ဆင်ဖြူရှင်

အိန္ဒိယ-မြန်မာ-ထိုင်း သုံးနိုင်ငံအဝေးပြေးလမ်းမကြီးစီမံကိန်းနှင့် ကုလားတန်မြစ်ကြောင်း ဘက်စုံသုံးဖြတ်သန်းသယ်ယူပို့ဆောင်ရေး စီမံကိန်းဆိုင်ရာ ညှိနှိုင်းအစည်းအဝေးကျင်းပ ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင် တက်ရောက်အမှာစကားပြောကြား

အိန္ဒိယ-မြန်မာ-ထိုင်း သုံးနိုင်ငံအဝေးပြေးလမ်းမကြီး စီမံကိန်းနှင့် ကုလားတန်မြစ်ကြောင်း ဘက်စုံသုံး ဖြတ်သန်းသယ်ယူပို့ဆောင်ရေး စီမံကိန်းဆိုင်ရာ ညှိနှိုင်း အစည်းအဝေးကျင်းပ

အာဆီယံ ဘုံသဘောတူညီချက် (၅) ချက်ကို ပြန်လည်သုံးသပ်ရန် တိုက်တွန်းသည့်အဆို ပြည်ထောင်စုလွှတ်တော် အတည်ပြု July 9th Five-Point Consensus သည် မြန်မာနိုင်ငံ၏ ပကတိအခြေအနေနှင့် မကိုက်ညီဟု အဆိုတွင် ဖော်ပြ ပြည်ထောင်စုကြံ့ခိုင်ရေးနှင့် ဖွံဖြိုးရေးပါတီ (USDP) မှ ပြည်သူ့လွှတ်တော်ကိုယ်စားလှယ် ဒေါက်တာနန္ဒာလှမြင့် တင်သွင်းထားသည့် “အာဆီယံ ဘုံသဘောတူညီချက် (၅) ချက် (Five-Point Consensus) ကို ပြန်လည်သုံးသပ်ရန် ပြည်ထောင်စုအစိုးရအား တိုက်တွန်းသည့်အဆို” ကို ယနေ့ကျင်းပသည့် ပြည်ထောင်စုလွှတ်တော်တွင် သဘောတူအတည်ပြုခဲ့ကြောင်း သိရသည်။ ပြည်ထောင်စုလွှတ်တော်နာယကက အာဆီယံ၏ ဘုံသဘောတူညီချက် (၅) ချက်သည် အာဆီယံအဖွဲအတွင်း မြန်မာနိုင်ငံ၏ တန်းတူရည်တူ ရပ်တည်မှုကို ထိခိုက်စေပြီး နိုင်ငံတစ်နိုင်ငံ၏ ပြည်တွင်းရေးကို ဝင်ရောက်စွက်ဖက်ခြင်းမပြုရေးဆိုသည့် အာဆီယံ၏ အခြေခံမူများနှင့် ကွဲလွဲနေသည့်အပြင် မြန်မာနိုင်ငံ၏ လက်ရှိပကတိအခြေအနေနှင့်လည်း ကိုက်ညီမှုမရှိသဖြင့် လိုအပ်သလို ပြန်လည်သုံးသပ်ဆောင်ရွက်ရန် ပြည်ထောင်စုအစိုးရကို တိုက်တွန်းသည့်အဆိုအား အတည်ပြုကြောင်း ကြေညာခဲ့သည်။ #SN

