រដ្ឋបាលខេត្តកំពង់ចាម

ឯកឧត្តម អ៊ុន ចាន់ដា ក្រើនរំលឹកដល់មន្ត្រីគណបក្សមូលដ្ឋាន បង្កើនការបម្រើសេវាជូនប្រជាពលរដ្ឋ និងពង្រឹងការងារសន្តិសុខសណ្តាប់ធ្នាប់ឱ្យបានល្អប្រសើរ (កំពង់ចាម): ឯកឧត្តម អ៊ុន ចាន់ដា សមាជិកគណៈកម្មាធិការកណ្តាលគណបក្សប្រជាជនកម្ពុជា ប្រធានគណៈកម្មាធិការបក្សខេត្តកំពង់ចាម និងជាប្រធានក្រុមការងារគណបក្សចុះមូលដ្ឋាន ក្រុងកំពង់ចាម បាន ក្រើនរំលឹកដល់មន្ត្រីគណបក្សមូលដ្ឋាន និងក្រុមការងារ ត្រូវបង្កើនការយកចិត្តទុកដាក់លើការបម្រើសេវាជូនប្រជាពលរដ្ឋ និងពង្រឹងការងារសន្តិសុខសណ្តាប់ធ្នាប់ឱ្យបានល្អប្រសើរ រួមនឹងការបន្តធ្វើអំពើល្អ រាល់សកម្មភាពបក្សទាំងអស់គឺត្រូវប្រកាន់ខ្ជាប់នូវស្មារតី ដើម្បីផលប្រយោជន៍គណបក្ស និងប្រជាជន ដើម្បីកសាងកម្លាំងឱ្យកាន់តែមុតមាំក្នុងការប្រជែងយកជ័យជម្នះ លើការបោះឆ្នោតនៅឆ្នាំ២០២៧ និងឆ្នាំ២០២៨។ ឯកឧត្តម ថ្លែងបែបនេះ នៅក្នុងកិច្ចប្រជុំផ្សព្វផ្សាយសេចក្តីសម្រេច ស្ដីពីផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៦ ឆ្នាំ ២០២៧ របស់ក្រុមការងារចុះជួយក្រុងកំពង់ចាម។ ឯកឧត្តម ប្រធានក្រុមការងារ ក៏បានស្នើឱ្យមន្ត្រីគណបក្ស ដែលជាក្រុមប្រឹក្សាឃុំ-សង្កាត់ និងមន្ត្រីភូមិ សូមបន្តសហការពង្រឹងការងារសន្តិសុខសណ្ដាប់ធ្នាប់សាធារណៈឲ្យបានល្អ ជាមួយប៉ុស្តិ៍នគរបាលរដ្ឋបាល និងប្រជាការពារ ដើម្បីរក្សាបាននូវសន្តិសុខល្អ និងភាពសុខដុមរមនារបស់ប្រជាជន។ ទន្ទឹមនោះ អាជ្ញាធរមូលដ្ឋាន ត្រូវសហការជាមួយក្រុមការងារគណៈពង្រឹង ចុះរៀបចំបង្កើតវេទិកាសាធារណៈឲ្យបានផុលផុស។ ឯកឧត្តម អ៊ុន ចាន់ដា ក៏បានស្នើដល់ប្រធានគណបក្សនៅមូលដ្ឋាន ក៏ដូចជាក្រុមការងារស្នូល ក្នុងក្រុងកំពង់ចាម ត្រូវយកចិត្តទុកដាក់ខ្ពស់លើការចិញ្ចឹមចលនាសមាជិកបក្ស និងការជួយសម្របសម្រួលដល់សមាជិកបក្ស រាល់ពេលពួកគាត់មាន តម្រូវការ និងសំណូមពរ ឬជួបបញ្ហាផ្សេងៗ ពិសេសគឺត្រូវផ្សារភ្ជាប់ ទៅនឹងការផ្តល់ និងទទួល សេវាសាធារណៈ ដែលជាតម្រូវការចាំបាច់ប្រចាំថ្ងៃ។ ឯកឧត្តម ប្រធានក្រុមការងារ ក៏បានជំរុញឱ្យមន្ត្រីគណបក្សមូលដ្ឋានគ្រប់ជាន់ថ្នាក់ ប្តេជ្ញាចិត្ត ខិតខំប្រតិបត្តិឱ្យបានត្រឹមត្រូវ តាមកម្មវិធីនយោបាយ និងលក្ខន្តិកៈបទបញ្ជា ផ្ទៃក្នុងរបស់គណបក្សជាពិសេសគឺគាំទ្រយ៉ាងពេញទំហឹងចំពោះគណបក្សប្រជាជនកម្ពុជា ដែលមានសម្ដេចអគ្គមហាសេនាបតីតេជោ ហ៊ុន សែន ជាប្រធានគណបក្ស និងជាប្រធានព្រឹទ្ធសភា នៃព្រះរាជាណាចក្រកម្ពុជា និង សម្តេចមហាបវរធិបតី ហ៊ុន ម៉ាណែត អនុប្រធានគណបក្ស និងជានាយករដ្ឋមន្ត្រី នៃព្រះរាជាណាចក្រកម្ពុជា៕

