News Of Myanmar

သာကေတတွင် မီးလောင်မှုဖြစ်ပွားပြီး အိမ်ရှင်ဖြစ်သူ သေဆုံး NOM၊မေ ၆၊၂၀၂၆ ရန်ကုန်တိုင်း၊ သာကေတမြို့နယ်တွင် ယနေ့မေ ၆ ရက်နံနက်၃နာရီ ‌က မီးလောင်မှုဖြစ်ပွားခဲ့ပြီး နေအိမ်အတွင်းရှိ အမျိုးသားတစ်ဦး မီးလောင်သေဆုံး ခဲ့ကြောင်း ဒေသခံများထံမှ သိရသည်။ ဖြစ်စဉ်မှာသာကေတမြို့နယ်ထူပါရုံ(၁)ရပ်ကွက်၄လမ်းနေအိမ်မှမီးစတင်လောင်ကျွမ်းခဲ့သည်။အိမ်ရှင်အမျိုးသားက မီးလောင်နေသည့်အိမ်အတွင်းပြန်ဝင်ပြီးစုဗူးကို ယူဆောင်စဉ်မီးလောင်သေဆုံးခဲ့ပြီးအိမ်သုံးလုံးမီး‌ လောင်ခဲ့‌ ကြောင်းသိရသည်။ မီးလောင်ရာသို့မြို့နယ်မီးသတ်တပ်ဖွဲ့၀င်များကငြိမ်းသတ်ခဲ့ရာနံနက် ၄နာရီတွင်မီးငြိမ်းခဲ့သည်။မီးလောင်မှုနှင့်ပတ်သက်၍စုံစမ်းစစ်ဆေးလျက်ရှိကြောင်းသိရသည်။

လက်ဘနွန်တောင်ပိုင်းရှိ ခရစ်ယာန်ဘာသာရေးအထိမ်းအမှတ် အဆောက်အအုံများနှင့် သင်္ကေတများကို အစ္စရေးစစ်တပ် (IDF) က "စော်ကားဖျက်ဆီးနေသည်" ဟု စွပ်စွဲထားသော ဓာတ်ပုံအသစ်တစ်ပုံ ထွက်ပေါ်လာသည်။ လက်ဘနွန်နိုင်ငံ၊ ဒီဘယ်လ်မြို့တွင် ရိုက်ကူးထားသည်ဟု ဆိုသော အဆိုပါဓာတ်ပုံတွင် အစ္စရေးစစ်သားတစ်ဦးသည် မယ်တော်မာရိ ရုပ်တု၏ ပါးစပ်အတွင်း စီးကရက်တစ်လိပ် ထည့်သွင်းကာ ပြောင်လှောင်နေသည်ကို တွေ့ရသည်။ NOM

စင်ကာပူနိုင်ငံတွင် ဆိုက်ဘာအနိုင်ကျင့်မှုအပါအဝင် ကျောင်းတွင်းအနိုင်ကျင့်မှုများအတွက် ကြိမ်ဒဏ်ပေးခြင်း ကို ပြစ်ဒဏ်တစ်ခုအနေဖြင့် စတင်မိတ်ဆက်လိုက်သည်။ အခြားသော ထိန်းသိမ်းတည့်မတ်ရေးနည်းလမ်းများ မအောင်မြင်ပါက အသက် ၉ နှစ်နှင့်အထက် ကျောင်းသား (ယောင်္ကျားလေး) များကို ကြိမ်ဒဏ် ၃ ချက်အထိပေးနိုင်ကြောင်း Guardian သတင်းဌာနက ဖော်ပြသည်။ တာဝန်ရှိသူများက ဤပြစ်ဒဏ်ကို စနစ်တကျ တင်းကျပ်စွာ ထိန်းချုပ်ဆောင်ရွက်မည်ဟု ဆိုသော်လည်း ဝေဖန်သူများကမူ ဤသို့ပြုလုပ်ခြင်းသည် ကလေးငယ်များ၏ စိတ်ပိုင်းဆိုင်ရာနှင့် ရုပ်ပိုင်းဆိုင်ရာကျန်းမာရေးကို ထိခိုက်စေနိုင်ကြောင်း သတိပေးထားကြသည်။ NOM

တပ်မတော်စစ်ကြောင်းများက အကြမ်းဖက်သောင်းကျန်းသူများ ယာယီစိုးမိုးထားသည့် နေရာများအား ပြန်လည် တိုက်ခိုက်သိမ်းပိုက်ပြီး မန္တလေး-မတ္တရာ- သပိတ်ကျင်း- တကောင်း- ထီးချိုင့်- ကသာ- အင်းတော်-မော်လူး-နန့်စီးအောင်- မိုးညှင်း- မိုးကောင်း- မြစ်ကြီးနား ဆက်သွယ်ရေး လမ်းကြောင်းအား ပြန်လည်ဖွင့်လှစ်ပေးနိုင်ခဲ့ မေ ၆၊ ၂၀၂၆

ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင် ပြည်ထောင်စုအစိုးရအဖွဲ့အစည်းအဝေးသို့ တက်ရောက်အမှာစကားပြောကြား မေ ၆၊ ၂၀၂၆

ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင် ပြည်ထောင်စုအစိုးရအဖွဲ့အစည်းအဝေးသို့ တက်ရောက်အမှာစကားပြောကြား မေ ၆၊ ၂၀၂၆

ပခုက္ကူမြို့နယ်စက်သုံးဆီအရောင်းဆိုင်မီးလောင်မှုဖြစ်ပွား NOM၊မေ၆၊၂၀၂၆ မကွေးတိုင်းဒေသကြီး၊ ပခုက္ကူမြို့နယ်၊ ချောက်ကန်ကျေးရွာအနီးတွင်ယနေ့(မေ၆ရက်)မွန်လွဲ၁နာရီ၄၀မိနစ်ခန့်ကစက်သုံးဆီအရောင်းဆိုင်မီးလောင်မှုဖြစ်ပွါးကြောင်းမီးသတ်တပ်ဖွဲ့မှသတင်းထုတ်ပြန်ထားသည်။ မီးလောင်မှုဖြစ်ပွားကြောင်းသတင်းရရှိသဖြင့် ပခုက္ကူခရိုင် မြို့နယ်မီးသတ်စခန်းမှ မီးသတ်ယာဉ်များ၊ မီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များ၊ လူမှုကူညီရေးအသင်းများဖြင့် ငြှိမ်းသတ် ခဲ့ရာမွန်းလွဲ၂နာရီ၅မိနစ်တွင် မီးထိန်း နိုင်ခဲ့ပြီး မီးကြွင်မီးကျန်များဆက်လက်ငြှိမ်းသက်လျက်ရှိ ကြောင်းသိရသည်။

၂၀၂၆ခုနှစ်ဧပြီလအတွင်းရန်သူ့အလောင်း၊လက်နက်ခဲယမ်း၊အလင်းဝင်စာရင်း

မန္တလေးငလျင်ဒဏ်ကြောင့် ယာယီစခန်းများတွင် နေထိုင်သော နိုင်ငံ့ဝန်ထမ်းများကို မိုးမကျမီပြောင်းရွှေ့နိုင်ရန်ဆောင်ရွက်မည် NOM၊မေ၆၊၂၀၂၆ မန္တလေးငလျင်ဒဏ်ကြောင့် ဇမ္ဗူသီရိမြို့နယ်အတွင်းရှိ အနီရောင်အဆင့် ပျက်စီးသွားသော နိုင်ငံပိုင်ဝန်ထမ်း အိမ်ရာများပြန်လည်ပြုပြင်ခြင်းလုပ်ငန်းများအမြန်ဆုံးဆောင်ရွက်ပြီး ဝန်ထမ်းများကို မိုးမကျမီပြောင်းရွှေ့နေထိုင်နိုင်ရန် ဆောင်ရွက်သွားမည်ဟု နေပြည်တော်စည်ပင်သာယာ ရေးကော်မတီ ဒုတိယမြို့တော်ဝန် ဦးဝင်းမိုးခိုင်က ယမန်နေ့မေ၅ရက်တွင်နိုင်ငံပိုင်ဝန်ထမ်းအိမ်ရာများ ပြန်လည်ပြုပြင်ခြင်းလုပ်ငန်းများကို တာဝန်ယူဆောင်ရွက်နေကြသည့် ကုမ္ပဏီ များနှင့်တွေ့ဆုံရာတွင် ပြောကြားခဲ့သည်။ ဝန်ထမ်းအိမ်ရာများသည် ဝန်ထမ်းများ၏ စားဝတ်နေရေးတွင် နေရေးနှင့် တိုက်ရိုက်ဆက်နွှယ်နေသောကြောင့် တိကျမှန်ကန်မှု၊ အချိန်မီဆောင်ရွက်မှုနှင့် အရည်အသွေးပြည့်မီမှုတို့သည် မဖြစ်မနေလိုက်နာ ဆောင်ရွက်ရမည့် သတ်မှတ်ချက်များဖြစ်၍ အလေးထားဆောင်ရွက်ကြရန်လိုကြောင်း မှာကြားခဲ့သည် မန္တလေးငလျင်ဒဏ်ကြောင့် ယာယီစခန်းများတွင် နေထိုင်သော နိုင်ငံ့ဝန်ထမ်းများကို မိုးမကျမီပြောင်းရွှေ့နေထိုင်နိုင်ရန်အတွက် ရည်ရွယ်၍ ဆောင်ရွက်ကြစေလိုကြောင်း၊ ထိုသို့ ဆောင်ရွက်ရာတွင် နိုင်ငံပိုင်ဝန်ထမ်းအိမ်ရာ အဆောက်အအုံများကို ရှစ်မဂ္ဂနီကျုအထိ ငလျင်ဒဏ်ခံနိုင်စေရေး သတ်မှတ်ထားသည့် ဒီဇိုင်းပုံစံများအတိုင်း စနစ်တကျပြုပြင်ဆောင်ရွက် ရန်လိုကြောင်းနှင့် QA/QC အဖွဲ့များကလည်း ပြန်လည်ပြုပြင်ခြင်းလုပ်ငန်းများတွင် အရည်အသွေးစစ်ဆေးမှုများကို စနစ်တကျကြပ်မတ်ဆောင်ရွက်ကြရန်လိုကြောင်း မှာကြားခဲ့သည်။ မန္တလေးငလျင်ဒဏ်ကြောင့် ပျက်ဆီးခဲ့သည့် ဇမ္ဗူသီရိမြို့နယ် ဗလသိဒ္ဓိရပ်ကွက် (အကွက်ကြီး - ၂)ရှိ တိုက်အမှတ် (၂၃၃၈)၊ (၂၃၄၆)နှင့် ဉာဏသိဒ္ဓိရပ်ကွက် (အကွက်ကြီး - ၃)ရှိ တိုက်အမှတ်(၃၃၆၂)တို့မှာ ငလျင်ဒဏ်ကြောင့် ထိခိုက်ပျက်စီးခဲ့သည့် အနီရောင် အဆင့် ဝန်ထမ်းအိမ်ရာများ ပြန်လည်ပြုပြင်နေ ကြောင်းသိရသည်။