အိန္ဒိယ-မြန်မာ-ထိုင်း သုံးနိုင်ငံအဝေးပြေးလမ်းမကြီး စီမံကိန်းနှင့် ကုလားတန်မြစ်ကြောင်း ဘက်စုံသုံး ဖြတ်သန်းသယ်ယူပို့ဆောင်ရေး စီမံကိန်းဆိုင်ရာ ညှိနှိုင်း အစည်းအဝေးကျင်းပ ပြည်ထောင်စုသမ္မတ မြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင် တက်ရောက်အမှာစကားပြောကြား အိမ်နီးချင်းနိုင်ငံများနှင့် မဟာဗျူဟာအရ အရေးပါသည့် အဝေးပြေးလမ်းမကြီးများ ဖောက်လုပ်ရေးလုပ်ငန်းများကို မိမိတို့အစိုးရတာဝန်ယူထားသည့် ကာလအတွင်းရာနှုန်းပြည့်ပြီးစီးမှုရှိစေရေးသက်ဆိုင်ရာ ကဏ္ဍအလိုက် ကြိုးပမ်းအကောင်အထည်ဖော်ဆောင်ရွက် နေပြည်တော် ၊ ဇူလိုင် -၉ President U Min Aung Hlaing delivers address at the Coordination meeting on India-Myanmar-Thailand Trilateral Highway Project, Kaladan Multi-Modal Transit Transport Project #PPIB

သာဝတ္ထိ အထက(သာဝတ္ထိ)ကျောင်းဝန်းအတွင်း သစ်ပင်လဲကျမှုဖြစ်ပွား၊ မီးသတ်တပ်ဖွဲ့ ရှင်းလင်းဆောင်ရွက် July 9th ဇူလိုင် ၉ ရက် မွန်းလွဲ ၁ နာရီ ၁၅ မိနစ်ခန့်က နေပြည်တော်၊ လယ်ဝေးမြို့နယ်၊ သာဝတ္ထိမြို့၊ ကွက်သစ်ရပ်ကွက်ရှိ အ.ထ.က(သာဝတ္ထိ)ကျောင်းဝန်းအတွင်း သစ်ပင်လဲကျမှု ဖြစ်ပွားခဲ့သည်။ သတင်းရရှိသည်နှင့် သာဝတ္ထိနယ်မြေမီးသတ်စခန်းမှ မီးငြှိမ်းသတ်ယာဉ်(၁)စီးနှင့် သန္ဓေမီးသတ်တပ်ဖွဲ့ဝင်များ အခင်းဖြစ်ပွားရာသို့ သွားရောက်ကာ သစ်ပင်ဖယ်ရှားရှင်းလင်းရေးလုပ်ငန်းများ ဆောင်ရွက်ခဲ့ကြောင်း သိရသည်။ #SittNaing

၉-၇-၂၀၂၆ ယနေ့ ဇူလိုင် ၉ ရက်နေ့တွင် ကျင်းပသည့် ပြည်ထောင်စုလွှတ်တော်တွင် အာဆီယံရဲ့ ထုတ်ပြန်ချက်နဲ့ စပ်လျဉ်းပြီး အဆိုရှင် ဒေါက်တာနန္ဒာလှမြင့်ရဲ့ သဘောထား ပြောကြားချက်နှင့် လွှတ်တော်ရဲ့အဆုံးအဖြတ် ရယူခြင်း။ Truth Waves

ကျန်နေခဲ့တဲ့ ညီငယ်၊ ညီမငယ်တို့ အမြန်ထွက်ပြေးလွတ်မြာက် အလင်းဝင်နိုင်ကြပါစေ Truth Waves

နေပြည်တော်တိုင်းစစ်ဌာနချုပ်တိုင်းမှူးဒိုင်းလက်ဝှေ့ပြိုင်ပွဲဖွင့်ပွဲကျင်းပ ဇူလိုင်  ၉ နေပြည်တော်တိုင်းစစ်ဌာနချုပ်၏ ၂၀၂၆ ခုနှစ်၊ တိုင်းမှူးဒိုင်းလက်ဝှေ့ပြိုင်ပွဲဖွင့်ပွဲကို ယမန်နေ့ညနေပိုင်းတွင် နေပြည်တော်တိုင်း စစ်ဌာနချုပ်၊ ပုဗ္ဗသီရိအားကစားခန်းမ၌ ပြုလုပ်ရာ တိုင်းမှူးဗိုလ်ချုပ်ကြည်သိုက်နှင့်အဖွဲ့ဝင်များ၊ အရာရှိ၊ စစ်သည်၊ မိသားစုဝင်များ၊ ဒိုင်အဖွဲ့များ၊ ပြိုင်ပွဲဝင်အသင်းများနှင့် အားကစားဝါသနာရှင်များ တက်ရောက်ကြသည်။ #SN

