Emergency & ICU

خافض لسان بـ "ربع جنيه".. غلب أشعة رنين بـ "آلاف الجنيهات"! مريضة (٥٩ سنة) دخلت العيادة والمنظر يخض أي حد.. لسانها تقيل جداً، كلامها غير مفهوم، وعندها سكر وضغط. طبعاً أي حد هيشوف المنظر ده، وأولهم أهل المريضة، هيصرخوا: "دي جلطة في المخ فوراً!".. بصيت على حركة المريضة، لقيتها بتمشي كويس، مفيش ضعف في أطرافها، السكر والضغط زي الفل. ممكن يكون فيه برضه جلطة، لكن كان لازم أبدأ من أول المشكلة وهو "اللسان". مسكت "خافض اللسان" وبدأت أفحص الفم.. وكانت الصدمة: فم المريضة عبارة عن "قطعة خشب" حرفياً! جفاف تام (Severe Xerostomia)، مفيش نقطة لعاب واحدة، اللسان لازق في سقف الحلق ميكانيكياً، وده اللي مخلي كلامها تقيل ومحسسهم إنها جلطة، وهي ميكانيكياً مش عارفة تحرك لسانها من جفاف الفم! والجفاف كان مقتصر على الفم فقط ومفيش أي سبب ليه؛ لا نزلات معوية ولا قيء ولا صيام حتى! قلت للأهل: "دي مش جلطة، ده غالباً مرض مناعي اسمه (متلازمة شوغرن - Sjögren's Syndrome) نشّف ريق المريضة حرفياً وهجم على الغدد اللعابية" وهنتأكد من التحاليل. كتبت لها علاج مرطب ومحفز للغدد، وطلبت تحاليل مناعية. هنا بدأت المأساة.. بدل ما الأهل يشكروا ربنا إنها مش جلطة، بدأت "المرافقة" تجادلني لنص ساعة! "إزاي مش جلطة؟ دي دايخة ومش عارفة تتكلم.. دي كذا وكذا!".. نص ساعة من استنزاف الطاقة والشك في التشخيص لمجرد إنها حافظة إن الجلطة بتقل اللسان. كتبت العلاج والتحاليل وقطعت النقاش بعدما استنزفت وشعرت إني حتى مش عارف إزاي هكمل كشف على بقية المرضى! النتيجة؟ أخدوا المريضة ولفوا بيها، وعملوا أشعات رنين ومقطعية على المخ بآلاف الجنيهات.. وفي النهاية؟ أشعة المخ طلعت "سليمة تماماً"! دكتور المخ والأعصاب راعى ضميره وقالهم إنها معندهاش ذرة مشكلة في المخ والأعصاب. أخدت العلاج اللي كتبته، الريق اتحسن، الكلام اتحسن، وعملوا أخيراً تحاليل المناعة، وطلع التحليل إيجابي!! صرفوا آلاف لكنهم لم يقتنعوا في البداية لأن معاهم مرافقة.. واللي اكتشفت بعدها إنها (جارة) المريضة، يعني لا علاقة قرابة بينهم أصلاً! مجرد "فتوى طبية" بتتفضل بيها في نهار رمضان! هل تعلم هذه المرافقة للمريضة ان النبي صلوات ربي عليه قال "من تطبب ولم يعلم منه طب فهو ضامن" اي انه مسئول ومحاسب شرعيا وقانونيا وماليا على اي ضرر يقع بالمريض ، فمجرد كلمة لا تلقي لها بالا قد تسقطها سبعين خريفا في النار لان هذه الكلمة قد تضيع حياة انسان ومصير عائلته من ورائه … في المقابل.. حالة تانية بعدها العكس تماماً، وكأنها جاءت لتخفف عني! مريض أنا أرسلته لطبيب صدر بعدما رأيت أشعة الصدر تحمل أكثر من تشخيص، وكلهم أصعب وأخطر من بعض. لكن بالسماعة تشخيصي كان ألطف من شكل الأشعة، والعلاج اللي أخده قبل أن أرى الأشعة قال إنه تحسن عليه.. لكني صممت أن يذهب إلى طبيب صدر فوراً للتأكد. وبعد إقناع ورفض منه، ذهب لطبيب صدر، وعاد بنفس العلاج الذي كتبته! ودخل العيادة يعاتبني إني أرسلته لطبيب آخر، وأقسم أنه لن يتركني مرة أخرى. أنا أعامل الله في المرضى وليس المرضى.. لا أمنع مريضاً عن علاج ولو كان محتملاً عند غيري بل أدفعه أنا إليه، ولا أرسل مريضاً لفحوصات كثيرة لا يحتاجها حتى وإن رغب هو فيها. هذا مبدأي وهذا ديني. ‏ فأنا لا أرى في نفسي أي شيء إلا طبيب يحاول أن يراعي الله ويراه، وأعلم أنه يراني ويراقب أفعالي ويختبرني ويمتحنني في كل لحظة من حياتي. كل لحظة وفعل وحركة وسكون هي اختبار من الله وكلٌ محاسب على ما يفعل ويقول او ما لم يفعل وما لم يقول في الوقت الذي كان عليه ان يفعل او عليه ان يقول ، في كل فعل وكل فتنة وكل اختبار نسأل الله ان يهدينا سواء السبيل ، وان يكون معنا ابدا ودائما حتى نخرج من الدنيا غير خاسرين ولا نادمين الندم الابدي الذي لا ينفع ولا يغير من سوء المصير ، فاللهم اهدنا سواء السبيل وصراطك المستقيم واخرجنا من وسط هذه الفتن المظلمة غير مفتونين ولا خاسرين يارب العالمين … د. إيهاب نايل

