Emergency & ICU

As a reminder: التردد مقبرة الفُرص .

امبارح جالنا العناية حالة amniotic fluid embolism ودي اول مرة في حياتي اشوفها ودايما بنسمع عن ال complication دا في الكتب ولما بحثت عنها لقيت انها حالة نادرة جدا بتحصل لواحدة كل ٨٠ الف حالة وكمان الارقام دي مش دقيقة لان غالبًا الام بتموت قبل ماتتشخص صح وكمان لقيت انها unpredictable, unpreventable يعني ملهاش تفسير معين وملهاش احتياطات معينة تتعمل علشان تمنعها وللاسف ملهاش علاج معين وغالبا نسبة الوفاة ٨٠٪؜ وبالفعل الحالة اللي كانت جاية مقعدتش حاجة وملحقناش نعملها حاجة وتوفاها الله ويمكن دي كانت من اكتر الحالات اللي اتاثرت بيها … تخيل بنوتة حاجة وعشرين سنة عندها اطفال وداخلة تولد البيبي وبعد ماتولد وخلاص الدنيا كويسة فجأة وبدون أي مقدمات تلاقي نسبة الاكسچين بتنزل تدريجيًا لدرجة مميتة والقلب يتوقف وتشتغل انعاش قلبي رئوي وتعمل كل اللي ربنا يقدرك عليه بس خلاص هي قدرها كده وعمرها انتهى عند هذه اللحظة احنا في العناية المركزة والطوارئ يمكن اتعودنا على الموت وحالات الوفيات الكتيرة والحالات اللي نسبة الامل فيها انها تقوم تاني بتبقا تحت الصفر بس برده هنظل نقف قدام حالات معينة وقلبنا يحزن حتى لو دا مظهرش على تعبيرات وشنا الجامدة ربنا يرحم البنوتة اللي توفيت ويرحم امواتنا واموات المسلمين جميعًا يارب ويصبرنا ويقوينا على شغلنا ويجعلنا سبب في انقاذ حياة الناس ويجعله في ميزان حسناتنا د. أحمد فتحى

٩٠% من أسباب انخفاض الطاقة والشعور بالإرهاق المزمن والخمول تعود الى القلق والاكتئاب والباقي تتوزع بين: 📌 قلة النوم وتحديدا جوده النوم 📌فقر الدم(الانيميا) 📌خمول الغدة الدرقية 📌بعض الأدوية والتدخين والسهر. د. محمود هاشم

دكتور… أنا باخد الحديد بقالي 3 شهور، والهيموجلوبين مش بيتحسن… بس أول ما أخدت حديد في الوريد اتحسنت! إيه تفسيرك ؟؟. أول حاجة الـ Poor Compliance يعني المريض مش بيبلع الدواء أصلاً!! الـ Oral Iron غالباً بيعمل Metallic taste و Constipation و Epigastric pain.. فالمريض بيكبّر دماغه ومش بياخده..فطبيعي مش هيتحسن.. لكن في حالتنا دي المريض بيقولك أنا أخدته فعلاً يبقى ندور على السبب التاني. تاني حاجة الـ Incorrect Diagnosis ممكن المريض ده أصلاً ميكونش عنده Iron deficiency anemia ممكن يكون عنده Thalassemia مثلاً فإنت عمال تديله حديد وهو جسمه مش محتاجه أصلاً والـ Hemoglobin مش هيزيد. بس المريض بتاعنا اتحسن على الـ IV يبقى فعلاً كان عنده نقص حديد. تالت حاجة بقى وده بيت القصيد الـ Malabsorption (فشل في الامتصاص) الحديد عشان يحصله Absorption لازم يعدي على الـ Stomach ويوصل للـ Duodenum والـ Upper jejunum ..ودول الأماكن الرئيسية اللي الحديد بيدخل منها للجسم. لو الأماكن دي فيها مشكلة.. الحديد اللي المريض بيبعلوا ده هينزل في الـ Stool ولا كأننا عملنا حاجة! طب ليه بقى الـ Oral Iron بيفشل والـ IV Iron بينجح في حالات الـ Malabsorption؟ ببساطة لأن الـ IV Iron بيعمل "Bypass" للـ GIT كله.. وبيرمي الحديد في الـ Blood مباشرة فبيوصل للـ Bone marrow ويبدأ يصنع RBCs والـ Hemoglobin يرفع. طب إيه اللي يخلي الـ Iron ميمتصش ؟؟ 1. الـ Celiac Disease (ودي أهم واحدة) ودي عبارة عن Gluten-sensitive enteropathy يعني لما المريض بياكل حاجة فيها Gluten (زي القمح).. بيحصل Immune response بيعمل Destruction للـ Villi (الخملات) اللي في الـ Small intestine، فبيحصل Villous atrophy.. والـ Villi دي هي اللي بتمتص الحديد اصلا فلما تتدمر الـ Absorption بتاع الحديد بيبقى صفر..(خلي بالك إن الـ Celiac ممكن يجي بـ Isolated iron deficiency anemia من غير Diarrhea ولا Malabsorption symptoms تانية واضحة.) 2. الـ Achlorhydria و الـ Hypochlorhydria الحديد عشان يحصله Absorption لازم الوسط يكون Acidic عشان يحول الـ Ferric (Fe3+) لـ Ferrous (Fe2+). فلو المريض بياخد PPI (زي الـ Omeprazole) لفترات طويلة أو عامل Gastrectomy (شايل المعدة) الـ Acidity بتقل فالـ Absorption بيبوظ. 3. الـ H. pylori Infection الجرثومة دي حرامية حديد بتنافس الجسم عليه وبتقلل الـ Stomach acidity كمان + Gastritis 4. لـ Inflammatory Bowel Disease (IBD) زي الـ Crohn's disease لو مأثر على الـ Duodenum والـ Jejunum بيعمل Inflammation بيمنع الـ Absorption. Dr yhia mohamed