အီရန်အသင်းကိုဗီဇာမပေးကအမေရိကန်အိမ်ရှင်အဖြစ်ကျင်းပခွင့်ဆုံးရှုံးမည် NOM ကမ္ဘာ့ဘောလုံးအဖွဲ့ချုပ် FIFA၏ဥပဒေများအနက်တစ်ခုမှာအိမ်ရှင်နိုင်ငံများသည်လာရောက်ယှဉ်ပြိုင်မည့်နိုင်ငံများကိုခွဲခြားမှုမရှိသောပြည်ဝင်ခွင့်ဗီဇာပေးရမည်။အိမ်ရှင်နိုင်ငံကဤဥပဒေအရပူးပေါင်းဆောင်ရွက်ခြင်းမရှိပါကအိမ်ရှင်အဖြစ်ကျင်းပခွငိ့ကိုအခြားနိုင်ငံအားပြောင်းလဲပေးအပ်မည်ဟုပါရှိသည်။လာမည့်ကမ္ဘာ့ဖလားဘောလုံးပြိုင်ပွဲတွင်အမေရိကန်သည်အီရန်အသင်းကိုဗီဇာမပေးပါကအမေရိကန်အနေဖြင့်အိမ်ရှင်ကျင်းပခွင့်ကိုအခြားနိုင်ငံအားလွှဲပြောင်းပေးရဖွယ်ရှိနေသည်။

