sanskrit medium

ଅନେକ ଦିନ ହେବ ଏହି ବିଷୟଟି ଲେଖିବି ବୋଲି ଭାବୁଥିଲି କିନ୍ତୁ କେତେ ଦୁର ଠିକ୍ ବା ଭୁଲ ହେବ ଭାବି ଲେଖୁନଥିଲି । ଓଡିଶାରେ ସଂସ୍କୃତ ଭାଷାର ସ୍ଥିତିକୁ ଦେଖି ଭବିଷ୍ୟତ ପିଢ଼ିପାଈଁ ଉପାଦେୟ ହେବ ବୋଲି ଆଶା । *ଶିକ୍ଷାଶାସ୍ତ୍ରୀ ବା ସଂସ୍କୃତ b.Ed ନ କରି ଜେନେରାଲ B.Ed କରନ୍ତୁ* ଯଦି ଜାଣିଶୁଣି ନିଜ କ୍ୟାରିୟରକୁ ଅନ୍ଧକାରକୁ ଠେଲି ସାରା ଜୀବନ ବେକାର ହେବାକୁ ଛାହାନ୍ତି, ତେବେ ଖୁସିରେ 'ଶିକ୍ଷାଶାସ୍ତ୍ରୀ' ବା ସଂସ୍କୃତ B.Ed କରନ୍ତୁ। ଏହି ସାର୍ଟିଫିକେଟ୍ ଶେଷରେ କାନ୍ଥରେ ଝୁଲାଇବା ଛଡ଼ା ଆଉ କିଛି କାମରେ ଆସିବ ନାହିଁ। ଆଜିକାଲି କେବଳ ରାଜ୍ୟ ନୁହେଁ, କେନ୍ଦ୍ର ସରକାରୀ ସ୍କୁଲରେ ବି ଏହି ଡିଗ୍ରୀକୁ କେହି ପଚାରୁ ନାହାନ୍ତି। କେନ୍ଦ୍ରୀୟ ବିଦ୍ୟାଳୟ (KVS) ରେ ସଂସ୍କୃତ ପଦବୀ ସମୁଦ୍ରକୁ ଶଙ୍ଖେ ଭଳି ଅତି ନଗଣ୍ୟ ଥିବା ବେଳେ NVS (ନବୋଦୟ) ଏବଂ EMRS (ଏକଲବ୍ୟ ବିଦ୍ୟାଳୟ) ରେ ଏହାର ନାଁ ଗନ୍ଧ ସୁଦ୍ଧା ନାହିଁ। ରାଜ୍ୟର OAVS ରେ ମଧ୍ୟ ପୋଷ୍ଟ ସମ୍ପୂର୍ଣ୍ଣ ଶୂନ ଏବଂ ସାଧାରଣ ହାଇସ୍କୁଲରେ ସ୍ଥିତି ଏତେ ଦୟନୀୟ ଯେ ତାହା ନକହିବା ଭଲ। ପ୍ରାଇଭେଟ୍ ସ୍କୁଲରେ ତ ସଂସ୍କୃତ ଶିକ୍ଷକଙ୍କୁ ସଠିକ ପାରିଶ୍ରମିକ ନାହିଁ। ସବୁଠାରୁ ବଡ଼ ହାସ୍ୟାସ୍ପଦ କଥା ହେଲା- ମାତ୍ର ୫୦୦ରୁ ୬୦୦ ପଦବୀ ପାଇଁ ଆଜିର ଦିନରେ ୪୦୦୦ରୁ ଉର୍ଦ୍ଧ୍ୱ ଆଶାୟୀ ଲାଇନରେ ଛିଡ଼ା ହୋଇଛନ୍ତି। ଏହି ବୋକାମୀ ନକରି ଟିକିଏ ବୁଦ୍ଧି ଖଟାଇ ଜେନେରାଲ B.Ed କଲେ ନିଜ ଭବିଷ୍ୟତକୁ ସୁରକ୍ଷିତ କରିପାରିବେ। ଏହାଦ୍ୱାରା ଆପଣ ସଂସ୍କୃତ ଶିକ୍ଷକ ସହିତ TGT ଓଡ଼ିଆ ଏବଂ TGT କଳା (Arts) ଶିକ୍ଷକ ଭାବରେ ମଧ୍ୟ ସ୍ବଚ୍ଛନ୍ଦରେ ଆବେଦନ କରିପାରିବେ। OAVS ରେ TGT ଓଡ଼ିଆ ଓ କଳା ବିଭାଗରେ ନିଯୁକ୍ତିର ବଡ଼ ସୁଯୋଗ ରହିଛି ଏବଂ ହାଇସ୍କୁଲଗୁଡ଼ିକରେ ମଧ୍ୟ ସଂସ୍କୃତ ତୁଳନାରେ ଏହି ବିଭାଗଗୁଡ଼ିକରେ ଢେର ଅଧିକ ପଦବୀ ବାହାରୁଛି। ପ୍ରାଇଭେଟ ସ୍କୁଲରେ TGT Arts ବିଷୟଗୁଡ଼ିକ ପଢ଼ାଇ ମୋଟା ଅଙ୍କର ଦରମା ପାଇବାର ସୁଯୋଗ ରହିବା ସହ ଓଡ଼ିଶା ବାହାରେ ମଧ୍ୟ ଶିକ୍ଷକତା କରିବାର ଅନେକ ବାଟ ଖୋଲା ଅଛି। ତେଣୁ ଶିକ୍ଷାଶାସ୍ତ୍ରୀ କରି ନିଜ ଗୋଡ଼ରେ ନିଜେ କୁରାଢ଼ି ନମାରି, ଜେନେରାଲ B.Ed କରନ୍ତୁ ଏବଂ କ୍ୟାରିୟରର ବାସ୍ତବିକ ଉଡ଼ାଣ ଭରନ୍ତୁ। ଆପଣମାନଙ୍କ ମତାମତ ଅପେକ୍ଷାରେ