🔥هام للأطباء نبطشية الـ ER زحمة، عيان كبير في السن داخل بيشتكي بهمدان وتعب عام، مفيش Fever ومفيش أي حاجة واضحة في الفحص المبدئي.. تكتبله مسكن وتروّحه؟ استنى لحظة! العيان ده ممكن يكون بيبدأ Sepsis، والتأخير هنا ثمنه حياة العيان. مشكلة الـ Sepsis الحقيقية إن بداياته خادعة جداً وممكن تظهر كأنها Routine infection عادية. وعشان الـ Surviving Sepsis Campaign Guidelines دايماً بتأكد على أهمية التشخيص السريع، لخصنالك الـ Takeaways و 5 قواعد أساسية عشان تلقط العيان صح في الـ Clinical Practice اليومي بتاعك: 1️⃣ متتخدعش بالـ Nonspecific Complaints كتير من العيانين بييجوا بأعراض تبان بسيطة زي تعب شديد، رعشة، نهجان، أو لخبطة في الوعي. Clinical Pearl: كبار السن (Older adults) ممكن يدخلوا في Sepsis من غير ما يجيلهم Fever أصلاً! خليك دايماً Alert لو لقيت الـ Red flags دي: • Tachypnea • Hypotension • Altered consciousness • Cold or mottled skin • Cyanosis & Oliguria 2️⃣ حدد الـ High-Risk Patients من بدري مش كل عيان عنده Infection نسبة الخطر عنده واحدة. الـ Threshold بتاعك للحجز (Admission) لازم يكون قليل جداً لو العيان: • كبار السن والـ Frail patients. • عنده أمراض مزمنة زي الـ Diabetes, Renal insufficiency, Liver disease, أو COPD. • مرضى الـ Cancer والـ Immunosuppression. • عيان مركب Catheters، عنده Wounds، أو عامل جراحة قريب. 3️⃣ الـ Vitals مش مجرد ضغط وحرارة! لو شاكك في Infection محترم، لازم تاخد الـ Vitals كاملة (Pulse, BP, RR, SpO2, Temp). Clinical Pearl: الـ Respiratory Rate (RR) هو أكتر Vital sign بيتنسى أو بيتقاس بالويم في الشغل اليومي! أي RR ≥ 22/min يعتبر علامة خطر واضحة، وهو واحد من أهم كرايتيريا الـ qSOFA Score اللي بتشمل: • RR ≥ 22/min • Systolic BP ≤ 100 mm Hg • Altered level of consciousness (ملاحظة: دراسات كتير بتأكد إن الـ NEWS2 Score أحياناً بيكون Sensitive أكتر من الـ qSOFA في حالات الطوارئ). 4️⃣ ثق في الـ Clinical Judgment بتاعك الـ Sepsis مش دايماً بيتشخص بالأرقام والـ Scores بس. لو حاسس إن العيان شكله Toxic، شاحب بزيادة، أو أهله بيقولولك "طبيعته مش كده وتصرفاته متغيرة"، خد الكلام ده بجدية جداً. الـ Gut feeling بتاعك كطبيب مبني على خبرتك في ملاحظة التغيرات البسيطة اللي الأجهزة ممكن متلقطهاش في أولها. 5️⃣ الـ Management: مفيش حاجة اسمها Wait and See الوقت هنا بـ "حياة". لازم تعمل Admission سريع وتبلغ النبطشي اللي هيستلم منك بوضوح (Hand-off) بكل تفاصيل العيان والـ Vitals والأدوية. • ابدأ فوراً في الـ Workup الأساسي: Blood cultures قبل المضاد الحيوي، Lactate measurement، وابدأ Fluid therapy. • التدخل السريع بـ Early Antibiotics في حالات الـ Sepsis والـ Septic Shock بيقلل الـ Mortality rate بشكل ملحوظ جداً. إفتكر_إنى_قلتلك د. أحمد البندارى

الواحد مع كل عيان بيشخصه صح clinically بعد ما العيان لف ودار بيبقى عاوز يروح يبوس جزمه اساتذتنا اللي علمونا clinical وعرفونا قيمه ال clinical ف يوم من الايام وببقي عاوزه اصب غضبي كله ع اللي بيتعامل مع العيان كانه ورق لكن ازاي يبص ع العيان ازاي يقعد مع العيان ويسمعه ( جيل محبط لاقصي حد، جيل مخلي الواحد بيمشي يكلم نفسه احنا ازاي وصلنا لكدا ولا حول ولا قوة الا بالله) د. هدى سيد

لابد ان يكون طبيب التخدير اللذى سيقوم بتخدير اى عمليه جراحيه اخصاىء او استشارى ان يكون متواجد طوال الوقت فى غرفه العمليات التى تجرى فيها العمليه الجراحيه ولا يكون مشغولا بشغل آخر او بيترك الغرفه لعمل آخر او اى غرض تواجد طبيب التخدير طوال الوقت من اساسيات الأمان فى عمليه التخدير لمراقبه المريض المستمره والاكتشاف المبكر لاى مشكله وحلها فى الوقت المناسب باذن الله وتوفيقه عدم تواجد طبيب التخدير قد يؤدى إلى كوارث عظيمه هذه امانه …. لابد يشترك فيها طبيب التخدير والجراح واداره المستشفى ( مجتمعين ) … وهى امر عظيم لمن لايعلم اللهم بلغت اللهم فاشهد ا د اشرف عرفات

