Shohzod Polatov | ScaleUp
Открыть в Telegram
Marketolog | Tadbirkor Marketingni biznesga aylantirish haqida yozaman Bog‘lanish: @shohzodpolatov
Больше2 259
Подписчики
+224 часа
+327 дней
+68130 день
Загрузка данных...
Похожие каналы
Нет данных
Возникли проблемы? Пожалуйста, обновите страницу или обратитесь к нашему support-менеджеру .
Облако тегов
Нет данных
Возникли проблемы? Пожалуйста, обновите страницу или обратитесь к нашему support-менеджеру .
Входящие и исходящие упоминания
---
---
---
---
---
---
Привлечение подписчиков
июль '26
июль '26
+200
в 2 каналах
июнь '26
+746
в 5 каналах
Get PRO
май '26
+37
в 0 каналах
Get PRO
апрель '26
+491
в 1 каналах
Get PRO
март '260
в 2 каналах
Get PRO
февраль '260
в 1 каналах
Get PRO
январь '260
в 5 каналах
Get PRO
декабрь '250
в 3 каналах
Get PRO
ноябрь '250
в 3 каналах
Get PRO
октябрь '250
в 7 каналах
Get PRO
сентябрь '250
в 2 каналах
Get PRO
август '250
в 2 каналах
Get PRO
июль '250
в 0 каналах
Get PRO
июнь '250
в 0 каналах
Get PRO
май '25
+14
в 0 каналах
Get PRO
апрель '25
+40
в 0 каналах
Get PRO
март '25
+66
в 2 каналах
Get PRO
февраль '25
+497
в 5 каналах
Get PRO
январь '25
+652
в 5 каналах
| Дата | Привлечение подписчиков | Упоминания | Каналы | |
| 13 июля | 0 | |||
| 12 июля | +2 | |||
| 11 июля | +6 | |||
| 10 июля | +6 | |||
| 09 июля | +8 | |||
| 08 июля | +1 | |||
| 07 июля | +7 | |||
| 06 июля | +16 | |||
| 05 июля | +14 | |||
| 04 июля | +16 | |||
| 03 июля | +43 | |||
| 02 июля | +52 | |||
| 01 июля | +29 |
Посты канала
+6
26/30
Kontrast printsipi
Bir tajriba qiling. Bir qo’lingizni sovuq suvga, ikkinchisini issiq suvga soling. Keyin ikkalasini bitta iliq suvga tiqing. G’alati narsa bo’ladi. Bitta suv bir qo’lga issiq, ikkinchisiga sovuq tuyuladi. Suv o’sha suv. O’zgargan narsa - undan oldin nima bo’lgani.
Mana shu Kontrast printsipi. Miya hech narsani o’z holicha baholamaydi. Har doim oldingisiga solishtirib baholaydi. Ikkinchi ko’rsatilgan narsaning qiymati birinchisiga bog’liq.
Kiyim do’konida tajribali sotuvchi avval kostyumni sotadi, keyin ko’ylakni. Nega? Uch millionlik kostyumdan keyin uch yuz minglik ko’ylak arzimas tuyuladi. Teskari tartibda ko’ylak qimmat ko’rinardi va mijoz ikkilanardi. Mahsulot bir xil, narx bir xil, tartib boshqa - natija boshqa.
Uy sotuvchilar buni yillar oldin o’zlashtirgan. Avval qimmat va o’rtacha uyni ko’rsatishadi, keyin asosiy variantni. Oldingi ikkitadan keyin u ham arzon, ham chiroyli tuyuladi. Mijoz o’zi tanladim deb o’ylaydi. Aslida tanlovni tartib qilib berdi.
Yakor va Aldov bilan adashtirmang. Yakor - birinchi raqam idrokni belgilaydi. Aldov - yonma-yon turgan variantlar. Kontrast esa tartib haqida. Nima birinchi, nima keyin. Uchalasi bir oilada, lekin har birining o’z quroli bor.
Muzokarada bu oltin qoida. Katta so’rovdan boshlang. Rad etilsa, asl niyatingizni ayting. Birinchisining fonida ikkinchisi kichik va oqilona ko’rinadi, rozi bo’lish osonlashadi.
Chegara ham bor. Kontrast asl qiymatni bo’rttirish uchun emas, adolatli ko’rsatish uchun ishlatilsin. Yaroqsiz mahsulotni yomonroq fonda chiroyli qilib sotish bir marta o’tadi. Mijoz uyga borib solishtirganda hammasi ochiladi va siz bir sotuvga umrlik ishonchni almashgan bo’lasiz.
Mijoz narxga emas, farqqa qaraydi. Nimadan keyin nimani ko’rsatishingiz - sotuvingizning ko’rinmas ssenariysi. Uni tasodifga qoldirmang, o’zingiz yozing.
Mutaxassislar uchun instrument - tartib testi. Asosiy taklifingiz mijozga qaysi ketma-ketlikda yetib borishini yozing. Undan oldin mijoz nimani ko’radi? Hech narsa bo’lmasa, kontrast nuqtasi yarating: avval to’liq paket, keyin asosiysi. Avval muammoning narxi, keyin yechimning narxi. Bir hafta faqat tartibni o’zgartirib sinang, boshqa hech narsaga tegmang. Keyin konversiyani solishtiring.
Ertaga 27/30 Maqsad yaqinligi. Nega marafonchi eng charchagan paytida, oxirgi kilometrda tezlashadi? Mijozni harakatga keltiradigan ko’rinmas tortishish kuchini ochaman.
Qiziq bo’lsa 🔥 yondirib yuboringlar, keyingilari ham ancha qiziq.
Scaleup | @scaleupuz
| 2 | Xato bo’ldi. Uchta savol bor:
⚪️Bu xato birinchi martami ?
Unda bu tasodif.
⚪️Uchinchi martami ?
Unda bu tizim muammosi.
⚪️Kim tekshirishi kerak edi ?
Javob hech kim bo’lsa, aybdor topildi.
U - siz.
Odam lunjni tishlash - tasodif.
Har kuni tishlash - muammo tishda !
Scaleup | @scaleupuz | 629 |
| 3 |  +625/30
Kognitiv yengillik
Ikkita e'lonni o'qing.
- "Kompaniyamiz innovatsion yechimlar orqali biznes jarayonlarini optimallashtirish va samaradorlikni maksimallashtirishga ixtisoslashgan."
-"Biz xarajatingizni kamaytiramiz. Bir oyda."
Qaysi biriga ishondingiz? Ikkinchisiga. Birinchisi aqlliroq eshitiladi-ku. Mana shu yerda katta sir yotibdi.
Miya oson tushungan narsani rost deb qabul qiladi. Qiynalib tushunganini shubhali deb belgilaydi.
