AALTO -አዲስ አበባ ገቢዎች ቢሮ የከፍተኛ ግብር ከፋዮች ቅርንጫፍ ጽ/ቤት

ቀን 15/11/2018 ዓም በአዲስ አበባ ከተማ አስተዳደር ገቢዎች ቢሮ የከፍተኛ ግብር ከፋዮች ቅርንጫፍ ጽ/ቤት አመራሮችና ሰራተኞች በ2019 በጀት ዓመት የገቢ ዕቅድ ላይ ዉይይት አካሄደዋል፡፡ በመድረኩ መሪ የገቢ ዕቅድ ያቀረቡት የቅርንጫፍ ጽ/ቤቱ ዋና ስራ አስኪያጅ አቶ ዑመር አብደላ ሲሆኑ በገለጻቸዉ የዘንድሮ ዕቅድ ትልቅ ቢሆንም ይህንን ገቢ ለመሰብሰብና ዕቅዱን ለማሳካት የከተማዉ ኢኮኖሚ የሚያመነጨዉን አቅምና የተለያዩ አስቻይ ሁኔታዎችን እንደምቹ አጋጣሚ መጠቀም ይጠበቅብናል በማለት አስገንዝበዋል፡፡ የመድረኩ ተሳታፊዎች በበኩላቸዉ የተሰጠን ዕቅድ ሰፊ ቢሆንም እንደከዚህ ቀደሙ ሁሉ ሁላችንም በአንድነት ተቀናጅተን የሚጠበቅብንን ግዴታ በመወጣት እናሳካለን ሲሉ ባነሱት ሐሳብ ጠቁመዋል፡፡ በመጨረሻም ሁሉም አመራርና ሰራተኛ ይህንን ዕቅድ በልዩ ትኩረትና ቁርጠኝነት ለመስራትና ለማሳካት ከስምምነት በመድረስ መድረኩ ተጠናቋል፡፡ የላቀ ገቢ አሰባሰብ ለአዲስ አበባ ሁለንተናዊ ብልጽግና!

አዲስ አበባ ከፍተኛ ግብር ከፋዮች ቅርንጫፍ ጽ/ቤት የኪራይ ገቢ ግብር ሲከፍሉ የነበሩ እና አሁን በሴግመንቴሽን ወደ ሌላ ቅርንጫፍ የተዛወሩ ድርጅት ግብር ከፋዮች

አዲስ አበባ ከፍተኛ ግብር ከፋዮች ቅርንጫፍ ጽ/ቤት የደመወዝ ገቢ ግብር ሲከፍሉ የነበሩ እና አሁን በሴግመንቴሽን ወደ ሌላ ቅርንጫፍ የተዛወሩ ድርጅት ግብር ከፋዮች

አዲስ አበባ ከፍተኛ ግብር ከፋዮች ቅርንጫፍ ጽ/ቤት የኪራይ ገቢ ግብር ሲከፍሉ የነበሩ እና አሁን በሴግመንቴሽን ወደ ሌላ ቅርንጫፍ የተዛወሩ ግለሰብ ግብር ከፋዮች

አዲስ አበባ ከፍተኛ ግብር ከፋዮች ቅርንጫፍ ጽ/ቤት የንግድ ትርፍ ገቢ ግብር ሲከፍሉ የነበሩ እና አሁን በሴግመንቴሽን ወደ ሌላ ቅርንጫፍ የተዛወሩ ግለሰብ ግብር ከፋዮች

ቀን 04/11/2018 ዓ ም በአዲስ አበባ ከተማ አስተዳደር ገቢዎች ቢሮ የከፍተኛ ግብር ከፋዮች ቅርንጫፍ ጽ/ቤት አመራሮችና ሠራተኞች ከዋናዉ መስሪያ ቤት በተላለፈዉ የቪዲዮ ኮንፈረንስ ላይ በመሳተፍ በአጠቃላይ የ2018 በጀት ዓመት የገቢ አሰባሰብ አፈጻጸም፣የህግ ማስከበር ስራዎች ፣የመልካም አስተዳደር እና የአገልግሎት አሰጣጥ፣የተቀናጀ አመራር አሰጣጥ እና የ2019 በጀት ዓመት መሪ ዕቅድ እንዲሁም ቀጣይ የስራ አቅጣጫ ላይ ሰፊ ዉይይት አካሄደዋል፡፡