إوعى تكذب نفسك وتطاوع المريض: جالي مريض عنده تقريباً 55 سنة أو أكبر عنده غثيان وقيء مرة واحدة وألم في البطن من امبارح بالليل ! السخونية كانت خفيفة وراحت مع باراسيتامول ! بس المريض شكله مش مريح فحصته، لقيت الحالة ماشية جداً مع التهاب الزايدة مش مشهورة في السن الكبير ! لكن واضحة جداً ! المهم بلغته أن فيه اشتباه في التهاب بالزائدة الرجل زعق وإزاي زايدة في سن زي ده ودا التهاب قولون ونزلة معوية واكتب لي أي حاجة قلت له معلش مش هكتب حرف واحد غير لما حد جراحة يشوف حضرتك طلع من العيادة مش مقتنع بكلامي ! وانتهت الأخبار عند كده بعد أسبوعين لقيت واحد داخل عليا في العيادة بيقولي يا دكتور: جالك فلان من أسبوعين هنا وقلت له كذا وكذا ؟! افتكرته وقلت له نعم فعلاً قال لي على فكرة راح مستشفى ما وقالوا له دا نزله معويه وكتبوا له محلول وعلاج وراح البيت الساعة ٣ بالليل لقيته بيتصل عليا وبيقولي الحقني بموت ! روحت له البيت لقيته فعلاً كأنه بيموت من التعب وبطنه روحنا به مستشفى مركزي كبيرة وطلع عنده التهاب في الغشاء البريتوني بتاع البطن والزائدة منفجرة وقعد في العناية لحد النهاردة 😳 . إوعى تكذب نفسك وتطاوع المريض ولو شكيت في حاجة مفيش أي مشكلة أنك تعمل الفحص اللي يثبت وجودها أو ينفيه مصلحة المريض أهم من دماغ المريض Dr ahmed elaskary

صعب جداً إحساس إن يجيلك مريض واعي، بيتكلم معاك ومع عياله عادي خالص.. ومع ذلك محكوم عليه بالموت في خلال ساعات! امبارح بالليل كلموني في الطوارئ على ست طيبة عندها 70 سنة جايه مهبّطة.. بقول لعيالها ايه اللي حصل.. قالولي جالها دور إسهال وسخونية من اسبوع وبقالها يومين مش بتاكل ولا بتشرب والنهارده هبطانة كدا.. بحس النبض في إيدها.. مش محسوس.. بقيس الضغط.. مش مسموع.. حطيت إيدي على رجليها.. ساقعة تلج.. اسحبوا ABG بسرعة.. Severe Metabolic Acidosis Lactate = 12!! والمرعب إن الست فايقة وبتتكلم! عامله ايه يا حاجه؟ الحمدلله يابني انا كويسة.. طاب قولي لا إله إلا الله.. بسرعة سنتر ومحاليل وليفو.. مفيش استجابة.. محاليل كمان.. حط أدرينالين.. مفيش.. هنا اتأكدت إنها Irreversible Septic Shock.. اطلع بالليفو لـ 1000 نانو.. لسه النبض مش محسوس.. الضغط مش مسموع.. القسطرة مش جايبه نقطة بول.. عامله ايه يا حاجه؟ الحمدلله يابني أنا كويسة.. طاب قولي لا إله إلا الله.. اسحب ABG تانية.. الـ Acidosis بيسوء.. الـ Lactate فوق الـ 15.. ادي بايكارب.. محاليل كتير، وصلنا لـ 10 لتر.. لسه النبض مش محسوس.. الضغط مش مسموع.. القسطرة مش جايبه نقطة بول.. الـ IVC Collapsed.. باقي التحاليل طلعت.. فشل كلوي حاد.. إنزيمات الكبد ودلائل الإلتهابات في السما.. عامله ايه يا حاجه؟ الحمدلله يابني أنا كويسة.. طاب قولي لا إله إلا الله.. ماما عامله ايه يا دكتور؟ الحالة وحشة جداً يا جماعة واحتمالية الوفاة عالية.. بيبصولها وهي قاعدة بتتكلم، وبيبصولي ومش مصدقين.. ساعات معدودة.. النفس بيعلى.. درجة الوعي بتقع.. لسه النبض مش محسوس.. والضغط مش مسموع.. أنبوبة ومنظار.. تنفس صناعي.. توقف في عضلة القلب.. وماتت رحمة الله عليها.. ----- رسالة للشباب.. أهالينا الكبار علاجهم في المستشفيات أو العيادات.. حالة زي دي لو جت أول ما تعبت كانت ممكن تتلحق.. لكن عيالها مارضوش يتعبوها وجابولها حد في البيت يعلقلها محاليل.. رسالة للدكاترة والتمريض.. ادعوا ربنا ماتقابلوش في حياتكم حالات Irreversible Shock عشان هتكرهوا الشغلانة.. د. محمد فهيم

