រដ្ឋបាលខេត្តកំពង់ចាម

នាព្រឹកថ្ងៃអាទិត្យ ទី៣០ ខែសីហា ឆ្នាំ២០២៦ គណៈកម្មាធិការគណបក្សប្រជាជនកម្ពុជា ស្រុកចំការលើ បានរៀបចំកិច្ចប្រជុំបូកសរុបលទ្ធផលការងារគណបក្ស ប្រចាំខែសីហា ឆ្នាំ២០២៦ និងលើកទិសដៅអនុវត្តបន្ត ក្រោមអធិបតីភាព លោក សំ ពិសិដ្ឋ ប្រធានគណៈកម្មាធិការបក្សស្រុកចំការលើ និងលោក កុយ សាវុធ អនុប្រធានប្រចាំការគណៈកម្មាធិការគណបក្សស្រុក ស្ថិតនៅទីស្នាក់ការគណបក្សស្រុកចំការលើ។

អភិបាលខេត្តកំពង់ចាម ដឹកនាំក្រុមការងារ ចុះពិនិត្យស្ថានភាពដំណាំប្រជាពលរដ្ឋ ដែលរងការខូចខាតដោយសារទឹកជំនន់

អភិបាលខេត្តកំពង់ចាម ដឹកនាំក្រុមការងារ ចុះពិនិត្យស្ថានភាពដំណាំប្រជាពលរដ្ឋ ដែលរងការខូចខាតដោយសារទឹកជំនន់

នៅព្រឹកថ្ងៃអាទិត្យ ទី៣០ ខែសីហា ឆ្នាំ២០២៦ ឯកឧត្តម អ៊ុន ចាន់ដា សមាជិកគណៈកម្មាធិការកណ្តាលគណបក្សប្រជាជនកម្ពុជា ប្រធានគណៈកម្មាធិការបក្សខេត្តកំពង់ចាម បានអញ្ជើញចូលរួមកិច្ចប្រជុំការងារចាំបាច់មួយចំនួនរបស់គណបក្ស ក្រោមអធិបតីភាពដ៏ខ្ពង់ខ្ពស់ សម្តេចក្រឡាហោម ស ខេង អនុប្រធានគណបក្ស និង សម្តេចវិបុលសេនាភក្តី សាយ ឈុំ អនុប្រធានគណបក្ស ស្ថិតនៅសាលប្រជុំ វិមាន៧មករា រាជធានីភ្នំពេញ។

ក្នុងដំណើរអញ្ជើញចុះពិនិត្យស្ថានភាពដំណាំរួមផ្សំរបស់ប្រជាពលរដ្ឋ នៅក្នុងឃុំកោះរកា និងឃុំកោះទន្ទឹម ស្រុកកំពង់សៀម ដែលរងការខូចខាតដោយសារទឹកជំនន់ទន្លេមេគង្គ នាថ្ងៃទី២៩ ខែសីហា ឆ្នាំ២០២៦ ឯកឧត្តម អ៊ុន ចាន់ដា អភិបាលខេត្តកំពង់ចាម បានមានប្រសាសន៍ឱ្យដឹងថា តាមការចុះពិនិត្យជាក់ស្តែង បានបង្ហាញថា ដំណាំរបស់ប្រជាកសិករជាង ២០០គ្រួសារ ត្រូវបានទឹកជំនន់លិចលង់ ជាពិសេសដំណាំពោត ដែលបណ្តាលឱ្យខូចខាតលើផ្ទៃដីប្រមាណ ជាង ៣០០ហិកតា។ ឯកឧត្តម អ៊ុន ចាន់ដា បានបញ្ជាក់ថា រដ្ឋបាលខេត្តកំពង់ចាម កំពុងចាត់ឱ្យមន្ត្រីជំនាញធ្វើបច្ចុប្បន្នភាព អំពីស្ថានភាពដំណាំដែលរងការខូចខាតនៅទូទាំងខេត្ត ដើម្បីវាយតម្លៃ និងពិនិត្យលទ្ធភាពស្នើសុំជំនួយជាស្បៀងអាហារ ឬពូជដំណាំ សម្រាប់ជួយសម្រួលដល់ជីវភាព និងការស្តារផលិតកម្មរបស់ប្រជាកសិករដែលរងផលប៉ះពាល់ពីទឹកជំនន់។

