MSI - MYANMAR SECRET INFORMATIONS

သက်တော်ရှည်စီးပွားရေးဝန်ကြီး ဦးအောင်နိုင်ဦးရာထူးမှအနားပေးခံရ ---------- စစ်ကောင်စီ၏ ရင်းနှီးမြှုပ်နှံမှုနှင့် ကူးသန်းရောင်းဝယ်ရေး ကဏ္ဍများကို အဓိကမောင်းနှင်သူအဖြစ် လူသိများသည့် ဦးအောင်နိုင်ဦးကို ဝန်ကြီးရာထူးမှအနားပေးလိုက်ကြောင်း စစ်ကောင်စီက ယနေ့ည မြန်မာစံတော်ချိန် ၈ နာရီသတင်းတွင်ကြေညာခဲ့သည်။ ဦးအောင်နိုင်ဦးသည် “မြန်မာအထူးစီးပွားရေးဇုန်ဆိုင်ရာ ဗဟိုလုပ်ငန်းအဖွဲ့ဥက္ကဋ္ဌ” ရာထူးလည်း ရယူထားပြီး စစ်ကောင်စီအတွက်အခွန်ငွေအများပြားရှာပေးနေသည့် ရန်ကုန်သီလဝါအထူးစီးပွားရေးဇုန်အပါအဝင် စီးပွားရေးဇုန်များကိုကြီးကြပ်ရသူသည်။ ထိုရာထူးမှသူ့အားအနားပေးမပေးကိုတော့ စစ်ကောင်စီက ထုတ်ပြန်ခြင်းမရှိပါ။ https://www.facebook.com/myanmarnownews/posts/pfbid08w8zSXNtX9Z1UkRnuMZBQFe1GUDszAK39VpFpYGBFgGP29q844WuaBF2ca5RC5FMl

❐ ကျောင်းသားလက်ရုံးတပ်တော်မှ ရဲဘော်တဦး သရက်ခရိုင်အတွင်း ကျဆုံး။

မေ ၂၇၊ ၂၀၂၄။ ကျောင်းသားလက်ရုံးတပ်တော်၏ ရဲဘော်တဦးဖြစ်သူ ရဲဘော် Bee သည် တော်လှန်ရေးတာဝန်ထမ်းဆောင်ရင်း မေလ ၂၅ ရက်နေ့၊ ၂၀၂၄ ခုနှစ်တွင် ကျဆုံးသွားကြောင်း ကျောင်းသားလက်ရုံးတပ်တော်မှ သတင်းထုတ်ပြန်ထားသည်။ ရဲဘော် Bee သည် မကွေးတိုင်း၊ သရက်ခရိုင်အတွင်း ဖိနှိပ်ခံလူထုလွတ်မြောက်ရေးနှင့် နိုင်ငံတော်သစ်ဆီသို့ မျက်နှာမူလျက် အသက်ပေးလှူကျဆုံးခ့သည့်အတွက် တပ်တော်အနေဖြင့် ဝမ်းနည်းကြေကွဲရပါကြောင်း ကျောင်းသားလက်ရုံးတပ်တော်က ဆိုသည်။ See more...