مساء الخير يا جماعة سرطان القولون لو اتشخص في حد من العيلة، بنعمل منظار قولون لكل قرايب الدرجة الأولى. اسألوا الطبيب المعالج عن العمر اللي يتعمل فيه المنظار. أنا كل يوم -كل يوم بدون مبالغة- في العيادة باكتشف حد في عيلة مريضاتي عنده سرطان قولون ومحدش من قرايبه بيعمل منظار. السادة الأطباء... كلنا بنسأل عن سرطان الثدي بس سرطان القولون له عامل وراثي قوي جدًا، من فضلكم اهتموا بده. د. منار مبارك

عارف زميلك اللي بيحبطك ليل ونهار ؟! بيحضّر زمالات وبياخد شهادات ! عارف زميلك اللي عامل مظلومية فقر وبلد بنت كذا ؟! معاه فلوس أكتر مني ومنك ! وبيشتم علشان مش عارف يشتري شقة في العلمين !! وأنت أهبل ومصدقه وفي دماغك أنه مش عارف يشتري شقة طعمية 🥙 . وهتعرف كلامي ده قدّام شوية بس لما تعقل وعمرك يضيع . ولو أنت من النوع اللي بيصدّق أي حاجة على الميديا وبيصدّق المظلوميات وبيهيص معاهم في الهيصة ! . روح اكشف على مخك وروح لطبيب نفسي بكلمك بجد وبكل أمانة د. أحمد العسكرى

جماعة الطواريء في المستشفيات للطوارئ فقط (خاصة المستشفيات الحكوميه) كلام بديهي جدا لكن مش بيحصل معني طوارىء يعني حاجه لو ماتلحقتش تؤدي الي الوفاه او إصابه مستديمه اي حد ضغطه اقل من 160 دا مش طوارىء اي حد ضغطه اكتر من 160 طوارىء لكن مايخدش قرص تحت اللسان او برشام السيوله روح الطواريء وهما هيتعاملو معاك البرد سواء في معدتك رجلك صباع مش طوارىء وجع الكتف مش طوارىء مفيش حاجه اسمها بستريح علي المحلول دا مش علاج الدوخه والهمدان اللي بقيلهم اسبوعين مش طوارىء خبطه الرجل اللي بقيلها شهر مش طوارىء شعرك اللي بيقع مش طوارئ خنقاتك مع جوزك خطيبك عشيقك مش طوارىء مفيش حاجه اسمها بستريح علي المحلول دا مش علاج الدمل مش طوارئ طلاما حضرتك معندكش أمراض مزمنه ومش ماشي علي علاج وحاسس انك مش كويس وبقيلك فتره زود ساعتين وروح اكشف في العياده متجيش الطواريء الساعه 4 الفجر المحلول مش علاج عاوز تقيس ضغطك وسكرك روح الصيدليه عاوز حاجه مسكنه روح الصيدليه عاوز تعمل سونار او اشعه تعالي العيادات او مركز خاص عاوز تعلق كانيولا روح خلي المركز او الدكتور اللي قالك كدا هو يركبها انيميا 8 مش طوارىء والله مفيش حاجه اسمها بستريح علي المحلول دا مش علاج حضرتك روحت الطواريء والدكتور قالك دي مش حاله طارئه يبقي تروح عاوز تتطمن ع نفسك روح مستشفي خاص او تيجي العيادات التابعه للمكان مجانا او سعر رمزي الزعيق وقله الادب والعشرين واحد اللي داخلين مع المريض مش هيفيدوه والمريض هو اللي هيضر متحاولش تستنصح وتعمل فاهم وعارف طلاما عارف عالجك نفسك ومتتكلمش كتير عاوز بقي تعرف وتفهم يبقي تسال بادب وزوق وهتعرف عادي ومحدش هيتاخر عليك د. بلال رأفت

وانا ف عياده احدي مستشفيات التعاقد من ٣ ايام : جات لي حاله لطفل ١٥ سنه متشخص مرض السكري النوع الاول والزميل الفاضل اللي شخصه كاتب جرعات الانسولين كويسه ومظبوطه .. الام عامله تحليل سكر تراكمي وعايزاني ابص عليه السكر التراكمي بتاع الطفل ١٥ ( رقم خرافي ) بعد ما كان ٦ ( علي جرعات الانسولين ) بسال الأم عن اللي حصل خلي الطفل يوصل لكده قالتلي : ان الاب رفض الانسولين وقال يمشي علي نظام الطيبات = يعني يا امي ابنك وقف الانسولين ؟! - اه = طيب الاكل نظامه ايه ؟! - بياكل بمزاجه ... وابوه جاب له عسل أبيض بياكل معلقتين بالليل قبل النوم = كمان عسل !! يا امي حرام .. ( طبعاً اللي عارف اهالينا في سيناء دماغهم صعبه جداً جداً .. وكان غريب بالنسبه لي إنهم عارفين حاجه اسمها الطيبات اصلاً ) قعدت اشرح للام اضرار السكر ولازم العلاج والخ الخ لحد ما قالتلي اقنع باباه .. ظبطلها جرعات الانسولين والنظام الغذائي و خلصت لها اذن صرف اقلام الانسولين واديتها رقمي تكلمني علشان احاول اقنع الاب بالرغم ان اقناعه شبه مستحيل .. الام النهارده الصبح بترن عليا إن ابنها بيرجع من الصبح ونفسه سريع و مدروخ .. قولتلها روحي استقبال اقرب مستشفي وقيسي السكر وبلغيني .. والام اخدته مستشفي العريش وقالولها إنه دخل في DKA ( غيبوبه سكر كيتونيه ) وهي بتعيظ وتقول ( دا جاء بعد ١٠ سنين .. دا انا معنديش غيره 😓 ) .. ... حاجه تحزن وحسبي الله ونعم الوكيل في اي حد يفتي بما لا يعلم .. . ودي مش اول حاله ولا هتبقي اخر حاله للاسف 😓 ... Dr Asma Elaraby

