រដ្ឋបាលខេត្តកំពង់ចាម

ឯកឧត្តម អភិបាលរងខេត្តកំពង់ចាម បានអញ្ជើញជាអធិបតីក្នុងពិធីសំណេះសំណាល និងចែកអំណោយជូនដល់ក្រុមការងារយុវជនជួយក្នុងពិធីបុណ្យហាជ្ជី នៅស្រុកកោះសូទិន ថ្ងៃទី៣ ខែមិថុនា ឆ្នាំ២០២៦ ឯកឧត្តម សា ស៊ីថាអភិបាលរងខេត្ត តំណាងដ៏ខ្ពង់ខ្ពស់ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បានអញ្ជើញជាអធិបតីក្នុងពិធីសំណេះសំណាល និងចែកអំណោយជូនក្រុមការងារយុវជនជួយក្នុងពិធីបុណ្យហាជ្ជី ចំនួន ១៥០នាក់ ស្ថិតនៅក្នុងភូមិទី១៣ ឃុំកោះសូទិន ស្រុកកោះសូទិន ខេត្តកំពង់ចាម។ ពិធីនេះមានការអញ្ជើញចូលរួមពី លោក ហេង ហ៊ុន ប្រធានក្រុមប្រឹក្សាស្រុក លោក អភិបាលរងស្រុកកោះសូទិន លោក លី មូសា អ៊ីម៉ាំស្រុកកោះសូទិន និងជាសមាជិកក្រុមប្រក្សាស្រុកកោះសូទិន លោក ម៉ៅ ទីប ភូឈួយទី1 អីម៉ាំខេត្តកំពង់ចាម និងជាអនុប្រធានទី១ គណៈចលនាសាសនិកឥស្លាមខេត្ត លោក សមាជិកក្រុមប្រឹក្សាស្រុក ឃុំ អាជ្ញាធរឃុំ ភូមិ និងបងប្អូនប្រជាពលរដ្ឋជាច្រើនកុះករ។ ក្នុងឱកាសនោះដែរ លោក លី មូសា អ៊ីម៉ាំស្រុកកោះសូទិន និងជាសមាជិកក្រុមប្រក្សាស្រុកកោះសូទិន បានឧបត្ថម្ភអង្ករចំនួន ៣តោន ស្មើនឹងថវិកាចំនួន ៦.០០០.០០០រៀល និងបានឧបត្ថម្ភជាថវិកាជូនដល់ប្រជាការពារ ក្រុមប្រឹក្សាឃុំ អាជ្ញាធរឃុំ ចំនួន ៦០០.០០០រៀល សរុបជាថវិកាចំនួន ៦.៦០០.០០០រៀល។

នាព្រឹកថ្ងៃទី៣ ខែមិថុនា ឆ្នាំ២០២៦ លោក ជា សីលា នាយករដ្ឋបាលសាលាខេត្ត បានដឹកនាំ លោក លោកស្រី នាយករងរដ្ឋបាលសាលាខេត្ត , លោក លោកស្រី នាយកទីចាត់ការ-ប្រធានអង្គភាពចំណុះ និងប្រធានផ្នែក ព្រមទាំងមន្ត្រីពាក់ព័ន្ធ ចូលរួម កិច្ចប្រជុំរៀបចំឯកសារសម្រាប់ធ្វើបទបង្ហាញជូនឯកឧត្តម អភិបាលខេត្ត លើការងារអនុវត្តបានក្នុងឆមាសទី១ និងទិសដៅបន្តឆមាសទី២ នៅសាលប្រជុំសាលាខេត្តកំពង់ចាម។

