БАШАНД КИТОБЕН

Номи китоб: ИСМОИЛИЁН Муаллиф: Фарҳод Дафтарӣ Скачать книгу: https://t.me/bashandkitoben/219

Порае аз Фармони Мубораки Мавлоно Ҳозиримом Қабули меҳмониҳои ҷамоатӣ, Торонто, Канада субҳи 17-уми ноябри соли 2017 ——————————————- Фарзандони рӯҳонии маҳбубам, Ҷамоати мо имрӯз нисбат ба ҳамаи давраҳои гузашта бештар пароканда мебошад. Ин маънои онро дорад, ки мо бояд ҷӯёи роҳбароне дар ҷамоат бошем, ки ҷамоатро дар Сирот ал-Мустақим - роҳи рост - зиндагӣ дар сулҳу салоҳ, ҳаёти софу беолоиш, ҳаёти поквиҷдонона ва зиндагии саховатмандона роҳбарӣ хоҳанд намуд. Дар таърихи инсоният ин давраест, ки ҷомеаҳо бояд дар саросари ҷаҳон бо ҳам биёянд. Онҳо бояд бо ҳам биёянд, то бо мушкилоти ҳаёт бархурд намоянд, барои наслҳои ояндаи худ созгор бошанд, созмонҳое, ки беҳтарин таҷрибаро дар таҳсилу омӯзиш, дар соҳаи тандурустӣ, дар рушди иқтисод пешниҳод хоҳанд намуд, таъсис диҳанд. Яъне, ин замонест, ки тамоми неру ва захоири ҷомеа бояд бо ҳам биёянд. Ва дар дохили ин мафҳуми ҷомеаи шаҳрвандии воҳид, ҷамоати мо иншоллоҳ нақши хешро хоҳад бозид. Ва шумо лаёқату салоҳиятҳои худ, дониши худ, ростиву дурустии худро бо худ хоҳед овард, то ҷамоат ва ҳамаи мардумоне, ки шумо дар миёни онҳо зиндагӣ мекунед, битавонед аз таҷрибаи беҳтарин фоида баред. Ба оянда нигариста, ман ба худ мегӯям: аз насли ҷавонтари ҷамоати мо бисёр чизҳо вобаста аст ва ман мехостам, ки онҳо ҳисси рисолат дошта бошанд. Онҳо ба чӣ чиз барои худ, барои ҷамоати худ, барои кишварҳое, ки дар онҳо зиндагӣ мекунанд, мехоҳанд ноил гарданд? Бинобар ин, имрӯз ба наслҳои ҷавонтари ҷамоат мегӯям: шумо шояд имконияти беназиреро дар таърих доред, то донишро аз худ кунед, арзишҳоро аз худ намоед ва барои наслҳои ояндаи худ он арзишҳоро ба мерос гузоред. Бинобар ин, ман ба шумо мегӯям, дар дохили он арзишҳо зиндагӣ кунед, фарзандони худро маълумотнок намоед, замоне, ки шумо волидайн мешавед, фарзандони худро бо он арзишҳо маълумотнок созед, то ки ин арзишҳо қисмати доимии ҳаёти шумо гарданд.

Порае аз Фармони Мубораки Мавлоно Ҳозиримом қабули меҳмониҳои ҷамоатӣ, Қарочӣ, Покистон 16 декабри соли 2017 ——————- Ҳамин тариқ, ман имрӯз ба шумо, ба ин ҷамоат ва ба ҷамоати ман дар умум мегӯям: ба хотири сулҳ кор кунед, барои барқарор намудани сулҳ кумак кунед, дар куҷое ки фишор мавҷуд аст дар он ширкат накунед. Кӯшиш кунед, ки низоро барҳам диҳед, то ки ҷамоати мо дар миқёси умумиҷаҳонӣ дар сулҳ, дар оромӣ зиндагӣ кунад; нафарони ҷавон дар дониш ва дар тахассус имконияти пеш рафтанро пайдо кунанд. Аз ин рӯ, ман хоҳиш дорам, ки ҷамоати ман дар бунёди сулҳ дар гирду атрофи хеш ва бо дигар ҷамоатҳо намуна бошад. Ин кӯшишест, ки бояд амалӣ карда шавад, чун ин кӯшиши бисёр ҳам муҳим аст, яъне дар ҳар куҷое, ки ҷамоат зиндагӣ мекунад, дар куҷое ки ҷамоат зиндагӣ мекунад – вай бояд дар сулҳ, дар хушбахтӣ, дар оромӣ, дар ягонагӣ ва устуворӣ дар Сирот-ул-мустақим зиндагӣ кунад. Хонаободон, хонаободон, хонаободон.

Порае аз Фармони Мубораки Мавлоно Ҳозиримом Дарбори Ҷашни Алмосӣ, Бунӣ, Читрол, Покистон, 9-уми декабри соли 2017 ——————— Фарзандони рӯҳонии маҳбубам, Ҳарчанд ман шуморо ҷисман тарк мекунам, ман ҳамеша бо ҷамоати худ ҳастам. Ҳар рӯз, ҳар дақиқа, ҳар сония, ман ҳамеша бо ҷамоати худ ҳастам. Бинобар ин, ман мехоҳам шумо инро ба ёд дошта бошед, зеро фарзандони ман ҳамеша бо ман ҳастанд, ҳамеша, рӯзу шаб, зимистон, тирамоҳ, тобистон, дар ҳар фасли сол ва дар ҳар ҷои ҷаҳон ҳамеша бо ман ҳастанд. Ман бори дигар ба якояки шумо беҳтарин, беҳтарин ва муҳаббатомезтарин дуоҳои хайри худро медиҳам. Хонаободон, Хонаободон, Хонаободон.