أستاذ في كلية الطب في إحدي الجامعات كان يعاني من اختناق في عصب اليد من كتر الشغل الج*راحي علي يده اليمنى … . فجاب استاذ زميله عشان يعملله العملية .. وجاب استاذ تخدير برضه زميله عشان يخدره تخدير كلي … يعني استاف العملية داخل غرفة العمليات كان كله اساتذة .. يعني مش معيد ولا مدرس مساعد ولا مدرس .. لا ٣ معاهم أستاذية . مع ان الروتيني العملية دي تسليك عصب تتعمل عن طريق مخدر موضعي ..ولكن فضل تخدير كلي لتلاشي اي احساس بالألم . . للأسف الاستاذ الدكتور أثناء خضوعه للعملية تحت تخدير كلي حصله Cardiac Arrest .. توقف مفاجئ ..لعضلة القلب وما *ت وفشلت كل محاولات ال CPR . ……………… حالة تاني ..مدرس مساعد في قسم الباطنة في كلية الطب في احدي الجامعات كانت حامل وعند الولادة ولدت قيصري .. واستعانت بمدرس في قسم التخدير شاطر جدا ومشهودله بالمهارة ..عشان يديلها إبرة التخدير النصفي ال Spinal Anasthesia.. بعد ما فك البنج لقيت نفسها * رجليها مشل*و*لة paraplegia.. . إبرة التخدير عملت نز*يف الام الجافية وضغطت علي جذور الاعصاب وكيس الاعصاب مسببة ش*ل*ل . . الحالتين دول حقيقين.. وكان أستاذ من أساتذه أحدى كليات الطب شاهد عيان علي احد هاتين الحالتين .. إن هذا الأمر يدعوا الي التدبر والتفكير والشكر لله والإيمان بأن قدر الله حاصل لا محالة .. وكان امر الله قدرا مقدورا وإننا نفر من قدر الله الي قدر الله . لانك لو حسبتها عقليا هتلاقي الناس اللي حصلت معاها مضاعفات ووف*اةً .. كانوا اساتذة في كلية الطب واستعانوا بج*راحين مهرة في كلية الطب وأساتذة تخدير مهرة في كلية الطب فالمفروض ميحصلش معاها مضاعفات . لا دا حصل وف*اة .. والتاني شل* ل وهنا لا بد أن يقف الإنسان طويلا ليتدبر ويدرك أن الطب مهما بلغ من التقدم وأن المهارة مهما بلغت من الإتقان فإن الأمر كله لله وأن الأسباب لا تعمل إلا بإذنه وأن الأعمار لا تزيدها مهارة الأطباء ولا تنقصها أبدا عجزهم ........... . منقول

حساسية الأنف زايده الفتره دي جدا سواء اطفال أو كبار رشح مستمر او انف مسدودة - عطس - حكه في الأنف- كحه متكرره تزيد بالليل - غمقان وتورم في الجفن السفلي للعين - صداع مستحيل البعد عن مثيرات الحساسية ذي التراب وحبوب اللقاح بس نحاول نقلل التعرض للمثير بقدر الإمكان اولا لا للصوف نعم للقطن في اللبس أو الغطا الاطفال اللي عندهم حساسيه جامده ماتنشروش هدومهم بره انشروها داخل البيت أول ما يرجع من بره غيري هدومه وياخد دش وهو بره يغسل وشك كل ما يتعرض للأتربه ذي ما فيه جاكت watar proof في مخدات Dust proof بحيث انها ما تجمعش تراب لان من أهم أسباب إثارة الأنف هي النوم علي مخده مجمعه اتربه الأكاديميه الامريكيه للانف والأذن والحنجرة أوصت باستخدام البخاخات ومضادات الحساسيه معا من اول العلاج مدة استخدام البخاخات شهرين حتي التحسن ثم بعد ذلك تستخدم عند اللزوم وفي بعض الحالات نستخدم اكتر من شهرين ولكن علي الجرعه القليله يعني لو بختين في اليوم ناخد بخه واحده لما تستخدمي البخاخه لأول مره بخي٦ بخات في الهواء حتي ظهور رزاز واضح او لو ما استخدمتهاش لمده اسبوع بخي برضو ٦ بخات في الهواء حتي ظهور رزاز واضح عند البخ نوجه البخاخه للخارج وليس جهة الحاجز الانفي مع غلق الفتحه الاخري احسن بخاخه هي نازونكس أو نورينوز( No Rhinose ) لا تستخدم قبل عمر سنتين من سنتين الي ٦ سنين بخه واحده بكل فتحه مره واحده يوميا بعد ٦ سنين ٢ بخه مره واحده يوميا وكذلك تيكناز وفليكس وفليكيوناز ونازوفلوتين ونازوكورت كلهم نفس الطريقه والجرعه اما بكلو و رينوكورت لا تستخدم قبل ٦ سنين وتعطي بخه كل ١٢ ساعه حتي سن ١٢ سنه وبعد ١٢ سنه تعطي ٢ بخه كل ١٢ ساعه اما مضادات الحساسية خدي بالك مافيش حاجه بتستخدم قبل ٦ شهور ليفوهستام ربع قطاره مساءا من ٦ شهور الي سنه ونص قطاره مساءا بعد عمر سنه لورافاست وليرجكير من ٦ شهور الي سنه ٢ سم مساءا من سنه الي ٥ سنين ٢.٥ مساءا اكبر من ٦ سنين ٥ سم مساءا تلفاست وفاستيل من ٦ شهور الي سنه ٢.٥ سم كل ١٢ ساعات أكبر من سنه ٥ سم كل ١٢ ساعه زيرتك وهيستازين لا يستخدمو قبل سنتين بعد سنتين الي ٦ سنين ربع قطاره من النقط أو ٢.٥ سم مساءا من الدواء بعد ٦ سنين نص قطاره من النقط أو ٥ سم من الدواء مساءا لو مافيش استجابه نضيف علي البخاخه ومضادات الحساسيه مونتيلوكاست والجرعه تحدد حسب العمر من ٦ شهور الي ٥ سنين اكياس مثل ليلبيل أو سنجيولار ٤ مجم كيس مساءا بعد ٥ سنين اقراص مضغ ( كاست ٥ مجم ) قرص مساءا العلاج الجديد والنهائي هو Immunotherapy ببساطه عباره عن حقن للماده اللي عندك حساسيه منها بعد تحديدها عن طريق skin prick test و serum IgE وزيادة الجرعه المحقونه تدريجيا الي ان يتعود الجسم عليها ويقل التحسس منها والعلاج بيجيب نتيجه بعد ٦ شهور ويحسن تحسن هايل من ٣ الي ٤ سنين من المواظبه علي العلاج د. رضا عبدالواحد