រីករាយរដូវកាល #WorldCup! រដ្ឋបាលខេត្តកំពង់ចាម រៀបចំចាក់បញ្ចាំងផ្ទាល់ជូនពលរដ្ឋទស្សនាកម្សាន្តនៅសួនច្បារមុខសាលាខេត្តកំពង់ចាម កំពង់ចាម៖ ឯកឧត្តម អ៊ុន ចាន់ដា អភិបាល នៃគណអភិបាលខេត្តកំពង់ចាម បានឲ្យដឹងថា ដើម្បីបង្កលក្ខណៈសប្បាយរីករាយ និងឆ្លើយតបទៅនឹងចំណូលចិត្តផ្នែកកីឡាបាល់ទាត់របស់បងប្អូនប្រជាពលរដ្ឋ នៅក្នុងឱកាសដែលព្រឹត្តិការណ៍កីឡាបាល់ទាត់ពិភពលោក FIFA World Cup បានឈានចូលមកដល់ រដ្ឋបាលខេត្តកំពង់ចាម ចាក់បញ្ចាំងការប្រកួតជូនសាធារណជនបានទស្សនាដោយសេរី នៅលើអេក្រង់ LED ខ្នាត់យក្ស។ ឯកឧត្តម អភិបាលខេត្ត បន្តថា ការចាក់បញ្ចាំងនេះ ត្រូវបានរៀបចំឡើងនៅទីតាំងសួនច្បារដ៏ធំល្វឹងល្វើយ នៅខាងមុខសាលាខេត្តកំពង់ចាមផ្ទាល់តែម្តង ដែលជាទីតាំងដ៏ស្រឡះ ងាយស្រួលសម្រាប់បងប្អូនប្រជាពលរដ្ឋ យុវជន យុវនារី ក៏ដូចជាអ្នកគាំទ្រវិស័យកីឡា អាចមកជួបជុំគ្នា ទស្សនាការប្រកួត បង្កើតបានជាបរិយាកាសដ៏សប្បាយរីករាយ ។ សូមអញ្ជើញបងប្អូនប្រជាពលរដ្ឋ និងអ្នកស្នេហាវិស័យកីឡាបាល់ទាត់ទាំងអស់នៅក្នុងខេត្តកំពង់ចាម ចូលរួមទស្សនា កម្សាន្ត និងគាំទ្រក្រុមបាល់ទាត់ដែលខ្លួនស្រឡាញ់ឱ្យបានកុះករ ចាប់ពីថ្ងៃជម្រុះរហូតដល់ការប្រកួតវគ្គផ្តាច់ព្រ័ត្រ៕

ដើមឈើទាលជិត៣០០ដើម ត្រូវបានព្រះសង្ឃរួមអាជ្ញាធរស្រុកស្រីសន្ធរដាំនៅក្នុងបរិវេណវត្តកោះកែវ

