The Queen of chess♟♟
الذهاب إلى القناة على Telegram
نقدم لك محتوي اقتصادي سياسي قائم علي الأسس العلمية و الدراسات الميدانية مع تحليلات للاحداث السياسية و الچيوسياسية العالمية ♟♟
إظهار المزيد📈 نظرة تحليلية على قناة تيليجرام The Queen of chess♟♟
تُعد قناة The Queen of chess♟♟ (@chessqu) في القطاع اللغوي العربية لاعباً نشطاً. يضم المجتمع حالياً 21 159 مشتركاً، محتلاً المرتبة 3 255 في فئة الرياضة والمرتبة 1 004 في منطقة مصر.
📊 مؤشرات الجمهور والحراك
منذ تأسيسه في невідомо، حقق المشروع نمواً سريعاً وجمع 21 159 مشتركاً.
بحسب آخر البيانات بتاريخ 02 سبتمبر, 2026، تحافظ القناة على نشاط مستقر. خلال آخر 30 يوماً تغيّر عدد الأعضاء بمقدار -243، وفي آخر 24 ساعة بمقدار -7، مع بقاء الوصول العام مرتفعاً.
- حالة التحقق: غير موثّقة
- معدل التفاعل (ER): يبلغ متوسط تفاعل الجمهور 31.39%. وخلال أول 24 ساعة من النشر يحصد المحتوى عادةً 12.99% من ردود الفعل نسبةً إلى إجمالي المشتركين.
- وصول المنشورات: يحصل كل منشور على متوسط 6 643 مشاهدة. وخلال اليوم الأول يجمع عادةً 2 750 مشاهدة.
- التفاعلات والاستجابة: يتفاعل الجمهور بانتظام؛ متوسط التفاعلات لكل منشور يبلغ 781.
- الاهتمامات الموضوعية: يركز المحتوى على مواضيع رئيسية مثل دَولَة, دُولَار, حُكُومَة, عَالَم, دَين.
📝 الوصف وسياسة المحتوى
يصف المؤلف القناة بأنها مساحة للتعبير عن الآراء الذاتية:
“نقدم لك محتوي اقتصادي سياسي قائم علي الأسس العلمية و الدراسات الميدانية
مع تحليلات للاحداث السياسية و الچيوسياسية العالمية ♟♟”
بفضل وتيرة التحديث المرتفعة (أحدث البيانات بتاريخ 03 سبتمبر, 2026) تحافظ القناة على حداثتها ومستوى وصول مرتفع. وتُظهر التحليلات تفاعلاً نشطاً من الجمهور، ما يجعلها نقطة تأثير مهمة ضمن فئة الرياضة.
21 159
المشتركون
-724 ساعات
-417 أيام
-24330 أيام
جاري تحميل البيانات...
القنوات المماثلة
سحابة العلامات
الإشارات الواردة والصادرة
---
---
---
---
---
---
جذب المشتركين
سبتمبر '26
سبتمبر '26
+3
في 4 قنوات
أغسطس '26
+14
في 4 قنوات
Get PRO
يوليو '26
+35
في 5 قنوات
Get PRO
يونيو '26
+135
في 5 قنوات
Get PRO
مايو '26
+47
في 5 قنوات
Get PRO
أبريل '26
+30
في 5 قنوات
Get PRO
مارس '26
+186
في 5 قنوات
Get PRO
فبراير '26
+61
في 5 قنوات
Get PRO
يناير '26
+72
في 5 قنوات
Get PRO
ديسمبر '25
+41
في 5 قنوات
Get PRO
نوفمبر '25
+72
في 5 قنوات
Get PRO
أكتوبر '25
+93
في 6 قنوات
Get PRO
سبتمبر '25
+47
في 5 قنوات
Get PRO
أغسطس '25
+95
في 6 قنوات
Get PRO
يوليو '25
+177
في 6 قنوات
Get PRO
يونيو '25
+283
في 6 قنوات
Get PRO
مايو '25
+114
في 6 قنوات
Get PRO
أبريل '25
+206
في 7 قنوات
Get PRO
مارس '25
+66
في 5 قنوات
Get PRO
فبراير '25
+220
في 5 قنوات
Get PRO
يناير '25
+262
في 5 قنوات
Get PRO
ديسمبر '24
+525
في 5 قنوات
Get PRO
نوفمبر '24
+198
في 5 قنوات
Get PRO
أكتوبر '24
+413
في 5 قنوات
Get PRO
سبتمبر '24
+327
في 6 قنوات
Get PRO
أغسطس '24
+553
في 5 قنوات
Get PRO
يوليو '24
+422
في 6 قنوات
Get PRO
يونيو '24
+434
في 5 قنوات
Get PRO
مايو '24
+375
في 4 قنوات
Get PRO
أبريل '24
+156
في 4 قنوات
Get PRO
مارس '24
+726
في 1 قنوات
Get PRO
فبراير '24
+1 598
في 6 قنوات
Get PRO
يناير '24
+1 130
في 6 قنوات
Get PRO
ديسمبر '23
+1 261
في 4 قنوات
Get PRO
نوفمبر '23
+2 222
في 4 قنوات
Get PRO
أكتوبر '23
+2 644
في 3 قنوات
Get PRO
سبتمبر '23
+1 142
في 0 قنوات
Get PRO
أغسطس '23
+756
في 0 قنوات
Get PRO
يوليو '23
+24
في 0 قنوات
Get PRO
يونيو '23
+31
في 0 قنوات
Get PRO
مايو '23
+101
في 0 قنوات
Get PRO
أبريل '23
+159
في 0 قنوات
Get PRO
مارس '23
+800
في 0 قنوات
Get PRO
فبراير '23
+351
في 0 قنوات
Get PRO
يناير '23
+626
في 0 قنوات
Get PRO
ديسمبر '22
+1 206
في 0 قنوات
Get PRO
نوفمبر '22
+6 263
في 0 قنوات
| التاريخ | نمو المشتركين | الإشارات | القنوات | |
| 03 سبتمبر | 0 | |||
| 02 سبتمبر | 0 | |||
| 01 سبتمبر | +3 |
منشورات القناة
🔵 في خبر كده مينفعش يمر مرور الكرام :
انهاردة الشركة القابضة للنقل البحري
و هيئة اسكندرية للموانئ
اتقدموا لشركة اسكندرية للحاويات بوثيقة رفض
📌 اسكندرية للحاويات شركة عامة حكومية
اسهمها في البورصة بيتم التداول عليها
و كل مجموعة حملة اسهم لهم محفظة
حملة الاسهم دول :
▪ بلاك كاسبيان الاماراتية التابعة لمجموعة موانئ ابوظبي و دي مستحوذة علي 19.32% من الاسهم
▪ هيئة اسكندرية للموانئ
▪ الشركة القابضة للنقل البحري
▪ صغار حملة الاسهم
بلاك كاسبيان قدمت عرض شراء 👈🏻 اجباري
" ركز في كلمة اجباري دي "
عشان تستحوذ علي الاسهم اللي في محفظة الشركتين .. و يوصل استحواذها ل 90%
بسعر 27.47 ج للسهم
🔸اولا العرض الاجباري لا يقدم الا اما الشركة تكون مستحوذة علي 50% + 1 من الاسهم
اما يبقا مكملش 20%
اجباري ايه اللي بتقدمه يا حبيبي 🤷🏻♀️🤷🏻♀️
▪ سعر 27.47 ج ده سعر زهيد جدااا ومحصلش سعره الدفتري حتي
🔹الشركتين بقا قالوا ايه في حيثيات الرفض 👈🏻 شركة الاسكندرية للحاويات هي واحدة من قلاع الاملاك المصرية
و هي واحدة من الشركات التي تجلب العوائد الدولارية و تشكل جزء من دخل الدولة
لذلك بيعها يتسبب في فقدان الدولة لأحد موارد دخلها الدولارية 👌🏻👌🏻
كلام محترم جدا
و هو ده اللي بنناهد فيه
انك لما تبيع كل شركاتك هتجيب فلوس منين ايرادات الموازنة يا عم 🤷🏻♀️🤷🏻♀️
♦قبل ما نلاقي بس تحليلات احنا بنضغط علي الامارات
و نؤدب الامارات
و العناوين الفتاكة دي 🙄
احنا اللي طرحنا اسكندرية للحاويات في برنامج الطروحات
من ضمن اصول كتير
و احنا اللي عارضين باقي شوية المواني اللي نملك بعضها علي الامارات
و انها تعمل عرض اجباري غير قانوني
ده لازم يكون بموافقة الحكومة
🔸كون بقا الشركات ترفض البيع
ده اللي بيتقال عليه الموقف الوطني الذي يجب دعمه
و طبعا دي شركة مش بتخسر نهااااائي
مش عايزة العشم ياخدني
و اقول كده ضمنا عدم البيع
لأني عارفة ان الحكومة هتجبر الشركات علي البيع .. من اجل توفير دولارات للسداد في اقساط الديون الخرافية المستحقة علينا لنهاية 2026
لو كل الشركات رفضت بيع الاصول المملوكة للدولة يمكن نقدر ننقذ حاجة
انما الحكومة الفاشلة دي بتعتبر نفسها هي الدولة و هي صاحب الاملاك
مش شوية موظفين قائمين علي ادارة مقدرات الدولة
اصلا ميعرفوش يعني ايه دولة و لا يعرفوا ايه هو مفهوم الدولة
و ده بيظهر من حماقة رئيس الحكومة اما بيطلع تصريح حقير يقول فيه : الدولة تتحمل عن المواطن
يا المادة الخام للفشل و الجهل
مفهوم الدولة هو باختصار الارض بمقدراتها + السكان اللي عليها
باقي المؤسسات هي هياكل ادارية 🤷🏻♀️🤷🏻♀️
بلاش نتعشم
هيضغط في بيعها و يخلص من الشركة
و لو الشركات تمسكت بالرفض
جايز يبقا صراع
الصراع ده يا حبيبي بيتصنف فشل اداري
و ربما يرقي لتضارب مصالح
لكن بين مصلحة الشعب و مصلحة الحكومة 👌🏻👌🏻