"قيلَ لأحَدِ السّلف: ما نراكَ تَعيبُ أحدًا! فَقال: لستُ عَن نَفسي راضيًا، حتَّىٰ أتفَرَّغَ لِذمِّ النَّاس."

‏أول راتب استلمته وعمري ٢٣، قال لي أبوي: ‏«كل شهر تحوّل لي ١٠٠». ‏قلت له: ‏«ليش يبه؟» ‏قال: ‏«حق التربية». ‏ضحكت، لكنه ما ضحك. ‏ومن يومها، كل يوم ٢٧ إذا نزل الراتب أحوّل له ١٠٠، وأكتب بالملاحظة: ‏«حق التربية». ‏ويرد علي كل مرة: ‏«وصل. الله يرزقك». ‏ولا يزيد كلمة. ‏حوّلتها وأنا عزوبي. ‏وحوّلتها شهر زواجي، والديون فوق راسي. ‏وحوّلتها الشهر اللي انولد فيه ولدي، وما بقي بحسابي إلا ١٤٠. ‏زوجتي كانت تقول: ‏«أبوك متقاعد وعنده بيته، وش يبي بالـ١٠٠؟» ‏وخوياي يقولون: ‏«أبوك حاط عليك ضريبة؟» ‏وأقول لهم: ‏«أبوي كذا، له طبايعه». ‏مرة تأخرت عليه يوم واحد. ‏الساعة ٧ الصبح اتصل وقال: ‏«عسى ما شر؟» ‏حوّلت له وأنا أضحك وقلت في نفسي: والله إنه دقيق بالفلوس. ‏ومرّت ١٢ سنة على هالحال. ‏قبل ٣ شهور، الشركة استغنت عني. ‏ما قلت لأحد، حتى زوجتي. ‏كل يوم ألبس ثوبي وأطلع الساعة ٧، وأقعد بالسيارة عند كوفي لين الظهر، ثم أرجع البيت كأني راجع من الدوام. ‏وجا يوم ٢٧… وما نزل راتب. ‏لأول مرة من ١٢ سنة، ما حوّلت لأبوي شيء. ‏بعد العشاء دق جوالي. ‏قال: ‏«ما وصلني شيء». ‏قلت: ‏«نسيت يبه، بكرة إن شاء الله». ‏سكت شوي، ثم قال: ‏«تعال الحين، بروحك». ‏دخلت المجلس ولقيته جالس، وقدامه دفتر قديم وظرف. ‏دفّ الدفتر لي وقال: ‏افتحه». ‏كل سطر فيه تاريخ، و١٠٠، واسمي. ‏وجنب كل سطر مكتوب وين راحت: ‏«برادة موية»… «كفالة يتيم»… «سلة رمضان»… «سقيا عمال». ‏١٤٤ سطر. ‏قال: ‏«ولا ريال من فلوسك دخل جيبي». ‏وعطاني جواله، وفيه صورة برادة موية عند مسجد، عليها لوحة صغيرة مكتوب فيها: ‏«صدقة عن ولدي، الله يحفظه». ‏عرفتها على طول. ‏هي نفس البرادة اللي عند المسجد جنب دوامي، اللي كنت أشرب منها كل يوم بعد الظهر. ‏سنين وأنا أشرب من صدقة أبوي عني وأنا ما أدري. ‏بعدها دفّ الظرف لي وقال: ‏«وهذا مني أنا». ‏فتحته، ولقيت فيه ٧٢ ألف. ‏قال: ‏«من أول راتب لك وأنا أحط هنا ٥٠٠ كل شهر». ‏«قلت بيجي يوم ما يوصلني منك شيء… وذاك اليوم بتكون محتاجني». ‏قلت: ‏«يبه، كيف عرفت؟» ‏قال: ‏«١٢ سنة ما تأخرت إلا يوم واحد، واليوم ما وصل شيء. ما يحتاج أحد يقول لي». ‏ما قدرت أتكلم. ‏قال: ‏«الـ١٠٠ عمري ما كنت أبيها. كنت أبي أعرف كل شهر إنك بخير، بدون ما أسألك وتقول لي: تمام، وأنت مو تمام». ‏بعد شهرين لقيت وظيفة. ‏أول يوم ٢٧، حوّلت له ١٠٠ وكتبت: ‏«حق التربية». ‏رد: ‏«وصل. الله يرزقك». ‏وبعدها بدقيقة، لأول مرة، جتني منه رسالة ثانية: ‏«ولا عاد تخبّي علي». ‏-القصة للعبرة وقٓلّيل من يفهمها…. !! رب اغفرلي ولوالدي وللمؤمنين والمؤمنات والمسلمين والمسلمات الأحياء منهم والأموات سعيد محمد

