Уже доступно! Исследование Telegram 2025 — ключевые инсайты года 
The Queen of chess♟♟
Открыть в Telegram
نقدم لك محتوي اقتصادي سياسي قائم علي الأسس العلمية و الدراسات الميدانية مع تحليلات للاحداث السياسية و الچيوسياسية العالمية ♟♟
Больше📈 Аналитический обзор Telegram-канала The Queen of chess♟♟
Канал The Queen of chess♟♟ (@chessqu) языкового сегмента Арабский является активным участником. Сейчас сообщество объединяет 21 535 подписчиков, занимая 3 238 место в категории Спорт и 979 место в регионе Египет.
📊 Показатели аудитории и динамика
С момента создания невідомо проект демонстрирует стремительный рост, собрав аудиторию из 21 535 подписчиков.
Согласно последним данным от 25 июня, 2026, канал показывает стабильную активность. За последние 30 дней изменение числа участников составило -253, а за последние 24 часа — -15, при этом общий охват остаётся высоким.
- Статус верификации: Не верифицирован
- Уровень вовлечённости (ER): Средний показатель вовлечённости аудитории составляет 26.32%. В первые 24 часа после публикации контент обычно набирает 13.47% реакций от общего числа подписчиков.
- Охват публикаций: В среднем каждый пост получает 5 670 просмотров. В течение первых суток публикация набирает 2 901 просмотров.
- Реакции и взаимодействия: Аудитория активно поддерживает контент: среднее количество реакций на один пост — 583.
- Тематические интересы: Контент сосредоточен на ключевых темах, таких как دَولَة, دُولَار, حُكُومَة, عَالَم, دَين.
📝 Описание и контентная политика
Автор описывает ресурс как площадку для выражения субъективного мнения:
“نقدم لك محتوي اقتصادي سياسي قائم علي الأسس العلمية و الدراسات الميدانية
مع تحليلات للاحداث السياسية و الچيوسياسية العالمية ♟♟”
Благодаря высокой частоте обновлений (последние данные получены 26 июня, 2026) канал поддерживает актуальность и высокий уровень охвата публикаций. Аналитика показывает, что аудитория активно взаимодействует с контентом, что делает его важной точкой влияния в категории Спорт.
21 535
Подписчики
-1524 часа
-717 дней
-25330 день
Загрузка данных...
Похожие каналы
Облако тегов
Входящие и исходящие упоминания
---
---
---
---
---
---
Привлечение подписчиков
июнь '26
июнь '26
+30
в 5 каналах
май '26
+47
в 5 каналах
Get PRO
апрель '26
+30
в 5 каналах
Get PRO
март '26
+186
в 5 каналах
Get PRO
февраль '26
+61
в 5 каналах
Get PRO
январь '26
+72
в 5 каналах
Get PRO
декабрь '25
+41
в 5 каналах
Get PRO
ноябрь '25
+72
в 5 каналах
Get PRO
октябрь '25
+93
в 6 каналах
Get PRO
сентябрь '25
+47
в 5 каналах
Get PRO
август '25
+95
в 6 каналах
Get PRO
июль '25
+177
в 6 каналах
Get PRO
июнь '25
+283
в 6 каналах
Get PRO
май '25
+114
в 6 каналах
Get PRO
апрель '25
+206
в 7 каналах
Get PRO
март '25
+66
в 5 каналах
Get PRO
февраль '25
+220
в 5 каналах
Get PRO
январь '25
+262
в 5 каналах
Get PRO
декабрь '24
+525
в 5 каналах
Get PRO
ноябрь '24
+198
в 5 каналах
Get PRO
октябрь '24
+413
в 5 каналах
Get PRO
сентябрь '24
+327
в 6 каналах
Get PRO
август '24
+553
в 5 каналах
Get PRO
июль '24
+422
в 6 каналах
Get PRO
июнь '24
+434
в 5 каналах
Get PRO
май '24
+375
в 4 каналах
Get PRO
апрель '24
+156
в 4 каналах
Get PRO
март '24
+726
в 1 каналах
Get PRO
февраль '24
+1 598
в 6 каналах
Get PRO
январь '24
+1 130
в 6 каналах
Get PRO
декабрь '23
+1 261
в 4 каналах
Get PRO
ноябрь '23
+2 222
в 4 каналах
Get PRO
октябрь '23
+2 644
в 3 каналах
Get PRO
сентябрь '23
+1 142
в 0 каналах
Get PRO
август '23
+756
в 0 каналах
Get PRO
июль '23
+24
в 0 каналах
Get PRO
июнь '23
+31
в 0 каналах
Get PRO
май '23
+101
в 0 каналах
Get PRO
апрель '23
+159
в 0 каналах
Get PRO
март '23
+800
в 0 каналах
Get PRO
февраль '23
+351
в 0 каналах
Get PRO
январь '23
+626
в 0 каналах
Get PRO
декабрь '22
+1 206
в 0 каналах
Get PRO
ноябрь '22
+6 263
в 0 каналах
| Дата | Привлечение подписчиков | Упоминания | Каналы | |
| 26 июня | +1 | |||
| 25 июня | 0 | |||
| 24 июня | 0 | |||
| 23 июня | +3 | |||
| 22 июня | 0 | |||
| 21 июня | 0 | |||
| 20 июня | 0 | |||
| 19 июня | 0 | |||
| 18 июня | +3 | |||
| 17 июня | 0 | |||
| 16 июня | +1 | |||
| 15 июня | +2 | |||
| 14 июня | 0 | |||
| 13 июня | 0 | |||
| 12 июня | +1 | |||
| 11 июня | +2 | |||
| 10 июня | 0 | |||
| 09 июня | 0 | |||
| 08 июня | +5 | |||
| 07 июня | +1 | |||
| 06 июня | +4 | |||
| 05 июня | 0 | |||
| 04 июня | +5 | |||
| 03 июня | +2 | |||
| 02 июня | 0 | |||
| 01 июня | 0 |
Посты канала
و راح قايل احنا صادراتنا كلها علي بعضها حاليا 48 مليار دولار صناعة و غيرها
في حين ان صادرات الكيان 160 مليار دولار و مفيش عجز ميزان عنده
" طبعا خدامين ميدبولا ريأكتد : ايها الفااااجر الدااااعر انت ازاي تقارن بالكيان .. خسئت يا ابن حلزة .. و اللات و المعزة لنشفخنك شفخ الشفيخ
عواااالم .. و ربي جوقة عواااالم "
لكن الراجل كان يقصد يقول الحقيقة المرة
ان الكياااان العدو .. اللي انتوا بتتوعدوا له اقتصاديا
موطن صناعات قومية
عنده قطاع اعمال خاص بيه
قطاع الاعمال ده موازنته بتصب في ايرادات الدولة
بيقدر من خلال صادراته يصرف علي البحث العلمي لتوطين صناعات جديدة
مسيطر علي قطاعات تصديرية عالية بتجلب له اموال خاصة من الصناعات التحويلية
📌 طب ليه يا سيادة الوزير رقمهم كبير كده
قال 👈🏻 عندهم صناعات تحويلية تعتمد علي المكون المحلي 🤷🏻♀️🤷🏻♀️
و استطرد كلامه " حلوة استطرد دي 🙄 "
الحقيقة ان مفيش وصول ل 100 مليار صادرات بدون توريط ميزان المدفوعات في عجز كارثي الا بالصناعات التحويلية
الشطارة مش اني اقول تمام يافندم الصادرات وصلت 100 مليار
لازم اشوف الانعكاس علي الواردات
و دي اللي اهم من الصادرات في وضعنا الحالي
" وزير صناعة بيفهم يا نااااس .. انا مش مصدقة نفسي و الله 🤷🏻♀️🤷🏻♀️ "
📌 عند حضرتك خطة نحقق بيها الهدف ده :
🔹لا انا خطتتي توطين 7 صناعات هامة في مصر هما اللي قادرين علي انقاذ اقتصادها
ملابس .. منسوجات .. صناعات غذائية .. صناعات دوائية .. صناعات الكترونية .. سيارات .. معدات كهربائية و هندسية
و بدأت اشتغل عليها بالفعل
و انا مهتم بالعائد الاقتصادي لها
و مش مستهدف تحقيق ارقام علي ورق و التباهي بيها
عااااااش و الله 👏🏻👏🏻👏🏻
🔘 المأساة هنا يا سيادة الوزير :
انك واقع تحت سطوة خدام صندوق النقد
اللي متارجت انه يدمر الصناعة في مصر تماماااا
و يخلينا شعب عويل بيستورد الاندرويرور حتي 🙄🙄
ف هو هيكعبلك بحاجتين :
▪ هتصطدم معاه في زوربيح الاراضي اللي خصصها لمستثمرين اجانب " لاجئين " .. و انت سحبتها
▪ الطاقة 🤷🏻♀️
الطاقة يا سيادة الوزير اللي هي احد العوامل الرئيسية لتوطين الصناعة
ده بيفصل الغاز عن مصنع كيما .. عشان يبيع الغاز تصدير و يقبض كاش و يسدد فوايد ديونه
و دي ازمة كبيرة 🤷🏻♀️🤷🏻♀️
✨ حضرتك بقا هتاخد ورقك ده كله
و تطلع بيه علي الاتحادية
لأن انت كشفت اكاذيب هما روجوها .. و مش هتسلم منهم
هتقعد مع الرئيس
و تقوله ان نص المعلومات اللي جت لسيادتك عن مسارنا الصحيح لتحقيق رغبة سيادتك في صادرات 100مليار دولار دي اكذوبة و تمامات 67
و الوضع الحقيقي كذا كذا كذا
و انا محتاج كذا و كذا لتحقيق التارجت ده .. و اللي اهم من تحقيق ارقام عبثية غير مدروسة بتلبسنا في حيط بعد كده
اني محتاج ارسخ صناعات تحويلية تشيل الاقتصاد فيما بعد
و متصدقش الحرامي اللي بيقولك امتلاك الدولة لقطاع اعمال ده اشتراكية كخ كخ .. انما تسول لقمة العيش و لله يا محسنين رأسمالية دح دح 🤷🏻♀️🤷🏻♀️
خد بالك يا بشمهندس خالد
اللي نفضوا للفيروس .. هما الوزرا اللي نجحوا 👌🏻👌🏻
كل الدعم من قلب كل مصري شريف غير منتفع من العصابة .. نفعه الوحيد هو بلده
و don't care my dear
اي تاجر اثار او مخدرات هكا و لا هكا
هنطلعهولك مسرح لما يندم انه جاب سيرتك
مصر فيها 100 مليون شريف
انما خدامين الفيروس دول وساخة رحم بعد نزيف ليس إلا
ربنا معاك و يعينك علي معركتك يا بشمهندس خالد .. مصر تستحق تحارب عشانها 👌🏻👌🏻👌🏻
| 2 | 🔵 يبدو أننا امام وزير شريف جديد :
في ظل الليالي الحالكة السواد
لابد ان هناك ضوء 👌🏻
وزير الصناعة المهندس خالد هاشم
♦انا معرفوش لذلك وقت التعيين .. كان اصلا خبر التجديد لفيروس ميدبولا يسد النفس
لكن تحركات المهندس خالد هاشم
و تصريحاته المتسقة مع الواقع .. تستحق الاشادة
🔹اول سمعي بيه هو تواجده في روسيا من اسبوعين في المنتدي الصناعي لدول بريكس
و تصريحه الصادم للصحفية
اما سألته : سيادة الوزير كامل الوزير سلمك 8000 مصنع تم انشاءهم خلال عهده گ وزير صناعة ... ايه خطة حضرتك لهم
📌 رده كان صادم لكنه صادق :
قالها الكلام ده غير صحيح
انا مستلمتش حتي 1000 مصنع
و هناك مغالطة في الارقام
الصناعة متعرفش الحبر علي ورق .. الصناعة تعرف السلعة النهائية اما تخرج من المصنع
🔹يعني ايه يا سيادة الوزير
📌 قالها يعني ال 8000 مصنع دول عبارة عن 8000 ورقة
و لازم نميز في تصريحات المسئولين خصوصا لما نستخدم ارقام
في فرق بين تخصيص ارض لاقامة مصنع .. و تقديم طلب لاقامة مصنع .. وتقديم طلب للحصول علي رخصة لتشغيل صناعي .. و صناعة و انتاج بالفعل
كل رقم لازم يتقدم لوحده ... لأن اضافتهم علي بعض ده خطأ " ربما يكون غير مقصود 🙄 ..... لأ هو تضليل يا بشمهندس خالد .. ده اسمه و توصيفه تضليل 🤷🏻♀️