Bu Kognitiv yengillik. Tushunish oson bo'lsa, ichkarida yashil chiroq yonadi - tanish, xavfsiz, ishonsa bo'ladi.
Qiyin bo'lsa, qizil chiroq - ehtiyot bo'l, bu yerda nimadir bor.
E'tibor bering, gap matnning rostligida emas. Gap o'qilish osonligida. Miya bu ikkisini ajratmaydi. Oson o'qildi - rost.
Qiyin o'qildi - shubhali. Adolatsiz.
Lekin har kuni shunday ishlaydi.
Hayotdan olaylik. Shifokor tashxisni lotincha atamalar bilan tushuntirsa, qo'rqasiz va boshqa shifokor izlaysiz. Oddiy tilda tushuntirsa, ishonasiz va davolanasiz. Bilim bir xil, farq tilda. Yoki shartnoma. Mayda shrift, chalkash bandlar. O'qiyotib ichingizda nima deysiz ?
Bu yerda meni aldashmoqchi. Hujjat halol bo'lishi mumkin, lekin murakkablikning o'zi aybdorlik taassurotini beradi.
Endi eng og'riqli joyi. Ko'p mutaxassis aqlli ko'rinish uchun ataylab murakkab yozadi. Chet atamalar, uzun jumlalar, jargon. Qancha murakkab gapirsam, shuncha ekspert ko'rinaman deb o'ylaydi. Aslida teskarisi. Mijoz tushunmagan joyda ishonmaydi. Ishonmagan joyda sotib olmaydi. Siz aqlli ko'rindingiz - lekin mijozsiz qoldingiz.
Haqiqiy ekspertlik murakkab gapirish emas. Murakkab narsani oddiy qilib berish. Buni faqat mavzuni chuqur bilgan odam qila oladi. Chala bilgan atamalar ortiga yashirinadi.
Bu faqat matn emas. Sayt uch bosqichda ochilsa - mijoz ketadi. Narx jadvali chalkash bo'lsa - mijoz arzonini emas, tushunarlisini tanlaydi. Menyu o'qish qiyin bo'lsa - mehmon tanish taomga qochadi. Qonun bitta: qaysi yo'l oson, mijoz o'sha yo'ldan yuradi.
Lekin chegara bor. Oddiylik sayozlik emas. Chuqur fikrni sodda aytish - mahorat. Bo'sh gapni murakkab qilib berish - firibgarlikning eng eski usuli.
Mijoz eng aqlli taklifni emas, eng tushunarli taklifni tanlaydi. Matningiz, saytingiz, narxingiz bitta imtihondan o'tadi: tushunish osonmi? Oson - ishonch keladi. Qiyin - mijoz buni aytmaydi, shunchaki ketadi.
Mutaxassslar uchun instrument. Asosiy sotuv matningizni sohadan uzoq odamga o'qiting va bitta savol bering: bu yerda nima taklif qilinyapti? Bir jumlada ayta olmasa - matn aybdor, u emas. Har chet atamani oddiy so'zga almashtiring, har uzun jumlani ikkiga bo'ling. Keyin konversiyani solishtiring. Ko'p hollarda sotuvni oshirish uchun byudjet emas, tarjimon kerak - o'z tilingizdan mijoz tiliga.
26/30 Kontrast printsipi.
Hech narsani o'zgartirmaysiz - narxni ham, mahsulotni ham. Faqat ko'rsatish tartibini o'zgartirasiz va sotuv o'sadi. Qanaqasiga?
27/30 Maqsad yaqinligi
Nega marafon yuguruvchisi oxirgi kilometrda tezlashadi, holbuki eng charchagan payti ? Mijozni harakatga keltiradigan ko'rinmas tortishish kuchini ochaman.
28/30 Storytelling ustunligi
Sizga ikkita narsa beraman: bitta jadval va bitta hikoya. Ikkalasida bir xil ma'lumot. Lekin bittasini ertagayoq unutasiz, ikkinchisini bir yildan keyin ham gapirib yurasiz. Qaysi biri va nega ?
29/30 Goodhart tuzog'i.
Ertaga marketologlarning eng og'riqli mavzusi. Like ko'p, ko'rish million, obunachi o'syapti. Lekin sotuv nol. Qayerda xato? O'lchov maqsadga aylanganda nima buziladi - ertaga ochiq gaplashamiz.
30/30 Katta yakun: "30 instrument, 1 tizim".
30 instrument. Oxirgi postda hammasini bitta xaritaga joylayman: mijoz eshikdan kirganidan qaytib kelgunicha qaysi bosqichda qaysi instrument ishlaydi. Bu postni saqlab qo'yasiz, va'da beraman.
Qiziq bo’lsa 🔥 yondirib yuboringlar, keyingilari ham ancha qiziq.
Scaleup | @scaleupuz | 715 |
| 4 |  +5Marketolog uchun 5 ta sehrli kalit:
1. Chunki. Har taklifga sabab qo’shing. “Chegirma beryapmiz, chunki yangi filial ochdik.” Sababsiz chegirma shubha uyg’otadi. Sababli chegirma - ishonch.
2. Siz. “Biz 7 yildan beri bozordamiz” - bu siz haqingizda. “Siz 15 daqiqada natija ko’rasiz” - bu mijoz haqida. Odam matndan o’zini qidiradi, sizni emas.
3. Ism. Call-markazimizda qoida bor: operator mijoz ismini suhbatda kamida 2 marta aytadi. Ism - quloqqa eng yoqimli tovush. U skriptni suhbatga aylantiradi.
4. Tasavvur qiling. “Farzandingiz 1-sentabr kuni shu sinfda o’tiribdi, deb tasavvur qiling…” Tasavvur qilgan odam miyasida allaqachon egalik qildi. Endi siz sotmayapsiz - u sotib olyapti.
5. Bepul. 100 so’m bilan 0 so’m orasida jar bor. Lekin asosiy mahsulotga “bepul” yopishtirsangiz - qadrini o’zingiz o’ldirasiz. Bepul qarmoq bo’lsin, mahsulot emas.
Bitta shart: bu kalitlar faqat rost eshikni ochadi. Yolg’onga “chunki” qo’shish - marketing emas, manipulyatsiya.
Trigger haqiqatga suyangandagina halol ishlaydi.
Saqlab qo’ying - keyingi skript yozganingizda shu ro’yxat qo’l keladi. | 882 |
| 5 |  +524/30
Halo effekti
Rostini aytaylik. Restoranga kirdingiz, hojatxonasi toza ekan. Ichingizda nima deysiz ? Demak oshxonasi ham toza. Lekin oshxonani ko’rmadingiz-ku.