የኤክሳይዝ ታክስ በሚከፈልባቸው ዕቃዎች ላይ ስለሚደረግ ቁጥጥር ምን ያህል ያውቃሉ? ******************************** የኤክሳይዝ ታክስ በሚከፈልባቸው ዕቃዎች ላይ ቁጥጥር የሚደረገው • ፈቃድ በተሰጠው አምራች ፋብሪካ ውስጥ የሚገኙ የኤክሳይዝ ታክስ የሚከፈልባቸው ዕቃዎች በታክስ ባለሥልጣኑ የኤክሳይዝ ታክስ ቁጥጥር ይደረግባቸዋል፡፡ • የኤክሳይዝ ታክስ በሚከፈልባቸው ዕቃዎች ላይ የኤክሳይዝ ታክስ ቁጥጥር የሚደረገው ከሚከተሉት በቀደመው ጊዜ ይሆናል፡፡ ሀ) ፈቃድ በተሰጠው አምራች ፋብሪካ ውስጥ የሚገኙ ዕቃዎች በኢትዮጵያ ውስጥ ጥቅም ላይ እንዲውሉ ከፋብሪካው እስከሚወጡ፣ ለ) ዕቃዎቹ ከኢትዮጵያ ውጪ እስከሚላኩ፣ ወይም ሐ) ዕቃዎቹ ከአገልግሎት ውጪ እስከሚደረጉ ወይም እስከሚወገዱ ድረስ፣ • ዕቃዎች በኤክሳይዝ ታክስ ቁጥጥር ስር እስካሉ ድረስ፣ ሀ) በታክስ ባለሥልጣኑ ሥልጣን የተሰጠው የባለሥልጣኑ ሠራተኛ በማናቸውም ጊዜ ዕቃዎቹን መመርመር ይችላል፣ ለ) በታክሱ ባለሥልጣን ከተፈቀደለት ሰው በስተቀር ማናቸውም ሰው ዕቃዎቹን ከፋብሪካ ማውጣት ወይም በማናቸውም ሌላ መንገድ ዕቃዎቹን የሚመለከት ማናቸውንም ተግባር መፈፀም አይችልም፡፡ • ዕቃዎች በኤክሳይዝ ታክስ ቁጥጥር ስር ባሉበት ጊዜ የታክሱ ባለሥልጣን የዕቃው ባለቤት ዕቃዎቹን ለታክሱ ባለሥልጣን እንዲያስረክብ ሊጠይቅ ይችላል፡፡ የታክሱ ባለሥልጣን ዕቃዎቹን ከተረከበ በኋላ ዕቃዎቹ በታክሱ ባለሥልጣን በሚሰጥ መመሪያ መሠረት በባለቤቱ ወጪ ሊሸጡ ወይም ከአገልግሎት ውጪ እንዲሆኑ ሊደረግ ወይም ሊወገዱ ይችላል፡፡

ቀን 16/10/2018 ዓ.ም በአዲስ አበባ ከተማ አስተዳደር ገቢዎች ቢሮ የከፍተኛ ግብር ከፋዮች ቅርንጫፍ ጽ/ቤት ለባለ በጀት መስሪያ ቤት ግብር ከፋዮች በአገልግሎት አሰጣጥና ገቢ አሰባሰብ፣ በኢ ፋይሊንግ እና በኢ ፔይመንት ላይ በዛሬዉ ቀን የሰጠዉ ስልጠና  እና ከስልጠና መልስ በየስራ ክፍሎች የተደረገዉ ጉብኝት በፎቶ