HAILE GEBRIEL - በማለዳ ንቁ

ግንቦት ፪ /2/

በዚች ቀን ጻድቅ ኢዮብ አረፈ። ለዚህም ጻድቅ በዘመኑ እንደርሱ ያለ ዕውነተኛ ደግ ሰው እንደ ሌለ በቅዱሳት መጻሕፍትም ስለርሱ እንደተነገረ እግዚአብሔር መሰከረለት። ሰይጣንም ቀንቶበት በገንዘቡና በልጆቹ ላይ ያሠለጥነው ዘንድ ወደ እግዚአብሔር ለመነ። የጻድቅ ኢዮብን ትዕግሥት እግዚአብሔር ስለሚያውቅ አሠለጠነው ለመጪ ትውልድም አርአያና ምሳሌ እንዲሆን ፈቀደለት። ስለርሱም ሐዋርያ ያዕቆብ በመልእክቱ እነሆ የጻድቅ ኢዮብን ትዕግሥቱን ሰምታችኋል አለ። ከዚህ በኋላም በአንዲት ቀን ገንዘቡ ሁሉ ጠፋ ሥጋውም በደዌ ሥጋ ከራሱ እስከ እግሩ ድረስ ተመታ። በዚህም በአስጨናቂ ደዌ ውስጥ ኖረ እግዚአብሔርንም አመሰገነው። አንዲት ቃልን እንኳ በፈጠረው እግዚአብሔር ላይ አላጉረመረመም ነገር ግን የተወለደባትን ቀን ረገመ። እንስሶቹና ገንዘቡ ሁሉ በጠፋ ጊዜ እግዚአብሔር ሰጠ እግዚአብሔርም ነሣ የእግዚአብሔርም ስም የተመሰገነ ይሁን አለ። በዚህ መከራ በነበረበት ዘመናት በተራራ ላይ ተጥሎ ሳለ የወዳጆቹና የሚስቱ ዘለፋ በዝቶበት ነበረ። ሚስቱም አሁን ግን እግዚአብሔርን የማይገባ ቃል ተናግረኸው ሙት አለችው። እርሱም ገሠጻት። እግዚአብሔርም እዮብን ከደዌው ፈወሰው ጥሪቱን ሁሉ ከቀድሞ እጥፍ አደረገለት። ኢዮብም ከደዌው ከተፈወሰ በኋላ መቶ ሰባ ዘመን ኖረ የኖረውም ዘመን ሁሉ ሁለት መቶ አርባ ስምንት ዓመት ነው። በበጎ ሽምግልናም እግዚአብሔርን አገልግሎ በሰላም አረፈ። ወስብሐት ለእግዚአብሔር ምንጭ:- መጽሐፈ ስንክሳር #Subscribe #Like #Share    👇👇👇👇 www.youtube.com/@haileG2239 www.youtube.com/@Estifanos2239

✥ዓለም እንዴት ደስ አይለው!✥ የእውነት ብርሃን መግቢያ በር፣ የሕይወት ዝናብ የክርስቶስ እውነተኛ ደመና፣ የጽድቅ ጸሐይ ክርስቶስ መውጫ ምስራቁ፣ የሽቱ ሙዳይ የሕይወት ውኃ መገኛ ድንግል፣ የሊቀ ካህናቱ መቅደስ፣ ከኪሩቤልና ከሱራፊ የምትበልጠዋ መንበር፣ የማይደገመው ጸጋ ባለቤት፣ የብቻ ወላዲተ አምላክነት የተሰጣት እናት የብርሃን እናት፣ ፍጹም ለወደደን ስለ ኃጢአታችን ቤዛና ማስተስርያ አድርጎ እራሱን ላቀረበው የዓለም መድኃኒት እናቱ እነሆ የክርስቶስ አያት ለመሆን ከበቁት ከኢያቄምና ከሐና ተወለደች! “ደስታና ተድላም ይሆንልሃል፥ በመወለዱም ብዙዎች ደስ ይላቸዋል።” የሉቃስ ወንጌል 1፥14 ለልጇ መንገድ ጠራጊው በዮሐንስ መጥምቅ መወለድ ብዙዎች ደስ ካላቸው ወደ አባቱ መግቢያ በር ወደቀደመ ክብራችን መመለሻ መንገድ የሆነውን መንገድ የሚጠረግለትን ጌታ በወለደች ድንግል መወለድ እንዴት ዓለም ደስ አይለው! እንኳን የቅድስተ ቅዱሳን ድንግል ማርያምን መወለድ ለምናስበብት በዓል አደረሳችሁ! #Subscribe #Like #Share    👇👇👇👇 www.youtube.com/@haileG2239 www.youtube.com/@Estifanos2239

=> የአባታችን መምህር ግርማ ወንድሙ ቀጣይ አገልግሎት የፊታችን እሁድ ግንቦት 3/2017 ዓ.ም አያት በቅዱስ ፋኑኤልና መድኃኒዓለም ቤተ ክርስቲያን የወንጌል ትምህርት እና የንግስ አገልግሎት ይከናወናል። #አድራሽ፡ ከሁሉም አቅጣጫ መጥተው አያት አደባባይ ሲደርሱ ወይም (ደራርቱ አደባባይ ) ወደ ዞን ስምንት በሚወስደው ተራራው ላይ ቅዱስ ፋኑኤል ቤተ ክርስቲያን ይታያል። ስለ አገልግሎቱ ፈጣን መረጃ እንዲደርሳችሁ ሼር ላይክ በማድረግ ላልሰሙት አሰሙ ላልነቁ አንቁ! መንፈሳዊነት ይብለጥ። ሸር ይደረግ! #Subscribe #Like #Share    👇👇👇👇 www.youtube.com/@haileG2239 www.youtube.com/@Estifanos2239