រដ្ឋបាលខេត្តកំពង់ចាម

អភិបាលខេត្តកំពង់ចាម អញ្ជើញពិនិត្យការដង្ហែរក្បួនសាកល្បងសត្វសេះ និងលំហាត់សមរបាំផ្សេងៗ សម្រាប់អបអរសាទរសង្ក្រាន្តឆ្នាំថ្មី (កំពង់ចាម)៖ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាមនៅរសៀលថ្ងៃទី ១១ ខែមេសាឆ្នាំ ២០២៦ នេះ បានអញ្ជើញដឹកនាំក្រុមការងារ ពិនិត្យការដង្ហែរក្បួនសាកល្បងសត្វសេះ និងលំហាត់សមរបាំផ្សេងៗ សម្រាប់អបអរសាទរសង្ក្រាន្តឆ្នាំថ្មី មុនពេលបើកព្រឹត្តិការណ៍សង្ក្រាន្តកំពង់ចាម នៅរសៀលថ្ងៃទី ១៣ ខែមេសាឆ្នាំ ២០២៦ ខាងមុខនេះ។ ក្នុងឱកាសនោះ ឯកឧត្តម អ៊ុន ចាន់ដា អភិបាលខេត្តកំពង់ចាម បានឲ្យដឹងថា ការរៀបចំសង្ក្រាន្តកំពង់ចាម ឆ្នាំថ្មី ២០២៦ នេះ រៀបចំធំជាងឆ្នាំមុន មានអត្ថប្រយោជន៍ច្រើន ដែលពាក់ព័ន្ធការរក្សាវប្បធម៌ប្រពៃណីសាសនា និងការរំលឹកដឹងគុណដល់វីរៈកងទ័ពការពារព្រំដែន និងប្រយោជន៍ដល់សេដ្ឋកិច្ចខេត្តផងដែរ។ ឯកឧត្តមអភិបាលខេត្ត បានឲ្យដឹងទៀតថា ការរៀបចំសង្ក្រាន្តឆ្នាំនេះ គឺរដ្ឋបាលខេត្តបានពិភាក្សាជាមួយថ្នាក់ដឹកនាំយ៉ាងល្អិតល្អន់ និងមានផែនការជាក់លាក់ ក្នុងការថែរក្សាវប្បធម៌ប្រពៃណីសាសនារបស់ ឱ្យបានល្អគង់វង្ស ជាពិសេស បញ្ជ្រាបការយល់ដឹងដល់ផ្នត់គំនិត នៃស្រទាប់យុវជន តាមរយៈការចូលរួមលេងល្បែងប្រពៃណី ។ ជាមួយគ្នានោះ ក៏មានការបង្ហាញអំពីការដឹងគុណដល់វីរកងទ័ពដែលកំពុងឈរជើងការពារព្រំដែនផងដែរ ដោយការរំលេចនូវផ្ទាំងរូបភាព និងមានរំលេចនូវអត្ថន័យ នៃវីរៈកងទ័ពតាមរយៈការចាក់ចម្រៀងផងដែរ ។ ឯកឧត្តមអភិបាលខេត្ត បានឲ្យដឹងទៀតថា អត្ថប្រយោជន៍នៃការរៀបចំសង្ក្រាន្តនេះ ក៏ជាការពង្រឹងនូវសេដ្ឋកិច្ចខេត្តកំពង់ចាម តាមរយៈការចំណាយរបស់ភ្ញៀវជាតិនិងអន្តរជាតិដែលមកលេងកំសាន្ត ពោលគឺប្រសិនបើ ភ្ញៀវមកកំសាន្តច្រើនរហូតដល់ជាង ២ លាននាក់ ដោយ ១នាកចាយប្រាក់តែ ២០ ដុល្លារ នោះថវិកាចំណូលក្នុងខេត្ត និងទទួលបានជាង ៤០ លានដុល្លារ ដែលថវិកាទាំងនេះគឺអាចរក្សានូវប្រក្រតីភាព សេដ្ឋកិច្ចប្រជាពលរដ្ឋក្នុងខេត្ត របស់យើងផងដែរ។ ម្យ៉ាងទៀត នៅពេលដែលភ្ញៀវទេសចរណ៍ចូលមក គាត់អាចឃើញការដាក់តាំងបង្ហាញស្តង់ពិពណ៌ បានឃើញការអភិវឌ្ឍក្នុងខេត្ត និងតាមបណ្ដាស្រុក នីមួយៗ ពួកគាត់អាចចាប់អារម្មណ៍ និងដាក់ទុនវិនិយោគ នៅក្នុងខេត្តរបស់យើង។ ឯកឧត្តមអភិបាលខេត្ត បានបញ្ជាក់ផងដែរថា ការរៀបចំសង្ក្រាន្តនេះ គឺមិនត្រឹមតែបង្ករលក្ខណៈសប្បាយរីករាយជូនប្រជាពលរដ្ឋប៉ុណ្ណោះទេ គឺនៅមានអត្ថប្រយោជន៍ជាច្រើនទៀត ដើម្បីភាពរីកចម្រើនដល់ប្រជាពលរដ្ឋនៅក្នុងខេត្តរបស់យើងផងដែរ៕