😂😂😂😂

رجعت في كامل وعيها وحركت ايديها ورجليها الاتنين كويس جدا ونزلت اتمشت وبعدها روحت مع اولادها عادي جدا ولا كان حصل حاجه وطلع الموضوع كله التشنجات وتوابعها ولسه ياما هنشوف في الطب 😅 دمتم بخير ❤️ د. محمد السيد حسونه

من الحالات النادرة اللي تحيرك ✨✨ ست عندها 60 سنه حصلها تشنجات شديدة استمرت دقيقتين تقريبا بعدها التشنجات وقفت لكن مفيش درجة وعي والست مبتحركش الجانب الايمن من الجسم فاولادها جم بيها الطوارئ الطوارئ كلموني عليها فلما نزلت الست كان عندها اضطراب بدرجة الوعي مع ضعف تام ف الجانب اليمين والعين باصه ناحية اليمين يبقي اللي حصل patient developed acute generalized tonic colonic convulsions followed by post ictal confusion and R.t sided weakness with R.t eye GAZE فهنا ممكن تتشخص انه حصلها تشنجات عنيفه واحنا دلوقتي في مرحلة ضعف ما بعد التشنجات عشان كده عندها ضعف بالجانب اليمين من الجسم ودا بيحصل بسبب اجهاد الالياف العصبية أثناء التشنجات ما يسمي ب (Todd's paralysis) يعني العيان اللي بيتشنج ممكن يحصله بعد انتهاء التشنجات ضعف في جزء من الجسم ويستمر فترة يوم او يومين ويختفي الضغف دا لعند هنا تقولي الدنيا تمام ؟! اقولك لا مش تمام تقولي ليه ؟! اقولك اوعي تشخص ال Todd's paralysis دا بسهوله كده لا لازم تدور وراها كويس وخليك معايا هتفهم قصدي رجعت للاهل قولتلهم عاوز اعرف سياق الاحداث بالظبط المهم بنتها قالتلي كنت قاعدة معاها وبنتكلم عادي مره واحدة سكتت ببص عليها لقيتها غمضت عنيها ومفيش حركه خالص في ايدها ورجليها اليمين بحاول افوقها مفيش بفتح عنيها لقيتها باصه ناحية اليمين كده برضو خدتها ع طول ونزلنا في العربية وهنا بدأت تتشنج بقي قولتلها يعني اضطراب درجة الوعي والضعف حصلو الاول وبعد كده اتشنجت ؟ قالتلي بالظبط كده وهنا السردية اتغيرت تماما ياصديقي دا كده مش Todd's paralysis الضعف هو اللي بدأ الأول وبالتالي التشخيص اختلف دي بالنسبالنا جلطة شدبدة وغالبا قفلت شريان رئيسي ف المخ عمل الضعف دا والتشنجات دي او نزيف بالمخ وهو اللي عمل كده دا وارد برضو الله اعلم فهنحتاج نعمل مقطعية علي المخ و رنين لكن الست كانت في حالة هياج وغير مستقرة قولت نطلع الرعاية ونستقر وبعدها نقرر هنعمل اي لان الوقت مش في صالحنا ليه وقت اي اللي مش ف صالحنا ؟ مهو يا عزيزي لو في جلطة غالبا هتكون في شريان كبير زي ال L.t MCA وبالتالي عاوزين نعمل رنين والحاله تستقر عشان نشوف لو هينفع نديها حقنة مذيبة للجلطة والموضوع بدا من ساعه ونص يعني مش قدامنا غير 3 ساعات ممكن نحقن فيهم مذيب الجلطه عشان كده الوقت مش في صالحنا المهم طلعنا الرعاية ادينا ادوية تانيه عشان تستقر الحالة ونسقنا مع تيم التخدير وتيم الاشعة عشان هنحتاج رنين بالتخدير طبعا ماهي الست مش فايقة ومش هادية Agitated خد بالك كل دا ومعندناش وقت اصلا لكن الحمدلله قدر ننزل بيها وعملنا المقطعية والحمدلله كويسه مفيش نزيف كملنا وعملنا الرنين وكل دا تم من غير ما نحطها علي تنفس صناعي خلصنا الرنين وهنا كانت المفاجأة : مفيش اي حاجة حاجه برضو والرنين سليم طاب ايه؟ اي اللي يعمل ضعف تام في جانب واحد من الجسم وبعديه يحصل تشنجات عنيفه كده صوديوم بوتاسيوم كالسيوم كلهم كويسين امال ايه ؟ حط بقي اسباب تانية كDD ودور عليها في اللي قال Meninigioencephalitis ممكن تعمل كده بس مفيش سخونية ولا علامات meningism قالو عادي تبقي Atypical وكلامهم صحيح دا ممكن يحصل فعلا لكن انا كنت شايف سيناريو مختلف ونادر شويتين ال ILAE بتسميها Focal ICTAL Paresis بمعني ايه؟ المريض لما بيحصلة نوبات تشنجات بيمر بمراحل اول مرحلة ما قبل التشنجات (Aura) ودي ممكن المريض يسمع فيها صوت معين او يحس بتنميل او يلاقي ايده ترتعش او حتي يحس ضربات قلب سريعه ولما بيحصله حاجه من دول تقريبا بيكون حاسس انه خلاص هيجيله تشنجات لو هو متعود عليها المهم بعد المرحله دي تيجي المرحله التانيه اللي هي مرحلة التشنجات فعلا وهنا الجسم كله يتشنج بس هنا في نقطه ممكن التشنجات دي تبدا في جزء معين في الجسم وبعد كده تنتشر في الجسم كله يعني ممكن يحصل تشنج ف الايد اليمين والرجل اليمين لثواني وبعد كده الجسم كله يتشنج وهنا بنسمهيا positive Ictal symptoms With focal to bilateral GTCs في حالات نادرة ممكن يحصل العكس بقي اللي هو بدل ما يحصل تشنج في جزء معين من الجسم لا يحصل ضعف في الجزء دا يبان كانها جلطه وبعد كده يحصل تشنجات في الجسم كله زي حالتنا اللي معانا دي حصل ضعف في الجانب اليمين من الجسم ك focal ictal paresisi وبعد كده التشنجات انتشرت في الجسم كله ما يسمي ب Focal to bilateral tonic colonic convulsions يعني عيان يجيلة نوبة صرع فبدل ما جسمه يتشنج يحصله ضعف اصلا شبه الجلطة؟! اينعم يحصله ودا متسجل فعلا كده وكون الضعف يستمر شويه بعد وقف التشنجات تقدر تعتبره جزء من ال Todd's paralysis😅 وقد كان مكملناش 24 ساعه حرفيا والست رجعت fully concious without any neurological defcit

