O'zbekistonda "Zakovat".
2001-yilda O'zbekistonda ilk intellektual o'yinlardan biri -
"Zakovat" paydo bo'lgan. Albatta, o'yin ruslarning mashxur
"ЧГК" teleo'yini asosida shakllangan. Umuman olganda O'zbekiston - ushbu teleo'yin
muntazam o'tkazib kelinadigan kam sonli davlatlardan biri hisoblandi.
Asoschisi -
Abdurasul Abdullayev.
Teleo'yin deyarli
chorak asrlik tarixga ega va shuncha yildan beri yashab kelayotgan
kam sonli ko'rsatuvlardan (menimcha, faqat "Axborot" ikkisi qolgan bo'lsa kerak) biri hisoblanadi.
Xo'sh, "Zakovat"ning bunchalik barhayotligi sababi nima?
1. O'zbekistonda intellektual o'yinga qiziquvchilarning ko'pligi - teleo'yin avvaliga "Yoshlar", keyinchalik "O'zbekiston" kanalida efirga uzatilgan. Keyinchalik "Milliy" kanaliga ko'chib o'tgan "Zakovat" ma'lum muddat
efirdan olib tashlanish xavfi ostida ham qolgan. Biroq, o'shanda
teleo'yinning asl muxlislari o'zini ko'rsatgan. Aynan jonkuyar
muxlislarning talablari bilan qayta tiklangan o'yin so'nggi 1,5-2 yil ichida yangidan-yangi cho'qqilarni zabt etib kelmoqda. Hatto ayrim oylarda
reytingi eng baland ko'rsatuv ham bo'lgan. Albatta, "Zakovat" o'z muxlislarini ham quruq qo'ymayapti. Xususan, bahorgi mavsum o'yinlari finalida eng yaxshi bilimdon deb topilgan nukuslik
Bahodir Qidirboyevning
62 mln (Ha, noto'g'ri o'qimadingiz, aynan 62 mln) so'm bilan taqdirlangani ham fikrimizni isbotlab turibdi.
2. Fundament borligi - postlarimizdan birida aytib o'tganimizdek, O'zbekistonda
sportcha "Zakovat" klubi teleo'yin negizida shakllangan. Boshqacha qilib aytganda, sportcha "Zakovat" teleo'yin uchun
akademiya vazifasini bajargan. Bu o'ziga xos tizim
yosh bilimdonlarni kashf etib borgan. Yoshlar, o'z navbatida,
"Bilimdon" yoki
"Urfon shou" kabi teleloyihalar orqali "Zakovat" teleo'yiniga ruhan tayyorlab borilgan.
Umid Yorqulov, Temur Madalimov, Gulsanam Roziqova, Bahodir Anorov, Abbos Salaydinov, Abdulaziz Sultonov kabi nomlar ana shu "akademiya"ning yorqin kashfiyotlari hisoblanadi.
3. O'yinning "tozaligi" - bundan bir necha yil ilgari, masalan,
"Intellektual ring" ko'rsatuvida ayrim o'yinchilarga
bir-ikkita savolning javobi berib qo'yilgani haqida
o'qigandim. Biroq
"Zakovat"da hech qachon bunday hol kuzatilmagan. Albatta, jamoalarga ularning darajasidan kelib chiqib
qiyinroq yoki osonroq savol berilishi mumkin. Biroq, hech qachon savollar
oldindan berib qo'yilmaydi. Mana shu "tozalik"
muxlislarning ishonchi va o'yinning shuncha yillardan beri yashab kelayotganining eng yirik omillaridan biri hisoblanadi.
4. Savollar - teleo'yinda, albatta sportcha "Zakovat"dan farqli ravishda
ma'lum bir sohada chuqur yoki o'ta faktik bilim talab qilmaydigan savollar o'ynaladi. Masalan, telezakovatda javobi
"Kilroy", "Streyzend effekti" yoki
"Cheksiz maymunlar nazariyasi" bo'ladigan savollar deyarli uchramaydi. Teleo'yin sifatida "Zakovat"
muxlislar va bilimdonlar orasidagi farqni maksimal darajada yaqinlashtiradi. Ya'ni, teleo'yin savollariga
ekran qarshisida o'tirgan muxlisda ham variant bo'ladi. Biroq, sportcha o'yin savollarning ba'zilari
muntazam shug'ullanib yurmaydigan yoki o'sha fakti bilmaydiganlarni esankiratib qo'yishi mumkin.
Biz aynan shu faktlar zakovatning barhayot ekaniga sabab deb bildik. Sizningcha, yana qanday omillar "Zakovat"ning bugunga qadar yashab kelishiga hissa qo'shmoqda?
@BogotZakovatKlub