Yoki teskarisi. Maktabga bordingiz. Darvozasi qiyshiq, hovlisi qarovsiz. Ta’lim haqida hali bir og’iz gap eshitganingiz yo’q, lekin qaroringiz allaqachon tayyor. Bu yerda o’qitish ham shunaqadir.
Mana shu Halo effekti. Miya bitta detaldan umumiy hukm chiqaradi. Bitta yaxshi belgi hammasini yoritadi. Bitta yomoni hammasiga chek qo’yadi. Eng alam qiladigani, bu hukm uch soniyada chiqadi. Keyin o’zgartirib bo’lmaydi. Miya o’z hukmini himoya qiladi, unga qarshi dalilni ko’rmaydi.
Nega bunday? Chunki miyaning hammasini tekshirishga vaqti yo’q. U bitta ko’ringan narsadan qolgan hammasini taxmin qilib qo’ya qoladi. Chiroyli kiyingan odam aqlli tuyuladi. Sekin ochilgan sayt sifatsiz xizmatga aylanadi. Ofitsiantning tabassumi oshxona tozaligiga kafolat bo’lib qoladi.
Mantiq bormi bunda? Yo’q.
Ishlaydimi? Har safar.
Endi og’riqli joyi. Siz mahsulotga million sarflaysiz. Yillab sifat ustida o’tirasiz. Mijoz esa bularning birortasini ko’rmaydi. U eshikni ko’radi. Telefonga kim qanday javob berganini eshitadi. Saytingiz necha soniyada ochilganini sezadi. Va shu uch-to’rtta mayda narsadan butun mehnatingizga baho qo’yib qo’yadi.
Mijoz mahsulotni sotib olmaydi. U mahsulot haqidagi birinchi ishorani sotib oladi. Ishora yaxshi bo’lsa, kamchilikni ham kechiradi. Yomon bo’lsa, mukammal mahsulotni ham ko’rmay o’tib ketadi.
Kuchli brendlar buni yaxshi biladi. Bank zali bejizga hashamatli emas, pulingiz xavfsizligiga birinchi dalil o’sha zal. Klinika qabulxonasi bejizga yaltiroq emas, bemor jarrohni emas, avval qabulxonani ko’radi. Bu bezak emas. Bu ishonchning birinchi g’ishti.
Lekin bir chegara bor. Halo faqat eshik. Ichkarida haqiqiy sifat bo’lmasa, chiroyli birinchi taassurot ikkinchi kelishgacha yetmaydi. Yaltiroq qadoqdan bo’sh quti chiqsa, mijoz ikki barobar qattiq ranjiydi.
Mijoz sizni o’rganib o’tirmaydi, bitta detaldan hukm chiqaradi. Demak o’sha detal tasodifiy bo’lmasin. Uch soniyalik hukmni tasodifga topshirdingizmi, butun biznesni tasodifga topshiribsiz.
Mutaxassislar uchun instrument - birinchi uch soniya auditi.
Mijoz siz bilan birinchi to’qnashadigan beshta nuqtani yozing. Reklama, sayt, telefon, eshik, birinchi salom. Har biriga begonaning ko’zi bilan qarang, iloji bo’lsa tanishingizdan so’rang. Eng zaifini toping va shu hafta faqat o’shani tuzating. Katta pul kerak emas, e’tibor kerak. Bir oydan keyin o’zingiz ko’rasiz, sotuvni oshirgan narsa yangi reklama emas, tuzatilgan birinchi taassurot bo’ladi.
25/30 Kognitiv yengillik. Bitta sir aytaman. Miya oson tushungan narsani rost deb qabul qiladi. Murakkab jumla, mayda shrift, chalkash sayt, hammasi miyaga bitta signal beradi: shubhali. Nega eng aqlli matn emas, eng oson matn sotadi? Ertaga o’qib, o’z matnlaringizga boshqacha qaraysiz.
Qiziq bo’lsa 🔥 yondirib yuboringlar, keyingilari ham ancha qiziq.
Scaleup | @scaleupuz | 884 |
| 6 | Bir yosh katta
Maktab paytlarim, kimdir mendan yoshimni so’rasa, har doim o’zimni bir yosh katta qilib ko’rsatardim.
Nega?
Chunki tengqurlarim menga har doim yosh, kichkina, dunyoqarashi tor bolalardek tuyulardi. Men esa o’zimni ulardan oldinda his qilardim.
Bir yosh -bu men uchun bir bosqich yuqori turish edi.
O’sha bola shoshib kattalikka intilardi.
Oradan yillar o’tdi.
Endi kimdir mendan yoshimni so’rasa, 34 ga to’lishimga bir oy qolgan bo’lsa ham, 32-33 da deb aytish odatga aylandi. O’zimdan bir-ikki yosh kamaytirib qo’yaman - o’sha vaqtdagi bolaning teskarisi.
O’shanda kattalikka shoshgan bola, endi yoshlikni ushlab qolmoqchi.
Bu nima bilan bog’liq ekan, deb o’yladim. O’zbekistondagi o’rtacha yoshga yaqinlashganimdanmi, yoki ko’ngil hech qachon qarilikni tan olishni istamasligidanmi :)
Bu nega esimga keldi bilasizmi?
O’g’limning tennis treneri unga dedi: “Sen kichkinasan, 4 yoshli bolani o’rgata olmayman.”
O’g’lim jahli chiqib: “Man aka!” dedi. Kimdir uni “kichkina” desa, “katta” deb turib olardi.
O’zimni ko’rdim unda.
O’sha bir yosh katta ko’rsatgan bolani.
Eh, bolalik…
Aslida odam butun umr shu bir yosh bilan kurashar ekan - yoshligida tezroq katta bo’lishga oshiqadi, kattalikda esa bir yilni bo’lsa ham orqaga qaytarishga urinadi.
Faqat yo’nalishi o’zgaradi. Kurash esa hech tugamaydi.
#Hayrlikech
Scaleup | @scaleupuz | 894 |
| 7 | Bugun farzandimni birinchi tennis darsiga oborib, bir gapdan to'xtab qoldim.
Voqea shunday: qizim 6 yoshda, o'g'lim 4 yoshda. Sport tanlaymiz deb 5 ta variant aytdim - taekvondo, suzish, tennis, karate, gimnastika. O'ylab ham o'tirishmadi. 2 sekundda ikkalasi baravariga: Tennis!
Bugun birinchi darsda trenerning birinchi savoli:
- Oldin o'ynab yurganmi?
Yo'q. Oldin o'ynamagan. Lekin oldindan o'ynashni xohlagan.
Mana shu farq hamma narsani hal qiladi. Xohlagan ish bo'lsa, inson unda yangi boshlovchiga o'xshamaydi - treneri ham buni birinchi daqiqada sezadi. Chunki xohish tajribadan oldin keladi. Tajribani vaqt beradi, xohishni esa hech kim berolmaydi.