ထန်းတပင်မြို့နယ်၊ ဘွားအေစုကျေးရွာအတွင်းသို့ KNU အကြမ်းဖက်အဖွဲ့နှင့် PDF အကြမ်းဖက်သမားများ ပစ်ခတ်သည့် လက်နက်ကြီးဗုံးသီးတစ်လုံး ကျရောက်ပေါက်ကွဲခဲ့မှုကြောင့် အပြစ်မဲ့ပြည်သူနှစ်ဦး ထိခိုက်ဒဏ်ရာရ မေ ၅၊ ၂၀၂၆ ပဲခူးတိုင်းဒေသကြီး၊ တောင်ငူမြို့နယ်ပြည်သူ့ဆေးရုံသို့ မေလ ၄ ရက်နေ့ နံနက် ၁၀ နာရီ ၄၅ မိနစ်အချိန်၌ ဗုံးသီးပေါက်ကွဲစထိမှန်ဒဏ်ရာဖြင့် အမျိုးသမီးနှစ်ဦးရောက်ရှိနေကြောင်း သတင်းအရ လုံခြုံရေးတပ်ဖွဲ့ဝင်များက သွားရောက်စစ်ဆေး၍ ဖြစ်စဉ်အား စိစစ်ခဲ့ရာ မေလ ၃ ရက်နေ့ ညနေ ၅ နာရီအချိန်၌ ထန်းတပင်မြို့နယ်၊ ဘွားအေစုကျေးရွာနေ မဝါဝါအောင် (၁၇) နှစ်သည် ၎င်း၏နေအိမ်တွင် တစ်ရွာတည်းနေ မမိုးပြည့်ပြည့်လွင် (၁၆) နှစ်နှင့်အတူ ရှိနေစဉ် နေအိမ်အနီးသို့ KNU အကြမ်းဖက်အဖွဲ့နှင့် PDF အကြမ်းဖက်သမားများ ပူးပေါင်းအဖွဲ့က အများပြည်သူထိခိုက်စေရန် ရည်ရွယ်၍ ပစ်ခတ်လိုက်သည့် လက်နက်ကြီးဗုံးသီးတစ်လုံး ကျရောက်ပေါက်ကွဲခဲ့မှုကြောင့် ၎င်းတို့နှစ်ဦးတွင် ထိခိုက်ဒဏ်ရာများရရှိခဲ့ခြင်းဖြစ်ကြောင်းသိရ သည်။ NOM

ကျောက်တံခါးမြို့နယ်တွင် PDF အကြမ်းဖက်အဖွဲ့က ဒရုန်းဖြင့် Drop Bomb များပစ်ချတိုက်ခိုက်ခဲ့မှုကြောင့် အပြစ်မဲ့ကလေးငယ်တစ်ဦးနှင့် အရပ်သားပြည်သူတစ်ဦး သေဆုံးကာ ကလေးငယ်တစ်ဦးအပါအဝင် နှစ်ဦးထိခိုက်ဒဏ်ရာရရှိ မေ ၅၊ ၂၀၂၆ ပဲခူးတိုင်းဒေသကြီး၊ ကျောက်တံခါးမြို့နယ်၊ သာယာကုန်းကျေးရွာအား မေလ ၃ ရက်နေ့ ည ၇ နာရီ ၁၀ မိနစ်အချိန်၌ PDF အကြမ်းဖက်အဖွဲ့က အများပြည်သူထိခိုက်စေရန် ရည်ရွယ်၍ ဒရုန်းဖြင့် Drop Bomb များပစ်ချတိုက်ခိုက်ခဲ့ရာ ကျေးရွာအတွင်း Drop Bomb များကျရောက်ပေါက်ကွဲခဲ့မှုကြောင့် အဆိုပါကျေးရွာနေသူများဖြစ်ကြသည့် ဦးနေဝါလား (၄၉) နှစ်နှင့် မောင်စိုးနိုင် (၆) နှစ်တို့တွင် ဗုံးသီးပေါက်ကွဲစထိမှန်ဒဏ်ရာများရရှိကာ သေဆုံးသွားခဲ့ပြီး ဒေါ်ရာသီကား (၃၀) နှစ်နှင့် မစီဝါးနီ (၈) နှစ်တို့တွင် ဗုံးသီးပေါက်ကွဲစထိမှန်ဒဏ်ရာများရရှိခဲ့၍ ဆေးကုသမှုခံယူနေရကြောင်းသိရသည်။ NOM