🔹صحفي تاني قاله الاعلامي احمد موسي كان بيقول : ده احنا بنفتتح مصنع كل 7 دقايق و قدرنا نفتتح 8000 مصنع
📌 راح ابتسم ابتسامة رخمة كده
و قاله مفتتحناش حاجة و استأذن و مشي
صراحة ربنا .. انا قولت بيأسفن كامل الوزير لحساب ميدبولا
لكن ان بعض الظن اثم حقيقي .. غفر الله لي وله سوء ظني
بعد البحث بقا
طلع ان فعلا في خلط اوراق
الطلبات للتخصيص + طلبات الرخص + طلبات التمويل + انشاء فعلي لمصانع صغيرة تم التشغيل فيها " تعادل ورشة " عددها 610
كل ده اترصد و بقا 8000 ورقة .. ف اتحسبت 8000 مصنع 🤷🏻♀️🤷🏻♀️
🔘 المهندس خالد اتحرك تحرك لن يرضي عنه من حوله :
📌 طلع تصريح قال فيه ان تصريحات الارقام العشوائية دي لازم تقف
و انا مش هعتمدها
و مش هقول ارقام كبيرة و خلاص عشان اوسع قاعدة وهمية للصناعة .. وانا اصلا معنديش صناعة
و هطبق قاعدة باريتو 20/80 " هبقا اشرحهالكم 👌🏻"
📌 التصريح التاني : مش المفروض ان وزارة الصناعة تدعم اي مشروع و السلام
الدعم اللي هتقدمه الوزارة هيكون للصناعات اللي الدولة محتاجاها
و الاولوية للمنتج و المصنع المحليين في الدعم لو عايز الصناعة تساهم في رفع الناتج المحلي
▪ و علي اساس ده : عمل فلترة للشخروميت الف طلب رخصة اللي عنده بتوع " المستثمرين .. اللي نصهم لاجئين طبعا " و اترفضوا
📌 التحرك التالت : كان في زيارة في اسكندرية للمناطق الصناعية
راح لقي المناطق عبارة عن اراضي صحراوية مفيش فيها اي انشاءات
بس عليها يفط " ارض مخصصة لفلان لانشاء مصنع كذا "
راح مراجع بيانات تخصيص الاراضي دي
لقاها اراضي متسقعة 🤷🏻♀️🤷🏻♀️
قام ساحب تخصيصها كلها 🤷🏻♀️🤷🏻♀️
اقسم بالله قلب أسد
سحب من كله بقا
مستثمر لاجئ معفن دفعله 5000 دولار دفعة تخصيص .. و لا مصري فهلوي بيسقعها و بعدين يبيعها بالمتر
و سابهم يلطموا
و قالهم اللي عايز يكمل حيازة الارض
قدامه خطوات :
▪ يطلع انشاءات المصنع
▪ يخلص الترفيق " دخول المرافق "
▪ يوريني بيانات الماكينات و موقفها استلمها .. اشتراها .. استوردها
غير كده تعالوا خدوا فلوسكم و بالتقسيط زي ما دفعتوا 👌🏻👌🏻
و عمم الخطوة دي علي الجمهورية كلها
اتااااااري عضو القايمة في المجلس الموئر بيقولك السيد وزير الصناعة يتخذ اجراءات تقلق المستثمرين
( خدووها قاعدة 👈🏻 اي حد من اعضاء القايمة الوطنية يهاجم وزير .. تعرفوا ان الوزير ده شريف علي طوووول
اي حد يهبش فيه تجار المخدرات و الاثار دول ... تدعموه لأنه راجل نضيف 👌🏻 )
🔷🔶 الحاجة الاهم بقا اللي صرح بيها :
و اللي انا بعتبره اسلوب العلاج بالصدمة
📌 هو احنا يا سيادة الوزير هنوصل ل 100 مليار دولار صادرات بحلول 2030
🔹 سيادة الوزير : لأ
اختصر انت يا عزيزي كل التبريرات الدبلوماسية اللي قالها في كلمة 👈🏻 لأ
هو ااااه صعب انك تقول للرئيس ان الطموح بتاع سيادتك اللي طلبته للصادرات .. لن يتحقق
و كل الارقام اللي اتقالت لك دي ارقام زائفة .. و تمامات 67 ليس إلا
لكن لازم تقول الحقيقة 👌🏻👌🏻
📌 ليه يا فندم مش هنوصل ل 100 مليار دولار صادرات 🤔
🔹عشان احنا معندناش صناعة اصلا توصلنا للرقم ده
و لو وصلنا له بوضعنا الحالي .. يبقا امام ذلك الواردات هتكون من 130 ل 140 مليار دولار .. و ده عجز كارثي
لأن حتي الصناعات الداخلية اللي انت معتمد عليها
حضرتك بتستورد من 50% الي 60% منها مكون اجنبي
انهي صناعة توصلك ل 100 مليار دولار صادرات و هي معتمدة علي الواردات بنسبة 60% 🤷🏻♀️🤷🏻♀️ | 2 117 |
| 3 | و انتوا گ فلسطينيين عليكم بقبول اليهود گ شركاء لكم في ارضكم
معاهم عقود ملكية
و تأقلموا نفسكم علي وجودهم
و تم اسقاط القضية باعتراف محكمة العدل الدولية بأحقية تملك اليهود للارض و البيوت و الحقول 🤷🏻♀️🤷🏻♀️
في عيلة تانية بردو
هحكيلكم حكايتها بكرة و دورها القوي 👌🏻👌🏻
لكن انهاردة البداية بقانون تملك الاجانب ... و بكرة تصدير العقار علي ايد العيلة التانية 👌🏻👌🏻
طبعا في بقا البيع الفردي
لما الفلسطينيين لقوها خربانة خربانة
باعوا بيوتهم و استفادوا بالفلوس و هربوا
لكن في ناس قاومت
يمكن مقاومتها راحت تحت وطأة ان الصوت الاعلي كان للخونة و السلطة التنفيذية في ايد الاحتلال
بس ميأسوش
و فضلوا يقاوموا
التاريخ انهاردة بيقول عليهم انهم ابطال .. مقبلوش التفريط في ارضهم و ماتوا في سبيل وطنهم
زي المفتي امين الحسيني .. و موسي العليمي و نجاة شلقم
في ابطال بيقدروا يتصدوا عن بلدهم .. حتي لو التمن حياتهم 👌🏻👌🏻
( يا احنا .. يا احنا ..... عشان انت خلاص ملكش مكان وسطنا 👌🏻👌🏻) | 2 935 |
| 4 | تراكمت الديون
مفيش فلوس يسدد
الضرايب راحت في مظاهر البهرجة و بناءه ل 53 قصر في ارجاء الدولة العثمانية ومساجد باسمه
هوووووب 👈🏻 سنة 1867 صدر قانون تملك الاجانب
" و رحمة ابويا اسمه كده 👈🏻 قانون تملك الاجانب لاراضي الدولة العثمانية 🚩🚩 "
بينص علي ايه القانون ده :
▪ باشباني چاكوب قرة " بشمهندس يعني "
يعمل حصر بالاراضي المترامية في انحاء الدولة العثمانية
بما فيها من بيوت او ارض زراعية بمزارعيها او معالف " حظائر يعني "
و يعرضها للبيع علي الاجانب في مزاد "🚩 برنامج حصر اصول الدولة لتعظيم استغلالها "
و الاموال اللي هتيجي منها هيتم وضعها لحساب سداد الدين دون الاخذ من الخزينة الخاصة " 🚩 تخفيف اعباء الديون علي الموازنة "
🔹آل سرسق هنا دخلوا و اشتروا 190 الف دونم بتراب الفلوس سنة 1869
مين اللي دخل سرسق و رسوا عليه المزاد 👈🏻 موشي جونربورغ 👌🏻
و مين اللي خلص المزاد 👈🏻 جاكوب قرة صو 👌🏻
( ادخل كده علي جوجل و اسأل هو السلطان عبد العزيز اقترض من البنوك الاوروبية زوربيح ديون بفوايد خرافية ليه 👈🏻 جوجل هيقولك عشان يمول خطة اصلاح اقتصادي للدولة العثمانية في دماغه بس
انتهت ببيع الدولة العثمانية و تقليصها في حدود تركيا 🙄 "
🔹 الايام بتمر
المواطنين في ارجاء الدولة العثمانية مش قادرين يسددوا ضرايب .. الفقر في جميع انحاء الدولة
الناس اعلنت عدم قدرتها علي دفع الضرايب و قفلوا تجارتهم
مفيش ايرادات
جت سنة 1875
و البنوك الاوروبية ارغمت السلطان عبد العزيز الاول علي اعلان افلاس الدولة العثمانية
و الاعلان عن المزاد الكبير لبيع الاراضي الاميرية لحساب الدائنين
و دخلت عائلة سرسق تاني و اشترت 240 الف دونم
بنفس الطريقة
صحيح هو تم عزل عبد العزيز الاول سنة 1976 .. بس بعد خراب مالطا بقا 🤷🏻♀️🤷🏻♀️
كده بقا آل سرسق في حيازتهم دونمات كتير .. غير اللي اخدوها من الافراد بطريقة كسر الديون عليهم و الاستيلاء علي الحجج 👌🏻👌🏻
🔘 جينا بقا للانتداب البريطاني علي فلسطين :
و وصول المندوب البريطاني لفلسطين لانهاء صفقته مع تيودر هرتزل بنقل المستوطنين المهاجرين اليهود من اوروبا و توطينهم ارض فلسطين
▪المرحلة الاولي من سنة 1891 لسنة 1910
و دي اشرف عليها سامي جونزبورغ نفسه
و كانت عبارة عن نقل ملكية اراضي غور الاردن لتصرف الانتداب البريطاني
اللي جاب المهاجرين اليهود و سكنهم في البيوت و عطاهم الاراضي دي يزرعوها
" طب و الفلسطينيين الفلاحين اللي فيها 👈🏻 هجروهم لمناطق تانية "
▪من 1920 ل 1921 : الصفقة الكبري
و اعلان ولاية الانتداب البريطاني رسميا دون العودة للدولة العثمانية علي اراضي الشام و فلسطين
و هنا تم انشاء 👈🏻 الصندوق القومي لليهود المهاجرين في فلسطين " 🚩 مفوضية اللاجئين "
بناءا عليه قام نجيب سرسق بنقل ملكية 200 الف دونم من منطقة مرج بن عامر الي الصندوق القومي لليهود
نسأل سؤال مهم 👈🏻 هو يا خويا نجيب سرسق ده عمال يتنازل هو ولاده عن الارض كده لييييه 🤔 .. مش دي املاكه بردووو 🤔
ف نوصل لاجابة 👈🏻 ان الفلوس اللي اشتري بيها اصلا مكنتش فلوسه ... دي فلوس المؤتمر الصهيوني
و انه مجرد براڤان عشان شعب الدولة العثمانية المسلم العبيط ميقولش بتبيعوا لليهود 🤷🏻♀️🤷🏻♀️
📌 الصندوق القومي لليهود اخد الاراضي عمل بيها ايه 👈🏻 وزعها علي المهاجرين
و سكنهم في بيوت
و اعطاهم طابوهات ملكية
و اخد 30 دونم عملهم معسكر للعصابات المسلحة اللي هي الارجون و الهاجاناه وما شابه تحت زعم 👈🏻 رغبة الصندوق القومي لليهود ل حماية المهاجرين و توفير حياة جيدة لهم ومساعدتهم علي تجاوز الاثار السيئة للاضطهاد الاوروبي " 🚩 توفير حياة كريمة للاجئين و تقديم كافة اشكال الدعم لهم 🙄 "
▪من 1924 ل 1925 : صفقة خليج حيفا و تنازل آل سرسق عن باقي الدونمات اللي في حيازتهم
للانتداب البريطاني
و اللي اتنازل عنها للصندوق القومي لليهود
اللي انشأ عليها 6 مستوطنات و منطقة صناعية لاستقدام العمال اليهود الانجليز المهجرين من مصانع انجلترا 👌🏻
و بكده انتهي دور سرسق اليهودي اللي اشتري نيابة عن الصهيونية 🤷🏻♀️🤷🏻♀️
🔷🔶 حد بقا عرف ياخد قيراط واحد من المستوطنين ... ابداااا 🤷🏻♀️🤷🏻♀️
و هي دي القضية الفلسطينية اللي بيضحكوا عليكم بيها
قضية رفعها امين الحسيني و موسي العليمي في محكمة العدل الدولية علي الصندوق القومي لليهود
انهم استولوا علي اراضي الفلسطينيين بالتواطؤ مع الانتداب البريطاني
📌 لكن خسروها
لأن الصندوق القومي لليهود ورقه سليم
الاراضي عثمانية .. العثماني اتزنق عمل قانون تملك الاجانب و باع اراضيه
الاجانب اشتروا و هو قبض
و عقود البيع و الشراء اهي و سليمة
يبقا البيوت دي و الاراضي دي ملك الصندوق القومي لليهود و هو حر يتصرف في املاكه براحته | 2 712 |
| 5 | 🔵 #درس_من_التاريخ:
من طبعي مبفرضش علي حد الشير .. لكن الموضوع ده شير علي قد ما تقدر و عرف المصريين صفحات التاريخ السودا شكلها ايه
و ازااااي مخططات الصهاينة طويلة الاجل وبتتنفذ 👌🏻👌🏻
يمكن يكون في امل 🤷🏻♀️🤷🏻♀️
🔘 #الاستيلاء_علي_فلسطين:
في جهتين في العالم فيهم قصة الاستيلاء علي فلسطين :
🔹دار الوثائق الفلسطينية
و دي هتلاقي فيها صور تنازل الانتداب البريطاني عن الاراضي لمنظمة توطين المهاجرين اليهود من اوروبا
📢 خد بالك كل تشابه مع الحاضر هعملك عليه red flag " 🚩 منظمة توطين اللاجئين .. اللجنة الوطنية لتوطين اللاجئين "
▪هتلاقي فيها رسايل متبادلة بين هرتزل و محمد باشا سراج الدين الوالي العثماني علي فلسطين
