БСТ | Яңылыҡтар

Башҡортостан почта бүлексәләре һаны буйынса илдә алдынғы һанала “Уларҙы һаҡлау беҙҙең бурыс”, - тип белдерҙе Радий Хәбиров. Республикала 1 мең 280 почта бүлексәһе бар. Уларҙың күбеһе ауыл ерендә урынлашҡан. Башҡортостан Башлығы “Рәсәй почтаһы”ның республика идаралығы етәксеһе Ленард Шафиҡов менән осрашыуында почта хеҙмәтенең мөһим булыуын билдәләне. Һөйләшеү барышында почта инфраструктураһын үҫтереү юлдары ҡаралды.

«Китап байрамы»нда Ҡәҙим Аралбайҙың яңы китабы күрһәтелде III «Китап байрамы» халыҡ-ара китап йәрминкәһендә Башҡортостандың халыҡ шағиры Ҡәҙим Аралбайҙың «Седые ковыли» китабының исем туйы уҙҙы. Яңы китап һәм тәржемә үҙенсәлектәре хаҡында автор менән БСТ каналының күсмә студияһында һөйләштек. https://vk.com/video-85076499_456257747?access_key=6c50bbb22b4603ab0e

«Китап байрамы»нда Ҡәҙим Аралбайҙың яңы китабы күрһәтелде III «Китап байрамы» халыҡ-ара китап йәрминкәһендә Башҡортостандың халыҡ шағиры Ҡәҙим Аралбайҙың «Седые ковыли» китабының исем туйы уҙҙы. Яңы китап һәм тәржемә үҙенсәлектәре хаҡында автор менән БСТ каналының күсмә студияһында һөйләштек. https://vk.com/video-85076499_456257747?access_key=6c50bbb22b4603ab0e

Айнур Шәйбәков Саха республикаһында суперматчта еңеү яуланы Халыҡ-ара донъя чемпионы Айнур Шәйбәков Саха Яҡут республикаһында рус шашкаһы буйынса уҙғарылған суперматчта 7:1 иҫәбе менән еңеү яуланы. «Титандар алышы» тип аталған турнирҙа яҡташыбыҙға ҡаршы Халыҡ-ара гроссмейстер Николай Стручков уйнаны.

Баймаҡ районындағы Граф күленә суртан балыҡтары ебәрелде Баймаҡ районындағы Граф күленә суртан балыҡтары ебәрелде. Улар Һарытау өлкәһендә тәбиғи шарттарҙа үрсетелгән. Тулыраҡ киләһе яҙмала.

Шишмә районындағы «Патриот» паркында өсөнсөгә ирекмәндәр лагеры асылды Шишмә районындағы «Патриот» паркында өсөнсөгә ирекмәндәр лагеры асылды. Башҡортостан башлығы Радий Хәбиров сарала ҡатнашыусыларҙы сәләмләп, уларға тырыш хеҙмәте өсөн рәхмәт белдерҙе. Коронавирус пандемияһы булһынмы, махсус хәрби операциямы - республика ирекмәндәре мәрхәмәтлек эшен лайыҡлы үтәй.

Радий Хәбиров социаль хеҙмәткәрҙәрҙе һөнәри байрамы менән тәбрикләне Башҡортостан башлығы Радий Хәбиров социаль хеҙмәткәрҙәрҙе һөнәри байрамы менән тәбрикләне. Ярҙамсыл, миһырбанлы һөнәр эйәләренә төбәк етәксеһе дәүләт наградалары тапшырҙы. Колонналар залында үткән тантанала барлығы 32 хеҙмәткәр тәбрикләнде. Етем балалар, оло йәштәге һәм мөмкинлектәре сикләнгән граждандар, ауыр тормош хәленә тарыған кешеләргә ярҙам итеүсе социаль хеҙмәткәрҙәрҙең эшмәкәрлеге баһалап бөткөһөҙ, тип белдерҙе Радий Хәбиров.