အွန်လိုင်းလိမ်လည်မှု (Telecom Fraud) နှင့် ဒုစရိုက်မှုလုပ်ငန်းများတွင် ဆက်စပ်ပါဝင်ခဲ့ကြသည့်  ပြည်ပနိုင်ငံသားသုံးဦးအား သက်ဆိုင်ရာနိုင်ငံများသို့ ထပ်မံလွှဲပြောင်းပေးအပ်နိုင်ခဲ့ပြီး ပြည်ပနိုင်ငံသားရှစ်ဦး ထပ်မံဖော်ထုတ်ထိန်းသိမ်းနိုင်ခဲ့ကာ ပြည်နှင်နိုင်ရေး စစ်ဆေးနိုင်ခဲ့ မေ ၅၊ ၂၀၂၆ ထိုင်းနိုင်ငံအပါအဝင် အိမ်နီးချင်းနိုင်ငံအချို့ကိုတစ်ဆင့်ခံဖြတ်သန်း၍ မြန်မာနိုင်ငံအတွင်းသို့ နယ်စပ်လမ်းကြောင်းများမှ တရားမဝင် ဝင်ရောက်လာပြီး ကရင်ပြည်နယ်၊ မြဝတီ-ရွှေကုက္ကိုလ် နယ်မြေတွင် တရားမဝင် အွန်လိုင်းလောင်းကစားမှုများ၊ အွန်လိုင်းလိမ်လည်မှုများ၊ ဒုစရိုက်မှုများ ကျူးလွန်ခဲ့ကြသည့် ရုရှားနိုင်ငံသားနှစ်ဦးနှင့် နီပေါနိုင်ငံသားတစ်ဦးတို့အား မေလ ၅ ရက်နေ့တွင် မြန်မာ-ထိုင်း အမှတ်(၂)ချစ်ကြည်ရေးတံတားမှတစ်ဆင့်သက်ဆိုင်ရာနိုင်ငံများသို့ လူသားချင်း စာနာထောက်ထားမှုနှင့် နိုင်ငံအချင်းချင်း ချစ်ကြည်ရင်းနှီးမှုတို့ကိုရှေးရှု၍ ဥပဒေ လုပ်ထုံးလုပ်နည်း များနှင့်အညီ ပြည်နှင်လွှဲပြောင်းပေးအပ်ခဲ့ပြီး ပြည်ပနိုင်ငံသားရှစ်ဦးကို ထပ်မံဖော်ထုတ်ထိန်းသိမ်း နိုင်ခဲ့ကာ ပြည်နှင်နိုင်ရေး စစ်ဆေးနိုင်ခဲ့သည်။ အဆိုပါ ပြည်နှင်လွှဲပြောင်းပေးမှုလုပ်ငန်းများ စနစ်တကျရှိစေရေးနှင့် အဆင်ပြေ ချောမွေ့  စေရေးအတွက် မြဝတီခရိုင်စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌ ခရိုင်အုပ်ချုပ်ရေးမှူး ဦးကောင်းစံလင်းနှင့် တာဝန်ရှိသူများက ဌာနဆိုင်ရာများနှင့်တွေ့ဆုံကာ စာရင်းဇယား၊ အချက် အလက်များ ကိုက်ညီမှုရှိရေးနှင့် ပြည့်စုံမှန်ကန်မှုရှိရေးတို့ကို လိုက်လံကြည့်ရှုစစ်ဆေးပြီး လိုအပ် သည်များ ပေါင်းစပ်ညှိနှိုင်း ဆောင်ရွက်ပေးသည်။ ထိုသို့ ပြည်နှင်လွှဲပြောင်းပေးအပ်ရာတွင်လူဝင်မှုကြီးကြပ်ရေးနှင့်ပြည်သူ့အင်အား ဝန်ကြီး ဌာန၊ ခရိုင်ဦးစီးမှူး ဒုတိယညွှန်ကြားရေးမှူး ဦးကျော်ကျော်သန်းနှင့် တာဝန်ရှိသူများ၊ ထိုင်းနိုင်ငံ ဆိုင်ရာ ရုရှားနိုင်ငံသံရုံးမှ Second Secretary Mr. Evgeny Pimenov နှင့် တာဝန်ရှိသူများ၊ ထိုင်းနိုင်ငံဆိုင်ရာ နီပေါနိုင်ငံသံရုံးမှ သံရုံးကိုယ်စားလှယ် Ms. Amy Kristen Miller နှင့် တာဝန်ရှိသူများ၊ ထိုင်းနိုင်ငံ၊ တာ့ခ်ခရိုင် လူဝင်မှုကြီးကြပ်ရေးဦးစီးဌာနမှ တာဝန်ရှိသူများ တက်ရောက်ခဲ့ကြပြီး မြန်မာနိုင်ငံမှ တာဝန်ရှိသူတို့က သက်ဆိုင်ရာနိုင်ငံများမှ တာဝန်ရှိသူများထံသို့ ပြည်နှင်လွှဲပြောင်း လက်ခံရေးဆိုင်ရာ အထောက်အထား စာရွက်စာတမ်းများကို စနစ်တကျ လွှဲပြောင်းပေးအပ်သည်။ ထို့အတူ ကရင်ပြည်နယ်၊ မြဝတီမြို့ဝန်းကျင်ရှိ ဆိုဒ်များအတွင်းသို့ တရားမဝင် လမ်းကြောင်းများမှတစ်ဆင့် ဝင်ရောက်နေခဲ့သည့် ဘူရွန်ဒီနိုင်ငံသားလေးဦး၊ ကင်ညာနိုင်ငံသား သုံးဦးနှင့် ယူဂန်ဒါနိုင်ငံသားတစ်ဦး၊ စုစုပေါင်း ပြည်ပနိုင်ငံသားရှစ်ဦးကို ထပ်မံ ဖော်ထုတ်ထိန်းသိမ်း နိုင်ခဲ့ပြီး ပြည်နှင်နိုင်ရေး စစ်ဆေးနိုင်ခဲ့သည်။ ၂၀၂၅ ခုနှစ်၊ ဇန်နဝါရီလ ၃၀ ရက်မှ ၂၀၂၆ ခုနှစ်၊ မေလ ၅ ရက်အထိ မြဝတီမြို့နယ် အတွင်းသို့ တရားမဝင် ဝင်ရောက်လာသည့် ပြည်ပနိုင်ငံသား စုစုပေါင်း ၁၄၆၃၄ ဦး ထိန်းသိမ်းနိုင်ခဲ့ ကြောင်းနှင့် ယင်းနိုင်ငံသားအားလုံးကိုစစ်ဆေးပြီးစီးခဲ့ပြီး ၎င်းတို့အနက်မှ ၁၃၄၂၂ ဦးကို ထိုင်းနိုင်ငံမှတစ်ဆင့် သက်ဆိုင်ရာနိုင်ငံများသို့ ဥပဒေ လုပ်ထုံးလုပ်နည်းများနှင့်အညီ စနစ်တကျ ပြည်နှင်လွှဲပြောင်းပေးခဲ့ပါသည်။ လွှဲပြောင်းပေးအပ်ရန်ကျန်ရှိသည့် ပြည်ပနိုင်ငံသား ၁၂၁၂ ဦးတွင် မြန်မာနိုင်ငံ လူဝင်မှု ကြီးကြပ်ရေး (လတ်တလော)ပြဌာန်းချက်များ အက်ဥပဒေပုဒ်မ ၃(၁)/၁၃(၁)နှင့် မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာဥပဒေအရ အပြစ်ပေးအရေးယူခဲ့သည့်ပြည်ပ နိုင်ငံသား ၇၄၆ ဦး ရှိသည့်အတွက် ကျန်ရှိသည့် ပြည်ပနိုင်ငံသား ၄၆၆ ဦး တို့အား သက်ဆိုင်ရာ နိုင်ငံများသို့လွှဲပြောင်းပေးရန် အသင့်ဖြစ်နေပြီဖြစ်ကြောင်းနှင့် ၎င်းတို့ကို ကောင်းမွန်စွာ ထိန်းသိမ်း စောင့်ရှောက်ထားရှိသည်။ နိုင်ငံတော်အနေဖြင့် Online Scam Center လုပ်ငန်းများတွင် ပါဝင်ပတ်သက် နေသူများနှင့် နောက်ကွယ်မှကြိုးကိုင်သော နိုင်ငံခြားသားများကို ဖော်ထုတ်ဖမ်းဆီးပြီး ထိထိရောက်ရောက် ပြင်းပြင်းထန်ထန် အရေးယူနိုင်ရေး အိမ်နီးချင်းနှင့် ဒေသတွင်းနိုင်ငံများ၊ နိုင်ငံတကာအဖွဲ့အစည်းများနှင့် တက်ကြွစွာ ပူးပေါင်းဆောင်ရွက်လျက် ရှိသည့်အပြင် အကြောင်းအမျိုးမျိုးကြောင့် ဒုက္ခ ရောက်နေကြသော နိုင်ငံခြားသားများနှင့် လူကုန်ကူးခံရသည့်  နိုင်ငံခြားသားများကို သက်ဆိုင်ရာ နိုင်ငံများသို့ အမြန်ဆုံး ပြည်နှင်လွှဲပြောင်းပေးနိုင်ရေး ထိရောက်စွာညှိနှိုင်း ဆောင်ရွက်လျက် ရှိကြောင်းသတင်းရရှိသည်။