រសៀលថ្ងៃសៅរ៍ ៩រោច ខែចេត្រ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១១ ខែមេសា ឆ្នាំ២០២៦ ប្រតិភូខេត្តកំពង់ចាម ដឹកនាំដោយឯកឧត្តម អ៊ុន ចាន់ដា អភិបាលនៃគណៈអភិបាលខេត្ត បានអញ្ជើញចូលរួមគោរពវិញ្ញាណក្ខន្ធ សិលាភីរ័ក្ខសិរីវិសុទ្ធា អគ្គមហាឧបាសិកាពុទ្ធសាសនូបត្ថម្ភក៍ ផូ ភួង មាតាបង្កើត ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ ស្ថិតនៅរាជធានីភ្នំពេញ។ ដោយសមានទុក្ខដ៏ក្រៀមក្រំ ចំពោះមរណភាព សិលាភីរ័ក្ខសិរីវិសុទ្ធា អគ្គមហាឧបាសិកាពុទ្ធសាសនូបត្ថម្ភក៍ ផូ ភួង មាតាបង្កើត ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ ក្នុងនាមរដ្ឋបាលខេត្តកំពង់ចាម ឯកឧត្តម អ៊ុន ចាន់ដា សូមឧទ្ទិសបួងសួងដល់ដួងវិញ្ញាណក្ខន្ធ សិលាភីរ័ក្ខសិរីវិសុទ្ធា អគ្គមហាឧបាសិកាពុទ្ធសាសនូបត្ថម្ភក៍ ផូ ភួង បានទៅកាន់សុគតិភព កុំបីឃ្លៀងឃ្លាតឡើយ។🙏🙏🙏

សេចក្ដីប្រកាសព័ត៌មានរបស់រដ្ឋបាលខេត្តកំពង់ចាម ស្ដីពីករណី លោក អ៊ឹម វិសិទ្ធ ម្ចាស់គណនីហ្វេសប៊ុក "វិសិទ្ធ ព័ត៌មាន សំខាន់ថ្មី" ដែលបានចុះផ្សាយពាក់ព័ន្ធនឹងករណីទំនាស់ព្រំដី នៅភូមិថ្មគោល ឃុំរអាង ស្រុកកំពង់សៀម ខេត្តកំពង់ចាម។

ពិធីសួរសុខទុក្ខ​ និងសំណេះសំណាលជាមួយមន្ត្រីរាជការ​ និងនិវត្តន៍ជន​ នៃមន្ទីរសេដ្ឋកិច្ច​ និងហិរញ្ញវត្ថុ​ សាខាពន្ធដាខេត្ត​ និងរតនាគាខេត្តកំពង់ចាម​ ក្នុងឱកាសបុណ្យចូលឆ្នាំថ្មី🙏 ​ #កំពង់ចាម​ ថ្ងៃ​ទី​១១​ ខែ​មេសា​ ឆ្នាំ​២០២៦