အလင်းခေတ် စည်းရုံးရေးမှူး ကေဒါသင်တန်း အပါတ်စဉ် -၁ Freedom Fighter Myanmar- FFM အဖွဲ့အနေဖြင့် ပြီးခဲ့သည့် သုံးနှစ်အတွင်း စည်းရုံးရေးမှူး ကေဒါသင်တန်းများကို ဖွင့်လှစ်ခဲ့သည်မှာ အပါတ်စဉ် ၇ ရှိခဲ့ပါပြီ။ ယခုအခါ ပိုမိုထိရောက်သော ရေရှည်စည်းရုံးလှုပ်ရှားမှုများကို ပါဝင်ဦးဆောင်နိုင်ရန်၊ စုဖွဲ့လုပ်ဆောင်မှုပုံစံများ အားကောင်းလာစေရန် အတွက် အလင်းခေတ်စည်းရုံးရေးမှူး ကေဒါသင်တန်းအဖြစ် အဆင့်မြှင့်တင်ကာ ဖွင့်လှစ်သွားမည်ဖြစ်သည်။ အသစ်ဖွင့်လှစ်သော အလင်းခေတ် ကေဒါသင်တန်းသည် အချိန်အားဖြင့် တစ်နှစ်ကြာမြင့်မည်ဖြစ်ပြီး သင်တန်းအမျိုးအစား ၈ ခုထည့်သွင်းထားသည်။ သင်တန်းသည် FFM ၏ အလင်းခေတ်အယူအဆကို အခြေခံကာ အကြမ်းမဖက် အလယ်အလတ်လမ်းစဉ်နှင့် ဆက်နွယ်သည့် အတွေးအခေါ်များ၊ လက်တွေ့စည်းရုံးဆက်သွယ်မှုဆိုင်ရာ အတတ်ပညာများကို တပါတည်းယှဉ်တွဲလေ့လာသွားရမည်ဖြစ်သည်။ အလင်းခေတ် စည်းရုံးရေးမှူး သင်တန်းအပါတ်စဉ် ၁ တွင် 🔹Semester 1 (ဇူလိုင် - အောက်တိုဘာ ၊ ၂၀၂၄) ၁။ Nonviolence Principles and Internal Revolution - အကြမ်းမဖက်အခြေခံစံနှုန်းများနှင့် အတွင်းတော်လှန်ရေး ၂။ Political Ideology & Democracy - နိုင်ငံရေးအတွေးအခေါ်များနှင့် ဒီမိုကရေစီ ၃။ Debate Skills Training - ဒီဘိတ်အရည်အချင်း ၄။ Translation Skills Training - ဘာသာပြန်အရည်အချင်း 🔹Semester 2 (ဇန်နဝါရီ - မေ၊ ၂၀၂၅) ၅။ Communication - ဆက်သွယ်ပြောဆိုမှု ၆။ Critical Pedagogy - ဝေဖန်ဆန်းစစ် ပညာရေး ၇။ Nonviolence Mobilization - အကြမ်းမဖက် လှုံ့ဆော်စည်းရုံးခြင်း ၈။ Writing - စာရေးသားခြင်း များကို ထည့်သွင်းထားရန် စီစဉ်ထားပါသည်။ 📌သင်တန်းတက်ရောက်ရန် အခြေခံရှိရမည့် အရည်အချင်းများ ▪️အကြမ်းမဖက် အလယ်အလတ်လမ်းစဉ်ကို စိတ်ပါဝင်စား လေ့လာလိုသူ၊ လက်တွေ့အသုံးချလိုသူ ▪️လူ့အဖွဲ့အစည်းအပြောင်းအလဲများကို ပါဝင်ဆောင်ရွက်ရန် စိတ်ဆန္ဒပြင်းပြသူ ▪️ရေတိုခံပြင်းမှုကြောင့်သာမဟုတ်ဘဲ ရေရှည်အပြောင်းအလဲတွင် မိမိကိုယ်တိုင် တစိုက်မတ်မတ် ပါဝင်ဆောင်ရွက်လိုသူ ▪️စာဖတ်အားကောင်းသူ (အခြေခံအင်္ဂလိပ်စာ ဖတ်နိုင်စွမ်းရှိရန် လိုအပ်သည်) 📌သင်တန်းအချိန် - အပါတ်စဉ် စနေ ၊ တနင်္ဂနွေ မနက် ၉ နာရီ - ၁၁ နာရီ (မြန်မာချိန်) 📌တပါတ်လေ့လာရမည့်အချိန် - နာရီ ၂၀ 📌သင်တန်းပြုလုပ်မည့်နေရာ - Zoom Online Meeting 📌သင်တန်းကြေး - ငါးသိန်းကျပ် (*သင်တန်းကြေး ကင်းလွတ်ခွင့် လျှောက်ထားနိုင်ပါသည်) 🔹အလင်းခေတ် ကေဒါသင်တန်းနောက်ခံအယူအဆများနှင့် စီစဉ်ထားမှုကို လေ့လာရန် (သင်တန်း Concept Note) https://drive.google.com/file/d/1UrVyLIwqqBHs10w7dYQrh4q3_QDxXlOT/view?usp=sharing 🔹သင်တန်းလျှောက်ထားရန်ဖောင် - https://docs.google.com/forms/d/e/1FAIpQLSfznQHYaH6HXK0FKLO8xN0Y9_dcRwZyeyDsIrYSe9jHjoOI8Q/viewform?usp=sf_link ဖောင်ပိတ်ရက် - ဇွန် ၁၀ ရက်နေ့ ၊ ညနေ ငါးနာရီ မြန်မာချိန် ဆန်ကာတင်ရွေးချယ်ခြင်းခံရသူများကို ဇွန်လ ၁၅-၂၅ အကြားတွင် အင်တာဗျူးခေါ်ယူသွားမည်ဖြစ်သည်။ ☎️သင်တန်းနဲ့ပက်သက်ပြီး မေးမြန်းလိုသည်များရှိပါက Freedom Figther Page Message Box သို့မဟုတ် [email protected] သို့ ဆက်သွယ်နိုင်ပါသည်။ #FreedomFighter #AlinnKhit_CadreTraining