សម្តេចតេជោ ហ៊ុន សែន អញ្ជើញជួបសំណេះសំណាលជាមួយក្រុមប្រឹក្សា ថ្នាក់ដឹកនាំមន្ទីរ អង្គភាពក្នុងខេត្តកំពង់ធំ (កំពង់ធំ)៖ តបតាមការអញ្ជើញរបស់រដ្ឋបាលខេត្តកំពង់ធំ នៅព្រឹកថ្ងៃពុធ ទី៣ ខែមិថុនា ឆ្នាំ២០២៦នេះ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានអញ្ជើញ​ ចូលរួមក្នុងពិធីសំណេះ​​សំណាល​ជាមួយ​ក្រុម​ប្រឹក្សាខេត្ត ក្រុង ស្រុក ឃុំ សង្កាត់ និងថ្នាក់ដឹកនាំមន្ទីរ អង្គ​ភាពនានា​ជុំវិញ​ខេត្តកំពង់ធំ ក្រោមអធិបតីភាពដ៏ខ្ពង់ខ្ពស់ សម្តេចតេជោ ហ៊ុន សែន ប្រមុខ​​រដ្ឋស្តីទីនៃព្រះរាជាណាចក្រ និង​ជាប្រធានក្រុមឧត្តមប្រឹក្សាផ្ទាល់ព្រះមហាក្សត្រ។ សូមជម្រាបថា សម្តេចតេជោ ហ៊ុន សែន បានហៅការអញ្ជើញចុះជួបសំណេះសំណាលជាមួយ ក្រុម ប្រឹក្សា រាជ​ធានី ខេត្ត ក្រុង ស្រុក ឃុំ សង្កាត់ និងថ្នាក់ដឹកនាំមន្ទីរ អង្គភាពនានានេះ ជាដំណើរឆ្ពោះទៅ​កាន់​មូល​ដ្ឋាន។ ដំណើរឆ្ពោះទៅកាន់មូលដ្ឋាន បានចាប់ផ្តើមកាលពីថ្ងៃ ទី២៥ ខែមេសា ឆ្នាំ២០២៦។ រាជធានី ខេត្តចំនួន១១ហើយ ដែលសម្តេចតេជោ ហ៊ុន សែន បាន​អញ្ជើញជួប​សំណេះ​សំណាល​រួមមាន៖ ខេត្តកំពង់ចាម ត្បូងឃ្មុំ កំពង់ស្ពឺ តាកែវ កំពត កែប ស្វាយរៀង ព្រៃវែង រាជធានីភ្នំពេញ កំពង់ឆ្នាំង និងពោធិ៍សាត់។ បេសកកម្មអញ្ជើញចុះមូលដ្ឋានរបស់សម្តេចតេជោ នឹងពង្រឹងគណ​នេយ្យ​ភាពរវាងព្រឹទ្ធសភាជាមួយអង្គបោះឆ្នោត ដើម្បីចែករំលែកពីការវាយតម្លៃសភាពការណ៍​ជាតិ និងអន្តរជាតិ ព្រមទាំងជំរុញឱ្យការងារមូលដ្ឋានកាន់តែមានប្រសិទ្ធភាព ក៏ដូចជាផ្សារភ្ជាប់​ទំនាក់​​ទំនង​ឱ្យកាន់តែជិតស្និទ្ធជាមួយអាជ្ញាធរមូលដ្ឋាន និងក្រើនរំឭកដល់មន្ត្រីនៅមូលដ្ឋាន ឱ្យ​បង្កើនការយកចិត្តទុកដាក់លើភារកិច្ចរបស់ខ្លួន ពិសេសការផ្តល់សេវាសាធារណៈឱ្យបានល្អ​ប្រសើរ ព្រមទាំងការដោះស្រាយបញ្ហានានា ដែលជាក្តីកង្វល់របស់ប្រជាពលរដ្ឋនៅមូលដ្ឋាន ឱ្យ​មានប្រសិទ្ធភាពខ្ពស់ និងទាន់ពេលវេលា៕

ញត្តិគាំទ្រ ចំណាត់ការរបស់រាជរដ្ឋាភិបាលកម្ពុជាក្នុងការដោះស្រាយបញ្ហាការងារទាមទារដែនសមុទ្រដោយសន្តិវិធី និងស្របតាមច្បាប់អន្តរជាតិ