بلاش نأكل سمك وبيض لو عندنا برد لأنهم بيزودوا البرد ويظهروه ( أي كلاااااااااام )الصح ان السمك والبيض ملهومش تأثير في البرد وعادي ناكلهم مفيدين جدا أثناء البرد لأن البيض والسمك فيهم بروتين والبروتين عبارة عن امينو اسيد مفيد جدا لمقاومة ومناعةالجسم لفيروس الانفلونزا. .. إلا لو عندنا حساسية منهم د. مروة حسين

إعادة 🔁 مهمة جداً تعرفها . الكحة بعد نزلة البرد ممكن تستمر ٣ أسابيع ! . البلغم وألم الصدر بعد الالتهاب الرئوي ممكن يتحسن في خلال ٤ أسابيع ! . الكحة وضيق التنفس بعد الالتهاب الرئوي ممكن يتحسن في خلال ٦ أسابيع ! . صورة الأشعة بعد الالتهاب الرئوي ممكن تتحسن بعده لحد ٦ أسابيع ! . الإجهاد بعد الالتهاب الرئوي ممكن يتحسن في خلال ٣ شهور ! . ومريضك بيكون أموره زي الفل ^ _ ^ د. أحمد العسكرى

كمان خد بالك ان لو العيان استجاب ل اول line ف احنا بردو بنمشيه ع ال loading dose بتاعة ال second line (AED) عشان نمنع ال recurrence ... وكذلك لو العيان اتتيب وع anesthesia ف احنا قبل ما نشيله من ع ال anesthesia لازم يكون واخد ال laoding dose بردو بتاعة ال anti epilitic drugs (AED ) عشان نمنع ال recurrence.... بيقولك ان كل اما بنأخر التدخل كل اما الادوية هتبقى ineffective لان طول ما ال convulsions شغالة طول ما بيحصل internalisation لل GABA receptors والأدوية مش هتلاقي حاجة تشتغل عليها وعشان كدة قلتلك ف الاخر ممكن نلجأ لل ketamine لانه الوحيد اللي مش شغال ع ال GABA ف الادوية اللي ذكرناها وبالتالي ممكن يكون لسه له تأثير ... يبقي مينفعش نتأخر اكتر من ٥ دقايق للتدخل... خد بالك ان في حاجة اسمها non convulsive status epipliptcus وهنا العيان بيبقي disturbed وانت فاكر ان ال convulsions خلصت ولكن هي بالفعل لسه شغالة ولو ركزت ممكن تلاقي subtle convulsive movement زي صوابعه او عينه او رموشه ودي حصلت معانا بالفعل ان بعد اما ادينا ال dormicum ال convulsionsاختفت ولكن لقينا في occular convulsive movements وتدخلنا وانتقلنا لل third lines والحمد لله توقفت ساعتها ، و دي بتحتاج تدخل زيها زي ال convulsive status epipliptcus لانها بتمثل نفس الخطر وممكن يحصل بسببها brain injury و systemic decompensation وبناكدها عن طريق ال EEG ، وعشان كدة او disturbed concious level غير مفسر ، لازم نحط ال non convulsive status epipliptcus ف الاعتبار ... وطبعا لازم ناخد بالنا من ال complications اللي بتحصل بسبب ال convulsions زي ال lactic acidosis ، hyperkalemia ،rhabdomyolysis and aki ، hypotension ، arrythmia ، hyperthermia ... ولازم طبعا نعالج سبب ال convulsions .. د. زياد طارق

