Baxıtlı SARÍBAEV

#Дөретиўшилик_бахты Бердақ атындағы ҚМУ студент жаслары менен ушырасып, көркем әдебияттың баслы ўазыйпасы, эстетикалық қәсийетлери бойынша жақыннан сәўбетлесип, қосықларымыздан көркемлеп оқып бердик. Өзимиз оқыған нурлы дәргайда қәдирли мийман болғанымыздан кеўлимиз қуўанышқа бөленди. @BaxitliSaribaev

Шаўдырбай Сейтов Жаман шығанақтағы Ақтуба Роман Суў алған күни-ақ, өзи Қызкеткенге "Ақ тубадан" суў сүзип түскен аңғардың қубласындағы ыраштың басында қалған күни-ақ, өз жайының, Жердаштың жайының ларса-ларс қулағанын көзи менен көрген күни-ақ, ҳаялы Жумагүл - Жумаш ешкисин жетеп, бул Нурқасымын изине ертип, "Я-аа, пәлек, енди қайда бараман, жай бунда кетти, көрпе-төсек, қазан-табақ бунда кетти, енди қайда бараман, енди қайда батаман!.. Буннан бетеринен сақлағайсаң, я-аа пәлек!.." деп кете берген, кете берген. Жылағанда да қатыны Жумагүл - Жумаш жылады, Нурлепес ҳәршеңки жылайтуғын пурсатта да: "Буннан бетеринен сақлағай, шүкир ет, кеўилим шүкир ет!.." деп, өзине өзи тәселле берип, жыламай қала алатуғын адам ғой! Жумагүл - Жумашқа да: "Жылама, қатын, буннан бетеринен сақлағай!" деп атыр еди: - Сақламаса терис сақласын! Буннан бетери қандай болады? - деп өкирди қатыны. - Таза пахталаған көрпемди айтсаң-ә! Гәўҳар машыншыдан қыйынды сатып алып, қурақтан тиккен дастығымды айтсаң-ә!.. Жердаштай тораңғылдың ашасына тырмышла десем де қылмадың! "Қудай сақлайды" деп едиң, қәне, сақлағаны! Бәри сеннен!.. Бәри усыннан болғаны ырас, оны өзи де биледи. Сеннен бола қойған екен, - деди "Социализмдеги" Тажимурат деген танысы. - Ең болмаса кийим-кеншегимизди алып қашсаңыз болады-ғо!.." Тәжимурат өзи менен урыста бирге болған, молласымақ адам еди, буларға әлбетте, қабақ шытқан жоқ. Бирақ, Тасқылық деген, аты жәп-жаман баласы менен барған күни-ақ Нурқасымның басы писпеди. Нурқасым жуўас ғой, сонда да Тасқылығы басып сабақ береди, Тәжимурат Тасқылықтың гөне кийимлерин кийгизе қойып еди, Тасқылық жағаласып жүрип Нурқасымнан шешип алды. Баласының боз-боран болып жылаўы Нурлепестиң аянышын онша оятпаса да аўлағында Жумагүл - Жумашты тоңқылдатты: - Бул кисиниң көкнарына бөгип жата бердиң-ғо әбден! - деди ҳаялы олар жоқта. - Мынаў жүўернемеги балаңды қан қустыра береди! Барып хабар алөссоңо, ел барған болса биз де барайық, алдымыз бәҳәр, ендиги жағында шертек қурып отырсақ та өлмеймиз!.. "Көрдиң бе айтатуғынын ҳаялдың! "бөгип жата бердиң!" дейди-ә! Мен бир, мәслигимнен иштим бе, соның көкнары болмағанда буўаққа шекем белим ийреңлеп... Бул, қатын деген, абайлы болмасаң, дос-ярдан, дос-яран түўе туўған егизиңниң сыңарынан ҳәм айырсын-ә!.." деп тоңқылданыўы менен жолға шыққаннан Қызкеткенниң ырашындағы қумды өңмеңлей-өңмеңлей усы ғой жетип турғаны. (Даўамы бар) Канал: t.me/BaxitliSaribaev 26. 06