هرتزل بيختار فيها الاراضي و محمد سراج الدين بيصيغله القوانين اللي علي اساسها يقدر يملك المهاجرين اليهود البيوت او الحوانيت " الدكاكين يعني " او الاراضي الزراعية
" 🚩 قانون تملك الاجانب "
▪صكوك نقدية بحجم التبرعات المالية اللي وصلت لفلسطين من العرب و علي رأسهم مصر لاعادة شراء الاراضي اللي الفلسطينيين باعوها بشكل فردي للسمسار اليهودي و مساعده السمسار الفلسطيني مصطفي ريان ابو الاعلامي البارز في قنوات الجزيرة جمال ريان في منطقة طولكرم 👌🏻👌🏻
▪الصفقات الكبيرة للعائلات اللي تنازلت عن الاف الدونمات للحركة الصهيونية
في ارشيف عبارة عن 1112 صفحة " و تقدروا تنزلوه من النت "
🔹الجهة التانية : الارشيف العبري لتاريخ دولة اسرائيل ومقره في القدس
و ده مكتبة كبيرة و متاح 50% من الوثايق و المستندات للعرض علي الجمهور
و فيها
▪ ارشيف توثيق بطولات العائلات اليهودية في بناء الدولة 👌🏻
▪ارشيف المجلس البريطاني لقرارات الملك چورچ السادس عن تهجير اليهود من انجلترا
ثم تكفيرهم عن تلك الخطيئة ب وعد بلفور
▪مراحل اتمام وعد بلفور
و صفقات قيام الدولة
و المبالغ اللي اندفعت كلهااااا
🔷🔶 لما اوروبا قررت تهجر اليهود منها .. و تخلص من قرفهم
اليهود ملقوش صدر حنين يلمهم غير الدولة العثمانية
" راجع رقعة قيام اسرائيل .. و دور اليهود العثمانيين في قيامها "
كانوا بيضطروا للحفاظ علي املاكهم انهم يعلنوا مسيحييتهم و يروحوا بعض الكنايس للتعميد
و عشان لا تسلب منهم ثرواتهم و دهبهم .. ف كانوا بيعملوا لجوء لاراضي الدولة العثمانية
محتميين بقوانينها
من ضمن العائلات الكبري دي في اليونان 👈🏻 عائلة سركيس اليهودية
اللي استخبت في المذهب الروم الارثوذكس لانه المذهب المسيطر علي اليونان
و بعد ما جمعت دهبها و صفت تجارتها
انتقلت الي الشام العثماني .. و تحديدا لبنان 👌🏻 .. لبنان ده اسم حديث علي فكرة 👌🏻
📌 لكن ايه دليل احتفاظ العائلة دي بيهوديتها 👈🏻 علاقة الصهر و النسب بينهم و بين موشي جونربورغ
تاجر يهودي زوجته اورشيلا كانت هي المسئولة عن ملابس و اقمشة و مجوهرات الحرملك العثماني
و نزحوا لاسطنبول في موجة نزوح اليهود البولند اثناء الاضطهاد
دخل القصر عن طريق زوجته و نفوذ الحريم " قاشاه قادين " محظية السلطان
و وصل نفوذه لدرجة ان ابنه سام بقا طبيب الاسنان الخاص بالسلطان عبد الحميد التاني وقبله طبيب خاص للسلطان عبد العزيز الاول
الدكتور 👈🏻 سامي جونزبورغ 👌🏻
اللي بعد كده بقا مفوض السلطان في اراضي مرج بن عامر وخليج حيفا و غزة و غور الاردن و الموصل في العراق 👌🏻
♦ علي الناحية التانية كان في عائلة اسمها سركيس .. اعلنت مسيحيتها و بقت سرجيوس
اللي مع الزمن بقا اسمها 👈🏻 آل سرسق
آل سرسق دول بقا كانوا لابدين في الدرة
قاعدين في قصرهم في لبنان
لكن عمالين يستقبلوا في دفعات اليهود اللي بتيجي من بولندا و المجر و النمسا و يدخلوها فلسطين
و في نفس الوقت اسسوا نظام التمويل بالفوائد في لبنان
بنك صغير يسلف الناس دهب و يسترده بعد فترة بفايدة
مين يا ولاد اللي وضع علم المراباة و احتكار الدهب في الكوكب 👈🏻 اليهود
و اللي ميسددش
يبيعوا حجة ارضه او بيته في المزاد ... ياخدوا الدين بتاعهم و يرموا لصاحب الحجة الفتافيت الباقية 👌🏻
" 🚩 بيع الاصول الخاص ببرامج صندوق النقد الدولي "
🔘 جت الدولة العثمانية تراكمت عليها الديون
و بدأوا يدخلوا في ازمة مالية
راح اتعمل قانون اسمه 👈🏻 قانون الطابو العثماني سنة 1858
ده قانون بيتيح حق انتفاع الاجانب للاراضي العثمانية مقابل قيمة تأجيرية تدفع نقدا لمرة واحدة في بداية الطابو
اللي وضع القانون ده احمد جودت باشا رئيس ديوان الاحكام العدلية
و لجنة متخصصة من المهندسين
يترأسهم چاكوب قرة صو
مهندس يهودي و يبقا جد عمانوئيل قرة صو رئيس ديوان الحسبة في عهد عبد الحميد التاني 👌🏻👌🏻
السلطان عبد العزيز الاول فضل يقترض من الخارج بدون اتزان و لا عقل
وكان بيقترض بضمان اراضي الدولة
حكم من سنة 1861 لحد ما تم عزله 1876 بعد ما خربها حرفيا | 2 702 |
| 6 | ♦و الحقيقة معرفش كلمة " مجهول " دي جت منين 🤔
ده معلوم و معلوم و نص كمان
راشيو هي الشريك القطاع الخاص للحكومة الاسرائيلية
قطاع الطاقة و الانشاءات في اسرائيل بتملكه بالكامل الحكومة
لكن عشان تخفف عن نفسها اعباء الادارة و الاتفاقات .. بتجيب كيانات خاصة تقوم ب ده
الكيان الخاص ده في قطاع الطاقة هو راشيو بتروليوم 🤷🏻♀️🤷🏻♀️
و هي الشركة المصنفة في بورصة تل ابيب علي انها الشريك الاستراتيجي للحكومة
ده كمان وزارة المالية الاسرائيلية هي اللي بتضمن اسهم راشيو عند المداولين 🤷🏻♀️🤷🏻♀️
🔘 طب ما تيجوا بقا نتعرف علي ملاك راشيو العظماء :
📌 ديفيد روتلفي : عضو بلدية تل ابيب عن حزب الليكود المتطرف بتاع نتنياهو
ده غير انه تم تعيينه في التمانينات ملحق اقتصادي لسفارة اسرائيل في امريكا لادارة التعاون الاقتصادي
📌 يشوع لانداو : و ده احنا لنا معاه ذكرياااااات
يشوع لانداو يبقا صاحب شركة الانشاءات و المقاولات اللي دخلت سينا بعد نكسة 67 و في يوم و ليلة قامت بانية كل المستوطنات الاسرائيلية في سينا
📌 ايتان ايزنبرج : و ده العقل الجيولوجي المدبر لكل صفقات و نجاحات اسرائيل في مجال الطاقة
و بالنسبة لنا احنا 👈🏻 ده الشخص اللي اتكلف بادارة حقول سينا بعد النكسة
حقول خليج السويس و حقل علما
اللي كان بيدب ايده في مصارين مصر و يستخرج بترول يوديه لتل ابيب .. جي انهاردة يكررها
بس مزاجنا بقا
مش احتلال عسكري لأ بمزاجنا 😒😒
- الصفقة هتتم يا دكتورة 👈🏻 معرفش
- الريس هيوافق يا دكتورة 👈🏻 معرفش
- الاسئلة الاستفزازية : المخابرات فين و الجيش فين و مش عارف ايه فيييين
هو انتوا عقولكم مش فيكم يا اخواننا ... هو صفقة استحواذ طرفها اسرائيل محتاجة جهات سيادية تبت فيها
انتوا بتستعبطوا نفسكم مثلا 🤷🏻♀️🤷🏻♀️
📌 فاكرين شركة التنقيب اللي اتعمل ملفها و اتجهز
قالك لأ فيها صعوبة اننا كده بنرجع في دايرة القطاع العام
و تملك الدولة لشركات تزاحم المستثمر الاجنبي
و ده ضد اتفاقنا مع صندوق النقد في برنامج الاصلاح الاقتصادي و التخارج الحكومي لحساب لقطاع الخاص و الاستثمارات
ايوا يا دكتور بس كل دول العالم عندها شركات حكومية بتسيطر علي قطاع الطاقة
قالك احنا اصلا عاملين برنامج تخارج حكومي و طروحات .. ازاي هندخل بقا تاني 🤷🏻♀️🤷🏻♀️
اشرب بقا
اشرب نجاحات التخارج و رفض الصندوق لتملك الدولة لشركات قطاع عام
اتلعبت حلو اوووووي .. اتلعبت بحرفية
و طبعا متستغربوش لما تلاقوا IPR هي كمان بتبيع حصتها ال55% ل راشيو .. بس مستنية المرحلة الاولي تخلص
اللي عايز يعتبر ده نجاح حكومي و جذب استثمارات و هيجي يناقشني هيشوف مني مالا يرضيه
انت مش طرف اصلا
راشيو هتدفع كاش و فاروس هتقبض كاش انت برا الحسبة
الا بقا لو السعار خلف الدولار يخليك تطلب لامؤاخذة عمولة مقابل التوقيع بمبرر جلب عملة صعبة للخزينة لتخفيف اعباء الموازنة 🤷🏻♀️🤷🏻♀️
جماعة انا تعبت
و مش عارفة أحلق علي ايه و علي ايه و لا علي ايه
اصوت و ألطم في الموازنة اللي اتسرقنا فيها عيني عينك ... و لا اصوت و ألطم في قانون تملك الاجانب و خطورته ... و لا اصوت و ألطم في الاقتصاد اللي عمال بيتدشمل يوم عن يوم و بيت ابونا بيتخرب
و لا كمان أصوت و ألطم في التنبيه إلحقووووووا الصهاينة بيتسرسبوا جوا مصر
انا تعبت .. اقسم بالله تعبت و أنهكت جدااا 🤷🏻♀️🤷🏻♀️ | 3 048 |
| 7 | 🔵 #صفقة_راشيو_الاسرائيلية:
الواحد بقا يوميا بيصحي علي كارثة و وصل لمرحلة الشلل في التفكير 🤷🏻♀️🤷🏻♀️
الحكاية عشان تبقوا فاهمين بدون كلام الاقتصاديين المجعلص المنتشر و ارقامه و نسبه
♦في 2019 وزارة البترول اعلنت عن مزايدات التنقيب في منطقة الصحراء الغربية
جت شركة فاروس انرچي البريطانية فازت ب حصة تقدر ب 45% من عدد 11 حقل
موجودين في جنوب الفيوم و شمال بني سويف
و شركة IPR الامريكية اخدت 55%
📌 الحصص بتتقسم ازاي في البترول :
بنقدر قيمة الانتاج المتوقع من الحقل
طلع مثلا 1000 دولار
تقوم مصر تحصل علي حاجة اسمها اتاوة التنقيب .. و دي نسبتها 18% بتاخدها كاش
يبقا مصر قبضت 👈🏻 180 دولار
🔹الباقي يرجع كأنه 100% تاني
الباقي اللي هو 👈🏻 820 دولار
يتقسم علي الشركتين 45% للبريطانية بقيمة 369 دولار .. و 55% للامريكية بقيمة 451 دولار
في شركة تابعة للهيئة العامة للبترول اسمها بتروسيلة
وظيفتها ادارة العمليات
يعني تجيب عمال .. لوادر .. متطلبات معيشة .. و بتاخد اجرة مقابل ده بيعود عليها
السؤال هنا 👈🏻 مين اللي عمل العقد ده
يعني مين اللي شاف ان حق مصر من خيرها هو انها تقبض 18%
و ان باقي خير الحقول يروح للاجانب لمدة 25 سنة .. في حين الفترة التقديرية لعمر الحقل 28 سنة 🤷🏻♀️🤷🏻♀️
مين بجد صاحب الفكرة السافلة دي 🤷🏻♀️🤷🏻♀️
ما علينا دلوقت لأن ده اقل شئ في اللي جي
🔘 شركة فاروس انرجي دي شركة مستقلة عن الحكومة البريطانية مدرجة بالكامل في بورصة لندن
🔸 يعني ايه ادراج بالكامل 👈🏻 يعني كل ما تملكه الشركة هو عبارة عن اسهم بيتم التداول عليها في البورصة
📌 في بقا شركة اسرائيلية اسمها راشيو بتروليوم
بيملكها 3 عائلات يهودية عايشة في اسرائيل
لانداو - روتلفي - ايتان ايزنبرج
راحوا لمجلس ادارة فاروس و عرضوا عليهم شراء الشركة بالكامل عن طريق الاستحواذ
🔸يعني ايه استحواذ 👈🏻 يعني شراء و تملك كل الاسهم اللي بتمثل كيان الشركة من حملة الاسهم
و بكده الشركة هتتحول لشركة تضامن بدلا من مساهمة و تؤول ملكيتها لهؤلاء الافراد 🤷🏻♀️🤷🏻♀️
♦ايه الاسباب اللي يخلي حملة الاسهم تبيع ل راشيو :
سببين :
▪السبب الاول : الاسهم دي مش مع اشخاص .. دي مع شركات في هيئة محافظ
كل شركة بتشتري مجموعة من الاسهم و تدخلها داخل محفظتها
▪السبب التاني : بريطانيا معظم شركتها بتفلس
الرأسمالية بتنهار تماما في بريطانيا .. اقسم بالله الحكومة البريطانية علي وشك اعلان افلاسها بسبب تراكم الديون و عدم امتلاكها لقطاع يدر عليها ايرادات تسدد ديونها " الخية اللي مدبولي بيدخلنا فيها هو وعصابته "
السهم بتاع فاروس في البورصة مش بيزيد عن 11.5 بنس
راشيو عارضة 28 بنس للسهم