လမင်းစီမံချက်ဖြင့် နိုင်ငံသားစိစစ်ရေးကတ်မရရှိသေးသူများအား နိုင်ငံတစ်ဝန်း ဆောင်ရွက်ပေးလျက်ရှိ July 9th နေပြည်တော်တွင် ဇူလိုင် ၈ ရက်က လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ပြည်ထောင်စုဝန်ကြီး ဦးမြင့်ကြိုင်နှင့် ဒုတိယဝန်ကြီး ဦးလင်းဇော်ထွန်းတို့သည် ပျဉ်းမနားမြို့နယ် အမှတ် (၃) အခြေခံပညာအထက်တန်းကျောင်း၌ လမင်းစီမံချက်ဖြင့် နိုင်ငံသားစိစစ်ရေးကတ်နှင့် e-ID စနစ် UID ကတ် ထုတ်ပေးနေမှုများကို ကြည့်ရှုစစ်ဆေးခဲ့သည်။ ထို့နောက် One Stop Service စနစ်ဖြင့် ထုတ်ပေးပြီးသည့် နိုင်ငံသားစိစစ်ရေးကတ်နှင့် UID ကတ်များကို ကျောင်းသား၊ ကျောင်းသူများထံ ပေးအပ်ခဲ့ပြီး ဝန်ထမ်းများနှင့် ကျောင်းသား၊ ကျောင်းသူများအား စားသောက်ဖွယ်ရာများ ထောက်ပံ့ပေးခဲ့ကြောင်း သိရသည်။ ဝန်ကြီးဌာနအနေဖြင့် အသက် ၁၈ နှစ်ပြည့်ပြီး နိုင်ငံသားစိစစ်ရေးကတ် မရရှိသေးသူများ၊ ပျောက်ဆုံး သို့မဟုတ် ပျက်စီးသွားသူများနှင့် အသက် ၁၀ နှစ်ပြည့် ကျောင်းသား၊ ကျောင်းသူများကို လမင်းစီမံချက်ဖြင့် နိုင်ငံတစ်ဝန်း ဆောင်ရွက်ပေးလျက်ရှိကြောင်း သိရသည်။ #SN

မီးလောင်မှုအတွင်း ဘိုးဘွားနှစ်ဦးကို အသက်စွန့်ကယ်တင်ခဲ့သည့် ဦးချိုအား ဂုဏ်ပြုဆုငွေ ချီးမြှင့်မည် July 9th မန္တလေးမြို့၊ ချမ်းမြသာစည်မြို့နယ်တွင် ဖြစ်ပွားခဲ့သည့် ဂိုဒေါင်ဟောင်းမီးလောင်မှုအတွင်း သက်ကြီးဘိုးဘွားဇနီးမောင်နှံကို အသက်စွန့်ကယ်တင်ခဲ့သည့် အသက် (၆၆) နှစ်အရွယ် ဦးချိုအား အလှူရှင်များနှင့် ရွှေမေတ္တာလူမှုကူညီရေးအသင်းတို့က ဂုဏ်ပြုဆုငွေများ ချီးမြှင့်သွားမည်ဖြစ်ကြောင်း သိရသည်။ ဇူလိုင် ၆ ရက် နံနက်ပိုင်းက ၁၀၁A လမ်းနှင့် ၆၇A လမ်းထောင့်ရှိ ဂိုဒေါင်ဟောင်းတွင် မီးလောင်မှုဖြစ်ပွားစဉ် ဦးချိုက မီးခိုးနှင့် မီးတောက်များကြားသို့ သုံးကြိမ်တိုင်တိုင် ဝင်ရောက်ကာ ပိတ်မိနေသည့် သက်ကြီးဘိုးဘွားနှစ်ဦးကို ကယ်ထုတ်နိုင်ခဲ့သည်။ ကယ်တင်ခံခဲ့ရသည့် ဦးတင်ထွန်း (၆၄ နှစ်) သည် ဆေးကုသမှုခံယူနေစဉ် မီးလောင်ဒဏ်ရာပြင်းထန်မှုကြောင့် ကွယ်လွန်ခဲ့ပြီး၊ ဇနီးဖြစ်သူမှာ ဆက်လက်ဆေးကုသမှုခံယူနေကြောင်း သိရသည်။ ဦးချို၏ ရဲဝံ့စွာကယ်တင်ခဲ့သည့် လုပ်ရပ်ကို ဂုဏ်ပြုသည့်အနေဖြင့် မရွှေလဲ့၏ မမကြီးမိသားစုက ဂုဏ်ပြုဆုငွေ ကျပ် ၁၀ သိန်း ချီးမြှင့်မည်ဖြစ်ပြီး၊ မီးဘေးသင့်မိသားစုအတွက်လည်း စုစုပေါင်း ကျပ် ၁၀ သိန်း ထောက်ပံ့လှူဒါန်းသွားမည်ဖြစ်ကြောင်း သိရသည်။ #SN