" KEWIL LIRASÍ"                              20-06-26 "Watansız adam, Baxıtsız búlbil " Watan jaslar tilinde jırlanadı... ✅                                                                                                                                                                                                             Sociallıq  tarmaqlar  arqalı  bizdi  baqlap  barıń:                                                                                                                    👇 👇 👇                                                                                        Telegram I Instagram I Youtube I Facebook I QTRK ONLINE

Шаўдырбай Сейтов Жаман шығанақтағы Ақтуба Роман Қәне, буның атын "Ақ туба" дей қояйық. "Ақ тунба" дегенде де болар еди-дә, ол келисиңкиремейди, ал әўмийин, енди бул кәраны "Қара терең" демегейли, "Ақ туба", әўмийин, сен ҳеш қашан "Қаратереңдей" адам жутпа, сенде ийт-пышықтың да өлиги сасып атпасын, аўылдың атын да сениң ҳүрметиңе "Ақ туба" дедик, жолы-аппақ болсын, ығбалы ақ болсын әўмийин, әўмийин! - Айттымғоо Бәрзиў аға, сиз халтурщик болсаңыз ҳәм мәрт халтурщиксиз! Усыншама талантыңыз бенен, енди, халтурщиклигиңизди мойынлағаныңыз, турдым ғайратыңызға!.. Ал енди, жолдаслар, ким де ким буннан былай бул шуқырды "Қара терең" десе аўзына урғайлы!.. - Ҳаў! - деди буларды көриўден Қосберген дарға. - Тайырбай қайда? - Изимизде киятыр еди, қайдам, жоқ... - Мен оны таза қалаға жиберип аларман деп едим, қашқан екен-дә! - Садақаң қабыл болсын, Қосеке! - Әўмийин!.. 4 Ҳәкисине сол күни таң атқаны менен адамлар күнниң көзин көп ўақытқа шекем көре алмады. Әлемди шаңғыт па, булыт па, бир нәрсе иркилдеп қаплап турғандай, қуяш жадырап бир шықпады. Суў алып, жайы қулағалы бул әтирапқа келип турғаны жаңа, онда да қаладан емес, Қызкеткенниң оң ырашын жағалап, "Социализмнен" қайтты. Әдебинде өзиниң буннан сәл бурынғы гүрең ел - "Ақтубасын" танымай турды. Ҳәр жерде шошайып, бир жай қалыпты. Сол жайлары да "Ақтубаның" бурынғы жайларынан қалған жайлар" дейин десе, бәриниң басына жалаў қыстырыўлы. "Басқа жай!", "Бул басқа аўыл!" дейин десе, жақ, тап мынаў Әмирханның жайы. "Әне, Үбәйда келин де шықты!". "... Сонда бул неге жалаў қыстырып қойыпты, я жайы жақсы болған соң бирер кеңсе кирейге алғандур, Бас Түркмен каналы ашылғалы қайерди көрсең кеңсе ашылып атырған, қайерди көрсең қала болажақ! Ал, Әмирхан жайын кирейге таслап кеткен болса ҳаялы неғып жүр онда?!.. Әй, я-ғә Тәңирбергенниң питпеген еки қат жаман жайын да кеңсе кирейге алған ба сонда! Қосбергенниң, Гүлимбайдың, Айтбай домкомның жаман жайларын да алған ба?! Алға-ан, алмаса неге жалаў қыстырады?! Жығылмағанда бизикин де алады екен-дә!.. Бәрине опшыйт бергендур булардың, жығылмағанда бизге де берер ме еди!.." деген садалық пенен, садалық болғанда да тек ғана Нурлепестиң өзине тән журтта жоқ садалық пенен ойлады Нурлепес. (Даўамы бар) Канал: t.me/BaxitliSaribaev 25. 06