အလင်းခေတ် စည်းရုံးရေးမှူး ကေဒါသင်တန်း အပါတ်စဉ် -၁

မူဆယ်တွင် တရုတ်ငွေဈေးတက်မှုကြောင့် အခြေခံစားသောက်ကုန်ဈေးနှုန်းများ လိုက်ပါမြင့်တက် 27 May 2024 By MPA CJ 010 ရှမ်းပြည်နယ်မြောက်ပိုင်း၊ တရုတ်-မြန်မာနယ်စပ် မူဆယ်မြို့တွင် တရုတ်ငွေ ဈေးမြင့်တက်နေခြင်းကြောင့် အခြေခံစားသောက်ကုန်ဈေးနှုန်းများပါ လိုက်ပါမြင့်တက်လာကြောင်း ဒေသခံများထံမှ သိရသည်။ တရုတ်ငွေဈေးမှာ ပြီးခဲ့သည့် ရက်ပိုင်းက ယွမ် ၁၀၀ လျှင် မြန်မာငွေ ၅၆,၀၀ ခန့်ရှိခဲ့ရာမှ မေ ၁၇ ရက်တွင် ယွမ် ၁၀၀ ကို မြန်မာကျပ်ငွေ ၆၀,၀၀၀ နီးပါးအထိမြင့်တက်လာခဲ့ခြင်းဖြစ်ကြောင်း မူဆယ်မြို့ခံအမျိုးသမီးတစ်ဦးကဆိုသည်။ အပြည့်အစုံဖတ်ရန် >>>> https://tinyurl.com/5r35ufxk Telegram Link - https://t.me/MPANews Twitter Link - https://twitter.com/mmpressphoto MPA English Website - https://mpapress.com/en

အင်မထီးကျေးရွာရှိ ပျူစောထီးများက ပုလဲဒေသခံ ၂၉ ဦးကို PDF အယောင်ဆောင်၍ ဖမ်းဆီးကာ လေးဦးကို သတ်ဖြတ် 27 May 2024 By MPA CJ 001 စစ်ကိုင်းတိုင်း၊ ပုလဲမြို့နယ်၊ အင်မထီးကျေးရွာရှိ ပျူစောထီးနှင့် စစ်ကောင်စီတပ်ဖွဲ့ဝင်များက တောင်ရွာသစ်နှင့် ကျောက်ကုန်းကျေးရွာမှ ပြည်သူ ၂၉ ဦးကို PDF အယောင်ဆောင်၍ဖမ်းဆီးကာ လေးဦးကို သတ်ဖြတ်ခဲ့ကြောင်း ယင်းမာပင်ခရိုင်၊ တပ်ရင်း ၁၂ ၏ တပ်ထောက်တာ၀န်ခံ ကိုနေမင်းကဆိုသည်။ လယ်ယာလုပ်ငန်းလုပ်ကိုင်နေသည့် တောင်ရွာသစ်နှင့် ကျောက်ကုန်းကျေးရွာမှ ပြည်သူ ၂၉ ဦးကို ၂၀၂၄ ခုနှစ်၊ မေ ၂၄ ရက်၊ နံနက် ၁၁ နာရီခန့်က အကြောင်းမဲ့ဖမ်းဆီးကာ ယင်းနေ့မှာပင်ခြောက်ဦးကို ပြန်လည်လွှတ်ပေးခဲ့ပြီး ၂၃ ဦးကို ဆက်လက်ဖမ်းဆီးထားခြင်း ဖြစ်သည်။ အပြည့်အစုံဖတ်ရန် >>>> https://tinyurl.com/s3ma7np3 Telegram Link - https://t.me/MPANews Twitter Link - https://twitter.com/mmpressphoto MPA English Website - https://mpapress.com/en