អភិបាលខេត្តកំពង់ចាម អញ្ជើញដឹកនាំកិច្ចប្រជុំរៀបចំរបាយការណ៍ ស្តីពីលទ្ធផលការងារឆមាសទី១ និងទិសដៅបន្ត របស់រដ្ឋបាលខេត្តកំពង់ចាម (កំពង់ចាម) ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម នាព្រឹកថ្ងៃទី១៩ ខែមិថុនា ឆ្នាំ២០២៦ អញ្ជើញដឹកនាំកិច្ចប្រជុំពិភាក្សា និងឆ្លងសេចក្តីព្រាងរបាយការណ៍ ស្តីពីលទ្ធផលការងារសម្រេចបានក្នុងឆមាសទី១ និងលើកទិសដៅបន្ត របស់រដ្ឋបាលខេត្ត ស្ថិតនៅសាលប្រជុំសាលាខេត្ត ដោយមានការអញ្ជើញចូលរួមពីសំណាក់ លោក-លោកស្រី អភិបាលរងខេត្ត នាយក-នាយករងរដ្ឋបាលសាលាខេត្ត ប្រធានមន្ទីរ-អង្គភាពជុំវិញខេត្ត និងមន្ត្រីពាក់ព័ន្ធជាច្រើនរូបទៀត។ កិច្ចប្រជុំនេះធ្វើឡើងក្នុងគោលបំណងពិនិត្យ ពិភាក្សា និងកែសម្រួលលើការរៀបចំរបាយការណ៍ ក៏ដូចជាស្លាយ(Slides) បទបង្ហាញឱ្យមានភាពគ្រប់ជ្រុងជ្រោយ ច្បាស់លាស់ និងមានសោភ័ណភាព ដើម្បីត្រៀមយកទៅធ្វើបទបង្ហាញជូនថ្នាក់ដឹកនាំក្រសួងមហាផ្ទៃ លើចំណុចសំខាន់ៗរួមមាន ៖ បង្ហាញពីសមិទ្ធផល បទពិសោធន៍ល្អៗ កិច្ចអភិវឌ្ឍន៍មូលដ្ឋាន និងបញ្ហាប្រឈមនានាដែលខេត្តបានជួបប្រទះ និងដោះស្រាយកន្លងមក។ កំណត់ផែនការសកម្មភាព និងយុទ្ធសាស្ត្រគន្លឹះៗ ដើម្បីជម្រុញការងាររដ្ឋបាល ការពារសន្តិសុខសណ្តាប់ធ្នាប់សង្គម និងការផ្តល់សេវាសាធារណៈជូនប្រជាពលរដ្ឋឱ្យកាន់តែមានប្រសិទ្ធភាពខ្ពស់។ ឯកឧត្តម អភិបាលខេត្ត បានបញ្ជាក់ថា រាល់ទិន្នន័យ និងខ្លឹមសារនៅក្នុងបទបង្ហាញ ត្រូវតែឆ្លុះបញ្ចាំងពីទិដ្ឋភាពជាក់ស្តែងនៃសន្ទុះអភិវឌ្ឍន៍របស់ខេត្តកំពង់ចាម ទាំងការងារសន្តិសុខ សណ្តាប់ធ្នាប់ យុត្តិធម៌សង្គម និងការអភិវឌ្ឍន៍មូលដ្ឋាន។ បន្ថែមពីនេះ ត្រូវរៀបចំទម្រង់បទបង្ហាញឱ្យមានភាពទាក់ទាញ ងាយយល់ និងខ្លីខ្លឹម ដើម្បីធានាបាននូវភាពជោគជ័យ និងទទួលបានការវាយតម្លៃខ្ពស់ពីក្រសួងមហាផ្ទៃ៕

លោកឧត្តមសេនីយ៍ទោ ហេង វុទ្ធី អញ្ជើញចុះសាកសួរសុខទុក្ខកងកម្លាំង និងត្រួតពិនិត្យលើការងារដឹកនាំប្រចាំថ្ងៃ ដើម្បីកែលម្អ និងបំពេញបន្ថែម ដល់ប៉ុស្តិ៍នគរបាលរដ្ឋបាល ឃុំ/សង្កាត់ នៃអធិការដ្ឋាននគរបាលស្រុក ចំនួន៦