អភិបាលខេត្តកំពង់ចាម ដឹកនាំក្រុមការងារ ចុះពិនិត្យស្ថានភាពដំណាំប្រជាពលរដ្ឋ ដែលរងការខូចខាតដោយសារទឹកជំនន់ (កំពង់ចាម)៖ ឯកឧត្តម អ៊ុន ចាន់ដា អភិបាលខេត្តកំពង់ចាម នៅថ្ងៃទី២៩ ខែសីហា ឆ្នាំ២០២៦ បានដឹកនាំមន្ត្រីជំនាញ និងអាជ្ញាធរពាក់ព័ន្ធ ចុះពិនិត្យស្ថានភាពដំណាំរួមផ្សំរបស់ប្រជាពលរដ្ឋ នៅក្នុងឃុំកោះរកា និងឃុំកោះទន្ទឹម ស្រុកកំពង់សៀម ដែលរងការខូចខាតដោយសារទឹកជំនន់ទន្លេមេគង្គ។ ឯកឧត្តមអភិបាលខេត្ត បានមានប្រសាសន៍ឱ្យដឹងថា តាមការចុះពិនិត្យជាក់ស្តែង បានបង្ហាញថា ដំណាំរបស់ប្រជាកសិករជាង ២០០គ្រួសារ ត្រូវបានទឹកជំនន់លិចលង់ ជាពិសេសដំណាំពោត ដែលបណ្តាលឱ្យខូចខាតលើផ្ទៃដីប្រមាណ ជាង ៣០០ហិកតា។ ឯកឧត្តម អ៊ុន ចាន់ដា បានបញ្ជាក់ថា រដ្ឋបាលខេត្តកំពង់ចាម កំពុងចាត់ឱ្យមន្ត្រីជំនាញធ្វើបច្ចុប្បន្នភាព អំពីស្ថានភាពដំណាំដែលរងការខូចខាតនៅទូទាំងខេត្ត ដើម្បីវាយតម្លៃ និងពិនិត្យលទ្ធភាពស្នើសុំជំនួយជាស្បៀងអាហារ ឬពូជដំណាំ សម្រាប់ជួយសម្រួលដល់ជីវភាព និងការស្តារផលិតកម្មរបស់ប្រជាកសិករដែលរងផលប៉ះពាល់ពីទឹកជំនន់។ ការចុះពិនិត្យនេះ ក៏ជាផ្នែកមួយនៃការតាមដានស្ថានភាពផលដំណាំ និងស្វែងរកវិធានការសមស្រប ដើម្បីជួយដល់ប្រជាកសិករដែលកំពុងប្រឈមនឹងការខូចខាតផលដំណាំ ដោយសារការជន់លិចពីទឹកទន្លេមេគង្គ។

ក្នុងដំណើរអញ្ជើញបំពេញបេសកកម្មនៅ ស្រុកចំការលើ នៅព្រឹកថ្ងៃសៅរ៍ ទី២៩ ខែសីហា ឆ្នាំ២០២៦ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានដឹកនាំក្រុមការងារខេត្ត អមដំណើរដោយលោក សំ ពិសិដ្ឋ អភិបាលស្រុក ចំការលើ និងសហការី អញ្ជើញចូលរួមក្នុងកម្មវិធីបុណ្យទក្ខិណានុប្បទានគម្រប់ខួប៧ថ្ងៃ និង១០០ថ្ងៃ ឧទ្ទិសកុសលជូនដួងវិញ្ញាណក្ខន្ធ ឧបាសិកា ណាំ សុឹង ដែលបានទទួលអនិច្ចកម្ម កាលពីថ្ងៃទី២៣ ខែសីហា ឆ្នាំ២០២៦ ក្នុងជន្មាយុ៩២ឆ្នាំ ដោយ ជរាពាធ ស្ថិតនៅភូមិស្ពឺលិច ឃុំស្ពឺ ស្រុកចំការលើ ខេត្តកំពង់ចាម។ ឯកឧត្តម អភិបាលខេត្ត បានឧទ្ទិសបួងសួងសូមឱ្យដួងវិញ្ញាណក្ខន្ធ ឧបាសិកា ណាំ សុឹង បានទៅកាន់សុខគតិភពកុំបីឃ្លៀងឃ្លាតឡើយ។