ဂန့်ဂေါမြို့နယ်တွင် ဖခင်ဖြစ်သူအားဆေးကုသပေးရန်အတွက် မန္တ လေးမြို့သို့ ထွက်ခွာလာသည့် မူလတန်းပြဆရာမတစ်ဦးနှင့် ဖခင်ဖြစ်သူတို့ကို PDF အကြမ်းဖက်အဖွဲ့က လမ်းခရီးတွင် အကြမ်းဖက်ဖမ်းဆီးခေါ်ဆောင်သွား မေ ၅၊ ၂၀၂၆ မကွေးတိုင်းဒေသကြီး၊ ဂန့်ဂေါမြို့နယ်၊ အခြေခံပညာအလယ်တန်းကျောင်း (ဂန့်ဂေါ) မှ ဒုတိယမူလတန်းပြ ဆရာမဖြစ်သူ ဒေါ်ချိုချိုအေး (၄၉) နှစ်သည် မေလ ၄ ရက်နေ့ မွန်းလွဲ ၁ နာရီအချိန်၌ ၎င်း၏ဖခင်ဖြစ်သူ ဦးဘချို (၇၆) နှစ်အား ဆေးကုသပေးရန် ဂန့်ဂေါမြို့မှ မန္တလေးမြို့ဘက်သို့ ခရီးသည်တင်မော်တော်ယာဉ်ဖြင့် ထွက်ခွာလာစဉ် ဂန့်ဂေါမြို့နယ်၊ တဇန်းကျေးရွာအနီး လမ်းခွဲအရောက်၌ PDF အကြမ်းဖက်သမားများအင်အား (စိစစ်ဆဲ)က မော်တော် ယာဉ်အား တားဆီး၍ ဒေါ်ချိုချိုအေးနှင့် ဦးဘချိုတို့နှစ်ဦးအား အကြမ်းဖက်ခြိမ်းခြောက်၍ ဖမ်းဆီးခေါ်ဆောင်သွားခဲ့ကြောင်းသိရသည်။ NOM