Endi o'zimizga savol:
- Siz hozir o'zingiz xohlagan sohadamisiz?
- Vaqtingiz yaxshi ko'rgan ishingizga ketyaptimi?
Ikkala javob ham yo'q bo'lsa - bu bugun ariza yozing degani emas. Lekin bu savolni yana 5 yil chetga surib qo'yish - eng qimmat qaror.
Men buni o'z terimda sinaganman: katta maoshli ishdan ketish qarori ham aynan shu savoldan boshlangan.
Bolalar 2 sekundda javob beradi.
Kattalar 20 yil o'ylaydi.
Siz necha sekundda javob berasiz ? Izohlarda yozing.
Scaleup | @scaleupuz | 1 039 |
| 8 |  +423/30
Aniqlik effekti
Ikki gapni yonma-yon qo'ying.
"Bizda tajribali o'qituvchilar va yaxshi natijalar bor."
"O'qituvchilarimizning oylik maoshi 45 million so'm. Maktab 13 million dollarlik xalqaro grant yutgan."
Birinchisini yuzta maktab aytadi. Ikkinchisini eshitganda ichingizda bir nima o'zgaradi. Hech kim bu raqamlarni tekshirmadi-ku. Lekin miya allaqachon ishondi.
Mana shu Aniqlik effekti. Miya yumaloq gapni reklama deb o'qiydi va o'tkazib yuboradi. Aniq raqamni fakt deb o'qiydi va ishonadi. Chunki yolg'onchi umumiy gapiradi. Aniq raqam esa buni faqat rostdan bilgan odam aytadi degan signal beradi.
Endi o'z amaliyotimdan keys. Bitta kampaniyada bitta 8 daqiqalik video ishlatdik. Ichida uchta raqam bor edi. O'qituvchilar oylik maoshi 45,000,000 so'm. Yutilgan grantlar 13,000,000 dollar. Oylik to'lov 5,700,000 so'm. Biz kuchli jamoa demadik, xalqaro daraja demadik. Raqam aytdik.
Natija. Lidlardan tashrif 40%. Tashrifdan shartnoma 70%. Bitta video 220 ta o'quvchi bilan shartnomaga sabab bo'ldi. Bironta va'da yo'q edi, faqat raqamlar. Hatto 5,700,000 so'mlik narxning ochiq aytilgani ham ishladi. Yashirmagan odam konversiyani baland oladi.
O'zimiz ham har kuni shunga pul beramiz. 99.9% mikrobni o'ldiradi. Nega 100 emas? Chunki 99.9 haqiqatga o'xshaydi, 100 reklamaga. 19 daqiqada yetkazamiz, bu tez yetkazamizdan kuchli. Miya har safar bir xulosa chiqaradi, bunchalik aniq bilgan odam rostdan qilgan.
Lekin teskari tomoni bor. Aniqlik uch joyda sizga qarshi ishlaydi. Tekshirilsa chiqmaydigan raqam, bitta yolg'on raqam fosh bo'lsa, qolgan rost raqamlaringiz ham o'ladi. Ortiqcha aniqlik, kichik do'kon 94.7 foiz mijozimiz mamnun desa, ishonch emas kulgi chiqadi. Kontekstsiz raqam, 13 million dollar nima uchunligi aytilmasa, havoda qoladi. Raqam yolg'iz ishlamaydi, hikoya ichida ishlaydi.
Instrument sifatida ishlatish oddiy. Ko'p mijoz emas, nechta. Tajribali jamoa emas, necha yil, nechta loyiha. Yaxshi natija emas, foizda, muddatda, pulda. Va bitta qoida, faqat isbotlay oladigan raqamni ayting. Raqamingiz bo'lmasa, to'qimang, o'lchashni boshlang.
Ishonch va'dadan emas, aniqlikdan tug'iladi. Mijoz sifatlaringizga emas, raqamlaringizga pul beradi. Matnlaringizdagi har bir yaxshi, ko'p, sifatli so'zi yo'qotilgan ishonch. O'rniga raqam qo'ying.
Mutaxassislar uchun instrument - raqamlash auditi. Sotuv sahifangizdagi barcha sifatlovchi so'zlarni yozib chiqing, tajribali, sifatli, ko'p, ishonchli. Har biriga savol bering, buni qaysi raqam bilan almashtira olaman? Uchta eng kuchli raqamni toping, pul, vaqt yoki miqdorda va eng ko'rinadigan joyga chiqaring. Bir oyda konversiyani solishtiring. Bizda shu tamoyil bitta video bilan 220 shartnoma berdi.
24/30 Halo effekti. Mijoz maktab darvozasiga qarab ta'lim sifati haqida, ofitsiant tabassumiga qarab oshxona tozaligi haqida hukm chiqaradi. Bu hukm 3 soniyada chiqadi va uni keyin o'zgartirish deyarli imkonsiz.
Qiziq bo’lsa 🔥 yondirib yuboringlar, keyingilari ham ancha qiziq.
Scaleup | @scaleupuz | 1 100 |
| 9 |  100 ta post va 10,000 ta obunachi: Instagram karusel postlari orqali qisqa, aniq ma'lumot, vosita va raqamlar bilan boshladik. Qo'llab-quvvatlasangix - afsus qilmaysiz.
Vada qilamiz: ekskluziv kontentlar ulashamiz!
@scaleup_uz
@scaleup_uz
@scaleup_uz | 1 206 |
| 10 | Puling kuyadi - dedi do'stim. Kuygani yo'q.
Kafe ochmoqchi bo'ldik. Birinchi hayolimga kelgan do'stimni chaqirdim. O'sha paytlar u mebel va qurilishni bilardi: puling kuyadi, ehtiyot bo'l, qiyin ish.
Yaxshi maslahatga o'xshaydi. Eng kamida tikiladigan pulni saqlab qolasiz. Faqat muammo - yopilgan kafelarni ko'rib, ochilib turganlarni ko'rmaganida.
Odam shunaqa. Faqat yiqilganni yoki yutqazganni ko'ramiz. O'rtadagi manzarani ko'rmaymiz.
Falonchi maktabni tashlab boyib ketdi. Ishlari yurishib ketdi deymiz. Afsus, tashlab kambag'al qolgan minglab odam-chi? Ularni kim sanaydi?
Shuning uchun har qanaqa maslahatga uchta savol beraman.
Birinchisi - kontekst qanaqa edi? Menim ahvolimga to'g'ri keladimi?
Ikkinchisi - u bitta keysni ko'rdimi yoki yuztasini?
Uchinchisi - yutgan odam nimadan voz kechgan? Buni kim aytadi?