စစ်မှုထမ်းကအချိန်တန််ရင်အိမ်ပြန်‌ရောက်တယ်။ ပဒက်တွေ၆နှစ်ကျော်လာပြီအခုအထိတစ်‌ယောက် မှအိမ်ပြန်မရောက်ကြတော့ဘူး လိမ္မာကြပါ... အမြင်မှန်ရပါ.... နိုင်ငံရေးက မသေမချင်းလုပ်လို့ရတယ်။ လက်နက်ကိုင်ရင်တော့ မသေဘို့ မသေခြာတော့ဘူးဆိုတာ နားလည်ကြပါ။ #ThařSitț

အွန်လိုင်းလိမ်လည်မှု (Telecom Fraud)နှင့် ဒုစရိုက်မှုလုပ်ငန်းများတွင် ဆက်စပ်ပါဝင်ခဲ့ကြသည့် တရုတ်နိုင်ငံသား ၂၃၉ ဦး မြန်မာ - ထိုင်း အမှတ်(၂) ချစ်ကြည်ရေးတံတားမှတစ်ဆင့် သက်ဆိုင်ရာနိုင်ငံသို့ ထပ်မံလွှဲပြောင်းပေးအပ် #SN

ရွှေကုက္ကိုလ်နယ်မြေအတွင်း အွန်လိုင်းလိမ်လည်လောင်းကစားမှုကျူးလွန်ရာတွင် အသုံးပြုခဲ့သည့် တရားမဝင် ၆ ထပ်အဆောက်အအုံ ၁ လုံး အား စနစ်တကျ ထပ်မံ ဖောက်ခွဲဖျက်ဆီး၊ တရားမဝင်လူနေအဆောက်အအုံ ၇၀ လုံး ဖြိုချဖျက်ဆီးပြီးဖြစ် #SN

အမှုထမ်းအဆင့် နိုင်ငံ့ဝန်ထမ်းများအား အခမဲ့ခရီးသွားခွင့်ပေးရေး လွှတ်တော်တွင် မေးမြန်း July 8th ကလောမဲဆန္ဒနယ်မှ ဒေါက်တာနန္ဒာလှမြင့်က အမှုထမ်းအဆင့် နိုင်ငံ့ဝန်ထမ်းများအား နိုင်ငံအတွင်းရှိ ကုန်းကြောင်း၊ ရေကြောင်းနှင့် လေကြောင်းခရီးစဉ်များတွင် တာဝန်ဖြင့်ဖြစ်စေ၊ အခြားအကြောင်းကိစ္စဖြင့်ဖြစ်စေ အခမဲ့ခရီးသွားလာနိုင်ရေးကို ဦးစားပေးအဆင့်ဖြင့် စီမံဆောင်ရွက်ပေးနိုင်ခြင်း ရှိ၊ မရှိနှင့် ရှိပါက မည်သည့်ဘဏ္ဍာနှစ်တွင် အကောင်အထည်ဖော်ပေးနိုင်မည်ကို လွှတ်တော်တွင် မေးမြန်းခဲ့သည်။ ဒေါက်တာနန္ဒာလှမြင့်က “ဝန်ထမ်းကောင်းမှ နိုင်ငံကောင်းမည်” ဟူသော ရည်ရွယ်ချက်ဖြင့် နိုင်ငံ့ဝန်ထမ်းများ၏ သက်သာချောင်ချိရေးနှင့် သွားလာရေးအဆင်ပြေစေရန် ယင်းအစီအစဉ်ကို စဉ်းစားဆောင်ရွက်ပေးရန် တိုက်တွန်းမေးမြန်းခဲ့ကြောင်း သိရသည်။ #SittNaing