بقيمة اجمالية 164 مليون دولار حوالي 124.3 مليون جنيه استرليني " اكتر من ضعف القيمة السوقية للشركة كلها 🤷🏻♀️🤷🏻♀️
ف لازم يبيعوا طبعا
🔷🔶 الصفقة هنا انتهت مع مجلس ادارة فاروس و راشيو حصلت علي الدعم و الموافقة
كمان راشيو نجحت في الحصول علي تعهدات بيع من 42% من مالكي رأس المال " حائزي الاسهم "
▪ التعهدات دي مش شفوي
راشيو ضخت سيولة عبارة عن deposit في راس مال الشركات حائزي اسهم فاروس عشان تنقذهم من الافلاس
♦لكن الصفقة لحد دلوقت مش نهائية .. معلقة او مجمدة
لحين الانتهاء من شرطين
▪ الاول : لازم راشيو تنجح في الحصول علي 75% + 1 من الاسهم
بالتالي هيتحقق شئ اسمه علة الالزام
يعني يتم الزام ال 25% - 1 الباقيين من حملة الاسهم انهم يبيعوا ل راشيو
و هتنجح بسبب الوضع المالي السئ في بريطانيا
▪التاني و ده الاهم : موافقة مصر علي ان تؤول ملكية حصص فاروس الي راشيو
الموافقة دي ممثلة في توقيع رئيس الحكومة و رئيس الهيئة العامة للبترول ثم مصادقة رئيس الجمهورية
" و ارجوووووكم محدش يسألني و الريس هيوافق يا دكتورة .. الريس في الاتحادية روحوا اسألوه انا مليش فيه 😒 "
طيب فرضنا انتهت راشيو من الشرطين 👈🏻 تؤول كل الاصول التي تملكها فاروس في اي حتة في العالم الي راشيو بتروليوم الاسرائيلية
بما فيها اصولها في مصر 🤷🏻♀️
الاصل في قطاع البترول هو الحقل .. و الحصة في الاصل هي الامتياز
عشان لما يجي المبرراتية خدامين السوشيال يقولم و اييييه يعني
ده استثمار
يعني هي الشركة الاسرائيلية هتاخد الحقل و هي ماشية
تقوم انت تتف في وشه الخنزير عديم الشرف و تقوله لأ مش استثمار .. انت واخد حقك في صورة تافهة هي ال 18% الاتاوة .. انما 45% من انتاج الحقل لمدة 18 سنة اللي هي الفترة الباقية من حق الامتياز هيروح للمواطنين الصهاينة و احنا بنشحت في مصر يا كفرة يا ولاد الكلب 😏😏
🔘 اللغم المزروع في الصفقة دي ايه بقا 👈🏻 الطرف التالت المجهول
من ضمن بنود الصفقة
اللي عايزين ياخدوا عليها توقيع و موافقة 👈🏻 احقية راشيو للتنازل لطرف تالت يساعد في تحمل الاعباء المالية للادارة | 3 002 |
| 8 |  🔘 ده يا ولااااد اول مصدر عقارات في التاريخ
و بكرة بقا هحكيلكم حدوتة البلبل
عشان خطة عم حزمبل 🙄🙄 | 2 893 |
| 9 | المادة 77 و 78 لسنة 37
يعاقب بالاعدام علي ارتكابه واقعه الخيانة للحث علي حيازة اسلحة بغرض توجيهها لاصدقائنا الانجليز
المادة 58 لسنة 49
اصدرها فاروق بنفسه
ضد حيازة الاسلحة و الاعمال الفدائية التي تستهدف الاصدقاء الانجليز و اعتباره عمل عدائي ضد الملك و القصر تستوجب الاعدام رميا بالرصاص لأنها تشكل رفض للرغبات الملكية 😏😏
و الجهلة كانوا بيرددوا و يقولوا اصل الجورنال بيقول عليه خان القصر يابا الحج بوراهيم 🙄 "
ده واحد من اللي قالوا الحقيقة و هيطلع عينه زي ما هشام عز العرب وصف كارثة و اتهان من الحثالة بعدها
🔷🔶 وكان الدكتور محمد فؤاد مع عمرو اديب بيسأله هو احنا ديوننا قلت
قاله لأ زادت
هي قلت گ نسبة من الناتج المحلي .. انما گ رقم هي زادت
و ساب النهاية مفتوحة زي فيلم الفك المفترس كده 🙄🙄
♦ عشان مينفعش يقول ان الناتج المحلي مزادش عشان فيه انتاجية و لا ايراد انتاج لا سامح الله
الناتج المحلي رقمه زاد علي الورق عشان اما الموازنة فلست راح الريس عطي الحكومة 59 هيئة اقتصادية عشان ينقذ افلاسها
و دي ايرادات للموازنة لكن علي الورق فقطططط
انما في الواقع ايرادات الهيئات للهيئات 🤷🏻♀️🤷🏻♀️
عشان ده السيد العييييضو بتاع المجلس الموئر 🙄
عشان مينفعش بعد السنين دي نطلع نقول اووووبس so sorry يا شعب .. موازنتكم فلست مننا 😒😒
يا تري هترقعوها ل ميدبولا ازاي 🤔🤔
مفيش حد بيفهم اقتصاد في اي حتة في الكوكب ممكن يقول غير اللي قاله مدحت نافع
انما بقا الارزقية بتوع اللايك و الشير ... دول كلامهم يتشد عليه السيفون اصلا هما و عقولهم و افكارهم👌🏻👌🏻
هاااا هتحلها ازاي يا كبير 🤔🤔
---------------------------------------------------
🔘 حاجة بقا المذيعة مسمحتش بفرصة يتكلم في خطورتها الدكتور مدحت 👈🏻 اندثار الطبقة المتوسطة من المجتمع
ده من وجهة نظر اقتصادية مش كلام عاطفي
🔹الطبقة المتوسطة حجمها هو اللي بيحدد مؤشر الفساد و الشفافية
يعني ايه :
يعني معروف اقتصاديا
ان الطبقتين الاثرياء و الفقراء هما الطبقتين الاكثر عرضة للفساد
▪ الاثرياء بيستخدموا الرشاوي و الاكراميات و العمولات لتيسيير اعمالهم و مطلباتهم
▪الفقراء بيتجهوا لتلقي الرشاوي لتأمين القدرة علي تلبية احتياجاتهم
لما المجتمع ينقسم لاغنياء وفقراء فقط .. بقا مجتمع فاسد اقتصاديا
مين رمانة الميزان اللي توقف المهزلة دي 👈🏻 كبر حجم الشريحة الخاصة بالطبقة المتوسطة
لأن استمرار قدرتهم علي تلبية مطالبهم مع تنامي الاعراف الاخلاقية بيخليهم لا يلجأوا للفساد
يعني لو مجتمع فيه 10% اثرياء و 20% فقراء و 70% متوسطة
ده بيصنف من المجتمعات النزيهة ذات الشفافية العالية
طب لو مجتمع 6.5% اثرياء و 77% فقراء
ده بالطبع مجتمع فاسد 🤷🏻♀️🤷🏻♀️
🔹الطبقة المتوسطة هي العامل الاساسي اللي بيؤخذ منه معدل انكماش و ركود الاقتصاد او رواجه
ازااااي 👇🏻👇🏻
▪طبقة الاثرياء : لا تنفق اموالها في الدولة
بتفضل الرفاهة الخارجية
و اكتر فئة بتتهرب من الضرايب
▪طبقة الفقراء : هي معندهاش فلوس اصلا تشتري
و كلما زادت .. كلما قلت القدرة الشرائية اللي هي بتحدد انكماش او رواج الاقتصاد
▪مين بقا اللي بيحدث زخم في القوة الشرائية 👈🏻 الطبقة المتوسطة
بالتالي وجودها بيحمي الاقتصاد من الانكماش وبيعزز معدلات النمو 🤷🏻♀️🤷🏻♀️
🔹الطبقة المتوسطة هي الطبقة القائدة للنهوض اجتماعيا
ازااااي 👇🏻👇🏻
انت مش محتاج تعليم ابناء الاثرياء في حاجة .. لأنهم كده كده هيشتغلوا في ادارة ثرواتهم
و لما تزيد نسبة الفقر
اولي نتايجه 👈🏻 التسرب من التعليم و العزوف عن حمل درجات علمية عالية
ف النتيجة 👈🏻 مجتمع من الجهلة
" اااه طبعا دي خطة الحكومة و قناعتي الشخصية فيهم .. لأن مجتمع جاهل يسهل التحكم فيه و استعباده و ده اللي بتسعي له الحكومة "
زي الراجل اللي بنته حصلت علي 96% في الاعدادية و نفسها تطلع دكتورة .. لكن مش هيقدر يدخلها بكالوريا لان الفقر ميسمحلوش بكده
و البهايم الشاردة قعدت تقول عليه اخوان .. اخوااان 😒😒
راح منزلهم صورته هو مراته وولاده قدام الاتحادية في 30 يونيو
ده هيبقا سمة العصر 🤷🏻♀️🤷🏻♀️
" اللي هينططططق بس و يصرخ يا اخوان يا صهيوني علي طووول .. مناخ فاسد يحميه فسدة "
▪ مين بقا اللي قادر علي منع العبث ده و حماية المجتمع من الجهل 👈🏻 ابناء الطبقة المتوسطة 👌🏻👌🏻
مين بقا اللي هيحاسب علي الفاتورة التقيلة دي 🤔🤔
و دكاترة ترقيع فيروس ميدبولا هيحلوها ازااااي 🤔🤔
♦ هي لها حلول اقتصادية 👈🏻 طبعااااا
علم الاقتصاد هو علم ايجاد الحلول
و في قبضة يدددي ✊🏻✊🏻
بس مش هقول 😎😎
قلبي معاك يا دكتور مدحت 😂😂 | 3 743 |
| 10 | 🔹 طلبات ايه يا دكتور نافع
الشعب ده عمره ما كان له طلبات غير انه يعيش مستور
يكمل يومه بشكل متوسط .. يعلم العيال متوسط .. يجوز الواد في شقة متوسطة و عفش متوسط و يخلفوا عيال بردوووو متوسطة
الشعب ده 80% منه بيطلع في الصيف رحلات اليوم الواحد وكان بيرجع مبسووووط و راضي عشان هو ده الرفاهية في المتوسط
الشعب ده اما كانت بتلطش معاه كان بيتغدي جبنة و بطيخ اللي مبقاش قادر يهوب ناحية البطيخة و لا الفاكهة الترفيه الغذائي المتوسط
يا دكتور مدحت اخر دراسة عن سوء التغذية لاطفال مصر و موجودة في مكتبة ال auc واكيد اتبعتتلك زي ما اتبعتتلي ما انت في جروب الجامعة
اطلع عليها لسه طازة في 18 مايو 2026
قالت ان في 14 مليون طفل في مصر حرمووووا من كوب حليب سعته 250 مللي يوميا يكفيهم من احتياجاتهم من وحدات الكالسيوم .. و ذلك بسبب عجز الاباء عن توفير لتر حليب يوميا يترواح سعره من 40 الي 50 جنيه بما يعادل 1400 جنيه في الشهر في المتوسط ... نظرا لنزول معظم فئات المجتمع تحت خط الفقر 🤷🏻♀️🤷🏻♀️
و عشان تتساوي مجتمعيا طلعولهم واحد يقولهم اللبن مش صحي و البيض زيجوت و الفراخ حرام و يبقا تريند
اهو نخترع مبرر للاب يداري فيه عجزه و قلة حيلته و خلاص
متطلبات ايه يا دكتور البت فاطمة ماتت في الاسماعيلية بسبب تراكم الديون عليها و البت التانية هدير اتهرست تحت عربية عيلة ببامبرز عشان مفيش وظيفة محترمة تضمنلها حياة كريمة ف وقفت تبيع شاي في الشارع 🤷🏻♀️🤷🏻♀️
انا بقا اقولك مبارك كان ممشيها ازاي " ما انا شوفت بعيني " :
كان اللي حواليه حرامية اااه بس معلمين .. حرامية فاهمين انهم لازم يكون جنب التهليب رحمة .. عشان يلموها و ميقلبوش الدنيا عليه
انما اللي موجودين حرامية بس فجررررة .. ميهمش تتقلب و لا لا عشان طيارات شركة الطيران الخاصة واقفة و جاهزة في مطار سفنكس
عرفت كان ممشيها ازاي 🤷🏻♀️🤷🏻♀️
📌 16/ ومجانية التعليم
قالها احنا لا عندنا مجانية و لا عندنا تعليم
كده وشششش 🙄
📌 17 / كلمته علي التمويل الاستهلاكي " شركات التمويل زي فاليو وغيرها "
قال نفس جملتي لما هاجمت الفكرة دي بالحررررف 👈🏻 بسبب الفقر المجتمع هيبقا مجتمع من الغارمين .. هنتحبس كلناااا
بالحرررررف قال كده 👌🏻
و قال ان كل كلمة قالها هشام عز العرب كانت واقعية جدا و صح جدااا
اللي السرسجية و انصاف المتعلمين موظفين السويتش سيدهم عطاهم امر هيهوهو عليه
هشام عز العرب اللي ضفره برقبة المجموعات الاقتصادية المتوالية علي مصر
قال جملة عظيمة 👈🏻 طبعا التمويل الاستهلاكي مينفعش مع مجتمع فقير .. مع مواطن بيقترض عشان ياكل 👌🏻👌🏻
عاااااش يا دكتور احسنت الوصف 👏🏻👏🏻
📌 18/ وضعت امامه 10000 جنيه و قالتله ده راتب
المواطن يقدر يعيش بيه
جاوب اجابة مختصرة 👈🏻 مستحيل طبعا .. مينفعش
🔹 طب فندهم طيب عشان خاطري
سكت شوية
و قالها 2000 جنيه ايجار طيب
قالتله فين ده
قالها في العشوائيات
" دكتور مدحت معلومة من اخت 👈🏻 عارف مساكن الزلزال اللي في المقطم ... اللي ديلر المخدرات بيبيع جوا بلكونتك مش تحتها لأ .. جواها بقا
ب 3500 في الشهر 🙄 "
طب 5000 اكل .. طب 1000 علاج
و في الاخر قالها مستحيل .. لازم هيفضل يستلف و يدخل دوامة الغارمين 🤷🏻♀️🤷🏻♀️