بوست مهم هيغير مفهومك عن ال status epipliptcus وهيخيلك تتعامل معاها بطريقة systematic بدون خوف👌👌 ناس كتير بتتعامل مع اي convulsions انها status epipliptcus ، طب ايه هي ال status epipliptcus والتعامل معاها ازاي وليه ؟ ال status epipliptcus هي اي convulsions سواء generalized او localised مستمرة لحد ٥ دقايق بدون توقف او حدوث convulsions مرتين ورا بعض بدون عودة للوعي خلالهم .... طب اشمعنا التعريف دة بالذات سميناه status epipliptcus??! الدراسات وجدت ان لو ال convulsions استمرت اكتر من ٥ دقايق فهي كدة غالبا مش هتقف لوحدها ولازم تدخل وهنا جه اسم status epipliptcus .. طب ليه لو مرتين convulsions ورا بعض بدون عودة وعي بينهم تعتبر status epipliptcus?!! لأن عدم عودة الوعي معناه ان ال convulsions غالبا لسه شغالة و دة نوع اسمه non convulsive status epipliptcus واكيد لو جمعنا وقت النوبتين والوقت اللي بينهم هيكون اكتر من ٥ دقايق » بالتالي خدت اكتر من ٥ دقايق متواصلة واصبحت status epipliptcus.. حلو اوي .. في معلومة مهمة كمان لازم نعرفها ، لازم اوقف ال convulsions دي في خلال ٣٠ دقيقة على الاكثر ، لان بعد ٣٠ دقيقة متواصل هيبدأ يحصل irreversible brain injury وهنبدأ ندخل ف مرحلة ال decompensation اللي بتحصل بسبب ال lactic acidosis وال Hyperkalaemia وال respiratory muscle fatigue و hypoxia و depletion of chatecholamines و hypotension و arrythmia ... طب بتعامل ازاي بقى مع ال convulsions واحدة واحدة كدة ... طبعا بنبعد عن المريض اي حاجة ممكن تأذيه مبنقربش منه بنحمي ال airway مفتوح عن طريق ال manual techniques زي ال head tilt chin left او jaw thrust لو عرفنا ، مبنحطش oropharyngeal ف بؤه وقت ال attack , ممكن نحط nasopharyngeal airway لو موجود ، بنحط ماسك اكسجين بنتابع العلامات الحيوية والاكسجين ، بنشوف سكره كام ودي حاجة مهمة جدا عشان ممكن يكون ال convulsions بسبب hypoglycemia اساسا ،. مجرد ان عدينا ٥ دقايق هنا لازم نتدخل ونوقف ال attack واول line معانا هو ال Benzodiapines معانا هنا كذا drugs Lorazepam iv Diazepam iv Midazolam ( dormicum) iv وهنا بيستخدمو as bolus وطبعا كل واحد له جرعته سهل نجيبها ... طب لو مفيش iv access ومش عارفين نركب للعيان كانيولا ؟؟! عندنا ال midazolam ممكن يتاخد im ممكن يتاخد nasal ممكن buccal وعندنا ال diazepam gel ممكن يتاخد rectal حلو ... بعد اول لاين بننتظر من ٣ ل ٥ دقايق ونشوف ال convulsions هتقف ولا لا ، لو مواقفتش ممكن ن repeat الجرعة كمان مرة ونشوف ، طب لو ال convulsions موقفتش ؟!! هننتقل لل second line.. ايه ال second line? هي antiepiliptic drugs زي ال phyntoin وال tiratam وال phenobarbital اشهر الادوية استخداما هي ال phyntoin ( ابانوتين ) وال tiratam نتكلم عنهم سريعا ، جرعة ال loading بتاعة tiratam ٥٠مجم لكل كيلو يعني حوالي ٣ ونص جرام، بيتاخد ع ٥ دقايق ل ربع ساعة و دي ميزة فيه انه ينفع يتاخد بسرعة ع وقت سريع ... جرعة ال loading بتاعة ال phyntoin ٢٠ مجم لكل كيلو يعني حوالي جرام ونص وبتتاخد ع حوالي نص ساعة لانه مينفعش يتاخد بسرعة لان له side effects خطيرة زي ال hypotension وال arrythmia.. بعد انتهاء ال loading ب ١٠ دقايق لو ال convulsions موقفتش ف هنا عندنا حاجة اسمها resistant status epipliptcus هنا بنلجأ لل 3rd line وهو ال anesthesia وال intubation سواء بال midazolam او ال propfol او ال thiopental وال phenobarbital بندي boluses لحد اما ال convulsions تقف وبعدين نمشيه ع continuous infusion ... وممكن نلجأ كمان لل ketamine لو ال drugs دي مش effective وهنقول بعدين اشمعنا ال ketamine .... حلو اووي ، ال convulsions وقفت والدنيا تمام ، بنخليه ع ال anesthesia لمدة ٢٤ ساعة وبعدين نعمل weaning و ن assess نشوف هيحصل convulsions تاني ولا لا ، لو حصل تاني بنرجعه تاني ع sedation ونبدا نشوف تاني المشكلة فين ونصلح سبب ال resistance وممكن كمان نلجأ لاستخدام ال inhalation anesthesia لو الموضوع مازال refractory وهنا بنسميها super refractory status epipliptcus.... جميل ، في بقى كذا معلومة كدى مهمة في حالات بيبقي مينفعش استنى ٥ دقايق عشان ابدأ تدخل او امشي بال sequence اللي قلنا عليه دة وهي الحالات ال fatal , يعني مثلا مريض resistance hypoxic ومبيرفعش ، اكيد مش هستنى ٥ دقايق عشان ابدا تدخل ، لا دة هيموت ، هنا ههمل rapid sequence induction و intubation علطول ، طب عيان ضغطه وطي جامد ، عيان دخل ف arrythmia دي كلها حاجات تستعجل التدخل ولازم انيم العيان علطول و intubate ان لزم الامر ...