| 2 |  🔵 تصريحات 🤔 .. و قوية 🤔
الحمد لله يارب قبلنا البشري يا استاذ علي
20 جنيه 🙄 .. 20 جني بالاسكندراني الفصيح🙄
قولهم يا استاذ علي يا ايقونة الوطنية
قولهم اعداء الوطن دول 🤷🏻♀️🤷🏻♀️
----------------------------------------
🔸 كان في اغنية للاستاذ عبد المنعم مدبولي بيقول فيها ااه يا زمان العبر .. سوق الحلاوة جبر
لو تعرفوها فكروني هو كان بيقول اااه يا زمان العبر و لا الدبل 🤔🤔
الواحد اصل السن و الزهايمر بجااا
تصريحات قوية من علي حسين مهدي
الحمد لله علي نعمة الدولار ابو 20 🤲🏻🤲🏻 | 1 192 |
| 3 |  🔵 يا سلااااام يا استاذ عاااادل .. اما قصة عبرة بصحيييح 🤔
📌انا مش عارفة اجيبهالك ازاي
بس هو محاولة اغتيال مبارك كانت في 1995 في 25 يونيو
بعدها اعلنا القطيعة مع اثيوبيا
و اصدرت مصر بيان بعدم نيتها حضور اي فاعلية في اديس ابابا
و اتهمنا السودان باستضافة العناصر الارهابية اللي قامت بالمحاولة و سحبنا السفير
و مبارك 5 مرات يرفض يستقبل ميلس زيناوي حتي يدخله مصر سياحة 🤷🏻♀️
و زيناوي مجاش مصر الا بعد 2011
و لم يتقابل مبارك مع اي اثيوبي من بعد 1995
📌 سد النهضة كان اسمه اساسا السد الحدودي .. فكرته بدأت سنة 2006
و في 2008 تم وضع الدراسات السرية له
بعد زيارة المهندسين الامريكان لاثيوبيا لاختيار مكانه
يعني اثيوبيا نفسها مكنتش تعرف انها هتعمل سد 🤷🏻♀️
ما تخليك في النفاق المنمق وسلسلة رجل المستحيل و تسيبك من السرد السياسي🤷🏻♀️🤷🏻♀️
بقا قاله و لو اتبني يا عمر يا سليمان
راح قاله هنفجره ياريس 🙄
لا منهجية و لا اسلوب و لا طريقة اللواء عمر سليمان
سيبك من اللي ماتوا
و ركز في نفاق الصاحيين و حكاياتهم البطولية الخيالية
اثيوبيا نفسها عرفت انها هتعمل سد في فبراير 2010😒😒 | 3 018 |
| 4 | 📌 في طبعا ملف تاني يهم الصين
ألا و هو الدولار
بس الحقيقة الصين بتتحرك فيه بهدوء و بطء
لأنها من اعلي الدول الدائنة لامريكا
طب لو اتحركت في الهدم السريع 👈🏻 هتخسر جزء كبير من قيمة ديونها طبعا
هي مستعدة تخسر
بس في حدود آمنة 👌🏻
الصين مش دولة عشوائية
و لا بتتحرك بدون ما تدرس مكان موطئ القدم عشرين مرة
▪ لو هتنقلك تكنولوجي معين 👈🏻 ف تأكد انها مسيطرة عليك تماما لضمان عدم الوصول للتكنولوچي ده
▪ لو هتدعمك بمشروع 👈🏻 ف تأكد ان ارباحها من المشروع اضاعفك مضاعفة
▪ لو هتديك سلاح 👈🏻 ف تأكد انها بتخطط لأنك ترفع اسهم السلاح ده في السوق
الصداقة و الاخوة و المودة
مصطلحات راقية
لكنها بتستخدم في ظل تجميل الحديث فقط
انما الصديق الحقيقي لكل القوي العظمي في العالم
النفط .. الدهب .. السلاح .. التكنولوچي .. الموارد المائية .. المحاصيل الزراعية
اينما وجدت .. وجد الصديق
نفسي المصريين ينحوا حاجتين و هما بيقيموا الامور :
▪ الكلام العاطفي و المشاعر الجياشة الفارغة
▪ كيد النسا
" العالم لا يدار بكيد النسا "
يعني فكرة ده ترامب بيعيط
شوفت الكوميكس ده
احنا بنكيد البرتقالي
سذاجة و طفولية تقول ان قدامنا 100 سنة عشان نفهم 😏😏
و انت مش عدو حد اساسا
لكن محاولات لتغذية الايجو اللي اتدشمل 😒😒
يعني الراجل لسه قاعد
و بعيدا عن التصريحات
لابد و هيظهر اشياء اخري 👌🏻👌🏻 | 3 371 |
| 5 | 🔵 #زيارة_الرئيس_الصيني:
لا اعتقد ان الزيارة دي وراها اقتصاد فقط
تشي بينج مش مجرد رئيس عادي
▪ ده رئيس مصنع العالم
▪ اللي بيملك الغالبية من سلاسل المداد الصناعية حاليا
▪ بالاضافة لأنه اكبر سوق لاي حد بيفكر يصدر و يظبط ميزان مدفوعاته
▪ متحكم في مجال اصبح مهم للعالم كله و هو الرقائق الالكترونية
▪ صاحب اعلي طفرة تكنولوجية في خلال ال 50 سنة الماضية
و لو علي المستوي السياسي :
▪ الجهة الوحيدة اللي قادر ينشئ تحالفات سياسية تضر بالمصالح الامريكية
▪ قادر جدااا يقتحم سوق السلاح
و انك تصنع سلاح ده شئ هيزيدك ثقل سياسي
لذلك في اعتبارات اخري خفية خلف هذه الزيارة .. متعلقة بوجه المنطقة
♦الاسباب اللي بتتداولها الاخبار :
▪ تدشين المنطقة الصناعية الصينية التالتة
▪ اتفاقيات مع شركات سيارات
▪ جملة غريبة كده 👈🏻 دعم الاقتصاد المصري
و الدكتور الضيف ساب القوس مفتوح
حتي لو هيدونا فلوس
ده مش دعم .. ده ديون
و مش دي اساسا السياسات الخارجية للصين
♦ لكن اعتقد ان في ملفات هامة للرئيس الصيني :
🔹 تسليح الراڤال المصرية تسليح شرقي صيني
دي طفرة نوعية بالنسبة للصين مصر قدمتها لها
و هيزيد رواج التسليح الصيني
و بالنسبة لنا احنا منتهي الاستفادة يعني
فرنسا ادتنا الرافال بدون تسليح 🤷🏻♀️
ف احنا حلينا ازمة
" و انا معرفش يعني مقاتلات بدون تسليح و مفهمش في الحكاية دي الصراحة فمقدرش افتي "
🔹من بعد احداث غزة
و تقريبا مات الحديث عن طريق الحرير
اللي هو بالنسبة لتقديراتي 👈🏻 اهم طريق تجاري في العالم
انهاردة الطريق ده بيواجه خطرين :
▪ الاول 👈🏻الطريق البيني الداخلي اللي امريكا بتعمله بين العراق و سوريا و تركيا و اسرائيل
و ده مش هيأثر علي طريق الحرير و بس
و هيخلي نقط منه نقط ميتة
لا هيأثر علي قناة السويس كمان
▪ الثاني 👈🏻 ان وزير الخزانة الامريكي يصرح بإن مضيق هرمز في خلال 24 شهر ستنتهي اهميته الملاحية
ده له اكتر من معني
اهمها الطرق البديلة مش السيطرة عليه وبس
و تشي بنغ معندوش حالات انكار الواقع
هو عارف ان امريكا بتسعي للسيطرة عليه
و لو مسيطرتش عليه عسكريا
هتسيطر عليه اقتصاديا 👌🏻
🔹ملف اثيوبيا :
الصين قدمت الدعم التكنولوچي الكامل لاثيوبيا لما جت تضع اساسات بناء السد
مقابل مبلغ كبير
▪ اثيوبيا عجزت عن السداد
رد فعل الصين 👈🏻 اخدت مبني الاتحاد الافريقي في أديس ابابا
و خط السكك الحديدية المنطلق من العاصمة لمدن الجنوب
مشغلاه لحسابها
و اثيوبيا مبتاخدش ولا مليم منه
▪ الصين اشترت اراضي حول السد بغرض الزراعة و الاستثمار الزراعي
معتمدة علي المياه المخزنة خلف السد
و كذلك الكهربا اللي هتخرج من السد
بس مفيش كهربا طلعت 🤷🏻♀️
لذلك يحق للصين بيع هذه الاراضي في مزاد او مناقصة كما يترآي لها
و ده طبعا شئ هيسئ لسمعة السد
و هيحفز باقي الدول علي التخلي عن اثيوبيا
📌 هل ده شئ ممكن اعداد موائمات له بين الرئيسين في خلال هذه الزيارة .. أتمني
🔹موضوع العقل الرقمي للدولة :
مقدرش افيدكم في تفاصيل مفهمش فيها
كل معلوماتي
اننا بنأجر سيرفرات في اوروبا " اليونان .. سانت رينو .. ميلانو "
لادارة الدولة رقميا
و ان ده شئ خطر و غير آمن
لذلك الدولة المصرية من فترة قررت عنل سيرفرات في مصر
و طبعا مش هنلاقي افضل من الناحية التكنولوجية و لا قيمة سعرية و لا امكانية دفع بالاقساط .... زي الصين 🤷🏻♀️
🔹السلاح الصيني :
لو تلاحظ يا عزيزي
ان مصر هي ساحة تجربة الاسلحة الصينية الجديدة
لذلك بناخد ميزة تفاضلية في الحصول عليها
▪ و علي حسب الاخبار المتداولة في الميديا الصيني من شهر مارس 2026 لليوم
ان الصين شغالة علي مشروع سلاح هيكون مفاجأة في تكلفته و اداءه و مهامه القتالية
وارد جدا يكون في ترتيبات لأن تجربته الاولي تكون في مصر 🤷🏻♀️
🔹الصين تفرق عن امريكا في حاجة مهمة:
امريكا لا يمكنها العيش بدون افتعال حروب
لأن اقتصادها و رفاهيتها قايمة علي بيع السلاح
