CHEA Sopheap Channel

វិក្រឹត្យការមន្ត្រី និង សុក្រឹត្យការមន្ត្រី ? វិក្រឹត្យការមន្ត្រី ផ្តោតលើការបណ្តុះបណ្តាល ការពង្រឹងចំណេះដឹង ជំនាញ និងសមត្ថភាព ដើម្បីឱ្យមន្ត្រីអាចបំពេញការងារបានកាន់តែល្អ និងមានប្រសិទ្ធភាព។ សុក្រឹត្យការមន្ត្រី ផ្តោតលើការកែលម្អគុណភាព គុណធម៌ វិន័យ វិជ្ជាជីវៈ តម្លាភាព និងប្រសិទ្ធភាពរបស់មន្ត្រីរាជការ ព្រមទាំងការពង្រឹងប្រព័ន្ធរដ្ឋបាលសាធារណៈទាំងមូល។ និយាយសាមញ្ញ ដែលខ្ញុំនៅចាំពី ERA ថា៖ វិក្រឹត្យការ គឺធ្វើឱ្យកាន់តែចេះ ចំណែកសុក្រឹត្យការ គឺធ្វើឱ្យកាន់តែល្អ។ ក្នុងទស្សនៈរដ្ឋបាលទំនើប៖ វិក្រឹត្យការ (Capacity Building) បង្កើត មន្ត្រីដែលមានសមត្ថភាព (Competent Civil Servant) សុក្រឹត្យការ (Professionalization) បង្កើត មន្ត្រីដែលមានគុណភាព និងវិជ្ជាជីវៈ (Professional Civil Servant) អាចសង្ខេបបានថា៖ «ចេះ មិនទាន់គ្រប់គ្រាន់ទេ ត្រូវតែល្អផងដែរ»។ មន្ត្រីរាជការល្អ មិនត្រឹមតែមានចំណេះដឹង និងជំនាញប៉ុណ្ណោះទេ ប៉ុន្តែត្រូវមានគុណធម៌ សុចរិតភាព វិន័យ ការទទួលខុសត្រូវ និងស្មារតីបម្រើប្រជាពលរដ្ឋផងដែរ។