Дөрес сүзгә җавап юк!

Ишарәне кул белән дә, күз белән дә, ым белән дә "күрсәтеп" була... Фикер әйтү өчен — сүз, сүз әйтү өчен тел кирәк! Мөхәммәт Мирза

Чын даһи — үзе уйлап чыгарган һәм төзегән дөньяда яшәүче кеше. Харуки Мураками

Алтыда белгән ана телен алтмышта онытмас. Мәкаль

Әгәр булдырам дип уйлыйсың икән — булдырачаксың, әгәр юк дип уйласаң — син хаклы. Мао Цзэдун

Үз халкыңның шанлы тарихына, милләтеңнең казанышларына, кылган мактаулы гамәлләренә кинәнеп яшәү, халкың өчен горурлану — менә ни озын гомерле итә милләтне! Мөсәгыйть Хәбибуллин

Мөмкинлек чикләрен ачыклауның бердәнбер ысулы — ул чикләрдән чыгу. Артур Кларк

Тау урыныннан күчкән дисәләр — ышаныгыз, кешенең холкы үзгәргән дисәләр — ышанмагыз! Хәдис

Үлем котылгысыз икәнен һәркем белә, тик ул якында булмагач, беркем дә аның турында уйламый. Аристотель

Милләтне саклау гаиләдән, кечкенәдән башланырга тиеш. Балага телне, йолаларны, тарихны өйрәтүдә һәр татар гаиләсе җаваплылык тойсын иде. Кырым, Себер, Әстерхан татарымы син? Бу мөһим түгел, бу территориаль үзенчәлек кенә, без — бүленмәс, бердәм татар. Бай тарихлы, абруйлы, шәхесләребез, театрларыбыз, сәнгатебез белән дан тоткан милләт. Һәр татар кешесенең күңелендә милли үзаң булырга тиеш. Закир Шаһбан

Тормыш хәрәкәт таләп итә. Аристотель

Яшәү — чын бәхет! Саҗидә Сөләйманова

Үзен үзгәртә алганнар дөньяны үзгәртәчәк... Инаят Хан Хидаят

Кемнеңдер эшен хурлау, яманлау — хөсет, булдыксыз һәм мескен кеше шөгыле. Бу аның бердәнбер чарасы. Хыялында үзеннән өстен кешене "бәреп төшерү" аңа вакытлыча ләззәт һәм канәгатьлек бирә. Зөлфәт Хәким

Без — тормыш диңгезендә йомычкалар. Талгын суда да йөзәбез, шашкынына да эләгәбез. Кайвакыт бөтерелә-бөтерелә упкын читенә үк барып җитәбез. Беттем дигәндә генә кемдер кулын суза, котылабыз. Тагын талгын агымга эләгәбез. Әмма кирелек, үҗәтлек яңадан чоңгылга китерә. Юкса, хаталар кабатланмас кебек иде...

Кайбер оешмалар татарны коточкыч таркаталар. Мишәризация! Керәшенизация! Башкортизация! Кырымнан аерырга тырышалар. Шәфика Котдусова, Гаспринский! Безнеке түгел мени болар?! Әпсәләмов, Такташ... Кемнеке соң болар?! Без бит барыбыз да татар милләтен тәшкил итәбез! Фиркачелек булырга тиеш түгел. Рабит Батулла

Дөньяны үзгәртәсең килсә, үзеңнән башла. Джо Уайдер

Мәрхәмәт кылганга — мәрхәмәт килер, сөйгән — сөелер, онытмаган — онытылмас! Локман Хәким

Исеңдә тот: нәрсәгә ышанасың һәм нәрсә турында уйлыйсың, шуны үзеңә тартып торасың. Дж. Темплтон

Кешеләргә сереңне сөйләмәс бул. Габдулла Тукай

Аны онытканчы, башта исеңә төшер: аның кебекләрне очратканың булдымы икән...