ဇဗ္ဗူသီရိတွင် ဓာတ်အားလိုင်းပြုပြင်မည်ဖြစ်၍ (၂) ရက်ဆက် အချိန်ပိုင်းလျှပ်စစ်ပြတ်တောက်မည် နေပြည်တော်၊ ဇူလိုင် ၈ ဇဗ္ဗူသီရိမြို့နယ်တွင် ဓာတ်အားလိုင်းထိန်းသိမ်းပြုပြင်ခြင်းနှင့် ဓာတ်အားလိုင်းတစ်လျှောက် မလွတ်ကင်းသော သစ်ပင်သစ်ကိုင်းများ ရှင်းလင်းခြင်းလုပ်ငန်းများကို ဇူလိုင် ၉ ရက်နှင့် ၁၀ ရက်တို့တွင် နံနက် ၉ နာရီမှ ညနေ ၅ နာရီအထိ ဆောင်ရွက်သွားမည်ဖြစ်ကြောင်း သိရသည်။ လုပ်ငန်းဆောင်ရွက်နေစဉ် ၁၁ ကေဗွီ အကွက်ကြီး ၄/၅ ဖီဒါကို ယာယီဓာတ်အားပိတ်၍ ဆောင်ရွက်မည်ဖြစ်သဖြင့် သုခသိဒ္ဓိနှင့် ဝဏ္ဏသိဒ္ဓိရပ်ကွက်ရှိ ဝန်ထမ်းအိမ်ရာများ၊ အ.ထ.က(၁၁)နှင့် အစိုးရနည်းပညာအထက်တန်းကျောင်းတို့တွင် လျှပ်စစ်ဓာတ်အား အချိန်ပိုင်းယာယီပြတ်တောက်မည်ဖြစ်ကြောင်း သိရသည်။ ထို့အပြင် ဇူလိုင် ၇ ရက်ကလည်း ဇဗ္ဗူသီရိမြို့နယ်လျှပ်စစ်အင်ဂျင်နီယာရုံးမှ တာဝန်ရှိသူများက မြို့နယ်အတွင်း လူမနေသည့်အိမ်များ၊ အိမ်ပိတ်များနှင့် ခြံကွက်လပ်များရှိ လျှပ်စစ်မီတာများကို စစ်ဆေးခဲ့ကြောင်း သိရသည်။ #SittNaing

အရှေ့တောင်တိုင်းစစ်ဌာနချုပ်၏၂၀၂၆ ခုနှစ်၊ တိုင်းမှူးဒိုင်း (အမျိုးသား/အမျိုးသမီး) ဘော်လီဘောပြိုင်ပွဲ ဖွင့်ပွဲကျင်းပ နေပြည်တော်   ဇူလိုင်   ၈ အရှေ့တောင်တိုင်းစစ်ဌာနချုပ်၏ ၂၀၂၆ ခုနှစ်၊ တိုင်းမှူးဒိုင်း (အမျိုးသား/အမျိုးသမီး) ဘော်လီဘောပြိုင်ပွဲ ဖွင့်ပွဲကို ယမန်နေ့နေ့လယ်ပိုင်းတွင် တိုင်းစစ်ဌာနချုပ်ရှိ ပြည့်ဇာနည်အားကစားခန်းမ၌ပြုလုပ်ရာ တိုင်းမှူး ဗိုလ်မှူးချုပ်သူရဇော်လွင်စိုးနှင့်တာဝန်ရှိသူများ၊ အရာရှိ၊ စစ်သည်၊ မိသားစုဝင်များ၊ ဒိုင်အဖွဲ့ဝင်များ၊ ပြိုင်ပွဲဝင်အသင်းများနှင့် အားကစားဝါသနာရှင်များ တက်ရောက်ကြသည်။ #SN