គ្រោះធម្មជាតិទឹកជំនន់ប៉ុន្មានឆ្នាំចុងក្រោយនេះ បានបំផ្លិចបំផ្លាញហេដ្ឋារចនាសម្ព័ន្ធជាច្រើន សម្រាប់ក្របខណ្ឌខេត្តកំពង់ចាម ក្នុងនោះរួមមាន: ផ្លូវគមនាគមន៍ និងច្រាំងទន្លេ ជាដើម។ ទោះបីជាអាជ្ញាធរខេត្ត និងមន្ត្រីគ្រប់លំដាប់ថ្នាក់ប្រឹងប្រែងខិតខំស្ដារឡើងវិញ ប៉ុន្តែឃើញនៅមានចំណុចសេសសល់មួយចំនួនតួចដែលមិនទាន់បានរួចរាល់ ដូចនេះសុំចិត្តបងប្អូនប្រជាពលរដ្ឋមេត្តាយោគយល់ និងអធ្យាស្រ័យ។ សកម្មភាព ឯកឧត្តម អ៊ុន ចាន់ដា អភិបាលខេត្តកំពង់ចាម ដឹកនាំមន្ត្រីពាក់ព័ន្ធ អញ្ជើញចុះពិនិត្យស្ថានភាពផ្លូវ ស្ពាន និងច្រាំងទន្លេ នៅក្នុងស្រុកស្ទឹងត្រង់។

មេឃុំពាមកោះស្នា​ប្តេជ្ញាបន្តបំរេីសេវាសាធារណៈ​ និងកសាងអភិវឌ្ឍន៍នៅមូលដ្ឋានខ្លួនឲ្យកាន់ល្អ

ញត្តិគាំទ្រ ចំណាត់ការរបស់រាជរដ្ឋាភិបាលកម្ពុជាក្នុងការដោះស្រាយបញ្ហាការងារទាមទារដែនសមុទ្រដោយសន្តិវិធី និងស្របតាមច្បាប់អន្តរជាតិ

នាព្រឹកថ្ងៃទី២ ខែមិថុនា ឆ្នាំ២០២៦ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងជាសមាជិកអចិន្ត្រៃយ៍សហភាពសហព័ន្ធយុវជនកម្ពុជាថ្នាក់កណ្ដាល បានដឹកនាំកិច្ចប្រជុំត្រៀមលក្ខណៈរៀបចំពិធីប្រកាសទទួលស្គាល់ប្រធានគណៈកម្មាធិការសហភាពសហព័ន្ធយុវជនកម្ពុជាខេត្តកំពង់ចាម ថ្មី ដែលនឹងប្រព្រឹត្តទៅនៅពេលឆាប់ៗខាងមុខ។

រដ្ឋបាលខេត្តកំពង់ចាមរៀបចំពិធី អបអរសាទរខួបលើកទី៧៧ ទិវាកុមារអន្តរជាតិ ១មិថុនា ឆ្នាំ២០២៦ នាព្រឹកថ្ងៃទី២ ខែមិថុនា ឆ្នាំ២០២៦ ឯកឧត្តម ឃន ប្រុស អភិបាលរង នៃគណៈអភិបាលខេត្ត តំណាងដ៏ខ្ពង់ខ្ពស់ឯកឧត្តម អ៊ុន ចាន់ដា អភបាល នៃគណៈអភិបាលខេត្តកំពង់ចាម បានអញ្ជើញចូលរួមពិធីរដ្ឋបាលខេត្តកំពង់ចាមរៀបចំពិធី អបអរសាទរខួបលើកទី៧៧ ទិវាកុមារអន្តរជាតិ ១មិថុនា ឆ្នាំ២០២៦ ក្រោមប្រធានបទ «សន្តិភាពជា មូលដ្ឋានគ្រឹះនៃការគោរព និងសិទ្ធការពារសិទ្ធិកុមារ» នៅសាលសន្នសីទសាលាខេត្តកំពង់ចាម ។ ក្នុងពិធីនេះដែរក៏មានការចូលរួមពីតំណាងអភិបាលក្រុង-ស្រុក , មន្ទីរ-អង្គភាព លោកគ្រូ/អ្នកគ្រូ និងសិស្សានុសិស្ស និងកុមារកំព្រា ប្រម៉ាណជា ៧១៧នាក់។