Шаўдырбай Сейтов Жаман шығанақтағы Ақтуба Роман - Әдеп институтыңды питкерип алса! - Гүлимбай Нағыметович аўызын қақпақлады. - Соң айтарсаң филологлыгыңды!.. - Питпеген неси қалды енди! - Қолын гөлегейледи. - Сен гәпти бөлмей тыңлап тур! Ал енди, сол жазыўшы-шайырлардың биреўиниң де өзин "халтурщикпен" деп мойынлаўға мәртлиги жетпейди... - Қайдан билесе-ең, мойынласа мойынлап жүрген шығар!.. - Мойынласа Бәрзиў аға қусап жазбай кетеди-ғо, жазбай кеткен жазыўшыны мен көргеним жоқ. Журналисттен де халтурщиклигин мойынлап, редакцияны таслап кеткен тек усы Бәрзиў аға... - Не демекшисең, тоқ етеринен келсе, иним. - Бәрзиў пысынады, шаршап қалыпты. - Не демекшисең, тоңып кеттик!! - Сен енди, халтурщик болсаң да, бәри бир, журналистсең-ғо, қапылғанда Гүлимбай Нағыметовичтен тәўирсең. Мына шуқырды усы ўақытқа шекем "Қара терең" деп келдик пе, келди-ик, "Ақ туба" дедик пе, дедик. Енди усының қай тәўирин таңлап бер, бизге, қайсысы сулыў?! Ойда жоқ саўал Бәрзиўди бирден ойландырып таслады. Бронхити тутты ма, бир тыма жөтелип алды да, қапталына түпирип таслап: - Япырмай, бала, жаман жерден туттың-аў! - деди ойшаң пишинде. - "Көп қорқытады, терең батырады" деген гәп бар, "терең" деген бул қорқытады адамды. Буннан әжелдиң ийиси келеди, "терең" болған соң, биреўлерди жутып атыўы, биреўлер кетип атыўы керек... - Кетсе талай ийт, пышықлар кетти-ғо! Ешеклер ҳәм кетти-ә! - деди гәпке Гүлимбай Нағыметович суғылысып. - Талай адамның да өлиги шықты! - деп қапылтты. - Сизлер жақында келген соң билмейсиз, түўе! Қызкеткен қазылған жылы-ақ бул терең адам жутып атқан!.. - Әне, айтпадым ба! - Бәрзиў басын шайқады. - Буған бир соқыр ийшанлар ҳәм кетип өлген деп еситтим. Большойлар атылған халық душпанларының өликлерин усы тереңге түнде таслайды екен. Халық душпанлары да большойларды услап өлтирсе аўзына аттың тезегин тығып, тири жанға көрсетпей усы шуқырға әкеп таслаған деген ҳәм мыш-мышлар ба-ар!.. - Әйтеўир де усы шуқырдан түнде сыңсыған сес шығатуғын еди!.. - Өлгенлердиң әрўақлары-ғо, әрўақ өлмейди, ол қай ўақ бир ўақ тирилип жақты дүньяға шығады, сондай гәп бар, үҳе-үҳәәәҳ, түпиў!.. Ҳимм, үҳҳ, бул шуқыр "Қара тереңлик" дәўирин өтти, қараң, төменде қап-қара, көп-көмбек болып жатқан шүңгил суў бар ма, жо-оқ! Қараң, тып-тынық суў жайылып атыр! Бул ҳәзирше өмирдеги үлкен ағыс - Қызкеткен менен байланысып турар, бара-бара үзиледи. Соң тунба болып тубалап қалады. Сол ўақытта да аппақ болып жатсын усы жарқылық! (Даўамы бар) Канал: t.me/BaxitliSaribaev 24. 06