Mustafa' turk oshxonasini ochganimizda ham shunaqa ovozlar bor edi. Mana, yetti yil bo'ldi, savdo o'sib turibdi.
Gap maslahat yomon degani emas. Gap shundaki, u faktdan emas, bitta odamning tor tajribasidan chiqadi. Men esa "menimcha" degan so'zsiz qattiq hukmga ishonmayman.
Sizga ham bo'lmaydi degan odam bo'lganmi ?
Scaleup | @scaleupuz | 1 098 |
| 11 |  +422/30
Yangilik effekti (Novelty Effect)
Bir savolga rostini ayting. Telefoningiz ishlab turibdi. Kamerasi yaxshi, batareyasi chidaydi. Lekin yangi model chiqqanda nega ichingizda bir nima qimirlaydi ? Kerak emasligini bilasiz. Lekin "yangi" degan so'zning o'zi sizni tortadi.
Mana shu Yangilik effekti. Miya "yangi" signaliga dofamin bilan javob beradi - bu zavq emas, zavq va'dasi. Ajdodlarimiz uchun yangi hudud, yangi meva - omon qolish imkoniyati edi. Bugun o'sha instinkt yangi qadoq, yangi menyu, yangi model oldida ishga tushadi.
Tanganing ikkinchi tomoni og'riqliroq. Miya yangilikka qanday tez yonsa, o'rganib qolganiga shunday tez so'nadi. Eng sevimli taomingizni har kuni yesangiz, ikki haftada mazasini sezmay qolasiz. Taom o'zgarmadi, miyangiz uni "yangilik" ro'yxatidan o'chirdi.
Mana shu yerda ko'p biznesning yashirin og'rig'i. Mijoz ketdi - nega? Xizmat yomonlashmadi, narx oshmadi. Hech narsa o'zgarmadi. Muammo aynan shu - hech narsa o'zgarmadi. Mijoz norozi bo'lib emas, zerikib ketdi. Zerikkan mijoz shikoyat qilmaydi, indamay yangi joyga ketadi.
Sodiqlik haqidagi eng katta xato: "mijoz mendan mamnun, demak qoladi".
Yo'q. Mamnunlik - pasport, yangilik - viza.
Mijoz o'rganib qolgani uchun emas, sizda hali ochilmagan narsa borligini his qilgani uchun qoladi.
Kuchli brendlar ataylab ritm quradi. Mavsumiy menyu, cheklangan kolleksiya, yangi format.
E'tibor bering - asosiy mahsulot o'zgarmaydi. O'zgaradigan narsa chetdagi kichik yangilik, lekin aynan o'sha mijoz miyasidagi "bu joy tirik" tuyg'usini ushlab turadi.
Lekin chegara bor. Yangilik poydevorga tegmasin. Asosiy mahsulotni tinimsiz o'zgartirsangiz, ishonch buziladi. Hech narsani o'zgartirmasangiz, qiziqish o'ladi. Formula shu: o'zak qat'iy, chetlar tirik.
Mijoz zerikkanini aytmaydi, indamay ketadi. Uni kutmang. Sifatingizni tosh kabi saqlang, lekin atrofida doim kichik harakat bo'lsin. Sodiqlik mamnunlikdan emas, "bu yerda hali ko'radigan narsam bor" degan tuyg'udan tug'iladi.
Mutaxassislar uchun instrument - yangilik ritmi. Bitta savolga javob bering: mijozingiz oxirgi marta sizda qachon yangi narsa ko'rgan?
Javob "eslolmayman" bo'lsa, mijozingiz ham eslolmaydi. Har oyga bitta kichik, arzon yangilik rejalashtiring - yangi pozitsiya, format, tajriba. Muhimi muntazamlik. Uch oy shu ritmda ishlang va qaytib kelish ko'rsatkichini o'lchang. Mijozni ushlab turadigan narsa - kecha bergan mukammalligingiz emas, ertaga ko'rsatadigan yangiligingiz.
Ertaga 23/30 Aniqlik effekti. Nega ko'p yillik tajriba hech kimni ishontirmaydi, lekin 3,247 mijoz degan raqam darrov ishonch uyg'otadi ?
Qiziq bo’lsa 🔥 yondirib yuboringlar, keyingilari ham ancha qiziq.
Scaleup | @scaleupuz | 1 367 |
| 12 |  Chegirma - eng qimmat marketing vositasi
Oddiy matematika:
Mahsulot narxi - 100 000 so'm.
Tannarx - 70 000 so'm.
Foyda - 30 000 so'm.
Endi 10% chegirma berdingiz. Narx 90 000 bo'ldi. Tannarx o'zgarmadi - 70 000.
Foyda endi 20 000 so'm.
Ya'ni siz mijozga 10% berdingiz, lekin o'zingiz foydaning 33% ini yo'qotdingiz.
Marja pastroq bizneslarda bu 40-50% gacha chiqadi.
Savol: shu 33% yo'qotish o'rniga, o'sha pulni qiymat yaratishga sarflasangiz-chi ?
Scaleup | @scaleupuz | 3 441 |
| 13 | Marketing psixologiyasi: 30 ta ishlaydigan instrument.
21 tasi tayyor. 9 ta eng kuchlisi oldinda.
ScaleUp arxividagi tayyor checklist:
⚪️Yakor effekti
⚪️Decoy (aldov varianti)
⚪️Yo'qotish og'rig'i
⚪️Egalik effekti
⚪️Ijtimoiy dalil
⚪️Taqchillik
⚪️Veblen effekti
⚪️IKEA effekti
⚪️To'lov og'rig'i
⚪️Eksklyuzivlik
⚪️Tanlov falaji
⚪️Ramka effekti
⚪️Von Restorff
⚪️Avtoritet
⚪️Qarz hissi
⚪️Yoqimli kutilmaganlik
⚪️Charm pricing (9 effekti)
⚪️Default effekt
⚪️Zeigarnik effekti
⚪️FOMO
⚪️Pratfall effekti
Har birida: nazariya + real loyihadan misol + qayerda qo'llash.
Oldinda - 9 ta eng kuchli instrument.
Mening kafolatim:
Bu 30 ta instrumentni ongli o'rganib, o'z mahsulotiga qo'llagan mutaxassis bozorda raqobatbardosh taklif bera oladi - buni shaxsan kafolat beraman.
Mahsulot, narx, paket, taklif tarkibi - hammasi boshqacha ko'rinadi.
21 ta post arxivda - bugundan o'qish mumkin.
9 ta yo'lda - bittasini ham o'tkazib yubormang.
Scaleup | @scaleupuz | 22 504 |
| 14 | 21/30
Nuqson jozibasi (Pratfall effekti)
Bir narsani tan olaylik. Hammasi joyida bo'lgan odamga ishonmaymiz.