នៅរសៀលថ្ងៃទី១០ ខែមេសា ឆ្នាំ ២០២៦ ឯកឧត្តម គន់ សុភា អភិបាលរងខេត្ត តំណាងដ៏ខ្ពង់ខ្ពស់ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បានអញ្ជើញជាអធិបតីក្នុង ពិធីប្រកាសផ្ទេរភារកិច្ច និងតែងតាំងមន្រ្តីរាជការ ឱ្យចូលកាន់មុខតំណែងជាអភិបាលរង នៃគណៈអភិបាលស្រុកបាធាយចំនួន ២រូប នៅសាលាស្រុក។ គួរបញ្ជាក់ថា៖ យោងប្រកាសលេខ ៣៦០១ ប្រក ចុះថ្ងៃទី២ ខែមេសា ឆ្នាំ២០២៦ របស់ក្រសួងមហាផ្ទៃ ស្តីពីការផ្ទេរភារកិច្ច និងតែងតាំងមន្រ្តីរាជការ លោក ធឿន ថាន់ និង លោកស្រី ហ៊ុល ដាណា ជាអភិបាលរង នៃគណៈអភិបាលស្រុកបាធាយ។

នៅថ្ងៃទី១០ ខែមេសា ឆ្នាំ ២០២៦ ឯកឧត្តម ចាន់ រ៉ាន់ អភិបាលរងខេត្ត តំណាងដ៏ខ្ពង់ខ្ពស់ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បានអញ្ជើញជាអធិបតីក្នុង ពិធីប្រកាសផ្ទេរភារកិច្ច និងតែងតាំងមន្រ្តីរាជការ ឱ្យចូលកាន់មុខតំណែងជាអភិបាលរង នៃគណៈអភិបាលស្រុកកំពង់សៀមចំនួន ២រូប នៅសាលាស្រុក។ គួរបញ្ជាក់ថា៖ យោងប្រកាសលេខ ៣៦០១ ប្រក ចុះថ្ងៃទី២ ខែមេសា ឆ្នាំ២០២៦ របស់ក្រសួងមហាផ្ទៃ ស្តីពីការផ្ទេរភារកិច្ច លោក វន វី និង លោក ជិន ហ៊ុ ជាអភិបាលរង នៃគណៈអភិបាលស្រុកកំពង់សៀម។

នៅព្រឹកថ្ងៃទី១០ ខែមេសា ឆ្នាំ ២០២៦ ឯកឧត្តម ស្រី សុភ័ក្ត្រ អភិបាលរងខេត្ត តំណាងដ៏ខ្ពង់ខ្ពស់ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បានអញ្ជើញជាអធិបតីក្នុង ពិធីប្រកាស តែងតាំងមន្រ្តីរាជការ ឱ្យចូលកាន់មុខតំណែងជាអភិបាលរង នៃគណៈអភិបាលស្រុកស្ទឹងត្រង់ចំនួន ១រូប នៅសាលាស្រុក ។ គួរបញ្ជាក់ថា៖ យោងប្រកាសលេខ ៣៦០១ ប្រក ចុះថ្ងៃទី២ ខែមេសា ឆ្នាំ២០២៦ របស់ក្រសួងមហាផ្ទៃ ស្តីពីការផ្ទេរភារកិច្ច និងតែងតាំមន្រ្តីរាជការ លោក អាន ម៉េងលាង ជាអភិបាលរង នៃគណៈអភិបាលស្រុកស្ទឹងត្រង់ ។

