ادبیات ائوی
بوراسی ادبیات ائوی ادبیاتسیز دونیا معنویّاتدان سیلینیر. ادبیاتسیز دونیا، قوپ-قورو بیر دونیا اولور. بو کانالدان مطلب پایلاشساز، لطفا آدرسین ده قئید ائدین. ایلگی یولوموز: اینستاگرام آدرسیمیز: http://Instagram.com/adabiyatevi
Більше2 935
Підписники
+124 години
+177 днів
+3630 днів
- Підписники
- Перегляди допису
- ER - коефіцієнт залучення
Триває завантаження даних...
Приріст підписників
Триває завантаження даних...
ائپیکتئتین «مذاکرهلر» اثرینده بئله بیر جومله وار: "تأثیر ائده بیلمهیهجهییمیز شئیلره تأثیر ائتمهیه و اونلاری دَییشدیرمهیه چالیشماق بیزه شدتلی مأیوسلوق حیسی وئریر."
منه ائله گلیر کی، ایشیقلی یول آیری یئردهدیر. جیغیر اولمایان یوللاردادیر. بیز هله ده ائله بیلیریک کی، "ایت هورر، کاروان کئچر" مثلی بوش-بوش دانیشان، سؤزونه اهمیت وئریلمهین آداملار حاققیندادیر. لاکین ایت هورن طرفلر هر زامان تهلوکهسیز یئرلر ساییلیر. ایت هورورسه، دئمهلی اورادان چاققالی، اوغرونو اوزاقلاشدیرماغا چالیشیب. ساروان کاروانی ایت هورن طرفه چئویریر. ساروان کاروانی ساکیت-سسسیز بیر یئره آپارسایدی، تهلوکه احتمالی داها چوخ اولاردی. عادتاً وحشی حیوانلار هجوم اؤنجهسی پوسقو قورارکن اؤلو سسسیزلیک یارادیرلار.
جیرتدان ناغیلینی خاطیرلادیم.
«جیرتدان دئدی:
- ایت هورن طرفه گئتسک، ایت بیزی قاپار. ایشیق گلن طرفه گئدک، بلکه یولو تاپا بیلدیک.
اوشاقلار ایشیق گلن طرفه گئدیب بیر دیوین ائوینه چیخدیلار.»
جیرتدان اوشاق پئرسوناژدیر. باشی هله داشدان-داشا دَیمهمیش تئز بازار قرار وئریر و دیوین الینه دوشور. اؤزو ده، یولداشلاری دا...
چتین بیر سئچیم قارشیسیندا قالارکن عادتاً اینسانلار ساکیت و راحات طرفی سئچیرلر. آمما اصلینده سس-کوی، کله-کؤتور اولان طرف دوغرو سئچیمدیر.
بیر گون لاوتزی شاگیردلری ایله مئشهیه ساری اوز توتور. لاکین بوتون آغاجلارین کسیلدییینی گؤرورلر. تکجه بیر آغاجدان باشقا. لاوتزی شاگیردلرینه تاپشیریر کی، یاخینلیقداکی کنده گئدیب، نه اوچون بیر آغاجین کسیلمهدییینی اؤیرنسینلر. شاگیردلر یولا دوشور. کندین قوجا ساکینینی گؤرجک خبر آلیرلار. قوجا دئییر:
- او آغاج نه تاختا اشیالار دوزلتمک اوچون اویغوندور، نه ده یاندیرماغا دَیَر. توستوسو گؤزه زیاندیر.
شاگیردلر ائشیتدیکلرینی لاوتزییه دانیشدیقدان سونرا اوستا فیکرینی سؤیلهییر:
- او آغاج کیمی اولون. اگر سیز خئییرلیسینیزسه، سیزی دوغرایاجاقلار. خئییرسیز اولون. بؤیویون. او زامان کؤلگهنیز هر کسه خئییرلی اولاجاق. گؤزدن اوزاق یئرده انکشاف ائدین. اؤزونوزو ثبوت ائتمهیه چالیشمایین. یاشامدان حظّ آلین. حیات پوئزییادیر. بازاردا ساتیلان محصول دئییل. دئمیرم کی، هر کسه خئییرسیز اولون. خئییر وئرین. لاکین اونوتمایین کی، محتشم حیرت خئییرسیزلیکدن گلیر. سئوگیدن، پوئزییادان و مئدیتاسییادان. اگر باجاریغینیزی بازاردا محصولا چئویرمک ممکن دئییلسه، دئمهلی سیزین اورهیینیز سئوینجله دولاجاق. اؤز ایشینیزله مشغول اولون. سیز بورادا ساتیلماق اوچون دئییلسینیز...