မြောက်ခင်ရန်းရွာ၌ ကာကွယ်ရေးတပ်ဖွဲ့ဝင်နှစ်ဦး မီးရှို့သတ်ခံရမှု IIMMမှ စစ်ကောင်စီထံ အချက်အလက်တောင်းခံသော်လည်း အကြောင်းမပြန် https://www.youtube.com/TachileikNewsAgency/?sub_confirmation=1 * * * * * မကွေးတိုင်း၊ မြောက်ခင်ရန်းကျေးရွာ၌ လူငယ်နှစ်ဦး ဖမ်းဆီးသတ်ဖြတ်ခံရမှုနှင့် ပတ်သက်သည့် သတင်းအချက်အလက်များ မျှဝေပေးရန် စစ်ကောင်စီကို မြန်မာနိုင်ငံဆိုင်ရာ လွတ်လပ်သော စုံစမ်းစစ်ဆေးမှုယန္တရား(IIMM)က တောင်းဆိုထားသော်လည်း စစ်ကောင်စီဘက်က အကြောင်းမပြန်ဟု သိရသည်။ IIMM အနေဖြင့် မကွေးတိုင်း မြောက်ခင်ရန်းကျေးရွာ၌ လူငယ်နှစ်ဦးကို လက်နက်ကိုင်ထားသူများကကြိုးတုပ်၍ သစ်ပင်ပေါ်မှတွဲလောင်းချပြီး အောက်ခြေမှမီးဖိုကာ အရှင်လတ်လတ် မီးရှိသတ်ဖြတ်ခဲ့သည့် အချက်အလက်တောင်းခံမှုကို စစ်ကောင်စီဘက်က တုံပြန်ခြင်းမရှိသည့်အတွက် ယနေ့ ၂၀၂၄ခုနှစ် မေလ (၂၇)ရက်နေ့တွင် မြောက်ခင်ရန်းရွာဖြစ်စဥ်အတွက် အချက်အလက်မျှဝေပေးရန် စစ်ကောင်စီထံ ထပ်မံတောင်းဆိုကြောင်း သိရသည်။ အဆိုပါ လူငယ်နှစ်ဦးအားသတ်ဖြတ်ခဲ့သည့် ဗီဒီယိုဖိုင်သည် ၂၀၂၄ ခုနှစ် ဖေဖော်ဝါရီလ အစောပိုင်း၌ လူမှုကွန်ယက်တွင် ပျံ့နှံ့ခဲ့ပြီး သတ်ဖြတ်ခံရသူများမှာ ဖိုးတေနှင့် သားထောင်ဟုသိရကာ စစ်အာဏာရှင်ဆန့်ကျင်‌ရေးအဖွဲ့တစ်ခုဖြစ်သည့် ယောဒေသကာကွယ်ရေးတပ်ဖွဲ့ဝင်များဖြစ်သည်။ အဆိုပါသတ်ဖြတ်မှုကို ကျူးလွန်သူများ၊ ၎င်းတို့နှင့် ဆက်စပ်သည့်အဖွဲ့အစည်းများ အပါအဝင် ဖြစ်ရပ်နှင့်ပတ်သက်သည့် အချက်အလက်များကို ဘက်မလိုက်ဘဲ အမှီအခိုကင်းစွာ စိစစ်သုံးသပ်နေပြီး စုံစမ်းစစ်ဆေးမှု၏ တစိတ်တပိုင်းအနေဖြင့် ယန္တရားသည် အဆိုပါဒေသရှိ တပ်များနှင့် တပ်မှူးများအကြောင်း အချက်အလက်များ၊ ထိုလူငယ်နှစ်ဦးကို ဖမ်းဆီးခဲ့ပုံနှင့် ဆက်ဆံပုံအခြေအနေများ၊ ဗီဒီယိုတွင်မြင်တွေ့ရသည့် ညှဉ်းပန်းနှိပ်စက်မှုနှင့် သတ်ဖြတ်မှု ကျူးလွန်သူများနှင့် ပတ်သက်သောအချက်အလက်များပေးရန် စစ်ကောင်စီအား တောင်းဆိုထားခြင်းဖြစ်ကြောင်း သိရသည်။ မြန်မာနိုင်ငံအတွင်းဝင်ရောက်ခွင့်နှင့် သတင်းအချက်အလက်များမျှဝေရန် တောင်းဆိုထားသည့် ကုလသမဂ္ဂ လူ့အခွင့်အရေးကောင်စီနှင့် အထွေထွေညီလာခံတို့၏ ဆုံးဖြတ်ချက်များအတိုင်း ယန္တရားနှင့် အပြည့်အဝ ပူးပေါင်းဆောင်ရွက်ရန် စစ်ကောင်စီကို မြန်မာနိုင်ငံဆိုင်ရာ လွတ်လပ်သော စုံစမ်းစစ်ဆေးမှုယန္တရား အကြီးအကဲ နီကိုလတ်စ်ခွန်ဂျန်က တောင်းဆိုထားသည်။ ယန္တရားသည် စုဆောင်းရရှိသော အထောက်အထားများကို ဓမ္မဓိဋ္ဌာန်ကျကျ စုံစမ်းစစ်ဆေးပြီး အကြီးလေးဆုံး နိုင်ငံတကာရာဇ၀တ်မှုများကို ကျူးလွန်သည့် တာဝန်ရှိသူများအပေါ် အမှုတည်ဆောက်ရာတွင် အသုံးပြုမည်ဟုလည်း ဆိုသည်။ အလွန်ရက်စက် ကြမ်းကြုတ်ပြီး လူမဆန်သည့်ရာဇ၀တ်မှုများကို ပြောင်ပြောင်တင်းတင်း ကျူးလွန်သူများ အပါအဝင် ကျူးလွန်သူများ အပြစ်ပေးခံရခြင်းမှ ကင်းလွတ်နေသည့်သံသရာကို ချိုးဖျက်နိုင်ရေးနှင့် မြန်မာနိုင်ငံသားများအတွက် တရားမျှတမှု ရရှိလာစေရေးသည် IIMM ၏ ရည်မှန်းချက်ပန်းတိုင်ဖြစ်သည်ဟုလည်း ဆိုသည်။ မြန်မာနိုင်ငံဆိုင်ရာ လွတ်လပ်သော စုံစမ်းစစ်ဆေးမှုယန္တရားအနေဖြင့် ၄င်းတို့ စုံစမ်းစစ်ဆေးနေသော ကြီးလေးသည့် ရာဇ၀တ်မှုမြောက်များစွာနှင့် ပတ်သက်သော သတင်းအချက်အလက်များကို မျှဝေပေးရန် စစ်ကောင်စီထံ အကြိမ်ကြိမ် တောင်းခံခဲ့သော်လည်း စစ်ကောင်စီသည် ယနေ့အထိ တောင်းခံမှုများကို တစုံတရာ တုံ့ပြန်ခြင်းမရှိဟု ထုတ်ပြန်ထားသည်။ မြန်မာနိုင်ငံဆိုင်ရာ လွတ်လပ်သော စုံစမ်းစစ်ဆေးမှုယန္တရား (IIMM သို့မဟုတ် ယန္တရား)ကို ၂၀၁၁ ခုနှစ် နောက်ပိုင်း မြန်မာနိုင်ငံတွင်ကျုးလွန်သည့် အကြီးလေးဆုံးသော နိုင်ငံတကာရာဇဝတ်မှုနှင့် တခြားသော နိုင်ငံတကာ ဥပဒေများ ချိုးဖောက်ခြင်းများအတွက် အထောက်အထားများ စုဆောင်းရန်နှင့် စိစစ်သုံးသပ်ရန် ၂၀၁၈ ခုနှစ်တွင် ကုလသမဂ္ဂ လူ့အခွင့်အရေးကောင်စီမှ ဖွဲ့စည်းခဲ့သည်။ News : https://www.tachileik.net/mm/news/36081 #TachileikNewsAgency

