ՀՀ ԱՍՀՆ/Ministry of Labor and Social Affairs of the Republic of Armenia

📌 2020-2023 թթ․ ընթացքում ԽՍՀՄ Խնայբանկի ՀԽՍՀ հանրապետական բանկում մինչև 1993 թ․ հունիսի 10-ը ներդրված դրամական ավանդների դիմաց փոխհատուցում է ստացել 25156 ավանդատու․ այս նպատակով պետբյուջեից հատկացվել է ավելի քան 5 մլրդ դրամ։ 2024 թ․ շուրջ 8000 անձի ավանդների փոխհատուցում տրամադրելու համար նախատեսվել է 1 մլրդ 500 մլն դրամ։ 🔻 Հիշեցնենք, որ ԽՍՀՄ Խնայբանկի ՀԽՍՀ հանրապետական բանկում մինչև 1993 թ․ հունիսի 10-ը ներդրված դրամական ավանդների դիմաց փոխհատուցում ստանալու իրավունք ունեն մինչև 1941 թ․ հունիսի 30-ը ծնված անձինք։

📌 Կարող եք փոխել Ձեր կենսաթոշակը կամ նպաստը վճարող բանկը տանից՝ առցանց դիմում ներկայացնելով։

✅ ԼՂ-ից բռնի տեղահանված հայրենակիցների կեցության և այլ ծախսերը հոգալու նպատակով նախատեսված ամսական 40+10 հազար դրամ սոցիալական աջակցության ծրագիրը շարունակվում է։

🤝 ԼՂ-ից բռնի տեղահանված անձանց մասնագիտական ուսուցման և աշխատանքով ապահովման պետական աջակցության ծրագրից այս պահի դրությամբ օգտվում է շուրջ 780 անձ։ Միասնական սոցիալական ծառայության տարածքային կենտրոններում շարունակվում է հայրենակիցների հաշվառման գործընթացը։ 📌 Հիշեցնենք, որ միջոցառման շահառու դառնալու համար ԼՂ-ից բռնի տեղահանված 16-ից 63 տարեկան անձինք կարող են դիմել ՄՍԾ տարածքային կենտրոն, որտեղ հաշվառվելուց հետո կարող են օգտվել առաջարկվող երեք բաղադրիչներից մեկից․ ✅ անցնել մասնագիտական ուսուցում, որից հետո ձեռք բերել աշխատանք, ✅ անցնել աշխատանքային փորձառություն, որից հետո՝ աշխատանք, ✅ անցնել մասնագիտական ուսուցում, որից հետո ձեռք բերել աշխատանքային փորձառություն և ապա՝ աշխատանք։

📌 Նոր հնարավորություն՝ աշխատանք փնտրողներին և գործատուներին․ նախատեսվում է գործարկել աշխատանք գտնելու e-work.am առաջին մասշտաբային պետական հարթակը Ներքին աշխատաշուկայի հնարավորությունները մեկտեղելու, հանրապետությունում առկա թափուր աշխատատեղերը հավաքագրելու և պետություն-գործատու-աշխատանք փնտրող կապն առավել անմիջական դարձնելու նպատակով՝ Աշխատանքի և սոցիալական հարցերի նախարարությունը գործարկում է e-work.am հարթակը։ 🔻 Հարթակից հնարավորություն կունենան ԱՆՎՃԱՐ օգտվել բոլորը՝ և՛ աշխատանք փնտրող անձինք, և՛ գործատուները․ վերջիններս կկարողանան ստեղծել իրենց անձնական էջը, աշխատանք փնտրողները՝ հրապարակել իրենց ինքնակենսագրականը, գործատուները՝ տեղադրել թափուր աշխատատեղերի հայտարարությունները, փնտրել ու գտնել ցանկացած մասնագիտության աշխատանք կամ աշխատակից:

🏠 Աջակցություն՝ բնակարանի հիփոթեքի մարման նպատակով, եթե ունեք երեխա կամ պլանավորում եք։

🏡 Սահմանամերձ գյուղական բնակավայրերում բնակապահովության պետական աջակցության ծրագրից օգտվում է ավելի քան 790 ընտանիք։ Միջոցառման շրջանակում քաղաքացիները հնարավորություն ունեն հիփոթեքային վարկավորմամբ կառուցել իրենց տունը սահմանամերձ գյուղական բնակավայրում՝ պետության աջակցությամբ՝ 16 մլն դրամի շրջանակում։ Ծրագրից օգտվելու համար անհրաժեշտ է՝ ✅ ունենալ գրանցված ամուսնություն Քաղաքացիական կացության ակտերի գրանցման գործակալությունում, ✅ ամուսիններից առնվազն մեկը պետք է ունենա Հայաստանի Հանրապետության քաղաքացիություն։ Միջոցառման շահառու կարող են դառնալ նաև ԼՂ-ից բռնի տեղահանված հայրենակիցները։

Մշակեք Ձեր հողատարածքն ու ստացեք աջակցություն պետությունից։ Սեզոնային զբաղվածության պետական աջակցության ծրագրից կարող են օգտվել նաև ԼՂ-ից բռնի տեղահանված անձինք։

🔻 Աշխատանքի և սոցիալական հարցերի նախարարության 114 թեժ գիծը մարտ ամսվա ընթացքում սպասարկել է 50,574 հեռախոսազանգ։

📌 Մինչև 2024 թ․ հունիսի 1-ը դիմելու դեպքում՝ ԼՂ-ից բռնի տեղահանված անձանց կենսաթոշակը կնշանակվի և գումարը կհաշվարկվի սկսած 2023 թ. հոկտեմբերի 1-ից։ Վերջնաժամկետի երկարացման վերաբերյալ որոշումն ընդունվել է՝ հաշվի առնելով այն, որ կան ԼՂ-ից բռնի տեղահանված հայրենակիցներ, ովքեր առայժմ չեն հասցրել հաշվառվել ՀՀ բնակչության վայրի հասցեով և դիմել կենսաթոշակի նշանակման համար։ Նախկին կարգավորումներով՝ սահմանված վերջնաժամկետը 2024 թվականի մարտի 11-ն էր։ 🔻 Հայրենակիցները կենսաթոշակի նշանակման առցանց դիմում կարող են ներկայացնել socservice.am կայքէջի «Մուտքագրել ԼՂ-ի կենսաթոշակառուին ՀՀ-ում կենսաթոշակի նշանակման դիմում» պատուհանում (հղում՝ https://online.ssa.am/index.php?r=site%2Findex-art)։