لأنها دولة رأسمالية يحكمها القطاع للخاص
لذا موازنة الدولة مواردها المالية عبارة عن :
▪ النفط المسروق من العالم
▪ بيع السلاح
▪ اصدار السندات السيادية
انما الصين وجود حروب من عدمه
ميفرقش معاها
لأنها دولة مصنعة لكل شئ
ف متعددة الموارد المالية
ف لو العالم استقر ... هي هتكسب اكتر
لأن الاستقرار يعني فرص اقوي للشراء و رفع القدرة الشرائية للشعوب
و عندهم القدرة لتصنيع كافة السلع
لذلك انت ممكن تعتمد علي الصين في خلق فرصة للتهدئة
مستغل حقها في الفيتو في مجلس الامن
🔸انا بالنسبة لي النقاط دي يتم اثارتها و الوصول لتلاقي فيها
اهم كتير من منطقة صناعية و غيره
ما عملوا بدل المنطقة اتنين
فشلنا نستفيد بشئ غير تمن الارض 🤷🏻♀️🤷🏻♀️
ف الملفات دي ذات اهمية قصوي 👌🏻👌🏻 | 3 302 |
| 6 | 🔵 شوفت ايه اسباب عقوبات بنك مصر في الامارات
مشوفتش .. تعاااااالي " ظريف جدا الشخص ده و بحب اسمعها منه
📌 السر 👈🏻 في السندات الامريكية
يوم 24 اغسطس 2026
وزير الخزانة و معاه محافظ الفيدرالي
تقدموا لترامب بتقرير ان السندات الامريكية بتقع ... و وول ستريت عندها ازمة
🔸قرار ترامب 👈🏻 اصدر قرار رئاسي يسمح للادارة الامريكية انها تدخل تشتري عدد كبير من السندات السيادية بقيمة 4 مليار دولار
ايه هي الادارة الامريكية 👈🏻 الوزارات
يعني
كل وزارة تطلع اللي فيه النصيب
و تروح تشتري سندات
وزير المالية نفذ و جمع 4 مليار دولار و اشتروا
بس قدم تقريره ان الدنيا مش هينفع تكمل كده
🔹طب ايه المشكلة اللي في السندات الامريكية السيادية طيب 🤔
بحثت انا ثم بحثت
لقيت ان الوزارات بتصدر سندات واسهم مالية من اجل تمويل انشطتها
لكن مش بتسدد
بالتالي اتصنفت رديئة
و بيتعمل لها حملات بيع جماعي دخلها في منطقة الخسارة
🔹ده ايه خطورته 👈🏻 التعثر المتوالي يؤدي لأن حراس السندات " حملة المحافظ الضخمة " انهم يبيعوا بيع جماعي
مبدأ الخسارة القريبة احسن من مكسب غير مضمون
و ده ممكن يؤدي الي انهيار وول ستريت في ساعتين
فقرار ترامب 👈🏻 خلق طلب وهمي علي السندات من اجل خفض العوائد و بالتالي خفض عبء الدين
يعني اعاد شراء السندات
ثم هيخفض فايدتها
ثم يثبت فايدة عامة منخفضة
ف يقلل عبء الدين شوية مما يسمح له اعادة اصدار لسندات جديدة تمول القديمة
" الازمة دي في بريطانيا – فرنسا – اليابان
و ده اللي بنحذر منه في مصر اننا نسدد الديون بديون عشان لازم هتوصل للعجز و التعثر 🤷🏻♀️"
♦هنا ترامب مش هيقدر يكمل علي انه يشتري من نفسه
عشان ميدخلش الوزارات في اغلاق حكومي
و محدش من اوروبا بقا يشتري الاوراق المالية الامريكية
و اليابان اساسا متعثرة و عايزة منه 2 تريليون دولار
يبقا يعمل ايه 👈🏻 يدور علي حد يشيله ال 4 مليار دولار دول
مش هيلاقي احسن من زباين الخليج🤷🏻♀️🤷🏻♀️
السعودية و شارية ب 6 مليار دولار بالفعل من فترة بسيطة
يبقا نروح للامارات
خصوصا ان زيارة ترامب لها انتهت بهدية قنينة زجاجية انيقة فيها 5 قطرات نفط اماراتي 🙄🙄
ترامب عارف ان الامارات عملت نظام مصرفي موازي للنظام السويسري
و ان بنوك العالم و شركات اموال العالم اصبحت تدور في فلك هذا النظام
يبقا يعتبره نقطة ضعف
و نقرص ودنها
من ناحيتين :
▪ ناحية ان عقوبات علي بنك ده يأثر في سمعتك گ بانكير للعالم
▪ ناحية انه بنك مصري و انت متقدرش تحميه .. ده يأثر في علاقاتك مع مصر
و اللي داير دلوقت ان المصرف المركزي الاماراتي بتفاوض مع الخزانة الامريكيو عشان يلموا الليلة و يشتروا شوية سندات حتي لو هيرموها 🤷🏻♀️🤷🏻♀️
مش عشان بنك مصر
عشان سمعة القطاع المصرفي الاماراتي اللي بيدور فيه حاليا 38% من ثروات العالم 👌🏻👌🏻
دي يا فندم كل الحكاية 🤷🏻♀️🤷🏻♀️
لازم يكون في سبب مالي و اقتصادي
بعيدا عن هطل التحليلات اللوذعية اياها 🙄🙄 | 4 282 |
| 7 |  🔵 ده اعتذار لبعض الاعزاء عليا
بعتولي ملف عملاق كده لمراجعة ارقامها و ده هيؤدي لاشتباك مع احد ابناء يحيي موسي الاخواني
اسمه مؤمن اشرف
انا بعتذر لسببين :
▪انا مش لاقية اصول لهذه الصور يعني ما يقال عن انها اصول لها محذوف في تواريخ قريبة خلال اغسطس
ف انا مقدرش اورط نفسي في الشغل علي ارقام مقدرش اوصل لحقيقتها
▪السبب التاني و الاهم : وقت سجن حسام الغمري اتعملت حملة من الدولة عليه
و اشتركت فيها
و من قبلها علي تويتر كان في صولات و جولات
و انهاردة حسام الغمري بطل و ضيف برامج التوك شو لتوعية الشعب
كذلك " احنا مش هنعرف نخرس الواد ده يا چيلان" علي البطل القومي علي حسين مهدي
و مكدبتش خبر
و الااااا الريس
و انهاردة هو المتحدث باسم الوطنيين .. وزعيم الشباب الوطني
كلهم بيطلعوا ابطال 🤷🏻♀️
ف انا يا باشا معنديش استعداد اشتبك مع يحيي موسي و ابناءه
و يطلع في الاخر هو اللي عبر القناة و حطم خط بارليف
هيجوا و يتصالحوا و يقلوا ادبهم علينا🤷🏻♀️🤷🏻♀️
انا مبشتغلش معلومات ملهاش اصل في ايدي .. عشان اللي يحب يراجع ورايا يقدر ببساطة
و الواحد اساء الظن بأبطال كتير زمان.. و ربنا يسامحني بقا هبقا اطلع عمرة و اكفر عن حرب استنزفتني هدر😒😒 | 4 249 |
| 8 | 🔵 مش شايفة ان موضوع عقوبات بنك مصر فرع الامارات ده كارثة قومية
و لا هو حاجة تضر القطاع المصرفي المصري
لأن اصلا العقوبات لم توقع علي القطاع المصرفي المصري
ده علي القطاع المصرفي الاماراتي
📌 يعني ايه بنك يفتح فرع في دولة غير دولته الاصلية
انه هيحصل علي رخصة مزاولة النشاط المالي في هذه الدولة
وفقا لقوانينها المصرفية و المالية
و القانون المدني و الجنائي فيها
▪ يعني لو بنك مصر فرع الامارات اتهمته امريكا انه بيغسل اموال لايران ولا بيتعامل مع ايران
ده مجرد اتهام لا طلع و لا نزل
و لااااا يسئ لبنك مصر في حاجة
ده يدين القطاع المصرفي الاماراتي انه بيسمح لشركات تعمل مع دول عليها عقوبات انها تهدد قطاعها المصرفي
♦و اصلا الموضوع كله عبارة عن تلكيكة لها هدف بعد كده هيتضح من ترامب
ما الامارات بتستقبل كل فلوس روسيا اللي جاية من الهند
و روسيا عليها عقوبات
معملش ليه عقوبات علي اي بنك بقا 🤷🏻♀️🤷🏻♀️
بس اهو استكمالا للمسرحية بتاعت بنحارب ايران و كده
📌 موضوع ان مصرف الامارات المركزي يقول انه هيبدأ تفتيش علي فرع بنك مصر
و ماله .. هو هيدين نفسه لو اعلن عن ثبوت التهمة
لييييه 👈🏻 لأن اي تعاملات مع شركات ايرانية .. انت يا حبيبي گ دولة الامارات اللي مديها ترخيص بالعمل في سوقك المالي
و بكده العقوبات تتوقع علي القطاع المصرفي الاماراتي مش بنك مصر 🤷🏻♀️🤷🏻♀️
🔷 بنك مصر بقا
سمعته زي الفل
و بنك ثقة جداااا
و له فروع في دول افريقية كتير و شغال بمنتهي الكفاءة
و القطاع المصرفي المصري كمااااان متماسك جدااا
و اما بيتعامل مع كيانات مالية
مش بتكون كيانات وهمية او شركة علي ورق
لازم بتكون شركة منشأة وفقا لقانون الشركات المصري و ده قانون الي الان متماسك
🔘 طيب اتسألت 👈🏻 هل ودايع المصريين في خطر ..او هل احنا بسبب حجم استدانة الحكومة من البنوك مقبلين علي سيناريو لبنان
الاجابة قطعا 👈🏻 لأ
هي الحكومة خطر علي الاجنة اللي هتتولد في سنة 2050
لكن ودايع القطاع المصرفي مش في خطر و لا الشهادات الادخارية