🔘 اقسم برب العزة من اصدق اللقاءات اللي شوفتها لكل الخبراء الاقتصاديين اللي في البلد دي
و صوت ضمير مش صوت عقل اللي كان بيتكلم بيه
و منتهي الصدق في اختيار التعبيرات و الجمل
✨ و الحقيقة ان هيصدر تعليمات لميليشيا ميدبولا انهم يفترسوك
و هيتقال فيك كل العبر 😂😂 .. و يطلع بني ادم براس كلب مبيعرفش يكتب اصلا و ساقط عربي و واخد صفر في الاملاء بتاعت ميس حنان ينتقدك في الاقتصاد 😂😂
عارف ليه يا دكتور
عشان احنا رجعنا لاستراتيجية ايام الملكية
مكنش في حاجة اسمها وطن و لا مصر .. لكن كان في الملك و القصر و خدامين الملك و شمشرجية القصر
مفيش حاجة اسمها ولاءك للوطن .. طظ في الوطن .. الوطن هو القصر .. القصر رمز الوطن
اتخطف وطن كامل و تم اختزاله في اشخاص
هتفخم في الاشخاص و تحط ولاءك تحت جزمتهم هتبقا وطني .. هتفضل الوطن عليهم هتبقا ابن كلب خاين
و دي سمة عصور الاحتلالات 👌🏻👌🏻
▪تهمة خيانة الصداقة المصرية الانجليزية بتوزيع منشورات ضد الانجليز و التحريض علي مقاومة الاحتلال
" و الله العظيم دي تهمة في قانون الجنايات المصري المادة 58 لسنة 1937 بتجريم الاعمال الفدائية و توزيع المنشورات و مقاومة الاحتلال و عقوبتها الاعدام عشان خاين " و ربنا مكتوبة كده تجريم العمل الفدائي و مقاومة اصدقائنا الانجليز " | 3 332 |
| 11 | 🔹 فرحت بقا هي ان الفقاعة مش هتنفجر .. و الحمد لله طمنتني
راح قالها لا في سبب ايجابي و في سبب سلبي و كارثي
قول الايجابي طااااه الاول 🥹
ان الحكومة داخلة گ مطور عقاري و بتعمل المساكن لمحدودي و متوسطي الدخل و هيئة المجتمعات العمرانية
يعني لسه شوية
" العمارات اللي هي بقت جزء من منصة تصدير العقار بتاع السيد الوزيرررررة 😎 .. اااه احنا عملناها للمحدود .. طب المحدود اتحدد بحدود محدودة تحده من القدرة علي السداد
خلاااااص في الف غيره يشتريها و من جنسيات اخري .. هنسكنها لسيد سيده 🙄 "
🔸 طب و السلبي 👈🏻 قالها سوق العقارات في مصر هو غسالة اموال 🙄🙄
بتقول ايه يا دكتور نافع 😳
قال الفلوس اللي عايزنها تتغسل ... بتدخل في العقارات اللي موجودة و مش محتاجين انها تتباع
و بعدين هيبقوا يتصرفوا فيها
طلع اللي ساند سوق العقارات في مصر غسيل الاموال 🙄
" هي المذيعة اتصدمت وتنحت .. بس انا اصلا عارفة من فترة 🤷🏻♀️"
📌 10/ اخبار الدولار و الجنيه ايه يا دكتور .. حال الجنيه هيتعدل
قالها 👈🏻 لأ
مفيش حل لسعر الدولار ..و مفيش ارتفاع للجنيه
و ده بسببين :
▪تفاقم الدين الخارجي و اللهث خلف الدولار " ده اللفظ اللي قاله "
▪الفاتورة الاستيرادية الكبيرة .. بسبب اني بطلت اصنع 🤷🏻♀️🤷🏻♀️
و شايف ان الاستيراد الحل الاسهل لظروفي 🙄
📌 11/ ليه الدول اللي جنبك و اللي حصل فيها حروب الاسعار فيها مرتفعتش
و احنا في مصر كل الاسعار ارتفعت يا دكتور
قالها عشان انتي اقتصاد صغير مفتوح
▪كل ده اقتصاد صغير يا دكتور
قالها اااه
اقتصاد صغير او كبير ده اللي بيحدده نصيب الفرد من الناتج المحلي .. و في مصر نصيب الفرد قليل جدااا فالاقتصاد صغير
قدرة المواطن الشرائية صغيرة جدااا
▪ طب و مفتوح 🤔
مفيش له اطار معلوم
" عايز يقول دكانة الحج ميدبولا لشحن ولاعات البوتجاز بس اتحرج 😏 "
📌 12/ هنسدد الدين الخارجي ازاي 🥹
سكت برهة ... برهة طويلة 🙄
و بعدين قالها في عدة محاور
▪اقفل حنفية الاستدانة
" نقفل ايه يا دكتور .. ده الحكومة يومياااااا بتصدق علي قرض جديد 🤷🏻♀️🤷🏻♀️ .. دول بيتسابقوا في وضع البلد تحت الرهنية 🤷🏻♀️🤷🏻♀️"
▪ قالها نرجع لقاعدة 2005 :
اللي هي 👈🏻 مش هستلف دولار الا لو هجيب دولار
يعني مش هستلف دولار لمصنع عوائده بالجنيه و بعد 10 سنين
مش هستلف دين قصير الاجل عشان مشروع عوائده طويلة الاجل
" ما احنا مش بنعمل دراسات جدوي يا دكتور نافع .. احنا بنتعامل من المنطق الالهي كن فيكون 🤷🏻♀️🤷🏻♀️ "
▪اعادة هيكلة الديون
زي اللي عملتها الدول اللاتينية
بس دي فاتورتها تقيلة
و عطي مثال بالارجنتين و سندات بيردي
لكن قال الدول اللي طبقت ال haircut
و الارجنتين معملتش هيركات
اللي عمله البرازيل في التسعينات
جابت ديونها جميعها و عملتها دين طويل الاجل
و وافقت علي الشروط اللي هو خفض التصنيف الائتماني اللي ممكن يمنعها من الاقتراض تاني
لكن هي اصلا كانت خدت قرار بعدم الاقتراض
و قررت تصنع
و من عائد الصناعة دي سددت الديون و قطعت علاقتها بالصندوق و النقد و كل العك ده 🤷🏻♀️🤷🏻♀️
البرازيل رجعت للقطاع العام تاني عشان تنقذ الدولة من البطالة .. و عشان تقدر توفر ايراد يسدد ديونها
و سبب الاطاحة ب ستارمر ان انجلترا معندهاش حاليا الا الضرايب و اللي لم تعد قادرة علي انقاذ المواطنين
عشان مفيهاش الا قطاع خاص 🤷🏻♀️🤷🏻♀️
و انت في مصر عندك من 6 ل 8 مليون مواطن بيشتغلوا في مهنة الديلفري و ده كلام اللجنة الاقتصادية في مجلس الشعب
دي يا حبيبي اسمها بطالة مقنعة 🤷🏻♀️🤷🏻♀️
قالتله اومال البلد دي ماشية ازاي يا دكتور بس
قالها بدعا الوالدين 🙄
يعني بدون الخطوات دي مش هنسدد الديون يا دكتور
قالها اااه 😒😒
📌 13/ تخيل يا اخي المواطن مواليد برج الجحش اللي شايف ان الاموال الساخنة دي انجاز اقتصادي
الدكتور اللي الحكومة بتاخد رأيه و استشارته
شايفها كارثة
و ان مصر فيها 54 مليار دولار اموال ساخنة يعني اكتر من الاحتياطي النقدي نفسه .. دي مصيبة اقتصادية
قادرة علي هدم القطاع المصرفي و المالي في 24 ساعة
و غلط الاعتماد عليها
بس الحكومة مبتسمعش لحد
" الحكومة العرة اللي مفيهاش اقتصادي واااااحد و وزير ماليتها معاه ماجستير في ادارة المنشآت الحكومية و مخدش دكتوراه 🙄 .. ماشية بنظام موتوا بغيظكم "
هتلاقوا الجملة دي في وسط كلامه استخدمها
📌 14/ يعني مفيش امل في الجنيه
قالها 👈🏻 خلينا صرحا الجنيه في اخر سنتين فقط فقد من 15% ل 20% من قيمته
و مكنش في اي استفادة من الفقد ده
🔹 الله .. يعني التعويم كان قرار خاطئ و مش حل
مين بقا اللي هيتحاسب يا دكتور 🤷🏻♀️🤷🏻♀️
📌 15/ هو مبارك كان ممشيها ازاي 🤔
قالها : كان بيلبي الطلبات مش الاحتياجات
يعني ايه 🤔
يعني وقت مبارك كانت طلباتنا في حدود امكانياتنا و بسيطة .. انما حاليا طلباتنا تفوق امكانياتنا ولنا تطلعات | 2 847 |
| 12 | بالله العظيم دي لو دكانة مش هيتم ادارتها كده
هاااا مصابي فيروس ميدبولا .. عرفوا اهمية الصناعة الوطنية
اصل چيلان قاسم وحشة و رجعية
طب مستشار الحكومة .. وحش بردو 🤔
المصانع اللي اتعملت .. اتعملت بالقروض
مجبتش عوائد
محققتش التارجت
و بدأ يستحق اقساطها و فوائدها ف شكلت عبء علينا بدل ما تكون ناتج 🤷🏻♀️🤷🏻♀️
📢 ميييين اللي خرب انجازات الرئيس 🤔
مين اللي شغال ضد رؤية 2030
اللي تحولت من بناء دولة الي سردية لحصر اصول الدولة عشان تتباع عشان تسدد ديون المشروعات اللي انت افشلتها .. ياخي .......😏😏
📌 5/ المذيعة قالتله ايه رأي حضرتك في السياحة
يعني بيتغنوا بأرقام السياحة
قال 👈🏻 لا طبعا السياحة بتاعتنا رقم لا يعول عليه اقتصاديا
و لا يفرق في احتياجات مصر
و اما حس انه صريح اوي .. قالها اصل الظروف الجيوسياسية
و حوالينا مأثرة سلبيا و ايجابيا
الاتنين 🤔 .. ماشي
بس صوت ضميره كان اعلي
قالها لما ابقا عندي قدرة ل 50 مليون سائح و اجيب 15 مليون .. ده مش نجاح 🤷🏻♀️🤷🏻♀️
📌 6/ انتقلت بقا اميرة بدر للجرح الغائر في قلب مصر
مين دمر دمياط يا دكتور
" انا گ چيلان بعتبر ان تدمير صناعة الاثاث في دمياط ده ذنب لن يمحوه الدم حتي .. يعني انا لو شنقت اللي ساهموا في تدمير بلد الشغيلة الكسيبة دول مش كفاية "
قال 👈🏻 ما ده اللي بنتكلم فيه يا استاذة
تدمير دمياط جزء من تدمير الصناعة في مصر
حكي قصة كبيرة عن فشل مدينة دمياط للاثاث التي لا تناسب صنايعية دمياط
و قد اييييه مشروعات بدون دراسات جدوي من احد بنودها البعد الاجتماعي للمشروع محكوم عليها بالفشل 🤷🏻♀️🤷🏻♀️ " بنصحكم تتفرجوا عليه هتفهموا تفاصيل كتير تقولكم ليه مجلس المستشارين كله نط من المركب و خلع "
و عشان التفاصيل الصحيحة اللي حكاها المدينة فشلت " و حاليا بقا يا دكتور بيدوها للاجئين .. السوريين هناك زي النمل .. ما هو معندوش حل زي اللي اشتري تلاجة بالفايظ و بيحرقها عشان يسيل فلوس 👈🏻 دي اضافتي انا "
🔹 طب يا دكتور مرجعناش للدمايطة نصحح ما افسدناه ليه 🤔
قالها بسبب الدولار
اختصارا 👈🏻 الحكومة مسعورة علي الدولار لدرجة انها بتزااااحم فيه السوق " هو قال بتلهث .. مسعورة دي بتاعتي انا "
و الاثاث محتاج استيراد حاجات كتير اهمها الخشب ... ف بالاضافة ل سعر الدولار الخزعبلي .. ده كمااااان مش بيتوفر لهم
الحكومة بتنافس اادمايطة او الشغيلة عموما في الاستحواذ علي الدولار .. راحت دمرت الصناعات 🤷🏻♀️🤷🏻♀️
📌 7/ انتقلنا بقا للضرايب و دورها في تدمير الصناعة في مصر
نظام الجباية الضريبية قام بإفشال الصناعة في مصر
بسبب تعدد المدفوعات الضريبية اللي بتوصل ل 40% من ايرادات المصنع
" 40% من الايرادات
غير 40% من الارباح في فرق
من الايرادات يعني لسه متخصمش مصروفات و رواتب و خلافه
ده معناه ان المدفوعات الضريبية ممكن توصل الي 60% "
و زي ما قال
حتي لو عايز صناعة قطاع خاص .. هيجيلك عندك لييييه ده انت جباية مش ضرايب
" مين اللي كلمكم عن منحني لافير الضريبي و ان زيادة الضرايب بيدخل المجتمع في ركود و فشل اقتصادي نتيجة انهيار الصناعات 🤷🏻♀️🤷🏻♀️ "
📌 8/ قالتله طب و الطرق و الكباري و البنية التحتية يا دكتور
قولي فايدتهم ايه
بمنتهي الصراحة جاوبها 👈🏻 لو قولنا ان الدولة جسد .. الطرق و الكباري و البنية التحتية هي الشرايين للجسد
الشرايين بيمشي فيها ايه عشان نعيش
قالتله الدم
قالها اهو الدم ده هو النشاط الاقتصادي ... و اللي هو مش موجود
احنا معندناش نشاط اقتصادي
لذلك بعد فترة من الزمن هتبلي و هتتهالك 🤷🏻♀️🤷🏻♀️
" اااه بالمناسبة 👈🏻 اهلاك البنية التحتية و اللي بيكون برقم اسمه مصروفات صيانة و تشغيل
مش موجووووود في الموازنة .. ااه و ربنا
ف هنا الرئيس يبقا معتقد انها بنية تحتية ابدية 🤷🏻♀️
🔹 هيكون هنا قدام احتمالين :
▪الاول : انه يتحط امام الامر الواقع في الصيانة
