lashio thar

"ဗကပဝါဒဖြင့် ပြည်သူကို ဦးတည်တိုက်ခိုက်လာသည့် အကြမ်းဖက် PDF" ဇူလိုင် ၁၉ ရက် ညအချိန်က ပခုက္ကူ-ညောင်ပင်ကြီး ပင်မဓာတ်အားခွဲရုံသို့ သွယ်တန်းထားသည့် မဟာဓာတ်အားလိုင်း တာဝါတိုင်အမှတ်(၃၄၀)အား ရေစကြို အကြမ်းဖက် PDF အဖွဲ့က မိုင်းခွဲဖျက်ဆီးခဲ့သည်။ အဆိုပါ ဖျက်ဆီးမှုကြောင့် ပခုက္ကူ၊ ရေစကြို၊ မြိုင်၊ ကမ္မဒေသအတွင်းရှိ မြို့များ၊ ရွာများမှာ ဓာတ်အားပြတ်တောက်သွားခဲ့ရပြီး ဒေသခံပြည်သူများ အခက်အခဲများစွာ ရင်ဆိုင်နေရကြောင်း သိရှိရသည်။ - ယခင်က အကြမ်းဖက် PDF များသည် နိုင်ငံရေးအယူအဆမတူမှုကြောင့် ဖျက်ဆီးမှုလုပ်ရပ်များ လုပ်ဆောင်ခဲ့သည်ဟု ဆိုသော်လည်း လတ်တလောတွင် ၎င်းတို့၏ လုပ်ရပ်များမှာ ဗကပ ဝါဒဆန်သော ယုတ်မာရက်စက်သည့် အကြမ်းဖက်မှုများအဖြစ် ပြောင်းလဲလာကြောင်း တွေ့ရှိရသည်။ - အဆိုပါ ဖျက်ဆီးမှုသည် ပြည်သူများ၏ နေ့စဉ်ဘဝနှင့် စီးပွားရေးကို တိုက်ရိုက်ထိခိုက်စေပြီး ပြည်သူ့အကျိုးစီးပွားကို ရည်ရွယ်လုပ်ဆောင် ဖျက်ဆီးနေခြင်းဖြစ်သည်။ လျှပ်စစ်မီးပြတ်တောက်မှုကြောင့် ဆေးရုံများ၊ ကုန်ထုတ်လုပ်ငန်းစက်ရုံများ အပါအဝင် အခြေခံလူမှုဝန်ဆောင်မှုများပါ ထိခိုက်ခဲ့ရသည်။ - NUG/PDF များသည် ပြည်သူကိုကာကွယ်မည်ဟု ကြွေးကြော်ခဲ့သော်လည်း လက်တွေ့လုပ်ရပ်များသည် ဗကပ (ကွန်မြူနစ်) ဆန်ဆန် “ငါနဲ့မတူ.. ငါ့ရန်သူ”ဟူသည့်ဝါဒကို လက်ကိုင်ထားကာ ရဟန်းသံဃာများ၊ ကျောင်းဆရာ၊ ကျောင်းဆရာမများ၊ နိုင်ငံ့ဝန်ထမ်းများနှင့် အပြစ်မဲ့ပြည်သူများအား ရက်စက်စွာသတ်ဖြတ်ခဲ့ကြသည့်အပြင် ပြည်သူပိုင်အဆောက်အဦများ၊ လမ်းတံတားများကိုလည်း မကြာခဏ ဖျက်ဆီးနေသည်မှာ ငြင်းမရတဲ့သက်သေများပင်ဖြစ်သည်။ - ဒေသခံပြည်သူတွေကတော့ “မီးက တစ်မြို့လုံးပျက်ပြီး မီးမရတော့ ရေအခက်အခဲ စဖြစ်ပြီ။ မီးထွန်းဖို့တောင် အခက်အခဲရှိတယ်။ EPC ကလည်း ရက်ကြာမယ်လို့ တင်ထားတယ်။ အခုဆို ဖုန်းအားသွင်းဖို့ မီးစက်ရှိသူတွေအိမ်မှာ ဖုန်း ၁ လုံး ၁၀၀၀၊ ရေတစ်ထမ်း ၁၀၀၀ ပေးနေရသလို မီးသွေးဖိုး၊ ထင်းဖိုးတွေလည်း အကုန်အကျရှိလာတယ်။ အများပြည်သူသုံး ဓာတ်အားတိုင်တွေကို မိုင်းမခွဲသင့်ပါဘူး၊ ခဏတိုင်း မီးတိုင်ပဲ ရန်ရှာပြီး ဖျက်ဆီးနေကြတယ်၊ ပြည်သူတွေပဲ ဒုက္ခရောက်ရတယ်” ဆိုပြီး ငြီးတွားပြောဆိုနေကြကြောင်း စိတ်မကောင်းဖွယ် သိရှိရသည်။ - ထို့ကြောင့် ပြည်သူ့အကျိုးစီးပွားကို ဦးတည်တိုက်ခိုက်လာသည့် အကြမ်းဖက်သမားများအား အမြစ်ပြတ်ချေမှုန်းနိုင်ရန် ပြည်သူများအနေဖြင့် မိမိတို့၏ ရပ်ရွာအတွင်း သံသယဖြစ်ဖွယ် လှုပ်ရှားမှုများကို သက်ဆိုင်ရာ လုံခြုံရေးအဖွဲ့များသို့ အချိန်နှင့်တပြေးညီ အကြောင်းကြားပေးကြရန်နှင့် ပြည်သူ့လုံခြုံရေးစနစ်တွင် ပူးပေါင်းပါဝင်ဆောင်ရွက်ကြရန် တိုက်တွန်းလိုသည်။ - ဓာတ်အားပြန်လည်ရရှိရေးအတွက် လျှပ်စစ်အင်ဂျင်နီယာအဖွဲ့များ အရေးပေါ် ပြုပြင်ရေး ဆောင်ရွက်လျက်ရှိပြီး ဖြစ်ပွားမှုနှင့် ပတ်သက်၍ ဥပဒေအရ ထိရောက်စွာအရေးယူဆောင်ရွက်သွားမည်ဖြစ်ကြောင်း သိရသည်။ တိုက်ပွဲသတင်းစုံ