ကလေးတစ်ဦးနှင့် အမျိုးသားတစ်ဦး စစ်တပ်ကသတ်ဖြတ်ပြီး မန္တလေးကွန်ပျူတာတက္ကသိုလ်ရှေ့ရုပ်အလောင်း စွန့်ပစ်ထား အင်ကြင်း/People's Spring မန္တလေးတိုင်း၊ ပုသိမ်ကြီးမြို့နယ်ရှိ ကွန်ပျူတာတက္ကသိုလ်ရှေ့တွင် စစ်တပ်က ကလေးတစ်ဦးနှင့် အမျိုးသားတစ်ဦး သတ်ဖြတ်ပြီး ရုပ်အလောင်းအား စွန့်ပစ်သွားကြောင်း သတင်းရရှိသည်။ ယနေ့ (မေလ ၂၇ ရက်) နံနက်ပိုင်းက ပုသိမ်ကြီးမြို့နယ်၊ ဒဟတ္တောကျေးရွာရှိ ကွန်ပျူတာတက္ကသိုလ်ရှေ့၌ ပြီးခဲ့သည့် ၂လခန့်က ဖမ်း​ဆီးခံရသော ကလေးတစ်ဦးနှင့် လူငယ်အမျိုးသားတစ်ဦး၏ ရုပ်အလောင်းနှစ်လောင်းကိုတွေ့ရှိရကြောင်း ဒေသခံများက ပြောသည်။ "ကျောက်တံတားမှာ အဖမ်းခံရတာ။ ၁၈၊၁၉ တစ်ယောက်။ ၁၄၊၁၅ တစ်ယောက်။"ဟု ဒေသခံတစ်ဦးက ပြောသည်။ အဆိုပါ လူငယ်နှစ်ဦးအား စစ်ကောင်စီက PDF များဟု ဝါဒဖြန့်နေသည်။ ပြီးခဲ့သည့်နှစ်ဆန်းပိုင်းကလည်း ပုသိမ်ကြီးမြို့နယ်ရှိ ရေမြောင်းများ၌ စစ်တပ်က သတ်ဖြတ်ပြီး စွန့်ပစ်ထားသည့် ရုပ်အလောင်းများ မျောပါလာဖူးကြောင်း ဒေသခံများက ပြောသည်။ ပုသိမ်ကြီးမြို့နယ်သည် စစ်ရေးပြင်းထန်နေသည့် မတ္တရာမြို့နယ်နှင့်ကပ်လျက်တည်ရှိပြီး စစ်ကောင်စီတပ်က ဖမ်းဆီးနှိပ်စက်သတ်ဖြတ်မှုများ မကြာခဏ ပြုလုပ်နေကြောင်း ဒေသခံများက ပြောသည်။