မလေးရှားသို့ သယ်ဆောင်မည့် ကျပ်နှစ်ဘီလျံကျော်တန်ဖိုးရှိ အိုက်စ်(မက်သ်အဖက်တမင်း) ၉၃ ကီလိုကျော်ကို ရန်ကုန်လေဆိပ်တွင် ဖမ်းမိ မေ ၅၊ ၂၀၂၆ မလေးရှားသို့ သယ်ဆောင်မည့် ကျပ်နှစ်ဘီလျံကျော်တန်ဖိုးရှိ အိုက်စ်(မက်သ်အဖက်တမင်း) ၉၃ ကီလိုကျော်ကို ရန်ကုန်လေဆိပ်တွင် ဖမ်းဆီးရမိကြောင်း မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ သိရသည်။ မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့သည် ဧပြီ ၂၆ ရက် နံနက် ၈ နာရီခွဲအချိန် ရန်ကုန်အပြည်ပြည်ဆိုင်ရာလေဆိပ်တွင် ရန်ကုန်မှ မလေးရှားနိုင်ငံ၊ ကွာလာလမ်ပူလေဆိပ်သို့ ထွက်ခွာမည့်လေယာဉ်ဖြင့် လိုက်ပါမည့်ခရီးသည် မျိုးညီညီဟိန်းနှင့် မနှင်းသဇင်ဦးတို့ထံမှ အိုက်စ်(မက်သ်အဖက်တမင်း) ၂၆ ဒသမ ၆ ကီလိုအား ဖမ်းဆီးရမိခဲ့ကြောင်း သိရသည်။ စစ်ဆေးဖော်ထုတ်ချက်အရ ယင်းနေ့နံနက် ၁၁ နာရီအချိန် အလားတူ လေယာဉ်ဖြင့်လိုက်ပါမည့် ခရီးသည် တင်အောင်သန်း၊ မခင်သန္တာဝင်း၊ ခင်မောင်သန်းနှင့် ချမ်းမြေ့ပိုင်တို့ လေးဦးထံမှ အိုက်စ်(မက်သ်အဖက်တမင်း) ၅၆ ဒသမ ၀၅ ကီလိုအား ထပ်မံဖမ်းဆီးရမိခဲ့ကြောင်း သိရသည်။ ကွင်းဆက်ဖော်ထုတ်ချက်အရ ယင်းနေ့ နံနက် ၁၁ နာရီခွဲအချိန် ဖမ်းဆီးရမိ အိုက်စ်(မက်သ်အဖက်တမင်း)များအား လက်ခံ၍ ပို့ဆောင်ပေးသည့် မင်္ဂလာတောင်ညွန့်မြို့နယ်ရှိ နိုင်ငံတကာကုန်စည်ပို့ဆောင်ရေးလုပ်ငန်း ကုမ္ပဏီရုံးခန်းအား ဝင်ရောက်ရှာဖွေရာ မထက်ဧကရီနှင့် မကြယ်စင်လင်းလဲ့တို့ နှစ်ဦးထံမှ အိုက်စ်(မက်သ်အဖက်တမင်း) ၉ ဒသမ ၅ ကီလိုအား ဆက်လက်ဖမ်းဆီးရမိကြောင်း သိရသည်။ NOM

