𝑻𝒓𝒆𝒆𝒑𝒍

ደና አመሻችሁ 😊 ስለ ንጉሱ ላወራ አይደለም ነገር ግን የህይወት እውነታን በሱ አንተርሼ ልንገራችሁ እናንተም ሀሳባችሁን አካፍሉኝ ። በህይወትህ የስኬት ጫፍ ላይ ስትሆን ጉልበትህ እና ተሰጥኦህ ጎልቶ ሲታይ የሁሉም ሰው ቀዳሚ ምርጫ ትሆናለህ። ወዳጅህ ይበዛል፣ ቤተሰብ ይከብሃል፤ ሁሉም ሰው በአንተ ብርሃን መሞቅ ይፈልጋል። ነገር ግን ጊዜ፣ እርጅና፣ ወይም የአቅም መገደብ ሲመጣ የሰዎች እይታ በቅፅበት ይቀየራል። ትላንት ያለሱ አይሆንም ይሉ የነበሩ ሰዎች ዛሬ እንደ ተራ ሰው መቁጠር ይጀምራሉ። አብዛኛው የዓለማችን ግንኙነት የተገነባው በአቋም እና በውጤት ላይ ነው። ህይወት በቆንጆ መስመር ላይ የምትጓዘው አንተ ጠንካራ ሆነህ ፍሬ እስካፈራህ ድረስ ብቻ ነው። ካያችሁ በመንገድ የተጣለ ፈረስ ዘመኑን ሙሉ ሲያገለግል የነበር ጉልበቱ ሲክዳው እና እርጅና ሲጫነው ያለፈ ውለታው አይታሰብም፤ ፈረሰኛው ሌላ ብርቱ ፈረስ ይፈልግና ይሄን ይጥለዋል፤ ሰወችም እንዲሁ ናቸው።አገልግሎትህን ስትጨርስ የትላንት ገድልህ ታሪክ ሆኖ፣ የዛሬው አቅም ማጣትህ ብቻ መነጋገሪያ ይሆናል። እናም የሰዎች ጭብጨባ ጊዜያዊ፣ የራስህ ማንነት ግን ዘላቂ ነው። ስለዚህ ጉልበት ሳለ፣ አቅምህ ጠንካራ በሆነበት ጊዜ ለራስህ ስራ፣ ለራስህ ሩጥ፣ የራስህን አለም ገንባ። መድረኩ ሲዘጋና ተመልካቹ ሲበተን፣ ባዶ መድረክ ላይ አብሮህ የሚቀረው ራስህ ብቻ ነህ።🚶‍♂ ሰላም እደሩልኝ❤️ @treeplh2 @treeplh2