Tonqal

♻️«دیشلریم تلگراف وورور» کیتابیندان اؤرپک گؤتورولدو. موغانین واختسیز حیاتینی دییشن ده‌یرلی شاعیری، اسماعیل پیل‌پایه-نین «دیشلریم تلگراف وورور» کیتابیندان اؤرپک گؤتورولدو. چرشنبه گونو (۱۴۰۳٫۳٫۱۶) گؤزه‌ل بیر توپلانتی‌دا، ساعت ۱۶-دا، پارس‌آبادین فرهنگ و ارشاد اداره‌سینین اجتماعات سالونوندا، «اوستاد شهریار» آدلی شعر و ادب درنه‌یی‌نین تشبثو و گلن قوناقلارین حضوری ایله، شعر اوجاغی قورولدو. شهرستانین ده‌یرلی یازار و شاعیرلری بیرلییینده کئچیریلن بو آخشام اوستوده، موغانین ده‌یرلی شاعیری اسماعیل پیل‌پایه‌-نین «دیشلریم تلگراف وورور» کیتابیندان اؤرپک گؤتورولدو. بو تؤره‌نه گلن شاعیرلر، اؤز درین و دویغولو شعرلریله بو مقدس آخشام اوستونه، خاطیره‌لی آن‌لار باغیشلادیلار. ▫️توپلانتی‌نین سونوندا پیل‌پایه عایله‌سی عزیزله‌نیب، یادیگار شکیل‌لر چکیلدی. اوستاد شهریار شعر و ادب انجمنینین روابط عمومی‌سی. #شعر_موغان @sher_mughan @SheirOcagi

‏عکس از Behroz

سالخیم سویود شعر : ناظم حکمت سس و کوچورمه : حسن ریاضی( ایلدیریم ) https://t.me/Adabiyyatsevanlar

"من گئتسه‌م"... شئعیر: #ممد_آراز سس: #بهروز_صدیقی سس قورولوشو: #آرش_رمضان‌پور #سس کلیپ:سعیده حسن پور @tonqal2

▫️نهایت، واختسیز حیاتینی دییشن گنج شاعیریمیزین #دیشلریم_تلگراف_وورور شعیر توپلوسو ایشیق اوزو گؤردو. شاعیر: #اسماعیل_پیل‌پایه تایپ و رئداکت: #علی_چاغلا چاپ نوبتی: بیرینجی تیراژ: ۱۰۰۰ جیلد جیلد طراحلیغی: #آتابای_تیکان‌تپه‌لی حاضیرلایان: #محمد_پاشاپور ناشر: #آیدین_ساو تبریز چاپ و صحافی: #چاپ_شهر_پارس‌آباد(حسن‌خانی) قیمت: ۱۰۰٫۰۰۰ تومان (ساتیش مرکزلری تئزلیکجه پایلاشیلاجاق) #شعر_اوجاغی بو گؤزل اولایی ادبیاتیمیزا تبریک دئییر. @SheirOcagi

‌🍃🍂 📭 #سیزین_سسیز 🍇 #غزل ‍ #قان_باغریندا و بیری بوردا يامان اؤلمه‌ده قان باغريندا سانكی يارپيز داشا باغلاندی تيكان باغريندا اؤلمه‌رم؛ بيردن اگر اؤلمه‌لی اولسام، قارداش! باسديرارسيز منی سيز خان‌ساوالان باغريندا! سيزی تانری! ديله‌یيمله منی بير قبره قويون! باسديرين داش-قايا باغريندا، زامان باغريندا! گؤزومه بير قورو تورپاق... و يازارسيز داشيما: آی وطن‌سيز! نه ياتيبسان بو دومان باغريندا...؟! #دومانلی_ثانیه_لر_گلین_گئدیر ✍شعر: کامیل‌قهرمان‌اوغلو 🎙دکلمه: بهروز صدیقی 🎛تنظیم: بهزادبیات‌فرد 🪕موسیقی: کارن همایونفر 🎥کلیپ: فاطمه محمدپور ~.~.~.~.~.~.~.~.~.~ .~.~ ‌‌╭┅────────┅╮  🦋  @bulaqderneyi   🦋 ╰┅────────┅╯ 🔺

#اوشاق_ادبیاتی #شعر مملکت ایسته‌رم گؤی ماوی، بوداق یاشیل، تارلا ساری اولسون قوشلارین چیچک‌لرین دیاری اولسون مملکت ایسته‌رم نه باشدا درد، نه کؤنولده حسرت اولسون قارداش ساواشینا بیر نهایت اولسون مملکت ایسته‌رم نه وارلی - یوخسول، نه سن - من فرقی اولسون قیش گونو هرکسین ایستی اوجاغی اولسون مملکت ایسته‌رم یاشاماق، سئومک کیمی کؤنولدن اولسون اولورسا بیر شیکایت اؤلومدن اولسون... #جاهد_صدقی_تارانچی قایناق: گونه باخان‌لار کتابی (بهروز صدیق) #ادبیات_ائوی @AdabiyatEvi

🔶#بهروز_صدیق 🔷https://t.me/aypoet717 🍂🍂