ایلیا رئپین «سادکو» آدلی رسم اثرینده نووقورودون موسیقی آلتی ایفاچیسی اولان سادکونون افسانهسینی تصویر ائدیب. رسم اثرینده افسانه اؤیودولهرک رئالیزمه تسلیم ائدیلیب. قدیم روس آریستوکرات گئییملری ایله دنیز جانلیلارینین سینتئزی فانتاستیک آلینیب. گؤز اوخشاییر. رئپین دنیز دیبینی گؤرمک اوچون آلمانییادا یئنی آچیلان ایری آکواریوما گونلرله باخیب.
افسانهیه گؤره سو آلتی حکمدار سادکونون ایفاسینی بَیهنیر و تکلیف ائدیر کی، حیات یولداشلاریندان بیرینی سئچسین. سادکو ایسه بو اعجازکار، بر-بزکلی گئییمده اولان گؤزللرین فونوندا گؤرونن چئرناوکایا عاشق اولور. بو سئچیم اونو خلاص ائدیر.
یازیچی: #نعمت_متین
کؤچورن: #علی_چاغلا
#ادبیات_ائوی
@AdabiyatEvi
👍 4
Фото недоступнеДивитись в Telegram
#مقاله
#ایت_هورن_طرفه_گئدنلر
یازیچی: #نعمت_متین
کؤچورن: #علی_چاغلا
#ادبیات_ائوی
@AdabiyatEvi
👍 2
بیر زامانلار بیر آغاج واریدی. او، کیچیک اوغلانی چوخ سئوردی. هر گون کیچیک اوغلان آغاجین یانینا گلیردی، اونون گؤودهسینه دیرماشیب، بوداقلاریندان کوف گئدردی، آلمالارینی دریب، یئیَردی. یورولاندا کؤلگهسینده دینجهلیردی. اوغلان دا آغاجی سئویردی. آغاج بو دورومدان چوخ سئوینجلی ایدی.
زامان کئچیر، اوغلان بؤیویور. آغاجین گؤروشونه آز گله بیلیردی. اونا گؤره آغاج چوخ زامانلار یالقیز قالیردی.
بیر گون اوغلان آغاجین یانینا گلدی. آغاج چوخ سئوینیب دئدی:
-گل گؤودهمدن اوسته چیخ, بوداقلاریمدان کوف گئت، آلمالاریمدان یئ، کؤلگهمده اوینا. سئوین...
اوغلان دئدی:
-یوخ! گؤودهندن یوخاری چیخیب، اویناماغا داها بؤیوموشم. ایندی باشقا ایستکلریم وار. اونلاری آلیب، باشیمی قاتماق ایستهییرم. منه پول لازیمدیر، سن منه پول وئرهبیلرسن می؟
آغاج دئدی:
- منی باغیشلا. پولوم یوخدو. آلمالاریمی دریب، شهرده ساتا بیلرسن. اوندان قازانان پول ایله ایستهدییینی آلا بیلرسن.
اوغلان آغاجا چیخیب، آلمالاری دریب، آپاردی.
آغاج چوخ سئوینیردی. اما اوغلان اوزون زامان آغاجین گؤروشونه گلمهدی. آغاج چوخ کدرلی ایدی.
بیر گون اوغلان آغاجین گؤروشونه گلدی. آغاج سئویندیییندن تیر-تیر اسیردی. اوغلانا دئدی:
-گل اوغلان! گل گؤودهمه چیخ، بوداقلاریمدان کوف گئت، آلمالاریمدان یئ.... سئوینجلی اول!