ពលរដ្ឋក្នុងខេត្តកំពង់ចាមចងចាំនូវវីរភាពដ៏អង់អាចក្លាហានរបស់សមមិត្តហ៊ុន សែនក្នុងការរំដោះជាតិ

លោកឧត្តមសេនីយ៍ទោ ហេង វុទ្ធី អញ្ជើញចុះសាកសួរសុខទុក្ខកងកម្លាំង និងត្រួតពិនិត្យលើការងារដឹកនាំប្រចាំថ្ងៃ ដើម្បីកែលម្អ និងបំពេញបន្ថែម ដល់ប៉ុស្តិ៍នគរបាលរដ្ឋបាលឃុំ-សង្កាត់ នៃអធិការដ្ឋាននគរបាលស្រុក ចំនួន៦ ដោយអនុវត្តតាមអនុសាសន៍ដ៏ខ្ពង់ខ្ពស់របស់ ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម នៅថ្ងៃព្រហស្បតិ៍ ទី១៨ ខែមិថុនា ឆ្នាំ២០២៦នេះ លោកឧត្តមសេនីយ៍ទោ ហេង វុទ្ធី ស្នងការនគរបាលខេត្តកំពង់ចាម និងសហការី បានអញ្ជើញចុះត្រួតពិនិត្យ និងសំណេះសំណាល ជាមួយកងកម្លាំង ប៉ុស្តិ៍នគរបាលរដ្ឋបាល នៃអធិការដ្ឋាននគរបាលស្រុកចំនួន ៦ មានស្រុកស្ទឹងត្រង់ ស្រុកចំការលើ ស្រុកជើងព្រៃ ស្រុកបាធាយ ស្រុកព្រៃឈរ និងស្រុកកំពង់សៀម និងបន្ដចុះត្រួតពិនិត្យនៅគ្រប់ប៉ុស្តិ៍នគរបាលរដ្ឋបាល ឃុំ/សង្កាត់ ទាំង១០៩ ។ ជាមួយគ្នានឹងការចុះត្រួតពិនិត្យ និងសំណេះសំណាលសាកសួរសុខទុក្ខនេះ ក៏ដូចជាការត្រួតពិនិត្យការស្នាក់នៅ ការហូបចុករបស់កងកម្លាំង ព្រមទាំងរបៀបរបប នៃការដឹកនាំអនុវត្តកិច្ចការងារ ការរៀបចំទុកដាក់ ឯកសារ ផ្សេងៗ សម្រាប់ការងារប្រចាំថ្ងៃ នៅក្នុងប៉ុស្ដិ៍នគរបាលរដ្ឋបាលនីមួយៗ ផងដែរ។ ទន្ទឹមនឹងនេះ លោកឧត្តមសេនីយ៍ទោ ហេង វុទ្ធី ក៏បានត្រួតពិនិត្យលើឧបករណ៍សម្ភារៈ មួយចំនួន ដែលមានចំណុចខ្វះខាត់ និងត្រូវបំពេញបន្ថែម ពិសេសកន្លែងធ្វើការ ត្រូវកែលម្អឱ្យបានសមរម្យ ស្របតាមលក្ខណៈជាទម្រង់រដ្ឋបាល ដើម្បីធានាបានដល់ការបម្រើសេវាសាធារណៈ ជូនបងប្អូនប្រជាពលរដ្ឋក្នុងមូលដ្ឋាន ឱ្យបានកាន់តែល្អប្រសើរ និងឆាប់រហ័សបំផុត តាមដែលអាចធ្វើទៅបាន៕

ខណ្ឌរដ្ឋបាលជលផលកំពង់ចាម បង្ក្រាបបទល្មើសនេសាទបានមួយករណី ក្នុងភូមិសាស្ត្រស្រុកកោះសូទិន JOIN មន្ទីរព័ត៌មានខេត្តកំពង់ចាម 👉 Facebook    👉 YouTube             👉 Website 👉 TikTok 👉 X (Twitter)