Kewil lirası https://youtube.com/watch?v=GzjFDwViuqE&si=fOC5ouT5FQwTvDj7

Шаўдырбай Сейтов Жаман шығанақтағы Ақтуба Роман - Ол да дурыс, жорамыз екенин жасырмайман, бирақ Тайырбай, ол сеннен төрелилеў. Бириншиден, ялған гәпирмайды, екиншиден, оның билими сеникинен күшли, тарийхшы болсаң бола ғой, оның бестен бир билгенин билмейсең. Тек бир... дәўлети тайып жүр дә! Ҳим, Таске, қалай, жым қылдым ба?! - Жүрсе, жүрсе, таяғың тайып кетер!.. - Ол және сендей қорқақ емес, ҳәмелдарға да жортпайды, бас кетсе де пикирин ашық айтады!.. - Ашық айтпай не қылады пияң адам! Бул заманда ҳақыйқатлықты я жинли, я пияң айтады, сен оны... - Қәне, жүриң-жүриң, гәп-сөзди қойың! - деп кейиди Бәрзиў. Ырасында да, түсликтен арқадағы аўылға өтетуғын бул салманың бойы оғада қырағылықты талап етеди, дизилисип киятырғанлар аяқларын мергенлик пенен басыўға мәжбүр, сәл қыя басса мына жағы да, мына жағы да еле из түспеген, табы бузылмаған батпақ, алдағы Тәңирберген тайса ийт қуйрық ойнағандай бирине бири асылысып киятырғанлардың бирин бири сүйреп кетиў итималлығы жүдә ғана бар. - Еситтиңизлер ғой, яҳ, ақсақаллар, - деди Тәңирберген артына қарамастан. - Мектебиңниң тарийхшысының гәпин сен де еситтиң Гүлимбай Нағыметович. - "Ҳақыйқатлықты бир айтса, жинли, бир айтса пияң айтады екен!" Онда айтың маған, жолдас Сталин ҳақ сөйлей ме, ҳақ сөйлейди, Маленков, Булганин, Хрущев, Каганович, Молотовлар-ше, ҳақ сөйлей ме, ҳақ сөйлейди-и, қурыдың, Тайырбай жалғыз! Үйленбеп те едиң, бирақ мен ишимиздеги кимниң сексот екенин билмеймен, бүгин түнде есин ким алып кетсе де ыразы бол, бирақ меннен көрме, ўаҳа-ҳа-а!... Тайырбай жалғыз ең соңында киятыр еди, келген жеринде гилт тоқтады. Оның киятырған-киятырмағанын көриў ушын ҳеш ким артына да қарай қоймады. Сол жүристен тиртеклесип, садақашылар қумның үстине шығып, суўық демлерин бир-бир алысты. - Қара, Бәрзиў аға, аяғыңа шық илди ме?! - деди мақтаныш пенен. - Жаңағы Тайырбай ләўзе қайда, қәне жоқпекен дәкеңде кәрамат! - деп қараса, Тайырбай жоқ. - Айттым-ғо "қорқақ" деп, қашшан қуйрығын қысып зытыпты-ә!.. Соң бул гәпке ҳеш ким қайтып айналмады. Булар "Қаратерең", "Ақтубаның" тусына келгенде: - Ўай-боой, мына тереңниң толыўын-әйй! - деп ҳәммени тағы иркти Тәңирберген. Шынында да, суў алмадан соң биринши көрип турғаны. - Айдынының кеңейиўин қара, суўының мерўерттей тынығын қара! Ал енди, Бәрзиў аға, сен де жасыңда редакцияда ислегенсең, халтуршик болсаң да журналист болғансаң, қулласы! Халтурщик емес адам бар ма-ә, қарақалпақ жазыўшы-шайырларының бәри халтурщик, инанбасаң, батысқа салыстырып көр, мен филологпан-ғо, билемен-ғо ақыры... (Даўамы бар) Канал: t.me/BaxitliSaribaev 23. 06

" KEWIL LIRASÍ"               20-06-2026 https://youtube.com/watch?v=k7KSXUNXzec&si=quVxBcS41Pnkz0oH