រដ្ឋបាលស្រុកស្រីសន្ធរជ្រើសយកវត្តកោះកែវធ្វើសង្ក្រាន្តឆ្នាំថ្មីប្រចាំស្រុក ដើម្បីបង្កភាពសប្បាយរីករាយជូនប្រជាពលរដ្ឋ

នៅថ្ងៃទី១០ ខែមេសា ឆ្នាំ ២០២៦ ឯកឧត្តម ផេន សុផល អភិបាលរងខេត្ត តំណាងដ៏ខ្ពង់ខ្ពស់ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បានអញ្ជើញជាអធិបតីក្នុង ពិធីប្រកាសផ្ទេរភារកិច្ច និងតែងតាំងមន្រ្តីរាជការ ឱ្យចូលកាន់មុខតំណែងជាអភិបាលរង នៃគណៈអភិបាលស្រុកជើងព្រៃចំនួន ២រូប នៅវិទ្យាល័យ ហ៊ុនសែន ស្គន់ ។ គួរបញ្ជាក់ថា៖ យោងប្រកាសលេខ ៣៦០១ ប្រក ចុះថ្ងៃទី២ ខែមេសា ឆ្នាំ២០២៦ របស់ក្រសួងមហាផ្ទៃ ស្តីពីការផ្ទេរភារកិច្ច និងតែងតាំមន្រ្តីរាជការ លោក ទឹម ដាណា និងលោក ព្រុំ វណ្ណាបានផ្ទេរភារកិច្ចពី អភិបាលរង នៃគណៈអភិបាលស្រុកបាធាយ មកជាអភិបាលរង នៃគណៈអភិបាលស្រុកជើងព្រៃ ។

នៅថ្ងៃទី១០ ខែមេសា ឆ្នាំ ២០២៦ ឯកឧត្តម ផេន សុផល អភិបាលរងខេត្ត តំណាងដ៏ខ្ពង់ខ្ពស់ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បានអញ្ជើញជាអធិបតីក្នុង ពិធីប្រកាសផ្ទេរភារកិច្ច និងតែងតាំងមន្រ្តីរាជការ ឱ្យចូលកាន់មុខតំណែងជាអភិបាលរង នៃគណៈអភិបាលស្រុកជើងព្រៃចំនួន ២រូប នៅវិទ្យាល័យ ហ៊ុនសែន ស្គន់ ។ គួរបញ្ជាក់ថា៖ យោងប្រកាសលេខ ៣៦០១ ប្រក ចុះថ្ងៃទី២ ខែមេសា ឆ្នាំ២០២៦ របស់ក្រសួងមហាផ្ទៃ ស្តីពីការផ្ទេរភារកិច្ច និងតែងតាំមន្រ្តីរាជការ លោក ទឹម ដាណា និងលោក ព្រុំ វណ្ណាបានផ្ទេរភារកិច្ចពី អភិបាលរង នៃគណៈអភិបាលស្រុកបាធាយ មកជាអភិបាលរង នៃគណៈអភិបាលស្រុកជើងព្រៃ ។