Suhbatda hech qachon xato qilmaydigan, hammasini biladigan, hech qachon bilmayman demaydigan odamni eslang. Uni hurmat qilarsiz, lekin yaqin olmaysiz. Endi bir kamchiligini ochiq tan olgan odamni eslang. G'alati tomoni - unga ko'proq ishonasiz.
Mana shu Pratfall effekti. Atamani psixolog Elliot Aronson kiritgan, ma'nosi "qobiliyatli odamning kichik xatosi uni yanada yoqimliroq qiladi". Kichik, samimiy nuqson yaqinlashtiradi. Mukammallik esa sovuq va shubhali tuyuladi.
Aronson tajribada ko'rsatgan. Bilimdon odam viktorinada g'olib chiqsa, uni hurmat qilishgan. Lekin o'sha bilimdon tasodifan ustiga qahva to'kib yuborsa, uni yana ham ko'proq yoqtirib qolishgan. Bitta noqulay lahza uni odamlar oldida ishonchini qozondi.
Sababi oddiy. Miya mukammallikka ishonmaydi, chunki tabiatda mukammallik yo'q. Hammasi silliq, hamma sharh besh yulduz bo'lsa, miya shubhalanadi: bu yerda nimadir yashiringan. Kichik nuqson esa "demak rost, demak yashirmayapti" degan signal beradi.
Og'riqli haqiqat shu. Ko'p brend butun kuchini mukammal ko'rinishga sarflaydi va aynan shu yerda ishonchni o'z qo'li bilan o'ldiradi. Siz qancha mukammal ko'rinsangiz, shuncha soxta tuyulasiz.
Endi amalda qanday ishlatamiz:
Zaiflikni o'zingiz ayting, raqib aytmasdan oldin. "Biz arzon emasmiz." Mijoz nuqsonni sizdan eshitsa, "rost ekan" deydi. Raqibdan eshitsa, "yashirgan ekan" deydi. Bir xil fakt, ikki xil ishonch.
Nuqsonni kuchga ulang. "Navbatimiz bor, chunki har bir taomni buyurtmaga tayyorlaymiz." Kamchilik endi ayb emas, sifat isboti.
Sharhlarda mukammallikni qo'ymang. Hamma sharh besh yulduz bo'lsa, shubha tug'diradi. Bir-ikki rost, kichik tanqid butun sahifani ishonchli qiladi.
Brendni "tirik" qiling. Xatoni tan oling, jarayonni ochiq ko'rsating. Sovuq korporativ ovoz emas, kamchiligi bor tirik odam ovozi ko'proq sotadi.
Lekin chegara qat'iy. Pratfall faqat ikkinchi darajali nuqsonda ishlaydi. Asosiy va'dangizda - sifat, xavfsizlik, natija - xato qilmang. "Biz kichikmiz" desa - joziba. "Oshxonamiz iflos" desa - tamom. Avval asosiy ishda kuchli bo'ling, keyin chetdagi kichik nuqsonni ochiq tan oling.
Odam mukammallikka emas, samimiylikka ishonadi. Mukammal ko'rinishga urinmang, ishonarli ko'rinishga harakat qiling. Kichik, to'g'ri tanlangan nuqson - sizning eng halol va eng kuchli sotuvchingiz.
Mutaxassislar uchun instrument - bitta rost nuqson qoidasi. Sotuv matningiz yoki brend taqdimotingizni oling. U faqat maqtovdan iboratmi ? Unga bitta rost, kichik kamchilikni ochiq qo'shing - biz hamma uchun emasmiz, arzon emasmiz,faqat bitta ishni qilamiz. Bu nuqson asosiy kuchingizni inkor qilmasin, balki uni ramkaga olsin. Bir oyda ishonch va konversiya qanday o'zgarganini kuzating. Ko'pincha bitta rost e'tirof, o'nta maqtovdan ko'proq sotadi.
Ertaga 22/30 Yangilik effekti. Nega miya yangi degan so'zga dofamin bilan javob beradi va nega eng sodiq mijoz ham vaqti-vaqti bilan yangi narsa ko'rmasa, sovib qoladi ?
Qiziq bo’lsa 🔥 yondirib yuboringlar, keyingilari ham ancha qiziq.
Scaleup | @scaleupuz | 1 541 |
| 15 | Yangi bilim o‘rganish - bu uni o‘zi bajarish emas, balki mutaxassislarga to‘g‘ri savol berishdir.
Scaleup | @scaleupuz | 1 114 |
| 16 | 20/30
FOMO
Bir holatni eslang. Kerak emasdi. Olishni rejalashtirmagandingiz.
Lekin "atigi bugun", "boshqalar ulgurdi", "oxirgi imkoniyat" degan gapni ko'rdingiz-u, qo'lingiz o'zi cho'zildi.
Keyin o'ylab qoldingiz: menga bu nega kerak edi o'zi ?
Mana shu FOMO - boy berish qo'rquvi.
Ko'pchilik buni Taqchillik bilan adashtiradi. Farqi katta.
Taqchillik - mahsulot kam. FOMO - boshqalar olyapti, men chetda qolyapman. Birinchisida gap narsada, ikkinchisida gap odamda.
Sababi chuqur. Inson - ijtimoiy jonzot. Ming yillar davomida to'dadan ortda qolish o'lim bilan barobar edi. Hamma bir tomonga yugursa, sababini bilmasang ham, yugurgan xavfsizroq edi. Bugun o'sha instinkt bizni boshqaradi: boshqalar olayotganini ko'rsak, mantiq emas, qadimiy qo'rquv ishga tushadi.
Endi bu instrument amalda qanday ishlaydi va siz nima qilishingiz kerak.
FOMO ishlashi uchun mijoz boshqa odamlarning harakatini real ko'rishi shart. Demak vazifangiz - talabni ko'rinadigan qilish.
"Bugun 12 ta sotildi", "hozir 47 kishi ko'rmoqda", "guruhda 3 o'rin qoldi", "do'stingiz ham qo'shildi".
Siz mahsulotni emas, boshqalarning harakatini ko'rsatasiz.
Tugma bitta: ortda qolma.
Mutaxassislar bu instrumentni qaysi holatda ishlatadi va natija oladi:
Birinchidan, commodity, ya'ni hamma sotadigan oddiy mahsulotda. Mahsulotingiz raqobatchinikidan farq qilmasa, qaror sababini odamlarning harakatidan yasaysiz.
Ikkinchidan, muddatli takliflarda - qabul, mavsumiy aksiya, cheklangan oqim. Uchinchidan, jamoaviy mahsulotda - kurs, klub, event, ya'ni "boshqalar bor" hissi qiymatning bir qismi bo'lgan joyda. Bu uch holatda FOMO eng yuqori natija beradi.