للتاريخ ... كنت النائب الإدارى لمستشفى المنصورة الجامعى فى يوم السبت السادس من أكتوبر عام ١٩٧٣ وجهزت الاستقبال وحجرات العمليات لاستقبال مصابى الحرب ... أذكر أن ا.د. على جرافة مدير المستشفى اتصل بى ليسأل هل المستشفى مستعد لاستقبال مصابى طيارة سقطت بالقرب من المنصورة وأجبته أننا جاهزون لأى عدد من الحالات ... ثم أرسلت لاستدعاء جميع أعضاء هيئة التدريس للحضور إلى المستشفى انتظارا لوصول الحالات ثم طلبت من تلميذات مدرسة التمريض تجهيز أكبر كمية ممكنة من أربطة الجبس ( أربطة شاش تغمر بالجبس ) ثم أمرت بصرف كميات كبيرة من المحاليل للاستقبال مع جميع أدوية الطوارئ .... وجهزت ثمانى ترابيزات عمليات ( كان فى كل حجرة عمليات ترابيزتان ) وحضرنا أدوية التخدير والمحاليل لإجراء ثمانى عمليات فى آن واحد ... وانتظرنا هذا اليوم ولم نستقبل حالات إصابات عسكرية وانتظرنا اليوم التالى ولم يصلنا حالات ثم فوجئنا فى اليوم الثالث بقطار قادم من الاسماعيليه محمل بعدة مئات من المصابين وبدأ التنافس بين الجراحين من جميع التخصصات وبدأت معركة حامية الوطيس فى مستشفى المنصورة الجامعى لإنقاذ أبطالنا المصابين ...الجميع يريد أن يساهم ...البعض يفك الاربطة والبعض يركب أجهزة المحاليل والبعض يجر التروللى حاملا المصاب إلى العمليات أو إلى مكانه ... واصطف المئات من أهالينا الطيبين للتبرع بالدم وكانت هناك كميات هائلة من الدم جاهزة للاستخدام فى أى لحظة ... عن أحاسيس الأطباء والصيادلة وهيئة التمريض والعمال ومشاعرهم لا تستطيع الكلمات التعبير... كانت ملحمة وطنية رائعة لا أعتقد أننا مهما تكلمنا عنها سوف نستطيع أن نصورها للجيل الجديد ...ملحمة مستشفى المنصورة الجامعى التى لا تقارن بملحمة العبور ورفع العلم المصرى فوق أراضى سيناء الحبيبة.. Prof. Mohamed sultan

الاماكن اللى بتروحها لوحدك .. الحاجات اللي بتشتريها لوحدك.. الكورسات او الورش اللى بتاخدها لوحدك .. و الانشطة اللى بتمارسها لوحدك و الاوقات اللي بتقضيها لوحدك و الإنجازات اللي بتعملها لوحدك هى ف الحقيقة انت .. نصيحة العمر كله لأى حد ف اول حياته .. اخرج من فقاعة اصحابك و سؤال " لوحدى ؟! " اه لوحدك .. Dr Saeed hasan