លោក ខ្ចង អូន ចៅសង្កាត់បឹងកុក ប្ដេជ្ញាបម្រើសេវាសាធារណៈ ឱ្យកាន់តែលឿននិង រហ័ស ជូនពលរដ្ឋ JOIN មន្ទីរព័ត៌មានខេត្តកំពង់ចាម 👉 Facebook    👉 YouTube             👉 Website 👉 TikTok 👉 X (Twitter)

FB អភិបាលខេត្តកំពង់ចាម ដឹកនាំក្រុមការងារ អញ្ជើញចុះត្រួតពិនិត្យផែនការឆ្ពោះទៅការជួសជុលច្រាំងទន្លេ ក្នុងក្រុងកំពង់ចាម។

ក្លិបបាល់ទាត់មន្ទីរឣប់រំ យុវជន និងកីឡាខេត្តកំពង់ចាមបានចុះឣនុស្សរណៈនៃការយោគយល់គ្នាជាមួយសិប្បកម្មកិនថ្មHSK

ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម សូមក្រាបបង្គំថ្វាយព្រះរាជសព្ទសាធុការជ័យសិរីមង្គលមហាប្រសើរ ព្រះបរមសុខគ្រប់ប្រការថ្វាយអង្គ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ជាទីគោរពសក្ការៈដ៏ខ្ពង់ខ្ពស់បំផុត ក្នុងព្រះរាជវរោកាសព្រះរាជពិធីចម្រើនព្រះជន្មគម្រប់ ៩០​ យាងចូល​៩១​ ព្រះ​វស្សា​ 🙏🏻🙏🙏

អភិបាលខេត្តកំពង់ចាម ដឹកនាំក្រុមការងារ អញ្ជើញចុះត្រួតពិនិត្យផែនការឆ្ពោះទៅការជួសជុលច្រាំងទន្លេ ក្នុងក្រុងកំពង់ចាម (កំពង់ចាម) អភិបាលខេត្តកំពង់ចាម នៅព្រឹកថ្ងៃទី18 ខែមិថុនា ឆ្នាំ 2026 នេះ បានដឹកនាំក្រុមការងារ អញ្ជើញចុះត្រួតពិនិត្យផែនការឆ្ពោះទៅការជួសជុលច្រាំងទន្លេ ក្នុងសង្កាត់កំពង់ចាម ក្នុងក្រុងកំពង់ចាម ដែលបានទទួលរងគ្រោះដោយសារទឹកជំនន់ទន្លេមេគង្គ កាលពីពេលកន្លងទៅនេះ។ គួរបញ្ជាក់ថា ភ្លាមៗ បន្ទាប់ពីដំណើរសុំកិច្ចអន្តរាគមន៍ពីសំណាក់ក្រសួងធនធានទឹក និងឧតុនិយម, ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម បានធ្វើការសហការជាមួយរដ្ឋបាលខេត្ត និងមន្ទីរធនធានទឹក និងឧតុនិយម និងបានដាក់ចេញនូវវិធានការ អន្តរាគមន៍ជាបណ្ដោះអាសន្ន ដើម្បីទប់ស្កាត់ការបាក់ស្រុតច្រាំងទន្លេមេគង្គជាបន្តបន្ទាប់ទៀត ដោយប្រើប្រាស់បាវខ្សាច់(GeoTextile) រហូតមកពេលនេះសម្រេច រួចរាល់១០០ភាគរយ។ គួររំលឹកថា ហេតុការណ៍បាក់ស្រុតច្រាំងទន្លេមេគង្គ ស្ថិតនៅក្នុងភូមិសាស្ត្រខាងលើ បានកើតឡើងកាលពីយប់ថ្ងៃទី៣០ ខែមករា ឆ្នាំ២០២៦។ ច្រាំងទន្លេនេះ បានកសាងតាំងពីឆ្នាំ២០១២ ដោយរដ្ឋបាលខេត្តកំពង់ចាម។ ទំហំនៃការខូចខាត រួមមាន៖ ១) ផ្នែកខាងលើ បាក់ស្រុតការ៉ូឡាបណ្តោយប្រវែង ៧០ម៉ែត្រ ទទឹង ១,១ម៉ែត្រ និងកម្ពស់ចាប់ពី ០,៣ម៉ែត្រ-១,៦ម៉ែត្រ និង២)ផ្នែកខាងក្រោម បាក់ស្រុតបេតុងបណ្តោយប្រវែង ៧០ម៉ែត្រ ទទឹង ៣២ម៉ែត្រ ក្នុងនោះបញ្ហាប្រឈមប្រវែង ៣៥ម៉ែត្រ កម្ពស់ចាប់ពី ០,១ម៉ែត្រ-០,៣ម៉ែត្រ៕