Сезим сәўбети Пикирлесе келе үйренип саған, Жақсы көрип баўыр басып қалыппан. Қандай бахыт ашық болып жасаған, Айтқым келер шадлығымды халыққа. Мазмунлы диалог қалдырып тәсир, Берген жуўабыңа толады кеўлим. Сырласыўға имкан туўдырды тәғдир, Табыстық сөзимиз жарасып, гүлим. Жүректен қурылған сәўбет арқалы, Кеўилге жол тапқанымнан қуўандым. Мийримли тәғдирге алғыс арнадым, Аспанымда ығбал айым туўады. Филологпан. Сөзге аўдардым дыққат, Ҳәр айтылған гәпке жасайман таллаў. Ышқыңнан хабарлар қойылған ноқат, Қол келер сәўбетте таңлаған тараў. Дикцияң жағымлы. Қулаққа унар, Сыңғырлап жаңлайды тилдеги сеслер. Сүйиспеншилик сезимим оянар, Және жарасымлы мимика, жестлер. Ўақыттың өткенин билместен қалай, Додалаймыз тәғдир қосығын узақ. Заўық берип сәўбет, нама ҳәм лимонлы чай, Сезим отаўында болғанбыз қонақ. 22-июнь, 2026 Бахытлы Сарыбаев @BaxitliSaribaev

Шаўдырбай Сейтов Жаман шығанақтағы Ақтуба Роман - Айтқан еме-ес, - деп билгишсинди Тайырбай жалғыз. - "Ағаңның үйинде даўыс шығып атыр" деген хабар жеткенди-дә, кеше кеште Шортанбайдағы иниси, жетегинде бир қой, узақтан даўыс шығарып келипти! Келсе Қосберген аман. "Бул не гәп?" демей ме инисине. "Бандитлер кеме-кемеси менен алып кетипти, қырып таслаған қусайды, қоңсы-қобалары даўыс шығарып атыр, дегенди еситкен соң дәтим қалай шыдасын! Берман, шыға бердим. Жуман трактор излеп қалды, ертең мынжағы Шортанбай, мынжағы Ақтерек, қалмай ойыса жақ, мәга-ар бүгин түни менен айтыўшы кеткен болса, деп атырғанының үстине өзим келип қалдым, - деди Тайырбай жалғыз исендирип. - Соннан ийтиң Қосберген болмасын, түни менен машин таўың, инисин мә-мент қайтарды-аў! "Ағайинлердиң шалабы шайқалмасын, тез жет" деп зинҳарлап атыр, бийшара! Қараң, бир жаманның кесири жети журтқа тийип жүргенин! Қулпын бузып кирип, жәҳәннемниң пиянщиклерин жыйнап, үйин арақханаға айналдырған бассыныўына шыдамай отырған Қосберген: "Сен елде жоқпедиң: ким ол даўыс шығарып жүрген?" деп, маған қарады, мен ийегим менен Нөкербайды нусқадым. Сол ўақытта-ақ Сийсени екеўин дизилистирип қуўып жиберди. Нөкербай сол үйден кетти не, кетпеди не, неге кереги бар сол гәптиң!.. - Әәә бир қарап отырғанша гәп болсын дедик-дә! - деди Тәңирберген уста ыңғайсызланып. - Жаңағы, Қосекеңниң аўқаты пискен болса барайық-дә! Я Ғайыпназар хожаны тағы бир жан сойып береди деп отырсыз ба?! Етилер пәтия етилди, шайыллар қол шайылды, қәне, турың!.. Ҳәмме бирим-бирим есиктен шықты. Тәңирберген, жасы киши болғаны менен төрелерден, соның ушын ҳәм буны ғаррыларға шекем сыйлайды. Өзи де не тапқаны аўызында, кек сақламайтуғын саўдырақ жигит, бул аўыл түўе басқа аўылларда өлгенлердиң де көбиси усы Тәңирберген соққан табытлар менен қойымгершиликке кететуғынын еситкен курсласлары: "табытшы" деп күле берген соң: "олла, биллә, енди табыт соқпайман!" деп шатқаяқлағаны менен: "басқа адам жоқ, ақыры, саўап керек емес пе!" деп, ғаррылар еле табыт соқтыра береди. Өзи өлсе де табытын усы Тәңирберген соғатуғынын жақсы билген, партия хызметинен жылдан жылға төменлеп киятырған Бәрзиў мақсым: - Ал, иним, Тәңирберген, - деди марапатын берип. - Өзиң бастан шыға қойып едиң, кәраматың болса аяғымызға шық жуқтырмай апар! - Апарамыз аға! - Тәңирберген ойланбастан шулғынды. - Бирақ айтқан жеримнен жүриң мениң, кәраматымды көрсетейин!.. - Тәңирбергенде неғыған кәрамат-әә! - Тайырбай илип қалды. - Нөкербайдың жорасы-ғо, "достыңды көрсет, кимлигиңди өзим айтаман" деген-ғо! (Даўамы бар) Канал: t.me/BaxitliSaribaev 22. 06