انا متفهمة والله ان فكرة ان الحكومة مستدينة 75% من حجم اموال البنوك ده شئ مريع
لكن في نقاط اخري وجب اخذها في الاعتبار
زي ايه :
🔸النقطة الاولي 👈🏻حجم السيولة النقدية في السوق المصري كبير جداااا
يعني اجمالي حجم السيولة المعروض في السوق 15.26 تريليون جنيه
الودائع المحلية منها 10.35 تريليون
يعني المعروض النقدي يغطي
🔸النقطة التانية 👈🏻 رأس مال البنوك مش نقدية فقط
البنوك تملك اصول اخري
لها مشروعات تدر موارد و عائدات ربحية
و جميع القوائم النقدية للبنوك المصرية فيها ارباح
و لم يسبق لها ان حققت خسائر او عجز
و لها اسهم بيتداول عليها في البورصة و بتحقق ارباح
و لها محافظ املاك و حيازات تقدر تبيعها
🔸النقطة التالتة 👈🏻 مش البنك المركزي فقط اللي مسئول عن ودايع الناس
لاااا يا فندم 👈🏻 الخزانة العامة كمان
و اللي لها موارد نقدية تتوجد في يوم و ليلة
و ابسط طريق تضخ فيها اموال من الهيئات و الصناديق السيادية
ف سيناريو لبنان بعيد تماما عننا في مواجهة فقدان الودايع
📌 ازمة لبنان يا جماعة هي ان رياض سلامة و جهاد ازعور سرقوا الاحتياطي النقدي و حولوه للنمسا و سويسرا
مع قرارات تعويم متتالية افقدت العملة قيمتها
ثم اتجهوا للدولرة عشان يخفوا اثار سرقة الليرة ... اللي اتحولت لدولارات مدخلتش لبنان اساسا
بالاضافة لأنهم لعبوا بالاحتياطي النقدي الدهبي قمار في تايلاند
و علي حسب اقوال رياض سلامة خسروه 🤷🏻♀️🤷🏻♀️
ودايعكم لها اكتر من ضامن
و البنوك تقدر تولد ايرادات فورية 👌🏻 | 5 930 |
| 9 |  🔵 مراسلة العربية راندا ابو العزم بقت مذيعة او تقريبا تمت ترقيتها الله اعلم
لكن من يوم الترقي و هي مركزة مع السادة رجال مبارك
و بتستضيفهم
و كلهم بيغسلوا ايديهم مما حدث في مصر
📌 الجميع برئ و محدش خالص غلط و لا أجرم
طيب لما سيادة الوزير سامح فهمي برئ .. ليه دفعت تصالحات 423 مليون جنيه مثبتة عليك عمولات
📌 لا انت عارف كويس مين اللي وقع الاتفاقية لأن انت اللي ادارتها
و مكان الادارة كان في مقر شركة السياحة الخاصة بماجدة حسين سالم في مدريد
الصفقة تمت بوجودك مع حسين سالم و يوسف مايمان " الاسرائيلي " و منير ثابت
و بعد بلورة الصفقة و عرضها علي رياسة الوزراء و علي لجنة السياسات للحزب الوطني
او الكتلة البرلمانية للحزب الوطني
تم رفعها للرئيس مبارك
و تم توقيعها
و توقيعك موجود گ احد السادة الحضور في الاتفاقية
لأن صيغة الصفقة اصلا اتفاقية مش صفقة تجارية 🤷🏻♀️🤷🏻♀️
ما كل شئ موجووووود
انتوا بتنكروا ليه
هو خلاص كله بيتعامل مع الشعب ده علي انه فاقد الاهلية او مصابي متلازمات عقلية
📌 قناة العربية بتتعامل بنفس الطريقة اللي تعاملت بيها مع باكستان تحديدا عمران خان
و ده مش مريح 🤷🏻♀️🤷🏻♀️ | 5 222 |
| 10 | و ده ليييييه
لأن " يوهان بالمستروخ " الاقتصادي الهولندي اللي اسس فكرة البنوك المركزية و انشأها و تجربته كانت في السويد في بنك ستكهولم المركزي
قال 👈🏻 البنوك دي مينفعش تملك اصول الدول
لييييه 👈🏻 لأن البنك شغله تدوير الاموال بالبيع و الشراء " الاقتراض و الاقراض "
بالتالي وجود اصول الدول في القماشة دي ممكن يعرضها للخطر
ازااااي 👈🏻 ان البنك ممكن يفرط فيها علي امل استعادتها في عملية مصرفية جديدة
تقوم تحصل ظروف سياسية ما او اقتصادية ... فيفقد البنك المركزي قدرته علي استعادتها ...فيضيع الاصل 🤷🏻♀️🤷🏻♀️
ف لما جم حطوا القواعد و البروتوكولات الوظيفية للبنوك المركزية منعوووووه من امتلاك اصول الدول
🔸الاعتراض التاني :
المديونية علي الحكومة للقطاع المصرفي دي .. القطاع المصرفي مش جايبها من عقد عمل في الخليج
دي اموال المودعين " فلوس الشعب يعني "
و الودايع و الحسابات الجارية و حسابات الادخار فترته الزمنية من سنة ل 5 سنين استقرار و ثبات حسابات
لو فرضنا ان قناة السويس هتدخل 15 مليار دولار في السنة " و ده رقم اكبر من الحالي بكتير "
و قسمت ال 277 مليار دولار علي 5 سنين
هيبقا الرقم 55.5 مليار دولار
يعني فوق طاقة قناة السويس ب 40 مليار دولار
ف لا قدر الله اي حدث چيوسياسي يحصل و المودعين يطالبوا بفلوسهم ... يقوم البنك المركزي يعرض قناة السويس للبيع زي مصرف لبنان و هو بيبيع كل ما يملك عشان اموال المودعين كده
مش هي دي الخطة 🤷🏻♀️🤷🏻♀️
يا ولاد الوسسسسس.... يا اعوان ابليس .. نتنياهو لو بيفكرلنا مش هتطلع منه فكرة ابدع من كده 🤷🏻♀️🤷🏻♀️
" قوم يا جمال .. قوم من تربتك احمي قناة السويس من النخاسين دول .. قوم يا جمال بيتأمروا علي العزيزة الغالية "
✨ الخلاصة :
ان الشمشرجية عايزين ينجدوا كبيرهم من البق اللي قاله
و اللعب كله علي تخفيض نسبة الدين من الناتج المحلي
يعني هو 80% هنخلوه 64%
انما مفيش تخفيض لرقم الدين نفسه ... و لا عارفين تتعمل ازاي و لا عندهم خطة
هو بس عايز يعاظم رقم مدخلاته بأي شكل عشان النسبة تقل .. و نسبة النمو تزيد
و الهري كله في مجرد " نسب " لا تسمن و لا تغني من جوع
انما مقالناش ان في ارقام هيتم سدادها ... و بالتالي الرقم ينخفض
و بدل ما بندفعوا 90 قرش من كل جنيه فوايد للديون فقط
هندفعوا 60 قرش
و ال 40 قرش هيتصرفوا علي ام المواطن اللي طلع تلاتين اهله معاهم
♦و عشان نكمل تفنيد الكذبة :
مفيش حاجة اسمها لما تخفض الفايدة تقوم تخفض رقم الدين .. ف تروح تنفق علي رفاهية المواطن
لأنك مازلت مديون اصلا في ديون قصيرة الاجل اكبر من حصيلتك الضريبية و السياحة و عائد الشركات الحكومية و الاراضي اللي بتبيعها
ف كفاية كذب بليز 🤷🏻♀️🤷🏻♀️
حبايبي :
السيد رئيس الوزراء اشتغلكم
و مش عارف ينقذ نفسه من فخ الاشتغالة اللي ممكن يطيح بيه ده
ف زاقق علينا الشمشرجية يجسوا نبضنا عشان يستولي علي املاك الدولة ... عشان يعالج علي الورق المصيبة اللي عملها مع كچوك
و الحل عمره ما هيكون 👈🏻 بشتري مني و ابيعلي
او بنقل الفلوس من المحفظة السودا للمحفظة البني
♦الحل :
▪تعظيم الايرادات بشكل او بآخر
▪تشغيل زوربيح بلوكات الخرسانة الميتة اللي في المناطق الصناعية " بشكل قومي .. يعني مش استثمار "
▪ايقاف الاقتراض الا في حدود معينة لتجنب الافلاس
▪تطبيق استراتيجية الورش و المصانع متناهية الصغر
" اللي هو راس مال بسيط و انتاج كبير "
و الاهم من كل ده
انكم تغوروا في داهية لأن عقولكم مبرمجة علي مد الايد و السلف و ياريتكم حتي عارفين تسددوا .. مفيش فيكم اي امل انكم تتغيروا
ف ارحمونا و غوروا في ستين داهية 🤷🏻♀️🤷🏻♀️
سهلة أهي 🤔 | 4 936 |
| 11 | يعني ايه بتدفعوا فوايد سنوية للدين الداخلي 2.8 تريليون جنيه
بتجيبوهم منيييين 👈🏻 بتقترضوا تاااني و تدوروا الديون سلبيا .. مش كده 🤔
يعني ايه ايراداتك كلها تروح لديون تم استدانتها لسداد ديون اخري و مضاعفة الفايدة 🤷🏻♀️🤷🏻♀️"
لما تحول المبلغ ده لدولار
يبقا الديون الداخلية 277.82 مليار دولار
و اللي بتشكل 79.5% من الناتج المحلي
لما تجمع الديون علي بعضها
هتبقا 430.02 مليار دولار .. بناتج محلي 349.3 مليار دولار " نهاية 2025" .. فتصبح نسبة الدين 125.7%
يعني احنا بكل ايراداتنا
بكل فلوسنا
بكل مليم بيدخل البلد
بكل موارد الدخل من اي اتجاه
بندخل اقل من الديون اللي علينا ومعجزين ب 25.7%