ကမ်းရိုးတန်းဒေသတိုင်းစစ်ဌာနချုပ်၏ ၂၀၂၆ ခုနှစ်၊ တိုင်းမှူးဒိုင်း ပိုက်ကျော်ခြင်းပြိုင်ပွဲ ဖွင့်ပွဲပြုလုပ် နေပြည်တော်  ဇူလိုင်  ၈ ကမ်းရိုးတန်းဒေသတိုင်းစစ်ဌာနချုပ်၏ ၂၀၂၆ ခုနှစ်၊ တိုင်းမှူးဒိုင်း ပိုက်ကျော်ခြင်းပြိုင်ပွဲဖွင့်ပွဲကို ယမန်နေ့မွန်းလွဲပိုင်းတွင် တိုင်းစစ်ဌာနချုပ် တိုင်းရန်အောင်ခန်းမ၌ ပြုလုပ်ရာ တိုင်းမှူး ဗိုလ်ချုပ်ကျော်ကျော်ဟန်နှင့် တာဝန်ရှိသူများ၊ အရာရှိ၊ စစ်သည်၊ မိသားစုဝင်များ၊ ဒိုင်အဖွဲ့ဝင်များ၊ ပြိုင်ပွဲဝင်အားကစားသမားများနှင့် အားကစားဝါသနာရှင်များ တက်ရောက်ကြသည်။ #SN

မြန်မာ-ဘယ်လာရုစ် နှစ်နိုင်ငံအကြား ဗီဇာကင်းလွတ်ခွင့် ယနေ့မှ စတင်အသက်ဝင် July 8th တစ်နှစ်အတွင်း အများဆုံး ရက်ပေါင်း ၉၀ နေထိုင်ခွင့်ရရှိမည် မြန်မာနိုင်ငံနှင့် ဘယ်လာရုစ်နိုင်ငံတို့အကြား အပြန်အလှန် ဗီဇာကင်းလွတ်ခွင့် သဘောတူစာချုပ်သည် ယနေ့ (ဇူလိုင် ၈ ရက်) မှစတင်၍ တရားဝင်အသက်ဝင်ပြီဖြစ်ကြောင်း ဘယ်လာရုစ်နိုင်ငံဆိုင်ရာ မြန်မာသံရုံး (အော့တာဝါမြို့) က ထုတ်ပြန်အသိပေးသည်။ အဆိုပါ ပြည်ဝင်ဗီဇာကင်းလွတ်ခွင့်ဆိုင်ရာ သဘောတူစာချုပ်ကို မြန်မာနှင့် ဘယ်လာရုစ် နှစ်နိုင်ငံအစိုးရတို့က ၂၀၂၅ ခုနှစ် နိုဝင်ဘာ ၂၈ ရက်တွင် လက်မှတ်ရေးထိုးခဲ့ခြင်းဖြစ်ပြီး ယနေ့မှစတင်ကာ တရားဝင်အကျိုးသက်ရောက်မှုရှိလာခြင်းဖြစ်ကြောင်း သိရသည်။ သဘောတူစာချုပ်အရ သက်တမ်းရှိ နိုင်ငံကူးလက်မှတ်ကိုင်ဆောင်ထားသည့် မြန်မာနှင့် ဘယ်လာရုစ်နိုင်ငံသားများသည် တစ်ဖက်နိုင်ငံသို့ ဝင်ရောက်ရာတွင် အိမ်ရှင်နိုင်ငံ၏ တည်ဆဲဥပဒေများနှင့်အညီ တစ်ကြိမ်လျှင် ရက်ပေါင်း ၃၀ အထိ ဗီဇာကင်းလွတ်စွာ နေထိုင်ခွင့် ရရှိမည်ဖြစ်သည်။ ထို့ပြင် ပြက္ခဒိန်တစ်နှစ်အတွင်း စုစုပေါင်း ရက်ပေါင်း ၉၀ အထိ ဗီဇာကင်းလွတ်ခွင့်ဖြင့် နေထိုင်နိုင်မည်ဖြစ်ကြောင်း ဘယ်လာရုစ်နိုင်ငံဆိုင်ရာ မြန်မာသံရုံးက အသိပေးထားသည်။ #SittNaing