ငမိုးရိပ်ချောင်းကူးတံတားအနီးတွင်ယာဥ်တိုက်မှုဖြစ်တစ်ဦး‌ေသဆုံး NOM၊မေ၅၊၂၀၂၆ ရန်ကုန်တိုင်း‌ ဒေသကြီးမြောက်ဥက္ကလာပမြို့နယ်၊ ကျော်သူမှတ်တိုင်အနီးရှိ ငမိုးရိပ်ချောင်းကူးတံတားအနီးတွင် မေ၃ ရက်နေ့ ညပိုင်းက စက်ဘီးစီးလာသည် မိသားစု သုံး ဦးကို ကားတစ်စင်း အရှိန်ပြင်းစွာ ဝင်တိုက်၍တစ်ဦး‌ သေဆုံးခဲ့‌ ကြောင်းလူမှုကူညီကယ်ဆယ်ရေးအသင်းမှသိရသည်။ ဖြစ်စဉ်မှာ မြောက်ဒဂုံဘက်မှ လာသောHonda Fit (ခဲရောင်) ယာဉ်အမျိုးအစားသည်မိသားစု သုံး ဦးကို အရှိန်ပြင်းစွာတိုက်မိပြီး မြောက်ဥက္ကလာအဝိုင်းဘက်သို့ မောင်းနှင်ထွက်ပြေးသွားခဲ့သည်။ ယာဉ်တိုက်မှုကြောင့် စက်ဘီးပေါ်တွင် ပါရှိလာသော မိသားစု သုံး ဦးအနက် မိခင်ဖြစ်သူသည် ယနေ့နံနက် ဆေးရုံ၌ သေဆုံးသွားခဲ့သည်။ ဖခင်ဖြစ်သူသည် စိုးရိမ်စရာမရှိ‌ ပဲလက်ရှိ ဆေးရုံတွင် ဆေးကုသမှု ခံယူနေရဆဲဖြစ်သည်။ ကလေးငယ်သည်ခေါင်းတွင် ဒဏ်ရာအနည်းငယ် ရရှိခဲ့ကာ ကျန်းမာရေးကောင်းမွန်လျက်ရှိကြောင်းသိရသည်။

သီလရှင်ပုံစံဖြင့်ပြိုင်ပွဲဝင်သည့်အလှမယ်ကိစ္စ အရေးယူရန်တင်ပြထား မေ၊၅၊၂၀၂၆

အီရန်နိုင်ငံခြားရေးဝန်ကြီး ဘေဂျင်းသို့ သွားရောက် အီရန်နိုင်ငံခြားရေးဝန်ကြီး အဘတ်စ် အရတ်ချီ Abbas Araghchi သည် တရုတ်နိုင်ငံခြားရေးဝန်ကြီး ဝမ်ယိ Wang Yi နှင့် အဆင့်မြင့်ဆွေးနွေးပွဲများ ပြုလုပ်ရန်အတွက် ယနေ့တွင် ဘေဂျင်းမြို့သို့ သွားရောက်ခဲ့သည်။ တွေ့ဆုံမှုအတွင်း အရတ်ချီ နှင့် ဝမ်ယိ တို့သည် နှစ်နိုင်ငံဆက်ဆံရေး ပိုမိုခိုင်မာစေရေးအပြင် ဒေသတွင်းနှင့် နိုင်ငံတကာ ဖြစ်ပေါ်တိုးတက်မှု အခြေအနေများကို ဆွေးနွေးကြမည်။ NOM

အမေရိကန်၊အစ္စရေးတို့နှင့်မဟာမိတ်ဖွဲ့သည့်ဂျပန်အစိုးရကိုဆန္ဒပြ NOM ဂျပန်နိုင်ငံတိုကျိုမြို့တော်တွင်လူထောင်ပေါင်းများစွာသည်စုဝေးပြီးအမေရိကန်နှင့်အစ္စရေးတို့ဖြင့်မဟာမိတ်ဖွဲ့ခဲ့သောဂျပန်ဝန်ကြီးချုပ်တာနေးတာကါအိချိကိုဆန္ဒပြနေပြီးဂျပန်ဝန်ကြီးချုပ်သည်အဆိုပါနှစ်နိုင်ငံ၏လက်ကိုင် တုတ်သဖွယ်ပြုမူနေကြောင်းစွပ်စွဲခဲ့ကြသည်။

တာချီလိတ်အလှမယ်ကိုပြိုင်ပွဲမှထုတ်ပယ်ကြောင်းကြေညာ NOM၊မေ၅၊၃၀၂၆ မေလ၄ရက်ကပြုလုပ်သောဝတ်စုံပြိုင်ပွဲတွင်ကြိုတင်အသိမပေးပဲသီလရင်ဝတ်စုံဖြင့်ယှဉ်ပြိုင်သောတာချီလိတ်အလှမယ်ကိုပြ်ုင်ပွဲမှထုတ်ပယ်ကြောင်း Miss Grand Myanmar Organization ကကြေညာလိုက်သည်။