لكن مننساش ان مش كل الديون دي لها نفس اجل السداد
بس ال 277 مليار دولار الداخلي .. 189 مليار دولار منهم استحقاق سنة 🙄🙄
♦الافندي بقا قالك لا احنا هننزلوا الديون
عشان احنا متوقعين ناتج محلي ل 2026 = 433.2 مليار دولار
بالتالي النسب دي هتتعدل
▪الخارجي هيبقا 👈🏻 37.2% و هنرجع للحدود الامنة تاني
▪الداخلي هيبقا 👈🏻 64.14%
و دي نسب ممتازة يا جماعة 🤷🏻♀️
و ده كلام لا يؤخذ علي محمل الجد و لا الهزل و لا الجنون
لانه وضع فرضية ثبات رقم الدين الخارجي عند 161.2 مليار دولار ... و رقم الدين الداخلي عند 277.8 مليار دولار
لا اخد في اعتباره قيم سداد دفعات اقساط و فوائد ... و لا اخد في اعتباره انه هيقترض تاني طول السنة
و بدل ما كان هتشوفوا في يناير 2026 ... بقت بنهاااااية 2026 و علي حسب توقعنا لرقم النمو و علي حسب ما بنتمني ده احنا لسه كانسين سيدنا الحسين علي الديون و موزعين فول نابت 🙄🙄
وطبعا لأن مفيش رؤية و مفيش خطة و مفيش برنامج
لا سري و لا علني و لا عرفي حتي
و الاستاذ عصفور عايش مع البلالام
فيبدأ الشمشرجية يفتكسوا من اجل انقاذ الجناب 🤷🏻♀️
📌 الافتكاسة الاولي :
نضم الصناديق السيادية للموازنة :
🔹ايه هو الصندوق السيادي في اي دولة 👈🏻 ذراع اقتصادي لادارة الاصول و حماية عوائدها
▪حماية عوائدها من ميييين 👈🏻 من الحكومة
▪ازاااااي 👈🏻 ان العوائد دي مينفعش تدخل في موازنة الحكومة .. حتي لا يتم توجيهها للانفاق علي سداد الديون و فوائدها
لأنها تستخدم في تمويل اغراض اخري " زي التسليح مثلا "
🔹هل احنا في مصر عاملين عجبة .. او بنرفض ضم الصندوق السيادي للموازنة عشان احنا عالم غلسة
لااااا 👈🏻 في حاجة عالمية كده اسمها " بروتوكول سانتياجو الاقتصادي " الخاص بالصناديق السيادية في العالم كله
بينص علي عدم و استحالة ضم الصناديق السيادية للدول الي موازنتها الحكومية
و ذلك لمنع هدر عائد الاصول التي يديرها الصندوق في تمويل العجز و الانفاق الحكومي
الكلام ده ماشي علي اكبر صندوق سيادي في العالم اللي هو السيادي النرويجي .. و اصغر صندوق اللي هو السيادي الاوغندي 🤷🏻♀️🤷🏻♀️
انت بقا في مصر عايز تضمه لييييييه ... بتتنيل تفتكس قواعد مخالفة لقواعد الاقتصاد كفيلة بتدمير الاصول لييييييه
" من ساعة ما اتنقلت تبعيته الادارية للحكومة في 2024 و هو محلوووو في عينهم و حاسين ان لسه عندنا قرشين ف حالفين يضيعوهم 😒 "
🔸ف يا باشا ضم الصناديق السيادية للموازنة معناها ان كمان 7 سنين من انهاردة " بمعادلة ميجان "
هيبقوا اصولنا = صفر 👌🏻👌🏻
📌 الافتكاسة التانية :
ننقلوا ملكية قناة السويس للبنك المركزي
في مقابل ان البنك المركزي يصفر ديون الحكومة لدي القطاع المصرفي
أراك توزع من مال أمك يا استاذ حسن بيه هيكل بيه 🙄
" هو لما شريف بيه اخوك حب مع جمال بيه اخو علاء بيه يوقعوا البورصة عن طريق التلاعب بأسهم شركة القلعة سنة 2024
و احمد الشيخ طردكوا كلكم من البورصة
ممنعتوش ليه
لما انت وطني كده
مقولتلوش ليه يا شريف بيه يا اخويا ان هدم البورصة في الوقت ده ممكن يجبر 60% من الاسهم علي السقوط و اعلان افلاس مؤسساتها 🤔 .. يا حسن بيه 🙄" اااه اهم حاجة الالقاب 🙄
ما عليناااا
سيادة الخبير الاقتصادي محضرش محاضرة وظائف و تخصصات البنوك المركزية .. كان قاعد في كافيتيريا اداب انجليزي 🙄
♦البنوك المركزية سعادتك مش من وظائفها تملم و ادارة الاصول في المطلق
اومال اييييه 🤔
هي ممكن تتملك اصول اااه .. لكن اصول مصرفية
يعني كده زي بنك الاستثمار القومي اللي عمال بيبيع حصصه في الشركات عشان الطروحات الجميلة و يسدد بيها ديون
وتحويله لمقاول 🙄
زي بنك القاهرة اللي هو مملوك لبنك مصر اللي هو مملوك للمركزي " عشان الموثئفين بتوع لاااا القاهرة مش حكومي 🙄"
انما البنوك المركزية لا تديييير اصول ابداااا | 3 912 |
| 12 | 🔵 #اعادة_نشر:
بوست 13 يناير 2026
الرد علي الحرامي
The Queen of chess♟♟:
🔵#الأكذوبة_الخازوقية:
ااااه ما احنا لازم نخترعوا مصطلحات تتناسب مع اقتصاد البلالام بتاع الاستاذ عصفور و طاقية الاخفا 🙄
♦مساء ليلي نهاري داخلي خارجي في احد ايام ليالي الشتاء التخينة من شهر ديسمبر لعام 2025
في استديو ما
خرج رئيس وزراء دولة ما 👈🏻 يخدع و يشتغل 👉🏻 100 مليون مواطن و كل مؤسسات الدولة
و يقولهم انه محضر مفاجأة
اييييه هااا
قوووول
و غلاوتنا عندك لا انت قايل الهي نعدموك يا شيييخ لا تقوووول 🤔
▪ راح قايل 👈🏻 في يناير 2026 هننزلوا لكم الديون لارقام غير مسبوووووقة و مشوفتهاش الا من 50 سنة فاتوا
هااااااااااااح " ده هتاف الجماهير يا مشكلة يا مراتي علي رأي الاستاذ محمد صبحي 🙄"
🔹قوم طلعت واحدة ست كده اسمها چيلان قاسم
قالت 👈🏻 دي تخاريف مفيش حاجة اسمها كده 🤷🏻♀️
راح غسالات و غسالين الفيسبوك بتوع دولة جنابه قعدوا يعملوا بوستات .. ازاااي الست دي بتطفي شمعة الامل قدامهم .. و بتضيع فرحتهم وشغل نحنحة سلايف كده ملناش فيه
🔹من تاني يوم بقا
حتي المستشارين الاقتصاديين في ديوان جنابه طلعوا علي الاعلام و الميديا يغسلوا ايديهم من هذا التصريح العبثي
لدرجة ان واحد منهم " و هو دكتور بكلية الاقتصاد جامعة القاهرة بالمناسبة " قال 👈🏻 لنعتبر هذا تصريح سياسي و ليس اقتصادي .. يعني جنابه بيخاطب الخارج اكيد لأن انا معرفش ممكن تتعمل ازاااي
" انت مكسوف تقول انه بيهذي 🤔"
▪وطلع التاني " وهو احد اساتذة الاقتصاد بردووو .. ولفترة مدتها سنتين كان مستشار للحكومة "
طلع علي العربية بيزنس مع المذيعة القمر دي اسمها جومانة باين
و قال 👈🏻 ده كلام لا يؤخذ علي محمل الجد 🤷🏻♀️🤷🏻♀️
" مااااشي و ربنا لا يوريك اول ما ترجع من دبي 🙄"
اصل عمر الاقتصاد ما يكون كده
ما يحدث حولنا مهزلة اقتصادية بكل المقاييس
ارقام ايه و زفت ايه اللي بيتحسن
دي خرافااااات .. احنا عايشين في خرافااااات
" و لما مصنع صيني و لا هندي يفتح و يبدأ انتاج و يروح الجناب يفتتحه مع المندوب الصيني
ده ميتكتبش تحت عنوان صحفي 👈🏻 الصناعة الوطنية
لان دي مش صناعة وطنية
دي استثمارات .. فلوس الغريب
الصناعة الوطنية لخصها الشاعر احند شفيق كامل في الاغنية لما قال 👈🏻 من اموالنا بإيد عمالنا .. يا استعمار بنيناه بإيدينا السد العاااالي 🙋🏻♀️ "
لحد امتي هتكذبوا و تلمعوا و توصفوا الاشياء بغير مسمياتها .. انا قرفت اقسم بالله 😒
✨لما الجناب بقا اكتشف ان الاقتصاديين اللي بيستشيرهم من حين لآخر مش هيطبلوا له
و لا ياخدوا كلامه فومين و يلاقوله مخرج مصطلحات اقتصادية
" لأنهم مش هيقدروا علي كل من هو دارس اقتصاد و مش هيسكت عليهم 👌🏻"
راح رجع في كلامه و قال انا مقوووولتش .. انا مليش دعوة
انا قولت اننا هننزلوا الدين من 84% ل 70% و في 2030 هنحقق نمو 7% 🙄
" باشااااا... ابراهيم تراوري محقق النسبة دي في 2025 و بياناته علي آفاق البنك الدولي و قايلين عليه معجزة ومفاجأة 2025
ف خد ال 7% بتوعك اهم يا رستم باشا احنا مش بنشحتوا منك .. و قولنا هتنزل ام الدين ازاااااي 🤔"
🔷🔶 لا في خطة واضحة
و لا في كلام واضح
و لا في سردية معمولة
و لا في برنامج تخفيض بخطوات