في شغلانتنا دي، في مواقف بتختبر مهاراتك كجراح، ومواقف تانية بتختبر قدرتك على إنك متفقدش النطق! من أصعب الحالات اللي ممكن تدخل لك أوضة العمليات، لما تكون بتتعامل مع (Single eye).. يعني عين وحيدة هي كل اللي باقي للمريض من نور الدنيا. الحكاية بتبدأ مع مريض مسن، كان عامل زراعة قرنية كلية (PKP) من فترة وحصلها رفض. الحالة كانت خيرية ومتكفلة بيها سيدة فاضلة. قعدنا ندرس الوضع؛ إعادة الترقيع الكلي معناها إننا هنفتح العين بالكامل (Open Sky)، وفي سنه الكبير ده، الخطوة دي مرعبة وممكن تدخلك في كابوس جراحي اسمه (Expulsive Hemorrhage) أو النزيف الطارد، اللي ممكن يطير العين كلها في ثانية. عشان كده، القرار كان إننا نلعبها في المضمون ونعمل زراعة بطانة قرنية (DMEK) بس، عشان ننقذ ما يمكن إنقاذه بأقل خطورة ممكنة. العملية بفضل الله تمت بنجاح ممتاز. وبحكم إن المريض بيشتغل (جنايني)، قعدت معاه وأكدت عليه بتعليمات صارمة: النظافة خط أحمر، الالتزام التام بوضعية النوم الخاصة بالـ DMEK، وإياك تدعك عينك تحت أي ظرف، وأي تغيير تحس بيه تكلمنا فوراً. بعد 10 أيام من العملية، المريض كلم العيادة وقال: 'نظري ضعف فجأة!'.. بلغناه فوراً وبدون تفكير: 'تعالى العيادة حالاً'. تفتكروا جه؟ شرفنا بعدها بأسبوعين! ولما دخل وسألته وأنا مذهول: 'إنت إزاي تتأخر كل ده وإنت بتشتكي من نظرك؟' رد عليا بمنتهى البرود: 'ما إنت يا دكتور قولتلي الزيارة اللي فاتت أبقى أجي كمان شهر!' قولتله باستغراب: 'يا حاج إنت متصل بنفسك تشتكي إن نظرك قل، وقولنالك تعالى فوراً، تقوم تستنى أسبوعين؟!' المهم، قعدته على الجهاز وببص.. لقيت الكابوس: الرقعة (DMEK) مطبقة على نفسها (Folded)! والمفارقة إن الدكتورة المساعدة معايا في العيادة، دخلت تقولي إنها لسه شايفاه بعينها وهو بيدعك في عينه وقت ما كانت بتفحصه.. ولما واجهته؟ أنكر تماماً وحلف إنه ملمسهاش! (وللعلم، الرقعة مستحيل تطبق على نفسها بالشكل ده بدون دعك أو ضغط خارجي). دخلته العمليات فوراً في محاولة إني أفردها تاني، بس للأسف كانت لزقت. في اللحظة دي كجراح بتبقى قدام قرار مصيري في ثانية: لو عافرت معاها (Extra manipulation) ممكن أخسر الرقعة كلها في عينه الوحيدة.. فقررت أوقف، وأدي فرصة شهر ونص للجزء المكشوف من القرنية إنه يعوض نفسه (Compensate) مع جرعات كورتيزون، لعل وعسى منضطرش نعمل إعادة للعملية (Redo). في الزيارة الأخيرة، السيدة المتبرعة (وهي مهندسة وزميلة متفهمة جداً) جات معاه، وكان معاهم كمان حد من قرايبه. شرحت لهم الموقف بمنتهى الشفافية، وإننا قدامنا أسبوعين، لو مفيش تحسن هنعمل إعادة للعملية (Redo)، وطبعاً هتتعمل بدون أي تكلفة إضافية. البشمهندسة تفهمت جداً الوضع الطبي وقدرت الموقف.. لكن قريب المريض بصلّي بنظرة فيها تهكم وقال: 'يعني هي من الأول كان مفروض تتعمل ترقيع كلي (PKP)؟' بصيت له بهدوء وقولتله: 'لو على الأسهل ليا كجراح، الترقيع الكلي أسهل بكتير ومجهوده أقل، لكني ماعملتش الأسهل ليا.. أنا عملت الأصعب عليا والأأمن والأحسن لمريض مسن بعين واحدة، عشان أحميه من كارثة.'.. سكت وماردش. لحد هنا والقصة مليانة تفاصيل ودراما طبية.. لكن الكوميديا السوداء حصلت فين؟ عند الأسانسير! المريض وهو نازل، قابل مريضة تانية بتسأل على عنوان العيادة، فقام رادد عليها بمنتهى الثقة: 'إياكي تروحي، أنا عملت عنده عملية وعماني!' وقالها تمشي وماتطلعش. لما بتعرف تفصيلة زي دي، بتاخد نفس عميق، وتبتسم، وتدرك إنك كطبيب مش بس بتعالج أمراض، إنت بتتعامل مع طبيعة بشرية معقدة.. مريض بيغلط، وبيتجاهل التعليمات، وبينكر غلطه، وقريبه بينظر عليك، وفي النهاية المريض بيرمي النتيجة عليك عشان يهرب من الإحساس بالذنب.. حتى وهو بيتعالج على نفقة غيره، والدكتور بيحاول يحميه من كوارث جراحية وبيعيدله الشغل على حسابه. دورنا نعمل اللي يمليه علينا ضميرنا ونتعامل بأقصى درجات الرحمة والمهنية ونختار دايماً 'الأحسن للمريض مش الأسهل لينا'.. بس فعلاً، أحياناً بتبذل أقصى مجهود عشان تنقذ مريض، والمكافأة بتكون إنه يطفشلك العيانين اللي على باب العيادة! Dr Ahmed Alshaarawy

