አቡቀለምሲስ በኢትዮጵያ ኦርቶዶክስ ተዋሕዶ ቤተ ክርስቲያን የሰሜን ሸዋ ሀገረ ስብከት ሚዲያ

የእመቤታችን ቅድስት ድንግል ማርያም የመገለጥ በዓል እና የገዳሟ ቅዳሴ ቤት ክብረ በዓል ግንቦት ፳፩ ቀን ፳፻፲፮ ዓ.ም በደብረ ምጥማቅ ጻድቃኔ ቅድስት ማርያም ገዳም።

የጻድቁ አቡነ ተክለ ሃይማኖት ፍልሰተ አጽም መታሰቢያ ዓመታዊ ክብረ በዓል በወይንዬ ተክለ ሃይማኖት ቤተ ክርስቲያን ተከበረ። ግንቦት ፩ ቀን ፳፻፲፮ ዓ.ም (አቡቀለምሲስ ሚዲያ ፤ ደብረ ብርሃን) ++++ ++++ +++++ ++++ +++++ +++++ ++++ የጻድቁ አቡነ ተክለ ሃይማኖት ፍልሰተ አጽም መታሰቢያ ዓመታዊ ክብረ በዓል በሰሜን ሸዋ ሀገረ ስብከት በደብረ ብርሃን ከተማ በወይንዬ ተክለ ሃይማኖት ቤተ ክርስቲያን ተከብሮ ውሏል። በዓሉን በማስመልከት የአፄ ዘርዓ ያዕቆብ ክፍለ ከተማ ስብከተ ወንጌል ክፍል ሓላፊ ሊቀ ካህናት በኃይሉ በቀለ "እናንተስ አትፍሩ የተሰቀለውን ኢየሱስን እንደምትሹ አውቃለሁና" በሚል ኃይለ ቃል ትምህርተ ወንጌል ሰጥተዋል። የጻድቁ አቡነ ተክለ ሃይማኖት ጽላት ወይንዬ አፋፍ ላይ ወጥቶ በማደሩ ቁልቁለቱን እና ዳገቱን መውረድና መውጣት የማይችሉ አቅመ ደካሞች መደሰታቸውን ምእመናን ገልጸዋል። የወይንዬ አቡነ ተክለ ሃይማኖት ቤተ ክርስቲያን ልማት አሰተባባሪ መልአከ ሰላም ቆሞስ አባ ገብረ ኢየሱስ አየለ ለገዳሙ ልማት እና ለልዩ ልዩ አገልግሎት የሚውል በጮሌ ቀበሌ መሬት አስተዳደር ለቤተ ክርስቲያኑ መከለሉን ገልጸው ለሚመለከታቸው ሁሉ ምሥጋና አቅርበዋል። መልአከ ሰላም ቆሞስ አባ ገብረ ኢየሱስ አየለ አክለውም በዚሁ ቦታ ላይ ለቤተ ክርስቲያኑ የሚጥቅሙ የተለያዩ የልማት ፕሮጀክቶች እንደሚገነቡ እና ምእመናንም ለልማቱ አጋዥ እና አጋር እንዲሆኑ ጥሪ አቅርበዋል። በክብረ በዓሉ ላይ ሊቃውንተ ቤተ ክርስቲያን ፣ የሰንበት ትምህርት ቤት ወጣት ዘማርያን እና በርካታ ሕዝበ ክርስቲያን በተገኙበት በታላቅ ድምቀት ተከብሯል። ዘጋቢ፦ዲ/ን አሰፋ ጌትነት