و كل ما حد يتكلم .. يقولوا الحكومة تعمل في سرية علي هذا الملف
سرية ليه 🤔 .. خايفين تتحسدوا 🙄
🔘 طيب .. خدوا بقا المفيد منه عشان الصمت خيانة في الحالة اللي احنا فيها دي :
🔹السيد الدكتور مصطفي مدبولي + السيد الدكتور احمد كچوك + السيدة الدكتورة رانيا المشاط
لبسوا مصر في حيطة
و معندهمش حلول
اااه دي حقيقة معندهمش حلول ... ومش عارفين يطلعونا ازاي من المأزق المرعب اللي حطونا فيه
و لا برنامج الطروحات هيحل البلوة اللي عملوها .. و لا شرائح القروض الجاية هتحل الازمة
✨الحقيقة اللي لازم نواجه نفسنا بيها اننا في كارثة اسمها حجم الديون اللي بيفوق قدراتنا الاقتصادية الحالية و لحد 5 سنين قدام
▪ديون خارجية " بدون شريحة الصندوق 2.3 مليار دولار + المليار يورو بتوع الاتحاد الاوروبي " في نهاية 2025 👈🏻 161.2 مليار دولار
في نهاية يناير 2026 هيبقا 👈🏻164.66 مليار دولار
خلينا في رقم 161.2 مليار
ف حجم الدين الخارجي = 46.15% من قيمة الناتج المحلي المصري " الحدود الامنة اللي كل اقتصاديين العالم في كل المؤسسات المتفق عليها هي نسبة 37.6% .. فوق كده حد خطر "
▪ديون داخلية 👈🏻" يعني الحكومة مديونة للبنوك "
رقم مفزع : 13 تريليون و 100 مليار جنيه " انتوا مجانين صح 🙄 ... يعني ايه | 4 351 |
| 13 | ف لما جم حطوا القواعد و البروتوكولات الوظيفية للبنوك المركزية منعوووووه من امتلاك اصول الدول
🔸الاعتراض التاني :
المديونية علي الحكومة للقطاع المصرفي دي .. القطاع المصرفي مش جايبها من عقد عمل في الخليج
دي اموال المودعين " فلوس الشعب يعني "
و الودايع و الحسابات الجارية و حسابات الادخار فترته الزمنية من سنة ل 5 سنين استقرار و ثبات حسابات
لو فرضنا ان قناة السويس هتدخل 15 مليار دولار في السنة " و ده رقم اكبر من الحالي بكتير "
و قسمت ال 277 مليار دولار علي 5 سنين
هيبقا الرقم 55.5 مليار دولار
يعني فوق طاقة قناة السويس ب 40 مليار دولار
ف لا قدر الله اي حدث چيوسياسي يحصل و المودعين يطالبوا بفلوسهم ... يقوم البنك المركزي يعرض قناة السويس للبيع زي مصرف لبنان و هو بيبيع كل ما يملك عشان اموال المودعين كده
مش هي دي الخطة 🤷🏻♀️🤷🏻♀️
يا ولاد الوسسسسس.... يا اعوان ابليس .. نتنياهو لو بيفكرلنا مش هتطلع منه فكرة ابدع من كده 🤷🏻♀️🤷🏻♀️
" قوم يا جمال .. قوم من تربتك احمي قناة السويس من النخاسين دول .. قوم يا جمال بيتأمروا علي العزيزة الغالية "
✨ الخلاصة :
ان الشمشرجية عايزين ينجدوا كبيرهم من البق اللي قاله
و اللعب كله علي تخفيض نسبة الدين من الناتج المحلي
يعني هو 80% هنخلوه 64%
انما مفيش تخفيض لرقم الدين نفسه ... و لا عارفين تتعمل ازاي و لا عندهم خطة
هو بس عايز يعاظم رقم مدخلاته بأي شكل عشان النسبة تقل .. و نسبة النمو تزيد
و الهري كله في مجرد " نسب " لا تسمن و لا تغني من جوع
انما مقالناش ان في ارقام هيتم سدادها ... و بالتالي الرقم ينخفض
و بدل ما بندفعوا 90 قرش من كل جنيه فوايد للديون فقط
هندفعوا 60 قرش
و ال 40 قرش هيتصرفوا علي ام المواطن اللي طلع تلاتين اهله معاهم
♦و عشان نكمل تفنيد الكذبة :
مفيش حاجة اسمها لما تخفض الفايدة تقوم تخفض رقم الدين .. ف تروح تنفق علي رفاهية المواطن
لأنك مازلت مديون اصلا في ديون قصيرة الاجل اكبر من حصيلتك الضريبية و السياحة و عائد الشركات الحكومية و الاراضي اللي بتبيعها
ف كفاية كذب بليز 🤷🏻♀️🤷🏻♀️
حبايبي :
السيد رئيس الوزراء اشتغلكم
و مش عارف ينقذ نفسه من فخ الاشتغالة اللي ممكن يطيح بيه ده
ف زاقق علينا الشمشرجية يجسوا نبضنا عشان يستولي علي املاك الدولة ... عشان يعالج علي الورق المصيبة اللي عملها مع كچوك
و الحل عمره ما هيكون 👈🏻 بشتري مني و ابيعلي
او بنقل الفلوس من المحفظة السودا للمحفظة البني
♦الحل :
▪تعظيم الايرادات بشكل او بآخر
▪تشغيل زوربيح بلوكات الخرسانة الميتة اللي في المناطق الصناعية " بشكل قومي .. يعني مش استثمار "
▪ايقاف الاقتراض الا في حدود معينة لتجنب الافلاس
▪تطبيق استراتيجية الورش و المصانع متناهية الصغر
" اللي هو راس مال بسيط و انتاج كبير "
و الاهم من كل ده
انكم تغوروا في داهية لأن عقولكم مبرمجة علي مد الايد و السلف و ياريتكم حتي عارفين تسددوا .. مفيش فيكم اي امل انكم تتغيروا
ف ارحمونا و غوروا في ستين داهية 🤷🏻♀️🤷🏻♀️
سهلة أهي 🤔 | 31 |
| 14 | 🔵 بوست 13 يناير 2026
الرد علي الحرامي
The Queen of chess♟♟:
لما تجمع الديون علي بعضها
هتبقا 430.02 مليار دولار .. بناتج محلي 349.3 مليار دولار " نهاية 2025" .. فتصبح نسبة الدين 125.7%
يعني احنا بكل ايراداتنا
بكل فلوسنا
بكل مليم بيدخل البلد
بكل موارد الدخل من اي اتجاه
بندخل اقل من الديون اللي علينا ومعجزين ب 25.7%
لكن مننساش ان مش كل الديون دي لها نفس اجل السداد
بس ال 277 مليار دولار الداخلي .. 189 مليار دولار منهم استحقاق سنة 🙄🙄
♦الافندي بقا قالك لا احنا هننزلوا الديون
عشان احنا متوقعين ناتج محلي ل 2026 = 433.2 مليار دولار
بالتالي النسب دي هتتعدل
▪الخارجي هيبقا 👈🏻 37.2% و هنرجع للحدود الامنة تاني
▪الداخلي هيبقا 👈🏻 64.14%
و دي نسب ممتازة يا جماعة 🤷🏻♀️
و ده كلام لا يؤخذ علي محمل الجد و لا الهزل و لا الجنون
لانه وضع فرضية ثبات رقم الدين الخارجي عند 161.2 مليار دولار ... و رقم الدين الداخلي عند 277.8 مليار دولار
لا اخد في اعتباره قيم سداد دفعات اقساط و فوائد ... و لا اخد في اعتباره انه هيقترض تاني طول السنة
و بدل ما كان هتشوفوا في يناير 2026 ... بقت بنهاااااية 2026 و علي حسب توقعنا لرقم النمو و علي حسب ما بنتمني ده احنا لسه كانسين سيدنا الحسين علي الديون و موزعين فول نابت 🙄🙄
وطبعا لأن مفيش رؤية و مفيش خطة و مفيش برنامج
لا سري و لا علني و لا عرفي حتي
و الاستاذ عصفور عايش مع البلالام
فيبدأ الشمشرجية يفتكسوا من اجل انقاذ الجناب 🤷🏻♀️
📌 الافتكاسة الاولي :
نضم الصناديق السيادية للموازنة :
🔹ايه هو الصندوق السيادي في اي دولة 👈🏻 ذراع اقتصادي لادارة الاصول و حماية عوائدها
▪حماية عوائدها من ميييين 👈🏻 من الحكومة
▪ازاااااي 👈🏻 ان العوائد دي مينفعش تدخل في موازنة الحكومة .. حتي لا يتم توجيهها للانفاق علي سداد الديون و فوائدها
لأنها تستخدم في تمويل اغراض اخري " زي التسليح مثلا "
🔹هل احنا في مصر عاملين عجبة .. او بنرفض ضم الصندوق السيادي للموازنة عشان احنا عالم غلسة
لااااا 👈🏻 في حاجة عالمية كده اسمها " بروتوكول سانتياجو الاقتصادي " الخاص بالصناديق السيادية في العالم كله
بينص علي عدم و استحالة ضم الصناديق السيادية للدول الي موازنتها الحكومية
و ذلك لمنع هدر عائد الاصول التي يديرها الصندوق في تمويل العجز و الانفاق الحكومي
الكلام ده ماشي علي اكبر صندوق سيادي في العالم اللي هو السيادي النرويجي .. و اصغر صندوق اللي هو السيادي الاوغندي 🤷🏻♀️🤷🏻♀️
انت بقا في مصر عايز تضمه لييييييه ... بتتنيل تفتكس قواعد مخالفة لقواعد الاقتصاد كفيلة بتدمير الاصول لييييييه
" من ساعة ما اتنقلت تبعيته الادارية للحكومة في 2024 و هو محلوووو في عينهم و حاسين ان لسه عندنا قرشين ف حالفين يضيعوهم 😒 "