قصة بسيطة تعرفك أهمية الاكتشاف اللي حصل على نوبل الطب هذا العام. تخيل شخص فقد بصره لسنين طويلة، والعلماء قدروا يرجعوا له جزء من بصره باستخدام الضوء! ده مش خيال علمي ده بالظبط اللي العلماء حققوه باستخدام تقنية الـ Optogenetics اللي حصلت نوبل 2026. إيه الحكاية؟ العين الطبيعية فيها خلايا اسمها Photoreceptors، أو المستقبلات الضوئية وهي الخلايا اللي بتحس بالضوء. الضوء يدخل العين والخلايا دي تحوله لإشارة كهربائية تمشي خلال شبكية العين، ومنها للعصب البصري لحد المخ، والمخ يحول الإشارات دي للصورة اللي إحنا بنشوفها. المشكلة إن في أمراض زي Retinitis Pigmentosa بتكون فيه الخلايا الحساسة للضوء بتموت تدريجيًا، وفي المراحل المتقدمة ممكن الشخص يفقد القدرة على رؤية الأشياء تمامًا. لكن المثير إن مش كل خلايا الشبكية بتموت. فيه خلايا تانية موجودة بعدها في المسار العصبي، ومنها الـ retinal ganglion cells، ممكن تفضل موجودة، والعصب البصري نفسه يظل قادرًا على نقل الإشارات للمخ. وهنا جات الفكرة العبقرية: طب ما إحنا فقدنا الخلايا اللي بتحس بالضوء... ليه ما نخليس خلايا تانية في الشبكية تحس بالضوء بدلها؟ وده بالضبط اللي تقنية الـ Optogenetics خلت العلماء يقدروا يعملوه. استخدموا فيروس معدل كوسيلة توصيل، وحطوا جواه الجين المسؤول عن تصنيع بروتين حساس للضوء اسمه ChrimsonR. وبعد حقن الفيروس داخل عين المريض، وصل الجين لبعض الـganglion cells. الخلايا دي، اللي أصلًا مش Photoreceptors ومش وظيفتها إنها تستقبل الضوء، بدأت تصنع البروتين الحساس للضوء، وبالتالي بقى ممكن تنشيطها باستخدام الضوء. نتائج التجربة اتنشرت في ورقة بحثية في مجلة Nature Medicine سنة 2021، وهحط رابط البحث في التعليقات. طيب، هل الراجل شاف فعلًا؟ أيوه، لكن مهم نكون دقيقين هنا. المريض لم يتسعيد نظره الطبيعي، يعني هو مش فجأة بدأ يشوف الوجوه والألوان ويقرأ كتاب. المريض كان عمره 58 سنة، وكان بيعاني من المرض ده بقاله حوالي 40 سنة. قبل العلاج كان يقدر يميز وجود الضوء من عدمه، لكنه مكنش قادر يشوف الأشياء نفسها. بعد العلاج وفترة من التدريب، وباستخدام العين المعالجة مع نظارة خاصة، بقى قادر يشوف وجود بعض الأشياء قدامه، ويحدد مكانها ويلمسها، وفي بعض الاختبارات قدر حتى يعدّ الأشياء الموجودة أمامه. والتقنية اللي خلت التجربة دي ممكنة هي نفسها اللي حصلت على جائزة نوبل في الطب هذا العام. ومن هنا ظهر مجال الـ Optogenetics، اللي غيّر بشكل كبير الطريقة اللي العلماء بيدرسوا بيها المخ والجهاز العصبي، وفتح الباب لتطبيقات لم نكن نتخيلها قبل كده، من دراسة الذاكرة والحركة والسلوك، لمحاولات علاج بعض الأمراض العصبية، وحتى استعادة جزء من الإبصار زي ما حصل في القصة دي. ألف مبروك للفائزين بجائزة نوبل في الطب 2026 على هذا الاكتشاف الكبير 🔹 كارل ديسيروث (Karl Deisseroth) من أمريكا — جامعة ستانفورد ومعهد هوارد هيوز الطبي 🔹 بيتر هيجمان (Peter Hegemann) من ألمانيا — جامعة هومبولت في برلين 🔹 جورج ناجل (Georg Nagel) من ألمانيا — جامعة فورتسبورج https://www.nature.com/articles/s41591-021-01351-4?utm_source=chatgpt.com

كتير بنشتكي من انخفاض كفاءة الخدمة المقدمة لينا.. حاول قدر وسعك متبقاش الخدمة اللي بتقدمها قليلة الكفاءة.. ده ممكن يحصل بانك واثق زيادة في قدراتك - على خلاف الحقيقة-، جهلك بجهلك ،علمك بجهلك لكن عدم مبالاتك بده مع استمرارك في تقديم الخدمة بمبدأ التجربة والخطأ، علمك بالطريقة المثلى لتقديم الخدمة لكن مش بتعمل بمقتضى العلم ده لاسباب يطول شرحها.. إلخ.. الموضوع بتزداد خطورته كلما ازداد شرف الخدمة المقدمة.. ومن أعظم وأشرف الخدمات المقدمة : الاستشارات الدينية (الفتوى) ثم الاستشارات والخدمات الطبية.. فخلي بالك.. وذاكر واتعلم مش عشان تبقى أحسن.. إنما عشان مينفعش تعمل غير كده لو مسارك المهني في حاجة من الاتنين دول.. الأمر مش ماسورة بتنقط ولا موتور اتحرق ولا عين بوتاجاز مش شغالة أو ساندوتش جالك مش جوسي كفاية.. بل أشرف ما يملك الانسان.. دينه ثم صحته.. والسلام_الختام د. محمد كريم