اوغلان دئدی:
-من آرتیق بؤیوموشم. اوجور ایشلره واختیم یوخدو. ایستهییرم بیر عایلم اولسون. اوشاقلاریم اولسون. منه بیر ائو لازیمدی. منه ائو وئره بیلرسن می؟
آغاج دئدی:
منیم ائویم یوخدو. مئشه منیم ائویمدی. اما بوداقلاریمی کسیب، اؤزونه بیر ائو دوزلده بیلرسن. اوندا سئوینجلی اولارسان.
اوغلان بوداقلاری کسیب، آپاردی. آغاج چوخ سئوینیردی. اما اوغلان یئنه اوزون زامان قاییتمادی.
بیر گون اوغلان آغاجین گؤروشونه گلدی. آغاج یئنه چوخ سئویندی. دیلی توتولدو. پیچیلتی ایله دئدی:
- او...غلا...ن...گل اوینا!
اوغلان دئدی:
-من قوجالمیشام. آرتیق اوینایا بیلمیرم. منه بیر قاییق لازیمدی. ایستهییرم اوزاقلارا گئدم. منه بیر قاییق وئره بیلرسن می؟
آغاج دئدی:
-منیم قاییغیم یوخدو آمما گؤودهمی کسیب، قاییق دوزلده بیلرسن. اونونلا اوزاقلار گئت، سئوینجلی اول!
اوغلان آغاجین گؤودهسینی کسیب، قاییق دوزلتدی، اوزاقلارا گئتدی.
آغاج سئوینجلی ایدی.
آما گئرچکده سئوینجلی دئییل ایدی...
گونلر کئچیب، گئتدی. بیر گون اوغلان قاییتدی. آغاج دئدی: باغیشلا اوغلان! سنین اوچون هئچ نهییم قالماییبدی. آلمام دا یوخدو.
اوغلان دئدی:
-ایندی دیشلریمده گوج قالماییب، آلما یئیه بیلمهرم.
آغاج دئدی:
-کوف گئتمک اوچون بوداغیم دا یوخدو.
اوغلان دئدی:
-کوف گئتمهیه ده گوجوم یوخدو. چوخ قوجالمیشام.
آغاج دئدی:
-اوستومه چیخماغا، گؤودم ده یوخدو.
اوغلان دئدی:
-اوستونه چیخا بیلمهرم. چوخ یورغونام. چوخ...
آغاج آه چکیب دئدی:
-باغیشلا منی! کئشگه سنه وئرهجک بیر شئییم اولسایدی. ایندی هئچ نهییم یوخدو....بیرجه کؤتویوم قالیبدی. منی باغیشلا...
اوغلان دئدی:
-چوخ یورولموشام. ایندی اوتورماق اوچون بیر یئر ایستهییرم.
آغاج باجاردیغی قدر کؤتویونو یوخاری چکیب، دئدی:
-بیر قوجا کؤتوک اوتورماغا یاخشی اولار. گل اوتور اوستومده، دینجل.
اوغلان آغاجین کؤتویونده اوتوردو. آغاج چوخ سئوینیردی...
یازیچی: #شل_سیلورستاین
چئویرن: #ویدا_حشمتی
#ادبیات_ائوى
@AdabiyatEvi
👍 14❤ 2
Фото недоступнеДивитись в Telegram
#اوشاق_ادبیاتی #حیکایه
قاللاج آغاج (باغیشچی آغاج)
یازیچی: #شل_سیلورستاین
چئویرن: #ویدا_حشمتی
#ادبیات_ائوى
@AdabiyatEvi
👏 2
01:59
Відео недоступнеДивитись в Telegram
#شئعیر
سنه نه دئییم؟!
شئعیر و سس: #بابک_اسلامی
#ادبیات_ائوى
@AdabiyatEvi
46.41 MB
❤ 4❤🔥 1
کؤشکی بالابان - آذربایجاندا ان چوخ یاز قاباغی (بایرامقاباغی) گونلرینده اساساً اوشاق و گنجلر آراسیندا، گئنیش شکیلده اوینانیلان قدیم اویونلاریندان بیریدیر.
بیر مدت بوندان اول بایرام قاباغی گونلرینده، شنلیکلرده، ییغینجاقلاردا آذربایجانین چوخ یئرلرینده، خصوصاً آراز چایی قیراقلاریندا بؤیوک یاشلی اوشاقلار و جاوانلار دسته-دسته توپلانیب کؤشکی بالابان اویونونو اوینایاردیلار.