គណៈកម្មាធិការគណបក្សប្រជាជនកម្ពុជា ខេត្តកំពង់ចាម រៀបចំពិធីសូត្រមន្ត ចម្រើនព្រះបរិត្ត ទទួលអំណរទេវតាឆ្នាំថ្មី (កំពង់ចាម) រសៀលថ្ងៃព្រហស្បតិ៍ ៧រោច ខែចេត្រ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី៩ ខែមេសា ឆ្នាំ២០២៦ គណៈកម្មាធិការគណបក្សប្រជាជនកម្ពុជា ខេត្តកំពង់ចាម បានរៀបចំពិធីសូត្រមន្ត ចម្រើនព្រះបរិត្ត ទទួលអំណរទេវតាឆ្នាំថ្មី និងដើម្បីសុំសេចក្តីសុខ សេចក្តីចម្រើន សិរីសួស្តី ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ ដែលនឹងឈានចូលមកដល់ក្នុងពេលឆាប់ៗខាងមុខនេះ ក្រោមអធិបតីភាពដ៏ខ្ពង់ខ្ពស់ ឯកឧត្តម អ៊ុន ចាន់ដា សមាជិកគណៈកម្មាធិការកណ្តាលគណបក្សប្រជាជនកម្ពុជា, ប្រធានគណៈកម្មាធិការបក្សខេត្តកំពង់ចាម ស្ថិតនៅទីស្នាក់ការគណបក្សខេត្ត។ ពិធីនេះ មានការអញ្ជើញចូលរួមពី ឯកឧត្តម អនុប្រធានប្រចាំការ, ឯកឧត្តម អនុប្រធានទាំងពីររូប, ឯកឧត្តម លោកជំទាវ ក្នុងជួរគណៈអចិន្ត្រៃយ៍បក្សខេត្ត, សមាជិកគណៈកម្មាធិការបក្សខេត្ត ព្រមទាំងមន្ត្រីគណបក្សពាក់ព័ន្ធមួយចំនួនទៀត។ ក្នុងឱកាសនោះ ឯកឧត្តម អ៊ុន ចាន់ដា ប្រធានគណៈកម្មាធិការបក្សខេត្ត និងថ្នាក់ដឹកនាំ សមាជិក សមាជិកា បានប្រសិទ្ធពរជ័យ និងបួងសួងដល់គុណបុណ្យព្រះរតនត្រ័យ វត្ថុសក្តិសិទ្ធក្នុងលោក សូមជួយប្រោះព្រំ សព្វសាធុការពរជ័យ សិរីមង្គល វិបុលសុខ មហាប្រសើរ ជូនដល់មន្ត្រីគណបក្សទាំងអស់នៅមន្ទីរគណបក្សប្រជាជនខេត្តកំពង់ចាម ព្រមទាំងក្រុមគ្រួសារ សូមជួបតែសេចក្ដីសុខ សេចក្ដីចម្រើន ប្រាជ្ញាវាងវៃ សុខភាពល្អបរិបូណ៌ កំលាំងពលំមាំមួន និងសូមឱ្យសម្រេចបានជោគជ័យគ្រប់បំណងប្រាថ្នា ពិសេសសូមសមប្រកបដោយពុទ្ធពរទាំងបួនប្រការ៖ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕🙏🙏🙏 📷 អ៊ុំ សូណា Ly Siya ចាន់ រស្មី

ការងារសាងសង់ផ្ទះអតីតយុទ្ធជនក្នុងខេត្តកំពង់ចាម​ ចំនួន​ 21ខ្នង​ អំណោយដ៏ថ្លៃថ្លារបស់សម្តេចតេជោ​ ហ៊ុន​ សែន​ សម្រេចបានប្រមាណ 70%

អភិបាលខេត្តកំពង់ចាម៖សង្ក្រាន្តកំពង់ចាម ឆ្នាំ២០២៦ រៀបចំអធិកអធម ជាងឆ្នាំមុនៗ គឺដើម្បីថែរក្សាទំនៀមទម្លាប់វប្បធម៌ជាតិខ្មែរ និងបង្ហាញការដឹងគុណចំពោះវីរកងទ័ព

ក្នុងឱកាសពិធីបុណ្យចូលឆ្នាំថ្មីប្រពៃណីជាតិខ្មែរ ស្នងការដ្ឋាននគរបាលខេត្តកំពង់ចាម បានយកចិត្តទុកដាក់ខ្ពស់ក្នុងការការពារសន្តិសុខសុវត្ថិភាព និងសណ្តាប់ធ្នាប់សាធារណៈ តាមតំបន់រម្យណីយដ្ឋាន វត្តអារាម និងទីតាំងសង្រ្កាន្តតូចធំក្នុងខេត្តកំពង់ចាម JOIN មន្ទីរព័ត៌មានខេត្តកំពង់ចាម 👉 Facebook    👉 YouTube             👉 Website 👉 TikTok 👉 X (Twitter)