Headache : يكاد يكون لا يخلو يوم من عيادة الاسراوى الا بحالة او اكثر من headache,,ياترى الاسراوى الامين هيسأل عن ايه ؟!! Onset,course,duration,what increase?,what decrease ? Site,character,radiation ,association,intensity.? ⬅️ سن العيان مهم جداا يا اسراوى 💣 ⬅️الصداع دا اول مرة يحصل ولا جالك قبل كدا ؟ وبالتدريج ولا مرة واحدة ؟! ولو اول مرة يحصل Acute onset لازم اساله بعدها هل دا اسوء صداع حسيت بيه ودماغى لازم تنور ل thunderclap headache 💣 ⬅️بدا من امتى الصداع؟ بيزيد فى شدته؟وهل بيحصل فى شكل نوبات ولا مستمر ؟والنوبة بتاخد وقت قد ايه (ثوانى ،دقايق،ساعات ،ايام)؟ ولو حصل قبل كدا بيجى فى مجموعة ايام معينه ؟ وكم نوبة وهل عددها بيزيد ؟وهنا مش بس عشان اتأكد chronic or not دا كمان علشان اخد قرارى بعد التشخيص ب abortive or preventive therapy ⬅️هل بيزيد مع التوتر والقلق ،او بعض الاكلات او المنبهات او مع menses فى female او بيزيد مع الكحة او العطس او المجهود او بدات تاخد ادوية جديدة تزامنا معها حصل الصداع او كنت بتستخدم مسكنات كتير وقفتها بعدها ظهر الصداع الشديد دا .???? ⬅️بيقل فى الشدة او بيتحسن مع المسكنات او بوجودك فى مكان مظلم او بعيدا عن الصوت العالى؟ ⬅️مكانه فين بالظبط؟ مش بس علشان اعرف هو unilateral or bilateral دا كمان عشان تحدد هو فى الاصل facial pain or headache؟ ⬅️احكيلى اكتر وصف الصداع دا ايه هل هو زى نبضه او نقح او حرقان او حاجه محزمة الرأس . Pulsating ,tight band ,burning sensation?! ⬅️بيسمع في مكان تانى ؟!ولو قالك بيسمع فى الرقبة او الكتف اتاكد هو كدا ولا العكس علشان cervical spondylosis. ⬅️هل معاه غممان نفس او ترجيع وخاصة لو لمسافة بعيدة او زغللة او احمرار او تدميع فى العين او مشكلة فى النظر او سيلان من الانف ،او ارتفاع فى درجة الحرارة او طفح جلدى او ثقل او تنميل فى الجسم او اضطراب فى الوعى ،او حركات لا ارادية او تغير فى التصرفات او رقبته مخشبة وزنك قل ؟ ⬅️ هل قبل ما بيحصل الصداع بتبقى عارف انه هيجيلك زى مثلا يظهر وميض او خطوط فى مجال الرؤية او بتبقى حساس للضوء او الصوت ؟ ⬅️ هل الصداع دا بتقدر معاه تشتغل ولا مأثر على نشاطك؟ ⬅️فى سؤال بعض العيانين بتعرف تجاوبه والكثير لا اللى هو لو الالم شدته من ١٠ حضرتك تديله كام ؟؟؟!! واسأل هل شديد بما يكفى انه يصحيك من النوم او بتصحى الصبح عليه؟؟! ⬅️لا تنسى screening for depression👌 ⬅️اتعالجت قبل كدا من اورام او كان فى تاريخ ل trauma .? ⬅️ ركز يا اسراوى مع ال،female سواء بتستخدم وسيلة خاصة OCP ,او مع menses و هى pregnant or post partum . ⬅️اسأل على مشاكل فى الاسنان ،الجيوب الانفية ،له نظارة ومش بيلبسها او نظره ضعيف او عنده مشاكل فى الاذن ،،بيتعالج من انيميا .؟ ⬅️ بنخاف من systemic illness زى HIV ،، sepsis ⬅️ بتتعالج من اى وامراض مزمنة ضغط ،سكر ،قلب ،حساسية صدر او غيرها ؟! ودا سؤال مهم جدا عشان لما نكتب علاج مايكنش contraindicated مع حاجة مزمنة عنده فنعالج الصداع و حاجة تانية عنده تزداد سوء.🤕 او حاجه تخليه تحت مسمى immunocompromised status التاريخ المرضى للعيلة الحالة مشابهه او اورام او غيرها .؟! كل الاسئلة دى علشان المفروض دماغنا متبرمجة على ان 👈الصداع primary و secondary وان من اخطر secondary : 💣Space occupying lesion 💣Cerebral venous thrombosis 💣Idiopathic intracranial hypertension اكيد طبعا فى غيرهم 🙂 وان primary اما migraineاو Tension headache او cluster اللى هو اصلا واحد من (Trigeminal autonomic cephalagias) وانواع اخرى من الصداع من خلال الاسئلة السابقة نقدر نحدد مواصفاتها ونشخصها . 👈 العيان بيقولك يا اسراوى دا اول مرة احس بيه واسوء صداع حسيته يبقى ال thunderclap headache حضر فى ذهنك واشهرهم 👇👇 💣subarachnoid hge لازم ينور فى دماغك . ولو معاه fever خاف من CNS infection meningitis ,,,,enchephalitis 💣 👈اوع تتخدع من red eye فى cluster وتنسى ان فى حاجه تشبه له فى الالم اسمها closed angle glaucoma💣 ,👈 السن مهم جدااا يا اسراوى اى عيان جاى ب unilateral new onset headache وسنه من 50فأكثر You should exclude temporal arteritis 💣💣 اطلب ESR وابعته يعمل fundus examinatin 👈طول مانا بسأل عينى على redflags 💣 👈بسال ولقيت headache ,,visual disturbance يبقى لازم ال DD بتاعها ينور فى دماغى وماتتاخرش لحظة فى انك تطلب (( fundus examination)) ومعاه CT brain 💣 👈العلامات الحيوية و((ضغط العيان ))مهمة جدااا 🙏 دا كان تفتيح لموضوع ال headache واكيد فيه تفاصيل تانية كتيرة وانواع كتيرة واكيد فى ناس مسستمة headache فى دماغها بشكل مختلف وافضل من كدا 🙏 Copd