و مفيش فلوس 👈🏻 ف يقترض
▪التاني : يدور علي حد يدهاله حق انتفاع عشان يتكفل بمصروفات التشغيل و الصيانة زي جبل الزيت كده
🔹 طب و ده ينفع 👈🏻 اااه ينفع .. في مقابل مصروفات في هيئة رسوم تفرض علي مستخدمي الخدمة 👌🏻 "
" كتاب تعلم كيف تسرق الموازنة في 7 خطوات 🙄"
📌 9/ العقارات في مصر يا دكتور
هو احنا في فقاعة عقارية 🤔
قالها اااه .. احنا عندنا فقاعة عقارية طبعا
لكن لسه مش هتنفجر دلوقت .. لسه شوية
▪قالتله يعني المناخ العقاري كويس
قالها لأ .. كويس ازاي
المطورين العقاريين عندنا بتعمل عقارات لا تناسب المجتمع
لأن احنا بقا عندنا نسبة كبيرة جدا من السكان تحت خط الفقر
ف بنعمل كومباوندات لمين 🤷🏻♀️🤷🏻♀️
عاااااش يا دكتور .. انا حبيتك فجأة مع اني حالفة علي المبني ده كله .. بس انا بحترم الراجل الصريح بحس انه مبيخدعش رجولته
الراجل الكذااااب ده لامؤاخذة بحس اني عايزة اشفق عليه 3 ايام معينيين في الشهر عنده 😒😒 | 2 926 |
| 13 | 🔵 البوست ده اهداء لمصابي فيروس الميدبولا :
ده تفريغ لاهم نقاط اتكلم فيها الدكتور مدحت نافع عضو المجلس الاستشاري الاقتصادي لرئيس الوزراء .. و مؤسس لجنة ادارة المخاطر
و احد رجال الاعمال البارزين اللي لهم شغل مع الحكومة
و الخبير الاقتصادي " و دي انا اشهد فيها مدحت نافع بيفهم اقتصاد برغم عدم تلاقينا في المدارس الاقتصادية "
مع المذيعة اميرة بدر
" و اللي بتفتقر لادني مواصفات المهنية و بحييه علي ثباته الانفعالي لكم المقاطعات و الصوت العالي البشع 🙄 "
اللقاء ساعة ونص تقريبا عن الوضع الاقتصادي لمصر :
و الدكتور مدحت نافع محسوب علي الحكومة لأنه جزء من مستشاريها 👌🏻👌🏻
" ف تخيل لما مستشار الحكومة يبطل يدافع عنها
لان اي حد عنده مثقال ذرة من شرف مهني او اخلاقي لااااازم يتنصل من هؤلاء الفاسدين 🤷🏻♀️"
فندت اللقاء في 18 نقطة
📌1/ هو يا دكتور الاقتصاد بيتحسن :
تحسن بطئ للغاية غير ملموس و مش هيكون ملموس
" هو اتكسف يقول لأ مفيش تحسن و لا حاجة "
و استشهد بمقولة چون كينز " احسن الاقتصاديين القدامي " 👈🏻 لا يوجد شئ اسمه تحسن في الاجل الطويل .. في الاجل الطويل جميعنا اموات
و بعدين قال لا مش بنتحسن .. مش بنتحسن لأن لو في تحسن 2050 انا مش هكون مهتم هكون مت
" طب فين الحتة التانية اللي هنبقا فيها دي يا جماعة 🤔
طلعت كذبة جديدة من اكاذيب ميدبولا يعني يا دكتور مدحت زي ما بنقول 🤷🏻♀️ .. ده لسه موعودين بيها يا نااااس 🙄"
📌2/ يعني مفيش حاجة بتتحسن 🤔
قال الحكومة او اي حد بيقول الكلام ده بيشتغل علي تحسن الاقتصاد السلوكي
و استشهد بفيلم النوم في العسل لما الوزير قال للمواطنين اقف في المراية و قول انا بومب انا كويس انا تمام
الحكومة بتقولكم ارقام معينة عشان تشعركم بالايجابية وتحسن مزاجكم .. اللي هينهار بمجرد ما تنزل حضرتك السوق تقف تشتري طلباتك و تعرف انه مجرد تصريحات
اميرة بدر قالتله 👈🏻 ده اسمه
Fake it to make it
قالها اه تقريبا
" طب و الارقام اللي بتتحسن 🤔
الله 🤔.. يعني انا صح لما قولت كل هذه الارقام faaake و تم تزييفها و تقييفها 🤷🏻♀️ "
📌 3/ليه مش هنتحسن طيب
قال 👈🏻 الحكومة معندهاش ايرادات و لا تملك حيز مالي
و لذلك عجزها بيزيد
و بتستلف و هتفضل تستلف
مش ده اللي انا بصرخ بيه بقالي سنتين .. طول ما مفيش ايرادات في قروض و في استثمار سلبي في القروض و تفاقم عجز موازنة 🤷🏻♀️
" ده واحد من اللي اتعرض عليه ايرادات و مصروفات الموازنة الجديدة .. هااا😎"
📌 4/ قالتله ليه معندهاش ايرادات طيب و لا حيز مالي
الاجابة كانت 10 من 10 و نجمة الحقيقة
قال 👈🏻 عشان معندناش انتاج
معندناش ايه يا دكتور مدحت 🤔
معندناش انتاج .. لأننا معندناش صناعة
الحكومة معندهاش صناعة
ف مبقاش عندنا انتاج صناعي اللي هو اقوي داعم لاقتصاد اي دولة
و خلاص مبقاش عندنا صناعات تحويلية فقدناها
اللي هي بتكون صاحبة اكبر عائد ايرادي و بتنقذ اي اقتصاد 🤷🏻♀️🤷🏻♀️
الدكتور مدحت قال ببساطة وجهة نظره اللي هي اكتر نظرية اقتصادية محترمة في العالم
قال 👈🏻 الصناعة هي اكتر منصة جيدة لاستغلال الطاقة اللي انت بتستخرجها و بتجيبلك منها عوائد
و هي القطاع الوحيد اللي ممكن يستوعب اضخم عدد من العمالة 🤷🏻♀️🤷🏻♀️
" د. نافع هنا مبيقصدش مصانع شيبسي و دومتي
بيقصد مجمعات صناعية عملاقة تملكها الدولة
استغفر الله العظيم يعني sorry في اللفظ القبيح اللي هقوله👈🏻 قطاع عام
مع كامل احترامنا للعيال بتوع كحيت بك ستايل بتوع الرأسمالية العظيمة و الاشتراكية المهجورة
اللي هو سالف من كارت العداد 50 جنيه عشان مراته لسه شتماه بأمه اما النوو قطع عليها .. و منزل بوست عن اهمية التحول الرأسمالي
عريان ال.... و بيتأمز تأميز 🙄 "
✨ انت عارف يا دكتور نافع .. ده في واحدة بتقول كده بقالها سنتين ان الدولة لااااااابد ان تمتلك صناعاااات تحويلية .. الدولة لازم تملك مصانع
و ان بيع المصانع ووضعها كلها في سلة القطاع الخاص هيفقد الدولة اكبر مصدر ايرادات
و بالتالي الحكومة هتشحت 🤷🏻♀️🤷🏻♀️
🔹السيدة اميرة قالتله ليه معندناش صناعة
قالها 👈🏻 لان الحكومات المصرية جميعها بتكره الصناعة .. احنا دولة بتكره الصناعة
و ده كلام انا سمعته من وزراء صناعة سابقين و حاليين
لأن الصناعة مش هتجيبلهم الدولار اللي عايزينه بسرعة
و هتاخد منهم غاز و طاقة هما عايزين يصدروه عشان يجيبوا دولار
🔸تخيل يا عزيزي ان احنا في دولة حكومتها بتوقف الغاز عن المجمعات الصناعية زي كيما مثلا عشان تصدره .. و تجيب دولار
و توووووقف الصناعة جوا المصانع مؤقتا 😒😒
🔸 و ده بقا يودينا لاجابة سؤال 👈🏻 هو فين المصانع اللي افتتحها الريس بقاله 10 سنين
فين العائد يا جماعة 🤷🏻♀️🤷🏻♀️
المصانع بتتوقف عمدا
بيتم ايقاف تغذيتها بالغاز عشان ياخد الغاز يصدره عشان عايز دولار بسرعة يدفعه في الاقساط اللي عليه 🤷🏻♀️🤷🏻♀️ | 3 239 |
| 14 | السؤال العميق بتاع 👈🏻 روحي قدمي للريس الحقيقة
لو انت تضمنلي ان اروح للريس و ارجع مكان ما كنت يلا بينا
بس انا عارفة كويس اني بعدائي لرئيس الحكومة و لوزير المالية و للبرلمان
هشرف من المطار لسجن العاشر
و انا الحقيقة مش في خططي ابداااا اني انهي حياتي و اتقاعد بالشكل ده
و علي ايد دووول
انا يعتقلني و لا يقتلني احتلال
انما شوية حرامية وخونة
لا معلللللش .. فرصة تانية 🤝🏻🤝🏻
و لو انت مش شايف اي استفادة من انك تعرف حقيقة وضع البلد و وضعك گ مواطن و تعلم عيالك يعني ايه اقتصاد دولة و يعني ايه مواطن محترم مش عبد عند الحكومة
متقرااااش عااادي
انا اصلا منزلة bot يفلتر عدد المشتركين الخاملين في القناة و يحذفهم
يعني العدد في اللمون
لو وااااحد بس عرف انه مواطن محترم مش عبد
و فهم وضع الدولة اقتصاديا صح
انا كده اديت رسالتي
اللي قتلوا چيفارا كانوا الفلاحين اللي ناضل عشانهم .. و اللي طعن نجيب محفوظ كان واحد جاهل مبيعرفش يقرا و يكتب محفوظ كان بيدافع في رواياته عن حقه في التعليم .. و اللي حدد اقامة حسب الله الكفراوي في البيت واحد حرامي كان عايز ينهب ارض الدولة اللي الكفراوي بني عليها اسكان للشباب و الشباب دول عملوا من بنها و حتي مدافعوش عنه 🤷🏻♀️🤷🏻♀️
انا اشطر حد ممكن يعمل حقن تخدير اقتصادية ويلعب بالارقام
لكن مش هعمل ده
عشان انا منحازة للوطن .. للارض .. للشعب .. للطبقة المتوسطة اللي اتقتلت مع سبق الاصرار و الترصد لأني بنت الطبقة دي
لا هسجد لاشخاص .. و لا هعبد الا الله
و ده شئ يمنعني من التطبيل الزائف
و مش انا اللي اخالف علمي و ضميري و شهاداتي
ارجو تكون الرسالة وصلت 👌🏻👌🏻 | 4 226 |
| 15 | ♦ننتقل بقا لنقطة مهمة :
الدعم 👈🏻 هيتم رفعه بعد اول 3 شهور من الموازنة
بحلول اكتوبر 2026 و ده قرار الصندوق
( الرئيس له فيديو في مايو 2014 بيقول فيه انا مش هقدر ارفع الدعم عن الناس الا اما أغنيهم .. لازم اغني المصريين الاول عشان يستحملوا رفع الدعم
عشان ادفعهم بالاسعار العادلة
لقاء مع لميس الحديدي و ابراهيم عيسي
قاله يعني يعني تغني الناس يافندم 👈🏻 رد يعني اللي بياخد 1000 اديله 1500 و 2000
ساعتها بس اطالبه برفع الدعم عنه "
و دي كانت الخطة الطموحة لتحسين الاجور اللي تم وضعها في حكومة ابراهيم محلب
و اللي علي اساسها كان هيتم رفع الدعم
و انا و اللي زي وقتها المؤمنين بنظرية ان الخدمات ليست مجانية ولكن بشرط عدالة الاجور
🔹لكن ده حصل 👈🏻 لأ محصلش
📌بس مش بيتقاله كده
بيتقاله ان الحد الادني الاجور كان 2000 ج بقا 8000 ج
اتضاعف 4 مرات اهو
الناس اتغنت
🔸صاحبنا اياه الامين هيرد و يقول لأ يا ضلالية
ارقامكم في الموازنة اهووو بتقول ان الناس اتفقرت
و ان في عاملين مهمين فقروا الناس
▪ معدل التضخم يا ريس و سيبك من النسبة المزيفة
التضخم التراكمي في مصر كارثي
و اهو واقف قدامك اهوووو
اسأله انت ليه خافي بيانات التضخم بتاعت الجهاز المركزي للتعبئة و الاحصاء و منعتهم من عرضها اثناء عرض الحساب الختامي للدولة
عارف ليه يا ريس
لأن التضخم الشهري كاسر ال 60%
و التراكمي كسر ال 100%
▪السبب التاني يا ريس اللي قولته لسيادتك مرتين من شوية
القوة الشرائية للجنيه بقت 23 قرش
يعني حجم المشتريات اللي يقدر يشتريها المواطن ب 8000 جنيه تعادل حجم المشتريات اللي كان بيشتريها ب 1840 جنيه
يعني المواطن ابو حد ادني 2000 جنيه حاله احسن بكتير من ابو 8000 جنيه
▪الحاجة التالتة و البند اللي سيادتك ناسيه
هتعمل ايه في ال 11 مليون و 800 الف بتوع المعاشات
و اللي 70% منهم بيتراوح معاشه من 2850 الي 7000 جنيه
هيعيشوا ازاي لما ترفع الدعم تماما
تعرف يا ريس ان مدبولي طلع يقول للناس : اصل مفيش دولة بتدفع دعم للابد للمواطنين .. كأنه بيديهم الدعم من ورث امه
بس هو متغافل حاجة مهمة اقتصاديا
ألا و هي 👈🏻 متي تقدم الحكومات الدعم للشعوب
الاجابة : عندنا تكون الشعوب فقيرة .. لا تستطيع تلبية احتياجاتها الاساسية ب رواتبها
و حضرتك عارف اننا فقرا اوي .. و بعد العرض الامين للموازنة اظن اكتشفت اننا بقينا فقرا اوي اوووي
ف ازاي سعر لتر السولار هيبقا ب 33 جنيه .. و كيلووات الكهربا ب 4.20 جنيه 🤷🏻♀️🤷🏻♀️
✨ سيادة الرئيس / عمر ما حد هيقولك الكلام ده