Республикала 688 мең кеше объекттарҙы төҙөкләндереү өсөн тауыш биргән Торлаҡ-коммуналь хужалыҡ министрлығынан ошо турала белдерәләр. 2026 йылда тәртипкә килтереләсәк йәмәғәт биләмәләре һәм дизайн-проекттар өсөн 12 июнгә тиклем фекер ҡалдырырға була. Тауыш биреүҙә Мәсетле, Бөрйән, Күгәрсен халҡы әүҙем. Шулай уҡ Сибай һәм Өфөнөң Ленин районында йәшәүселәр ихласлыҡ күрһәтә. Объекттар һайлауҙа Ҡариҙел, Бөрө һәм Өфө районы кешеләре һүлпәнерәк ҡатнаша.

Башҡортостан Башлығы Ҡорбан байрамын лайыҡлы уҙғарырға ҡушты 6 июндә мосолмандарҙың төп дини байрамдарының береһе билдәләнә. “Хакимиәт башлыҡтары ҡорбан салыу өсөн уңайлы шарттар булдырырға бурыслы. Диниә назараты байрам сараларын ойоштороуҙа ярҙам күрһәтә. Халыҡтың именлеген тәьмин итеү мөһим. Ветеринария хеҙмәте менән берлектә мал салыу өсөн махсус урындар ойошторорға кәрәк. Унда бөтә санитар талаптар үтәлергә тейеш. Ҡорбан ғәйете – ҙур байрам. Әммә ул беҙҙең өсөн оло хеҙмәт тә”, - тип белдерҙе Радий Хәбиров. Ветеринария буйынса дәүләт комитеты рәйесе Азат Йыһаншин белдереүенсә, республикала 60 махсус майҙансыҡ әҙерләнгән. Уларҙың икәүһе Өфөлә урынлашҡан. “Теркәлгән малдар ғына махсус майҙансыҡҡа индерелә”, - тине ведомство етәксеһе.

Баш ҡаланың ял парктарында Халыҡ-ара балаларҙы яҡлау көнөнә арналған мәҙәни саралар ойошторолдо Баш ҡаланың ял парктарында Халыҡ-ара балаларҙы яҡлау көнөнә арналған мәҙәни саралар ойошторолдо. Милли кейемдәрҙә дефиле, спорт уйындары, бағыусыларҙан бүләктәр, интерактив уйындар -конкурстар, тәмлекәстәр... Балаларға арналған күләмле саралар хаҡында тулыраҡ киләһе яҙмала.

Баш ҡалала «Гацак уҡыуҙары» асылды Баш ҡалала билдәле фольклорсы Виктор Гацакты иҫкә алалар. Ошо уңайҙан Рәсәй фәндәр академияһы Өфө федераль тикшеренеүҙәр үҙәгенең Тарих, тел һәм әҙәбиәт институтында «Гацак уҡыуҙары» асылды. Халыҡ-ара кимәлдә билдәләнгән форум өс көн дауам итә.

Иглин ауылында машинаға тапалған алты йәшлек ҡыҙҙың ғаиләһенә ярҙам талап ителә Иглин ауылында машинаға тапалған алты йәшлек ҡыҙҙың ғаиләһенә ярҙам талап ителә. Бала әле әсәһе менән Өфө ҡалаһының 17-се балалар клиник дауаханаһында. Ҡыҙының бәләгә тарығанын ишеткән атаһы юлда аварияға осраған. Ул да ауыр хәлдә биш йәшлек ҡыҙҙары менән реанимацияға эләккән.

«Гранит» ҡушаматлы офицер Миңлеғәле Шайморатов ордены менән бүләкләнде Курск йүнәлешендә дәүләт сиген һаҡлаусы ғәскәрҙәр төркөмө командующийы Миңлеғәле Шайморатов ордены менән бүләкләнде. «Гранит» ҡушаматлы кадр офицеры бер йыл дауамында «Башҡортостан» 31-се мотоуҡсылар полкы ҡараған 67-се мотоуҡсылар дивизияһына етәкселек итә.