လောင်းလုံးမှာ ထားဝယ်ခရိုင်သပိတ်ကော်မတီက သစ်ပင် ၂၅၀ဝ စိုက်မည် YouTube >>> https://youtu.be/BPFy8Vd9WIo

စစ်အုပ်စုဖမ်းသွားတဲ့ ပြည်သူ ၂၀ ကျော်ထဲက ၄ ဦးအသတ်ခံရပြီး ကျန်လူတွေကို ငွေနဲ့ ပြန်ရွေးရ ပုလဲ၊ မေ ၂၇၊ ၂၀၂၄။ စစ်ကိုင်းတိုင်း၊ ပုလဲမြို့နယ်မှာ စစ်အုပ်စုလက်အောက်ခံပျူစောထီးတွေက ဖမ်းဆီးသွားတဲ့ ပြည်သူ ၂၃ ဦးအနက် ၄ ဦး အသတ်ခံလိုက်ရပြီး ကျန် ၁၉ ဦးကိုတော့ ငွေနဲ့ရွေးယူခဲ့ရတယ်လို့ ဒေသခံတွေနဲ့ မြေပြင်ရဲဘော်တွေထံက သိရပါတယ်။ အသတ်ခံရသူ ၄ ဦးမှာ တောင်ရွာသစ်ရွာက အသက် ၄၂ နှစ် အရွယ် ကိုကျော်ခိုင်၊ အသက် ၂၄ နှစ်အရွယ် ကိုတင့်ဇော်ဦး၊ အသက် ၃၀ နှစ်အရွယ် ကိုထွန်းလှိုင်နဲ့ အသက် ၂၂ နှစ်အရွယ် ကိုထွန်းနိုင်လင်းတို့ဖြစ်ပြီး ၎င်းတို့ကို စစ်တပ်လက်အောက်ပျူစောထီးတွေက အင်မထီးရွာကို ဖမ်းဆီးသွားပြီးနောက် သတ်ဖြတ်ခဲ့တာလို့ ဆိုပါတယ်။ “ အမျိုးသား ၄ ဦး သေဆုံးတဲ့ ရက်ကို မသိရသေးဘူး။ အလောင်းတွေတော့ ပြန်မရဘူး။ ပြန်လွတ်လာသူတွေကိုလည်း နည်းမျိုးစုံနဲ့နှိပ်စက်ထားတာ” လို့ ယင်းမာပင်ခရိုင် အမှတ် ၁၂ တပ်ရင်း တပ်ထောက်တာဝန်ခံ ရဲဘော်နေမင်းက ပြောပါတယ်။ သတင်းအပြည့်အစုံ - https://www.myaelattathan.org/articles/စစ်အုပ်စုဖမ်းသွားတဲ့ပြည်သူ၂၀ကျော်ထဲက_၄ဦးအသတ်ခံရပြီး_ကျန်လူတွေကိုငွေနဲ့ပြန်ရွေးရ