Маджо атқарыўында жаңа қосығымыз @BaxitliSaribaev

Шаўдырбай Сейтов Жаман шығанақтағы Ақтуба Роман 3 Жап-салма, ой-шуқырлардағыларын есапламасаң суў ағып жалшымады. Жайы қулағанлар да, қуламағанлар да батпақлап болса да келип атты... Бүгин дем алыс, базар күн еди. Аўылдың сийрексигени соншелли, дем алыс болыўына қарамастан Ғайыпназар хожаның бир жан садақасына адам аз келди. Жыйналғанлар бирин бири сағынысып қалғандай, гәпти жән-жақтан қашырып отыр. Алды Мақтымқулыдан басланған гәп бара-бара сыптырыңқыланды: - "Өледи деген Өмирбек, өгиз жетеп киятыр!" Қосбергенниң бир жан садақасына айтып келдим, - деди соң келген Тайырбай жалғыз жайласып отырып алып. - Нөкербайы түспегир қапыны бузып кирип, пияң болса ўайўайлап, Қосбергенди жоқлап, па-ай, пәтеңге келтирди-аў, әне сол Қосекеси... Неге оныкине кирген, ҳайранман, демниң арасында үйи пиянхана... - Бурын сүзип кирип үйренген жайы-дә! "Доңызды мәшке үйретпе" деген! Мәшке үйренген доңыз "ийеси өлди" деген соң қудайы әбден берип, тумсығы менен қырманын сүрип жүрген-дә! - деди Тәңирберген уста. - Мен үйиме киргизбеймен, киргизсем, билемен, бириншиден ол ҳаялдың балларға қойған аўқатын-әм урлап алып жей береди. Және аўқатыңа тойып алып, пияң болса өзиңе ҳүжим ететуғыны бар! Ҳа билемен-ғо. Нөкербайды, аты химбиологияны айырып жүр!! - Сен өзиң усы аўылға ертип келген! - дейди мына мектептиң физиги Гүлимбай Нәметович. - Енди жаманлайсаң да жүресең. Бир қумалақ қырық қарын майды ширитетуғынын билмейтуғынбедиң?.. - Қаа-айдан билейин, Қосберген "бала таўып бер" деген соң әкеле қойып едим. Ҳәмме бәле Қосекеңниң өзинен! Исиңди ислет те төтенине бир теп-тә! Ҳә ол екеўине гөне жайын берип қойды-аў!.. - Қосекеңниң гөне жайы енди қулады-ғо, кетермекен? - дейди Айтбай домком-финагент. - Кетпесе исласын өзим ислеймен, талап ислеп тапқан пулына салық салайын, не қылар екен! - Сениң аўызыңа таслап жибереди, жым боласаң!.. - Нени-и?! - Пулды-дәә! Солай ма, Тәңирберген-ен?! - Гүлимбай Наметович Тәңирберген устаға Айтбайдың көзин ала берип, көз қысты. Буннан бийхабар Айтбай финагент домком, қараса, Тәңирберген ийегин үнсиз екшеп отыр. Жақында ғана Тәңирбергенге "салық саламан" деп аяқ тапылдатып, үш жүз сом пулын алып еди, соның бәле болып турғанын қараш!.. - Қосекең қуўған ба енди Нөкерди? - Бәрзиў Айтбайдың жанына ара турып қалды. - Қуўған деп еситтим-ғо! - Үйинде ўай-ўай сала берсе қуўмай не қылады?! - Өзлери жоқта ўай-ўай салғанын биреў айтқанды-дә! (Даўамы бар) Канал: t.me/BaxitliSaribaev 21. 06

"Кеўил лирасы" көрсетиўи эфирге берилмекте.