اویونون قایدالاری
اونلاردان قوتلیلری 5-7 نفر بیرینجی جورگهنی دوزلدیب اللرینی بیر-بیریلرینین چیینینه قویوب دوراردیلار.
ایکینجی جورگه 3-5 نفر اولوب بیرینجیلرین چیینینه چیخیب دوراردیلار. اوچونجو جورگه ایسه 2-3 نفردن عیبارت اولوب ایکینجی جورگهنین چیینی اوسته چیخیردیلار.
سونرا بیر یئرده کؤشکی بالابان ماهنیسینی اوخویوب دولاناردیلار.
کؤشکی بالابان آرازا باخار
آرازین سویو گؤزلردن آخار
آی آراز، قورو، آخما بیر زامان
آی بیزی اودا یاندیریب یاخان
کؤشکی بالابان آرازا باخار
آرازین سویو گؤزلردن آخار
آی جانیم آراز، آی گؤزوم آراز
سن دایانماسان، من اودلانارام
گون باتان زامان قلبیم دارالیر
باغریم اولور قان، رنگیم سارالیر
باخیرام سنه هاوا قارالیر
کؤشکی بالابان آرازا باخار
آی جانیم آراز، آی گؤزوم آراز
سن دایانماسان، من اودلانارام...
بو اویوندا اویونو باجارمایانلار اویوندان کنارلاشدیریلیردی. قالان اویونچولار اویونون سونونادک اویناییر. اویوندا غلبه قازانماق، ائلجه ده اودوزماق کیمی قایدالار یوخدور.
قایناق: نوروز بایرامی انسکلوپدیاسی
یازیچی: #بهلول_عبدالله - #توفیق_بابایئو
کؤچورن: #یوسف_شیرین_پور
#ادبیات_ائوی
@AdabiyatEvi
👍 6👏 1
Фото недоступнеДивитись в Telegram
#فولکلور ( #اویون )
کؤشکی بالابان - قایدالاری، سؤزلری
قایناق: نوروز بایرامی انسکلوپدیاسی
یازیچی: #بهلول_عبدالله - #توفیق_بابایئو
کؤچورن: #یوسف_شیرین_پور
#ادبیات_ائوی
@AdabiyatEvi
👍 4
بیز کی هئچ گؤروشمهدیک
بلکه هئچ آیریلمایاق؟!
بلکه اؤلک -سن اوردا
من اوزاقلاردا سندن؟! #ماهیر_قارایئو
گوزگونون قارشیسیندا اوتورورام و بیر مدت لال-دینمز گوزگودهکی آداما باخیرام
یوخ، دلی اولمامیشام، ناراحات اولمایین. دلی اولسایدیم، ایندی دونیانین ان خوشبخت آدامی ایدیم... اؤزوم اؤزومدن سوروشورام:
- آی اجلاف، سن دوغرودان می او قیزی سئویرسن؟ آخی سن بو سؤزو چوخ قیزا دئمیسن، دئمیسن¹ و اونوتموسان...
گوزگوده کی آدامین ائله بیل جاوابی حاضیر ایدی، دوشونمهدن دئییر:
-من اونا «سئویرم» دئمیردیم. چونکو گوناها باتماق ایستهمیردیم. نئیلهییم کی، گوناهی تسبئح کیمی الیمده چئویرمهیی باجارمیرام... هم ده سئوگینین قابارمالاری، چکیلمهلری اوچون دقیق اؤلچو میزان یوخدور. سئوگی عاغلین سرحدینین بیتدییی یئرده باشلاییر. عاغیل ایله ایداره اولونان سئوگی «سوخوی مولوکو»-«قورو سود» کیمی بیر شئی دیر. یگانه قادین ایدی کی، من اونو سئومکدن قورخوردوم، چونکو کیمیسه خوشبخت ائتمک اقتداریندا دئییلدیم. یگانه قادین ایدی کی ، من اونا یوخ، او منه اعلان-عشق ائتمیشدی و یگانه قادین ایدی کی، اونون اوزونو گؤرمهدن سئویردیم. هم ده او، الیم چاتمایان بیر بوداق دا ایدی.