🔸ف يا باشا ضم الصناديق السيادية للموازنة معناها ان كمان 7 سنين من انهاردة " بمعادلة ميجان "
هيبقوا اصولنا = صفر 👌🏻👌🏻
📌 الافتكاسة التانية :
ننقلوا ملكية قناة السويس للبنك المركزي
في مقابل ان البنك المركزي يصفر ديون الحكومة لدي القطاع المصرفي
أراك توزع من مال أمك يا استاذ حسن بيه هيكل بيه 🙄
" هو لما شريف بيه اخوك حب مع جمال بيه اخو علاء بيه يوقعوا البورصة عن طريق التلاعب بأسهم شركة القلعة سنة 2024
و احمد الشيخ طردكوا كلكم من البورصة
ممنعتوش ليه
لما انت وطني كده
مقولتلوش ليه يا شريف بيه يا اخويا ان هدم البورصة في الوقت ده ممكن يجبر 60% من الاسهم علي السقوط و اعلان افلاس مؤسساتها 🤔 .. يا حسن بيه 🙄" اااه اهم حاجة الالقاب 🙄
ما عليناااا
سيادة الخبير الاقتصادي محضرش محاضرة وظائف و تخصصات البنوك المركزية .. كان قاعد في كافيتيريا اداب انجليزي 🙄
♦البنوك المركزية سعادتك مش من وظائفها تملم و ادارة الاصول في المطلق
اومال اييييه 🤔
هي ممكن تتملك اصول اااه .. لكن اصول مصرفية
يعني كده زي بنك الاستثمار القومي اللي عمال بيبيع حصصه في الشركات عشان الطروحات الجميلة و يسدد بيها ديون
وتحويله لمقاول 🙄
زي بنك القاهرة اللي هو مملوك لبنك مصر اللي هو مملوك للمركزي " عشان الموثئفين بتوع لاااا القاهرة مش حكومي 🙄"
انما البنوك المركزية لا تديييير اصول ابداااا
و ده ليييييه
لأن " يوهان بالمستروخ " الاقتصادي الهولندي اللي اسس فكرة البنوك المركزية و انشأها و تجربته كانت في السويد في بنك ستكهولم المركزي
قال 👈🏻 البنوك دي مينفعش تملك اصول الدول
لييييه 👈🏻 لأن البنك شغله تدوير الاموال بالبيع و الشراء " الاقتراض و الاقراض "
بالتالي وجود اصول الدول في القماشة دي ممكن يعرضها للخطر
ازااااي 👈🏻 ان البنك ممكن يفرط فيها علي امل استعادتها في عملية مصرفية جديدة
تقوم تحصل ظروف سياسية ما او اقتصادية ... فيفقد البنك المركزي قدرته علي استعادتها ...فيضيع الاصل 🤷🏻♀️🤷🏻♀️ | 55 |
| 15 | طب بصوا
لو ده جس نبض .. ف اطلعوا انفوه و قولوا عليه رأي فردي
و لو ده نوايا
ف نصيحة من مواطنة مصرية عندها استعداد تموت علي شاطئ القنال
مفيش مخلوق علي وجه الارض هيقرب من القنال
لا من جوا مصر و لا من برا مصر
للبيت رب يحميه و للقنال شعب يحميها 👌🏻👌🏻
هنزلكم بوست بتاريخ 13 يناير 2026
ردا علي اقتراح نفس الحرامي
بمقايضة قناة السويس مع الديون الداخلية و نقلها للبنك المركزي
دلوقت الحرامي عايز ينقلها لملكية خارجية
واضح ان التعليمات بتاعت اجندة القناة اتأخر تنفيذها و مستعجلين 🤷🏻♀️🤷🏻♀️ | 3 713 |
| 16 | 🔵 يعني ايه الواحد يفتح عينه الصبح علي اقتراح بيقول
نقايض قناة السويس بالديون
هو ديچاڤو عصر الخديوي اسماعيل ده هينتهي امتي
يعني الكابوس الجماعي اللي عايشين فيه ده هنصحي منه امتي
و ايه حسن هيكل الحرامي اخو الحرامي شريك الحرامية اللي بيقترح علينا
و كماااااان مستشار لرئيس الوزرا الحرااااامي
" ما تقوم يا جمال تنجدنا من اللي احنا فيه ده .. انت سيبتنا و مت لييييه يا جمال "
استغفر الله العظيم يارب
هيكفرونا 🤷🏻♀️🤷🏻♀️
🔘 طب يا حبيبي بمناسبة تسوية ماسبيرو اللي قارفنا بيها دي 👈🏻 نصبااااااية
" ما انا كنت متنيلة وساكتة .. بتنكشوني لييييه 🤷🏻♀️"
تسوية علي الورق
نقل مديونية ماسبيرو لمديونية علي وزارة المالية للخزانة العامة
و في مقابل النقل ده
وزارة المالية اخدت من ماسبيرو الاراضي و الاصول اللي بيملكها و عددها 44 اصل
قال اييييه غير مستغلة
منها اراضي في البحر الاحمر و 11 محافظة اخري
اجمالي الاراضي دي 18 مليار جنيه
ده كلام كدب طبعا و يشوبه الفساد من اوله لاخره
ارض البحر الاحمر لوحدهااااا تكسر ال 18 مليار جنيه دول
لأن المتر هناك بالدولار
و متحدد لها اسعار
الامتار القبلية 94 دولار
الامتار الداخلية 150 دولار
الامتار الساحلية 275 دولار
و سددنا لبنك الاستثمار القومي " ما هو بتاع الحكومة اصلا 🤷🏻♀️ "
و فكينا رهن الاسهم
مفيش حاجة اسمها كده اصلا
مفيش حاجة اسمها اسهم مرهونة
ده اجراء استثنائي بيحصل لوقت معين و بعدها بينتقل ملكية الاسهم للجهة المقرضة بضمان الاسهم حال تعثر المقترض في دورة مالية لا تتعدي 24 شهر
اسهم ايه اللي مرهونة من التمانينات
لو اصلا متمش اسبعادها من البورصة بعد 24 شهر رهنية يبقا فساد مالي 🤷🏻♀️🤷🏻♀️
▪ اسقاط الديون بقا عن المتحدة :
و هي المتحدة مديونة ليه اصلا 🤔
بس هو بالظبط
حضرتك ابنك مستلف من بنتك 1000 جنيه
و ابنك معاه موبايل تمنه 2000 جنيه
اخدت منه الموبايل و قولتله احنا خالصين كده .. انا هسدد لاختك ال 1000 جنيه
و هتتساوي دفتريا
" فاكرين لما قولتلكم في دين حكومي خفي بين مؤسسات الدولة يتعدي ال 5.2 تريليون جنيه
اهي دي جزء منها
لما تحصل تسوية للديون يبقا المفروض يحصل ايييييه محاسبيا 👈🏻 تدخل فلوس لخزانة الدولة
طب لما متدخلش فلوس و يقولك اسقطنا يبقا اللي حصل اييييه 👈🏻 تسوية دفترية .. علي الورق 👌🏻 "
صفقة مشبوهة تحت عنوان شريف
الهدف منها استيلاء وزارة المالية التي تعمل لحساب صندوق النقد
علي اصول ماسبيرو
لبيعها في برنامج الطروحات
لعدم تناسب قيمة كل الاصول الموجودة في البرنامج مع حجم الديون المطلوب سدادها 🤷🏻♀️🤷🏻♀️
♦خد بقا الخازوق الجديد من الصندوق :
يوم 18 اغسطس 2026
السادة مندوبين المراجعة بتاعت الصندوق مع مصر
حطوا توقعاتهم لشكل العام القادم
وفقا لكل المعطيات اللي قدامهم
و ابلغوا مصر بايه :
▪ الدولار وفقا للطلب عليه هيتأرجح بين 55 و 60 جنيه
▪ معدل النمو احنا كنا قولنا انه 3.2% في نهاية السنة المالية في 30 يونيو 2027
لأ احنا رجعنا في كلامنا
هو لن يتجاوز 2.4%
" عارف ليه يا بيه👈🏻 عشان صندوق النقد عارف انك معندكش ايرادات و ايراداتك هتقل اكتر بعد تنفيذ بيع الاصول "
▪ حجم الدين الخارجي بقا :
بعد الفرهدة و بيع الاصول و الطروحات و تملك الاجانب و تصدير العقار
و الالتزام في سداد الاقساط اللي عليك
في 1 يوليو 2027
حجم ديونك الخارجية هتبقا 177 مليار دولار ... و حجم الفوايد المطلوب منك سدادها في موازنة 2027 فقطططط 59 مليار دولار
مجابش سيرة الاقساط بقا و الودايع و خلافه
روحوا ربنا ينتقم منكم بحق جاه سيدنا النبي و يورينا فيكم نهاية اريل شارون
نشوف الدود و هو بياكلكم اجساد حية فيها الروح ... عشان نشفي غليلنا من اللي عملتوه في مصر
ف انا لاني كائن لا يثق في هذه الحكومة تمامااااا و بتهمها بالفساد و السرقة و الخيانة
و بعتبر كل كلمة او خبر هو جس نبض للشارع
و تمهيد العقول بمعاونة لجانهم و خدامينهم لفرض القرارات امر واقع
و بعدها بنلاقي المصيبة
اخااااف و اترعب من عودة هذا الاقتراح المشبوه
📌 هتقايضوا القناة مع مين يا حسن يا هيكل
مع الدياااانة
اللي هما البنك الدولي و الصندوق
و اللي هما ضامنينا عند كل الدائنين
و اللي هما بتوع روتشيلد
و بالمرة بقا تعينوا عليها ادارة من اسرائيل 🤔🤔
و نبيعوا اراضي البحر الاحمر و جنوب سينا للمستثمرين
و بالمرة نفرغ السويس بقا و نديها لمطورين عقاريين