ပြောရမယ်ဆိုရင် စာသင်ကျောင်းဆိုတာ ကလေးတွေရဲ့ အိပ်မက်တွေ ရှင်သန်ရာ၊ အနာဂတ်ကို ပုံဖော်ရာ "ဘေးကင်းလုံခြုံတဲ့ နိဗ္ဗာန်ဘုံ" တစ်ခုပါ။ ဒါပေမဲ့ ဒီကနေ့မှာတော့ အကြမ်းဖက် NUG လက်အောက်ခံ PDF အဖွဲ့တွေရဲ့ ယုတ်မာတဲ့ လုပ်ရပ်တွေကြောင့် တဖြည်းဖြည်း မှေးမှိန်နေပြီလို့ ပြောရမလိုဖြစ်နေပြီ... ပြီးခဲ့တဲ့ ရက်ပိုင်းက တောင်ငူမြို့နယ်၊ မြပင်ကူးရွာမှာ ကလေးတွေ စာသင်ကြားနေတုန်း အကြမ်းဖက် PDF တွေက လက်နက်ကြီးနဲ့ ပစ်ခတ်တိုက်ခိုက်ခဲ့တဲ့ ဖြစ်စဉ်ဟာ ကလေးငယ်တွေရဲ့ စိတ်နှလုံးကို ဘယ်လောက်ထိ ဒဏ်ရာရစေမလဲဆိုတာ တွေးကြည့်ရုံနဲ့တင် ရင်နာစရာပါ။ "ကျောင်းတက်လို့" ဆိုတဲ့ အကြောင်းပြချက်နဲ့ အပြစ်မဲ့တဲ့ ကလေးတွေကို ပစ်မှတ်ထားတာဟာ ဘယ်လိုမှ လက်ခံနိုင်စရာမရှိတဲ့ ယုတ်မာတဲ့ လုပ်ရပ်ဖြစ်ပါတယ်... ဒါတင်မကသေးပါဘူး၊ ဆားလင်းကြီးမြို့နယ် လက်ပံတောင်းရွာမှာလည်း ကျောင်းသားတွေ ကျောင်းတက်လို့ဆိုပြီး အကြမ်းဖက် NUG PDF တွေက မိဘတွေကို ဖမ်းဆီးကာ ရိုက်နှက်သတ်ဖြတ်လို့ ကျောင်းသားမိဘတစ်ဦး သေဆုံးခဲ့ရတဲ့ သတင်းတွေဟာ တော်တော်လေးကို အော့နှလုံးနာစရာကောင်းလှပါတယ်... ကလေးတစ်ယောက်ကို ကျောင်းမတက်ဖို့ ခြိမ်းခြောက်တာ၊ ကျောင်းကို ပစ်ခတ်တာဟာ အဲဒီကလေးတွေရဲ့ တစ်နေ့တာကို ဖျက်ဆီးလိုက်တာ မဟုတ်ပါဘူး၊ သူတို့တွေရဲ့ ဘဝတစ်ခုလုံးနဲ့ နိုင်ငံရဲ့ အနာဂတ်ကို ဖျက်ဆီးလိုက်တာပါ။ ပညာရေးကဏ္ဍကို တိုက်ခိုက်နေတာတွေဟာ နိုင်ငံတကာ ရာဇဝတ်မှုတွေ ဖြစ်သလို၊ လူသားမျိုးနွယ်အပေါ် ကျူးလွန်တဲ့ ပြစ်မှုတွေလည်း ဖြစ်ပါတယ်... ကလေးတွေ လက်ထဲမှာ ပတ်ဝန်းကျင်မှာ သေနတ်တွေ၊ ကျည်ဆံတွေ ဗုံးဆံတွေ မဟုတ်ဘဲ စာအုပ်စာပေတွေနဲ့ လှပတဲ့အိပ်မက်တွေပဲ ရှိသင့်ပါတယ်… ပညာရေးဟာ ငြိမ်းချမ်းရေးရဲ့ အခြေခံအုတ်မြစ်ဖြစ်တဲ့အတွက် အဲဒီအုတ်မြစ်ကို ဖြိုဖျက်နေတာတွေဟာ နိုင်ငံတစ်နိုင်ငံရဲ့ အနာဂတ်ကို မှောင်မိုက်စေမှာ အသေအချာပါပဲ… ဒါကြောင့် ဒီလိုစစ်ရာဇဝတ်မှုကျူးလွန်တာတွေရပ်တန့်ဖို့အတွက်ဆိုရင် အကြမ်းဖက် NUG နဲ့ NUG လက်အောက်ခံ PDF တွေကို ပြည်တွင်းမှာတင်မကဘဲ နိုင်ငံတကာကပါ ထိထိရောက်ရောက် ဖိအားပေးပြီး ပြတ်ပြတ်သားသားချေမှုန်းဖို့ လိုပါတယ်… ဒါမှသာ ကလေးငယ်တွေရဲ့ဘဝအိပ်မက်တွေနဲ့ နိုင်ငံရဲ့အနာဂတ်ကလှပမှာဖြစ်ပါတယ်… သီဟဝဏ္ဏ