សេចក្តីជូនដំណឹងដល់សិស្ស និស្សិតយុវជនទាំងអស់ជ្រាបថា៖ បញ្ជាការដ្ឋានកងរាជអាវុធហត្ថលើផ្ទៃប្រទេស ធ្វើការជ្រើសរើសពលទាហាន ដើម្បីបំពេញក្របខណ្ឌក្នុងកងរាជអាវុធហត្ថ

នារសៀលថ្ងៃទី២៨ ខែសីហា ឆ្នាំ២០២៦ ឯកឧត្តម ផេន សុផល អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម អ៊ុន ចាន់ដា អភិបាលខេត្តកំពង់ចាម បានអញ្ជើញដឹកនាំកិច្ចប្រជុំពិភាក្សា ស្តីពីការអនុវត្តសាកល្បងគោលនយោបាយស្តីពីសុវត្ថិភាពចរាចរណ៍ផ្លូវគោកកម្រិតរោងចក្រ។ កិច្ចប្រជុំធ្វើនៅសាលប្រជុំសាលាខេត្ត ដោយមានការអញ្ជើញចូលរួមពី លោក អ៊ីម ពិសិដ្ឋ ប្រធានគ្រប់គ្រងគម្រោង នៃអង្គការមូលនិធិបង្ការរបួសអាស៊ី (AIP), លោក អភិបាលរងស្រុកពាក់ព័ន្ធ ,ស្នងការរងខេត្តទទួលផែន , ប្រធានមន្ទីរសាធារណការ និងដឹកជញ្ជូនខេត្ត , នាយករងរដ្ឋបាលសាលាខេត្ត , នាយកទីចាត់ការអន្ដរវិស័យសាលាខេត្ត និងមន្ត្រីផងដែរ។

