lashio thar

မင်းလှ-မင်းဘူးရထားလမ်းပိုင်းတွင် ရထားခရီးစဉ်များပြန်လည်ပြေးဆွဲနိုင်ရေး ပြန်လည်သုံးသပ်ရန် နိုင်ငံတော်သမ္မတ ဦးမင်းအောင်လှိုင် မှာကြား နိုင်ငံတော်သမ္မတ ဦးမင်းအောင်လှိုင်သည် ယနေ့တွင် မင်းဘူးမြို့နယ်၊ မြန်မာ့မီးရထားဘူတာရှိ မင်းလှ-မင်းဘူး ရထားလမ်းပိုင်းအားကြည့်ရှုစစ်ဆေးစဥ် မကွေးတိုင်း၊ မင်းဘူးမြို့နယ်ရှိ မင်းလှ-မင်းဘူးရထားလမ်းပိုင်းတွင် ရထားခရီးစဉ်များ ပြန်လည်ပြေးဆွဲနိုင်ရေး ပြန်လည်သုံးသပ်ရန် တာဝန်ရှိသူများအား မှာကြားခဲ့သည်။ ဒေသခံများ ခရီးသွားလာမှုနှင့် ကုန်စည်ပို့ဆောင်မှုများ ပိုမိုအဆင်ပြေစေရေးအတွက် ရထားခရီးစဉ်များကိုပြန်လည်ပြေးဆွဲနိုင်ရေး ပြန်လည်သုံးသပ်ဆောင်ရွက်ရန် မှာကြားခဲ့ခြင်းဖြစ်သည်။ ထို့နောက် နိုင်ငံတော်သမ္မတသည် မင်းဘူးမြို့၊ ကမ်းနားလမ်းပြန်လည်ထိန်းသိမ်းဖောက်လုပ်မည့်နေရာ၌ ကမ်းနားလမ်းတစ်လျှောက်လိုအပ်သည့် မြစ်ကမ်းပါးထိန်းနံရံများနှင့် တံတားများပြန်လည်ပြုပြင်တည်ဆောက်ထိန်းသိမ်းရန်၊ ကမ်းနားလမ်းကိုစနစ်တကျပြန်လည် ဖောက်လုပ်ရန်နှင့် ကမ်းနားလူနေရပ်ကွက်များစနစ်တကျဖြစ်စေရေး Town Plan ဖြင့်စနစ်တကျသုံးသပ်ဆောင်ရွက်ရန် မှာကြားခဲ့သည်။