أخطر ما يهدد طب الجلدية أن يتخرج جيل يعرف كيف يملأ التجاعيد ولا يعرف كيف يقرأ طفحا جلديا ويحفظ أسماء الفيلر ويتعثر في تشخيص مرض من صميم تخصصه حين تصبح الحالات المرضية عبئا على العيادة لأنها أقل ربحا من التجميل فنحن أمام أزمة في هوية الطبيب وأمانة المهنة لا أعمم ففي شبابنا أطباء نفخر بعلمهم لكن الشهرة لا تستر ضعف المعرفة وكثرة الحقن لا تصنع اختصاصيا المريض الذي يدخل عليك بمرض جلدي لا يعنيه عدد متابعيك ولا فخامة جهازك بل ينتظر علما يحميه من تشخيص خاطئ وعلاج عشوائي ومن المؤلم أن يتسع سوق التجميل بينما تضيق أمام المريض فرصة العثور على طبيب يفهم مرضه د. سليمان الشيخى

كتير من الزملا ف امتياز بيشتكي إنه مبيستفدش من نزول الطوارئ وأما بينزل يومه بيروح ف الفاضي مبيحصلش حاجة رغم إنه عنده الشغف وبيبذل مجهود جامد أما بينزل وده بيحصل فعلا للأسف بس هنا هقول نصيحة من زميل ممكن تخلي نزلتك لو ساعتين مفيدة ومجزية أكتر من إنك تنزل يوم كامل وهي حط تارجت خد خلفية ومترقعش نفسر يعني أنت نازل النهارده فرضا مستهدف حالات جلطات القلب أقرأ عنها ف أي مصدر مبسط ف السريع وانزل الزق للقلب جت حالة شوف الهستوري اتاخد ازاي والفحص اللي اتعمل والفحوصات اللي اتطلبت وبعدها العلاج اللي اتاخد ومفيش مانع تتبع الحالة وتروح وراها العناية تشوف تذكرتها ايه والحالة اللي بعدها تجرب أنت أو تقف تراجع ف دماغك الخطوات ورا النايب وعادي تتناقش معاه وبعدها تروح تفرغ الكلام اللي ف دماغك وتراجع عليه تاني وتقفل عليها واليوم اللي بعده مثلا حالة DKA اللي بعده storke فرضا بنفس السيستم حاطط تارجت لنزلتك DKA، خدت خلفية قريت عنها ف السريع قبل ما أنزل، مرقعتش نزلت لزقت للباطنة فقط جت الحالة شوفت الهستوري اتاخد ازاي الفحص اللي اتعمل الفحوصات اللي اتعملت العلاج اللي اتاخد تتبعت الحالة ف العناية ناقشت النايب ف اللي مش فاهمه روحت فرغت اللي ف دماغي وراجعت عليه وقفلت ع الحالة مش نازل بالبركة ومش قاري وعمال أبص شويه مع ده وشويه مع ده والحالة مش أكملها لآخرها، ومفيش مانع تحط أكتر من تارجت ليومك كل واحد وقدراته واستيعابه وربنا يوفق الجميع. د. أسامه حفناوى