ឯកឧត្តម ខ្លូត ចិន្តា អញ្ជើញចូលរួមក្នុងកម្មវិធី «ពិព័រណ៍អាហារ និងឱកាសស្វែងយល់អំពីការអប់រំបច្ចេកទេសវិជ្ជាជីវៈ សតវត្សទី២១» លើកទី៣ នៅសាលាក្តីញញឹម របស់អង្គការ BSDA ខេត្តកំពង់ចាម៖ នាព្រឹកថ្ងៃទី២៨ ខែកុម្ភៈ ឆ្នាំ២០២៦ ឯកឧត្តម ខ្លូត ចិន្តា អភិបាលរងខេត្តកំពង់ចាម តំណាងដ៏ខ្ពង់ខ្ពស់របស់ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បានអញ្ជើញជាអធិបតីដ៏ខ្ពង់ខ្ពស់ក្នុងកម្មវិធី «ពិព័រណ៍អាហារ និងឱកាសស្វែងយល់អំពីការអប់រំបច្ចេកទេសវិជ្ជាជីវៈ សតវត្សទី២១» លើកទី៣ ដែលរៀបចំឡើងដោយអង្គការសកម្មភាពព្រះពុទ្ធសាសនាដើម្បីអភិវឌ្ឍន៍សង្គម (BSDA) ស្ថិតនៅសាលាក្តីញញឹម ភូមិនគរបាជ័យ ឃុំអំពិល ស្រុកកំពង់សៀម ខេត្តកំពង់ចាម។ កម្មវិធីដ៏មានសារៈសំខាន់នេះ ក៏មានការអញ្ជើញចូលរួមផងដែរពី លោកជំទាវ សមាជិកក្រុមប្រឹក្សាខេត្ត លោក លោកស្រី តំណាងមន្ទីរ/អង្គភាពជុំវិញខេត្ត អាជ្ញាធរមូលដ្ឋាន ថ្នាក់ដឹកនាំអង្គការ BSDA ដៃគូសហការ វិស័យឯកជន លោកគ្រូ អ្នកគ្រូ អាណាព្យាបាល និងប្អូនៗសិស្សានុសិស្ស-និស្សិត សរុបប្រមាណជាង ៥០០នាក់។ ជាបឋម លោកស្រី ឆុន ស្រស់ នាយិកាប្រតិបត្តិអង្គការ BSDA បានឡើងលើកឡើងពីសាវតារបស់អង្គការ ដែលត្រូវបានបង្កើតឡើងតាំងពីថ្ងៃទី០៥ ខែមករា ឆ្នាំ២០០៥ ដោយព្រះសង្ឃ ៧អង្គ គង់នៅវត្តនគរបាជ័យ និងទទួលបានការចុះបញ្ជីផ្លូវការជាមួយក្រសួងមហាផ្ទៃ។ ជាង២០ឆ្នាំមកនេះ អង្គការ BSDA បានអនុវត្តកម្មវិធី និងគម្រោងជាច្រើន (រួមទាំងគម្រោងកុមារមេគង្គកម្ពុជា MKK និងសាលាក្តីញញឹម) ដោយផ្តោតលើវិស័យអប់រំ ការបណ្តុះបណ្តាលវិជ្ជាជីវៈ (TVET) សុខភាព អភិបាលកិច្ចល្អ និងសហគ្រាសសង្គម ដើម្បីជួយដល់ប្រជាពលរដ្ឋងាយរងគ្រោះ ស្ត្រី និងយុវជន ឱ្យមានមុខរបរ និងជីវភាពរស់នៅល្អប្រសើរ។ ក្នុងឱកាសនោះ ឯកឧត្តម ខ្លូត ចិន្តា អភិបាលរងខេត្ត បានសម្តែងនូវការកោតសរសើរ និងវាយតម្លៃខ្ពស់ចំពោះសមិទ្ធផលដ៏ត្រចះត្រចង់របស់អង្គការ BSDA សម្រេចបានក្នុងរយៈពេលជាងពីរទសវត្សរ៍កន្លងមកនេះ ក្នុងការរួមចំណែកជាមួយរាជរដ្ឋាភិបាល និងរដ្ឋបាលខេត្តកំពង់ចាម លើការបណ្តុះបណ្តាលធនធានមនុស្ស ការអភិវឌ្ឍជំនាញបច្ចេកទេស (TVET) និងការកាត់បន្ថយភាពក្រីក្រ។ ឯកឧត្តមអភិបាលរងខេត្ត បានគូសបញ្ជាក់ថា រដ្ឋបាលខេត្តកំពង់ចាម តែងតែគាំទ្រ និងជំរុញកិច្ចសហការជាមួយអង្គការមិនមែនរដ្ឋាភិបាល និងវិស័យឯកជននានា ដែលមានឆន្ទៈជួយអភិវឌ្ឍន៍សង្គមជាតិ ព្រមទាំងបានស្នើឱ្យមន្ទីរ-អង្គភាព និងអាជ្ញាធរពាក់ព័ន្ធទាំងអស់ បន្តសហការ និងផ្តល់ការគាំទ្រដល់សាលាក្តីញញឹម និងអង្គការ BSDA ឱ្យកាន់តែខ្លាំងក្លាថែមទៀត ដោយមិនត្រូវទុកការងារនេះជាភារកិច្ចដាច់ដោយឡែករបស់អង្គការឡើយ។ កម្មវិធីនេះក៏មានសកម្មភាពដ៏សប្បាយរីករាយ និងមានអត្ថន័យជាច្រើនទៀត ដូចជាការចែករំលែកបទពិសោធពីអតីតសិស្សនិងដៃគូអាជីវកម្ម ការពិព័រណ៍បង្ហាញផលិតផល និងស្នាដៃសិស្ស ការប្រកួតប្រជែងជំនាញវិជ្ជាជីវៈ (បដិសណ្ឋារកិច្ច សាឡន និងជួសជុលម៉ូតូ) និងការតាំងស្តង់ភ្លក់ម្ហូបអាហារ បង្អែម និងភេសជ្ជៈ ដែលរៀបចំឡើងក្រោមជំនួយឧបត្ថម្ភពីអង្គការ EcoSolidar ប្រទេសស្វីស។