Lekin chegara qat'iy. FOMO eng oson suiste'mol qilinadigan qurol. Soxta jonli raqamlar, yolg'on "oxirgi imkoniyat", har hafta takrorlanadigan "faqat bugun" - bir marta ishlaydi, keyin brend "yolg'onchi" nomni oladi. Haqiqiy FOMO rost voqeaga asoslanadi: chinakam cheklangan joy, chinakam tugaydigan muddat, chinakam o'sayotgan talab. Qo'rquvni to'qimang, bor haqiqatni ko'rsating.
Odam narsadan emas, chetda qolishdan qo'rqadi. Loyiha sifatida rost talabni ko'rsating, to'qima emas. Mijoz sifatida olomon yo'nalishini o'z yo'nalishingiz bilan adashtirmang.
21/30 Pratfall effekti (Nuqson jozibasi) kichik kamchilikni tan olgan brend ko’proq ishonch qozonadi.
“Biz hammasini eplay olmaymiz, lekin bitta narsani zo’r qilamiz”.
Mukammallik shubha tug’diradi, samimiy nuqson yaqinlashtiradi.
Qiziq bo’lsa 🔥 yondirib yuboringlar, keyingilari ham ancha qiziq.
Scaleup | @scaleupuz | 1 336 |
| 17 | Ochiq eshiklar kuni o'lyapti.
Siz hali ham unga pul tashlayapsiz.
700 ta xususiy maktab. 700 ta sifat kafolati. 700 ta individual yondashuv.
Ota-ona buni eshitaverib quloqlari bitib qoldi.
Ochiq eshiklar kuni qiling - 300 kishi yoziladi, 30 tasi keladi, 3 tasi to'laydi va siz buni yomon o'tdi deysiz. Yo'q. Bu bozor sizga gapiryapti.
Konversiya pasaygani - sizning marketing yomonligingiz emas.
Bu boshqa narsa: ota-onada qo'rquv o'ldi.
Ilgari ota-ona qo'rqardi - bolam joysiz qolib ketadimi?
Endi qo'rqmaydi. Negaki har ko'chada maktab bor.
U biladi: bugun bormasa, ertaga boradi. Variant ko'p. Tanqislik yo'q. Demak - shoshilish ham yo'q.
Bu xuddi kafe xodimi bilan bir xil hodisa. Ilgari xodim ishini yo'qotishdan qo'rqardi. Bugun bozorda ish ko'p - ertaga kelmay, boshqa joyga ketadi. Qo'rquv yo'qolganda - masuliyat ham yo'qoladi.
Iqtisodda buning nomi bor: tanqislik yo'qolganda, qiymat ham yo'qoladi. Hamma narsa hammada bo'lsa - hech narsaning qadri qolmaydi.
Endi savol: nima qilish kerak?
Javob - eski og'riqni qaytarib bo'lmaydi.
Joysiz qolasiz degan qo'rquv o'ldi.
Lekin yangi og'riqlar tirik:
⚪️Vaqt og'rig'i - kech qolish.
Ota-ona joysiz qolishdan qo'rqmaydi. Lekin bolasi ortda qolishidan qo'rqadi.Boshqa bolalar 1-sinfda o'qiyapti, meniki hali tovush ham bilmaydi.
Maktab joyi emas - vaqtni soting.
⚪️Tanlov xatosi og'rig'i - noto'g'ri tanlov.
Variant ko'p bo'lgani - ota-onaga azob. Chunki noto'g'ri tanlash qo'rquvi kuchaydi. 700 tasidan birini tanladim, agar adashtgan bo'lsam-chi ?
Siz tanlov osonligini emas - tanlov to'g'riligini kafolatlang.
⚪️Ijtimoiy og'riq - mening doiramda.
Ota-ona yaxshi maktab izlamaydi. O'ziga o'xshagan oilalar bolasi o'qiydigan maktab izlaydi.
Joy emas - muhitni, qatlamni soting.
⚪️Qaytib bo'lmaslik og'rig'i - poydevor.
Boshlang'ich sinf bir marta bo'ladi. Xato qilsa - orqaga qaytarib bo'lmaydi. Bu yerda chinakam tanqislik bor : vaqt qaytmaydi.
Mana shu yagona haqiqiy qaytmaydigan og'riq.
Ochiq eshiklar kuni qilmang demayapman. Lekin uni hamma kelsin mantig'idan adashishdan qo'rqqan to'g'ri ota-ona kelsin mantig'iga ko'chiring.
Bozor to'yinganda g'olib eng baland baqirgan emas - eng aniq og'riqqa tegkan bo'ladi.
Konversiyangiz pasaymoqda ?
Bu o'limning belgisi emas.
Bu eski o'yinni o'ynayotganingiz belgisi.
Scaleup | @scaleupuz | 1 080 |
| 18 | 19/30
Tugatish istagi (Zeigarnik effekti)
Yarim ko’rilgan serial tunda uxlatmaydi. Yarim qolgan ish miyada aylanaveradi. Lekin tugatib qo’ysangiz, xuddi o’chgandek esdan chiqadi.
Mana shu Zeigarnik effekti. Buni payqagan psixolog ofitsiantlarni kuzatgan: ular to’lanmagan buyurtmani aniq eslab turardi, hisob yopilishi bilan butunlay unutardi. Miya tugallanmagan narsani ushlab turadi va tinim bermaydi.
Sababi oddiy. Tugallanmagan ish - yopilmagan bo’shliq. Miya uni hal qilinmagan muammo deb belgilaydi va xotirada faol saqlaydi. Faqat tugatilgandagina bo’ldi deb qo’yib yuboradi.
Endi effektning asl mohiyatiga keling, chunki ko’pchilik buni sirtidan tushunadi. Zeigarnik shunchaki odamlar tugatishni yoqtiradi degani emas. Asl gap shundaki, miya tugallanmagan ishni og’riq sifatida his qiladi. Yarim qolgan bo’shliq kichik, tinimsiz noqulaylik beradi va odam o’sha noqulaylikdan qutulish uchun harakat qiladi. Ya’ni sizni tugatishga undaydigan narsa zavq emas, tugatmaslikning ozori.
Mana shu nozik farqni tushungan odam bu effektni to’g’ri ishlatadi va eng aqlli misol - sodiqlik kartasi.
10 ta mashinangizni yuving, 11-chisi tekin.
10 ta kapuchino oling, 11-chisi bizdan.
Yuzaki qaraganda, brend sizga sovg’a beryapti. Lekin chuqurroq qarang: brend o’sha sovg’ani o’z cho’ntagidan bermaydi. U sizni 10 marta qaytib kelishga, ya’ni 10 marta pul sarflashga undaydi va 11-chini o’shandan beradi. Sovg’a aslida sizning o’zingiz yaratgan qiymatdan. Brend faqat bo’shliqni ochib qo’ydi:10 tadan 3 tasi to’ldi. Endi siz o’sha bo’shliqni yopmaguningizcha boshqa avtomoykaga, boshqa kafega bormaysiz.
