سبب فخد بالك دا ممكن يكون Fulminant Diabetes Mellitus ودا أحد أنواع السكر رقم واحد او النوع الأول من السكر Subtype of T1DM ولو سألت المريض انت كان عندك دور برد من أسبوع هيقولك ايوا وتيجي تعمله سكر تراكمي تلاقيه طبيعي HbA1c below 5.5 اللي بيحصل أن العدوة الفيروسيه(برد مثلاً )تدخل الدم فمناعة الجسم تكون اجسام مضاده ضد الفيروس لكن للأسف الاجسام المضاده دي تضرب برضو في نفس الوقت خلايا البنكرياس المسؤوله عن إفراز الأنسولين وبالتالي يعاني المريض من النوع الأول للسكر ونظهر عليه أعراضه في خلال أسبوع وغالبا 1st presentation is DKA دمتم بخير د. محمد السيد حسونه

رسالة الى شباب الاطباء 💕✨ اي مريض جايلك الطوارئ بيشتكي من الم في الصدر و shocked .. سواء شخصته جلطه او لأ ،، ده لازم تعمله ايكو فوري سريع .. في اقل من دقيقة .. هتبص ع نقاط محددة مش ايكو تفصيلي .. اولا لو جلطة هيدعم تشخيصك + كون المريض shocked لازم تدور على mechanical complications زي VSR or acute MR وممكن الايكو يديك تشخيص تاني زي aortic dissection وانك تشوف aortic flap او acute AR او مثلا تشخيص زي جلطة رئوية ، فتشوف الجلطة نفسها في الاذين الايمن او حتى في بداية الشريان الرئوي ، او تلاقي دليل عليها زي D shaped septum Dilated rt side 60/60 sign ممكن ده يكون pericarditis with temponade . والحالات دي بتحتاج لسرعة في التعامل واتخاذ القرار . زي انك تبدأ علاج للحالة وانت بتدورلها ع تشخيص ، زي انك مثلا تحطها على روافع للضغط وانت بتشوفها بالايكو. ومفيش اي مشكلة انك تتطلب في الوقت ده مساعدة من زميلك في النباطشية سواء نفس تخصصك او حتى تخصص تاني ، وتقوله معايا حالة حرجة ، هو اكيد مش هيتأخر . حتى لو هيكون دوره مجرد انه يقيس الضغط وانت شغال او يتابع الأكسجين او النبض ، لو هو بعيد عن التخصص خالص . اوقات كتير العمل الجماعي، بيكون هو مفتاح التوفيق. د. محمد إمام

بقعد أفكر مع نفسى ليه إنسان عاقل بالغ رشيد فى كامل قواه العقليه ممكن يختار تخصص الطوارئ

😂😂😂😂

أنا بنزل طوارئ كتير، ومع ذلك تقريبًا ما شخّصتش حالات Hypothyroidism أو Hyperthyroidism كتير… بعد المحاضرة دي عرفت المشكلة كانت فين 👀 لما كانت تيجي قدامي الحالة، كنت بشك إن المشكلة Anemia، فكنت بسأل عن الـ menstrual cycle… ولما أعرف إنها irregular وبتطول معاها، كنت على طول بحوّل الحالة لعيادة النسا. يعني ببساطة… الحالة كانت حالتي وأنا اللي بحوّلها بإيدي! 😂 الغلط ماكانش إني مش عارف التشخيص… المشكلة إن الحل اللي كنت فاكره صح، هو نفسه اللي كان بيضللني ويخليني أسيب التشخيص الأساسي. 🔥 بعد المحاضرة دي، أعتقد إن النقطة دي هتفرق جدًا معاك في تشخيص حالات الـ Hypothyroidism والـ Hyperthyroidism.

تابعت تعليقات الناس على واقعة طبيبي العظام في مستشفى حوش عيسى ولقيت فئة كبيرة من الناس في التعليقات بتقول أكيد الدكاترة هما الغلطانين والرجل ده مش هيضربهم من نفسه وإنهم جزارين ومعندهمش رحمة.......إلخ وسألت نفسي كام سؤال:- ايه اللي يخليني كدكتور لما أشوف الناس بتُكن في صدورها الغل ده ناحيتي إني أجيب أخري في الشغل عشان أساعدهم؟ ايه اللي يخليني ميبقاش تعاملي معاهم إني مجرد موظف زي باقي الموظفين اللي بتتعامل مع الناس في المصالح الحكومية؟! لو الطب مهنة سامية والعاملين في القطاع الطبي المفروض إنهم ملائكة الرحمة، طب هيرحموا الناس إزاي والناس مش بترحمهم؟! ايه اللي يخليني عاوز أفضل قاعد وسط المجتمع ده وأساعده والمجتمع ده مش بيقدرني؟! طب ما أهرب وخلاص زي ما غيري هرب ومش مهم تولع باللي فيها زي ما كتير شايفين كده! هتقول: انتظار الثواب من ربنا طب لو دكتور لا يشغله جزئية الثواب هتقوله ايه عشان يقوم بدوره كما يجب؟! اللي هو لا يساوي عُشر المرتب اللي بيقبضه د. إسلام عزت

معتقدش إنك فكرت في النقطة دي قبل كده! 👀 تفصيلة بسيطة… لكن ممكن تساعدك جدًا تفهم وتفرّق بين حالات الـ Hyperthyroidism و Hypothyroidism 🔥 معلومة صغيرة… بس قيمتها كبيرة في التشخيص.