- آما تئلفوندا سسینی ائشیدنده هیجاندان آیاقلارین اَسمیشدی، دیلین سؤز توتمامیشدی.
- هن، من او سسه تابع اولماق ایستهمیردیم، آما بو مؤجوزهنین دادینی چیخارماق ایستهیی نفسیمه گوج گلدی؛ او سسین سئحرینه دوشدوم. اینجه، لطافتلی، شیرین، داماردا قانی جوشدوران سس ایدی، سوسوزلوقدان جادار-جادار اولموش ایچیمه دیریلیک سویو کیمی آخدی او سس. اؤزومو او سسین اختیارینا بوراخدیم.
غفیلدن سیخ دومان سورونه-سورونه گوزگونون ایچینه گیریر و منیم عکسیم تدریجا گؤرونمز اولور. داغ یولوندا دومانا دوشوب آزمیش نابلد یولچو کیمی هیجان کئچیریرم. الیمی اختیارسیز اوزومه چکیرم، اوزوم یئرینده دی، بش گوزگو عکسیمی نییه ایتیردی؟ الیمی گوزگویه چکیرم و بو دفعه اوردان منه قومرال ساچلی، آلا گؤزلو، سوزگون باخیشلی، اسمر بَنیزلی بیر قیز باخیر. او قیزین گؤزلرینده کدر واردی، قورخو واردی.
سنی ایتیرمکدن قورخورام -دئدی. مندن قورخونون رنگینی سوروشسالار، او قیزین گؤزلری رنگینده دی -دئیهرم.
منیم ایچیمدهکی قورخو دا او قیزین گؤزلریندهکی قورخویا قاریشمیشدی. من اونو سئومکدن قورخا-قورخا سئویردیم. قورخولو سئوگی ایدی بو سئوگی. او قیزین مئساژلاری او قدر ایستی ایدی کی، ایچیمی آلوو بورویوردو و من همین قورخونو او آلووون ایچینه آتیردیم. بو قورخو ایسه اوددا یانماز، سودا باتماز ایدی! دیپ دیری ایدی! آلووون ایچیندن اوزومه باخیب ایریشیردی، اونون بوز کیمی باخیشلاریندان داماریمدا قانیم دونوردو.
اَییلیب گوزگونون اوزوندن اؤپدوم. یوخ بو عمللی-باشلی دلیلیکدی. کناردان باخان، گؤرن اولسا، دئیهجک بونون عاغلی چاشیب. هئچ کس بیلمهیهجککی، من او اسمر بَنیزلینی اؤپدوم. بیز اونونلا هئچ گؤروشمهدیک، آما بیلیرم کی، هئچ واخت آیریلمایاجاغیق.
1-دئییبسن یازیلیشی دوغرودور.
یازیچی: #کنعان_حاجی
#ادبیات_ائوى
@AdabiyatEvi
❤ 6👍 2🥰 1
Фото недоступнеДивитись в Telegram
#حیکایه
قورخونون رنگی
یازیچی: #کنعان_حاجی
#ادبیات_ائوى
@AdabiyatEvi
👍 3❤ 1
01:00
Відео недоступнеДивитись в Telegram
#شئعیر
آپاراجاغین چوخدور
گتیرهجهیین نه وار؟
بو گوندن من ده یوخام!
ایتیرهجهیین نه وار؟
دوداق بیر گون توخونور
توتون آیریلیقلارا
اینسان بئله آلیشیر
بوتون آیریلیقلارا
بیر ده قوربان ائلهمه
اؤزونو هر سئوگییه
آما چوخ یاراشیردین
بو عئیبهجر سئوگییه
دانیش، اوجادان دانیش
بیر آرا وئر سوسماغا
ایندی ائله مؤحتاجام
سنه قولاق آسماغا
بیر داها سوروشورام
نهلر کئچیر ایچیندن؟
یا من، یا سن، یا دا بیز
بیرینی سئچ اوچوندن!
شئعیر و سس: #خزر_سلیمانلی
#ادبیات_ائوى
@Mavi_Duygular
@AdabiyatEvi
18.63 MB
👏 9❤ 3
Оберіть інший тариф
На вашому тарифі доступна аналітика тільки для 5 каналів. Щоб отримати більше — оберіть інший тариф.