Sovg’a - bahona. Asl maqsad - sizni halqaga bog’lab, raqobatchiga ketishingizning oldini olish.
Shu mantiq hamma joyda.
“Profilingiz 60% to’ldi.”
Serial eng qiziq joyda uziladi.
O’yin “keyingi darajaga oz qoldi” deydi. Ta’limda “birinchi modul tugadi, ikkinchisi ochildi” deyiladi.
Hammasi bitta mexanizm: bo’shliqni ochib qo’yish, yopishni mijozga qoldirish.
Miya yopilmagan bo’shliqni tashlay olmaydi. Munosabatni doim qiziqish bilan oching, yopiq tugun bilan emas. Mijozni ushlab turadigan narsa - bergan emas, yarim qoldirgan va’dangiz.
Ertaga 20/30 FOMO, boy berish qo’rquvi. Nega boshqalar olayotganini ko’rgan odam, kerak bo’lmasa ham qo’shiladi?
Qiziq bo’lsa 🔥 yondirib yuboringlar, keyingilari ham ancha qiziq.
Scaleup | @scaleupuz | 964 |
| 19 | Har kuni 73 ta biznes tarmoqdan chiqib ketmoqda. Ertaga sizniki bo’lmasligiga kafolat bormi ?
Milliy statistika qo’mitasi ma’lumotiga ko’ra, bir yil ichida O’zbekistonda faoliyat yuritayotgan korxonalar soni 26 700 taga kamaydi. Bu - har kuni o’rtacha 73 ta biznes ishini to’xtatdi degani. Yangi ochilganlarni hisobga olgandan keyin ham.
Bu raqamni o’qing-da, o’zingizga bitta savol bering: ular nima uchun yopildi ?
Bozor yomon bo’lgani uchun emas. Pul yo’qligidan emas. Raqobat kuchli bo’lganidan ham emas.
Ko’pchiligi bitta jumla tufayli yopildi:
buni ertaga hal qilaman.
Kassa tizimi eskirdi - ertaga.
Yaxshi xodim ketib qoldi, o’rniga odam kerak - ertaga.
Mijoz shikoyat qildi - keyinroq ko’raman.
Reklama pul yeyapti, natija yo’q - keyingi oy o’ylab ko’raman.
Bir yilda 365 ta ertaga.Har biri kichkina. Hech biri yakka holda o’ldirmaydi. Lekin ular yig’ilib, biznesni sekin bo’g’adi.
Yopilgan kafelar yomon ovqat pishirgani uchun yopilmadi. Ular muammoni bugun hal qilmagani uchun yopildi.
Endi telefoningizni qo’ying.
Biznesingizda ertaga deb kechiktirib yurgan bitta narsani eslang. Eng ko’p qo’rqayotganingizni va bugun - hozir - o’sha bittasini hal qiling.
Faqat bittasini. Ertaga emas. Bugun.
Scaleup | @scaleupuz | 969 |
| 20 | 18/30
Default effekti
Kecha O'zbekiston Portugaliyaga 5:0 yutqazdi. Achchiq. Lekin men o'sha o'yinni boshqacha tahlil qildim.
Portugaliya bizdan iqtidorliroq emas. Ularning yutug'i alohida yulduzlarda emas - standartda. Ularda bola tug'ilib, tayyor tizimga tushadi: tayyor akademiya, tayyor metodika, tayyor falsafa. Default allaqachon o'rnatilgan. Bizda esa har bir o'yinchi o'zini noldan quradi. Tabloda 5:0 bo'lib ko'ringan narsa - iqtidor emas, o'rnatilgan standartning farqi.
Va aynan shu marketingdagi eng kam tan olinadigan, eng kuchli qurol.
Default effekti: odam oldindan belgilangan variantni deyarli o'zgartirmaydi. Nima "standart" qilib qo'yilsa, ko'pchilik o'shanda qoladi. Tanlash erkinligi bor, lekin inson uni ishlatmaydi.
Sababi miyaning dangasaligida. Har o'zgartirish - qaror, har qaror - energiya va xato qilish qo'rquvi. Shuning uchun miya eng oson yo'lni tanlaydi: tegmaslik.
Eng kuchli isboti - organ donorligi. Bir davlatda "men donorman" deb belgilash kerak - donorlar 15%. Qo'shni davlatda hamma default'da donor, xohlamagan o'chiradi - donorlar 90%. Bir xil odamlar. Farq faqat qaysi holat standart qilib qo'yilganida.
Endi biznesingizni ko'ring. "Xohlasangiz qo'shing" deganda hech kim qo'shmaydi. "Bor, xohlamasangiz oling" deganda ko'pchilik qoldiradi. Bir xil xizmat, bir xil narx, faqat boshlang'ich taklif boshqa. Ko'p biznes shu bitta jumla tufayli pul yo'qotadi.
Lekin chegara bor. Default - g'amxo'rlik, tuzoq emas. Foydali narsani standart qilsangiz, bu yordam. Keraksiz narsani yashirincha qo'shsangiz, bu aldov. Mijoz bir marta sezsa, ishonch quladi.
Portugaliya kuchli o'yinchilar bilan emas, kuchli standart bilan yutdi. Biznesingiz ham eng yaxshi taklifni mijoz topishini kutmasin - uni standart qilib qo'ying. Odam tanlamaydi, berilganni oladi. Nima berishni siz hal qilasiz.
Biz Portugaliyaga standartda yutqazdik. Lekin biznesda standartni siz o'rnatasiz - demak tablo sizning qo'lingizda.
Mutaxassislar uchun instrument - Default Audit. Taklifingizdagi har bir "qo'shimcha", "ixtiyoriy", "xohlasangiz" varianti ro'yxatini chiqaring.
Har biriga savol bering: mijoz uchun foydalimi ? Foydalilarini standart holatga o'tkazing - oldindan belgilang, mijoz xohlasa o'chirsin. Bir oy ichida qabul foizi qanchaga oshganini o'lchang. Ko'pincha hech narsa sotmasdan, faqat boshlang'ich holatni o'zgartirib daromad oshadi.
Ertaga 19/30 Tugatish istagi (Zeigarnik effekti).
Nega yarim qolgan ish miyadan ketmaydi va aqlli brendlar buni qanday qilib mijozni qayta-qayta qaytarib kelishga ishlatadi ?
Qiziq bo’lsa 🔥 yondirib yuboringlar, keyingilari ham ancha qiziq.
Scaleup | @scaleupuz | 1 061 |