مش عايزك تحس بعد كدا😂😂

مش عايزك تحس بعد كدا 😂😂

لما بتيجي بنت العيادة بأعراض الأنيميا في الأول خطوط العلاج البريطانية بتقول إن دي حاجة ما تقلقش ( عكس لو جاء رجل عنده أنيميا ) بتقول خطوط العلاج البريطانيةNICE guidelines ابدأ حديد أقراص لو الأنيميا متوسطة و بنتوقع ارتفاع الهيموجلوبين درجتين كاملين خلال شهر ، لكن لو دا ما حصلش بنسأل عن نزيف مهبلي زيادة و بنعالجه. لو مافيش نزيف الأنيميا ( نقص الهيموجلوبين ) زي نقص أي حاجة يا إما انتاجه قليل يا إما تكسيرها كتير. علشان نفرق بين المشكلتين بنطلب عدد كرات الدم الوليدة reticulocyte count لو زيادة يبقا الإنتاج كويس و التكسير كتير و العكس بالعكس. يبقا لو كرات الدم الوليدة كتير عندنا سببين مشهورين للتكسير إما تكسير مناعي و دا بنحدده بتحليل Direct coombs test لو ايجابي بيكون العلاج أدوية مناعية تمنع التكسير أو المشكلة إن الطحال بيكسر كرات الدم لأن الهيموجلوبين تركيبه في مشكلة و دا نوعين من الأنيميا( أنيميا الخلايا المنجلية و أنيميا البحر المتوسط ) ليهم تحليل واحد اسمه Hb electrophoresis بيعرفنا نوع الهيموجلوبين اللي قد يكون فيه اعتلال. نقلب الصورة و نرجع نفترض إننا و احنا بنعمل كرات الدم الوليدة لقينا عددها قليل : يبقا سبب الأنيميا نقص الإنتاج فيما ندر نقص الإنتاج بيكون مشكلة في نخاع العظم aplastic anemia بيحتاج أننا نفحص عينة ميكروسكوبيا لكن الغالب نقص الإنتاج بيكون بسبب سوء إمتصاص الحديد و الفيتامينات ( هتلاقي البنت بتقول انها أخدت حديد أقراص الأنيميا لم تتحسن نهائي و أخدت حديد وريد اتحسنت علي طول ) نقص الإمتصاص اشهر سببين ليه هم السيلياك " حساسية القمح" و الكرونز " التهاب القولون المناعي" أو قصور الوظيفة الهضمية للبنكرياس pancreatic insufficiency اللي علاجهم يتطلب نظام أكل مع الأدوية. الإحتمال الأخير بيكون أنيميا الأمراض المزمنة anemia of chronic illness و دا بيحصل في قصور الغدد و الأمراض المناعية زي الروماتويد أو السرطانات و يتطلب علاج المرض المزمن و فيه بيكون حجم كرات الدم الحمراء MCV في المعدل الطبيعي رغم وجود الأنيميا. ما تشوفش شر ❤️ د. أحمد محفوظ

إيه نسبة استفادتك من النواب فى المستشفى سواء جناير أو سناير كل واحد فينا ليه تجربة مختلفه ومعظمنا من جامعات مختلفه وكل مكان فيه الحلو وفيه الوحش أنا بالنسبالى مستفدتش غير من نواب الأطفال غير كدا مستفدتش من حد حاجة أنا معتمد فعليا على المذاكره وإنى أقر وأنزل أطبق اللى ذاكرته

fever is not a sign of ceftriaxone deficiency elevated ESR is not a sign of Penicillin deficiency د. أحمد عبد الحافظ