و لا هيعرض عليك الحقيقة كاملة
لأن محدش هيروح يعترف علي نفسه انه حرامي
و لا حد هيقدر يواجه سيادتك ان كل طموحاتك للبلد اتحولت لمآسي اقتصادية
و هيقولوا لسيادتك سيبك منهم دول اعداء النجاح .. دول لجان و مأجورين عشان يفسدوا عليك انجازاتك
جرب بقا يا ريس تنزل الشارع زي زمااااان
لأ مقصدش البنت الممثلة بتاعت المعهد العالي للسينما اللي جابوها تقدم لحضرتك القهوة في احتفالية العاصمة .. اصل عملوها مع مبارك قبل كده في سوهاج و خلوه يخبط علي باب بيت فرد شرطة في امن الدولة علي اساس انه مواطن و كده
انا قصدي ايام ما كنت سيادتك بتركن عربيات الموكب الرئاسي و تسأل الراجل الديلفري انت ازاي بتخاطر بأسرتك كلها علي موتوسيكل .. انت بتكسب كام في الشهر و اما المبلغ يطلع زهيد .. تقوم باصص للعقيد صلاح نظرة هو فهمها
ايام ما نزلت علي الطريق عند ترعة المريوطية
و قولت لا لا استني هنا .. ازااااي الترعة دي مفيهاش سور
عارف يا ريس الترعة دي بقالها 5 سنين بدون سور بردو ..و راح فيها ضحايا
اصلهم عملوا حسابهم ان سيادتك متعديش من جنبها تاني خلاص 🤷🏻♀️🤷🏻♀️
عارف يا ريس مين اللي بيضيع الحكام و الملوك و الزعماء 👈🏻 الحاشية و الحكومة
هما جنود الشيطان اللي بيزين للحاكم سوء العمل
و الحاشية دي بتعتمد علي الجهلاء و عديمي الضمير و اللي لهم تمن في سوق نخاسة الاوطان
اللي بيصوروا للناس ان اي حد بيدافع عن حقوقهم انه بيكرهك .. و يفضلوا يرددوها عشان توصلك ان الناس دي بتكرهك
مع ان الانسان المنحاز للشعب و للارض هو اكتر حد بيحبك .. ومش عايزك تخسر
و في النهاية :
انا لا بغسل ايد حد من الازمة .. و لا بدينه
انا بعرض بما يرضي الله
عشان انت المواطن تبقا فاهم
لأن مينفعش تعيش جاهل يسوقوك بشوية شعارات رنانة عن الوطنية وهما قاعدين تحت التكييف بيعدوا دولارات و يوروهات
و يكلمك عن الصبر و التحمل و هو قاعد في چاكوزي
و يطلعوا يديكوا محاضرة في الوطنية في فيديوهات من العربيات و في ايديهم القهوة من سيلانترو و لا ستاربكس
دول حثالة و افاقين و عارفين ان المواطن الغلبان هو درجات سلم تكوين الثروة لهم
لكن العظيم .. ان بقا في شرفا كتير بيقرعوا ناقوس الخطر ومش فارق معاهم التمن اللي هيدفعوه | 3 639 |
| 16 | اعتي رأسماليات العالم التعليم فيها مجاني
امريكا .. السويد .. الدانمارك .. النرويج .. فنلندا .. انجلترا .. فرنسا .. ألمانيا
فيروس ميدبولا بقا عشان هو رأسمالي اوي جدا خااااالص و مش اشتراكي لؤة نؤة مش حاطط فلوس لتمويل الشهادات الجامعية اصلااااا
و يجي بني آدم براس مغرفة طبيخ يقولك هي الحكومة اخفقت في اييييه 😒😒 "
🔶 يلاحظ من الجدول السابق ان النسب انحدرت تماما
" قولنا ملناش دعوة بأرقام المبالغ المالية .. احنا بنشتغل نسب "
لأنك لو اخدت ال 367 مليار جنيه في ظل قوة شرائية للجنيه حاليا تعادل 23 قرش
يبقا المبلغ يعادل 84 مليار دولار يا سادة 🤷🏻♀️🤷🏻♀️
يبقا نزلنا عن 2014 و لا ارقامنا بتتحسن 🤔
🔶 طيب .. الانقح :
النسبة المئوية الدستورية لمخصصات التعليم حتي يتم قبول الموازنة كااااام 👈🏻 4%
🔹اومال ازااااي البرلمان عداها :
بطريقة فتح عينك تاكل ملبن .. فتح ملبن ناكل مصارينك
تم اضافة حاجة اسمها الانفاق الشامل
و ده عبارة عن ايه 👈🏻 اضافة المستشفيات الجامعية .. و معاهد الازهر .. و فوائد القروض الموجهة للتعليم
اقفففففش سرقة تاني اهي 😳
▪ المستشفيات الجامعية نفاقاتها اتحسبت مرتين
مرة عند الصحة و مرة عند التعليم الجامعي
▪معاهد الازهر بيصرف عليها الازهر اللي بياخد موازنته من وزارة الاوقاف
يعني اصلا نفقات معاهد الازهر مسجلة عند الاوقاف مرة و في التعليم مرة
▪فوايد القروض مسجلة في مخصصات التعليم مرة
و في باب 8 القروض و المستحقات مرة
و بيقولك احنا بعد سنوات هنجني ثمار التنمية .. ثمار ايه اللي هتجنيها في دولة مواطنيها بيصرفوا 77% من مدخولهم علي التعليم الفاشل اصلاااا في منظومته .. و هيتجهوا تااااني للتسرب من التعليم لارتفاع نفقاته
هنجني اااه
علي رأي الحجة نبيلة هات ايديك يا ولا وتعالي نجني 😒😒
آفاق و مدلس و ضلالي وخاين
بيصفي مع ابولهب في السيميفينال بتاع جهنم 😒
نرجع للشخص الامين :
هيقول ايه 👈🏻 نفس الحال يا ريس ينطبق علي التعليم
في 2014 كان نصيب الفرد 150.3 دولار من مخصصات التعليم
في 2027 نصيبه بقا 81.3 دولار ياريس
يعني انخفض للنص
مما زاد شعور الفقر و سوء المعيشة و انهيار الطبقة المتوسطة
عشان كده يا ريس الناس مش جاحدة و لا حاجة لما بتقول احنا استفدنا ايه ولا خذلتك و لا هتخذلك بالعكس دول ابطال ومتحملين .. لان فعلا كل موازنة حجم استفادهم بتقل برغم من زيادة المبلغ .. و دي يا ريس اقتصاديا اسمها الهيكل الغير واقعي للزيادات " ريكاردو بيقول عليه 👈🏻 الموازنات الورقية الزائفة "
ان الارقام بتزيد و مع ذلك الفقر بيزيد 👈🏻 ده بسبب انخفاض الحصص و انخفاض و تدمير قيمة العملة و قوتها الشرائية
▪عشان كده يا ريس كان في ناس بتصرخ و تقولك اوعي تعوم عشان ده هيخرب بيت البلد و الفقر هيزيد .. ابوس ايديك اوعي تعوم
مش هتعرف تعالج الاثار بتاعت الخطوة دي
و محدش فهم سيادتك ليه
و فهمنا ان لما سيادتك قولت لما الدولار يوصل 50 جنيه احنا نسيبها احسن .. ان في حد مفهم سيادتك حجم الكارثة الاقتصادية اللي هنتحط فيها
ميعرفوش ان مجرد جملة في خطاب
▪عشان كده الناس بقت رافضة تسمع لأي انجاز بيتحقق و اي مشروع بيتعمل لأنهم لم ينالوا حصة سابقة من الزيادة بالعكس تم تقليص حصصهم الفعلية .. و بيضربوا غطس جوا بلاعة الفقر 🤷🏻♀️🤷🏻♀️
▪عشان كده في ناس خايفة عليك و علي البلد بتقولك لا غني ان القطاع العام لأنك دولة بلا ايرادات
و شعبها فقير ميقدرش يكفيك ايرادات تسدد الرقم الجنوني من الفوايد فقط علي الديون
▪عشان كده في ناس " اشرار و نوتي " بيهاجموا مصطفي مدبولي و بيقولوا عليه ضيع حلمك بتاع 2030
و مش لاقي حل غير انه يستبدلنا بشعب تاني من المشردين و الانطاع
ف لوووووو الحقايق بيتم طرحها بالامانة و الضمير ده
ساعتها بس هيكون في اجراء حاسم ... انما طول ما النصب بالارقام موجود هنلبس في حيطة لا محالة 🤷🏻♀️🤷🏻♀️
" يا تري مرهفي الحس و متألمي المشاعر يقدروا بتعبيراتهم الجياشة و دموع الحب الحارقة يحموا اللي بيتهد حاليا بالفراشات الطايرة و القلوب الحايرة 🤔 "
المرقعة مبتأكلش عيش و الله .. الحب وحده لا يكفي
لازم علم و ضمير يدعموه و يسندوه
دي طريقة عرض بندين بس من الموازنة و دبلرة مصروفات و شغل محاسبين في مصنع لبان تحت السلم
مفيش ظابط في الدنيا ممكن يفهم التفاصيل دي الا لو ظابط مقاتل خط الموازنة العامة و الاقتصاد الكلي ... ف بلاش نستهبل علي بعض و نقول ازاااااي ده حتي ظباط المخابرات
ااااه اللوا عمر سليمان الله يرحمه لو مكنش في شخص خفي بيقعد معاه يفهمه ازاي فلوس غسيل الاموال دخلت مصر و بتدور فين .. مكنش عمره قدر يوقف الغسالة 🤷🏻♀️🤷🏻♀️ | 3 409 |
| 17 | ده محصلش بسبب ان ايرادات كل حاجة بتروح للديون
يبقا هنا اللي المفروض انه يتضاعف النسبة مش الرقم
" ليه يا فندم 👈🏻 لأن الواحد دولار = واحد دولار
كون انه كان 7.15 وحدة نقدية ثم تضاعف 7 مرات ليصبح 50 وحدة نقدية .... دي مآساتك انت الارقام الاقتصادية ميخصهاش 🤷🏻♀️"
و بالتالي انخفاض قيمة العملة تجعل الرقم هنا بيعبر عن تضخم و فقدان قوة العملة الشرائية مش بيعبر عن رفاهية
الرفاهية تتحقق لما النسبة المئوية هي اللي تتضاعف
" فاهمين و لا الكلام صعب و لا ايه 🤔🤔 "
هبسطهالكم
يعني بما ان الناتج المحلي انضرب × 10
يبقا المفروض الانفاق الحكومي علي العقد الاجتماعي اللي هو الصحة و التعليم ينضرب هو كمان × 10
فيبقا المخصص للصحة 10.51% مش 1.51%
هنا بقا يبقا المخصص المالي ضخم جدااااا
ف تقدر تزود الرواتب .. و تقدر تقدم خدمة صحية ممتازة في المستشفيات .. و تقدر تملك حيز مالي تشتري بيه الادوية اللي محتاجها لقطاع التأمين وتدعم كبار السن .. و تقدر تخصص مبلغ للتدريب وتحسين الكفاءات .. تمام 👌🏻👌🏻
✨طب انا لما يتعرض عليا الارقام دي و انا غير متخصص
و هشوف القيم المالية للمخصصات قفزت من 42 مليار في 2014 الي 301 مليار في 2027
ما احنا فعلا بنزود الانفاق اهوووو ... اااه مش اتضاعف 10 مرات وفقا للمنطق لكن اتضاعف 7 مرات مثلا .. برافو عليكم يا حكومة و الله 👏🏻👏🏻
احنا ارقامنا بتتحسن يا حكومة 👏🏻👏🏻
🔺هنا بقا يافندم لازم يظهر حد امين .. شخص وااااحد علي الاقل يملك ضمير حي .. يقتحم هذه الجلسة و يقول لأ معلش
في معضلتين تم اختزالهم من العرض ده يا ريس
▪اولا عدد السكان :
في 2014 كان عدد السكان 87.5 مليون نسمة ومفوضية اللاجئين كانت بتصرف علي اللاجئين بالكامل و السوريين وقتها كانوا غسالة اموال فمكنش في رقم انفاقي عليهم .. انهاردة عدد السكان 109 مليون + 20 مليون لاجئ
▪ ثانيا : معضلة قيمة العملة و قوتها امام العملة الصعبة :
في 2014 كان الدولار ب 7.15 جنيه
يبقا قيمة المخصصات دي بالدولار 5.93 مليار دولار
في 2027 " الموازنة عاملة الدولار تحوطي .. العقود الاجلة مؤقتا ب 54 جنيه " يبقا قيمة المخصصات 5.59 مليار دولار
🔸طب ده يأثر في ايه يا شخص يا امين
ده يا ريس ينعكس عن حصة الفرد
في 2014 كان حصة الفرد 67.77 دولار
ده حقه گ مصري في مخصصات موازنة الصحة
انما انهاردة يا ريس حقه بقا 43.33 دولار فقط
ال 25 دولار الفرق انخفاض دول ياريس احد اسباب شعور الناس بتدهور معيشتها و بيساهموا في خفض نصيب الفقر من الناتج الاجمالي اللي هو احد عوامل الفقر
ف ياريس لما المخصصات تكون في 2014 = 5.93 مليار دولار
و في 2026 = 5.59 مليار دولار
ده معناه اننا بننزل لتحت يا ريس مش بنطلع لفوق
و لما يكون ال 5.93 مليار دول بتوع 87.5 مليون فرد بس ... و انهاردة البهوات راصدين 5.59 مليار ل 129 مليون فرد
يبقا احنا بننزل اووووي يا ريس مش بننزل بس 🤷🏻♀️🤷🏻♀️
🔷 في السيناريو الاول
ايه رد الفعل 👈🏻 و ادي امضتي اهي ... ربنا يوفقكم يا رجالة
🔷 في السيناريو التاني " بعد ظهور الشخص الأمين "
ايه رد الفعل 👈🏻 ..................