ထွန်းမြတ်နိုင်သေသွားပြီလား တပ်မတော်က ဗုံးကျဲလို့ ထွန်းမြတ်နိုင် အပြင်းထန်ဒဏ်ရာရသွားခဲ့လို့ ဘင်္ဂလား ဒေ့ရှ် မှာ ဆေးသွားကုနေရတယ် ဆိုတဲ့ သတင်းက ဟိုးလေးတကျော် ဖြစ်လာတယ်။ ဘင်္ဂလားဒေ့ရှ် သတင်းထောက်တွေ ကိုယ်တိုင် သိလို့  ဘင်္ဂလားဒေ့ရှ် နိုင်ငံခြား ရေးဝန်ကြီး က မဟုတ်ဖူးလို့ မငြင်းခဲ့ဘဲ သူ သတင်းအချက်အလက် မရထားဘူး လို့ ပဲ ဖြေသွားခဲ့ပါတယ်။ ဟုတ်လို့ကျော်၊ ပုပ်လို့ပေါ် ဆိုတဲ့စကားပုံ အရ ဆိုရင်တော့ ဒီသတင်းက သေချာ သလောက်ရှိသလို မြေပြင်သတင်းက လည်း ခိုင်လုံတယ်လို့ ဆိုတာမို့ ထွန်းမြတ်နိုင် ဒဏ်ရာ ရတာ  ရာနှူန်းပြည့် မှန်နေပြီ လို့ ပြောရတော့မှာပါ။ ဒီသတင်းထက် အခုပိုပြီး စိတ်ဝင်စားဖို့ ကောင်းဗုံးထိထားတဲ့ ဒဏ်ရာကြောင့် ထွန်းမြတ်နိုင် သေပြီ ဆိုတဲ့ သတင်းပါပဲ။ တကယ်သေ၊ မသေ ဆန်းစစ်တုန်းလို့ ဆိုနိုင်ပေမယ့် AA ဘက်က နေ ထွန်းမြတ်နိုင်မသေသေးကြောင်း ထုတ်ပြန်မပေးနိုင်သေးသလို သက်သေလည်း မပြနိုင်သေးတာ မို့ ဒီအချိန်မှာ ထွန်းမြတ်နိုင် သေသွားပြီ လို့ ရာနှူန်းပြည့်နီးပါးမှန်လိမ့်မယ် လို့ ယူဆ ပါတယ်။ တစ်ဖက်မှာလည်း ထွန်းမြတ်နိုင် ဒဏ်ရာ ရရာကနေ သေဆုံးသွားပြီ ဆိုတဲ့ သတင်း ကြောင့် AA အဖွဲ့အတွင်း မှာ အကြီးအကျယ်စိတ်ဓာတ်ကျဆင်းနေကြတယ်။ မင်းသုန္ဒရ