Disciples of Jesus

የተነካ ያውቀዋል ክርስትና መነካት ነው መገለጥ ነው ብርሃን ነው ዛሬ ማለዳ ደግሞ ይንካን

🛑በሚለዋወጥ የ እኛ ባህሪይ/ጠባይ ውስጥ የማይለወጠው የ እግዚአብሔር ቸርነት እና ምህረት ነው። 🛑በ እኛም በሰዎችም መለወጥ ውስጥ እግዚአብሔር ብቻውን ግን አይለወጥም ። አ ሜ ን ! @DofJ3 @DofJ7

እግዚአብሔር ፈቃዱን ባይገልጥልን ከእኔ፣ ከእኛ፣ ከቤተክርስቲያን ምን ይጠብቃል? እያልን መጠየቃችን፣ ግራ መጋባታችን አይቀርም ነበር። ነገር ግን እርሱ በክርስቶስ ለማድረግ እንደወደደ እንደ አሳቡ የፈቃዱን ምስጢር አስታውቆናል። ይህ በዘመን ፍጻሜ ይደረግ ዘንድ ያለው አሳቡም በሰማይና በምድር ያለውን ሁሉ በክርስቶስ ለመጠቅለል ነው። እግዚአብሔር ይህን አሳቡን፣ ፈቃዱን ያስታወቀን የዚህ የተገለጠው የአሳቡ፣ የፈቃዱ ታታሪ፣ ትጉ አገልጋዮች እንድንሆን እንጂ አውቀው ዝም ያሉ ዝንጉዎች እንድንሆን አይደለም። በዘመን ፍጻሜ ሊደረግ ካለው ከእግዚአብሔር አሳብ ጋር መስማማት፣ መወገን፣ እርሱ እንዲፈጸም መጠቀምያ፣ የእግዚአብሔር መገልገያ ገንዘብ መሆን፣ ሊደረግ ያለው የእግዚአብሔር አሳብ በሕይወታችን፣ በዘመናችን ቅርፅ እንዲይዝና እውን እንዲሆን መፍቀድ፣ ኑሮአችንን ከዚያ አንጻር መኖር፣ አገልግሎታችንንም ከዚያ አንጻር ማገልገል የጊዜው አንገብጋቢ የእግዚአብሔር ፈቃድ ነው። ደግሞ እንደ እኛስ የታደለ ማን ነው? የታላቁን አምላክ ፈቃድ፣ ተልዕኮ አገልጋዮች፤ ከእርሱ ጋር አብሮ ሰራተኞች፤ እግዚአብሔር ሊሰራ ሲነሳ ገንዘቡ ሊያደርጋቸው የሚወድ የእርሱ መገልገያዎች!! ስለ አገልግሎት ያለን መረዳት በዚህ አሳብ ከተቃኘ ጌታን ማገልገል የዋዛ አይሆንብንም፣ ሳንታክትም እናገለግላለን። ምክንያቱም የእግዚአብሔርን መንግሥት ለማስፋት፣በሰማይና በምድር ያለውን ሁሉ በክርስቶስ ለመጠቅለል እንደተጠራን ገብቶናልና። ኤፌሶን 1 ¯¯¯¯¯¯¯¯¯¯ ⁹ በክርስቶስ ለማድረግ እንደ ወደደ እንደ አሳቡ፥ የፈቃዱን ምሥጢር አስታውቆናልና፤ ¹⁰ በዘመን ፍጻሜ ይደረግ ዘንድ ያለው አሳቡም በሰማይና በምድር ያለውን ሁሉ በክርስቶስ ለመጠቅለል ነው። ኤፌሶን 1 (አዲሱ መ.ት) ¯¯¯¯¯¯¯¯¯¯ ⁹ በክርስቶስ ያቀደውንም የፈቃዱን ምስጢር እንደ በጎ ሐሳቡ እንድናውቅ አደረገ። ¹⁰ በዘመን ፍጻሜ ይሆን ዘንድ ያለው ሐሳቡ በሰማይም በምድርም ያሉትን ነገሮች ሁሉ ራስ በሆነው በክርስቶስ ሥር ለመጠቅለል ነው።

ክብር ማለት በከበረው ጌታ መገኘት ውስጥ መኖር ነው