ឯកឧត្តម អ៊ុន ចាន់ដា ដឹកនាំប្រតិភូខេត្ត អញ្ជើញដាក់កម្រងផ្កាគោរពវិញ្ញាណក្ខន្ធ វីរយុទ្ធជន វីរយុទ្ធនារី និងប្រជាជនកម្ពុជា នៅតំបន់ប្រវត្តិសាស្ត្រយោធាតេជោ-កោះថ្ម X16។

ក្រុមការងារចំរុះខេត្តកំពង់ចាម ចុះធ្វើរដ្ឋបាលចំហរ នៅសណ្ឋាគារ ១កន្លែង ក្នុងកំពង់ចាម (កំពង់ចាម) អនុវត្តតាមបទបញ្ជាដ៏ម៉ឺងម៉ាត់របស់ឯកឧត្តម អ៊ុន ចាន់ដា អភិបាលខេត្តកំពង់ចាម និងជាប្រធានគណៈបញ្ជាការឯកភាពខេត្ត ក្នុងការអនុវត្តបទបញ្ជាលេខ ០១ បប របស់រាជរដ្ឋាភិបាល នៅថ្ងៃទី១៧ ខែមិថុនា ឆ្នាំ២០២៦ នេះ ឯកឧត្តម ស្រី សុភ័ក្ត្រ អភិបាលរងខេត្ត និងជាប្រធានលេខាធិការដ្ឋាន បានដឹកនាំក្រុមការងារចំរុះខេត្ត ចុះធ្វើរដ្ឋបាលចំហរ នៅសណ្ឋាគារ១កន្លែង ស្ថិតក្នុងក្រុងកំពង់ចាម។ ក្នុងការចុះនេះ ក្រុមការងារទទួលបាននូវការចូលរួមសហការយ៉ាងល្អពីសំណាក់អ្នកគ្រប់គ្រងសណ្ឋាគារ ដោយបាននាំក្រុមការងារចុះពិនិត្យជាក់ស្ដែងនៅគ្រប់បន្ទប់នៃសណ្ឋាគារ (ទាំងបន្ទប់មានមនុស្សស្នាក់នៅ និងបន្ទប់ទំនេរ)។ ក្នុងនោះ សណ្ឋាគារមានភ្ញៀវស្នាក់នៅតែ ១០ បន្ទប់ និងសុទ្ធតែជាជនបរទេស សរុប ២១ នាក់ ដែលចូលមកស្នាក់នៅ គឺក្នុងអំឡុងខែ មីនា/២០២៦ រហូតមក ប៉ុន្តែមានការផ្លាស់ប្ដូរគ្នាចេញខ្លះ ចូលថ្មីខ្លះ។ ជនបរទេសទាំងអស់ បានសហការជាមួយក្រុមការងារចុះពិនិត្យ ដោយបានអនុញ្ញាតឲ្យក្រុមការងារចុះពិនិត្យគ្រប់កន្លែង និងឧបករណ៍ តាមសំណូមពររបស់ក្រុមការងារ។ នៅទីតាំងជាក់ស្ដែង ពុំមានឧបករណ៍ និងសញ្ញាណនៃការប្រព្រឹត្តសកម្មភាពទាក់ទងនឹង Online Scams ឡើយ។