و نرجع مقر قيادة الاركان الاسرائيلي في شرق القناة و نعلق صورة جولدا مائير .. زي قبل 73 كده
لما بقالنا 3 سنين بنصرخ كفاية قروض
كفاية ديون
الصندوق عاملك فخ
الصندوق بيجهز لاحتلال اقتصادي و تكبيل
اقطع علاقتك بيه و اطرده
شتمتونا و شهرتوا بينا و خضتوا في اعراضنا
و دول بينشروا طاقة سلبية و مرقعة فارغة اخرتها هباب زي ما وصلنا كده
هتقايضوا السد العالي امتي | 4 073 |
| 17 |  🔵 خووووش عليه يلااااااا
حلوة الجرجرة و التوريط ده
لأ و جديد 🤔
ده احنا هنسمع تهليل للافيونجية انما ايييييه للركب 🤷🏻♀️🤷🏻♀️
كماشة بنت لذينا من ايران و تركيا
يلااااا ادينا بنتفرج علي الحاضر اللي اصلا عندنا ماضي 😎😎 | 4 583 |
| 18 |  🔵 و بعد مقال طويل عريض للهجوم عليا في الجرايد
و السيد " ك " المجهول تأديبا ليا علي معارضتي للحكومة و انتقادي للفشل الاقتصادي
من سنة
سيادة الصحفي المخضرم بيغسل ايده و بيتسآل مصر رايحة علي فين
و في نهاية المقال بيقول للمجهول
جلال عامر الله يرحمه كان بيجاوب علي السؤال ده باجابة ثابتة 👈🏻 مسألتش ليه قبل ما تركب 🤷🏻♀️🤷🏻♀️
و الخدامين مقطعينه بقااااا
و نشر الروح التشاؤمية
و لازم يتسحب منه عضوية النقابة
لمجرد انه بيسرد واقع و بيرصد حال الشارع و بيصدر تحذير عاجل للرئيس و بيطالبه يلتفت للشعب حتي لا نذهب للمجهول🤷🏻♀️🤷🏻♀️
📌 انا مش شمتانة في حد و لا ده طبعي
بالعكس
اتمني ان حد يلتفت لتحذيراته .. خصوصا انه محسوب من المقربين جدااا
يعني فكرة ان الجميع اعدائكم دي فكرة مرضي نفسيين محتاجة علاج
اللي منكم بيقدم تحذيرات
يلااااا ربك بيجيب الحقوق لحد صحابها 😎😎 | 4 241 |
| 19 | 🔵 مساء الخير علي حضراتكم .. جمعة مباركة و بارك الله في ايامكم جميعا :
♦ #شرق_ليبيا:
📌 من يوم اغتيال مدير المخابرات العسكرية الليبية
و انا عارفة ان اللي ورا الاغتيال صدام حفتر
و مكنتش محتاجة براهين بالنسبة لي . لأنها موجودة :
▪ فوزي المنصوري كان بيتحرك داخل مسار حفتر العسكري
لكنه من مؤيدي توحيد ليبيا
و كان شايف ان التوحيد بناءا علي اخضاع الغرب عسكريا هيؤدي لحرب اهلية
و كان من داعمي المفاوضات
الكلام ده ضد افكار صدام و خالد حفتر
لأنهم شايفين ان يا اما الاخضاع العسكري او الانفصال هو اللي هيمكنهم من الحكم
لكن قدراتهم العسكرية اقل من مواجهة ميليشيات الدبيبة
لذلك هما مرتاحين لفكرة الانفصال
لأن لولا الانفصال مكنوش وصلوا للحكم و مكنوش سيطروا علي النفط و الدهب و بقوا مليارديرات 🤷🏻♀️🤷🏻♀️
▪ فوزي المنصوري كان ضد فكرة اعدام الخصوم السياسيين
او اعدام الناس اللي بتتحرك في اتجاه التوحيد اعلاميا .. او اللي بيتواصلوا مع الوسطاء الدوليين لمحاولة التقريب بين الشرق و الغرب
بعد اغتيال المنصوري
يوم الاتنين اللي فات المدعي العام العسكري الليبي ب اوامر من صدام حفتر نفذ حكم الاعدام بحق 10 مسجونين ليبيين .. و يوم الاتنين القادم ميعاد تنفيذ الاعدام بحق 14 سجين
🔹 التهم الموجهة لهم 👈🏻 اغتيال عسكريين و مدنيين و الاضمام لجماعات تعمل بالارهاب
لو ده الواقع
يبقا برافو علي المدعي العسكري
ده جزاء علي قدر الفعل
لكن المريب 👈🏻 ان المجلس الاعلي للدولة طالب المدعي العسكري بالكشف عن اسماء ال 10 اللي تم اعدامهم ... و رفض 🤷🏻♀️
كمان منظمة رصد الجرائم الليبية " و دي منظمة رسمية " طالبت بالاطلاع علي سير المحاكمات و التهم ومين هما اصلا اللي اتعدموا
و ايه القضايا اللي تم القصاص فيها لضحايا الارهاب
و بردوووو طلبهم قوبل بالرفض 🤷🏻♀️
ده حتي ال 10 جثث لم يتم تسليمهم لذويهم 🤷🏻♀️
♦ده بقا سياسيا ياخدنا لاتجاه تاني خالص:
ان اولاد حفتر بدأوا في مرحلة جديدة وهي تصفية اي معارض لهم
او اي شخص ينادي بتوحيد ليبيا
ف هنا اي جهود دولية او جهود وساطة للتوحيد .... هتبوء بالفشل
حتي لو تم عمل استفتاء شعبي
التصفية هي نظام ضغط ارهابي الشعوب متقدرش تواجهه 🤷🏻♀️🤷🏻♀️
و لو كان اصلا خليفة حفتر يهمه ليبيا و مصلحة ليبيا .. مش هيمكن ال 7 ابناء ابناءه من مفاصل الدولة و السيطرة عليها
ده سلوك لواحد احتل ليبيا ب اولاده و احتل مواردها
و ان قبيلة حفتر و حاشيته عايشة في رفاهية و بغددة
و اهل الشرق الليبي الفقر بينهشهم
ده مش واحد يمكن التفاوض معاه سياسيا
و تقوله مصلحة الوطن
وطن ايه و هو بيعد ابنه يخليه رئيس لدولة جديدة هيستولدها من رحم الانفصال 🤷🏻♀️🤷🏻♀️
المنطقي سياسيا دلوقت
انك تتعامل علي ظروف ليبيا علي انها امر واقع
لا السعران هو ولاده هيتنازلوا .. و لا المتغطي بالميليشيات هيتنازل
و اي طموحات عكس ذلك هو تضييع وقت
الشعب الليبي نفسه فاقد لقدرته علي اجبار الطرفين علي انقاذ دولتهم 🤷🏻♀️
ازمة ليبيا انهاردة بتتفاقم
لانها هتواجه سفاحين
من اجل الحكم و السيطرة علي الموارد عندهم استعداد يبيدوا الشعب
و لازم نتعامل مع الموقف زي ما هو كده
و نفهم ان الدبيبة بيتحكم في ميليشيات ارهابية قادرة علي افتعال حرب اهلية
و حفتر و ولاده اشتروا الجيش بالدهب
و القرار هياخده الشعب الليبي لما يقدر علي ده 👌🏻👌🏻 | 5 267 |
| 20 | 🔵 علي قناة سيما شغال فيلم اسمه ابو كرتونة
بتاع محمود عبد العزيز
عن شركة كسبانة و ربحانة
لكن رئيس مجلس الادارة و العضو المنتدب قرروا ينهبوها
راحوا قدموا رشوة للجنة مش عارف ايه كده عشان يعدموا كل البضاعة في المخازن
تحت مبرر انها غير صالحة للاستخدام الادمي
و هي اصلا العضو المنتدب مقرر يسرق المخزون
و رئيس مجلس الادارة
بعد ما الشركة طلعوها علي الورق خسرانة بقالها 3 سنين
جاب مستثمر " هيهيهيهيهيهي " يشتري الارض بتاعت الشركة و الماكينات
و اتاريه هو المستثمر
و معاه ناس تانية
هيشتروا ب مليون جنيه و قيمة الاصول 12 مليون جنيه
و البضاعة هتتسرق و قيمتها 3 مليون جنيه
و يحرقوا كراتين فاضية علي انها اعدام المخزون
♦المضحك ايه بقا :
موقفين :
▪ الاول : ان العمال معترضة ان الشركة تتصفي و تتباع و مش مصدقين انها بتخسر
ف الرد ايه 👈🏻 دي سياسة و قرارات دولة .. انتوا هتفهموا اكتر من الدولة " هيهيهيهيهي تانية "
▪ التاني : المهندسين المسئولين عن الانتاج و اللي مصممين ان الانتاج سليم
و اللي بيحصل فيه فساد و سرقة
مصيرهم ايه 👈🏻 اتقبض عليهم و اتلفق لهم تهمة سرقة ... و كمان اتعملهم زفة
و هو دول الوطنيين بتوع الوطنية و اصون بلادي ... اهم طلعوا حرامية " هيهيهيهيهي تالتة "
▪ لا في موقف تالت : السيد الوزير بيقول للعمال 👈🏻 شركتكم بتخسر بقالها 3 سنين
و موازنة الدولة لا تستطيع تحمل ذلك العبء
و لما نبيع اصول الشركة
هنجيب موارد مالية للموازنة " هيهيهيهيهيهي رابعة " 🙄
تقريبا انا مشوفتش الفيلم ده قبل كده
بس يعني كان بدي اوجه نصيحة للمخرج
لو كنت اختارت اسم تاني للفيلم 👈🏻 السيستم
كان هيبقا واقعي اكتر
سيستم الفساد المتوارث في بهية
و اللي بيقف ضد الفساد فيها بيتشهر بيه
📌 بس الامل في الفيلم
ان المظاليم مسابوش شركتهم تتباع
و وقفوا ضد الفساد
براڤو عليهم و الله 👏🏻👏🏻👏🏻
" ااااه كانت السكرتيرة حرامية و شريكة في الفساد و بتهلب بردو وشمال
و كانت موعودة بمنصب ... بتفكرني بواحدة كده 🤔🤔 "
جميلة و الله كلاسيكيات السينما المصرية دي يا ولاد 🤔 | 5 033 |