Быйыл Өфөлә Салауат Юлаев һәйкәлен реставрациялау башлана Быйыл Өфөлә Салауат Юлаев һәйкәлен реставрациялау башлана, эш яҡынса ике йылға иҫәпләнгән. 30 июндән алып майҙанға инеү сикләнә. Был турала бөгөн Республика башлығы Радий Хәбиров ҡатнашлығында үткән оператив кәңәшмәлә билдәләнде. Иҫегеҙгә төшөрәбеҙ, баш ҡаланың төп иҫтәлекле урындарының береһе экспертиза һөҙөмтәләре буйынса авария хәлендә тип танылғайны. Ултырышта күтәрелгән ошо һәм башҡа көнүҙәк мәсьәләләр тураһында репортаж.

Бөрйән районында һабантуй үтте Республика төбәктәрендә һабантуйҙар старт алды. Тәүге һабан байрамдары Башҡортостандың 10 муниципаль берәмегендә үтте. Бөрйән районында хеҙмәт байрамы Күҙембәт яланында ойошторолдо. Сара милли уйындарға ла, спорт ярыштарына ла, йыр-моңға ла бай булды.

14 июндә “Салауат йыйыны” фольклор байрамы үтә Ул Салауат районында ойошторола. Байрам башҡорт халҡының милли батыры, яугир һәм сәсән Салауат Юлаевтың тыуыуына 271 йыл тулыуға бағышлана. Республика халыҡ ижады үҙәгенән белдереүҙәренсә, йыйын барышында иң яҡшы сувенир продукцияһына конкурс уҙғарыу ҡарала. Шулай уҡ “Салауат бәйгеһе” республика турниры үткәрелә. Салауат Юлаев призына көрәш буйынса ярыш ойошторола. Тирмәләр һәм ихаталар конкурсы була.

Шаран-Яңы Балтас-Андреевка юлында ремонт башланды Әле Саҡмағош һәм Шаран райондарында бер нисә учаска төҙөкләндерелә, тип хәбәр итәләр Транспорт һәм юл хужалығы министрлығынан. Эштәр "Тормош өсөн инфраструктура" милли проектына ярашлы алып барыла. Быйыл бында 12 километрҙан ашыу юлды тәртипкә килтереү ҡаралған.

Башҡортостанда был эш аҙнаһы ҡыҫҡараҡ була Алдағы йома Ҡорбан байрамы билдәләнә. Ул ял тип иғлан ителгән. Әле республикала байрамға әҙерлек бара, ҡорбан салыу урындары билдәләнә. Башҡортостанда киләһе аҙнала ла оҙайлы ял көтөлә. Рәсәй көнө уңайынан 12 июндән 15-енә тиклем ял ҡаралған.

Ҡотҡарыусылар халыҡҡа һыу инмәй торорға кәңәш итә Республикала рәсми рәүештә һыу инеү миҙгеле башланды. Ғәҙәттән тыш хәлдәр буйынса дәүләт комитеты етәксеһе Кирилл Первов белдереүенсә, йылға һәм күлдәрҙә һыу әле йылынып бөтмәгән. Был кеше ғүмеренә,сәләмәтлегенә хәүефле булыуы мөмкин. Быйыл Башҡортостанда 192 рәсми пляж асылырға тейеш. Уларҙа ҡотҡарыусылар дежур итә. Алдағы көндәрҙә республикала һауа температураһының түбәнәйеүе көтөлә.

Башҡорт штурмовигы алғы һыҙыҡта ҙур батырлыҡ күрһәткән. Башҡорт штурмовигы алғы һыҙыҡта ҙур батырлыҡ күрһәткән. «Зодиак» ҡушаматлы яугир рота командиры яраланғас, төркөм менән идара итеүҙе үҙ өҫтөнә ала, хәрби бурысты үтәп, шәхси составтың юғалыуына юл ҡуймай.