Myanmar Update News

😀😃😄😁😆 နိုင်ငံတော်သမ္မတနှင့်ဇနီး ဖွန်တောင်လက်မှုပညာသမဝါယမအဖွဲ့နှင့် ကာမာခရက်ဖ်သို့သွားရောက် လေ့လာ ဇူလိုင်၄၊၂၀၂၆ လာအိုနိုင်ငံသို့ နိုင်ငံတော်အဆင့်ချစ်ကြည်ရေးခရီးစဉ် ရောက်ရှိနေသည့် နိုင်ငံတော်သမ္မတ ဦးမင်းအောင်လှိုင်နှင့် ဇနီး ဒေါ်ကြူကြူလှတို့သည် ဇူလိုင် ၄ရက်နေ့က လာအိုနိုင်ငံ ဗီယင်ကျန်းမြို့ရှိ အသေးစား၊ အလတ်စား စက်မှုလုပ်ငန်းများဖြစ်သော ဖွန်တောင်လက်မှုပညာသမဝါယမအဖွဲ့ Phontong Handicrafts Cooperative နှင့် ကာမာခရက်ဖ် CAMACrafts များသို့ သွားရောက်လေ့လာခဲ့သည်။ Phontong Handicrafts Cooperative သည် လာအိုနိုင်ငံ ဗီယင်ကျန်းအခြေစိုက် လက်မှု ပညာ/ရက်ကန်းအဖွဲ့အစည်းတစ်ခုဖြစ်ပြီး ၁၉၇၆ ခုနှစ်တွင် Phontong Village, Vientiane ရှိ အမျိုးသမီး ၁၀ ဦးဖြင့် စတင်ခဲ့သည်။ စတင်သည့်ရည်ရွယ်ချက်မှာ စစ်ဘေးနှင့် အိုးအိမ်စွန့်ခွာမှုကြောင့် ဝင်ငွေ ရှာဖွေရန်ခက်ခဲနေသော အမျိုးသမီးများအတွက် ရိုးရာရက်ကန်းပညာကို အသုံးချပြီး အသက် မွေးဝမ်းကျောင်း အခွင့်အလမ်းဖန်တီးရန် ဖြစ်သည်။ ယနေ့တွင် ဤ Cooperative သည် လာအိုနိုင်ငံ အလယ်ပိုင်းနှင့် မြောက်ပိုင်းရှိ ရွာပေါင်း ၃၅ ရွာကျော်နှင့် ချိတ်ဆက်ထားပြီး လက်မှုပညာရှင် ၄၅၀ ကျော် ပါဝင်သည့် ကွန်ရက်တစ်ခုအဖြစ် ဖော်ပြထားသည်။ ယင်း၏လုပ်ငန်းများမှာ ရိုးရာလက်မှုပညာ ပြန်လည်ထိန်းသိမ်းခြင်း၊ အတတ်ပညာသင်တန်းပေးခြင်း၊ ဈေးကွက်ရှာဖွေပေးခြင်း၊ ကျေးရွာလူထု၏ ဝင်ငွေတည်ငြိမ်ရေးနှင့် ရေရှည်တည်တံ့သော အသက်မွေးဝမ်းကျောင်း ဖန်တီးရေးတို့ ဖြစ်ကြောင်းသိရှိရသည်။ CAMACrafts သည် လာအိုနိုင်ငံ ဗီယင်ကျန်းမြို့ရှိ လက်မှုပညာလုပ်ငန်း/လူမှုရေးစီးပွားရေးလုပ်ငန်း တစ်ခုဖြစ်ပြီး အဓိကအားဖြင့် Hmong အမျိုးသမီးများ အတွက် လုံခြုံပြီး ဂုဏ်သိက္ခာရှိသော အလုပ်အကိုင် ဖန်တီးပေးခြင်းနှင့် Hmong textile traditions ကို ထိန်းသိမ်းခြင်းကို ရည်ရွယ်သည်။ထိုလုပ်ငန်းသည် ရွာပေါင်း ၂၀ ခန့်ရှိ အမျိုးသမီးများနှင့် လက်မှုပညာရှင်များကို အလုပ်အကိုင်နှင့် ဝင်ငွေဖန်တီးပေးခဲ့ ကြောင်းသိရသည်။