لو انا : تعالي يا بني خد الجوز دول ارميهم في الحربي لحد ما اشوف حد يتحاسب معاهم علي كل مليم .. و بالليل هروح اسمهم بسم سيانيد 🙄
♦التعليم :
2014 / 2015 👈🏻 94.6 مليار جنيه تمثل 3.9%
2015/2016 👈🏻 99.3 مليار جنيه تمثل 3.6%
2016 /2017 👈🏻 104.2 مليار جنيه تمثل 3.0%
2017 /2018 👈🏻 107.4 مليار جنيه تمثل 2.4%
2018 / 2019 👈🏻 115.7 مليار جنيه تمثل 2.2%
2019 / 2020 👈🏻 132 مليار جنيه تمثل 2.2%
2020 / 2021 👈🏻 157.2 مليار جنيه تمثل 2.3%
2021 / 2022 👈🏻 172.6 مليار جنيه تمثل 2.2%
2022 / 2023 👈🏻 192.7 مليار جنيه تمثل 1.9%
2023 / 2024 👈🏻 230 مليار جنيه تمثل 1.8%
2024 / 2025 👈🏻 295 مليار جنيه تمثل 1.72%
2025 / 2026 👈🏻 315.1 مليار جنيه تمثل 1.6%
2026 / 2027 👈🏻 367.3 مليار جنيه 1.5%
✨ ملاحظة :
ده مخصصات التعليم ما تحت الجامعي و بدون مخصصات البحث العلمي
مخصصات التعليم و التعليم العالي و البحث العلمي 👈🏻 2.3% من الناتج المحلي
مخصصات البحث العلمي 👈🏻0.25% .. رببببببع
دولة عايزة تتقدم و تطور مخصصة ربع% للبحث العلمي
و 0.55% للتعليم الجامعي " و بكده نبقا جاوبنا هو بنعمل جامعات اهلية ليه و فتحناها ع البحري للجامعات و المعاهد الخاصة ليييييه .. و بندمر جامعاتنا الحكومية العريقة لييييه 👈🏻 عشان معندناش نصرف علي تعليم حد .. اللي عايز ياخد مؤهل جامعي ياخده علي حسابه يا مواطن يا شحات 🙄🙄 | 3 284 |
| 18 | 🔶 طب تعااااالي تاني :
و لا سحر و لا شعوذة و لا محتاجين جهاز مركزي للمحاسبات
العبد لله يطلع لك اول سرقة في موازنة 2026/2027
👈🏻 دبلرة المصروفات 👉🏻
ازاااااي 👈🏻 فوايد الدين علي قطاع الصحة مسجلة في الموازنة مرتين
▪ مرة في نسبة مخصصات الصحة
▪مرة في بند المستحقات علي الدولة باب 8 المتعلق بالقروض
حوالي 314 مليار جنيه
و الكلام ده متكرر في التعليم و متكرر في فاتورة الدعم 😎😎
" هو اخواننا في البرلمان .. انتوا بصمجية يا اخواننا
لا بجد
انا بسأل سؤال حقيقي مش سخرية ... انتوا بصمجية
يعني انا بصيت في الموازنة مذاكرتهاش ... قولت الموازنة فيها سرقة مبدئية حوالي 800 مليار جنيه ..... مفيش حد فيكم دبلرة المصروفات لفتت نظره 🤔 "
و لما مدبولي يطلع يقول زودنا مخصصات قطاع الصحي 30%
صدق و هو كذوب
لأن اللي زاد هو نسبة المخصصات لسداد فوائد القروض المتعلقة بالصحة بمستحقات قيمتها زاد 30% عن مستحقات العام الماضي .. مش موازنة تمويل بند الصحة نفسه
و احسبوا 30% من 1.94% يبقوا كاااااام
ماهو المخصص للصحة 1.51% من الناتج المحلي .. انما المخصص للفوايد القروض 1.91% من الناتج المحلي
" عرفتوا ليه مفيش ادوية في التأمين و المستشفيات بدأ يظهر فيها مشكلات .. بعد الطفرة العظيمة اللي حصلت فيها من 2016 ل 2022 .. و عرفتوا ليه الدكاترة عايزة تطفش و البجح الخاين يقولك ما يسافروا برا عشان يجيبولنا عملة صعبة "
علي فكرة النظرة للخيانة علي انها تخابر و لا جاسوسية دي نظرة ضيقة .. في حاجة كبيرة اوووي اسمها خيانة الامانة و التفريط فيها و الحنث بالقسم العظيم 👌🏻
( في فيديو من سنتين و نص للرئيس السيسي بيقاطع فيه وزير الصحة و هو بيسرد احنا عملنا كذا وكذا في منظومة الصحة
قاله ده مش كرم مننا يا خالد .. ده حق الناس
دوروا علي يوتيوب كده 👈🏻 الرئيس السيسي يقاطع وزير الصحة
هل من المنطقي ان بعد كل المجهود ده و المستشفيات و الوحدات الصحية يبقا نصيبهم من الموازنة 1.51% من اجمالي الناتج المحلي
▪هل ال 1.51% دول يكفوا ضمان استمرارية المنظومة
▪هل دول يكفوا رواتب محترمة لفئة طبيب او ممرضين
و بعد ده نسأل احنا الاطباء بتوعنا فين و ازاي يتعين لاجئين في المستشفيات الحكومية بدل من المصريين
▪هل ال 1.51% دول ممكن يكفوا تمويل عدد المستشفيات الاميرية اللي فيها تدريب طلبة الطب و التمريض و مستشفيات الغلابة و المصريين كلهم بقوا غلابة ) ( ف بدل ما نصرفوا عليها بعد ما تنهار نعملوا تريند يشوهها و بعدين نقترح علي الرئيس بيعها و خصخصتها للمستثمر و ارتاح من نفقات و تكلفة الصيانة و التشغيل .. مش كده 🤔)
هااااا 🤔
مين اللي ضد الرئيس
اللي بيقولوا إلحق انجازاتك بتدمر و طموحاتك بتتهدم
الايجابيات و الانجازات اللي صبرنا عليها و اتحملنا 12 سنة دعم و تأييد و تبرير عشانها
و بينور ألف لمبة حمرا علي الخراب المتعمد اللي بيحصل
و لا اللوبي اللي بيدمر بالفعل ودايس علي كل الاعراف و القوانين و حتي الدين نفسه اللي بينص علي الرحمة 🤷🏻♀️🤷🏻♀️
♦تعالوا احكيلكم بتتقدم للريس ازاااااي
فبنطلع احنا شعب جاحد ابن كلب مبيطمرش فيه .. و الحكومة بتدرس القرارات 10 مرات و ارقامنا بتتحسن .. و الريس يطلع في الخطابات متضايق مننا و فاهم اننا مش مقدرين و مش طمران فينا و يلقي باللوم علي الشعب
" اصل انا مينفعش اسكت و الله .. ربنا يكفيكوا سم دماغ حد اتعلم اقتصاد علي ايد لصوص الكوكب نفسه 🤷🏻♀️🤷🏻♀️"
🔹بتتعرض موازنات السنين السابقة كلها لحكم الرئيس
من اول موازنة 2014/2015 " ده اللي بيحصل فعلا و شرط عشان تقارن اوضاعك 👌🏻 "
▪الملاحظ في الموازنات دي ان نسبة مخصصات الصحة متقاربة
2014 / 2015 👈🏻1.72% = 42.4 مليار جنيه
2015 / 2016 👈🏻1.60% = 44.9 مليار جنيه
2016 / 2017👈🏻 1.41% = 48.9 مليار جنيه
2017 / 2018 👈🏻1.24% = 54.9 مليار جنيه
2018 / 2019 👈🏻1.17% = 61.8 مليار جنيه
2019 / 2020 👈🏻1.19% = 73.1 مليار جنيه
2020 / 2021 (أزمة كورونا) 👈🏻 1.37% = 93.5 مليار جنيه
2021 / 2022👈🏻 1.38% 108.8 مليار جنيه
2022 / 2023 1.28% = 128.1 مليار جنيه
2023 / 2024 👈🏻 1.25% = 147.8 مليار جنيه
2024 / 2025 👈🏻 1.30% = 190.4 مليار جنيه
2025 / 2026👈🏻 1.40% = 246.2 مليار جنيه
2026 / 2027 (الحالي)👈🏻 1.51% = 301 مليار جنيه
⭐ ملاحظ ان النسبة متقاربة لكن ارقام المبالغ بتتضاعف 👌🏻👌🏻
▪في 2014/2015 كان الناتج الاجمالي 2.46 تريليون جنيه
بينما في 2026/ 2027 المستهدف 24.5 تريليون جنيه
يعني المفروض ان الناتج المحلي تضاعف 10 مرات " و ده بسبب كل حاجة اتعملت في البلد 👌🏻" .. يبقا المفروض نسبة الانفاق علي كل حاجة تتضاعف 10 مرات 🤷🏻♀️ | 3 283 |
| 19 | 🔵 #موازنة_الجالا_جالا:
عارفين الحاوي و شغل الجالا جالا
و فتح عينك تاكل ملبن .. فتح ملبن تاكل عينك 🙄🙄
اه و الله العظيم
ده الاساس اللي بيتعمل عليه الموازنة
♦عايز تعرف ازاي برغم تعاظم الارقام مواطن 2014 اغني و اكثر قدرة لتلبيته لاحتياجاته من مواطن 2026
بالبلدي 👈🏻 كان عايش اقتصاديا افضل برغم ان حجم الاقتصاد نفسه مش كبير
🔷🔶 مشهد تخيلي
في دولة ما بتطل علي 4 بحار .. بحر متوسط شمالا و بحر احمر شرقا و بحر رمال العظيم غربا وبحر الغدر جنوبا 🙄
و في احد المباني الفخمة في هذه الدولة " سموه مجازا قصر .. مقر حكم .. اي حاجة مجازااااا "
مكتب بيجلس عليه رجل في اوائل العقد السابع من عمره
شاردا في امور عديدة
ينقر المكتب بقلم رصاص محدثا خبطات ضوضاء منتظمة يحاول ان يزعج بها ضوضاء عقله
يستأذن في الدخول الشيطان و اعوانه ... بينما لا يستطيع ان يري الشيطان
لكنه يسمح لدخول اعوانه المتجسدين في هيئة بشرية " لأن اللي يفكر بالشكل ده .. اكيد ارشده الشيطان نفسه 👌🏻"
ملف ضخم من 327 ورقة .. و مدون عليه من الخارج عبارة 👈🏻 مشروع موازنة الدولة للسنة المالية 2026/2027
📌 الحقيقة ان المشهد طويل
ف أنا هاخد جزئين فقط و هوريكم فيها الجالا جالا 👌🏻👌🏻
الجزئين اللي بيمثلوا العقد الاجتماعي لأي دولة .. و اللي بيؤخذ منهم مؤشرات ما يسمي ب 👈🏻 معدلات الفقر 👌🏻
التعليم و الصحة 👌🏻
♦الصحة :
تخيل ان السيد رئيس الوزراء اعلن عن زيادة موازنة الصحة 30%
طب انت عارف النسبة المخصصة من الموازنة 2026/2027 للصحة في مصر كاااااام .. و الله العظيم نسبة تفضح 👈🏻 1.51% من الناتج المحلي
" يعني مفيش فلوس هتتصرف علي القطاع الصحي اصلااااا .. لأن معظمها رايح لتحسين رواتب الاطباء و التمريض عن طريق العلاوة السنوية .. و ليست اعادة هيكلة الرواتب "
يعني فكرة ان الحكومة تستجيب لاعادة هيكلة رواتب الاطباء و التمريض مثلما يتوافق مع الظروف السيئة التي يعمل فيها هؤلاء و عدد الساعات الغير الادمية .. دي حاجة بعيد عن طموحاتك ايها الشعب 🤷🏻♀️🤷🏻♀️
و ده بالطبع يعني مشروع التأمين الصحي الشامل .. و الشمول المش عارف ايه و الطموح اللي كان بيخطط له الريس و اللي انا في 2022 عملت عنه رقعة طويلة عريضة
و سردت مميزاته
و المحافظات اللي دخل فيها و اللي عليها الدور
مفيش فلوس تتصرف عليه خلاص 🤷🏻♀️🤷🏻♀️
📌 طب ليه مفيش فلوس تصرف ليه 🤔
▪السبب الاول : لأنك موازنة بلا موارد ايرادات فعلية تعتمد علي الانتاج
اومال الايرادات ايه 👈🏻 اعتيادية يافندم " زي الدكانة كده عندها كرتونة شيبسي و كرتونتين بسكوت هتبيعهم و تسدد للتاجر و 10 قروش المكسب هتشحن بيهم لنفسك الراوتر و كان الله بالسر عليم "
▪السبب التاني : ان مصدر ايراداتك الاكبر هو الضرايب
و في موازنتك الجديدة فوائد الديون المستحقة عليك تمثل 100.4% من ايرادات الضرايب
" يعني انت كل الضرايب و الرسوم و الدمغات و المضافة و اللي مش مضافة و الجمارك و كل اللي هتتحصل عليه .. هتروح تدفع بيه فوائد الديون فقط .. مش الاقساط
لاااا الاقساط دي مصيبة تانية .. هنقترض لها ديون جديدة عشان نسددوها
و بعد ما تلم كل ايرادك ده و تسدد بيه الفوايد اللي هي خدمة الديون .. هتبقا عندك عجز 0.4% محتاج تستلفه عشان تكمل
فين الدولة و الشعب في اي مكان في العالم اللي ممكن يتحمل هذا الكم البغيض من الفشل و التدليس
" و يظهر ناس ببجااااحة تقولي في ايه يا چيلان يا قاسم .. مالك ومال الحكومة انتي بتعادي الحكومة ليه مالك و مااااالهم
ما هو مالي فعلا .. المال السايب ده مالي فعلا .. المال اللي بيلف في دايرة العبث و المراباة ده مالي و الله 🤷🏻♀️🤷🏻♀️"
🔸طيب .. اقولك علي الانقح 👈🏻 النسبة دي مخالفة للدستور
و البند ده كفيل يوقف الموافقة علي الموازنة
ليييييه 👈🏻 لأن الدستور في المادة رقم 18 بينص علي ألا تقل نسبة المخصصات المالية من الناتج المحلي الموجهة للصحة عن 3% .. و إلااااا تعتبر ارقام مخصصات الموازنة باطلة و يتم رفضها من البرلمان 🤷🏻♀️🤷🏻♀️
اااه و ربنا
يعني لو حضرتك بتقدم موازنة في البرلمان " ده علي فرض البرلمان محترم يعني 🙄 "
و قدمت له مخصصات العقد الاجتماعي اقل من النسبة الدستورية .. يقوم يرد عليك الموازنة و يرفض تمريرها
🔸طب عارفين البرلمان بيغمض عينه ازاي و يعملها دستورية و اااه تمام عددددي 👈🏻الحكومة بيضيفوا للنسبة المخصصة .. نسبة فوايد القروض الموجهة لقطاع الصحة
" القروض اللي اخدتها من البنك الدولي للبنية التحتية في قطاع الصحة
ف طبعا بتكسر ال 3.5% زي السنة دي و كده تبقا دستورية و تعدي
و علي الاساس ده البرلمان عداها امبارح | 3 808 |
| 20 |  +1🔘 دي ايلينا بانوفا .. المنسق العام للأمم المتحدة المقيمة في مصر
و حاليا هي سمسارة توطين اللاجئين في مصر بالاتفاق مع الحكومة
و ده السفير عمرو الشربيني مساعد وزير الخارجية للشئون الخارجية و الامن الدولي موجود نيابة عن الحكومة
و دي فاعلية دمج اللاجئين في مصر و ازاي الحكومة تقدم لهم دعم في توفير وظيفة و سكن
📌في حين ان رئيس الوزرا " خاير بك " طلع بجح في المصريين و قالهم مفيش دعم حكومي لشعب للابد .. كأنه بيصرف الدعم مم ميراث ابوه
و الحكومة مش هتوظف حد .. لكن هتوفر وظايف للاجئين
🔹عارفين ايه السبب 👈🏻 عشان السمسارة ايلينا بانوفا من 5 ايام اثناء زيارة وزيرة الخارجية البريطانية لمصر عشان تعاين المزبلة اللي هترحل فيها المهاجرين اللي عندهم بدل رواندا اللي اعلنت رفضها و إلغاء الاتفاقية
" و ده كان احد اسباب ان ستترمر يطير"
قدرت السمسارة تقنعها انها ترمي عضمة للحكومة المصرية 9 مليون جنيه استرليني " 11.5 مليون دولار"
تحت بند المساعدة في دمج لاجئين السودان و دول افريقية المتضررة من الحروب في شمال افريقيا
لأن بريطانيا فيها حوالي 2 مليون مهاجر افريقي طالبي لجوء
11.5مليون دولار بس .. ده انتي بتتباعي بالرخيص اوووي يا مصر 😞 | 4 326 |
